في درب المسير إلى مدينة كربلاء....
تتكلم مولاتنا الرباب مع طفلها عبدالله الرضيع تقول:

انتظرك ييمه تكبر بساع
حته عليه تهون الاوجاع
اخافن تروح بلايه الوداع
•———•———•———•
اريدك يغالي تنصر المظلوم
اليبقى بالصحاري بدون الهدوم
گلب امك يعبدالله مهموم
•———•———•———•
اريدك تنذبح فدوه للحسين
تفديله النحر يبني و السنين
ومو بس عمر ضحيله عمرين
•———•———•———•
عزيز هواي لحسين اعرفك
بيدي للسهم يصغير اسلمك
على صدر الحبيب يصير دفنك
•———•———•———•
يوليدي تضل لا غسل لا تكفين
احن الك يعبدالله وتهمل العين
مكتوب عليج يا روحي تصبرين
•———•———•———•
من ديوان المغسل بدم الجراح الجزء الأول
لخادمات العليلة وأبيها
ضُحى سالم و زينب الفياض.
#المسير

https://www.tg-me.com/zainab_alfayaad

قصيدة للنزول بعنوان (خيمة بصف خيمة)

خيمه ابصف خيمه .. انصبن چن غيمة
جَنة بنص هيمة .. خيمة زينب وحسين
•———•———•———•
حسين دگ بأيده ثايه ..لخيمة اخته وخيمته
ونصّب العباس رايه... تفيي خيمة خيته
التمت بضلها بناته... وكل عمامه وعيلته
جوه فياهن ملتمين..خيمة زينب وحسين
•———•———•———•
خيمة الحرة واخوها...تطابگن ظهر بظهر
خيمة مرتچيه على خيمة...محد يحس بالخطر
ولو يميل الهوى الخيمة...بچفة يعدلها الگمر
تطيح چفوفي ومتطحين خيمة زينب وحسين
•———•———•———•
انصبت خيام الهواشم ... فخر كل هاي المله
خيمة الخوه الچبيرة .....انصبت بهذا الفله
من عگب ما صحره چانت... جنة صارت كربله
وبجنتهم مرزوقين .. خيمة زينب وحسين
•———•———•———•
زينب تلم الضعينه...وتصطف الوادم سره
عينها على عيال اخوها...وعل فواطم ناظره
جسدت كل المحنه... يا خلگ هاي المره
وبرحمتهم محفوفين .. خيمة زينب وحسين

من ديوان المغسل بدم الجراح الجزء الأول
لخادمات العليلة وأبيها
ضُحى سالم و زينب الفياض.
#النزول

https://www.tg-me.com/zainab_alfayaad

نعي لسان حال العليلة حينما وصل ظعن الحسين الى كربلاء:

نزلوا بأراضي الغاضرية اهلي هاليوم
ما ردوا وياهم خذوني وگلبي مالوم
وديت مكتوبي وبعدها رويحتي تحوم
ادري بدربهم هذا مو درب السلامة
•———•———•———•
مودع بالله يالولي بهاي المسيرة
يل خذت كل العايلة وكل العشيرة
وروحي بگت بخلافكم مثل الاسيرة
واتنطر يعاود ضعن اهلي بتمامة
•———•———•———•
نصبوا خيهم والحزن خيم عليه
واستكثر عليه الدمع هاي المسيه
چنها بعد من هالسفر مامنها جيه
وابقى آنه اون لوحدي وروحي حزينة
•———•———•———•
يا حيرة الراحوا هله لديار غربه
ويساعد الله الماخذوه ويعين گلبه
لمن يون بغربته ويزيد نحبه
ياهو اليمسح دمعته وياهو اليعينه
•———•———•———•
يظل وحيد أبوي بيوم عاشور
تنگطع جفوف الكفل والمنحر
وعمتي تضل حايرة بالبر
تنادي وما تجيب عليها الخوان

من ديوان المغسل بدم الجراح الجزء الأول
لخادمات العليلة وأبيها
ضُحى سالم و زينب الفياض.
#النزول

