#UPDATE

የፕላቲኒየም ደረጃ በተሰጠው በ40ኛው የለንደን ማራቶን ላይ ስኬትን የተጎናፀፉት አትሌቶቻችን ዛሬ መስከረም 26/2013 ዓ.ም ከማለዳው 1:45 ቦሌ ኤርፖርት በሰላም ደርሰዋል።

የኢትዮጵያ አትሌቲክስ ፌዴሬሽን ተቀ/ም/ፕሬዝዳንት የሆኑት ኮማንደር አትሌት ደራርቱ ቱሉ ፣ የኢትዮጵያ አትሌቶች ማህበር ፕሬዝዳንት ኮማንደር አትሌት ማርቆስ ገነቲ እና አቶ ቢልልኝ መቆያ የፌዴሬሽኑ ጽ/ቤት ኃላፊ በስፍራው ተገኝተው የጀግና አቀባበል አድርገውላቸዋል።

ምንጭ፦ የኢትዮጵያ አትሌቲክስ ፌዴሬሽን
@tikvahethiopiaBot @tikvahethiopia

ችሎት!

አርቲስት ሃጫሉ ሁንዴሳን በመግደል የተከሰሱት ፦

- 1ኛ ጥላሁን ያሚ ባልቻ፣
- 2ኛ ከበደ ገመቹ መገርሳ፣
- 3ኛ አብዲ አለማሁ እና
- 4ኛ ላምሮት ከማል መሃመድ ዛሬ በፌደራል ከፍተኛ ፍርድ ቤት ልደታ ምድብ 1ኛ የህገ መንግስትና የጸረ ሽብር ጉዳዮች ወንጀል ችሎት ክሱ ተነቦላቸዋል፡፡

ከ1ኛ እስከ 3ኛ ያሉት ተከሳሾች ጠበቃ የማቆም አቅም እንደ ሌላቸው ተናግረዋል፡፡

4ኛ ተከሳሽ የሆነችው ላምሮት ከማል ጠበቃ የማቆም አቅም እንዳላት ገልጻ ሆኖም የሚቆምልኝ ጠበቃ አጥቻለው በማለት ለፍርድ ቤት አስረድታለች፡፡

ፍርድ ቤቱ የመንግስት ተከላካይ ጠበቃ እንዲቆምላቸው አዟል።

ፍርድ ቤቱ ተከሳሾቹ በተነበበላቸው ክስ ላይ መቃወሚያ ካላቸው ለመመልከት ለጥቅምት 4 /2013 ተለዋጭ ቀጠሮ ሰጥቷል፡፡

ምንጭ፦ ኤፍ ቢ ሲ
@tikvahethiopiaBot @tikvahethiopia

#UPDATE

በአሁኑ ሰዓት የፕሮፌሰር መስፍን ወልደማርያም አስከሬን ወደ ቅድስት ስላሴ ካቴድራል ቤተክርስቲያን እየተሸኘ ይገኛል - EHRC

@tikvahethiopiaBot @tikvahethiopia

“እኔ የምሰራው ሕዳሴው ግድብ ላይ ነው፤ ግድቡ ደግሞ የሁሉም ነው” - ወ/ሮ ሮማን ገ/ሥላሴ

በህወሃት ሪፖርት እንዲያደርጉ ከተባሉት አመራሮች መካከል የሕዳሴው ግድብ ሕዝባዊ ተሳትፎ ማስተባበሪያ ምክር ቤት ጽ/ቤት ዋና ዳይሬክተር ወ/ሮ ሮማን ገ/ስላሴ ጥሪውን እንዳላዩት እና እንዳላነበቡት ለአል ዓይን ተናግረዋል፡፡

“እኔ የምሰራው ሕዳሴው ግድብ ላይ ነው፣ ግድቡ ደግሞ የሁሉም ብሔር ፣ የሁሉም ሕዝብ ሀብት ነው” ሲሉ ምላሽ ሰጥተዋል፡፡

ጥሪውን በተመለከተ አስተያየት እንዲሰጡ የጠተጠየቁት ወ/ሮ ሮማን ምላሽ ከመስጠት ተቆጥበዋል፡፡

በሌላ በኩል የሰላም ሚኒስትር ዴኤታ ወ/ሮ አልማዝ መኮንን ሪፖርት እንዲያደርጉ ከተጠቀሱት መካከል ሲሆኑ ስለጉዳዩ እንዳልሰሙ ገልጸዋል፡፡

ጥሪ የተደረገው ለምክር ቤት አባላት መሆኑን ነው የማውቀው ያሉት ወ/ሮ አልማዝ መኮንን ትናንትና እስከ ምሽት ሥራ ላይ እንደነበሩና ስለእርሳቸውም ሆነ ስለሌሎች አመራሮች የሰሙት ነገር እንደሌለ ለአል ዓይን ተናግረዋል።

