#Metekel

ሌፍተናንት ጄኔራል አስራት ዴኔሮ በጠ/ሚሩ የተቋቋመው ግብረ ኃይል የመተከል ዞንን የፀጥታ ማስከበር ስራ መረከቡን አስታውቀዋል።

ከፍተኛ የመንግስት የስራ ኃላፊዎች እና የመከላከያ ሠራዊት አመራሮች የተካተቱበት ግብረ ኃይል በዞኑ የሕግ የበላይነትን የማረጋገጥ ስራውን ሙሉ በሙሉ ጀምሯል።

የፀጥታ ኃይሉን የሚመሩት ሌ/ጄኔራል አስራት ዴኔሮ እንደገለጹት፣ የንጹሃንን ሕይወት በማጥፋት ወንጀል የተሳተፉ ተጠርጣሪዎችን የማደን ስራው ቀጥሏል።

“በወንጀሉ የተሳተፉ ተጠርጣሪዎች በአጭር ጊዜ የሕግ ተጠያቂ ይሆናሉ” ሲሉም ተናግረዋል።

ችግሩን ከመሰረቱ ለመፍታት በአሁኑ ወቅት በየደረጃው ከሚገኙ የማኅበረሰብ አባላት እና አመራሮች ጋር ውይይት እየተካሄደ ሲሆን ወንጀለኞቹን በመለየት ለሕግ የማቅረቡ ስራም እንደሚቀጥል ሌፍተናንት ጄኔራሉ ተናግረዋል። (ኢዜአ)

@tikvahethiopiaBOT @tikvahethiopia

#TikvahFamilyMekelle

ዛሬ ከሰዓት የባንክ አገልግሎት መጀመሩን የመቐለ ቲክቫህ አባላቶቻችን አሳውቀዋል።

የንግድ ባንክ ቅርጫፎች ተከፍተው አገልግሎት ሲሰጡ ነበር።

እጅግ በርካታ ሰዎችም ገንዘብ ለማውጣት ረጅም ሰልፍ ተሰልፈው ነበር።

በተለይ በዋናው የንግድ ባንክ ቅርንጫፍ የነበረው ሰልፍ እጅግ ከፍተኛ እንደነበር የመቐለ ቲክቫህ አባላት በስልክ ገልፀዋል።

ከኢፕድ ድረገፅ እንደተመለከትነው ደግሞ የመቐለ ከንቲባ አቶ አታኽልቲ ኃይለስላሴ የግል ባንኮች ተከፍተው አገልግሎት እንዲሰጡ ትዕዛዝ መተላለፉን አሳውቀዋል።

የቲክቫህ አባላት በከተማቸው የባንክ አገልግሎት አለመኖር ነዋሪውን ክፉኛ ችግር ላይ ጥሎት እንደነበር ነግረውናል። አሁን ባንክ መከፈቱ መልካም ቢሆንም ጫናው እንዲቃለል ሁሉም ባንኮች በፍጥነት ተከፍተው አገልግሎት እንዲሰጡ ጠይቀዋል።

በተጨማሪ በከተማው ያለው የዋጋ ንረት ለነዋሪዎች ከፍተኛ ፈተና ሆኗል፤ይህም በፍጥነት እንዲስተካከል ጠይቀዋል።

በፀጥታ በኩል አሁንም የሚታዩ ዘረፋዎች መኖራቸውን በመጠቆም ለህዝቡ በሰላም መንቀሳቀስ የደህንነት ስራው እንዲጠናከር አደራ ብለዋል።

