ጣልያን ጥሎ ማለፉን ተቀላቀለች !

በአውሮፓ ዋንጫ ውድድር የምድብ ሁለት የመጨረሻ ጨዋታ ስፔን አልባንያን 1ለ0 በሆነ ውጤት ስታሸንፍ ክሮሽያ ከጣልያን ጋር 1ለ1 በሆነ አቻ ውጤት ተለያይተዋል።

ለስፔን ብሔራዊ ቡድን የማሸነፊያ ግቧን ፌራን ቶሬስ ከመረብ ማሳረፍ ችሏል።

ለክሮሽያ ብሔራዊ ቡድን ሉካ ሞድሪች ማስቆጠር ሲችል ለጣልያን ዛካኚ በጨዋታው መጠናቀቂያ ደቂቃ የአቻነት ግብ አስቆጥሮ ቡድኑን መታደግ ችሏል።

ጣልያን አቻ መውጣቷን ተከትሎ ስፔንን በመከተል አስራ ስድስቱን መቀላቀሏን አረጋግጣለች።

ሉካ ሞድሪች በአውሮፓ ዋንጫ ውድድር ታሪክ ለክሮሽያ ብሔራዊ ቡድን አራት ግቦችን በማስቆጠር የኢቫን ፔሪሲችን ታሪክ መጋራት ችሏል።

የ 38ዓመቱ የመሐል ሜዳ ተጨዋች ሉካ ሞድሪች በአውሮፓ ዋንጫ ውድድር ግብ ማስቆጠር የቻለ በታሪክ በእድሜ ትልቁ ተጨዋች መሆን ችሏል።

የአልባንያ ብሔራዊ ቡድን በበኩሉ የምድቡን የመጨረሻ ደረጃ ይዞ ማጠናቀቁን ተከትሎ ከአውሮፓ ዋንጫ ውድድር ውጪ መሆኑ ተረጋግጧል።

@tikvahethsport     @kidusyoftahe

የጨዋታ አሰላለፎች !

1:00 ፈረንሳይ ከ ፖላንድ

1:00 ኔዘርላንድ ከ ኦስትሪያ

@tikvahethsport     @kidusyoftahe