"የያዕቆብ ሌሊት ያድርግላችሁ!"
ስንል ምን ማለታችን ነው?
✝✝✝✝✝✝✝✝✝✝✝✝
///////////////////////////

✍ ብዙ ጊዜ ሰዎች በተለይ እኛ ክርስቲያኖች
ማታ ልንተኛ ስንል ወይም በሰላም እደሩ ከተባባበልን በኋላ "የያእቆብ ሌሊት ይሁንላችሁ" ወይም "የያእቆብ ሌሊት ያድርግላችሁ" እንባባላለን ።ይህ አባባል ከየት መጣ?

በልምድ ወይስ በመጽሐፍ ቅዱስ ይታወቃል?

✍
ቃሉ ሙሉ ለሙሉ መጽሐፍ ቅዱስን መሰረት ያደረገ ነው ።ሁላችንም እንደምናውቀው ቤተክርስቲያን የሁሉም ነገር መሰረቷ መጽሐፍ ቅዱስ ነው ።በዚህም መሰረት የአባታችን የአብረሐም የልጅ ልጅ ፤የአባታችን የይስሐቅ ልጅ የሆነው አባታችን ያዕቆብ በቤተክርስቲያን ሰፊ ምስጢር ያዘሉና ሰፊ ትምህርት የያዙ ሁለት ታሪኮች አሉት ።እኔ ግን አሁን ላነሳሁት ርዕስ የሚሆነውን ብቻ መርጬ አስቀምጣለሁ ።
✍
ሁለቱ የያዕቆብ ያማሩ ሌሊቶች
*******
#1አንደኛውን የያዕቆብ ሌሊት የምናገኘው በኦሪት ዘፍጥ 28:1-22 ላይ ነው።

ታሪኩን በአጭሩ ለመግለጽም ኤሳው ለያዕቆብ ብኩርናውን ከሸጠ በኋላ ይስሐቅ አባታቸው ያዕቆብን ባረከው ።በዚህ ምክንያት ኤሳው በዚህ በጣም ተቆጣ እናቱና አባቱ የወንድሙ ቁጣ እስኪበርድ ድረስ ያዕቆብን ከካራን ወደ ቤርሳቤህ ወደ አጎቱ ቤት ሰደዱት።

#ያዕቆብ በመንገድ ላይ ምን አጋጠመው ?
ያንን ቆንጆ የተቀደሰ ሌሊትን አገኘ።
=>1ኛው የያዕቆብ ሌሊት
(ዘፍጥ 28:1-22)

*ወደ አንድ ስፍራም ደረሰ፥ ፀሐይም ጠልቃ ነበርና ከዚያ አደረ፤ በዚያም ስፍራ ድንጋይ አነሣ፥ ከራሱም በታች ተንተርሶ በዚያ ስፍራ ተኛ።

*ሕልምም አለመ፤ እነሆም መሰላል በምድር ላይ ተተክሎ፥ ራሱም ወደ ሰማይ ደርሶ፥ እነሆም የእግዚአብሔር መላእክት ይወጡበት ይወርዱበት ነበር።

* እነሆም፥ እግዚአብሔር በላይ ቆሞበት ነበር፥ እንዲህም አለ። የአባትህ የአብርሃም አምላክ የይስሐቅም አምላክ እኔ እግዚአብሔር ነኝ፤ ይህችን አንተ የተኛህባትን ምድር ለአንተም ለዘርህም እሰጣለሁ፤

* ዘርህም እንደ ምድር አሸዋ ይሆናል፤ እስከ ምዕራብና እስከ ምሥራቅ እስከ ሰሜንና እስከ ደቡብ ትስፋፋለህ፤ የምድርም አሕዛብ ሁሉ በአንተ በዘርህም ይባረካሉ።

*እነሆም እኔ ከአንተ ጋር ነኝ፥ በምትሄድባትም መንገድ ሁሉ እጠብቅሃለሁ፥ ወደዚችም ምድር እመልስሃለሁ፤ የነገርሁህን ሁሉ እስካደርግልህ ድረስ አልተውህምና።

* ያዕቆብም ከእንቅልፉ ተነሥቶ። በእውነት እግዚአብሔር በዚህ ስፍራ ነው፤ እኔ አላወቅሁም ነበር አለ።

*ፈራ፥ እንዲህም አለ። ይህ ስፍራ እንዴት ያስፈራ፤ ይህ ስፍራ የእግዚአብሔር ቤት ነው እንጂ ሌላ አይደለም፤ ይህም የሰማይ ደጅ ነው።

*ያዕቆብም ማልዶ ተነሣ፥ ተንተርሶት የነበረውንም ድንጋይ ወስዶ ሐውልት አድርጎ አቆመው፥ በላዩም ዘይትን አፈሰሰበት።

*ያዕቆብም ያንን ስፍራ ቤቴል ብሎ ጠራው፤ አስቀድሞ ግን የዚያች ከተማ ስም ሎዛ ነበረ።

* ያዕቆብም እንዲህ ብሎ ስእለት ተሳለ። እግዚአብሔር ከእኔ ጋር ቢሆን፥ በምሄድባትም በዚች መንገድ ቢጠብቀኝ፥ የምበላውንም እንጀራ የምለብሰውንም ልብስ ቢሰጠኝ፥
*ወደ አባቴ ቤትም በጤና ብመለስ፥ እግዚአብሔር አምላኬ ይሆንልኛል፤
✍
#2ኛው የያዕቆብ ያማረ ሌሊት የምናገኘው
ላይ ነው ።
ታሪኩ በአጭሩ ያዕቆብ በአጎቱ ቤት ራሔልን በሚስትነት ለማግኘት 14 አመት አገልግሏል ።
በመጨረሻ ግን ያዕቆብ ወደሀገሩ ተመለሰ ።
✍
#ያዕቆብ በመንገድ ላይ ምን አጋጠመው?