@tikvahethiopiaBot @tikvahethiopia

#UPDATE

ትምህርት ሚኒስቴር የ2012 ዓ.ም የትምህርት ዘመን የ12ኛ ክፍል ፈተና በኦላይን ለመፈተን የሚያስችለውን አስፈልጊ ዝግጅት ማድረጉን አስታውቋል፡፡

ለባለሙያዎች ስልጠናዎችን መስጠት መጀመሩ ሚኒስቴሩ አሳውቋል።

በትምህርት ቤቶች ውስጥ ፈተናውን ለመስጠት የሚያስችል በቂ የመብራትና የኔትዎርክ አቅርቦት እንዲኖር እየተሰራ መሆኑም ተገልጿል፡፡

የኦንላይ ፈተና ኩረጃን ሙሉ በሙሉ የሚያስቀር ከመሆኑም ባሻገር ለወረቀት እና ፈተናውን ለማረም የሚወጣውን ወጪና ጊዜ ይቆጥባል ነው የተባለው፡፡

ተማሪዎች ፈተናውን በሚወስዱበት ጊዜ የራሳቸው ታብሌት ላይ ብቻ ትኩረት እንዲያደርጉ የሚያስችል ሲስተም አለው ተብሏል።

ፈተናው የሚሰጥባቸው ታብሌቶችም በቅርቡ ለተማሪዎች እንደሚሰራጩ ተገልጿል።

ተማሪዎች ከቴክኖሎጂው ጋር እንዲተዋወቁ ከሶስር ሣምንት ያላነሰ ጊዜ የሚሰጣቸው ሲሆን ምንም ሳይጨናነቁ ለፈተና እንዲዘጋጁ ሚኒስቴሩ ጥሪ አቅርቧል - #MoE

@tikvahethiopiaBot @tikvahethiopia

#UPDATE

11ኛው የኢትዮጵያ ክልል ...

የፌዴሬሽን ምክር ቤት የደቡብ ምዕራብ ኢትዮጵያ ህዝቦች ላቀረቡት የጋራ ክልል ምስረታ ጥያቄ በኢትዮጵያ ብሔራዊ ምርጫ ቦርድ አስፈጻሚነት "ህዝበ ውሳኔ" እንዲደራጅ የቀረበውን የውሳኔ ሀሳብ ዛሬ አፅድቋል።

ምክር ቤቱ አምስተኛ ዙር የፓርላማ ዘመን ስድስተኛ ዓመት አንደኛ መደበኛ ጉባኤውን እያካሄደ ነው፡፡

እስካሁን ድረስ በደቡብ ክልል 13 የሚሆኑ ዞኖች ክልልነት ጥያቄ እያነሱ ሲሆን ጥናታቸው ሲጠናቀቅ እና ስርዓቱን ተከትለው ሲመጡ መልስ እንደሚሰጣቸው የፌዴሬሽን ምክር ቤት አፈ ጉባኤ አቶ አደም ፋራህ መናገራቸውን ኢቲቪ ዘግቧል።

@tikvahethiopiaBot @tikvahethiopia

"የአርቲስት ታረቀኝ መኪና እስካሁን አልተለቀቀም" - ጠበቃ ጀምበር አብዶ

አርቲስት ታረቀኝ ሙሉ በዋስ ቢፈታም ነሐሴ 11/2012 ዓ/ም አርቲስቱ በቁጥጥር ሲዉል ሲያሽከረክረዉ የነበረዉ ዘመናዊ አቫንቴ ሀዩንዳይ መኪና አብሮ ታስሮ የነበረ ሲሆን የፌ/መ/ደ/ፍርድ ቤት ልደታ ምድብ ችሎት መስከረም 6 ቀን 2013 ዓ/ም መኪናዉ እንዲለቀቅ ትዕዛዝ ቢሰጥም እስከ ዛሬ ድረስ መኪናው አለመለቀቁን የአርቲስቱ ጠበቃ ጀምበር አብዶ አሳውቀውናል።

የፌደራል ፖሊስ ኮሚሽን ወንጀል ምርመራ ቢሮ ዐቃቤ ህግ መኪናዉን ሊፈልገዉ ስለሚችል በሚል የፍርድ ቤት ትዕዛዝ አልፈፅምም ማለቱን ጠበቃ ጀምበር ገልፀውናል። ዐቃቤ ህግ ሲጠየቅ መኪናዉን የያዘዉ ፖሊስ እንጂ እኛ አይደለንም የሚል ምላሽ ሰጥቷል።

ጠበቃ ጀምበር፥ እየታየ ያለው የህግ የበላይትነት አለማክበር ሁኔታ እጅግ በጣም አሳሳቢ እየሆነ እየመጣ ነው ብለዋል።

@tikvahethiopiaBot @tikvahethiopia

በኢትዮጵያ በኮቪድ-19 የተያዙ ሰዎች ከ80 ሺህ አለፉ !

