ጥራዝ 1.pdf

ጥራዝ 2.pdf

ጥራዝ 3.pdf

ጥራዝ 4.pdf

የመዝሙር ግጥሞች በpdf የተዘጋጀ

ሠማይ ለዜና
ከቅዱስ መሠውያው ሠማይ ለዜና
ሠግደው የተነሱ ሠማይ ለዜና
ሙሽሪት ሙሽራው__ ሠማይ ለዜና
ፀጋውን ለበሱ__ ሠማይ ለዜና

እልልልልልልልልልልልል👏🏻👏🏻👏🏻👏🏻👏🏻👏🏻👏🏻👏🏻☘🌼🌺☘🌼🌺☘🌼🌺☘🌼🌺☘🌼🌺👏🏻👏🏻👏🏻👏🏻👏🏻👏🏻☘🌼🌺☘🌼🌺☘🌼🌺👏🏻👏🏻👏🏻👏🏻👏🏻👏🏻 ዝማሬ መላእክትን ያሠማልን

፡፡፡፡♥✿ ትዕግሥት 🌷
፡
፡
✍በጧት እንቅፋት የመታህ የማታ እንጀራ ልታገኝ ይሆናልና
ታገስ
ለሰው ልጅ አለማቀፈዊ የመለኪያ አሃዱ ትእግስት
ነው።ሰዎችን በገመትነው(ባሰብነው)ሙሉ ::ቆይቶ ደግሞ ጎደሎ
ሆነው የምናገኛቸው ያለመለኪያ አሃዳቸው እየለካናቸው
ነው።
ፈሳሽ በሌትር እንጅ በሜትር አይለካም የሰው መለኪያውም
እውቀት ገንዘብ መልክ ሳይሆን ትእግስት ነው።
ትግስተኛ ተሸንፎም ቢሆን ያሸንፋል እንጂ አይሸነፍም።ትእግስት
የማይናወጥ መሰረት ነው።
☞♦የትዳር ጉልላቱ ፍቅር ቢሆንም መሰረቱ ግን ትእግስት ነው።ፍቅር ያለትእግስት መኖር አይችልም።ትእግስት ግን ያለ ፍቅር መኖር ይችላል።
መሬትና ፀሃይ የትእግስተኛ ምሳሌዎች ናቸው።
ፀሃይ ከተፈጠረች ጀምሮ ብርሃኗን ከመስጠት አላቆመችም።አንድ ቀንም ግን አጉረምርማ ተናግራ አታውቅም።ስራዋን በዝምታ(በትዕግሥት) ትሰራለች።መሬትም ስንት ክፍ ሰው ተሸክማ አጉረምርማ አታቅም።
☞ እግዚአብሄርም ትእግስኛ ነው።ያ ባይሆን ኖሮ በጠፋን ነበር።ትእግስት የፍቅር ምርኩዝ ነው።ሲያረጅ የሚደግፈው ትእግስትን ነው።
✿ፍቅር አይመረምርም ትእግስት ግን ሁሉን ይፈትናል።
✿ፍቅር ይቀዘቅዛል።ትእግስት ግን ይሞቃል።
ፍቅር የፈረቃ ነው።ትእግስት ግን የዘወትር ነው
ያዘወተራትም ይድናል።ማቴ24፥12።
ፍቅር ያጣላል ትእግስት ግን አስታራቂ ነው።
✿ፍቅር ይሰበራል።ትእግስት ግን ይጠግናል።ትእግስት ማለት ማንነትን የሚአሳይ መስታውት ነው።ሰው ኃጢአቱንም ይሁን ጽድቁን ማየት የሚችለው በትዕግሥት ነው፡፡
✔ፍቅር በድንገት ይይዛል በምክንያትም ያዋድዳል።
ትእግስት ግን በልምምድ ያድጋል ደጅ ጥናትም ይጠይቃል።
ፍቅር ያናድዳል ይገላልም፤ትእግስት ግን የመፍትሄ መንገዶችን
ይጠቁማል።በዓለምላይብዙ ፍቅረኛሞች አሉ።ትእግስተኞች ግን
ጥቂቶች ናቸው።
ትእግስት ማለት የሰማእትነት ወተት ማለት ነው።ትእግስተኛ ሁሌ ሰራተኛ እንጅ የሰራውን አያፈርስ,ም።
ትግስተኛ ሰው ዛሬ ላይ ሆኖ ትናትን የሚአስታውስና
ነገን የሚአይ በተስፋ የተሞላ ሰው ነው።
፡ታገሽ ልብ የማይደፈር ምሽግ ነው፡፡
ይህ የምናየው ሰማይ ዉሃ ሲሆን የረጋው በትዕግሥት ነው፡፡
፡
ትዕግሥት ሁሉን ያሳልፋል
ከታገሱ የማያልፍ ነገር የለምና
.

፡
♥አሎሄ ኤሎሄ አሎሄ ብያለሁ
የመስቀሉን ፍቅር ከአንተ ተምሬአለሁ
ቢሰድቡኝ ቢመቱኝ ነጥቀህ ሂድ ቢሉኝ
አባት ሆይ ማራቼው ማራቼው አልኩኝ
.........ደጉ ሣምራዊን የለም የሚመስለው
በሸላቾቹ ፊት እርሱ ዝም ነው ያለው፡
የምታገስበት ልቡናን ስጠኝ
ያለፈው በአንተ አልፏል ነገን አስችለኝ
ነገን አስችለኝ፡፡፡፡
፡
፡
ታጋሹ ጌታ ለሁላችንም ትዕግስትን ያድለን፤ አሜን።
፡
ሰኔ/10/2012 ዓ/ም

