#Paris2024              #TeamEthiopia 🇪🇹

የፓሪስ ኦሎምፒክ ውድድር 1,500ሜ ወንዶች ሩጫ ውድድር ማጣሪያ ከደቂቃዎች በፊት ሲደረግ ሁለት ኢትዮጵያዊያን አትሌቶች ግማሽ ፍፃሜውን ተቀላቅለዋል።

በሁለተኛው ምድብ የተወዳደረው አትሌት ኤርሚያስ ግርማ 3:35.21 በመግባት ውድድሩን በአንደኝነት በማጠናቀቅ ቀጣዩን ዙር ተቀላቅሏል።

በመጀመሪያው ምድብ ተወዳድሮ የነበረው አትሌት አብዲሳ ፈይሳ ቀጣዩን ዙር መቀላቀል በሚያስችለው ደረጃ ማጠናቀቅ ሳይችል ቀርቷል።

በሶስተኛ ምድብ የተወዳደረው አትሌት ሳሙኤል ተፈራ ስድስተኛ ደረጃን በመያዝ ግማሽ ፍፃሜውን ተቀላቅሏል።

የ1500ሜ ወንዶች ግማሽ ፍፃሜ ውድድር ሐምሌ 28/2016 ዓ.ም ምሽት 4:10 ሰዓት የሚደረግ ይሆናል።

@tikvahethsport     @kidusyoftahe

“ ውሀ ማቀበል ተራ ስራ ነው “ ኃይሌ ገብረ ሥላሴ

“ ለኢትዮጵያ ብቻ የወጣ ህግ ካለ ጠይቀን እንረዳለን “

ሻለቃ አትሌት ኃይሌ ገብረ ሥላሴ በትላንቱ የኦሎምፒክ የእርምጃ ውድድር ኢትዮጵያን ለወከለው አትሌት ምስጋና ዋቁማ ውሀ አለመቅረቡ እንዳሳዘነው በሰጠው አስተያየት ተናግሯል።

“ ውሀ ማቀበል ተራ ስራ ነው “ ሲል የገለፀው ኃይሌ ገብረ ሥላሴ " ሲጀመር ረጅም ርቀት ነው የተወዳደረው ውሀ ሳይሆን የስፖርት መጠጥ ነበር ሊቀርብለት የሚገባው " በማለት አስተያየቱን ሰጥቷል።

የእርምጃ ውድድር ከሩጫም በበለጠ ከባድ መሆኑን ያስረዳው የቀድሞ አትሌት " ይህ ሁሉ ሰው ሄዶ ውሀ እንኳን አለማቀበሉ አሳዝኖኛል ፣ የሄዱት ፓሪስን ለማየት ከሆነ እሱን ማወቅ አለብን “ ብሏል።

" ውሀ መስጠት የሚፈቀድባቸው ቦታዎች አሉ ጠረጴዛ ተቀምጧል ፤ የተሰጠው ምክንያት አግባብ አይደለም ፤ ለኢትዮጵያ ብቻ ተብሎ የወጣ ህግ ካለ " IOC " ን ጠይቀን እንረዳለን።" ኃይሌ

“ አትሌት ምስጋና ዋቁማ ወርቅ ያመጣ ያህል ትልቅ ቦታ ሊሰጠው ይገባል " ሲል በውጤቱ እጅግ መደሰቱን የገለፀው ኃይሌ የተመዘገበው ያልጠበቀው ውጤት እንደነበርም ገልጿል።

መረጃው ከሸገር ስፖርት የሬዲዮ ፕሮግራም ጋር ካደረገው ቆይታ የተወሰደ ነው።

@tikvahethsport     @kidusyoftahe