በሌላ በኩል፦

የመቐለ ቲክቫህ አባላት ኔትዎክ በሌለባቸው የትግራይ ከተሞች የዘመድ አዝማዶቻቸውን ደህንነት ለማወቅ እንደተቸገሩ ገልፀዋል።

አንዳንዶችም በሰዎች ደብዳቤ በመላክ የእናት እና አባቶቻቸውን ደህንነት ለማወቅ ጥረት እያደረጉ እንደሆነ ነግረውናል።

ኔትዎርክ በሌለባቸው አካባቢዎች ኔትዎርክ ሲከፈት የተፈጠሩ ሁኔታዎችን በዝርዝር ለቲክቫህ አባላት እንደሚያጋሩ አሳውቀዋል።

በትግራይ የሚኖሩ እና በተለያዩ የሀገሪቱ የዩኒቨርሲቲ ሄደው የሚማሩ ተማሪዎች ጉዳይ እንዳሳሰባቸው በመግለፅ MoSE ለተማሪዎቹ ሊደረግ ስለታሰበው ነገር በሚዲያ ማብራሪያ እንዲሰጥ ጠይቀዋል።

@tikvahethiopia

#Egypt #Ethiopia

አምባሳደር ዲና ሙፍቲ ባለፈው ማክሰኞ በሰጡት መግለጫ ፥ “የአፍሪካ ቀንድና ምስራቅ አፍሪካ አካባቢ እንዲተራመስ የሚፈልጉ አካላት አሉ” ማለታቸውን ተከትሎ ግብጽ በኩል ቅሬታዎች እየመጡ ነው፡፡

“የሱዳንን ሰፊ መሬትን የያዙ አሉ፤ ግን ለሱዳን ተቆርቋሪ እየመሰሉ ይረብሻሉ” ያሉት አምባሳደር ዲና “ስማቸውን መናገር ግን አልፈልግም ፤ እናንተው ታውቋቸዋላችሁ” ሲሉ ማንነታቸውን በግልጽ ሳይጠቅሱ ማለፋቸው ይታወሳል፡፡

የግብፅ የውጭ ጉዳይ ሚኒስቴር ዛሬ ባወጣው መግለጫ “የኢትዮጵያ ውጭ ጉዳይ መስሪያ ቤት ቃል አቀባይ በግብጽ የውስጥ ጉዳይ ላይ አስተያየት መስጠታቸው ተገቢ አይደለም” ብሏል፡፡

“አምባሳደር ዲና ሙፍቲ ግብጽን በተመለከተ ኃላፊነት የጎደለው አስተያየት ሰጥተዋል” ያሉት የግብፅ ውጭ ጉዳይ ሚኒስቴር ቃል አቀባይ አምባሳደር አሕመድ ሀፊዝ “ግብፅ የግድቡን ግንባታ የምትቃወመው በሀገሪቱ ያለባትን ቀውስ ለማቀዝቀዝ ነው ማለታቸው ተገቢ አስተያየት አይደለም” ሲሉም ነው የገለጹት፡፡ 

አምባሳደር ዲና “የአፍሪካ ቀንድና ምስራቅ አፍሪካ አካባቢ እንዲተራመስ የሚፈልጉ አካላት አሉ ነው ያልነው ፣ ነገር ግን ሌባ እናት ልጇን ስለማታምን ይህንን የምናደርገው እኛ ነን ካሉ ምንም ማድረግ አንችልም” ብለዋል።

ምንጭ፦ አል ዓይን ኒውስ
@tikvahethiopia @tikvahethiopiaBOT

#FireAlert #DebreMarkos

ደብረ ማርቆስ ሆስፒታል አካባቢ ከሚገኘው ጉልት ገበያ ሱቆች ላይ በአሁኑ ሰዓት ከፍተኛ የእሳት ቃጠሎ ተነስቷል።

ቁጥራቸው በውል ያልታወቁ ሱቆች ተቃጥለዋል።

የከተማው ህዝብ በነቂስ ወጥቶ እሳቱን ለማጥፋት ከፍተኛ ርብርብ በማድረግ ላይ እንደሚገኝ የምስራቅ ጎጃም ዞን ፖሊስ ጽ/ቤት አስታውቋል።

@tikvahethmagazine @tikvahethiopia