https://www.tg-me.com/zainab_alfayaad

موجود حاليا في جميع مكتبات المحافظات

واليكم العناوين👇🏻

محافظة ذي قار الناصرية
ابو محمد الحبوبي قرب مرطبات تفاحه 07705504973
يوجد لديهم خدمة توصيل
.
ابو سجاد الحبوبي مقابل فرع سيد راضي 07807842023
مع خدمة توصيل
.
مكتبة نور الزهراء الحبوبي 07808201784
.
سوق الشيوخ مكتبة مله هاني
07801766808
.
الشطره سيد حيدر عمارة احمد طه قرب مسجد الحوراء زينب ع
07807884782
____
محافظة البصرة
مكتبة دار الزهراء بصره العشار استاذ احمد 07735651077 توجد خدمة توصيل
.
مكتبة الحكمه ابو عقيل 07709076591
.
مكتبة الدعاء العشار
استاذ حيدر
07709003077
.
الگرنه مكتبة الغدير الشيخ ابو احمد جبار لفته جامع الامام الرضا
07712668559
.
الزبير مكتبة ابو تيسير
07711719920
__
محافظة بغداد
الكاظمية المقدسة الحاج جاسم الخفاجي 07901813276
.
مدينة الصدر سوق الگياره مكتبة الغدير 07711395580
____
محافظة العمارة
مكتبة القلم 07712529427
____
محافظة الكوت
مكتبة محمد زوين
07711719920
____
محافظة السماوة
مكتبة علي حرجان 07832014076
____
محافظة بابل الحلة
مكتبة الحسن 07806772872
____
محافظة كربلاء مكتبة المنتظر سوق السرداب
07801127661
____
محافظة النجف مكتبة المجتبى علي جبرين سوق الحويش
07801198831
____

موشح لعلي الاكبر
لسان حال الحسين


علي الاكبر وسدو بـــــالحومه
گومي يازينب اسمعي اعلومه



گلبي زينب بعد مايحمل وجع
گومي شوفي الاكبر مخصب رجع
گلبي من اضلوعي احسنه طلع
من شفت منه تسيل ادمومه
-----------------------------------------------------،

شايله گوه بعد مابقه حيل
مودز ومن هامته دمه يسيل
السهام مگطعه اوصال الدليل
وگطعوها اوصال حته اهدومه
-----------------------------------------------------
خويه راح ابني الطمي وابچيله
حاير ومابعد باليد حـــيله
مگطع اوصالة شلون نشيلة
وليدي متغيرات حيل ارسومه
،-----------------------------------------------------
من العطش يا خيتي يبست شفته
موذر ومتعوب جبته لخيمته
دمومه تجري على الوجن من ضربته
روحي عل الأكبر صفت مهدومه

-----------------------------------------------------
تمت بعون الله بقلم خادمات الحسين
الشاعرة وروة الظالمي
الشاعرة #زينب_الفياض
تحت إشراف تجمع خادمات الذبيح

https://www.tg-me.com/zainab_alfayaad

#علي_الاكبر

سريعه
لعلي الاكبر

بعدك شباب ومن رحت
يايمه حيل اذيتني
-----------------------------------------------------


ياهو يداوي جروحي
سباح كلبي وروحي
عليك زايد نوحي
من دموم بجيتني

-----------------------------------------------------

يبني عليك تعودت
جاليش من ايدي رحت
بالوالده مافكرت.
بضيم وهضم خليتني
-----------------------------------------------------


---
توجع ييمه فرگتك
تبجي اعله جرحك عمتك
موذريك عيني شافتك
ماتن وياك اسنيني
-----------------------------------------------------
ماريد هالدنيا بعد
يغلي دليلي وما برد
اصيحك يمه وما ترد
و اعليك تربي عيني
-----------------------------------------------------
تمت بعون الله بقلم خادمات الحسين
الشاعرة ورود الظالمي
الشاعرة زينب الفياض
تحت إشراف تجمع خادمات الذبيح

https://www.tg-me.com/zainab_alfayaad

#علي_الاكبر

قصيده عن عبدالله الرضيع محاورة بين الرباب و العقيلة



نايم ابني ......   ماگعد من نومه

نايم ابني ......    وشحلات ارسومه

ليش اليه ماكعد    والله دلالي نمرد

-----------------------------------------------------،
اه يزينب جاوبيني شو سكت
حلكه يابس ماي جنك ماضكت
خبريني ليش دم نحره. يكت
جاوبيني يختي زينب مو متت

كوم ليه يالولد   حيل والدتك ركد

ليش ليه ماكعد   والله دلالي انمرد

-----------------------------------------------------

هذا عبدالله الج ياخيتي جبته
حرمله بسهم المثلث حز ركبته
وسال دمه بيد اخيي انه شفته
ياحسرته الي بدليله و ياهضمته

عينه اعلينه تصد. الولد رايح ومايرد

ليش ليه ماكعد والله دلالي انمرد

-----------------------------------------------------

ريت يا زينب سهمهم صابني
ولا يحز نحر الرضيع وحازني
شنهي يسوه العمر دون العافني
ريت سهمك يا وليدي لاحني

العطش فت الجبد .. وذبلت خدود الورد

ليش ليه ما كعد. والله دلالي نمرد

-----------------------------------------------------
خيه اصبري قدر الله وفعل
كاتبة الباري علينا هالعمل
عينج أعله الطفل ضلت بس تهل
وبعد بس ساعات ويضيع الشمل

