❓ Ты, напэўна, заўважаў_ла шышкападобны нараст над дзюбай у лебедзяў-шыпуноў? А ці ведаеш ты, якая яго роля ў жыцці птушак?

🦢 Гэты нараст ёсць у лебедзяў абодвух полаў, але ў самцоў ён большы, чым у самак. Здаецца, гэтая асаблівасць павінна граць важную ролю пры выбары птушкамі партнёру, але цікава тое, што тут яна не мае значэння.

#дзікіфакт: Памер нарасту на дзюбе ў шыпуноў мяняецца на працягу года. У гняздуючых самцоў нараст болей, чым у не гняздуючых асобін. Найвялікшага памеру нараст у самцоў дасягае падчас вылуплення птушанят. Ключавая роля самца – абарона патомства ад драпежнікаў і тэрыторыi ад іншых лебедзяў (самец нават можа забіць чужынца). ⛔️

🪶 Найменшага памеру нараст над дзюбай дасягае пад час лінькі, калі замена пёраў з’яўляецца моцнай нагрузкай на арганізм.

У гняздуючых самак таксама большы нараст, чым у тых, хто не прыступіў да гнездавання. Але ў перыяд кладкі і наседжвання нараст у самак памяншаецца. Магчыма, гэта таксама звязана з нагрузкай на арганізм птушкі ў гэты перыяд.

⚖️ У больш цяжэйшых асобін абодвух полаў нараст над дзюбай большы.

⏳ Нараст памяншаецца з узростам птушкі, дасягаючы найвялікшага памеру паміж 8 і 14 гадамі жыцця, а потым змяншаецца.

Крыніца: Адам Збырыт.

Скрыжуем лапкі на ўдачу перад вылетам!🤞🧡

Міграцыя – магутны фактар натуральнага адбору. З тых птушанят, што пачалі лётаць, на наступны год выжывае менш за палову! 😯

❓ Якія выпрабаванні праходзяць птушкі падчас міграцыі?

▪️ На шляху міграцыі бываюць складаныя ўчасткі. Напрыклад, калі вераб’іныя ляцяць з Ізраіля ва Усходнюю Афрыку, ім трэба перасекчы пустыню Сахара. Калі ў птушкі будзе недастаткова энергіі і яна не знойдзе аазіс, яна загіне. 🏜

▪️ Шмат птушак гіне ад драпежнікаў. 🦅

▪️ Тайфуны, цыклоны, рэзкія змены надвор’я, пажары могуць збіваць птушак з маршруту. Надвор’е можа і фізічна забіваць птушак: трапіўшы ў моцны халодны дождж, яны могуць загінуць ад пераахаладжэння. ⛈

▪️ Нямала птушак памірае ад батулізму, птушынага грыпу і іншых хвароб. Гэта звязана з тым, што падчас міграцыі птушкі збіраюцца ў вялікія чароды.

❗️ Натуральных перашкод і пагроз, як бачым, шмат, але нямала і створаных чалавекам.

▪️ Птушкі, якія ляцяць ад нас ва Усходнюю Афрыку праз Бліжні Усход, Кіпр, Мальту, часта становяцца ахвярамі браканьераў, якія забіваюць іх для рэстаранаў ці проста каб пахваліцца сваёй “зухаватасцю”. Птушкі, якія ляцяць у Заходнюю Еўропу, трапляюць пад моцны прэс паляўнічых у Францыі, Італіі і Іспаніі. 😟

▪️ Бадзяжныя кошкі забіваюць мільёны птушак, асабліва маладых вераб’іных, аслабленых пералётам. 🐈

▪️ Шмат нашых буслоў і іншых птушак разбіваецца падчас міграцыі аб правады, мільёны птушак гінуць, сутыкаючыся з шыбамі будынкаў. 🏠 Зрабі свае вокны бяспечнымі для птушак 👉 https://wildlifebelarus.org/news/718575.html.

▪️ Адзін з найважнейшых фактараў гібелі птушак на міграцыі – знікненне месцаў кармлення, напрыклад, асушэнне прыбярэжных зон. Знішчэнне лясоў, зарасцей трыснягу, разворванне паплавоў таксама вядзе да гібелі птушак.

📷 На фота Рамана Чалея вялікі зуёк (галстучник), @ptushkafota.

#міграцыяптушак #EastAtlanticFlyway #EAF #flyways

✨ Архідэі і іншыя пярліны Хаваншчыны. #ДзікіяЭкспедыцыі

Спёка, хочацца ў цянёк, пад лясныя шаты? А нашы спецыялісты могуць упэўнена сказаць: і там таксама горача! 🥵

Ім даводзіцца находжваць дзясяткі кіламетраў па гушчарах. Вось паслухайце Вадзіма Пракапчука:

"Спім нямнога, ходзім вельмі многа: 15-20 км кожны дзень па лясах, якія могуць быць з заваламі, канавамі, затопленымі ольсамі. Пастрайнелі, пахарашэлі. П’ем шмат вады, яе носім у заплечніку з сабой па 3-4 літры. Ёсць маршруты, дзе зранку выйшаў, увечары прыйшоў. Ёсць на некалькі гадзін, тады збіраемся ў прызначаным месцы і пераязджаем на іншы біятоп".

Вось на Хаваншчыне нашаму спецыялісту Юрыю Квачу собіла ўлезці ў такі буралом, што давялося даць вялікага кругаля, каб абысці яго. Ды яшчэ ў кампаніі прыставучых камароў:

"Я ўжо падумаў набыць капялюш з сеткай, але шукаць у ім расліны нязручна, - расказвае Юрый. - На Хаваншчыне як сядзеш запісваць каардынаты “чырванакніжных” раслін, камары аблепліваюць, у нос, у рот лезуць, а трэба пісаць - і не можаш".