2ኛውን ያማረ የያዕቆብ ሌሊትን አገኘ
(ኦ ዘፍጥ 32:1-32)
*ያዕቆብም መንገዱን ሄደ፥ የእግዚአብሔር መላእክትም ተገናኙት።

*ያዕቆብም ባያቸው ጊዜ። እነዚህ የእግዚአብሔር ሠራዊት ናቸው አለ።
.
.
*በዚያች ሌሊትም ተነሣ፥ ሁለቱን ሚስቶቹንና ሁለቱን ባሪያዎቹን አሥራ አንዱንም ልጆቹን ወስዶ የያቦቅን ወንዝ ተሻገረ።

*ወሰዳቸውም ወንዙንም አሻገራቸው፥ ከብቱንም ሁሉ አሻገረ።

*ያዕቆብ ግን ለብቻው ቀረ፤ አንድ ሰውም እስከ ንጋት ድረስ ይታገለው ነበር።

*እንዳላሸነፈውም ባየ ጊዜ የጭኑን ሹልዳ ነካው፤ ያዕቆብም የጭኑ ሹልዳ ሲታገለው ደነዘዘ።

*እንዲህም አለው። ሊነጋ አቀላልቶአልና ልቀቀኝ። እርሱም። ካልባረክኸኝ አልለቅቅህም አለው።

*እንዲህም አለው። ስምህ ማን ነው? እርሱም። ያዕቆብ ነኝ አለው።

*አለውም። ከእንግዲህ ወዲህ ስምህ እስራኤል ይባል እንጂ ያዕቆብ አይባል፤ ከእግዚአብሔር ከሰውም ጋር ታግለህ አሸንፈሃልና።

* ያዕቆብም። ስምህን ንገረኝ ብሎ ጠየቀው። እርሱም። ስሜን ለምን ትጠይቃለህ? አለው። በዚያም ስፍራ ባረከው።

*ያዕቆብም። እግዚአብሔርን ፊት ለፊት አየሁ፥ ሰውነቴም ድና ቀረች ሲል የዚያን ቦታ ስም ጵኒኤል ብሎ ጠራው።

* ጵኒኤልንም ሲያልፍ ፀሐይ ወጣችበት፥ እርሱም በጭኑ ምክንያት ያነክስ ነበር።

*ስለዚህም የእስራኤል ልጆች እስከ ዛሬ ድረስ የወርችን ሹልዳ አይበሉም፤ የያዕቆብን ጭን ይዞ የወርችን ሹልዳ አደንዝዞአልና።
✍
እነዚህን አይነት ሌሊቶች ቢያገኝ የሚጠላ አለ?ኧረ ከኔ ጀምሮ የለም ።
✍👇👇👇👇👇👇👇👇
👉 @yemariyam2121 👈
👉 @yemariyam2121👈
👉
👆 👆👆👆👆👆👆👆💔
ስለዚህ ለሁላችሁም እግዚአብሔር የያዕቆብ ሌሊት ያድርግላችሁ!

በሰላም እደሩልኝ!

ወስብሐት ለእግዚአብሔር ወለወላዲቱ ድንግል ወለመስቀሉ ክቡር ።

👇👇👇👇👇👇👇👇👇
👉 @yemariyam2121 👈
👉 @yemariyam2121👈
👉
👆 👆👆👆👆👆👆👆👆

እንደምን በረታች ዳነች ሰውነቴ
ብትወደኝ እኮ ነው አቤት መድሀኒቴ
እቺን አመት ደግሞ አንተ ብትተወኝ
ወዳጄ መውደድህ ፍቅርህ አስለቀሰኝ(፪)

👉ዘማሪ:-ዘማሪት ሩት ደመላሽ
👉አዘጋጅ:-የድንግል ማርያም ልጆች




💒 @yemariyam2121 💒

🚩ጣና ሀይቅ ላይ የሚደረጉ ሴራዎች

👉 ኢሉሚናቲዎች ጣናን ለምን ማድረቅ ፈለጉ?

ጣና ሃይቅ በውስጡ ከ37 በላይ ደሴቶች ሲኖሩት ፤ በደሴቶቹ ላይ 27 ገዳማትን አቅፎ ይዟል። ጣና ሀይማኖታዊ ሚስጥራትን የታቀፈ የኢትዮጵያ የታሪክና የጥበብ መናገሻ ነው። ከዛም በላይ ግን ገነት በጣና ሀይቅ አንጻር ከምድር ትንሽ ከፍ ብላ እንደምትገኝ እንደ መጽሐፈ ፊልክስዩስ ያሉ ጥንታዊ ብራናዎች ይመሰክራሉ።

እነሆ ገነት በኢትዮጵያ ሰማይ ላይ ትገኛለች ። ዐባይ ገነትን አጠጥቶ ይወርዳል ዐባይም ከሰከላ ይመነጭና በጣና ላይ ያልፋል ። ገነት ኢትዮጵያ ውስጥ እንደመሆኖ የዘላለም ህይወት የምትሰጠዋ እፀ ሕይወት የምትባለዋ ዛፍም ኢትዮጵያ ውስጥ ነች ማለት ነው። ይህንን ጥንታዊ አባቶቻችን ጠንቅቀው ያውቁታል በብራናቸውም ከትበውታል።

በአንፃሩሞ ይህንን ሚስጥር ዲያቢሎስና ጭፍሮቹ ጠንቅቀው ያውቃሉ። ዲያቢሎስ ከፈጣሪ ጋር በማረገው የመጨረሻው ቀን የአርማጌዶን ፍልሚያ ውጊያውን አሸንፌ የህይወትን ዛፍ በእጄ አስገባለሁ ምድርንና ፍጥረቷን በስሬ አደርጋለሁ፤ ሁሉም ለኔ ይሰግዳሉ ብሎ በቂል አስተሳሰብ ተወጥሮ ዝግጅቱን ማጧጧፍ ከጀመረ ዘመናት አልፈዋል።

ታዲያ ይህን እቅዱን ለማሳካት ከነደፋቸው እቅዶቹ አንዱና ዋናው ጣና ላይ ለመጨረሻው ውጊያ የሚጠቀምበትን በቴክኖሎጂ የረቀቀ የጦር መቆጣጠሪያ ከተማ መገንባት ነው።
ይህንንም ለማድረግ ዲያቢሎስና ጭፍሮቹ ኢሉሚናቲዎች እንቅስቃሴዎች ከጀመሩ ሰነባብተዋል፤ በጣና አካባቢ በአይነቱ ለየት ያለ HUB CITY (wakanda) የተባለ የቴክኖሎጂ ከተማ ለመገንባት የመንግስት ይሁንታ አግኝተው፣ በፒራሚድ ያሸበረቀ ንድፍ አውጥተው፣ ለማመን የሚከብድ በጀት መድበው በመንቀሳቀስ ላይ ይገኛሉ።

ታዲይ ይህንን የረቀቀ የቴክኖሎጂ ከተማ ከመገንባት ጎን ለጎን በመለኮታዊ ጥበቡ የበለፅገውን የበርካታ ቅዱሳን መነኮሳት ፣ ስውራን አባቶችና የጥበብ ብራናዎች መገኛን ጣናን ለማድረቅ ባላቸው አቅም ሁሉ እየተጉ ነው። እምቦጭ ፣ አዞላ ፣ ኢፖማ ወዘተ ያሉ አረሞችና የቆሻሻ ደለሎች የጣናን ሀይቅ ክፉኛ እየጎዱትም ይገኛሉ።

