🏛 “Xotira va qadrlash kuni” umumxalq bayrami arafasida Qatag‘on qurbonlari davlat muzeyiga ekskursiya tashkil etildi

✅ O‘simliklar karantini va himoyasi agentligi markaziy apparatining bir guruh xodimlari tomonidan Agentlik kasaba uyushmasi qo‘mitasi hamkorligida 9 may — “Xotira va qadrlash kuni” umumxalq bayrami arafasida “Shahidlar xiyoboni” maydoni hamda uning hududida joylashgan “Qatag‘on qurbonlari” muzeyiga ekskursiya tashkil etildi.

🗺 Dastlab xodimlar “Shahidlar xiyoboni” bilan yaqindan tanishdilar. Muzey ilmiy xodimlari maydon haqida, uning qanday tashkil topganligi, tarixi, shuningdek, maydonda bunyod etilgan “Qatag‘on qurbonlari xotirasi” muzeyi haqida batafsil ma’lumot berib o‘tdi.
Xususan, shahidlar xotirasi xiyobonining barpo etilishi, sovet hukumati O‘zbekistonda olib borgan qatag‘on siyosati va uning fojiali oqibatlari, 1980-yillardagi “paxta ishi” kabi qatag‘on to‘lqini nafaqat ilm-fan va madaniyat namoyandalari, davlat arboblarini, balki ko‘plab oddiy insonlarni ham o‘z domiga tortgani haqidagi faktlarga asoslangan ma’lumotlar asnosida so‘zlab berdi.

‼️ Shuningdek, ekskursiya davomida xodimlar muzey bo‘limlaridagi har bir davr muhitini aks ettirgan eksponatlarni katta qiziqish bilan tomosha qilib, ko‘plab tarixiy ma’lumotlar va unutilmas taassurotlar olishdi.

✔️ Ta’kidlash joizki, Agentlik tomonidan mamlakatimiz muzeylariga tashkil etilayotgan bu kabi ekskursiyalar ishchi-xodimlarga ma’naviy ozuqa berib, ularda Vatanga muhabbat, ajdodlarga, tariximizga bo‘lgan faxr tuyg‘ularini oshirishga xizmat qiladi.

🔰 karantin.uz 📱Facebook 📱Instagram📺Youtube ✖️Twitter

❤️ Prezident Shavkat Mirziyoyev Mudofaa vazirligining Markaziy harbiy klinik gospitaliga borib, Ikkinchi jahon urushi qatnashchilari holidan xabar oldi.