ከዲያቆን ገብረክርስቶስ ካሳ

በመንፈሳዊ ሕይወትህ ለውጥ እንዲኖሮት ከፈለጉ


✝1ኛ የፀሎትን ህይወት ተለማመድ ተጠቀምበትም፣
✝#2ኛ ከመንፈሳዊ አባቶችና ሊቃውንት መ/ራን ምክርና ትምህርት አትራቅ
✝#3ኛ ከቅዱሳት መፃህፍት ጋር ያለህን ግንኙነት አዘውትር፣
✝#4ኛ የምትውልባቸውን ቦታዎች ፥የምታነባቸውን
መፃህፍት፥የምትመርጣቸውን ባልጀሮችህን ምረጥ፤ለመንፈሳዊ ህይወትህና ለሌሎች ወንድሞችህና እህቶችህ የሚያሰናክሉ እንዳይሆኑ ተጠንቀቅ፣

✝#5ኛ የእግዚአብሄር ቤተመቅደስ መሆንህን ዘወትር አትዘንጋ፣
✝#6ኛ ሃፍረትንና ፍርሃትን አስወግድ፥በራስህ ማስተዋልም
አትደገፍ፣
✝#7ኛ አላዋቂነትህን ተቀበል 'እኔ ብቻ' አትበል ውዳሴ ከንቱንም
አትፈልግ፣
✝#8ኛ ለሰራሃው ሃጢአት ሳትዘገይ ንስሃ ግባ፣
✝#9ኛ ልበ ደንዳናነትንና አመፀኛነትን ከአንተ አርቃቸው፣
✝#10ኛ እንደ እግዚአብሄር ፈቃድ ለመኖርና የቃሉ ሙላት
በውስጥህ ኖሮ ከክርስቶስ ጋር መኖርን ተለማመድ በቃሉም
ፀንተህ ተገኝ፣
✝#11ኛ የቅዱሳንን ተጋድሎና ፍቅር በመመልከት እነርሱን
ለመምሰል ትጋ፣

✝#12ኛ ከዚህ በፊት የነበርክበትን የሃጢአት ህይወት ኮንነው
✝#13ኛ ሰዎችን/ባልንጀራህን አፍቅር ከጥላቻም ራቅ፣
✝#14ኛ ነገርን ሁሉ ለበጎነው ብለህ ተቀበል። ጌታ ሆይ ይህን
እንድናደርግ እርዳን አሜን
ይቆየን::

ሼር ለማድረግ ይህንን ይጫኑ
╭══•|❀:✧๑♡๑✧❀|: ══╮
@yemariyam2121
╰══•ೋ•✧๑♡๑✧• ══╯

እኛ ማን ነን⁉️

✍በዲ/ን አሸናፊ መኰንን

👉ሰውዬው ድንኳን ሰባሪ ነው፡፡ ሁለት ቦታ የአቡዬ ድግስ እንዳለ ይሰማል፡፡ ሰዓቱ ሲደርስ እንደ ተጠራ ሰው የክት ልብሱን ለብሶ ይወጣል፡፡ የሁለቱም ድግስ የተለያየ ቦታ ነበር፡፡ ወደ አንደኛው እየሄደ ሳለ የዚያኛው ድግስ ቢበልጥስ ብሎ ተመለሰ፡፡ ወደዚያም ጉዞ እንደ ጀመረ የዚህኛው ምስር ሆኖ ያኛው ቁርጥ ቢሆንስ ብሎ እንደገና ተመለሰ፡፡ እንዲህ ሲያመነታ ሰዓቱ እያለፈበት ሄደ፡፡ በዚህ ጊዜ በመካከለኛ መንገድ ላይ ቆመና በጭንቀት ‹‹አቡዬ የዛሬን ብቻ ለሁለት ይሰንጥቁኝ›› ብሎ ጸለየ ይባላል፡፡
😁😁😁

🔵ዓለምንም እግዚአብሔርንም መያዝ አይቻልም፡፡ ሁለት አባሮም አንድ መያዝ አይቻልም፡፡ ሁለት እግር አለኝ ተብሎም ሁለት ዛፍ አይወጣም፡፡ አንዷ ብትጠፋ አንዷ ትዳን የምትባል ሁለት ነፍስም የያዘ የለም፡፡ ከካደው ይልቅ መሐል ሰፋሪው የመመለስ ዕድሉ የመነመነ ነው፡፡ ዛሬ አብያተ ክርስቲያናትን ያጣበቡ ‹‹ምንም ይሁን ሰላም ይስጠኝ እንጂ›› ብለው የመጡ ናቸው፡፡ ዛሬን እንቅልፍ መተኛት እንጂ ዘላለማዊ ሕይወት ማግኘት አይፈልጉም፡፡ ተባብረው ያድኗቸው እንጂ ፍጡርና ፈጣሪን፣ እግዚአብሔርንና ጠንቋይን አይለዩም፡፡ የሚያሳስባቸው ጉዳያቸው እንጂ የእግዚአብሔር ፍቅር አይደለም፡፡ ማዕዱን ትተው በፍርፋሪ ለመጥገብ የሚመኙ ሚና አጥተው ሁሉ ቦታ አሉ፡፡ ከቤታቸው ወጥተው ያሰቡበት አይደርሱም፡፡ ሁሉ ይጎትታቸዋል፡፡ የሚያዩት የሚሰሙት አፍዞ ያስቀራቸዋል፡፡ ለእነዚህ ሰዎች ክርስትና አቋም ሳይሆን ፋሽን ነው፡፡ ክርስትና ቃል ኪዳናቸው ሳይሆን በማንኛውም ጊዜ ሊተውት የሚችሉት ነገር ነው፡፡ የንስሓ ዝማሬ፣ ጸሎትና የተሰበረ ሕይወት ‹‹አይመቸንም›› ይላሉ፡፡ መቆዘም የማይፈልጉ ሁልጊዜ የግርግር ደስታን ከ‹‹ሃሌ ሉያ›› የተራቡ ናቸው፡፡

