የላዝዮ ደጋፊዎች ፕሬዝዳንቱን ተቃውመዋል !

የጣልያን ሴርያው ክለብ ላዝዮ ደጋፊዎች የክለቡ ፕሬዝዳንት ክላውዲዮ ሎቲቶ የሰጡት አስተያየት ላይ ተቃውሟቸውን ገልጸዋል።

የላዝዮ ፕሬዝዳንት ክላውዲዮ ሎቲቶ በትላንትናው ዕለት በሰጡት አስተያየት " የክለቡ ደጋፊዎች ግሪንውድን ከማንችስተር ዩናይትድ ማስፈረም ከፈለጉ ገንዘብ መክፈል አለባቸው " ሲሉ ተናግረው ነበር።

የክለቡ ደጋፊዎች ዛሬ ቡድኑ የቅድመ ውድድር ልምምድ በሚያደርግበት ስፍራ " ለተጨዋቾች ግዢ እርዳታ " የሚል ፅሁፍ የያዘ የእርዳታ ማሰባሰቢያ ሳጥን በማስቀመጥ ተቃውመዋል።

@tikvahethsport     @kidusyoftahe

ግሪንውድ ማርሴይን ለመቀላቀል ተስማማ !

እንግሊዛዊው የፊት መስመር ተጨዋች ሜሰን ግሪንውድ የፈረንሳዩን ክለብ ማርሴይ ለመቀላቀል በቃል ደረጃ ከስምምነት መድረሱ ይፋ ተደርጓል።

ማርሴይ ከሳምንት በፊት ተጫዋቹን በ31 ሚልዮን ዩሮ ለማስፈረም ከማንችስተር ዩናይትድ ጋር ከስምምነት መድረሳቸው ይታወሳል።

የ 22ዓመቱ የፊት መስመር ተጨዋች ሜሰን ግሪንውድ በቀጣይ የህክምና ምርመራውን ለማድረግ እንደሚጓዝ ተገልጿል።

@tikvahethsport     @kidusyoftahe

ፈረንሳይ የአርጀንቲና ተጨዋቾችን ከሰሰች !

የፈረንሳይ እግርኳስ ፌዴሬሽን የአርጀንቲና ብሔራዊ ቡድን ተጨዋቾች ላይ ለአለም የእግርኳስ የበላይ ፊፋ ቅሬታ ማቅረቡን በይፋ አስታውቋል።

ፌዴሬሽኑ ቅሬታውን ለፊፋ ያቀርበው የኮፓ አሜሪካ አሸናፊው አርጀንቲና ብሔራዊ ተጨዋቾች ከድል በኋላ ባሰሙት ዝማሬ ምክንያት መሆኑ ተነግሯል።

የአርጀንቲና ብሔራዊ ቡድን ተጨዋቾች ኮፓ አሜሪካ ካሸነፉ በኋላ በጉዞ ላይ እያሉ " ለፈረንሳይ ይጫወታሉ ግን ሁሉም የመጡት ከአንጎላ ነው " እያሉ ሲዘምሩ ተሰምተው ነበር።

ተጨዋቾቹ ዝማሬውን ሲያሰሙ በኢንዞ ፈርናንዴዝ ማህበራዊ ትስስር ገፅ በቀጥታ እየተላለፈ እንደነበር ተገልጿል።

የፈረንሳይ እግርኳስ ፌዴሬሽን የአርጀንቲና ተጨዋቾች ያሰሙት ዝማሬ የዘረኝነት እና አድሏዊ የሆነ ተቀባይነት የሌለው ነው በማለት አውግዟል።

አርጀንቲና ፈረንሳይን በ2022 አለም ዋንጫ ፍፃሜ ጨዋታ ስትረታት የአርጀንቲና ደጋፊዎች ይህንን ዝማሬ በተመሳሳይ ሲያሰሙ ነበር።

በቅርቡ በተጠናቀቀው አውሮፓ ዋንጫ ውድድር ፈረንሳይ ያሳተፈቻቸው አስራ አራት ተጨዋቾቿ የአፍሪካ የዘር ሀረግ ያላቸው ናቸው።

@tikvahethsport     @kidusyoftahe

የቼልሲ ተጨዋቾች ኢንዞ ፈርናንዴዝን ተቃወሙ !