የእምቦጭ አረም ከጠቅላላ አካሉ ውስጥ 90 በመቶ ያህሉ ውሃ እንደመሆኑ በብዙ ሀይቁን ይመጣል። አረሙ ከመስፋፋቱም ጋር ተያይዞ ጀልባዎች እንዳይንቀሳቀሱ እንቅፋት ከመሆን ባለፈ የዓሳ ምርቱም በከፍተኛ ደረጃ እንዲቀንስ ምክንያት ሆኗል። ከዚህም በተጨማሪ በአካባቢው አርሶ አደሮች እና ብዝሃ-ህይወቱ ላይም ከፍተኛ ችግር እያመጣ ነው። ለእርሻ ይውል የነበረውን ቦታ ከመሸፈን ጀምሮ፤ እንስሳት ሲበሉት ጤናቸው ከመታወኩም በላይ ወተት እና ስጋቸው ያለውን ጣዕም ያጣል ሲሉ የአካባቢው አርሶ አደሮች ይገልጻሉ። ከሁሉ የከፋው ግን በጣና ወረርሽኝ ምክንያት በጣና ገዳማት ያሉ ሰለቸኝ ደከመኝ ሳይሉ የዲያብሎስን ፈተና በመመከት ቀን ከለሊት ለሀገረ ኢትዮጵያ ፅሎታቸውን የሚአደርሱት መነኮሳት ላይ እያደረሰ ያለው ጉዳት ነው።

በአሁኑ ሰዓት እምቦጭ 27 ቀበሌዎችን አዳርሷል። ገልዳ ወንዝ ከሚባለው ደቡብ ምስራቅ አቅጣጫ እስከ ደልጊ ድረስ። ጉዳቱ እየደረሰበት ያለው በዳርቻው አካባቢ ነው። የሐይቁ አጠቃላይ ዙሪያ ብንወስድ 385 ኪሎ ሜትር ነው። ከዚህ ውስጥ በየጊዜው በመስፋፋት እምቦጩ 27 ቀበሌ ደርሷል። ይህም ወደ 190 ኪሎ ሜትር የሐይቁ ዳርቻ ማለት ነው። በሳይንሱ የሐይቅ ዳርቻ ተጎዳ ማለት ዋናው ትንፋሹ ተጎዳ ማለት ነው። ውሃ ብቻ ነው ያለው ማለት ነው። ውሃ ደግሞ ነገ ይደርቃል።

የጣና ፈተና እምቦጭ ብቻ አደለም። አሁን ላይ የእምቦጭ ጉዳይ መፍትሔ ሳይሰጠው ሌሎች መጤ አረሞችም ጣና ሐይቅ ላይ ስጋት ደቅነዋል። ብዙም ያልተወራላቸው እንደአዞላ እና ኢፖማ ዓይነት አረሞች መከሰታቸው ሌላ የስጋት ምንጭ ሆኖባቸዋል። የአረም ብቻ ሳይሆን የብክለት ችግርም አለ። የባህር ዳር እና የጎንደር ከተማ ቆሻሻ ወደ ሐይቁ ይገባል። ይሄን ተሸክሞ አረሞቹን መዋጋት የማይቻል ነው። ሐይቁ የደለል ስጋትም ተጋርጦበታል። በዚህ ምክንያት ሐይቁ ጥልቀት ከፍተኛ ፍጥነት መቀነሱ ይገለጻል።

👉 ይህ ሁሉ ችግር በላይ በላይ በጣና እየተከሰተ ያለው በአጋጣሚ ነው ብሎ ማሰብ የዋህነት ነው ሚሆነው። ጣና ለኢሉሚናቲዎች ከወሳኝ ቦታዎቻቸው ዋነኛው መሆኑን አትዘንጉት።

የጣናን ችግር ለመፍታት በርካቶች ውጤታማ የሆኑ መፍትሔዎች ቢአቀርቡም አንዱም በቅጡ ወደ ስራ እንዳይገባ ሆኗል። የተወሰኑትን ብንመለከት

- የባህር ዳር ዩኒቨርሲቲው ዶ/ር ጌታቸው በነበሩ በጢንዚዛዎች እምቦጭን ማጥፋት የብዙ ሃገር ተሞክሮ ነው ይላሉ። ጢንዚዛዎቹ እምቦጭን ብቻ ነው የሚመገቡት። ሥራ የጀመርነው ከሶስት ዓመት በፊት ጀምሮ ነው። ቪክቶሪያ ሃይቅ ላይ ውጤታማ ሆኗል። ሌሎችም የአፍሪካ ሃገሮች ላይ ውጤታማ ናቸው። ምንም የጎንዮሽ ጉዳት የማያደርሱ ምንም አይነት ወጪም የማይጠይቁ ናቸው" ይላሉ።

👉 ታዲያ ይህንን የመሰለ የጎንዬሽ ጉዳት አልባ የሆነና በሌሎች ሀይቆች ላይ ውጤታማ የሆነው የጢንዚዛ ህክምና ወደ ሥራ ለማስገባት ዝግጅት ቢጠናቀቅም በአሳዛኝ መልኩ የሚያስፈልገው የውሃ ገንዳ አልተቆፈረም በሚል ቢሮክራሲ ወደ ስራ እስታሁን መግባት አልተቻለም።

- አቶ ሙላት ባሳዝነው የሙላት ኢንደስትሪያል ኢንጂነሪንግ ሥራ አስኪያጅ ሲሆኑ ድርጅታቸው ማጨድ እና አረሙን ማጓጓዝ የሚችል ማሽን ከባህር ዳር ዩኒቨርሲቲ ጋር በመተባበር ሠርቷል። እምቦጭ መጣ ሲባል ያለንን ለማዋጣት ተነስተን የራሳችንን ሞዴል ሠርተናል። እምቦጩን የማስወገድ አቅሙ ካቀድነው በላይ ነው። ከውጭ ከመጣው የተሻለ ውጤታማ ማሽን ሠርተናል" ሲሉ ስለማሽናቸው ይገልጻሉ።

👉 በሃገር ውስጥ በሚሊዮኖች የሚቆጠር ብር ፈሶበት የተሠራውን ይንን ማሽንም የአካባቢ ባለስልጣን ተረክቦ ሥራ ማስጀመር አልቻለም።

- ከውጭ ተገዝተው የመጡ አረሙን ማንሻ ማሽኖችም አሉ።

👉 እነሱ ደሞ በየጊዜው መበላሸት እያጋጠማቸው ነው እየተባሉ ቆመዋል።

- መሪጌታ በላይ አዳሙ የተባሉ የመድሃኒት እና ሽቶ ዕጽዋት ተማራማሪ ለምቦንጭ ፍቱን የተባለ መድሀኒት አግኝተዋል። ስለ መድሀኒታቸውም እንዲህ ይላሉ "የኔ ምርምር ፈሳሽ ነው። እምቦጩ ላይ ይረጫል። አረሙ በ24 ሰዓት ይደርቃል። ተፈጥሮአዊ በመሆኑ በሃይቁ ብዝሃ ህይወት ላይ ጉዳት አያመጣም" ።