🔴ጌታ ስለ ጠፉት ሦስት ወገኖች ሲናገር አንደኛው ጠፊ ድሪሙ (ገንዘቡ) እቤት ውስጥ የጠፋ ነበር (ሉቃ 15÷8)፡፡ ዛሬም በቤቱ የጠፉ ብዙዎች ናቸው፡፡ ሳይድኑ ለማዳን የሚሰብኩ፣ መመራትን ሳያውቁ የሚመሩ፣ ግጥም ገዝተው የሚዘምሩ፣ የገዛ ድምፃቸው አስለቅሷቸው የሚወርዱ ብዙ የጠፉ ወገኖች ዛሬም በቤቱ አሉ፡፡

⚫️በድንበር ላይ የሚኖሩ ሕዝቦች ቋንቋቸው የተደባለቀ ነው፡፡ የንግድ ልውውጡም የደራ ነው፡፡ ሁለት አገር መሆናቸውን የሚያውቁት ፖሊስ ሲያዩ ነው፡፡ ዛሬም የድንበር ክርስትናን የሚገፉ፣ አንድ እግራቸው ዓለም፣ አንድ እግራቸው ቤተ ክርስቲያን የሆኑ ብዙዎች ናቸው፡፡ በሰማበት ጣዱኝ የሚሉ፣ ቋንቋቸው የተደባለቀ ሕዝቦች ዛሬም በቤቱ አሉ፡፡ ክርስትናቸውን የሚያስታውሱት ሰባኪ ሲያዩ ነው፡፡ ግን እኛ ማን ነን❓

🔶ከእስራኤል ልጆች የሮቤልና የጋድ ነገድ ዮርዳኖስን ተሻግረው መውረስን አልፈለጉም፡፡ ከሚወርድ ጅረት ጋር መታገልን፣ ኢያሪኮን ማፍረስን፣ ጠላትን መደምሰስን አልፈለጉም፡፡ በከነዓን ትይዩ መቀመጥን ፈለጉ (ዘኁ.32)፡፡ ውጤታቸው ግን ያለ ወንድሞቻቸው በበረሃ ተጠቅተው ቀሩ፡ ዛሬም ከክርስትናው ትይዩ አቅጣጫቸውን እያስተካከሉ የሚኖሩ፣ ዳር ዳር እየተጓዙ የሚቃርሙ ብዙዎች ናቸው፡፡ ውጤታቸው ግን እንዲሁ መና ሆነው መቅረት ነው፡፡ ላመኑበት ዋጋ ለመክፈል የሚፈሩ ለመኖርም ብቁ አይደሉም፡፡

🔻ጌታ፡- ‹‹ነገር ግን ይህን ትውልድ በምን እመስለዋለሁ? በገበያ የሚቀመጡትን ልጆች ይመስላሉ÷ እነርሱም ባልንጀሮቻቸውን እየጠሩ፦ እንቢልታ ነፋንላችሁ ዘፈንም አልዘፈናችሁም ሙሾ አወጣንላችሁ ዋይ ዋይም አላላችሁም ይሉአቸዋል ...›› (ማቴ. 11÷16-19) ብሏል፡፡

🔹ወንጌል ሲሰበክለት የእኔ አይደለም የሚል፣ ፍርድ ሲሰበክለት እግዚአብሔር አይጨክንም የሚል ትውልድ ምሳሌው ምንድነው? ቃሉን እንደ ኪኒን፣ መዝሙርን እንደ ዘፈን መለወጫ የሚጠቀም ትውልድ ምን ዓይነት ትውልድ ነው? እና ማን ነን? ማን እንደ ሆንን የምንጠየቀው ከውስጥ ነው፡፡ ደጁን ስናንኳኳ ማን ነው? ስንባል ‹‹እኔ ነኝ›› ካላልን የሚከፍትልን የለም፡፡ ‹‹እኔ ነኝ›› ማለት ካልቻልንም ሕይወት ደጇን አትከፍትልንም፡፡ ሰዎች ማን እንደሆኑ እናውቃለን እንላለን፡፡

