🇺🇿🇨🇳Goody’da o’tkazilgan uchrashuv natijasi

🔰Avval xabar berganimizdek, O'simliklar karantini va himoyasi agentligi, Eksportchilar uyushmasi va Xitoyning yirik CUS-GROUP kompaniyasi bilan hamkorlikda mahalliy tadbirkorlarimiz uchun seminar trening o’tkazildi.

✔️ Seminarda Karantin agentligi Markaziy eksport shtabi rahbari Kamoliddin Muqimov va shtab mutaxassislari ishtirok etib, tadbirkorlarga ikki tomonlama uchrashuvlarni tashkil etishga ko’maklashdi.

➡️ Uchrashuv natijasida Xitoyning yirik qadoqlash korxonasi Karantin agentligi bilan hamkorlikda ishlash taklifini bildirib, O'zbekiston tadbirkorlari bilan qo'shma qadoqlash korxonasini tashkil etish bo'yicha kelishib olindi.

🖋 Tadbirda o'git, pestitsid ishlab chiqish korxonalari rahbarlari ham ishtirok etib, tadbirkorlarimiz bilan hamkorlikni yo’lga qo’yish tarafdori ekanligini ma’lum qildi.

✔️ CUS-GROUP kompaniyasi rahbari Karantin agentligida tadbirkorlar uchun tashkil etilgan imkoniyatlar haqida ma’lumot berdi va Xitoy tadbirkorlariga hamkorlikni mustahlamlashni tavsiya qildi.

📢 Eslatib o’tamiz, Markaziy eksport shtabi tomonidan bu kabi tadbirkorlarning manfaati uchun xizmat qiladigan uchrashuv maydonlari muntazam tashkil etilib, Karantin agentligining rasmiy sahifalarida anonslar berib borilmoqda.

#eksport_daydjest

🔰 karantin.uz 💬Facebook 📷Instagram📺Youtube ✖️Twitter

🇮🇳Hindistonda oʼtkazilayotgan loyiha doirasida Agentlik mutaxassislari entomopatogen nematodalar laboratoriyasiga ham tashrif buyurdilar

📍 Hindistondagi o‘quv dasturida qatnashayotgan Oʻzbekiston delegatsiyasi a’zolari rejalashtirilgan tadbirlarga qo’shimcha ravishda entomopatogen nematodalar tadqiqotlariga mo’ljallangan maxsus laboratoriyaga tashrif buyurdilar. Ushbu tashrifda entomopatogen nematodalar yordamida zararkunandalarga qarshi biologik kurashning ahamiyati, dalada qo‘llanish imkoniyatlari va amaliy tajribalari bilan yaqindan tanishdilar.

💬 Qizg‘in savol-javoblar: Tashrif davomida ilmiy xodimlar va laboratoriya mutaxassislari o‘rtasida ko‘plab qizg‘in savol-javoblar bo‘lib o‘tdi. Delegatsiya a’zolari nematodalarni amaliyotda qo‘llash, ularning zararkunandalarga qarshi samaradorligi va ekologik xavfsizligi haqida batafsil ma’lumot olishdi. Savollar nematodalarni ko‘paytirish, ularni turli zararkunandalar, xususan, qurtlarga qarshi qo‘llash imkoniyatlari, shuningdek, O‘zbekistonda bu texnologiyani joriy etish bo‘yicha bo’lib o’tdi.

🔬 Komstok qurtiga qarshi bionazorat tajribasi: Tadbirning eng muhim qismi Hindistonda xavfli zararkunandalardan biri hisoblangan Komstok qurtiga (Planococcus citri) qarshi nematodalar yordamida bionazorat tajribasi o‘tkazilishi bo‘ldi. Ushbu tajribada nematodalar zararkunandalarni qanday qilib zararsizlantirishi, ularning biologik faolligi va samaradorligi bo‘yicha amaliy natijalar ko‘rsatildi.

🎓 Seminar va ilmiy darslar: Seminarda o‘simliklarni himoya qilish va zararkunandalarga qarshi integratsiyalashgan kurash strategiyalari bo‘yicha keng qamrovli ilmiy darslar o‘tkazildi. Ilmiy xodimlar bionazorat vositalarining ekologik xavfsizligi, ularni qo‘llash metodologiyasi va xalqaro tajribalar bilan tanishdilar. Ushbu seminar o‘zaro bilim almashish va yangi g‘oyalarni o‘rganish uchun ajoyib imkoniyat bo‘ldi.

🔰 karantin.uz 📱Facebook 📱Instagram📺Youtube ✖️Twitter

🔰 Oʻsimliklar karantini va himoyasi agentligi direktori Ibrohim Ergashev Yevropa va Oʻrta yer dengizi oʻsimliklarni himoya qilish tashkiloti (EPPO) kengashining 74-sessiyasida ishtirok etdi.

🇦🇿Shu kunlarda Ozarbayjon poytaxtida Yevropa va Oʻrta yer dengizi oʻsimliklarni himoya qilish tashkiloti (EPPO) kengashining 74-sessiyasi davom etmoqda.

🌷 Maʼlumot uchun, xalqaro tashkilot oʻsimliklar sogʻligini muhofaza qilish, invaziv zararkunandalarning yangi hududlarga kirib kelishi va tarqalishining oldini olish boʻyicha strategiyalarni ishlab chiqadi hamda zararkunandalarga qarshi kurashning zamonaviy, xavfsiz va ilmiy jihatdan isbotlangan samarali usullaridan foydalanishni targʻib qiladi.

🖋 Tadbirda xalqaro tashkilotga aʼzo davlatlar vakillari ishtirok etib, milliy fitosanitariya tizimi holati, yangicha yondashuvlar va ilmiy tadqiqotlar natijalarini taqdim etdilar.

‼️ EPPO bilan oʻzaro hamkorlik Oʻzbekiston qishloq xoʻjaligini tashqi tahdidlardan himoya qilishga yordam beradi. Bundan tashqari, mamlakatimiz iqlimi va sharoitiga toʻla mos kela olidigan xalqaro fitosanitariya standartlarini ishlab chiqish imkoni yuzaga keladi. Qolaversa, ilgʻor tajribani joriy etish eksportni kengaytirish, xalqaro bozorlarda oʻz oʻrnimizni mustahkamlash, O'zbekiston iqtisodiy salohiyatini yuksaltirishga xizmat qiladi.

🔰 karantin.uz 📱Facebook 📱Instagram📺Youtube ✖️Twitter