" ያነጋገረኝ ክለብ እንኳን ባለመኖሩ አዝኛለሁ " ሳሪ

ከላዚዮ ጋር ከተለያዩ በኋላ ያለ ሀላፊነት የሚገኙት ጣልያናዊው አሰልጣኝ ማውሪዝዮ ሳሪ በዚህ ክረምት ምንም የጣልያን ክለብ ለአሰልጣኝነት እንዳልፈለጋቸው ገልፀዋል።

" ከጣልያን ክለቦች ምንም አይነት የአሰልጣኝነት ጥያቄ ስላልቀረበልኝ ትንሽ አዝኛለሁ " ያሉት አሰልጣኝ ማውሪዝዮ ሳሪ " ለማነጋገር እንኳን የፈለገ ክለብ የለም ይህ እንኳን ይገባኝ ነበር ብለዋል።

አሰልጣኝ ማውሪስዮ ሳሪ በንግግራቸው በዚህ አመት ኤስ ሚላን ወይም ፊዮረንቲናን የማሰልጠን ፍላጎት እንደነበራቸው ተናግረዋል።

@tikvahethsport     @kidusyoftahe

ኤምሪ ቻን ለብሔራዊ ቡድኑ ጥሪ ቀርቦለታል !

የጀርመን ብሔራዊ ቡድን የመሐል ሜዳ ተጨዋች አሌክሳንደር ፓቭሎቪች በጉዳት ምክንያት ከቀጣዩ የአውሮፓ ዋንጫ ውድድር ውጪ ሆኗል።

በምትኩም የቦርስያ ዶርትመንዱ የመሐል ሜዳ ተጨዋች ኤምሪ ቻን ለጀርመን ብሔራዊ ቡድን ጥሪ ቀርቦለታል።

የጀርመን ብሔራዊ ቡድን የውድድሩ መክፈቻ ጨዋታውን አርብ ምሽት 4:00 ከስኮትላንድ አቻው ጋር የሚያደርግ ይሆናል።

@tikvahethsport     @kidusyoftahe

የፖርቹጋል ልምምድ ትኬቶች ለሽያጭ ቀረቡ !

የፖርቹጋል ብሔራዊ ቡድን የአውሮፓ ዋንጫ ውድድሩን ከመጀመሩ አስቀድሞ ጀርመን የሚያደርገውን ልምምድ ለመታደም በርካታ ተመልካቾች ጥያቄ ማቅረባቸው ተገልጿል።

የብሔራዊ ቡድኑን ልምምድ ለመመልከት ለህዝብ የቀረቡ 6,000 ነፃ ትኬቶች በአንድ ደቂቃ ውስጥ ለተመልካች ደርሰው መጠናቀቃቸው ተነግሯል።

የፖርቹጋል ብሔራዊ ቡድን የፊታችን አርብ ጀርመን ውስጥ የሚያደርገውን ልምምድ ለመከታተል ከ50,000 በላይ ጥያቄዎች መቅረባቸው ተዘግቧል።

አሁን ላይ አስቀድመው የነፃ ትኬቶችን ያገኙ ተመልካቾች የልምምድ መግቢያ ትኬቶቹን በበይነ መረብ እስከ 1,000 ዩሮ እየሸጡ እንደሚገኙ ተገልጿል።

@tikvahethsport     @kidusyoftahe

ቶተንሀም ከተጫዋቹ ጋር በይፋ ተለያየ !

ቶተንሀም ከፈረንሳዊው የመሐል ሜዳ ተጨዋች ታንጎይ ንዶምቤሌ ጋር ያላቸውን ኮንትራት በስምምነት ማቋረጣቸውን ይፋ አድርገዋል።

ያለፈውን የውድድር አመት በውሰት በቱርኩ ክለብ ጋላታሳራይ ቤት ያሳለፈው ታንጎይ ንዶምቤሌ በቶተንሀም ቤት የአንድ አመት ውል ይቀረው ነበሩ።

የ 27ዓመቱ ተጨዋች ታንጎይ ንዶምቤሌ ከአምስት አመታት በፊት ከፈረንሳዩ ክለብ ሊዮን በ55 ሚልዮን ፓውንድ ቶተንሀምን መቀላቀሉ አይዘነጋም።

@tikvahethsport      @kidusyoftahe

መልካም ዕድል!
ከፍ የተደረጉ ኦዶችን አይተዋል ? እንግዲያውስ ተወራረዱባቸው!
Godoy Cruz - Rosario Central
ለተሻለ ውርርድ ቤቲካን ይጠቀሙ! አሁኑኑ Betika.et ላይ /በቴሌግራም ቦታችን - @BetikaETBot ይወራረዱ!