የአርጀንቲና ብሔራዊ ቡድን ተጨዋቾች ያሰሙት ዝማሬ በምዕራብ ለንደኑ ክለብ ቼልሲ የሚጫወቱ ፈረንሳዊ ተጨዋቾችን ማበሳጨቱ ተገልጿል።

ፈረንሳዊ የቼልሲ ተጨዋቾችን ያበሳጨው በተለይም ዝማሬው በቡድን አጋራቸው ኢንዞ ፈርናንዴዝ ማህበራዊ ትስስር ገፅ መሰራጨቱ እንደሆነ ተነግሯል።

ፈረንሳዊው ተጨዋች ዊስሌይ ፎፋና በ " X " ማህበራዊ ትስስር ገፁ " እግርኳስ በ2024 ዘረኝነት ያልተከለከለበት " ሲል ብስጭቱን ገልጿል።

ፈረንሳዊ የሆኑት የቼልሲ ተጨዋቾች አክሴል ዲሳሲ ፣ ማሎ ጉስቶ እና ዊስሌይ ፎፋና አሁን ላይ በኢንስታግራም የማህበራዊ ትስስር ገፅ ኢንዞ ፈርናንዴዝን " Unfollow " አድርገዋል።

@tikvahethsport     @kidusyoftahe

ኒኮ ዊሊያምስ ባርሴሎናን መቀላቀል ይፈልጋል !

ስፔናዊው የአትሌቲክ ቢልባኦ የፊት መስመር ተጨዋች ኒኮ ዊሊያምስ በቀጣይ የካታላኑን ክለብ ባርሴሎና መቀላቀል እንደሚፈልግ ተገልጿል።

በርካታ ታላላቅ ክለቦች ለማስፈረም እየተመለከቱት የሚገኘው ተጨዋቹ ቀጣይ ማረፍያውን ለመምረጥ ከተገደደ ለባርሴሎና ቅድሚያ እንደሚሰጥ ተነግሯል።

የእንግሊዝ ፕርሚየር ሊግ ክለቦች አርሰናል እና ቼልሲ አሁንም ኒኮ ዊሊያምስን ማስፈረም እንደሚፈልጉ ተገልጿል።

@tikvahethsport     @kidusyoftahe

ቼልሲ ምርመራ መጀመሩ ተገለጸ !

የምዕራብ ለንደኑ ክለብ ቼልሲ ተቃውሞ የቀረበበትን የአርጀንቲናውን የመሐል ሜዳ ተጨዋቻቸው ኢንዞ ፈርናንዴዝ የቪዲዮ ቅጂ በመመርመር ላይ መሆናቸው ተገልጿል።

ሰማያዊዎቹ ጉዳዩን በቁምነገር በመያዝ በምርመራ ላይ መሆናቸው ሲዘገብ ከምርመራው በኋላ ውሳኔ ያሳልፋሉ ተብሎ እንደሚጠበቅ ተነግሯል።

በምዕራብ ለንደኑ ክለብ ቼልሲ ከስድስት በላይ ፈረንሳዊ ተጨዋቾች ይገኛሉ።

@tikvahethsport     @kidusyoftahe

መልካም ዕድል!
ከፍ የተደረጉ ኦዶችን አይተዋል ? እንግዲያውስ ተወራረዱባቸው!
Dinamo Batumi - Ludogorets
ለተሻለ ውርርድ ቤቲካን ይጠቀሙ! አሁኑኑ Betika.et ላይ /በቴሌግራም ቦታችን - @BetikaETBot ይወራረዱ!

•PlayStation 5, 73,000 Birr
•Playstaion 5 Slim, 78,000 Birr

•PlayStation 4 Slim, 35,000 Birr
•PlayStation 4 Pro, 43,000 Birr

•Playstaion portal, 35,000 Birr
•Meta Quest 2, 55,000 Birr
•Meta Quest 3, 83,000 Birr

Contact
0953964175 @heymobile

@heyonlinemarket

“ ለተፈጠረው ነገር ከልብ ይቅርታ እጠይቃለሁ “ ኢንዞ ፈርናንዴዝ

አርጀንቲናዊው የቼልሲ የመሐል ሜዳ ተጨዋች ኢንዞ ፈርናንዴዝ በማህበራዊ ትስስር ገፁ ስለ ተሰራጨው ቪድዮ ከልብ ይቅርታ መጠየቅ እንደሚፈልግ ተናግሯል።

