مولاتي العقيلة (ع) تتحدث مع أخيها الحُسين (ع) عن "سيدة الكون" الام الحنونة فاطمة الزهراء(ع) وعن الحادثة المؤلمة
تقول:

*شنو الياذيك كلي خويه يحسين*
*كسر ضلوعها لو سطرة العين *

:::::::::::::::::::::::::::::::::::
منو الياذيك اكثر خويه صفلي
وحده اشد من وحدة يگلي
من اصد للباب احس دلالي يغلي
و اذكر عصرة امي ولچمة البين
:::::::::::::::::::::::::::::::::::
شگلج خويه زينب عن المصاب
ذكرتي انتِ مصيبة دفعة الباب
كسر ضلوعها والدمع سچاب
كلهن يوجعني وزاد الونين
:::::::::::::::::::::::::::::::::::
شوصفلچ بعد يا خويه زينب
دلالي على امي نار يلهب
حدر يا فيّ بعد نلتم ونلعب
راحت من ادينه ام حضن الحَنين
:::::::::::::::::::::::::::::::::::
حسين يشوف اخيته تجري الدموع
وگلبها على الزهره شلون مفجوع
حضنها وگلها سكته موت الشموع
وتهز عرش الله خويه دمعة العين
:::::::::::::::::::::::::::::::::::
انه اشتاگيت لأمي خويه يحسين
اريد احضنها واشتم عطر ياسين
فگدها أذآني وكّبرني عمرين
بهتت دنيتي وماريد السنين
:::::::::::::::::::::::::::::::::::
بهتت دنيتي وعمري تبده
خمس اسنين بعده ما تعده
خلافج يمه بس دمعي اهده
عليچ ابچي واون يمتى تردين
:::::::::::::::::::::::::::::::::::
تمت بعون الزهراء(ع)
بقلم خادمات الحُسين (ع)
-ضُحى سالم
- #زينب_الفياض
تحت إشراف تجمع خادمات الذبيح
#فاطمة_الزهراء
#ماجورين
#قصائد

https://www.tg-me.com/zainab_alfayaad

ختمة قرآن يُهدى ثوابها لمولاتي فاطمة الزهراء صلوات الله عليها
والى ارواح امواتنا واموات المشاركين والى الشهداء والى جميع شيعة أمير المؤمنين.

من يود المشاركة 👇🏻
@zain_313bot

✅ مؤسسة بني هاشم عليهم السلام ✅

- انت ملاية..؟ 🎤🤔 بعد ابد ما تحتارين بالقصائد ✔️
كل الاطوار متوفرة والكلمات جنوبية نااار لا تعبرين 🔥👇

♦ https://www.tg-me.com/ksjkjensmm ♦


- للانضمام للدعم المراسله هنا { @daem50k }