ግን እኛ ማን ነን❓❓

@yemariyam2121

ሰይጣንን ማናደድ ከፈለግክ ዝም በል!"
~~~~share
አንድ ሁልጊዜ አብዝቶ የሚጨነቅ ሰው ነበር አሉ። ይህ ሰው ሁልጊዜ በእግዚአብሔር ፊት ለጸሎት ሲንበረከክ "እግዚአብሔር ሆይ ለምንድን ነው ይህ ሁሉ መከራ ጭንቀት ፈተና እኔ ላይ ብቻ የበዛው? ሰው ሁሉ ከጭንቀቱ ነጻ ስለሆነ እንደ እኔ ስላልሆነ ይስቃል ይደሰታል ዘና ብሎ ይበላል ይጠጣል።
እኔ ግን እጨነቃለሁ። ምንኛ እድለ ቢስ ሰው ነኝ። የእኔን ጭንቀት ውሰድና የሌላውን ስጠኝ። " እያለ ይናገራል።
ታዲያ በአንዱ ወቅት እግዚአብሔር ሰውየውን ለማስተማር ፈልጓልና ለአገሩ ሰው በሙሉ አንድ አዋጅ ትእዛዝ ይሰጣል።
"እያንዳንዱ ሰው በነገው እለት ያለበትን ችግርና ጭንቀት በሙሉ በሻንጣ አድርጎ ወደ ቤተ መቅደስ ይዞ እንዲመጣ" የሚል ነበር።
ታዲያ በነጋታው ሰው ሁሉ ጭንቀቱንና ችግሩን ግማሹ በትላልቅ ሻንጣ፤ ግማሹ በሶስትና አራት ሻንጣ ጥቅጥቅ አድርጎ፤ ውስኑ ደግሞ በሻንጣ በሻንጣ አድርጎ በመኪና ጭኖ፤ ሌላው ደግሞ
በሶስትና አራት ሻንጣ ሞልቶ ሶስትና አራት ሰው አሸክመው ይዘው መጡ።
ሲያማርር የነበረው ጭንቀታሙ ሰው ግን ጭንቀቱን በአንዲት ትንሽ ሻንጣ ነበር አንጠልጥሎ የመጣው፤
የሰውን ሁሉ በሻንጣ የታጨቀ ጭንቀትና ችግር ሲያይም ደነገጠ።
አረ እከሌም ያ ባለጸጋው ይሄ ሁሉ ጭንቀት ተሸክሞ
ነው እንዴ የሚሄደው ጭራሽ በመኪና ጭኖት መጣ። ያ በሰፈራችን በደስተኛነቱ የሚታወቀውስ በትልቅ ሻንጣ ተሸክሞት መጣ እያለ ደንግጦ ሲያይ ቤተመቅደሱ ግቢ ደረሰ።
ከዚያም ሁሉም ሰው ቤተመቅደሱ ግቢ እንደደረሱ እግዚአብሔር እንዲህ አለ "በሉ የያዛችሁትን ሻንጣ በሙሉ ቤተመቅደሱ በር ላይ ወስዳችሁ አስቀምጡ!" ሁሉም አስቀመጡ።
እግዚአብሔርም "በሉ አሁን ወደ ኋላ ሂዱ።" አለ። ሁሉም ሻንጣውን በሩ ላይ ትቶ ወደ ኋላ ሄዶ ቆመ።
በኋላም እግዚአብሔር "ሁሉም ሰው ወደ በሩ ሄዶ የፈለገውን ሰው ሻንጣ ተጋፍቶ የያዘውን የደረሰውን መርጦ ይውሰድ የወሰደው የያዘው ሻንጣ የእርሱ ይሆናል " አለ።
ሁሉም የተሻለውን ቀለል ያለውን ሻንጣ ለመውሰድ ተጋደለ። ያ አማራሪና የእኔን ጭንቀት ውሰድና የሌላውን ስጠኝ ሲል ዘወትር ሲያማርር የነበረው ጭንቀታሙ ሰውም እንደ ምንም ብሎ በብዙ
ተጋድሎ በግፊያው ወቅት እጅና እግሩ ተላልጦ የራሱን ሻንጣ ያዘ ብንን ሲል በሕልሙ ነው።
እግዚአብሔርም በሕልም እንደተናገረው ገባውና እንዲህ አለ
"ተመስገን ሌሎች የየራሳቸውን ሻንጣ ጭንቀት ይሸከሙ እኔም የራሴን ሻንጣ (ጭንቀት) እሸከማለሁ። ለካ አዳሜ ይሁን ሁሉ ጭንቀትና ችግር ተሸክማ ነው የምትዝናናው የምትደሰተው እኔ ታዲያ ከነሱ አንጻር ሳየው ለምን እጨነቃለሁ? ምኔ ተነካ?
አምላኬ ሆይ እስከ ዛሬ ላማረርኩህ የእኔን ውሰድና የሌሎችን ጭንቀት ስጠኝ ያልኩህ ባለማወቅ ነውና ይቅር በለኝ። ለካ ያሸከምከኝ በአቅሜ ነው። ከእንግዲህ በሁሉም ተመስገን የሚል ቃል እንጂ የማማረር ቃል ከአንደበቴ አይወጣም አለ።
=============//=============
እውነት ነው ማንም የሚፈተነው እንደየ አቅሙ ነው፤ መጽሐፍ ቅዱስ እንዲህ ይላል "ለሰው ሁሉ ከሚሆነው በቀር ምንም ፈተና አልደረሰባችሁም ነገር ግን ከሚቻላችሁ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው ትታገሱም ዘንድ እንድትችሉ ከፈተናው ጋር መውጫውን ያደርግላችኋል" 1 ቆሮንቶስ 10:13
ደግሞም ይህን አስተውሉ፦