ሽመልስ በቀለ 1⃣8⃣ ገስት ሀውስ

በውቢቷ ሀዋሳ ቆይታዎ የት ለማረፍ አስበዋል ? ንፁህ እና በደንበኞቻችን ተወዳጅ በሆነው የእንግዳ ማረፊያችን መጥተው የእረፍት ጊዜውን ያሳልፉ።

እንግዶቻችንን ተቀበልን ለእይታ ሳቢ በሆነው የእንግዳ ማረፊያችን ማስተናገድ ከጀመርን አመታትን አስቆጥረናል።

አድራሻችን :- ሀዋሳ አርቴፍሻል ስታዲየም መንገድ ላይ ያገኙናል።

ለተጨማሪ መረጃ እና ለትዕዛዝዎ ይደውሉልን :- 0928684848

#ShemelesBekele18

" ኦስትሪያን አቅልለን መመልከት የለብንም "

የፈረንሳይ ብሔራዊ ቡድን የተከላካይ ስፍራ ተጨዋች ዳዮት አፕሜካኖ ቡድናቸው ከኦስትሪያ ጋር የሚያደርገው ጨዋታ አስቸጋሪ እንደሚሆን አውቆ እንዲዘጋጅ አሳስቧል።

ዳዮት አፕሜካኖ በንግግሩም " ኦስትሪያ ቀላል የሚባል ቡድን አይደለም በሜዳ ላይ ሁሉንም የሚሰጥ ቡድን ነው " ያለ ሲሆን ባለፉት ሰባት ጨዋታዎች አልተሸነፉም አስቸጋሪ ጨዋታ መጠበቅ አለብን ብሏል።

ፈረንሳይ የአውሮፓ ዋንጫ የመጀመሪያ ጨዋታዋን ከኦስትሪያ ጋር ሰኞ ምሽት 4:00 ሰዓት የምታደርግ ይሆናል።

@tikvahethsport     @kidusyoftahe

የቫር ውሳኔ ማብራሪያ ለተመልካች ሊቀርብ ነው !

በቀጣዩ የ2024 ጀርመን አውሮፓ ዋንጫ ውድድር ላይ የሚተላለፉ የቫር ውሳኔዎች ለተመልካች ማብራሪያ እንደሚሰጥባቸው ተገልጿል።

በጨዋታዎቹ የሚተላለፉ የቫር ውሳኔዎች ማብራሪያ በስታዲየሙ በሚገኙ ስክሪኖች ለጨዋታው ተመልካቾች እንደሚገለጽ ተነግሯል።

በተጨማሪም ጨዋታውን በቴሌቪዥን ለሚከታተሉ ተመልካቾች በቀጥታ በቴሌቪዥን ማብራሪያው እንደሚቀርብ ተጠቁሟል።

ይህ ሂደት ጨዋታውን የሚከታተሉ ተመልካቾች ዳኛው ቫርን ተመልክተው የሚወስኑትን ውሳኔ በደንብ እንዲረዱ ያግዛል ተብሎ ይጠበቃል።

@tikvahethsport     @kidusyoftahe

" መጨረሻው ሰዓት እየደረሰ መሆኑን አውቃለሁ " ሜሲ

አርጀንቲናዊው የፊት መስመር ተጨዋች ሊዮኔል ሜሲ የአሜሪካው ክለብ ኢንተር ሚያሚ ከዚህ በኋላ የመጨረሻው ክለብ እንደሚሆን በሰጠው አስተያየት ገልጿል።

" እግርኳስን ለመሰናበት ዝግጁ አይደለሁም " ያለው ሊዮኔል ሜሲ ህይወቴን ሁሉ ያሳለፍኩበት ነው መጫወት ልምምድ መስራት ሁልጊዜም የምወደው ነገር ነው " ሲል ተደምጧል።

ሊዮኔል ሜሲ ቀጥሎም " መጨረሻው ሰዓት እየደረሰ ስለመሆኑ ሁልጊዜም ፍርሀት አለኝ " ያለ ሲሆን ሰዓቱ እየደረሰ መሆኑን አውቃለሁ አሁን ጥሩ ጊዜ እያሳለፍኩ ነው ብሏል።

@tikvahethsport     @kidusyoftahe

ጁቬንቱስ በይፋ አሰልጣኝ ሾመዋል !

