منو بگدي
حِچة ويه صَوركم؟
ومِنو مثلي
رغم بُعد المسَافات وحُضنكم
ومِنو مَا يغفى
إذا مَا يدعي ويرَدد بأسمكُم
ومِنو مثلي ، إذا تغيبون
يبهَت لونه، يتمَرض، بعدكُم؟
ومِنو مثلي إذا مركُم حِزن مَينام
ولوجه الصُبح يدعي
الله يطَمن ويجبر گلبكم
مِنو مِن ناسكم مِثلي يحبكم ؟

‏شگد شربنه وجوههم
بس ماروينه
‏وهيَ هيچ الصورة صورة
شما بچينه ..

صَغار چنه ..
وكُلشيء بِعيون الصَغار چان جنة
يا مَراجيح الهوى لَوحن گلبنا
يا دواليب الخشب رَجعن عُمرنا .

انه من شفتك گبالي
عفت كُل ناسي ورايه
انتَ عندي مو فقط
واحد هوايه
وحَدي يمك للنهايه
منين ماتندار احبك ..

مو كلمن يلاگيك بهلا يحبك
افطن زين للملگه
گلوب الناس موش امك
وعن عيون اليكرهونك امشي ابعيد
مثل طبع الگمر خلك
وبالك تنطي الصدگ للچَذاب
بس تلتفت بأول مشكله يچَذبك
واذا مهموم اشكي لربك يحلها
بهاي الناس محد يگدر يفهمك .