ጁድ ቤሊንግሀም የአመቱ ምርጥ ተጨዋች ተባለ !

እንግሊዛዊው የመሐል ሜዳ ተጨዋች ጁድ ቤሊንግሀም የሪያል ማድሪድ የደጋፊዎች የአመቱ ምርጥ ተጨዋች በመሆን መመረጥ ችሏል።

ጁድ ቤሊንግሀም ሎስ ብላንኮዎቹ የላሊጋ ፣ ሻምፒየንስ ሊግ እና ስፔን ሱፐር ካፕ ዋንጫን ሲያሳኩ ሀያ ሶስት ግቦችን በማስቆጠር ለቡድኑ ጥሩ የሚባል ግልጋሎት መስጠት ችሏል።

" በመጀመሪያ አመቴ ይህንን ሽልማት በማሸነፌ ኩራት ተሰምቶኛል የመረጡኝን ደጋፊዎች ሁሉ አመሰግናለሁ።"ሲል ቤሊንግሀም ከሽልማቱ በኋላ ተናግሯል።

@tikvahethsport     @kidusyoftahe

የሊቨርፑል የአመቱ ምርጥ ተጨዋች ታውቋል !

የመርሲሳይዱ ክለብ ሊቨርፑል የ2023/24 የውድድር አመት የደጋፊዎች የውድድር ዘመኑ ምርጥ ተጨዋች ይፋ አድርገዋል።

በዚህም መሰረት ግብፃዊው የፊት መስመር ተጨዋች መሐመድ ሳላህ የሊቨርፑል የውድድር ዘመኑ የደጋፊዎች ምርጥ ተጨዋች በመሆን በአብላጫ ድምፅ መመረጥ ችሏል።

መሐመድ ሳላህ በሊቨርፑል ቤት ባሳለፋቸው ሰባት አመታት የአመቱ ምርጥ ተጨዋች ተብሎ ሲመረጥ ለአራተኛ ጊዜ መሆኑ ተገልጿል።

@tikvahethsport     @kidusyoftahe

ዊሊያም ሳሊባ ሶስተኛ ደረጃን ይዞ አጠናቋል !

ፈረንሳዊው የተከላካይ ስፍራ ተጨዋች ዊሊያም ሳሊባ የተጠናቀቀው የውድድር አመት የአርሰናል የአመቱ ምርጥ ተጨዋች ሽልማትን በሶስተኝነት ማጠናቀቅ ችሏል።

ዊሊያም ሳሊባ ከተሰጠው አጠቃላይ ድምፅ ሀያ በመቶውን በማግኘት ሶስተኛ ደረጃን ይዞ ማጠናቀቁ ተገልጿል።

በቀጣይ የዘንድሮው የውድድር አመት የአርሰናል የአምቱ ምርጥ ተጨዋች እና ሁለተኛ ደረጃን በመያዝ ያጠናቀቀው ተጨዋች ይፋ ይደረጋል።

@tikvahethsport     @kidusyoftahe

የኤፌ ካፕ የአመቱ ምርጥ ተጨዋች ታውቋል !

በማንችስተር ዩናይትድ አሸናፊነት የተጠናቀቀው የዘንድሮው የ2023/24 የውድድር አመት የእንግሊዝ ኤፌ ካፕ ውድድር የውድድሩ ምርጥ ተጨዋች ይፋ ተደርጓል።

በዚህም መሰረት እንግሊዛዊው የማንችስተር ዩናይትድ የመሐል ሜዳ ተጨዋች ኮቢ ማይኖ የእንግሊዝ ኤፌ ካፕ ምርጥ ተጨዋች ተብሎ በአብላጫ ድምፅ መመረጥ ችሏል።

@tikvahethsport     @kidusyoftahe

የሊጉ ክለቦች በቫር ዙሪያ ነገ ድምፅ ይሰጣሉ !

የእንግሊዝ ፕርሚየር ሊግ ክለቦች ከሚቀጥለው የውድድር አመት ጀምሮ #ቫር ከሊጉ እንዲቀር በዎልቭስ በቀረበው ሀሳብ ላይ ነገ በሚኖራቸው አመታዊ ስብሰባ ድምፅ ይሰጣሉ።

ይሁን እንጂ አብዛኞቹ የእንግሊዝ ፕርሚየር ሊግ ክለቦች ሀሳቡን አለመቀበላቸው እና ቫር እንዲቀጥል እንደሚፈልጉ የሀገሪቱ መገናኛ ብዙሀን ዘግበዋል።

ማንችስተር ሲቲ ፣ አርሰናል እና ቶተንሀም ቫር እንዲቀጥል ከሚፈልጉ ክለቦች ጎራ እንደሆኑ መታወቁ ተጠቁሟል።

በድምፅ አሰጣጥ ሂደቱ ውስጥ ከሀያው ክለቦች መካከል አስራ አራቱ ከተስማሙ ቫር በሚቀጥለው አመት ተግባራዊ እንደማይሆን ተዘግቧል።

@tikvahethsport     @kidusyoftahe

ሚሎስ ኬርኬዝ ወደ ማንችስተር ዩናይትድ ?