በውድድር አመቱ መጨረሻ ከአሰልጣኝ ማሲሚላኖ አሌግሪ ጋር የተለያየው የጣልያኑ ክለብ ጁቬንቱስ አዲስ አሰልጣኝ በሀላፊነት መሾማቸውን ይፋ አድርገዋል።

ጁቬንቱስ የቀድሞ የቦሎኛ አሰልጣኝ ቲያጎ ሞታን በሶስት አመት ኮንትራት በሀላፊነት መሾማቸውን በይፋ አስታውቀዋል።

አሰልጣኝ ቲያጎ ሞታ ከሹመቱ በኋላ " እንደ ጁቬንቱስ ባለ ትልቅ ክለብ አዲስ ምዕራፍ በመጀመሬ ተደስቻለሁ እምነታቸውን ስለ ሰጡኝ አመሰግናለሁ እኔም ያለኝን ሁሉ እንደምሰጥ አረጋግጣለሁ " ብለዋል።

@tikvahethsport     @kidusyoftahe

አስቶን ቪላ የኩቲንሆን ኮንትራት ሊያቋርጥ ነው !

አስቶን ቪላ የብራዚላዊውን የመሐል ሜዳ ተጨዋች ፊሊፔ ኩቲንሆ ኮንትራት ለማቋረጥ በንግግር ላይ መሆናቸው ተገልጿል።

ያለፈውን የውድድር አመት በውሰት በኳታሩ ክለብ አል ዱሀይሊ ያሳለፈው ፊሊፔ ኩቲንሆ በአስቶን ቪላ ቤት እስከ 2026 የሚያቆይ ኮንትራት አለው።

የ 32ዓመቱ ተጨዋች ፊሊፔ ኩቲንሆ በቀጣይ ወደ ቀድሞ ክለቡ የብራዚሉ ክለብ ቫስኮ ዳጋማ ለማምራት በንግግር ላይ መሆኑ ተዘግቧል።

@tikvahethsport     @kidusyoftahe

" ምባፔ የአለም ሻምፒዮኖቹን አላካተተም " ሊዮኔል ሜሲ

አርጀንቲናዊው የስምንት ጊዜ ባሎን ዶር አሸናፊ ሊዮኔል ሜሲ ፈረንሳዊው ተጨዋች ኪሊያን ምባፔ በአለም ዋንጫ ውድድር ዙሪያ የሰጠው አስተያየት ትክክል አለመሆኑን ተናግሯል።

ፈረንሳዊው ተጨዋች ኪሊያን ምባፔ በቅርቡ በሰጠው አስተያየት የአውሮፓ ዋንጫ ውድድር ከአለም ዋንጫ ይልቅ ከባድ መሆኑን ተናግሮ ነበር።

ስለኪሊያን ምባፔ ንግግር አስተያየት የሰጠው ሊዮኔል ሜሲ " አውሮፓ ዋንጫ ጥሩ ውድድር ነው ነገርግን ሁሉም ራሱ የሚጫወትበትን ነው ከፍ የሚያደርገው።

ምባፔ አውሮፓ ዋንጫ የበለጠ ከባድ ነው ብሎ ሲናገር በርካታ የአለም ሻምፒዮን የደቡብ አሜሪካ ሀገራትን አሶጥቶ ነው ፣ ምርጥ ቡድኖች ያሉት በአለም ዋንጫ ነው።

ሁሉም የአለም ሻምፒዮን ሀገራት የሚገኙት እዛ ነው ሁሉም ሰው አለም ዋንጫን ማሸነፍ የሚፈልገውም ለዚሁ ነው።"ሲል ተደምጧል።

@tikvahethsport     @kidusyoftahe

Play More and Spend less!

