✅ EKSPORTNI OSHIRISH MAHSULOT SIFATIGA BOG‘LIQ...

📍 Andijon shahridagi “Biznes markazi”da O‘simliklar karantini va himoyasi agentligi direktori Ibrohim Ergashev, O‘zbekiston Eksportchilari Uyushmasi raisi Yorqinjon Malikov va ma‘sul tashkilotlarning vakillari ishtirokidagi “Ochiq muloqot” bo‘lib o‘tdi.

👫 Unda viloyat hududidagi eksportchi tadbirkorlar, fermer xo‘jaliklari rahbarlari hamda mahsulot tayyorlovchi brokerlar ishtirok etdilar.

💬 Jarayonda so‘z olganlar  agrar soha vakillariga qiymati yuqori bo‘lgan bozorlarning talablari, mahsulotlarni nafaqat ekologik toza bo‘lishi, balki saralanganligi, kalibrlanganligi va to‘g‘ri markirovka qilinganiga ham e‘tibor qaratish lozimligi tushuntirildi.

☑️  “Ochiq muloqot” davomida ishtirokchilar o‘zlarini qiziqtirgan barcha savollariga atroflicha javob oldilar.

#Karantin_yangilik  #export  #muammo_yechim  #ochiq_muloqot

🔰 karantin.uz 📱Facebook 📱Instagram📺Youtube ✖️Twitter

Qishloq xo‘jaligi ekinlarini sovuqdan asrash

❄️ Yurtimizga sovuq havo oqimlari kirib kelishi va shu munosabat bilan qishloq xo‘jaligi sohasida yetishtirilayotgan ekin hamda o‘simliklarni qisqa muddatli qattiq sovuqdan asrash va betalafot o’tish bo‘yicha maslahat va tavsiyalar:

1. O‘rab qo‘yish: Iloji bo‘lsa, daraxtlar va o‘simliklarni sovuq urishi va qordan himoya qilish uchun maxsus materiallar (mato, plyonka, kraft-qog‘oz, spanbond) bilan yopish tavsiya etiladi. Bu gullaydigan kurtaklarni qisqa muddatli qattiq sovuqdan saqlab qolishga yordam beradi;

2. Ozuqa moddalari bilan sug‘orish: Sovuq havo massasi kirib kelishidan oldin daraxtlar yetarli darajada namlik va ozuqa olgan bo‘lishiga ishonch hosil qilish. Odatda suvga va foydali moddalarga to‘yingan daraxtlar past haroratlarga ko‘proq chidamliroq;

3. Mulchalash: Ekinlar ildiz zonasini maxsus ozuqa moddalar bilan qoplash tuproqdagi issiqlik va namlikni saqlab qolishga yordam beradi, bu esa ildizlarni sovuqdan himoya qiladi;

4. Shikastlangan shoxlarni kesib tashlash: Qor og‘irligi ostida ba'zi shoxlarni sinishi yoki sovuq urishi xavfini kamaytirish uchun qurib qolgan yoki shikastlangan novdalarni kesib tashlash mumkin. So‘ng, kesilgan joyni mis sulfatning suvli eritmasi (1 litr suv uchun 1 choy qoshiq modda) bilan ishlov berish mumkin;

5. Shamoldan himoya qilish: Imkoniyat bo‘lsa, daraxtlar va o‘simliklar atrofida vaqtinchalik shamol to‘siqlarini yaratish. Bu to‘siqlar ekinlarni yelvizaklardan asrashga yordam beradi.

#repost #tavsiya