👉 ፈሳሹን መከላከያን ወደ ሥራ ለማስገባት ያለው የጎንዮሽ ጉዳቱ መጠናት አለበት በሚል ሌላ ቢሮክራሲ ስራ ላይ ሊውል አልቻለም።

🚩 ይህና ሌሎች መፍትሔዎች ቢቀርቡም እስታሁን አንዱም በቅጡ ወደ ስራ ሊገባ አልቻለም። ይህም የሆነው በተለያዩ አጋጣሚዎች ብቻ ነው ብሎ ማሰብ ትልቅ የዋህነት ነው። አሁንም አስታውሱ ጣና ለኢሉሚናቲዎች የህልውናቸው ጉዳይ ነው።

👉 በዚህ ዲያቢሎስ በነገሰባት ዓለም መፍትሄውን ከሰው ከመጠበቅ እጆችን ወደ እግዚአብሔር መዘርጋት ነው የሚአዋጣው። የአባቶቻችን አምላክ ፈጣሪም ዝም አይለንምና በፅሎታችን ሁሌም ጣናን እናስባት። ከዛ ባለፈ ለጣና እንጩህ በጋራም እንተባበር የአቅማችንን ሁሉ እናበርክት።


👍 ሼር ይደረግ✔
"ኹሉን መርምሩ ፥ መልካሙንም ያዙ!"

💚 @yemariyam2121 💚
💛 @yemariyam2121 💛
❤ @yemariyam2121❤

✝✝ ትርጓሜ ✝ ወሐተታ ✝✝

✝ #ወይን ለማይጠጣ ሕይወቱ ምንድን ነው? ✝

"" ምንትኑ ሕይወቱ ለዘኢይሰቲ ወይነ "" (ሲራክ. 34:26)

=>ቅድስት ቤተ ክርስቲያን ወይንን (ጠላ : ቢራ . . .)
¤"አትጠጡ" ብላ አትከለክልም::
¤ግን ደግሞ "ጠጡ" ብላም አታበረታታም::

¤አልኮል መጠጦችን መጠቀም "ኃጢአት ነው!" አትልም::
¤ግን ደግሞ " . . . ካያያዝ ይቀደዳል" እንዲሉ አጠቃቀማችን ወደ ኃጢአት ሊወስደን ስለሚችል "ጥንቃቄ አድርጉ" ትለናለች::

+በዘመናችን ከመጠጥ ጋር በተያያዘ (በተለይ ለክርስቲያኖች) 2 ፈተናዎች ይታያሉ::

1.አብዛኛው የቤተ ክርስቲያናችን ምዕመን (በተለይ ወጣቱና ጐልማሳው) አነሰም በዛም ጠጪ እየሆነ ነው:: (ልብ በሉልን "ይሰክራል" አላልኩም!)

2.እጅግ በሚያስቀይም መንገድ . . . ለመጠጣት ጥቅሶች ከቅዱስ መጽሐፍ ሲጠቀሱ እየሰማን ነው::

+በተለይ "ወይን ያስተፌስሕ ልበ ሰብእ" (መዝ. 103:15) ከእኛው አልፎ በዘፈንና በመገናኛ ብዙኃን ማስታወቂያዎች ላይ ሲጠቀስ ስንሰማ አንጀታችን ካላረረ የቁም ሙት ሆነናል ማለት ነው::

+አሕዛብ ከመጽሐፋቸው አንዲት ዘለላ ብትነካ ሃገሪቱን በተቃውሞ እንደሚንጧት እናውቃለን::

¤እኛ ግን የሊቀ ሰማዕታት ስም የቢራ ማሻሻጫ ሲሆን : ቅዱስ ቃሉ ለአልኮል መጠጥ ሲጠቀስ : በአባቶቻችን ካህናትና ጻድቃን ላይ በፌዘኞች (ኮሜዲያን ነን ባዮች) ሲቀለድ : ማንም ባለጌ በተቀደሰች ሃይማኖታችን ላይ አፉን ሲከፍት ምንም አይመስለንም:: (ለምን . . . አንቀላፍተናላ!!!)

=>ወደ ጉዳዬ ልመለስና የወይንን ነገር እንጨዋወት:: "የትውልዱ ክፋቱ ኃጢአት መሥራቱ አይደለም:: ይልቁኑ ኃጢአቱን መጽሐፍ ቅዱሳዊ ማስመሰሉ እንጂ" ብለውኛል የኔታ ክንፈ ገብርኤል:: (በቀኝ ያቁማቸውና!!!)

+ዛሬ በሃገሪቱ የሚገኘውን ጠጪ (ካልጠጣ የሚሞት የሚመስለውን) በመቶኛ /በ%/ ቢሰላ አብዛኛው (ምናልባት እስከ 90% ) "ኦርቶዶክሳዊ ነኝ" ባይ ነው::

+ታዲያ ይህ ጥራዝ ነጣቂ ትውልድ ለምን ስትሉት "ዳዊት እንዲህ አለ : ሐዋርያው ቅ/ዻውሎስ እንዲህ አከለ . . ." ይላል::

✝ ለመሆኑ መጽሐፍ ቅዱስ ላይ የተጠቀሱ ስለ ወይን መጠጣት የሚናገሩ ቃላት ትርጉም እንደሚባለው ነው??
~ለመሆኑ ቅዱስ መጽሐፍ ጠጪነትን ያበረታታል??
~አምላካችን እግዚአብሔርስ ወደዚህች ምድር ያመጣን ለዚሁ ግብር ነው?? (ሎቱ ስብሐት!!!) ✝

+ቅዱስ ቃሉን ለገዛ ፈቃድ መተርጐም ፍጹም ኃጢአት ነው:: (2ዼጥ. 1:20) ስለዚህም "ወይን" የሚሉ ቃላት ምንድን ናቸው? ወደሚለው እንመለስ::

+በመጀመሪያ ግን ብርሃነ ዓለም : ዓዘቅተ ጥበብ (የጥበብ ምንጭ) ቅዱስ ዻውሎስ ለደቀ መዝሙሩ ቅዱስ ጢሞቴዎስ ስለ ምን "ውሃ ብቻ አትጠጣ:: ጥቂት ወይን ጨምር" አለው ቢሉ:-

1.ወይን በዘመኑ ለሆድ በሽተኞች ፍቱን መድኃኒት ስለ ነበር ነው:: (ቃሉም የሚለው ስለ ሆድህ ህመም ነው (1ጢሞ. 5:23)) ቅዱሱ ከገድል የተነሳ ሆዱ ፍጹም ሕመምተኛ ነበርና::

2.ወይን መጠጣት በልኩ (ጥቂት) የሆነ እንደሆን አካልን ያለመልማል:: ልቡናን ያረጋጋል:: ግን በጊዜው: በቦታውና በመጠኑ ሲሆን ነው::