"የትኛውም ብርቱ መከራችን ያልፋል። ማለፍ ስለፈለገ ሳይሆን ማለፍ የተፈጥሮ ሕግ ስለሆነና አሳላፊው ጌታ በዙፋኑ ስላለ ነው። እኛ ጋ የሚቆይበትን ጊዜ የሚወስነው ራሱ መከራችን አይደለም።
የጊዜ መቆጣጠሪያው ያለው በእግዚአብሔር እጅ ነው። ብረቱ በማቅለጫው ውስጥ ሲያልፍ እሳቱ በዝቶ እንዳይበትነው፣ አንሶ ለመቀጥቀጥ እንዳያስቸግር የተቆጣጣሪው እጆች ያሉት በመቆጣጠሪያው ማሽን ላይ ነው። መከራው በዝቶ እንዳይገድለን፣ አንሶ መማር ያለብንን ሳንማር እንዳንቀር የሚቆጣጠረው ያ የፈጠረን እጅ
ነው።
እነዚያ ሩኅሩኅ እጆች መከራችንን እየተቆጣጠሩት ነውና አንስጋ አናማርር በአንድ የታክሲ ጥቅስ ላይ እንዲህ ይላል።
ሰይጣንን ማናደድ ከፈለግክ ዝም በል! (አታጉረምርም)
ማጉረምረም የሰይጣን መሳሪያ ነውና፤

††† እንኳን ለኢትዮዽያዊው ጻድቅ አቡነ ተጠምቀ መድኅን እና ለእናታችን ቅድስት ማርታ ዓመታዊ የዕረፍት በዓል በሰላም አደረሳችሁ፣አደረሰን። †††

††† በስመ አብ ወወልድ ወመንፈስ ቅዱስ አሐዱ አምላክ አሜን! †††

††† አቡነ ተጠምቀ መድኅን †††

††† ጻድቁ የተወለዱት በአፄ ሱስንዮስ ዘመን በ1610 ዓ/ም ሲሆን ወላጆቻቸው #ወልደ_ክርስቶስና #ወለተ_ማርያም ይባላሉ:: ታሕሳስ 2 ቀን እንደ መወለዳቸው ክርስትና የተነሱት ጥር 11 ቀን ነበርና ካህኑ "ተጠምቀ መድኅን" አላቸው:: በምድረ #ጐጃም ከበቀሉ ታላላቅ #ቅዱሳን አንዱ የሆኑት አባ ተጠምቀ መድኅን ገና ከሕጻንነታቸው ጀምሮ #ጸጋ_እግዚአብሔር የጠራቸው ነበሩ::

ሕጻን እያሉ #ቃለ_እግዚአብሔር መማር ቢፈልጉም አባታቸው በግድ እረኛ አደረጋቸው:: እርሳቸው ግን በሕጻን ልባቸውም ቢሆን ቤተሰብን ማሳዘን አልፈለጉም::

ይልቁኑ ወደ በርሃ ይወርዱና አንበሳውን: ነብሩን: ተኩላውን ሰብስበው:- "በሉ እኔ ልማር ልሔድ ስለ ሆነ እስከ ማታ ድረስ ጠብቁልኝ" ብለው ለአራዊቱ አደራ ይሰጣሉ:: አራዊቱ ከበጉ: ከፍየሉ: ከላሙ ጋር ሲቦርቁ ይውላሉ:: ተጠምቀ መድኅን ደግሞ ዳዊቱን: ወንጌሉን ሲማሩና ሲጸልዩ ውለው ማታ ይገባሉ::

ተጠምቀ መድኅን በሕጻንነታቸው ቁርስና ምሳቸውን ለነዳያን በመስጠት በቀን አንድ ማዕድ ብቻ ይቀምሱ ነበር:: 23 ዓመት ሲሞላቸው ወደ #መርጡለ_ማርያም ሔደው መንኩሰዋል:: ከዚሕ ጊዜ በሁዋላ ለ37 ዓመታት:-

1.በፍጹም ተጋድሎ ኑረዋል
2.ራሳቸውን ዝቅ አድርገው አገልግለዋል
3.ከጐጃም እስከ ሱዳን ድረስ ወንጌልን ሰብከው በርካቶችን አሳምነው አጥምቀዋል (ካህን ናቸውና)
4."7" ገዳማትንና "12" አብያተ ክርስቲያናትን አንጸዋል::

††† ጻድቁ በተሰጣቸው መክሊት አትርፈው በ60 ዓመታቸው በ1670 ዓ/ም (በአፄ #ዮሐንስ_ጻድቁ ዘመን) ዐርፈዋል::
እግዚአብሔር የምሕረት ቃል ኪዳን የገባላቸው ሲሆን አጽማቸው ዛሬ #በጋሾላ_ቅዱስ_ጊዮርጊስ የእናቶች ገዳም ውስጥ ይገኛል::

††† ቅድስት ማርታ †††

††† እናታችን ቅድስት ማርታ በቀደመ ሕይወቷ እጅግ ኃጢአቷ የበዛ ሴት ነበረች:: እጅግ ቆንጆ መሆኗን ሰይጣን ለኃጢአት እንድትጠቀምበት አባበላት:: እርሷም ተቀበለችው:: በወጣትነት ዘመኗ በመልኩዋና በገላዋ በርካቶችን ወደ ኃጢአት ሳበች::

መጽሐፍ እንደሚል ለሁሉም ሰው የመዳን ቀን ጥሪ አለውና አንድ ቀን (በበዓለ ልደት) ወደ ቤተ ክርስቲያን ሔደች:: ዘበኛው ግን ሲያያት ተጸይፏልና አትገቢም አላት:: ተከራከረችው: ለመነችው:: ግን አልተሳካላትም:: ሰዓቱ የቅዳሴ ቢሆንም እርሷ እሪ አለች:: ለቅዳሴ የቆሙ ሁሉ በመታወካቸው ዻዻሱ ወጥቶ ገሰጻት::