خيه ويروح الحُسين....بعده ما تسوه السنين

ليش ليه ماكعد والله دلالي نمرد
-----------------------------------------------------
تمت بعون الله وبركات الزهراء (ع)
بقلم خادمات آل البيت (ع)
#وردة_الظالمي
#زينب_الفياض
تحت إشراف تجمع خادمات الذبيح

https://www.tg-me.com/zainab_alfayaad

#عبدالله_الرضيع

قصيدة ليلة الوداع

زينب الليلة تودع كل الإخوان
وتفكد اصحاب المحنة تزيد الأحزان
—————
زينب الحره العقيلة تنحب بعبره
نـار مابين الضلوع اليوم مستعره
غـاد من نار الخيام اتلوحنه جمره
ريـت لارض المدينة يردنه الـزمان
-----------------
بـاجر بفگـد الولي نتـعذب هـواي
وأذكـر أيـام المـدينة وأهلي وارباي
وباجـر شماله الدهر ياخذلي خياي
وابقى أجمـع بالأهـل مابين نيــران
-----------------
خويــه بـاجـر تنحـرك كل هاي الخيام
وأبقى وحيده محيره أجمع بالأيتام
وباجـر أيـام اليـــــسر اقساها الأيــام
ليش ياخويه عفتني بين عــدوان
———-
انظر لعينك واسولف واذكر الراح
باجر بهيمه نضيع ونسمع اصياح
ونسمع الشامت يكول حسينكم طاح
واسمع هاي بنت علي طبت الديوان
——-
من ترد من النهر صاير بيا حال
صعبة ياخويه اشوف الدمع همّال
ومن تروح انته يخويه انظر اشكال
وينكسر ظهر الظعن والسبي حان
——-
تمت بعون الله وبركات الزهراء(ع)
بقلم خادمات آل الحُسين (ع)
الشاعرة رقية علي
و #زينب_الفياض
تحت إشراف تجمع خادمات الذبيح
#الوداع

https://www.tg-me.com/zainab_alfayaad

نعي ليلة الوداع على طور *العاشوري*
^^^^^^^^^^^^^^^^^^^^
بس هليلة الحنين احنه...بـحماه
خل نكعد سويه ونحجي...ويـــاه
باجر تحدي بينه الغربه.... واعداه
^^^^^^^^^^^^^^^^^^^^
كعدنه بخيمة وحده يم...الحسين
يسولف والحزن بيّن على...العين
بده يوصي بينه ويعصر ...الجفين
^^^^^^^^^^^^^^^^^^^^
باجر وصية فاطمة ..... تـفــذيـــــهــا
وباجر دمعتج عل الوجن ..... تجريــها
انهض يخويه من التل ..... تصيحيــها
^^^^^^^^^^^^^^^^^^^^
باجر يخويه تمــشـن ... سبايا
وتشوفن كل أخوتجن ... ضحايا
واظلن على التربان وتزيد... الرزيا
^^^^^^^^^^^^^^^^^^^^
صبــرن يخــويه بـاجـر...تفكــدنا
وحقنــا بــاجــر أنـتـن...تثبتنــا.
وصبرجن يخويه أعلام...ثورتنا
^^^^^^^^^^^^^^^^^^^
تمت بعونه تعالى وبركات الزهراء(ع)
بقلم خادمات الحسين(ع)
الشاعرة رقية علي
و #زينب_الفياض
تحت إشراف تجمع خادمات الذبيح
#نعي
#الوداع

https://www.tg-me.com/zainab_alfayaad

هوسات للوداع

بعدك ما رحت يحسين واشتاگيت
بس عني ابعدت يا خويه الك حنيت
شلون عنك يخويه لو رحت وامشيت
اصبر لو اكابر والله انه احتاريت
( ومحتاره /// بفراگك خويه )

~~~~~~~~~~~~~~~

بفراگك يخويه تيهت السنين
اصدلك واكولن صدگ هذا حسين
تيهت الدروب وما اندل منين
انه حرمه وحيده والعدة صوبين
(موذرينه /// يا وسفة الوالي )