በኢትዮጵያ ባለፉት 24 ሰዓት በተደረገው 5,278 የላብራቶሪ ምርመራ 566 ሰዎች በቫይረሱ መያዛቸው ሲረጋገጥ የ8 ሰዎች ህይወት አልፏል። በተጨማሪ በትላንትናው ዕለት 944 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 80,003 የደረሱ ሲሆን የሟቾች ቁጥር 1,238 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 34,960 ደርሷል።

@tikvahethiopiaBot @tikvahethiopia

#NewsAlert

የፌደራል መንግስት ከትግራይ ክልል መንግስት ጋር ምንም አይነት ግንኙነት እንዳያደርግ ውሳኔ ተላለፈ !

የፌዴሬሽን ምክር ቤት ባካሄደው መደበኛ ጉባዔ የፌደራል መንግስት ከትግራይ ክልል መንግስት ጋር ምንም አይነት ግንኙነት እንዳያደርግ ውሳኔ አሳልፏል።

ውሳኔው ሊተላለፍ የቻለው ባለፈው ነሃሴ 30 2012 ዓ.ም የፌዴሬሽን ምክር ቤት አድርጎት በነበረው አስቸኳይ ጉባዔ በትግራይ ክልል የሚካሄደው ምርጫ እንዳልተደረገ ፣ እንዳልተፈጸመ እና እንደማይጸና ውሳኔ ማስተላለፉን ተከትሎ ነው፡፡

ውሳኔውን የሚከታተል የህገ መንግስት ጉዳዮች እና የማንነት ጉዳዮች አጣሪ ቋሚ ኮሚቴ ጉዳዩን ሲከታተል ቆይቶ ውሳኔው ባለመፈጸሙ በዛሬው ዕለት ባደረገው መደበኛ ስብሰባ ነው ይህንን ወሳኔ ሊያሳልፍ የቻለው፡፡

ምክር ቤቱ በትግራይ ክልል መንግስት ላይ 3 ውሳኔዎችን ማሳለፉን ገልጿል። ውሳኔዎቹ ፦

1ኛ. የትግራይ ክልል ያካሄደውን ኢ-ህገ መንግስታዊ ምርጫ ተከትሎ ከተመሰረቱ የትግራይ ክልል ምክር ቤት እና ከፍተኛ የህግ አስፈጻሚ አካል ጋር የፌዴራል መንግስት ምንም አይነት ግንኙነት እንደማያደርግ ወስኗል፡፡

2ኛ. የፌደራል መንግስት የትግራይ ህዝብን የልማት እና መሰረታዊ አገልግሎቶች ፍላጎት ማዕከል በማድረግ የከተማ እና የቀበሌ አስተዳደርን ጨምሮ በክልሉ ከሚገኙ ህጋዊ ተቋማት ብቻ የስራ ግንኙነት ያደርጋል፡፡

3ኛ. የውሳኔውን አፈጻጸም በፌዴሬሽን ምክር ቤት አፈ ጉባዔ እና ጉዳዩ በሚመለከታቸው ቋሚ ኮሚቴ ክትትል መደረግ እንዳለበት ውሳኔ አሳልፏል። (ኢቲቪ)

@tikvahethiopiaBot @tikvahethiopia

#PASSPORT

- የመደበኛ ፓስፖርት እድሳት እና አዲስ ጥያቄ ከጥቅምት 2/2013 ጀምሮ በሁሉም የኤጀንሲው (INVEA) የክልል ቅርንጫፍ ቢሮዎች አገልግሎት መስጠት ይጀምራል፤

- በአዲስ አበባ ቢሮ ከህዳር 1/2013 ጀምሮ ሁሉም መደበኛ አገልግሎቶች ይጀምራሉ፤

- በ Online ላይ ፖስፖርት ለማደስ እና ለአዲስ ፖስፖርት ቀጠሮ ለማስያዝ የማመልከት አገልግሎት በጥቅምት 10/ 2013 ይጀምራል፤

- ለውጭ አገር ዜጎች በOnline ቪዛ የማራዘም እና ግዜያዊ መኖሪያ ፍቃድ የማደስ እና አዲስ የመጠየቅ አገልግሎት ጥቅምት 2/2013 ይጀምራል፤

- የትውልድ ኢትዮጵያዊ መታወቂያ እድሳትና ጥያቄ መደበኛ አገልግሎት ከጥቅምት 2/2013 እንደሚጀምር ተገልጿል፡፡

ምንጭ፡- የኢማግሬሽን ዜግነትና ወሳኝ ኩነት ኤጀንሲ
@tikvahethiopiaBot @tikvahethiopia