" በኢንስታግራም ገፄ ለተሰራጨው የደስታ አገላለፅ ዝማሬ ቪዲዮ ከልብ ይቅርታ እጠይቃለሁ " ሲል የገለፀው ኢንዞ ፈርናንዴዝ ዝማሬው አፀያፊ ቃላትን ይዟል ለነዚህ ቃላት ምንም ሰበብ የለም ብሏል።

" ሁልጊዜም ከእንደዚህ አይነት ጉዳዮች በተቃራኒ ነው የምቆመው ቪዲዮው እና ቃላቶቹ የእኔን ባህሪ እና እምነት እያንፀባርቁም ከልብ አዝኛለሁ " ሲል ኢንዞ ፈርናንዴዝ ጨምሮ ተናግሯል።

@tikvahethsport     @kidusyoftahe

ሊዮኔል ሜሲ በጉዳት ከሜዳ ይርቃል !

አርጀንቲናዊው የፊት መስመር ተጨዋች ሊዮኔል ሜሲ ባጋጠመው ጉዳት ምክንያት ላልተወሰነ ጊዜ ከሜዳ እንደሚርቅ ክለቡ ኢንተር ሚያሚ ይፋ አድርጓል።

ሊዮኔል ሜሲ አርጀንቲና ሻምፒዮን በሆነችበት የኮፓ አሜሪካ ፍፃሜ ውድድር ጉዳት በቀኝ እግሩ ላይ ጉዳት አጋጥሞት ተቀይሮ መውጣቱ አይዘነጋም።

ኢንተር ሚያሚ ሊዮኔል ሜሲ ወደ ሜዳ የሚመለስበት ጊዜ በእሱ የማገገም ፍጥነት እንደሚሆን የገለፀ ሲሆን የክለቡ አሰልጣኝ ታታ ማርቲኖ በበኩላቸው ከቀጣይ ሁለት ጨዋታዎች ውጪ መሆኑን አረጋግጠዋል።

ኢንተር ሚያሚ ነገ ሌሊት ከቶሮንቶ እንዲሁም ቅዳሜ ሌሊት ከቺጋጎ የአሜሪካ ሜጀር ሊግ ሶከር ጨዋታውን የሚያደርግ ይሆናል።

@tikvahethsport     @kidusyoftahe

ጁድ ቤሊንግሀም ቀዶ ጥገና ያስፈልገዋል !

እንግሊዛዊው የሎስ ብላንኮዎቹ የመሐል ሜዳ ተጨዋች ጁድ ቤሊንግሀም የትከሻ ቀዶ ጥገና ሊያደርግ እንደሚችል ተገልጿል።

ሪያል ማድሪዶች ቀኑ ይዋል ይደር እንጂ እንግሊዛዊው አማካይ ጁድ ቤሊንግሀም የትከሻ ቀዶ ጥገናውን ማድረግ እንደሚያስፈልገው እንደሚያውቁ ተገልጿል።

ጁድ ቤሊንግሀም የትከሻ ቀዶ ጥገናውን የሚያደርግ ከሆነ ከሁለት እስከ ሶስት ወራት ከሜዳ ሊርቅ እንደሚችል ተነግሯል።

@tikvahethsport     @kidusyoftahe

ምባፔ ከቡድኑ ጋር ወደ አሜሪካ አይቀናም !

ፈረንሳዊው የፊት መስመር ተጨዋች ኪሊያን ምባፔ ከሪያል ማድሪድ የቡድን ስብስብ ጋር ለቅድመ ውድድር ዝግጅት ወደ አሜሪካ እንደማያመራ ተገልጿል።

ሪያል ማድሪድ ኪሊያን ምባፔ ከአታላንታ ጋር በሚደረጉት የአውሮፓ ሱፐር ካፕ ጨዋታ ዝግጁ እንዲሆን እንደሚፈልጉ ተነግሯል።

ሪያል ማድሪድ በአሜሪካ በሚኖረው የዝግጅት ቆይታ ከባርሴሎና ፣ ቼልሲ እና ኤሲ ሚላን ጋር የወዳጅነት ጨዋታዎች ያደርጋል።

@tikvahethsport     @kidusyoftahe

ፒኤስጂ ኦሲሜንን ለማስፈረም ንግግር ላይ ነው !

