https://www.tg-me.com/z_z313
قناتي الثاني للي يحب ينضم👆🏻

بالنسبة للي يشتري الديوان
عدنا مفاجأة الكم هاي السنة…
بس ادعولنا يصير عدنا مجال حتى نسويها الكم

خلال هاي الايام الديوان ينزل بالمكاتب
الي تشتري الديوان تبلغني على البوت هذا: @zainab_313bot

#ديوان_المغسل_بدمِ_الجراح
الجزء الثاني.

رحم الله من اهدى سورة الفاتحة لروح امي المرحومة خالدية جبار..

هذا حزنك..
طفّى روحي
واعتلت بضلوعي
لچمه
لاهي بضمادات تشفه
لامن بأيام تنسه
تبقى هيج..
تهدّم ضلوعي
وتكابر
وهذا طبع الروح
ماتكدر تصابر
وتبقى تتأمل
ابلكت يردون باجر...
وهي تدري ماكو رده...💔



-زينب الفياض.

شاركوني قصائدكم المفضلة.
@zain_313bot

.

صَلىٰ اللهُ عليكَ يَا أبا عَبدِ الله

شكراً مولاي..

قصيدة للنزول بعنوان (خيمة بصف خيمة)
-من ديوان المغسل بدم الجراح الجزء الأول


خيمه ابصف خيمه .. انصبن چن غيمة
جَنة بنص هيمة .. خيمة زينب وحسين
•———•———•———•
حسين دگ بأيده ثايه ..لخيمة اخته وخيمته
ونصّب العباس رايه... تفيي خيمة خيته
التمت بضلها بناته... وكل عمامه وعيلته
جوه فياهن ملتمين..خيمة زينب وحسين
•———•———•———•
خيمة الحرة واخوها...تطابگن ظهر بظهر
خيمة مرتچيه على خيمة...محد يحس بالخطر
ولو يميل الهوى الخيمة...بچفة يعدلها الگمر
تطيح چفوفي ومتطحين خيمة زينب وحسين
•———•———•———•
انصبت خيام الهواشم ... فخر كل هاي المله
خيمة الخوه الچبيرة .....انصبت بهذا الفله
من عگب ما صحره چانت... جنة صارت كربله
وبجنتهم مرزوقين .. خيمة زينب وحسين
•———•———•———•
زينب تلم الضعينه...وتصطف الوادم سره
عينها على عيال اخوها...وعل فواطم ناظره
جسدت كل المحنه... يا خلگ هاي المره
وبرحمتهم محفوفين .. خيمة زينب وحسين
•———•———•———•
لخادمات العليلة وأبيها
ضُحى سالم و زينب الفياض.
#النزول
#حصرياً
#زينب_الفياض

https://www.tg-me.com/zainab_alfayaad

ماعدنا غيرك يحسين..

الديوان متوفر حالياً في:
محافظة الناصرية عند:

مكتبة نور الزهراء الحبوبي 07808201784
.

محافظة البصرة:

مكتبة دار الزهراء بصره العشار استاذ احمد 07735651077 توجد خدمة توصيل
.
مكتبة الحكمه ابو عقيل 07709076591
.
مكتبة الدعاء العشار
استاذ حيدر
07709003077
.
محافظة بغداد:
مدينة الصدر سوق الگياره مكتبة الغدير 07711395580

شكراً للمبدعة الشاعرة شمس الضحى
♥️♥️

قصيدة لابا الفضل العباس بعنوان (گمر زينب)
من ديوان المنحور في الورى الجزء الثاني

بسم الله من اوداع عباس
وداعك مو سهل يحبس الأنفاس

•••••••••••••
يا گمر زينب انت و يا ضواها
حجي وداعك بالكلب چواها
نظراتك دفو بصيف وشتاها
حروفك مو سمع ياخويه تنباس
•••••••••••••
فرهدت العمر من رحت عني
وبگيت بحسرتي وآهي وني
فارگت الهوا بهل لحظة چني
يلچمني الحچي وي هاي الارجاس
•••••••••••••
ناديتك يخويه واسمع الصوت
زينب بعد عينك رادت تموت
طيف موادع يم جفني يفوت
وتضحك ع الجرح ياخويه هلناس
•••••••••••••
اجاني حسين بفراگك حضني
دريت بموتتك من شفته محني
يگول حسين اصوابك كتلــني
يهدم بالگلب يصواب عباس
•••••••••••••
عباس الگلب ما يحمل افراگ
تدري بالحنين بسرعة يشتاگ
تفزع للولي من هدمه ينباگ
لو حيلك يغدرك يابو الاحساس
•••••••••••••
تمت بعون الزهراء عليها السلام
بقلم خادمة العليلة وابيها
#زينب_الفياض
#حصرياً

https://www.tg-me.com/zainab_alfayaad

شكراً مولاي..

زِيارة عَاشوراء بِـ صَوت
المُلا مُحمَّد باقِر الخَاقاني!

رَتِّبوا شَتات أَرواحكُم..

انه بس خدمة ردت وما ردت مال…

#فزاعيات وهوسات يوم العاشر

اجاني المهر وحده ليش يحسين
انشدنــــه عليك ويهمل العين
معقولة طحت يا شمس السنين
ياروحي بــعد بــاچر تــغربين
(والوحدي اهنانه.... انه اكفل بناتك)
——
تره نار الخيم لاحت عبينه
شامت خويه يضحك من بچينه
اصيحن يابو فاضل ما تچينه
معقوله السبع مايفزعلــنه
(يلا طلعهون... صاحوا من خيمهن)
——
من احترگن خيمهم طلعت ام عون
عقيلة آل هاشم عــثرت شلون
صاحت يابو فاضل جونه يسبون
دخان الخيم عاميها العيون
(ماريدها عيوني....الما تنظر لأهلها)

——————
انطبرت والدمه سال اعله النگاب
وانصبغت الشيبه الجوه الحجاب
ندبت يا آل هاشم ماكو اجواب
بس ردوا عليه يطيح العتاب
(وابمحمل الناگه....انطبرت بنت علي)
———
شدوا على المعصم خويه الحبال
ومسبيه غداً بنت فاطمة گال
عيني اعله البنات وضايع البال
دموعي من تطيح اتهد الجبال
(وبحبال شدوها....ايد الهاشيمه)
————
ترضوها يخويه دموعي اتسيل
و الناگه الهزيله بــيه اتـــمــيل
انظر للشمر وبراسك ايــشيل
ظل حته الهوا بفراگك ايعيل
(كلشي سابيني....وحته افراكم)
———

تمت بعون تعالى وبركات الزهراء
بقلم خادمة الذبيح #زينب_الفياض
#العاشر

https://www.tg-me.com/zainab_alfayaad

https://www.tg-me.com/huusin_313

نكدر نوصل اليوم 2k ؟

بس ١٤ ونوصلل..