يا انه، و هَلي و صَبري و جرِيب الناس
يا عُمري اليجي و عُمري العَزيز الفات

حاچيني..
أريد اتلّون بلونَك
يَمن فدوة ترُوح الخَلگ لعيونَك.

الحب تضحية وانت شوكت ضحيت .

يا شايِل وجُوه السَفر كُلها بسواليفك
عايّشلك بكيف الغُرب بس ميّت بكيفك.

چا شلّي بگذلتِي بلايّه أصابيعَك؟
يَّ دافي بگد ضحكتَك بالزعَل وياي
وبارِد مثل گلبي بيُوم توديعك ..
بعدنه ولاشبعنَه مِن العشگ زعّلات
بعدنَه ولاشبعنه أحلام ..
چان أوَل حلم عِش واحد صغيرون
دافي بگلُب شجرَه يبات
وچان أول زعَل يگضي بضحكتَك دُوم
مِثل حّزن الوطن مِن يگضي بالثورات .

لو جوه جفني اندلچ
صح عيني متشوف الجفن
بس بالاحساس اوصلچ .