የፈረንሳዩ ክለብ ፒኤስጂ የናፖሊውን የፊት መስመር ተጨዋች ቪክቶር ኦሲሜን ለማስፈረም ከተጨዋቹ ወኪሎች ጋር በንግግር ላይ መሆናቸው ተገልጿል።

ናይጄሪያዊው የፊት መስመር ተጨዋች ቪክቶር ኦሲሜን በቀጣይ ፒኤስጂ ከናፖሊ ጋር ከስምምነት ከደረሰ ለመቀላቀል ፍላጎት እንዳለው ተዘግቧል።

ከክለቡ ወሳኝ ተጨዋች ኪሊያን ምባፔ ጋር የተለያየው ፒኤስጂ በቀጣይ ታላላቅ ዝውውሮችን ሊፈፅም እንደሚችል እየተገለጸ ይገኛል።

@tikvahethsport     @kidusyoftahe

ፊፋ ምርመራ መጀመሩን ይፋ አደረገ !

የአለም እግርኳስ የበላይ ጠባቂ ፊፋ የአርጀንቲና ብሔራዊ ቡድን ተጨዋቾች ያሰሙትን ዝማሬ ቪዲዮ ቅጂ በመመርመር ላይ እንደሚገኝ ይፋ አድርጓል።

" ፊፋ በማህበራዊ ሚዲያ የተሰራጨውን ቪዲዮ ተመልክቷል ጉዳዩ እየተመረመረ ይገኛል ፊፋ በተጨዋቾች ፣ ደጋፊዎች እና ሀላፊዎች የሚቀርብን የተኛውንም መድሎ አጥብቆ ይቃወማል " ሲል ፊፋ በመግለጫው ገልጿል።

ቼልሲ በበኩሉ ባወጣው መግለጫ " የቀረበው ነገር ፍፁም ተቀባይነት የሌለው ነው ፣ ቼልሲ ሁሉንም ማህበረሰቦች እና ማንነቶች በመያዙ እና አካታች ክለብ በመሆኑ ይኮራል።

ተጨዋቾች ለህዝብ የሚያቀርቡትን ይቅርታ እናደንቃለን ለማስተማርም እንጠቀምበታለን ክለቡ በኢንዞ ፈርናንዴዝ ላይ የውስጥ የዲሲፕሊን እርምጃ ወስዷል። " ሲል ገልጿል።

@tikvahethsport     @kidusyoftahe

ሌኒ ዮሮ ወደ እንግሊዝ እያመራ መሆኑ ተገለፀ !

ፈረንሳዊው የተከላካይ ስፍራ ተጨዋች ሌኒ ዮሮ ወደ ማንችስተር ዩናይትድ የሚያደርገውን ዝውውር ለማጠናቀቅ ወደ እንግሊዝ በማምራት ላይ መሆኑ ተገልጿል።

ተጨዋቹ በቀጣይ ማንችስተር ዩናይትድን ለመቀላቀል የህክምና ምርመራውን እንደሚያደርግ እና የግል ስምምነቶችን እንደሚያጠናቅቅ ተነግሯል።

ማንችስተር ዩናይትድ ተጫዋቹን በ50 ሚልዮን ዩሮ እና ተጨማሪ ታይቶ የሚከፈል 12 ሚልዮን ዩሮ የዝውውር ሒሳብ ለማስፈረም ከሊል ጋር ከስምምነት መድረሳቸው አይዘነጋም።

ተጨዋቹ የመጀመሪያ ምርጫው ሪያል ማድሪድን መቀላቀል ቢሆንም ሎስ ብላንኮዎቹ ማንችስተር ዩናይትድ ያቀረበውን ሒሳብ ለማቅረብ ፍላጎት አለማሳየታቸው ተገልጿል።

@tikvahethsport     @kidusyoftahe

ሌኒ ዮሮ ዩናይትድን ለመቀላቀል መወሰኑ ለማድሪድ ተነግሮታል !

ሪያል ማድሪድ ፈረንሳዊው የተከላካይ ስፍራ ተጨዋች ሌኒ ዮሮ ማንችስተር ዩናይትድን ለመቀላቀል ከውሳኔ መድረሱን እንደተነገረው ተገልጿል።

ሎስ ብላንኮዎቹ የተጫዋቹን ውሳኔ እንደሚያከብሩ ሲገለፅ በቀጣይ አማራጭ ተከላካይ ለመመልከት ስሞችን መያዛቸው ተነግሯል።

ማንችስተር ዩናይትድ በበኩሉ የተጨዋቹ ዝውውር በሌሎች ክለቦች እንዳይጠለፍ ዝውውሩን በፍጥነት ለማጠናቀቅ እየሰሩ መሆኑ ተገልጿል።