+ቅዱስ መጽሐፍ ላይ ግን "ወይን" ተደጋግሞ የተጠቀሰባቸው በርካታ መንፈሳዊ ምስጢራት አሉ:: እነዚህን መነሻ ርዕስ ባደረግነው : በቃለ ሲራክ ተመርኩዘን እንመልከታቸው::

=>ነቢዩ "ወይን ለማይጠጣ ምን ሕይወት አለው?" ይላል::

1.ወይን = (ምስጢረ ሥላሴ)

¤"ምስጢረ ሥላሴን ላላመነ ሰው ምን ሕይወት አለው?" ይለናል:: የእግዚአብሔርን አንድነት: ሦስትነት ሳያምኑ ዘለዓለማዊ ሕይወት የለምና:: (ዮሐ. 1:12, 3:17, ማቴ. 28:19)

+ምስጢረ ሥላሴ በወይን መመሰሉን አባ ሕርያቆስ በቅዳሴው "አብ ጉንደ ወይን : ወልድ ጉንደ ወይን : ወመንፈስ ቅዱስ ጉንደ ወይን . . ." ሲል ነግሮናል::

2.ወይን = ክርስቶስ (ምሥጢረ ሥጋዌ)

¤በወልድ (ክርስቶስ) ያላመነ የዘለዓለም ሕይወት የለውም:: (ዮሐ. 3:36) ስለዚህ ነገር ጌታችን ራሱን የወይን ግንድ : አባቱን ተካይ አድርጐ ሲጠራ እንሰማዋለን:: "አነ ውእቱ ጉንደ ወይን = እኔ የወይን ግንድ ነኝ" እንዲል:: (ዮሐ. 15:1)

+መዳን የሚቻለውም መድኅን ክርስቶስን "አምላክ ወልደ አምላክ : ወልደ አብ ወልደ ማርያም : ሥግው ቃል" ብሎ ማመን ሲቻል ነው::

3.ወይን = ድንግል ማርያም (ነገረ ማርያም)

¤ጌታን "ወይን" ካልን ድንግል ማርያምን "ሐረገ ወይን" : "አጸደ ወይን" ልንላት ግድ ይለናል:: (እሴብሕ ጸጋኪ ዘዘመነ ጽጌ)

+መዳንን የሚሻ ሁሉ እመቤታችን ማርያምን ወላዲተ አምላክ መሆኗን : ዘለዓለማዊ ድንግልናዋን : ፍጹም ሞገስ ያላት አማላጅ መሆኗን : ቅድስናዋንና ክብሯን ሊያምን ግድ ይለዋል:: (መዝ. 44:9, 86:5, ኢሳ. 1:9, 7:14, ሕዝ. 44:1)

4.ወይን = ቅዱሳን (ነገረ ቅዱሳን)

¤መድኃኒታችን ክርስቶስ ራሱን የወይን ግንድ ብሎ አልቀረም:: ወዳጆቹን "ወአንትሙሂ አዕጹቂሁ =እናንተ የወይኑ ቅርንጫፎች ናችሁ" ይላቸዋል:: (ዮሐ. 15:5)

+ስለዚህም በቅዱሳን ክብር : አማላጅነት : ፈራጅነትና የጸጋ አማልክትነት ልናምን ግድ ይለናል:: (ዘጸ. 7:1, መዝ. 81:1, ማቴ19:28)

5.ወይን = ሥጋ ወደሙ (ምስጢረ ቁርባን)

¤እመቤታችን በቃና ዘገሊላ ቸር ልጇን የጠየቀችው ስለ ጊዜአዊው መጠጥ ቢመስልም ምስጢሩ ግን ለዘለዓለማዊው መጠጥ (ክቡር ደሙ) ነው:: (ዮሐ. 2:1)

+ለዚያም ነው "ወይንኬ አልቦሙ = ወይንኮ የላቸውም" ስትለው : "ዓዲ ኢበጽሐ ጊዜየ = እናቴ ሆይ! በቀራንዮ አንባ ሥጋና ደሜን የምሰጥበት ጊዜየ ገና ነው" ሲል የመለሰላት::

+ወንጌል ደግሞ እንዲህ ይላል::
"የክርስቶስን ሥጋውን ካልበላችሁ : ደሙንም ካልጠጣችሁ በራሳችሁ ሕይወት የላችሁም::" (ዮሐ. 6:53)

¤የወይን ትርጉም ይቀጥላል . . . ለእኛ ግን እዚህ ላይ ይብቃን::

+ቅዱሱ ነቢይ ሲራክ "ወይን ለማይጠጣ ሰው ምን ሕይወት አለው?" ሲል በአንክሮ የጠየቀው ስለዚህ ነው::
¤በወይን በተመሰሉ:-
#በምስጢረ_ሥላሴ
#በምስጢረ_ሥጋዌ
#በነገረ_ማርያምና
#ነገረ_ቅዱሳን ሳያምኑ : ከወይኑ ግንድ ክርስቶስ ጐን በፈሰሰ #ማየ_ገቦ ሳይጠመቁና #ከቁርባኑ ሳይሳተፉ ሕይወት የለምና::

=>ቸር አምላከ ቅዱሳን የምናስተውልበትን አዕምሮ አይንሳን::

✝ ወስብሐት ለእግዚአብሔር ✝
(06/10/07)

Re.

✞✞✞ በስመ አብ ወወልድ ወመንፈስ አሐዱ አምላክ ፡፡ አሜን ፡፡ ✞✞✞

❖ እንኳን አደረሳችሁ ❖

❖ ግንቦት 29 ቀን የሚከበሩ ዓመታዊ የቅዱሳን በዓላት

+"+ አባ አፍፄ ወአባ ጉባ +"+

=>አባ አፍፄና አባ ጉባ ቁጥራቸው ከተስዓቱ (ዘጠኙ)
ቅዱሳን ነው::

+"+ አባ አፍፄ +"+

=>ጻድቁ የተወለዱት እስያ ውስጥ በ5ኛው መቶ ክ/ዘመን
ሲሆን ወላጆቻቸው አቡሊዲስና አቅሌስያ ይባላሉ:: ገና
በሕጻንነታቸው
ብሉይ ከሐዲስ ጠንቅቀው ወደ ግብፅ ወርደዋል:: በዚያም
በአባ መቃርስ እጅ መንኩሰዋል:: አባ አፍፄ ወደ ኢትዮዽያ
የመጡት
በአልዐሜዳ ዘመን ከ8ቱ ባልንጀሮቻቸው ጋር ነው::

+ጻድቁ ጸበል እያፈለቁ ብዙ ድውያንን ፈውሰዋል::
ትግራይ ውስጥ የሐ የተባለው ቦታም ማረፊያቸው ነበር::

❖ለጻድቁ በጥቂቱ እነዚሕን እንጠቅሳለን:-

1.ከ100 ዓመት በላይ አበ ምኔት ሆነው በኖሩበት
ገዳማቸው በፍጹም ትጋት: በጾምና በጸሎት
አገልግለዋል::

