‏توادعنه وداع الصايم وماي
‏خلت أمل نرجع واصبرلها
‏وأذا فكرت ترجع عندي شرطين
‏ولو تحلم بـعـد ما أرجعلها

ولك چمدوب؟
اخذني من القميص ارويحتي اخفيفة
اخذني اطوير شافك وحدك وليّفة
اخذني وطرز عيوني على امتونك
احبك من يفر بيك النعاس وتذبل عيونك .

ما شلتوا الگمر وياي
وما غنيتوا للسچه البعيدة وياي
بديت اكره منايركم ولا احبّكم
غريبة بعيني اساميكم
وعمرّي الراح مذبوح بجناسيكم.

بلكي نكبر حزن واحد
وما يشخبطنه الحزن بين السنين
ولا لگينه ارواحنه بديرة نفاه
ولا لگينه ارواحنه ويه التايهين
الوكت كلش مو حنين .

وأعترفلك
چانت أكبر أُمنياتي
لمن أزعَل تعتنيني
بـ اسف وردلي ودخيلك
وإنتَ تدري
تدري بأول چلمه أردلك
چنت أقدسك
حتى مِن تجرحني
أرِد ليك أشتكيلك ..

حَقك ما شفت شگد
چان طبعك بارد
مـن چنت أجيلك محترگ
وألگاك حيل تعاند
مـن چان عندك چم مُحب
وماعندي غيرك واحد
كل ذني مو صوچك ترى
صوچ أهتمامي الزايد ..