ማንችስተር ዩናይትድ በክረምቱ የተጨዋቾች የዝውውር መስኮት የግራ መስመር ተጨዋች ለማስፈረም ወደ ዝውውር ገባያው እንደሚገቡ ተነግሯል።

ቀያዮቹ ሴጣኖች በተጨማሪም በዚህ ክረምት የመሐል ተከላካይ እና የፊት መስመር አጥቂ ለማስፈረም ቅድሚያ ሰጥተው እንደሚሰሩ ይጠበቃል።

ማንችስተር ዩናይትድ ለማስፈረም ከተመለከቷቸው የግራ መስመር ተጨዋቾች አንዱ የበርንማውዙ ተጨዋች ሚሎስ ኬርኬዝ አንዱ መሆኑ ተገልጿል።

ይሁን እንጂ ማንችስተር ዩናይትድ እስካሁን ሀንጋራዊውን ተጫዋች ሚሎስ ኬርኬዝ ለማስፈረም ንግግር አለመጀመሩ ተዘግቧል።

@tikvahethsport     @kidusyoftahe

ሮናልዶ የወሩ ምርጥ ተጨዋች ተብሏል !

በአል ሂላል አሸናፊነት የተጠናቀቀው የሳውዲ ሮሽን ሊግ የ2023/24 የውድድር አመት የወርሀ ግንቦት የወሩ ምርጥ ተጨዋች ይፋ ተደርጓል።

በዚህም መሰረት ፖርቹጋላዊው የአል ናስር የፊት መስመር ተጨዋች ክርስቲያኖ ሮናልዶ የሳውዲ ሊግ የግንቦት ወር ምርጥ ተጨዋች በመሆን በአብላጫ ድምፅ መመረጥ ችሏል።

ክርስቲያኖ ሮናልዶ በዘንድሮው የውድድር ዘመን ለአምስተኛ ጊዜ የሳውዲ ሊግ የወሩ ምርጥ ተጫዋች በመባል መመረጥ ችሏል።

የአምስት ጊዜ ባሎን ዶር አሸናፊው ተጨዋች ክርስቲያኖ ሮናልዶ በተጠናቀቀው የውድድር አመት ባደረጋቸው ሰላሳ አንድ የሊጉ ጨዋታዎች ሰላሳ አምስት ግቦች ማስቆጠር ችሏል።

@tikvahethsport     @kidusyoftahe

Stock Clearance Discount

📞 0925927457 @eBRO4
📞 0953964175 @heymobile

• iPhone X, White, 256 GB/ 100%    
   19,000 ETB
• iPhone Max, White, 64GB/ 89%     
   24,000 ETB
• iPhone Max, Black, 256 GB/ 89%
   28,000 ETB
• iPhone Max, Golden, 256 GB/ 92%
   29,000 ETB
• iPhone 11,  Red,  64 GB/ 75%  
   27,000 ETB
• iPhone 11, Black, 128 GB/ 91%  
   33,000 ETB
• iPhone 11 Pro, Black, 64 GB/ 63%
   35,000 ETB
• iPhone 11 Pro, Black, 256 GB/88%  
  39,000 ETB
•11 Pro Max, Black, 64 GB/ 77%  
  36,000 ETB
• iphone 12 mini, Red, 64 GB/ 98%  
  22,000 ETB
• iPhone 12 Pro, Blue, 128 GB/ 83%  
   47,000 ETB
• iPhone 12 Pro, Blue, 128 GB/ 89% 
  48,000 ETB
• iPhone 12 Pro, Black,256 GB/ 85%  
   51,000 ETB
• 12 Pro Max, Golden, 128 GB/ 85%
   59,000 ETB
• 12 Pro Max, Blue, 128 GB/ 86%
   43,000 ETB ⚠️

Exchange Available!
Free Delivery 🚚

@heyonlinemarket

❇️SMART ያልሆኑ TV SMART ለማድረግ ምን መግዛት እንዳለብዎ ካላወቁ  ይሄን እቃ ምርጫው ያድርጉ።

❇️የራሱ የሆነ BLUETOOTH ሪሞት ያለው ትክክለኛ 4K ምስል ጥራት ያለው

❇️የተለያዩ የፊልም እና የኳስ ቻናሎች የተጫኑበት በአጭር ጊዜ በሚቆ ይ ቅናሽ 3200 ብር ብቻ

Inbox Us 📩Admin @Sadikethio
Call 📱 +251 91 178 5693

የተለያዩ ነፃ የኳስ ቻናሎች የሚያገኙበት የዲሽ ቻናል 👇👇 https://www.tg-me.com/joinchat-AAAAAEnaa5LpZrcwQ-E0Tw

#MatchDay 🇪🇹

የኢትዮጵያ ብሔራዊ ቡድን ዛሬ ምሽት የአለም ዋንጫ ማጣሪያ የምድብ ሶስተኛ ጨዋታውን ከጊኒ ቢሳው ብሔራዊ ቡድን ጋር የሚያደርግ ይሆናል።

የኢትዮጵያ ብሔራዊ ቡድን በጨዋታው ሙሉ ቢጫ ማልያ ለብሶ ወደ ሜዳ እንደሚገባ ተገልጿል።

የሁለቱ ብሔራዊ ቡድኖች ጨዋታ ዛሬ በኢትዮጵያ ሰዓት አቆጣጠር ምሽት 1:00 ሰዓት በስታዲዮ 24 ዴ ሴቴምብሮ የሚደረግ ይሆናል።

ጨዋታውን ማን ይመራዋል ?