2.በመጀመሪያ ያስከተሏቸውን 366 ደቀ መዛሙርት
ጨምሮ ብዙ መናንያንን አፍርተው በሃገራችን ገዳማዊ
ሕይወትን አስፋፍተዋል::

3.ቅዱሳት መጻሕፍትን ከሱርስትና ከጽርዕ ቋንቋ ወደ
ግዕዝ ተርጉመዋል::

4.በስብከተ ወንጌል ለሃገራችን ብርሃን አብርተዋል::
ሕዝቡ በጣዕመ ስብከታቸው ይገረም ስለ ነበር "አፍፄ
(አፈ-ዐፄ)"
ብሏቸዋል:: "የዐፄ (የንጉሥ) አንደበት ያለው" ወይም
"ንግግር አዋቂ" ማለት ነው::

+ጻድቁ ከ200 ዓመታት በላይ ቤተ ክርስቲያንን
አገልግለው በዚሕች ቀን በ684 ዓ/ም ተሠውረዋል::
እግዚአብሔርም
በስማቸው ለተማጸነ: ገዳማቸውን ለተሳለመ የምሕረት
ቃል ኪዳን ሰጥቷቸዋል::

+"+ አባ ጉባ +"+

=>ጻድቁ የተወለዱት ታሕሳስ 29 ቀን በ336 ዓ/ም
በመንፈቀ ሌሊት ነው:: አባታቸው ጌርሎስ: እናታቸው
ቴዎዶክስያ ደጐች
ነበሩ::

+አባ ጉባ ("ባ" ጠብቆ ይነበብ) በተወለዱ ቀን ጌታችን
ከመላእክቱ ጋር በመውረዱ ቤታቸው ለ7 ቀናት በብርሃን
ተሞልቶ
ነበር:: ሕጻኑ ጉባም ፈጣሪያቸውን ሃሌ ሉያ ብለው
አመስግነዋል::

+በልጅነታቸው መጻሕፍትን አጥንተው: ወደ ገዳመ
አስቄጥስ ገብተው መንነዋል:: ለበርካታ ዓመታት ከተጋደሉ
በኋላ ሊቀ
መላእክት ቅዱስ ገብርኤል "ወደ ቅድስት ሃገር ኢትዮዽያ
ሒድ" ብሏቸው ከ8ቱ ቅዱሳን ጋር ወደ ሃገራችን
መጥተዋል::
በወቅቱ ዕድሜአቸው ከ140 በላይ ነበር::

+ጻድቁ አባ ጉባ እንደመሰሎቻቸው በስብከተ ወንጌል:
መጻሕፍትን በመተርጐም: ገዳማትን በማስፋፋትና አብያተ
ክርስቲያናትን
በማነጽ ቆይተዋል:: በተለይ ራማ ኪዳነ ምሕረት
የእርሳቸው ናት ይባላል::

+ጻድቁ ቅዳሴ ሲቀድሱ ከመሬት ከፍ ብለው ነበር:: ብዙ
ጸበሎችን አፍልቀው ድውያንን ፈውሰዋል:: ሙታንንም
አንስተዋል::
እመቤታችንም የብርሃን መስቀል ሰጥታቸዋለች:: ጻድቁ
ከበርካታ የቅድስና ዘመናት በኋላ በዚህች ቀን ዐርፈው
በገዳማቸው
ተቀብረዋል::

+በዘመኑ ትኩረት ካጡ ታላላቅ ገዳማት አንዱ ይሔው
ትግራይ ውስጥ የሚገኘው የአባ ጉባ ገዳም ነው::
(በነገራችን ላይ "ጉባ" ማለት "አፈ-መዐር: ጥዑመ-
ልሳን" ማለት ነው)

❖ቸሩ መድኃኔ ዓለም ክርስቶስ የጻድቃኑን በረከት
ያድለን::
በጸሎታቸውም በደላችንን ይቅር ይበለን::

❖ግንቦት 29 ቀን የሚከበሩ ዓመታዊ የቅዱሳን በዓላት=
1.አባ አፍፄ (ከዘጠኙ ቅዱሳን)
2.አባ ጉባ (ከዘጠኙ ቅዱሳን)
3.አባ ስምዖን ገዳማዊ (በ7 ዓመታቸው መንነው ለ81
ዓመታት በተጋድሎ የኖሩ ሶርያዊ)
4.አባ ይስሐቅ ጻድቅ

❖ወርኃዊ በዓላት
1፡ በዓለ ልደቱ ለክርስቶስ
2፡ ቅድስት አርሴማ ድንግል
3፡ ቅዱስ ጴጥሮስ ተፍጻሜተ ሰማዕት
4፡ ቅዱስ ማርቆስ ዘሮሜ
5፡ ቅድስት ፍቅርተ ክርስቶስ
6፡ ቅዱስ ዘርዐ ክርስቶስ
7፡ ቅዱስ ቀሌምንጦስ ሐዋርያ
8፡ ጉባኤ ሰማዕታት

++"+ ነቢይን በነቢይ ስም የሚቀበል የነቢይን ዋጋ
ይወስዳል:: ጻድቅን በጻድቅ ስም የሚቀበል የጻድቁን ዋጋ
ይወስዳል::
ማንም ከእነዚህ ከታናናሾቹ ለአንዱ ቀዝቃዛ ውሃ ብቻ
በደቀ መዝሙር ስም የሚያጠጣ እውነት እላቹሃለሁ
ዋጋው አይጠፋበትም::
+"+ (ማቴ. 10:41)

<<< ወስብሐት ለእግዚአብሔር >>>

✝ #የሐ_አክሱም ✝

"" #አባቶቻችን ዘጠኙ (ተስዓቱ) ቅዱሳን እነ #አባ_አፍጼ በኪደተ እግራቸው ከባረኩአቸው ቦታዎች አንዱ ነው፡፡ ""