•PS4 Slim, 34,999 Birr
•PS4 PRO, 41,999 Birr
•Original Controller 6,499 Birr

Contact Us
0953964175 @heymobile

@heyonlinemarket

ሽመልስ በቀለ 1⃣8⃣ ገስት ሀውስ

በውቢቷ ሀዋሳ ቆይታዎ የት ለማረፍ አስበዋል ? ንፁህ እና በደንበኞቻችን ተወዳጅ በሆነው የእንግዳ ማረፊያችን መጥተው የእረፍት ጊዜውን ያሳልፉ።

እንግዶቻችንን ተቀበልን ለእይታ ሳቢ በሆነው የእንግዳ ማረፊያችን ማስተናገድ ከጀመርን አመታትን አስቆጥረናል።

አድራሻችን :- ሀዋሳ አርቴፍሻል ስታዲየም መንገድ ላይ ያገኙናል።

ለተጨማሪ መረጃ እና ለትዕዛዝዎ ይደውሉልን :- 0928684848

#ShemelesBekele18

" ዋንጫውን ማሳካት እንፈልጋለን " ኮማን

የኔዘርላንድ ብሔራዊ ቡድን ዋና አሰልጣኝ ሮናልድ ኮማን ቡድናቸው የአውሮፓ ዋንጫ ውድድሩን ማሸነፍ እንደሚፈልግ በሰጡት አስተያየት ተናግረዋል።

አሰልጣኝ ሮናልድ ኮማን በንግግራቸውም " የአውሮፓ ዋንጫውን ማሸነፍ እንፈልጋለን የምናሳካ ከሆነ ስኬታማ ውድድር ይሆንልናል የማናሳካው ከሆነ ለእኛ ስኬታማ አይሆንም።"ሲሉ ተደምጠዋል።

@tikvahethsport     @kidusyoftahe

በአውሮፓ ዋንጫው ማን ብዙ ተጨዋች ያሳትፋሉ ?

በነገው ዕለት በሚጀምረው የ2024 የጀርመን አውሮፓ ዋንጫ ውድድር የእንግሊዝ ፕርሚየር ሊግ ዘጠና ስድስት ተጨዋቾችን በማሳተፍ ቀዳሚው ሊግ መሆን ችሏል።

በክለቦች ደረጃ የጣልያን ሴርያ አሸናፊው ክለብ ኢንተር ሚላን እና የፕርሚየር ሊጉ አሸናፊ ማንችስተር ሲቲ አስራ አራት ተጨዋቾችን ለውድድሩ በመላክ በቀዳሚነት መቀመጥ ችለዋል።

ብዙ ተጨዋቾች ያሳተፉ ሊጎች የትኞቹ ናቸው ?

- የእንግሊዝ ፕርሚየር ሊግ :- 96 ተጨዋቾች

- የጣልያን ሴርያ :- 92 ተጨዋቾች

- የጀርመን ቡንደስሊጋ :- 75 ተጨዋቾች

- የስፔን ላሊጋ :- 57 ተጨዋቾች

- የፈረንሳይ ሊግ :- 29 ተጨዋቾች

- የቱርክ ሱፐር ሊግ :- 26 ተጨዋቾች

ብዙ ተጨዋቾች ያሳተፉ ክለቦች የትኞቹ ናቸው ?

- ኢንተር ሚላን :- 14 ተጨዋቾች

- ማንችስተር ሲቲ :- 14 ተጨዋቾች

- ሪያል ማድሪድ :- 13 ተጨዋቾች

- ባርሴሎና :- 11 ተጨዋቾች

- ፒኤስጂ :- 11 ተጨዋቾች

@tikvahethsport     @kidusyoftahe

ዳኛን ማነጋገር የሚችለው የትኛው ተጨዋች ነው ?