ያን ጊዜ ነበር ወደ ልቧ የተመለሰችው:: በጉልበቷ ተንበርክካ መራራ ለቅሶን አለቀሰች:: ዻዻሱንም ተማጸነችው:- "እጠፋ ዘንድ አትተወኝ:: ወደ ጌታየ አድርሰኝ" አለችው:: ወዲያውም ወደ ቤቷ ሔዳ የዝሙት እቃዋን አቃጠለች:: ጸጉሯን ተላጨች:: ንብረቷን ሁሉ ለነዳያን አካፈለች:: ዻዻሱም ንስሃ ሰጥቶ ወደ ገዳም አሰናበታት::

ወደ ገዳም ገብታ: በዓት ተቀብላ: ጾምና ጸሎትን ከእንባ ጋር አዘወተረች:: ለ25 ዓመታት በፍጹም ተጋድሎ ከበዓቷ ሳትወጣ: አንድም ሰው ሳታይ ኖረች:: ከማረፏ በፊትም ብዙ ተአምራትን አድርጋለች::

††† የቅዱሳን አምላክ ለእኛም እድሜ ለንስሃ: ዘመን ለፍስሐ አይንሳን:: ከበረከታቸውም ያድለን:: †††

††† ሰኔ 3 ቀን የሚከበሩ ዓመታዊ የቅዱሳን በዓላት=
1.ቅድስት ማርታ ተሐራሚት
2.አቡነ ተጠምቀ መድኅን ጻድቅ (ኢትዮዽያዊ)
3.ቅዱስ ኢላርዮን ሰማዕት
4.ቅዱስ ኮርዮን ሰማዕት

†††ወርኀዊ በዓላት
1.በዓታ ለእግዝእትነ ማርያም ድንግል ወላዲተ አምላክ
2.ቅዱሳን ኢያቄም ወሐና
3.ቅዱሳን ሊቃነ ካህናት አበው (ዘካርያስና ስምዖን)
4.አባ ሊባኖስ ዘመጣዕ
5.አቡነ ዜና ማርቆስ
6.አቡነ መድኃኒነ እግዚእ ዘደብረ በንኮል

††† "አልሞትም: በሕይወት እኖራለሁ እንጂ::
የእግዚአብሔርንም ሥራ እናገራለሁ::
መገሠጽስ እግዚአብሔር ገሠጸኝ::
ለሞት ግን አልሠጠኝም::
የጽድቅን ደጆች ክፈቱልኝ::
ወደ እነርሱ ገብቼ እግዚአብሔርን አመሰግናለሁ::
ይህች የእግዚአብሔር ደጅ ናት::
ጻድቃን ወደ እርስዋ ይገባሉ::
ሰምተኸኛልና:
መድኃኒትም ሆነኸኛልና አመሰግንሃለሁ::" ††† (መዝ. 117:17-22)

††† ወስብሐት ለእግዚአብሔር †††

✝ እግዚአብሔርን መውደድ እንዴት ይገለጻል?

#1ኛ. ትእዛዛቱን በመጠበቅ

”ወእመሰ ታፈቅሩኒ ዕቀቡ ትእዛዝየ፤ብትወዱኝ ትእዛዜን ጠብቁ (ዩሐ፲፬÷፲፭)ጌታችን መድኀኒታችን ኢየሱስ ክርስቶስ መምህር ሆይ ማናቸይቱ ትእዛዝ ታላቅ ናት ? ተብሎ ለተጠየቀው ጥያቄ የሰጠው መልስ ጌታ አምላክህን በፍጹም ልብህ በፍጹም ነፍስህም በፍጹም አሳብህም ውደድ ታላቂቱና ፊተኛይቱ ትእዛዝ ይህቺ ናት ሁለተኛይቱም ይህችን ትመስላላች እርስዋም ባልንጀራህን እንደ ነፍስ ውደድ የምትለው ናት፡፡ በእነዚህ በሁለቱ ትእዛዛት ሕጉም ሁሉ ነቢያትም ጸኑ( ማቴ፳፪÷፴፮-፵) የሚል ነበር፡፡ ቅዱስ ጴጥሮስም ጌታውን ክዶ እንደማያውቀው ምሎ ተናገረ፡፡ጌታችንም አንዲት ጥያቄ ጠየቀው ትወደኛለህ” የሚል ቅዱስ ጴጥሮስም ጌታ ሆይ አንተ ሁሉን ታውቃለህ እንደምወድህም አንተ ታውቃለህ አለው ( ዩሐ፳፩÷፲፭፲፯) ሊቀ ሐዋርያት ቅዱስ ጴጥሮስ በዚያ ፍቅሩ ይቅርታን ተቀበለ፡በሐዋርያት ዘንድ የነበረውን ደረጃውን አስመለሰ፡፡

#2ኛ. እንደ ፈቃዱ መሄድ

የእግዚአብሔርን ፈቃድ የምናስቀድም ከሆነ ውስጣዊ ሰላም እናገኛለን፡ለማንኛውም ሥራ ወይኩን ፈቃድከ እንደ ፈቃድህ ይሁን ማለት ይገባል፡፡የራሳችን ፍላጎት ብቻ ማራመድ የለብንም፡፡ ሐዋርያው ቅዱስ ጳውሎስ በሮሜ ክታቡ ፰÷፳፰ ላይ እግዚአብሔርን ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናውቃለን” እንዳለ ፈቃደ እግዚአብሔርን በትዕግስት መጠባበቅ መሠረታዊ ጉዳይ ነው፡፡ፈቃደ ሥጋን እያስቀደምን አንድ እርምጃ ብንራመድ ሁለተኛ መራመድ አይቻልም፡፡ፍጻሜውም ጥሩ አይሆንም፡፡

#3ኛ. በፈተና መጽናት