☞ በእርግጥ ቦታው የሺዎች አዝማናት ታሪክን የተሸከመ መካነ ቅርስም ነው፡፡

✝ #የጻድቃን_ቅዱሳን በረከት አይለየን! ✝

መጥምቀ መለኮት ቅዱስ ዮሐንስ ምን አለ?
ዛሬ መጥምቀ መለኮት ቅዱስ ዮሐንስ ነው
እንግዲህ ለንስሐ የሚገባ ፍሬ አድርጉ፤ በልባችሁም። አብርሃም አባት አለን እንደምትሉ አይምሰላችሁ፤ እላችኋለሁና። ከነዚህ ድንጋዮች ለአብርሃም ልጆች ሊያስነሣለት እግዚአብሔር ይችላል። አሁንስ ምሳር በዛፎች ሥር ተቀምጦአል፤ እንግዲህ መልካም ፍሬ የማያደርግ ዛፍ ሁሉ ይቈረጣል ወደ እሳትም ይጣላል። +
ማቴ 3፡8-10
የጌታን መንገድ አዘጋጁ ጥርጊያውንም አቅኑ. . . .ዐዘቅቱ ሁሉ ይሙላ ተራራውና ኮረብታውም ሁሉ ዝቅ ይበል፥ ጠማማውም የቀና መንገድ ይሁን፥ ሸካራውም መንገድ ትክክል ይሁን፤ ሥጋም የለበሰ ሁሉ የእግዚአብሔርን ማዳን ይይ. . .
እንዲህም አለ
#ሕዝቡም ። እንግዲህ ምን እናድርግ?
እርሱም፦ ሁለት ልብስ ያለው ለሌለው ያካፍል፥ ምግብም ያለው እንዲሁ ያድርግ።
#ቀራጮችም ። መምህር ሆይ፥ ምን እናድርግ? አሉት።
እርሱም፦ ከታዘዘላችሁ አብልጣችሁ አትውሰዱ አላቸው።
#ጭፍሮችም ደግሞ። እኛ ደግሞ ምን እናድርግ?
እርሱም፦ በማንም ግፍ አትሥሩ ማንንም በሐሰት አትክሰሱ፥ ደመወዛችሁም ይብቃችሁ አላቸው።
ሉቃ 3፡3-14
"ዛሬ እኔ አንተን የማዝዘውን ትእዛዙንና ፍርዱን ሥርዓቱንም ባለመጠበቅ አምላክህን እግዚአብሔርን እንዳትረሳ ተጠንቀቅ፤" (ኦሪት ዘዳግም 8:11፤)

"ወንድሞቼ ሆይ የእምነታችሁ መፈተን ትዕግስትን እንዲያደግርላችሁ አውቃችሁ ልዩ ልዩ ፈተና ሲደርስባችሁ እንደ ሙሉ ደስታ ቁጠሩት"
ያዕ. ፩ ÷ ፪ - ፫

____________________________________

በተዋሕዶ ሀይማኖታችን ላይ ብዙ አደጋ እና ፈተና እየተጋረጠባት ነው ይሄ ግልፅ ነገር ነው የኛም እምነታችን የይስሙላ ሆነ ፈጣሪ እንዳለ እያወቅን እንደሌለ ሆንን ፀበል እና እምነት ይድናል እያልን እሱን እንደመጠቀም መንግስት የሚለውን ሳኒታይዘር እና ማስክ መጠቀም ጀመርን ቤተ ክርስትያን አትሂዱ መስቀል እንዳትሳለሙ ስንባል እሽ አልን እንደው እንደ እውነቱ ከሆነ የኮሮና ተህዋሲ መስቀል ላይ ይቆያል እንዴት ሆኖ ነው በቤተ ክርሰቲያን ሊኖር የሚችለው አረ ወገን እንዴት ነው ነገሩ የመስቀል ሃያልነት እያወቅን እንዴት ቫይረሱ አሱ ላይ ይቆያል በሎጂክም ሆነ በሳይንሱም ሆነ በሃይማኖታዊ መንገድ ብናስበው መልሱ አንድ እና አንድ ነው ወደድክም ጠላህም ተዐምርም ቢፈጠር ይሄ ተዋስዖ ለሰከንድ እራሱ አይደለም መስቀል ላይ ሊኖር ይቅርና ቤተ ክርስቲያን እራሱ ዝር አይልም ምን ያህል እምነት እንደሌሉን ያሳያል የሰናፍጭ ቅንጣት ታክል እምነት ቢኖርህ ይሄን ተራራ በገፋህ እንዳለው ሁሉ እኛም እምነት ቢኖረን ኖረ በሽታውም በጠፋ ነበር። አበው ሲያስተምሩ " በድሮ ጊዜ አንድ ሰውዬ ነበር ጉዞ ላይ እያለ ወንዝ ውስጥ ገባና ፈጣሪዬ ሆይ አድነኝ እያለ መፀለያ ጀመረ ጥቂት ሳይቆይ የሆነ ወጣት መጣ እና ላድንህ ሲለው አንተን አልፈልግም እግዚአብሔር እንዲያድነኝ ነው የምፈልገው አለ ትንሽ ቆይቶ ውሃው ወገቡ ጋር ደረሰ አሁንም በጣም እየፀለየ ሳለ ሽማግሌ ሰውዬ መጡና ከዘራቸውን እንካ ላድንህ ሲሉት አርስዎን አይደለም የምፈለገው እግዚአብሔርን ነው ምፈልገው ይላቸዋል ትንሽ ቆይቶ ውሀው አንገቱ ጋ ደረሰ ልመናውን አሰማ ዛፍ ቆራጭ መጣ እና ገመዱን ልወርውርልህና ላድንህ አለው አሁንም ፈጣሪ እግዚአብሔር ካልመጣ አልፈልግም የኅላ ኅላ ውሀው ሞላና ሰውዬው ሞተ ሰማይ ቤት ሲደርስ ፈጣሪን ያየኘው እና አድነኝ ብዬ ጮኼ ስለምንህ ስማፀንህ ለምን አላደንከኝም ሲለው ፈጣሪም በመጀመሪያ ወጣቱን ላኩልህ አሌፈልግም አልክ ሲቀጥሌ ሽማግሌ ሰውዬ ላኩልህ እምቢ አልክ በመጨረሻም ዛፍ ቆራጭ ላኩልህ እምቢ አልክ እምነት ቢኖርህ ኖሮ ትድን ነበረ" አሉት ይባላል እኛም ሁይወታችን እንዲ ነው የሆነው በሽታው ሲገባ ለአድዋ ጦርነት ከመንበሩ ተነስቶ አድዋ ድረስ በመሄድ የተዋጋው የሰማዕቱ ቅዱስ ጊዮርጊስ ታቦተ ፅላቱ ከዛ ጊዜ ቡኋላ ለመጀመሪያ ጊዜ ወቶ ህዝቡን ሊባርክ ሊወጣ ቀን ሲቀረው እንዳይወጣ ተከለከለ ሲቀጥል በ 1997 አ.አ ውስጥ በነበረው ረብሻ ምክንያት ለማብረድ ወጥቶ የነበረው የቀጨኔ ደብረ ትጉሀን ቅዱስ ገብርኤል ታቦተ ፅላት ከዛ ጊዜ ቡኋላ
ለመጀመሪያ ጊዜ ወቶ ህዝቡን ሊባርክ ሊወጣ ቀን ሲቀረው እንዳይወጣ ተከለከለ በመጨረሻም ፀበል እና እምነትነ እንደሚያድኑ በመጠራጠር አንድ ተራ መንግስት ያለንን በማመን ሳኒታይዘር እና ማስክ መጠቀም ጀመርን ፈጣሪ ሊረዳን ሞከረ እኛ ግን አልተቀበልነውም እጣ ፋንታችን እንደ ሰውዬው መሆናችን አይቀርም እግዚአብሔር አለ ብለን እስካመንን ድረስ ሳኒታይዘር ያድናል ማለት ጅልነት ነው ምክንያቱም ፈጣሪ እንደሚያድን እያወክ ፀበል እንደመጠቀም አለማዊውንና ውስጡ ምን እንዳለ ማናቀውን ሳኒታይዘር ከፀበሉ አስበልጠህ መጠቀመህ የይስሙላ የተዋሕዶ ተከታይ ነህ ማለት ነው በሽታው በ ክትባት ይድናል ብለህ የምትጠባበቅ በሙሉ በጣም ተሳስተሀል ሃይማኖትህን ኑረወ እንጂ አታውራው እመን ትድናለህ ነውና ቃሉ!!!

