🇦🇿 O‘simliklar karantini va himoyasi agentligi direktori Ozarbayjon Respublikasiga tashrifi doirasida mamlakat Oziq-ovqat xavfsizligi agentligi raisi o‘rinbosari Balarehim Quliyev bilan uchrashdi.

🤝 Muloqotda ikki mamalakat o‘rtasida o‘simliklar karantini va himoyasi sohasida hamkorlik to‘g‘risida imzolangan Bitimni amalga oshirish maqsadida asosiy yo‘nalishlarni belgilab oldilar.

✍️ Malaka oshirish maqsadida:
- fitosanitar xavfni baholash;
- zararkunandalar xavfini boshqarish;
- laboratoriya tadqiqotlari va diagnostikasi;
- dala nazorati;
- innovatsion zararsizlantirish usullari (sovuq va issiq bilan ishlov berish, fumigatsiya);
- o‘simliklarni himoya qilishda kimyoviy vositalardan samarali foydalanish;
- zararkunandalarga qarshi biologik usullar;
- ilmiy salohiyatni rivojlantirish yuzasidan hamkorlikni mustahkanlashga kelishib oldilar.

Shuningdek, O‘zbekiston va Ozarbayjon o’rtasida qishloq xo’jaligi mahsulotlarini import va eksport qilish jarayonlarini soddalashtirish maqsadida fitosanitariya sohasidagi axborot tizimlarini integratsiya qilish orqali fitosanitariya sertifikatlarni almashish choralarini ko‘radilar.

🔰 karantin.uz 📱Facebook 📱Instagram📺Youtube ✖️Twitter

#etirof

✅ Avval xabar berganimizdek, Boku shahrida Yevropa va Oʻrta yer dengizi oʻsimliklarni himoya qilish tashkiloti (EPPO) kengashining 74-sessiyasi bo‘lib o‘tmoqda.

🖊 Kengash sessiya doirasida tashkilotning 2023-yilgi moliyaviy hisoboti, shuningdek, kun tartibiga kiritilgan muhim masalalardan biri – tashkilot Kengashining prezidenti va vitse-prezidenti (o‘rinbosari) ni tayinlash masalasini ko‘rib chiqdi.

🔰 O‘simliklar karantini va himoyasi agentligi bosh mutaxassisi Sultonmahmud Sultonov yana Kengashining vitse-prezidenti etib saylandi.

🌏 Ma’lumot uchun, EPPO Yevropa-Oʻrta yer dengizi mintaqasida oʻsimliklar salomatligi sohasida hamkorlik qilish uchun masʼul boʻlgan hukumatlararo tashkilotdir. Tashkilot 1951-yilda Yevropadagi 15 ta davlat tomonidan tashkil etilgan. Hozirda xalqaro tuzilmaga 52 davlat aʼzo boʻlgan.

🔰 karantin.uz 📱Facebook 📱Instagram📺Youtube ✖️Twitter

✅ “Kapitalbank” ATB: eksport shartnomalarida yangi hamkorlar uchun “akkredetiv” eng maqbul yechim

🔴 Ayni vaqtda Markaziy eksport shtabida yosh mutaxassilar uchun “Kapitalbank” ATB tashqi iqtisodiy faoliyat bo‘limi rahbari Firuz Maxamatov ishtirokida trening o‘tkazilmoqda.

👫 Maqsad – eksport/import operatsiyalari bo‘yicha yoshlarning bilimlarini oshirishdan iborat. Sababi eksport shtabi mutaxassislari mahalliy tadbirkorlarga yangi hamkorlar topish, eksport hajmini oshirish va shartnomalar tuzishda ham yordamlashadilar.

💬 Muloqotda debitorlik qarzdorlik tushunchasi, “tabiiy zarar”, “oziq-ovqat tizimdagi yo‘qotishlar” haqida ham ma’lumot berildi va bunday holatlarda bank instrumentlaridan foydalanish tartibi tushuntirildi.

🔰 karantin.uz 📱Facebook 📱Instagram📺Youtube ✖️Twitter

🌾 🇮🇳 Delegatsiya Sholi tadqiqotlari instituti (Indian Institute of Rice Research)da

O‘zbekiston delegatsiyasi "Indian Institute of Rice Research" (IIRR)ga tashrif buyurib, sholi ekini tadqiqotlari va innovatsion usullar bilan yaqindan tanishdilar. IIRR - Hindistonning guruch yetishtirish borasidagi asosiy tadqiqot markazlaridan biri bo‘lib, u yerda guruchning hosildorligini oshirish, yangi navlarni yaratish va ularni turli kasalliklar va zararkunandalarga chidamliligini ta’minlash borasida keng qamrovli tadqiqotlar olib boriladi.

🖥 IIRR haqida qisqacha ma’lumot:
Indian Institute of Rice Research (IIRR) - Hindistonning Haydarobod shahrida joylashgan bo‘lib, 1965-yilda tashkil etilgan. Institutning asosiy maqsadi - sholi yetishtirishda zamonaviy ilmiy usullarni joriy etish, hosildorlikni oshirish va ekologik xavfsiz qishloq xo‘jaligi usullarini rivojlantirishdir. IIRR Hindiston bo‘ylab va xalqaro miqyosda qator mamlakatlar bilan samarali hamkorlik qilib kelmoqda.

🔬 Delegatsiyaning asosiy faoliyati:
1. Institut faoliyati bilan tanishuv: Delegatsiya a’zolari IIRR ilmiy xodimlari bilan uchrashib, institutning tadqiqot yutuqlari, yangi yaratilgan guruch navlari, shuningdek, sholining turli kasallik va zararkunandalarga chidamliligini oshirish bo‘yicha olib borilayotgan innovatsion loyihalar bilan yaqindan tanishdilar.

2. Ilmiy seminar va ma’ruzalar: Delegatsiya vakillari institutda tashkil etilgan qator ilmiy seminar va ma’ruzalarda ishtirok etishdi. Ushbu tadbirlarda Hindistonda sholi yetishtirish borasidagi ilg‘or texnologiyalar, kasallik va zararkunandalarga qarshi biologik kurash usullari, shuningdek, global oziq-ovqat xavfsizligini ta’minlash bo‘yicha olib borilayotgan tadqiqotlar haqida ma’lumot berildi.

3. Ilmiy muloqotlar va tajriba almashish: Delegatsiya vakillari IIRR ilmiy xodimlari bilan sholi yetishtirishda duch kelinayotgan muammolar va ularni bartaraf etish bo‘yicha qizg‘in muloqotlarda bo‘lishdi. Savol-javoblar davomida o‘zaro tajriba almashildi va O‘zbekiston sharoitida sholi yetishtirish hamda zararkunanda va kasalliklariga qarshi kurashish uchun mos usullar haqida maslahatlar berildi.

🤝 Kelajakdagi rejalar:
Delegatsiya a’zolari IIRR bilan birgalikda sholining umumiy zararkunandalariga qarshi kurash, jumladan, biologik kurash usullarini joriy etish va turli kasallik va zararkunandalarga chidamli guruch yetishtirish bo‘yicha bir qator ilmiy-tadqiqotlar o‘tkazish va amaliyotda foydalanishga kelishib oldilar.

🔰 karantin.uz 📱Facebook 📱Instagram📺Youtube ✖️Twitter