#UPDATE

በኢትዮጵያ የሶስት ቀን የሥራ ጉብኝት ያደረጉት የኤርትራው ፕሬዜዳንት ኢሳያስ አፈወርቂና ልዑካቸው ዛሬ ወደ ኤርትራ ተመልሰዋል።

ከፕሬዜዳንቱ እና ልዑካቸው ጋር በልዩ ልዩ የሁለትዮሽ እና ቀጣናዊ ጉዳዮች ላይ ካተኮረ ውይይት መደረጉን ጠ/ሚ ዶ/ር አብይ አሳውቀዋል።

@tikvahethiopiaBot @tikvahethiopia

ችሎት!

ዛሬ ረፋድ በአዳማ ምስራቅ ሸዋ ዞን ከፍተኛ ፍርድ ቤት አቶ ልደቱ አያሌው በተከሰሱበት ህገ ወጥ ጦር መሳሪያ ይዞ በመገኘት ወንጀል ሶስት የዐቃቤ ህግ ምስክሮች የምስክር ቃላቸው ተሰምቷል።

ፍርድ ቤቱ የሰማውን ምስክርነት መርምሮ ብይን ለመስጠት ለጥቅምት 9 ቀን 2013 ዓ.ም ተለዋጭ ቀጠሮ ሰጥቷል።

ፍርድ ቤቱ ተከሳሹ የተፈቀደላቸው የ100 ሺህ ብር ዋስትናን ተከትሎ ለምን እንዳልተፈቱ የጠየቀ ሲሆን የቢሾፍቱ ፖሊስ ሃላፊ ቀርቦ እንዲያብራራ የታዘዘውን ትዕዛዝ ተመልክቷል።

በትዕዛዙ የቢሾፍቱ ፖሊስ መምሪያ ሃላፊ ተቀይሯል መባሉን ተከትሎ ተወካይ ወይም የክፍል ሃላፊ ለምን እንዳልቀረቡ በቀጣይ ቀጠሮ ቀርበው እንዲያብራሩም ትዕዛዝ ሰጥቷል፡፡

የኦሮሚያ ፖሊስ ኮሚሽን ግለሰቡ በህገወጥ ጦር መሳሪያ ይዞ መገኘት ክስ በተፈቀደላቸው የ100 ሺህ ብር ዋስትና መሰረት ከእስር እንዲፈታቸው ፍርድ ቤቱ አዟል። (ኤፍቢሲ)

@tikvahethiopiaBot @tikvahethiopia

በጋምቤላ ክልል ሰኞ ትምህርት ይጀምራል !

በጋምቤላ ክልል በጎርፍ አደጋ ጉዳት ከደረሰባቸው ትምህርት ቤቶች በስተቀር 257 ትምህርት ቤቶች የፊታችን ሰኞ መደበኛ የመማር ማስተማር ሥራቸው እንደሚጀምሩ የጋምቤላ ክልል ትምህርት ቢሮ አስታውቋል።

አቶ ሙሴ ጋጄት (የቢሮው ኃላፊ) ለኢዜአ ከተናገሩት ፦

- ኮቪድ-19 ወረርሽኝን በመከላከል የፊታችን ሰኞ ትምህርት እንዲጀመር አስፈላጊው ዝግጅት ተደርጓል።

- የመማር ማስተማር ሥራው በ257 ትምህርት ቤቶች ይጀምራል።

- በክልሉ በኑዌር እና በአኝዋክ ዞኖችና በኢታንግ ልዩ ወረዳ ተከስቶ በነበረው የጎርፍ አደጋ ጉዳት የደረሰባቸው 86 ትምህርት ቤቶች ግን ትምህርት መስጠት የሚጀምሩት በሂደት ነው።