ቅዱስ ያዕቆብ ወብፁዕ ብእሲ ዘይትዔገሣ ለእኪት እስመ ተመኪሮ ይነሥእ አክሊለ ሕይወት ዘአስፈዎሙ ፤በፈተና የሚጸና ሰው የተባረከ ነው፡፡ከተፈተኑ በኋላ ለሚወዱት ተስፋ ስለእርሱ የሰጣቸውን የሕይወት አክሊልን ይቀበላሉና”ይላል (ያዕ ፩÷፲፪) ቅዱስ ዩሐንስ አፈወርቅም ፈተና ከክርስቶስ ጋር አንድነትን የምንፈጥርበት የመንፈሳዊ ፍጽምና መሠረት ነው”ይላል፡፡ቅዱስ አውግስጦስም ሰዎች በመሆናችን በፈተና ወጥመድ መካከል ሆነን እጅግ አደገኛ የሆነ ሕይወትን እንመራለን ይላል፡፡ ከፈተና የሚወለድው ትዕግስት ፍሬው እጅግ ጣፋጭ ነው፡፡
ቅዱስ ያዕቆብም የእምነታችሁ መፈተን ትዕግስት እንዲያደርግላችሁ አውቃችሁ ልዩልዩ ፈተና ሲድርስባችሁ እንደ ሙሉ ደስታ ቍጠሩት” (ቍ፪) ይላል፡፡

#4ኛ. እስከ መጨረሻው በመታመን

ጌታችንም ለቅዱሳን ሐዋርያት በደብረ ዘይት ስለነገረ ምጽአቱ ሲያስተምራቸው እንዲህ አለ፡፡” ወዘሰ አዝለፈ ትዕግሥቶ ውእቱ ይድኀን ፤ እሰከ
መጨረሻው የሚጸና ግን እሱ ይድናል (ማቴ፳፬÷፲፫) ቅዱስ ዩሐንስም በራእዩ እስከ ሞት ድረስ የታመንህ ሁን የሕይወትንም አክሊል እሰጥሃለሁ” ይላል(ራእይ ፪÷፲ ሐዋርያው ቅዱስ ጳውሎስ“ በሃይማኖታችሁ እስከ ሞት ድረስ ጸንታችሁ ቆዩ እነሆ ሃይማኖቴን ጠብቄ ሩጫዬን ስለፈጸምኩ ከጌታዬ ከኢየሱስ ክርስቶስ እጅ የክብር አክሊል ተዘጋጅቶ ሲጠብቀኝ እመለከታለሁ” (፪ኛጢሞ፬÷፰፤ተአምረኢየሱስ ምዕ.124÷125) ክርስቲያኖች ምንም አይነት የቀና ሃይማኖት ቢኖረን በፍቅር ካልፈጸምነ ለጽድቅ እንደማንበቃ መታወቅ አለበት፡፡ዛሬ የአዳም ልጆች ሁሉ የተተበተቡባው የችግር መንገዶች ሁሉ በፍቅር በአንድ አሳብ በመሆን እግዚአብሔርን ቢጠይቁት መልስ ያገኛሉ፡፡በመጽሐፈ ኪዳን“ርዕሱን አእምሮ“የእውቀት ባለቤት የጥበብ መገኛ ሕያው እግዚአሔር በፍቅር እንድናገለግል ያስፈልጋል፡፡የቂመኛ የበቀለኛ ጸሎቱ ከእሾህ መሓል እንደወደቀ ዘር ነው፡፡እኛም በራሳችን የሃይማኖት ቁር ደፍተን ወገብ ልቡናችንን በንጽሕና ዝናር ታጥቀን ኃይለ መንፈስ ቅዱስን እንደ ሰይፍ መዘን የሕግ ሁሉ ፍጻሜ የሆነውን ፍቅርን እንደ ጽሩር ለብስን መንግሥቱን እንድንወርስ ፈጣሪችን ይርዳን !

#ሼር
___

#share #Join 👇👇👇

https://www.tg-me.com/yemariyam2121

ወዳጄ ሆይ መልካም ወዳጅ ትባል ዘንድ

እግዚአብሔር አምላክህን ካላወቅክና ካልመሰልከው በቀር ባልንጀራህን፣ ወንድምህን፤ እኅትህን ከዛም አለፍ ሲል እናትህን አባትህን ከዚህም ሲከፋ የገዛ ሚስትህን ጤናማ በሆነ መውደድ ልትወዳቸው አትችልም፡፡ ስለዚህ ወዳጄ ይህን እርከን ተከትለህ ወደ እውነተኛው ወዳጅነት እለፍ፡፡ “በእምነት ላይ በጎነትን፤ በበጎነት ላይ እውቀትን፤ በእውቀት ላይ ራስን መግዛትን፤ ራስንም በመግዛት ላይ መጽናትን፤ በመጽናትም እግዚአብሔርን መምሰል፤ እግዚአብሔርንም በመምሰል የወንድማማች መዋደድ፤ በወንድማማች መዋደድ ላይ ፍቅርን ጨምሩ” (2ጴጥ.1÷7) እንዲህ አድርጎ ራሱን በቅድስና ያበቃ ሰው ራሱን ከራስ ወዳድነት በጠራ መልኩ ይወዳል፡፡ ስለዚህም ባልጀራውንም መውደድ ለባልንጀራው መልካም ወዳጅ መሆን ይቻለዋል፡፡

ልብ ብለህ አስተውል

#አትመኝ፦ እንደ አዳም የዲያብሎስ ባሪያ ትሆናለህ፡፡ ዘፍጥ 3÷1-8

# አትቅና፦ እንደ ቃየል ወ ንድምህን ትገላለህ፡፡ ዘፍጥ 4÷1-

#አትስከር፦ አዕምሮ አሳጥቶ የማይገባ ሥራ ትሠራለህ፡፡
ዘፍጥ 19÷30-38

# ዓለምን አትመልከ ት፦ እንደ ሎጥ ሚስት የጨው ዐምድ
ሆነህ ትቀራለህ፡፡ ዘፍጥ 19÷22-23

#በአባትህ አትሳቅ፦ እንደ ካም ትረገማለህ፡፡ ዘፍጥ 9÷20
#እልከኛ አትሁን፦ እንደ ፈርዖን ትሰጥማለህ፡፡ ዘፀ 14÷28
# በሐሰት አትመስክ ር፦ እንደ ሐማ ባዘጋጀኸው ጉድጓድ
ትገባለህ፡፡ መጽ.አስቴ 7÷1
