Bugun oziq-ovqat xavfsizligini ta’minlash yo’nalishida xalqaro forum o’z ishini boshladi

🔺“Dengizga chiqish imkoni bo‘lmagan rivojlanayotgan davlatlarning oziq-ovqat xavfsizligi va barqaror rivojlanish maqsadlari” xalqaro forumining ochilish marosimida BMTning Oziq-ovqat va qishloq xo‘jaligi tashkiloti (FAO) Bosh direktori Suy Dunyuy hamda Birlashgan Millatlar Tashkiloti (BMT) Bosh kotibi o‘rinbosari Rabab Fatima so‘zga chiqdi.

Spikerlar dengizga chiqish imkoni bo‘lmagan rivojlanayotgan davlatlarda qishloq xo‘jaligi va oziq-ovqat tizimlarini rivojlantirishning dolzarbligi va imkoniyatlari haqida so‘z yuritildi.

Forum doirasidagi sessiyalarda O’simliklar karantini va himoyasi agentligi direktorining o’rinbosarlari Bobur Xamrayev va Ulug’bek Yunusovlar ishtirok etib, oziq-ovqat havfsizligini ta’minlashda o’simliklar karantini qoidalariga rioya qilishning ahamiyati haqida ma’ruza taqdim etdilar.

Shuningdek, zararli chigirtkaga qarshi kurash tadbirlari muhokama etildi. Sababi mazkur turdagi hasharotlar oziq-ovqat xavsizligiga ta’sir ko’rsatadigan omillardan biri hisoblanib, o’z vaqtida tezkor tadbirlarning olib borilishi xavf ko’lamini kamaytirish imkonini beradi. Ushbu yo’nalishda xalqaro tashkilotlar bilan hamkorlik o’rnatilib, so’nggi yillarda biologik preparatlar ham sinovdan o’tkazilmoqda.

🔰 karantin.uz 📱Facebook 📱Instagram📺Youtube ✖️Twitter