چنت خايف
من وداعك خايف تسافِر بعمري
وتاخِذ سنيني متاعك
وانه اظل بلايه روح متاني جَيتي
هلبت بطاري الحلم يضحك شراعك
هلبت الگاني من اشوفك
وابچي يمي
وارجَع انه الما اعرفك
وترجع أنتَ الما تحِبني .

ومن گتلك
شوفني بعينك ولو حسبة ثواني
وخلني اشوفك
ليش عينك غمضتها وماشفتني !

لا تسولفلي على حَزنك
أنه أفهمك
وما عليك مَن المسافه
وحتلو نحَچي برسايل
اني يمك
ولا تخاف عليه انت
ولا يهمك
أنه حَزني يضيع مَن اندل ضحكتك
ومن يسئلوني على حلمي
أذكر أسمك
وأمنيتي أعرف
وانت هم مثلي
أسمي حلمك ؟

‏منو مثلي اذا زعلان منك
يرجع يراضيك ؟
منو مثلي يعرفك ما تجي
ويكول انه متانيك !
جذّب بـ الرسالة ودز أحبك حيل
أني وگلبي نعرف جذب ومصدگيك !
تهتم بـ العيون الغمضت گبلك ..
وتتلافه العيون الباچية لـ طاريك
تناقض بيك
تعجز عن محبتي شبيك !

ولا واحد عرف بينا
ولا باقي عرف لينا
نضحك للهوى وللياس
وللناس التحاچينا
هذول إحنه
قبل لا يوگع إبنادم
عليه توگع بواچينه .

لو يهّل وجهك حبيبي
الا اوزع كُل بواچي على المحد بچاله
الا اصوغ السكته الك ساعي ورسالة
الا اطفيلك ايامي ..
مراد جيتك وانتَ تدري كحلة البيبان
چفك يا حبيبي