~~~
حاجيني يكافل باجر بالعقيلة شلون
نايم ع النهر والگوم وسفة بحيدر يسبّون
علينه هالزلم بالحجي يشمرون
هاي بت علي شو كلهم يصيحون
(تراضاها /// يالكافل بأختك)ك خويه )

~~~~~~~وكفت العقيلة تباوع بحيره
فكدكم يخوتي مصيبه جبيره
بنص عدوانكم ضليت وبحيره
عداكم يا هلي صيحولي الأسيره.
((ترضاها//أختك يسبوها))
~
تباوع العقيلة على الغالي
ها يحسين يا عزي ودلالي
يغالي يبو الأكبر يوالي
يا امي وابوي وكل حلالي
((بفراكك //أفكد كل غالي)).


تمت بعون تعالى وبركات الزهراء (ع)
بقلم خادمات الحُسين (ع)
رقية علي و زينب الفياض
تحت إشراف تجمع خادمات الذبيح
#هوسات
#الوداع

https://www.tg-me.com/zainab_alfayaad

قصيدة لأولاد مسلم على طور الميمر
بعنوان (ما من خبر)
فرفحت بالهيمه فگدت ويلادي
ما من خبر منهم يبرد افادي
•———•———•———•
مامن خبر يلفي وتهود روحي
اثنيناتهم من مشوا زيدوا نوحي
وليداتي صاروا سبب كل جروحي
ضاعوا و ما ظل هم عليّ ما سادي
•———•———•———•
ضيعت طفلين وبقيت اتعذب
مامش خبر يطفي دليلي اليلهب
و الخوف يلتم من يچل المغرب
و ما ادري وين بهيمه لو بالوادي
•———•———•———•
جابوا خبر منكم واجيت اتعثر
من سمعت طاريكم شلون اتصبر
گالولي مكتولين بديار الشر
ارض المسيب وين ها يالحادي
•———•———•———•
سل سيفه ما رفن برحمة عيونه
محمد و اخيه بقوا يتوّسلونه
كلمن يگله اذبحني آنه بدونه
وخليني اروح بگرب جدنا الهادي
•———•———•———•
من ديوان المغسل بدم الجراح الجزء الأول
لخادمات العليلة وأبيها
ضُحى سالم و زينب الفياض.

https://www.tg-me.com/zainab_alfayaad

هوسات لأولاد مسلم

بليل المصيبة ضاعوا اطفالي
متعوبة وفگدهم هضم دلالي
لا مرسال ولا طارش الي اجالي
(و محتارة /// بأولادي الضاعوا)
•———•———•———•
دوريت الخيم كلها وما شفتهم
خفت خيل العده داست ضلعهم
مدري وين هم وشنهي وضعهم
(مهضومة /// وزادت اهاتي)
•———•———•———•
بلكي ويلادي لحضني يعودون
متعوبة ملامح أمهم يشوفون
اصغار اعلى الهجر ومن الهيمه يخافون
(ماذيني /// يفراگ اولادي)
•———•———•———•
ياذي هواي يفراگ النحبهم
ابعاد عني و ما اندل دربهم
بــيا ديره ضيــعهم دهرهم
( بالهيمه /// تاهوا أطفالي )
•———•———•———•
من ديوان المغسل بدم الجراح الجزء الأول
لخادمات العليلة وأبيها
ضُحى سالم و زينب الفياض.

https://www.tg-me.com/zainab_alfayaad

قصيدة للأمام العباس (ع) لسان حال ابا عبدالله الحسين (ع) بعنوان (مسافاتي)

حينما سمع الإمام الحسين(ع) صوت أخيه ابا الفضل العباس(ع) وهو ينادي ادركني اخي يا حسين
فذهب الحسين مسرعاً الى مصرع العباس(ع) فيقول:

مدري الزمان الطال مدري مسافاتي
عيني على اخوي الطاح وعيني على اخياتي
•———•———•———•
كل خطوة حسبة عام نحو الشريعة
مو هو احس يا ناس روحي الصريعة
وسفة سهمهم صاب عينه الوسيعة
ومن طفه عينه وياه طفة حياتي
•———•———•———•
طال الدرب والحيل باد وگصدته
وعيونه من بعيد تربيلي شفته
صاحالي خويه وجيت اركض شبگته
كال العطش يا خوي نشف لهاتي
•———•———•———•
للمشرعة من امشيت صعبة عليه
وشفت الكفيل يلوج بأيد المنيه
مديت اديه وصاح مگطوعه اديه
اگعد ترى فرگاك ساعة مماتي
•———•———•———•
يا خويه رد وياي واحمل علمنه
فگدك يبعد الروح كلش هضمنه
ترضاها ارد وتشوف دمك حرمنه
وترضه العده يضربون عگبك بناتي
•———•———•———•
بدونك اذا رديت زينب شگلها
كلش كلف يا خوي فگد الكفلها
تدري بسكتك هاي يثگل حملها
ياذي فگد عباس وياذنها لجماتي
•———•———•———•
موتك صعب يا خوي يكسرلي ظهري
و متنطرة هاي الناس يعذبني دهري
حيلي خلص بجفاك يا روحي اصبري
ترضه العده يسمعون تتعاله وناتي
•———•———•———•
من ديوان المغسل بدم الجراح الجزء الأول
لخادمات العليلة وأبيها
ضُحى سالم و زينب الفياض.

https://www.tg-me.com/zainab_alfayaad