Набываючы штучныя кветкі на Радуніцу, мы, па сутнасці, купляем смецце. Яно шкодзіць прыродзе, вылучаючы таксічныя рэчывы, забруджваючы глебу, паветра і грунтавыя воды. 🙁

❗️ Штогод на палігоны цвёрдых камунальных адходаў вывозяць каля 1 мільёна пластыкавых кветак. Тэрмін іх раскладання – ад ста да пяцісот гадоў. Другаснай апрацоўцы яны не падлягаюць. 😰

Калі кветкавае смецце потым спальваюць, у паветра вылучаюцца цяжкія металы і дыяксіны. Яны псуюць здароўе людзей, а асабліва – дзяцей.

✅ Ты можаш дапамагчы прыродзе – замяні пластыкавыя кветкі на жывыя!

🌷 🌱 Пасадзі жывыя кветкі ў гаршках, мнагалетнікі, карлікавыя кусты. Цюльпаны, нарцысы, касачы (ирисы) – кветкі, якія не маюць патрэбы ў частым паліванні, ці кусты, напрыклад, барбарыс, ядловец (можжевельник), тую. Галоўнае, выбірай непераборлівыя расліны, якія вытрымаюць засуху.

🤩 Вось такая нібы незямная госця з эльфійскага каралеўства, наведала Гомель у пачатку красавіка!

🦉Даўгахвостую кугакаўку заўважылі рамонтнікі на дрэве ў адным з двароў горада. Увагу да птушкі прыцягнулі шэрыя вароны, якія сваімі шумнымі і агрэсіўнымі паводзінамі спрабавалі прагнаць яе.

Даўгахвостая кугакаўка – "чырванакніжная" птушка і жыве на поўначы краіны, у іншых рэгіёнах залёты адзначаюцца рэдка.

У Гомелі дагэтуль яна была адзначана толькі аднойчы – у красавіку 2006 года.

☝️Але цікава тое, што ў яе яшчэ і афарбоўка незвычайная! 😍

Гэтая прыгажуня мае аберантную афарбоўку – у яе мутацыя, якая выклікае частковую страту пігментацыі. У норме даўгахвостая кугакаўка светла-шэрага колеру, вохрыстая, з цёмнымі пярэсцінамі (апошняе фота). А нашая госця вельмі светлая, з вохрыстымі пярэсцінамі.

Уважліва прыглядайся вакол, бо можна заўважыць сапраўдную рэдкасць нават у самых звычайных месцах. 😉

📷 Фота 1, 2 – аўтар Наталля Бачурынская; фота 3 – даўгахвостая кугакаўка ў звычайнай морфе, аўтар Аксана Суторміна.

❓ Даўно марыш пасяліць каля сябе саву? А можа, хочаш павесіць дамок для рудахвосткі або сінічнік?

🐦 Якасныя і зробленыя з навуковым падыходам дамкі і кармушкі для птушак можна прыдбаць у Bisaigue Shliftik https://instagram.com/shliftik.by?igshid=YmMyMTA2M2Y=.

Дамкі і кармушкі для птушак зроблены з дошак або цэльнага дрэва і праслужаць доўгі час. Канструкцыя дамкоў прадугледжвае засцярогу ад драпежнікаў.

🤗 Далучайся да “Дзікага клуба”, каб набыць іх са зніжкай:

🔸 10% пры набыцці да 5 штук
🔸 15% пры набыцці 5-9 штук
🔸 20% пры набыцці 10 штук і болей.

Цісні на актыўную спасылку ў профілі, каб падаць заяўку ў “Дзікі клуб”. 🌿🦡

📷 На фота - звычайная рудахвостка.

❓ Як лічыш, ці шмат у Беларусі яркіх птушак? Гіль (снегирь), зімародак, а хто яшчэ? Хочаш убачыць больш беларускіх птушак з экзатычнай афарбоўкай?

Прыходзь на выставу “Беларусь – краіна райскіх птушак” з выдатнымі фотаздымкамі нашай падпісчыцы Іны Субоцінай.

Іна працуе ўрачом, а ў вольны час змяняе белы халат на камуфляж і ездзіць у пошуках птушак па ўсёй краіне.

🎶 Кожную птушку з фота на выставе можна пачуць: трэба паднесці смартфон да qr-кода на фотаздымку.

📌 Выстава адчынена з 15 па 28 красавіка, з 10:00 да 22:00 штодзённа.
📌 Месца: Мінск, ТРЦ “Palazzo”, 3-ці паверх.

Выстава бясплатная. Для ўвахода дастаткова падпісацца на канал Smartpress.by у Viber.

📷 Фота 1 – удод (ілюстратыўнае); фота 2 – Іна Субоціна.