ሪያል ማድሪዶች ራፋ ማሪንን የሸጡት ሌኒ ዮሮ ቡድኑን ይቀላቀላሉ የሚል ትልቅ እምነት ስለነበራቸው እንደነበር ተዘግቧል።

ይህንንም ተከትሎ በቀጣይ አዲስ የመሐል ተከላካይ ለማስፈረም ወደ ዝውውር ገበያው ለመውጣት እንደሚገደዱ ተገልጿል።

@tikvahethsport     @kidusyoftahe

🔔 ጥራትን የተላበሱ ማልያዎች በተመጣጣኝ ዋጋ!

👉🏾 ዛሬውኑ #ያናግሩን፣ ይዘዙን!

📌 ለበለጠ መረጃና ትዕዛዝ 📲 0901138283፣ 0910851535 እና 0913586742 ላይ ይደውሉ።

👉🏾 እንዲሁም በቴሌግራም @Wanawsales ላይ የሽያጭ ሰራተኞቻችንን በቀጥታ በማናገር ወይም በቴሌግራም ቦት @WanawSportBot ይዘዙን።

🏅 ዋናው ወደፊት...

@wanawsportwear

ኦባምያንግ ከማርሴይ ጋር መለያየቱን አሳወቀ !

ጋቦናዊው የፊት መስመር ተጨዋች ኦባምያንግ ከፈረንሳዩ ክለብ ኦሎምፒክ ማርሴይ ጋር መለያየቱን በማህበራዊ ትስስር ገፁ ይፋ አድርጓል።

ተጨዋቹ ባሰፈረው መልዕክትም ጠንካራ እንድሆን አድርጋችሁኛል የቡድን አጋሮቼን እና መላውን ክለቡን አመሰግናለሁ በማለት ተናግሯል።

ኦባምያንግ በቀጣይ የሳውዲ አረቢያውን ክለብ አል ቃዲሲያ በሁለት አመት ኮንትራት እንደሚቀላቀል ተገልጿል።

@tikvahethsport     @kidusyoftahe

ማድሪድ የተጫዋቹን ውል አራዘመ !

ሪያል ማድሪድ የክሮሽያዊውን የመሐል ሜዳ ተጨዋች ሉካ ሞድሪች ኮንትራት ለተጨማሪ የውድድር አመት ማራዘማቸውን ይፋ አድርገዋል።

የ 38ዓመቱ የመሐል ሜዳ ተጨዋች ሉካ ሞድሪች በሎስ ብላንኮዎቹ ቤት ለአንድ የውድድር አመት ለመቆየት ፊርማውን ማኖሩ ይፋ ሆኗል።

የክለቡ አምበል ናቾ ፈርናንዴዝ ሎስ ብላንኮዎቹን መልቀቁን ተከትሎ ሉካ ሞድሪች አዲሱ የሪያል ማድሪድ አምበል መሆኑ ተገልጿል።

ሞድሪች በሪያል ማድሪድ ቤት ባሳለፋቸው አስራ ሁለት የውድድር አመታት ስድስት የሻምፒየንስ ሊግ እና አራት የላሊጋ ዋንጫዎችን ጨምሮ ሀያ ስድስት ዋንጫዎችን አሳክቷል።

@tikvahethsport     @kidusyoftahe

ጆኒ ሄቲንጋ የሊቨርፑልን አሰልጣኞች ቡድን ተቀላቀለ !

የቀድሞ ኔዘርላንዳዊ የተከላካይ ስፍራ ተጨዋች ጆኒ ሄቲንጋ የመርሲሳይዱ ክለብ ሊቨርፑልን አሰልጣኞች ቡድን መቀላቀሉ ይፋ ሆኗል።

በኤቨርተን ቤት በተጨዋችነት ያሳለፈው ጆኒ ሄቲንጋ የአዲሱ የሊቨርፑል አሰልጣኝ አርኔ ስሎት ምክትል አሰልጣኝነት ሚናን ማግኘቱ ተገልጿል።

የቀድሞ ተጨዋቹ ጆኒ ሄቲንጋ በኤቨርተን ቤት አንድ መቶ አርባ ጨዋታዎች ላይ ተሰልፎ መጫወት ችሏል።

@tikvahethsport     @kidusyoftahe