_____________________________________

እሰኪ ይሄን ፅሁፍ #share በማድረግ ለህዝበ ተዋህዶ አድርሷቸው እራሳቸውን ይፈትሹ ዘንድ የሚያድነን እምነታችን እንጂ ሳኒታያዘር ኳራንታይን ምናምን አይደለም ቤተ ክርስቲያን ብትሄድ ትድናለህ እንጂ በሽታ አታመጣም ይይዘኛል እራሱ ማለትህ ምን ያህል እምነት እንደሌለህ ያረጋግጥልሀል የመሰለህን ማድረግ መብትህ ነው ግን የተዋህዶ ልጅ እስከሆንክ ድረስ እምነት ሊኖርህ ይገባል

"የቀደመቺቱን መንገድ ጠይቁ መልካሚቱ መንገድ ወዴት እንደሆነች እወቁ በእርስዋም ላይ ሂዱ ለነፍሳችሁ ዕረፍት ታገኛላችሁ" ኤር.፮÷፲፮

ጥያቄ ሀሳብ አስተያየት አድርሱኝ @Ghionawii

#share #share #share

@more_more_more
@more_more_more
@more_more_more

ደብረ ቆዘት አቡነ ገብረ እንድርያስ ገዳም ⛪️⛪️⛪️⛪️⛪️⛪️⛪️⛪️⛪️⛪️⛪️⛪️
እፁብ ድንቅ የሆነ ተአምራትን የሚሰሩት ( ደረቅ እንጨት ፀበላቸው ውስጥ ሲገባ መቁጠሪያ ሆኖ የሚወጣበት)፣ በድንጋይ ሰረገላነት የሚጓጓዙት ፣ ከ 7ቱ ቅዱሳን ዘጋስጫ አንዱ የሆኑት የፃድቁ አባታችን አቡነ ገብረ እንድርያስ ገዳማቸው ነው ።
ቦታውን ክርስቲያን የሆነ ሁሉ ሊያየው የሚገባ ነው እንዲሁም የሊቀ ሰማእቱ ቅዱስ ጊዮርጊስ የቅዳሴ ቤቱ ነው ።
ፃድቁ አባታችን አቡነ ገብረ እንድርያስ ዘወለቃ እናታቸው አርሴማ አባታቸው ተንሥአ ክርስቶስ ሲባሉ የቀደመ ስማቸው ንፍታሌም ይባላል። ፃድቁ በአቡነ ከማ ገዳም በታላቅ ተጋድሎ አገልግለዋል። ብዙ አባቶች ሱባኤ በሚይዙበት በስኩሩ ስላሴ ቤተ ክርስቲያን ፀሎት ሲያደርጉ ቅዱስ ኡራኤል በወርቅ ጽዋ ማየ ሕይወት አጠጥቷዋቸዋል። ፃድቁ አባታችን ሙታንን በማስነሳትና ድውያንን በመፈወስ ታላቅ ተአምራት ሲያደርጉ ኖረዋል።
ፃድቁ አርብ አርብ ወደ ኢየሩሳሌም ስጋ ወደሙን ለመቀበል ሲመላለሱ ድንጋዩን እንደ ሰረገላ ዋርካውን እንደ ጥላ ይጠቀሙበት ነበር። ይህ የድንጋይ ሰረገላ አሁን በገዳሙ ይገኛል።
ፃድቁ አባታችን እግዚአብሔር ኀጥአንን እንዲምርላቸው ርቀት ወንዝ ከተሰኘው ቦታ ከአንገታቸው ላይ በጣም ትልቅ ድንጋይ ተሸክመው ይፀልዩ ነበር። በዚህም ይፀልዩበት በነበረው ወንዝ ውስጥ በተአምራት መቁጠሪያ የሚሰራ ፀበል ፈለቀላቸው ፣ ጠበላቸው ውስጥ እንጨት ሲነከርበት እንጨቱ በተአምራት መቁጠሪያ ሆኖ ይወጣል ፣ ይኸውም ለብዙ ሕመሞች መድሐኒት ነው ።
የአባታችን ረድኤት በረከት ከሁላችን ጋር ይሁን።

ጆይን ማድረግ አይርሱ
@yemariyam2121
@yemariyam2121
@yemariyam2121

ልደታ ለማርያም ፩
ልደታ ለማርያም ከፊት መርታ ከኋላ ተከትላ ጥላ ከለላ አምባ መጠጊያ ሆና ትጠብቀን🙏 በአልጋ ቁራኛ በደዌ ዳኛ ያሉትን ትፈውስልን🙏 ለእናት አገራችን ኢትዮጵያ ለዓለም ሁሉ ሰላምን ያወርድልን ዘንድ ከሰላም ባለቤት ከልጇ አማልዳና አስታርቃ ትጠብቀን🙏
ድንግል ሆይ! በኃጢአት በፍትወት የተጸነስሽ አይደለሽም፤ በሕግ በሆነ በሩካቤ ከሐናና ከኢያቄም ተወለድሽ እንጂ፡፡
ድንግልናን ከእናትነት አገልጋይነትን ከእናትነት ወተትንም ከድንግልና አስተባብረሽ የያዝሽ እመቤታችን ሆይ! ከገነት በተባረርን ጊዜ ተስፋችን የተፈጸመብሽ አንቺ ነሽና እናወድስሻለን ብጽዕት ሆይ እንልሻለን ቅድስት ሆይ እንልሻለን፡፡ ይኸውም አንደበታችን የሚችለውን ያህል መናገራችን እንጂ ምስጋናሽንስ የኪሩቤል አንደበትም ማድረስ አይቻለውም የሱራፍኤል አንደበትም ተናግሮ አይፈጽመውም፡፡ድንግል ሆይ አሁን ግን የቃልኪዳን ሀገርሽ ጥቁር ዳመና ዳምኖባታል የቃል ኪዳን ልጆችሽ መልአከ ሞት ከቦናልና ከወዳጅሽ ከልጅሽ ምሕረትንና ይቅርታን ለምኝልን፡፡🙏🙏🙏