ولا واحد عرف بينا
ولا باقي عرف لينا
نضحك للهوى وللياس
وللناس التحاچينا
هذول إحنه
قبل لا يوگع إبنادم
عليه توگع بواچينه .

لو يهّل وجهك حبيبي
الا اوزع كُل بواچي على المحد بچاله
الا اصوغ السكته الك ساعي ورسالة
الا اطفيلك ايامي ..
مراد جيتك وانتَ تدري كحلة البيبان
چفك يا حبيبي

آنه أگدر ما أذكرك
وجهك الچنه دمعتي
بكل مكان
گبال ياهو الچان تنزل
عادي أگدر ما أشوفه
ما عشت عمري أعلموده .

شنسَه منك وأنتَ اقرب واحد
اعله الروح كـل الناس مو ذاك القرب .

چنا حلوين ونواعد
وچنا من ندعي ونواعد
الله شاهد
وچان ماخذنا العشكَ..
والكَاع شالتنا فسايل أو شَواهد
عيني ياذاك البياض شْوصخّك؟
وشْحجّرچ يگلوب مو چنتي كواغد .

يم بابك تراب أنطفي
وأنباگ وأتوزع ضحك
چم ثوب الك جاسه المطر
بطولك عثر ذاك النهر
ما صحّ عطر
يَ التسبح بروحي شبعد
حضنك بُرد..
سولفني يم گلبك حزن
بلچن تحنّ وترد حضن..