🌲🦅 Хаваншчына – гэта тэрыторыя, важная для птушак, у Івацэвіцкім раёне плошчай 17308 га. Яна была вылучана ў свой час для глабальна пагражальнага віду птушак – вялікага арляца (большого подорлика). Тут шмат забалочаных бярэзнікаў і ольсаў.

Прыблізна палова гэтай тэрыторыі мае статус мясцовага заказніка і знаходзіцца пад аховай. Дзякуючы працы нашых спецыялістаў, спадзяёмся, удасца перадаць пад ахову новыя ўчасткі, а магчыма, нават надаць заказніку статус рэспубліканскага і пашырыць яго межы.

Тут Вадзім Пракапчук, Юрый Квач і Юрый Янкевіч знайшлі рэдкія прыгожыя архідэі – венерын чаравічак і тайнік яйцападобны. Пабачылі цэлыя “плантацыі” чарамшы і зубніцы клубняноснай, пра якую мы нядаўна пісалі. Знайшлі месцы, дзе гняздуюць беласпінныя дзятлы, драчы (коростель), чаплі-бугаі (большая выпь). Адшукалі нару барсука і месцы, дзе жывуць балотныя чарапахі і матылёк чорны апалон.

Усяго яны знайшлі тут 267 месцаў з рэдкімі відамі, а таксама рэдкіх і тыповых біятопаў, якія будуць перадавацца пад ахову. 🤲

Працяг 👇

❓ Уражвае? Ты можаш падтрымаць гэтую важную працу!

🦡 Набывай абанемент “Дзікі клуб”: увесь прыбытак ідзе на ахову дзікай прыроды Беларусі: https://birdingbelarus.by/dikiyklub 💚

А ты атрымліваеш доступ да закрытых лекцый, бонусаў і іншых цікавых магчымасцяў. Be wild! 🐾

📷 На фота венерын чаравічак, аўтар Agnieszka Kwiecień, Wikimedia Commons.

🐦 Свіргулі (стрижи) – сапраўдны паветраны пыласос. 😅

Шырока адкрыўшы рот, чорны свіргуль ловіць як падхватнікам (сачком) паветраны планктон з насякомых і павучкоў. 🦟🕷️ Ён склейвае іх сліной і трымае ў паддзюб'і. Атрымліваецца такі шарык (болюс) з насякомых памерам каля 1 см і вагай каля 1 грама. Гэты шарык свіргуль нясе ў гняздо, каб накарміць птушанят.

#дзікіфакт: Калі надвор’е вільготнае, свіргуль у пошуку насякомых можа ўлятаць нават да 800 км на некалькі дзён! 😲

Птушаняты падчас дажджоў цярпліва чакаюць у гняздзе бацькоў, снізіўшы тэмпературу цела і запаволіўшы функцыі розных органаў.

⏳ У такім стане свіргуляняты могуць чакаць ад 48 гадзін да 10 дзён, і страціць за гэты час да 50% масы цела.

📷 На фота Паўла Сацуты свіргуль нясе ў сваім паддзюб'і болюс.

Калі ты таксама хочаш дзяліцца з намі сваімі птушынымі фотаздымкамі, далучайся ў чат "Птушкі з фотастужкі", @ptushkafota.

📆 2 жніўня – Дзень экадоўгу. Сёння чалавецтва патраціла ўвесь аб’ём аднаўляльных рэсурсаў, якія планета здольная аднавіць за год.

☝️ З гэтага дня мы пачынаем спажываць звыш нормы, памяншаючы запасы рэсурсаў, накопленых прыродай за гісторыю планеты. 🌍

❓ Што асабіста ты можаш зрабіць, каб зберагчы прыродныя рэсурсы?

🔹Хаця б адзін дзень на тыдзень не есці мяса,
🔹выкарыстоўваць LED-лямпачкі,
🔹не выкідваць, рамантаваць сапсаваныя рэчы,
🔹знізіць хуткасць, калі едзеш у аўто,
🔹спажываць мясцовыя прадукты
🔹далучыцца да “Дзікага клуба” https://birdingbelarus.by/dikiyklub: увесь прыбытак ад клуба ідзе на ахову дзікай прыроды Беларусі.

📷 Фота зроблена нашым спецыялістам Юрыем Янкевічам падчас экспедыцыі па выяўленні рэдкіх відаў і біятопаў на Хаваншчыне – тэрыторыі, важнай для птушак.

#earthovershootday #worldenvironmentday

Віталь Сахвон – чалавек, якога любоў да птушак і прыроды з дзяцінства прывяла да працы ва ўніверсітэце. А яшчэ – стваральнік сайта пра гарадскіх птушак. 🐦

«Cайт будзе важным месцам збору інфармацыі ад арнітолагаў-аматараў і не толькі. Бо мая мэта на найбліжэйшыя гады – запусціць праект па складанні атласа птушак Мінска, накшталт тых, што ствараюцца ў Еўропе, Расіі па пэўным узоры. У гэтай справе я моцна спадзяюся на птушкароў. У канцы года ці ў пачатку наступнага я планую запусціць гэты праект і прыцягнуць у каманду самых актыўных з іх. Спадзяюся на падтрымку з іх боку».

❤️ Натхняйся назіраннямі за птушкамі і дзікай прыродай у нашым новым інтэрв’ю 👇

https://wildlifebelarus.org/news/723834.html