#ትዕቢተኛ አትሁን፦ እንደ ሰናክሬም ትወድቃለህ፡፡ 2ነገ
19÷35
#ክፉ ባልንጀራን አትያዝ፦ እንደ ሶምሶን በጠላት እጅ
ትወድቃለህ፡፡ መጽ.መሳ 16÷15

#አትዘሙት፦ እንደ ሰሎሞን አምላክህን አስረስቶ ጣዖትን
እንድታመልክ ያደርግሃል፡፡ 1ነገ 11÷1-8
#ሥልጣንን አትውደድ፦ እንደ አቤሴሎም በአባትህ ላይ
ትነሣለህ፡፡ 2ነገ ሳሙ 15÷13-17
ገንዘብን አትውደድ፦ እንደ ይሁዳ ጌታህን ያስክድሃል፡፡ ማቴ
26÷14÷16
ወስብሐት ለእግዚአብሔር ወለወላዲቱ ድንግል ወለመስቀሉ
ክቡር አሜን!!!

✥✥✥✥✥✥✥✥✥✥✥✥✥✥✥✥
ሼር SHARE

@yemariyam2121
❖❖❖❖❖❖❖❖

በስመአብ ወወልድ ወመንፈስ ቅዱስ አሀዱ አምላክ አሜን።

#ሰው_ሆይ_አስተውል

የምናስተውል ካለን መጽሐፍ ቅዱስ እንዲህ
ይለናል።

🌿❤️~ : በሚሞት ስጋችሁ ሐጢያት አይንገስ
ብልቶቻችሁን የፅድቅ የጦር ዕቃ አድርጋችሁ ለእግዚአብሔር አቅርቡ (ሮሜ 6፥12-14)

🌿❤️~ : ከሴት ጋር አለመገናኘት መልካም ነው ካልተቻለ ዝሙትን ለመከላከል በአንድ ይፅና ከዚህ ውጭ ጉዞ ወደ እሳት ነው (1ኛ ቆሮ 7፥1)

🌿❤️~ : ማንም የእግዚአብሔርን ቤተ መቅደስ ቢያፈርስ እግዚአብሔር እርሱ ያፈርሰዋል ቤተ መቅደሱም እናንተው ናችሁ (1ኛ ቆሮ 3፥17)
ስንቶቻችን ነን የእግዚአብሔር ቤተ መቅደሶች እንደሆንን የምናውቀው?

🌿❤️~ : ሴቶች በሚገባ ልብስ ከእረፍትና ራሳቸውን ከመግዛት ጋር ሰውነታቸውን ይሸፍኑ (1 ኛ ጢሞ 2፥9)

🌿❤️~ : የወንድ ልብስ የለበሰች ሴት በአምላክ ዘንድ…የተጠላች ናት (ዘዳ 22፥5; ዘፀ 39፥28)

🌿❤️~ : ፀጉሯን ሳትሸፍን የምትፀልይ ሴት እራሷን ያዋረደች ናት(1ኛ ቆሮ 11፥5)

🌿❤️~ :…የወይን ጠጅ ከሚጠጣ ጋር አትቀመጥ (ምሳ 23፥20)

🌿❤️~ : ዘፈን የሰነፎች ዜማ ነው (መክ 7፥5)

🌿❤️~ : በዛም አጋንንት ይዘፍናሉ (ኢሳ 13፥21)

ስንቶቻችን ነን እነዚህን የእግዚአብሔርን ቃላት እየጠበቅን ያለነው?

#ሠምተን_ለመለወጥ_ያብቃን_የተግባ_ሰው_ይበለን።


#ወስብሐሃት _ለእግዚአብሔር!!

ዕውቀት የሚባለው የገዛ ራስን ሲያውቁ ነው፡፡ ራስን አለማወቅ ከለየለት ዕብደት እጅግ የከፋ ነውና፡፡ ምክንያቱም የለየለት ዕብደት የሚባለው ሳይወዱና ሳይፈቅዱ የሚመጣ በሽታ ሲኾን ራስን አለማወቅ ግን ወደውና ፈቅደው የሚያብዱት ዕብደት ነው፡፡

ቅዱስ ዮሐንስ አፈወርቅ

“እምነት አለኝ” ብሎ ምግባር የሌለው ሰውና፥ “ምግባር አለኝ” ብሎ እምነት የሌለው ሰው እኩል ናቸው፤ ኹለቱም መንግሥተ ሰማያት አይገቡም፡፡
ስለዚህ “እምነት አለን” ብለን ልል ዘሊላን አንኹን ብዬ እማልዳችኋለሁ፡፡ መጽሐፍ ቅዱስም እንዲህ ይላልና፡- “በሰማያት ያለውን የአባቴን ፈቃድ የሚያደርግ እንጂ፥ ጌታ ሆይ፥ ጌታ ሆይ፥ የሚለኝ ሁሉ መንግሥተ ሰማያት የሚገባ አይደለም” (ማቴ.7፡21)፡፡
ስለዚህ እምነት እንደሌላቸው ሰዎች ከመንግሥተ ሰማያት ውፁአን እንዳንኾን የእግዚአብሔርን ፈቃድ ነቅተን እንሥራ፡፡ ምግባር ትሩፋትን ተግተን እንሥራ፡፡ አምነን ልጅነትን ከተቀበልን በኋላ ልጅነታችንን አጽንተን የምንጠብቀው፣ ርስቱንና መንግሥቱንም የምንወርሰው ይህን ያደረግን እንደ ኾነ ነውና ነቅተን እንሥራ፡፡
እኛ ሥራ ሠርተን አንበቃምና ጽዋ ተርታችን ዕድል ፈንታችን ይህ ይኾን ዘንድ ከባሕርይ አባ ከአብ፣ ከባሕርይ ሕይወቱ ከመንፈስ ቅዱስ ጋር ጌትነቱ፣ ኃይሉና ክብሩ አንድ የሚኾን ጌታችንና መድኃኒታችን በቸርነቱና ሰውን በመውደዱ ይርዳን፤ እስከ ዘለዓለሙ ድረስ አሜን!!!