በነገው ዕለት በሚጀምረው የጀርመን አውሮፓ ዋንጫ ውድድር የመሐል ዳኛውን ማነጋገር የሚችሉት የብሔራዊ ቡድን አምበሎች ብቻ መሆናቸው ተገልጿል።

ሌሎች ተጨዋቾች ዳኛውን ለማነጋገር እንደማይችሉ እና ለማነጋገር የሚሞክሩ ከሆነ እንዲሁም አላስፈላጊ ባህሪ ሲያሳዩ ከተስተዋሉ የማስጠንቀቂያ ካርድ እንደሚመለከቱ ተነግሯል።

የብሔራዊ ቡድኑ አምበል ግብ ጠባቂ የሚሆን ከሆነ በሜዳ ውስጥ ዳኛውን ማነጋገር የሚችል ተጨዋች እንደሚመረጥ ተዘግቧል።

@tikvahethsport     @kidusyoftahe

#EURO2024

በቀጣዩ የ2024 የጀርመን አውሮፓ ዋንጫ ውድድር ሀምሳ ስምንት የአፍሪካ የዘር ሀረግ ያላቸው ተጨዋቾች በተለያዩ ብሔራዊ ቡድኖች ተሰልፈው በውድድሩ ይጫወታሉ።

በፈረንሳይ ብሔራዊ ቡድን ታላላቅ ተጨዋቾቿን ጨምሮ አስራ አራት ተጨዋቾቿ የአፍሪካ የዘር ሀረግ ያላቸው መሆናቸው ተገልጿል።

በተጨማሪም የቤልጅየም ብሔራዊ ቡድን ዘጠኝ ተጨዋቾቹ የዘር ሀረጋቸው ከአፍሪካ የሚመዘዝ መሆኑ ተነግሯል።

እንዲሁም ስዊዘርላንድ ( ስምንት ) ፣ እንግሊዝ ( ስድስት ) ፣ ጀርመን ( አምስት ) ፣ ኔዘርላንድ ( አራት ) ፣ ፖርቹጋል ( አራት ) ፣ ጣልያን ( ሁለት ) ፣ ስፔን ( ሁለት ) ተጨዋቾችን ያሳትፋሉ።

@tikvahethsport     @kidusyoftahe

ዋልያዎቹ የምድብ ተጋጣሚያቸውን መቼ ያውቃሉ ?

በሞሮኮ አዘጋጅነት ለሚካሄደው የ 2025 አፍሪካ ዋንጫ ውድድር የማጣርያ ጨዋታ ምድብ ድልድል የሚካሄድበት ቀን ታውቋል።

ብሔራዊ ቡድኖች የምድብ ተጋጣሚያቸውን ሐሙስ ሰኔ 27/2016 ዓ.ም በደቡብ አፍሪካ ጆሀንስበርግ በሚደረገው የእጣ ማውጣት ስነ ስርዓት እንደሚያውቁ ይፋ ተደርጓል።

በምድብ ድልድሉ የቅድመ ማጣሪያውን ያለፉ አራት ሀገራትን ጨምሮ አርባ ስምንት ብሔራዊ ቡድኖች እንደሚካተቱ ተገልጿል።

በአስራ ሁለት ምድብ ተክፈለው የማጣሪያ ጨዋታቸውን የሚያደርጉት ብሔራዊ ቡድኖቹ የምድብ አንደኛ እና ሁለተኛ የመጀመሪያ ሀያ አራት ቡድኖች ለአፍሪካ ዋንጫው የሚያልፉ ይሆናል።

የማጣሪያ ጨዋታዎቹ ከሚቀጥለው አመት መስከረም ወር ጀምሮ መካሄዳቸውን እንደሚጀምሩ ተጠቁሟል።

@tikvahethsport     @kidusyoftahe

ኤሲ ሚላን በይፋ አሰልጣኝ ሾመ !

በውድድር አመቱ መጨረሻ ከአሰልጣኝ ስቴፋኖ ፒዮሊ ጋር የተለያየው የጣልያን ሴርያው ክለብ ኤሲ ሚላን አሁን ላይ አዲስ አሰልጣኝ መሾማቸውን ይፋ አድርገዋል።

ኤሲ ሚላን ፖርቹጋላዊውን የቀድሞ የሊል እና ሮማ አሰልጣኝ የነበሩትን ፓውሎ ፎንሴካን በሀላፊነት መሾማቸውን በይፋ አስታውቀዋል።

ፖርቹጋላዊው አሰልጣኝ ፓውሎ ፎንሴካ ኤሲ ሚላንን ለሚቀጥሉት ሶስት የውድድር አመታት ለማሰልጠን ፊርማቸውን ማኖራቸው ተገልጿል።

@tikvahethsport     @kidusyoftahe