- ጉዳት የደረሰባቸው ትምህርት ቤቶች በተቻለ ፍጥነት ተስተካክላው ሥራ እንዲጀምሩ እተሠራ ነው።

- በትምህርት ሚኒስቴር የሚሰጠው የማስክ ድጋፍ እንዳለ ሆኖ የውኃና ሌሎች የሚያስፈልጉ ግብዓቶችን ለማሟላት እየተሰራ ይገኛል።

- በዘንድሮው የትምህርት ዘመን ዕድሜያቸው ለትምህርት የደረሱ ሕፃናትን ጨምሮ ከ173,000 በላይ አዲስ ተማሪዎችን ተቀብሎ ለማስተማር ቢሮው እየሠራ ነው።

@tikvahethiopiaBot @tikvahethiopia

#UPDATE

በዛሬው ዕለት 357 የኢትዮጵያ ዜጎች ከሳኡዲ አረቢያ ሪያድ ወደ አገራቸው ተመልሰዋል። ከዛሬዎቹ ተመላሾች መካከል 262 ሴቶች ሲሆኑ 95ቱ ህጻናት ናቸው።

@tikvahethiopiaBot @tikvahethiopia

በትግራይ ክልል ደቡባዊ ዞን ህንጣሎ ወረዳ አንበጣ መንጋን ለመከላከል የሚያስችሉ ሁለት ዘመናዊ ማሽኖች የኬሚካል ርጭት እያከናወኑ ነው።

"ካኖን ስፕሬየር" የሚባሉት እነዚህ ዘመናዊ ማሽኖች በግል ድርጅት አማካኝነት ከቻይና በአውሮፕላን እንዲመጡ የተደረጉ ናቸው።

በአሁን ሰዓት በስራ ላይ የዋሉት 2ቱ ማሽኖች አመርቂ የሆነ ስራ እንደሚሰራባቸው የሚጠበቅ ሲሆን ሌሎች ማሽኖችም በመምጣት ላይ እንደሚገኙ ከድምፂ ወያነ ያገኘነው መረጃ ያሳያል።

በሌላ በኩል በትግራይ ክልል የአንበጣ መንጋ ለመከላከል እየተሰሩ የሚገኙ ህዝብን ያሳተፉ ስራዎች ተጠናክረው መቀጠላቸው ተገልጿል።

የተለያዩ ድርጅቶች ፣ በውጭ የሚገኙ የትግራይ ተወላጆች ፣ የመንግስት ተቋማት፣ ባለሃብቶች በቁሳቁስና በገንዘብ ድጋፍ እያደረጉ ይገኛሉ።

@tikvahethiopiaBot @tikvahethiopia

አትሌቶቻችን በሰላም ገብተዋል !

የ24 ኛው የአለም ግማሽ ማራቶን የኢትዮጵያ ልዑክ ፖላንድ ግዲኒያ በሰለም የደረሰ ሲሆን ሁሉም አትሌቶቻችን የኮሮና ቫይረስ ተመርምረው ከቫይረሱ ነፃ መሆናቸው ተረጋግጧል።

ምንጭ፦ የኢትዮጵያ አትሌቲክስ ፌዴሬሽን
@tikvahethiopiaBot @tikvahethiopia

"በኢትዮጵያ ብሔራዊ ባንክ ላይ የደረሰው የእሳት አደጋ በቁጥጥር ስር ውሏል" - ዶ/ር ይናገር ደሴ (የብሄራዊ ባንክ ገዥ)

ዛሬ የኢትዮጵያ ብሔራዊ ባንክ ካሉት ሶስት የቢሮ ህንፃዎች መካከል በአንደኛው ላይ የደረሰው የእሳት አደጋ ጉዳት ሳያደርስ በቁጥጥር ስር መዋሉን የባንኩ ገዥ ዶ/ር ይናገር አሳውቀዋል።

ዶክተር ይናገር ደሴ የእሳት አደጋው በፍጥነት መቆጣጠር በመቻሉ በሰው ህይወት ላይ የደረሰ ጉዳት እንደሌለ ለetv ተናግረዋል።

የእሳት አደጋው መንስኤ በመጣራት ላይ ይገኛል።

@tikvahethiopiaBot @tikvahethiopia

#ATTENTION📣

ምዕራብ ሀረርጌ ጭሮ ከተማ አንበጣ መንጋው ከቁጥጥር ውጪ እየሆነብን ነው ሲሉ በአካባቢው የሚኖሩ የቲክቫህ አባላት አሳውቀዋል።

@tikvahethiopiaBot @tikvahethiopia

የኢሰመጉ አስቸኳይ ጋዜጣዊ መግለጫ !

