#Yangilik

Chirchiqda Xitoy tajribasi asosida zamonaviy bog‘cha ish boshladi

Chirchiq shahrida 240 o‘rinli yangi davlat bog‘chasi — 14-sonli MTT faoliyat boshladi. 4 milliard so‘m mablag‘ evaziga zamonaviy ko‘rinishga keltirildi. Bog‘cha Xitoyning ilg‘or pedagogik tajribasi asosida tashkil etilgan.

Bog‘chada STEM, axborot texnologiyalari, o‘yin asosida ta’lim, ijodiy fikrlash va jamoaviy ishlashga, qo‘l mehnatiga alohida e’tibor qaratilgan. Xitoyda bu usullar yordamida bolalarni erta yoshdan rivojlantirish yo‘liga katta ahamiyat beriladi.

Aytish mumkin, Chirchiqda jami 61 ta MTT faoliyat yuritadi, 3–7 yoshli 9880 bolaning 84,6 foizi maktabgacha ta’lim bilan qamrab olingan. Yangi bog‘cha ushbu ko‘rsatkichni yanada oshirishga xizmat qiladi.

✅Telegram 🌐Website 📹YouTube 🌐Instagram✅Facebook🕊Twitter

#Sayyor_qabul

Xalq bilan faol va ochiq muloqotda ko‘plab masalalarga yechim topildi

Viloyati hokimi Zoyir Mirzayev rahbarligida "Qumovul" hududidagi viloyat Xalq qabulxonasida fuqarolar murojaatlari bo‘yicha sayyor qabul o‘tkazildi.

8 soatdan ortiq davom etgan mazkur qabulda 263 nafar fuqaroning turli muammolari o‘rganildi. Murojaatlar asosan ish bilan ta’minlash, uy-joy, kommunal xizmatlar, sog‘liqni saqlash va boshqa dolzarb masalalarni qamrab oldi.

Shu yerning o‘zida 50 ga yaqin fuqaroning muammolari joyida hal etildi. Shuningdek, huquqiy tushuntirish va maslahat talab etilgan masalalar bo‘yicha aniq va qonuniy izohlar berildi. Muayyan muddat va batafsil o‘rganishni talab etuvchi murojaatlar yuzasidan esa mutasaddi tashkilot rahbarlariga aniq vazifalar yuklatildi.

✅Telegram 🌐Website 📹YouTube 🌐Instagram✅Facebook🕊Twitter