(አስከፊ ደረጃ ላይ ያለው የሰብዓዊ መብቶች ሁኔታ በኢትዮጵያ)

- የኮንሶ ዞን እና አዋሳኝ አካባቢዎች
- የቤኒሻንጉል ጉሙዝ ክልል
- የምዕራብ ወለጋና የቄለም ወለጋ አካባቢዎች
- የጋዜጠኞች እስር

ህዳር 11 ቀን 2013 ዓ.ም

* ይህ መግለጫ የወጣው ጋዜጠኛ በቃሉ አላምረው ከእስር ከመፈታቱ ቀደም ብሎ ነው።

@tikvahethiopiaBOT @tikvahethiopia

#Ethiopia

በኢትዮጵያ ትግራይ ክልል ውስጥ እየተካሄደ ያለው ጦርነት እንዲያበቃ እና ችግሩ በድርድር እንዲፈታ በርካቶች ሲጠይቁ ቆይተዋል።

ህወሓትም ጦርነቱ ቆሞ ችግሩ በውይይት ይፈታ ዘንድ ለAU እና ለሌሎችም ጥሪ ሲያቀርብ ነበር።

ድርድርን በሚመለከት የፌዴራል መንግስቱ በፍፁም ህወሓት ውስጥ ካሉት 'ወንጀለኛ' ቡድን ጋር ቁጭ ብዬ #አልደራደርም ብሎ አሳውቋል።

ይህ 'ህወሓት' ውስጥ ያለው ቡድን ታሪክ ይቅር የማይለውን ጥፋት አጥፍቷል፣ የሀገር መከታ የሆነውን መከላከያ ሰራዊት አጥቅቷል ፣ ይህን ጉዳይ አምኗል ፤ አሁን እየተካሄደ ያለው የህግ ማስከበር እና የሀገርን ህልውና እና ክብር የማስጠበቅ ዘመቻ የሚጠናቀቀው ወንጀለኞቹ ህግ ፊት ሲቀርቡ ብቻ ነው ሲል ከዚህ ቀደም አቋሙን ገልጿል።

ትላንት ምሽት ድርድርን በሚመለከት በተለያዩ መገናኛ ብዙን አንድ መረጃ ሲሰራጭ ነበር። ይህ የተሰራጨው መረጃው ግን ሀሰተኛ ነው ተብሏል።

ጉዳዩን በሚመለከት ከጠቅላይ ሚኒስትር ፅ/ቤት የተሰጠው አጭር ምላሽ ይኸው ነው ፦

"ጠቅላይ ሚኒስትር ዐቢይ አሕመድ የአፍሪካ ኀብረት ሊቀ መንበር የሆኑትን የሲሪል ራማፎሳን ልዑካን ተቀብለው በግል ይወያያሉ።

ሆኖም ግን ፣ የፌደራል መንግሥትን እና በህወሓት የሚገኙ ወንጀለኞችን ለማሸማገል ልዑካን ወደ ኢትዮጵያ ይመጣሉ ተብሎ በመሰራጨት ላይ የሚገኘው ዜና #ሀሰት መሆኑን እናረጋግጣለን።

#ድርድርን አስመልክቶ የፌደራል መንግሥት ያለው አቋም ፈጽሞ ያልተለወጠ ነው።"

@tikvahethiopiaBOT @tikvahethiopia