ጨዋታውን ቤኒናውያን ዳኞች ጂንዶ ልዊስ በመሐል ዳኝነት አይማር ኤሪክ እና ጆ ኮርቴል በረዳት ዳኝነት እንዲሁም ሙሐመድ ኢሳ በአራተኛ ዳኝነት ይመሩታል።

ጨዋታውን በምን መመልከት ይቻላል ?

ጨዋታውን ከአንድ ሰዓት ጀምሮ በተከታዩ ሊንክ መከታተል ይችላሉ።

https://www.plus.fifa.com/en/content/guinea-bissau-v-ethiopia-caf-qualifiers-first-round-group-a-fifa-world-cup-26tm-live-stream-2024/acccd313-94dc-4a1d-ba44-2dbf97a5b894

@tikvahethsport     @kidusyoftahe

ጄምስ ማዲሰን ከእንግሊዝ ስብስብ ተቀነሰ !

እንግሊዛዊው የቶተንሀም የመሐል ሜዳ ተጨዋች ጄምስ ማዲሰን ከቀጣዩ የ2024 አውሮፓ ዋንጫ ውድድር ውጪ መሆኑ ተገልጿል።

ከእንግሊዝ ብሔራዊ ቡድን አሰልጣኝ ጋሪዝ ሳውዝጌት ጥሪ ቀርቦለት የነበረው ጄምስ ማዲሰን አሁን ላይ ከስብስቡ መቀነሱ ተነግሯል።

ብሔራዊ ቡድኑ ለወዳጅነት ጨዋታዎች እና ዝግጅት ጥሪ ካደረገላቸው ተጨዋች ውስጥ ከጄምስ ማዲሰን በተጨማሪ ስድስት ተጨዋቾችን ቀንሶ ወደ አውሮፓ ዋንጫው ያመራል።

@tikvahethsport     @kidusyoftahe

" አስቸጋሪ ቡድን እንደምንገጥም እናውቃለን " ሉዊስ ቦ ሞርቴ

የዛሬ የኢትዮጵያ ብሔራዊ ቡድን ተጋጣሚ ጊኒ ቢሳው ብሔራዊ ቡድን ዋና አሰልጣኝ ሉዊስ ቦ ሞርቴ ኢትዮጵያ ጠንካራ ተጋጣሚ መሆኗን ከጨዋታው በፊት በሰጡት አስተያየት ተናግረዋል።

" የምንገጥመው ነጥብ ማግኘት የሚፈልግ ለማሸነፍ አስቸጋሪ የሆነ ቡድን መሆኑን እናውቃለን " ያሉት አሰልጣኝ ሉዊስ ቦ ሞርቴ " ነገርግን በሜዳችን እንደመጫወታችን አሸንፈን ሶስት ነጥቡን ማሳካት እንፈልጋለን።"ብለዋል።

ጊኒ ቢሳው በምድቡ አራት ነጥቦችን ሰብስባ ሶስተኛ ደረጃ ላይ ስትቀመጥ ኢትዮጵያ በአንድ ነጥብ አምስተኛ ደረጃን ይዛለች።

@tikvahethsport     @kidusyoftahe

" በሜዳችን መጫወታችን መነሳሳት ይጨምርልናል
" ማማ ባልዴ

የጊኒ ቢሳው ብሔራዊ ቡድን የፊት መስመር አጥቂ ማማ ባልዴ ቡድናቸው ዛሬ ከኢትዮጵያ ጋር በሚያደርገው ጨዋታ ደጋፊያቸው የአፍሪካ ዋንጫውን ክስተት ረስቶ ድጋፍ እንዲያደርግላቸው ጠይቋል።

ከምሽቱ ጨዋታ በፊት አስተያየቱን የሰጠው የሊዮን ተጨዋች ማማ ባልዴ " በሜዳችን እና ደጋፊያችን ፊት ነው የምንጫወተው ይህ ደግሞ መነሳሳት ይጨምርልናል።

በአፍሪካ ዋንጫው የተፈጠረውን ነገር መርሳት እና በቀጣይ የምናደርጋቸው ሁለት ጨዋታዎች ማተኮር አለብን ፣ ደጋፊው ከጎናችን እንደሚሆን ተስፋ እናደርጋለን።"ብሏል።

ጊኒ ቢሳው በቅርቡ በተደረገው የኮትዲቯር አፍሪካ ዋንጫ ውድድር ያደረገቻቸውን ሶስት የምድብ ጨዋታዎች ተሸንፋ ከምድቧ መሰናበቷ ይታወሳል።

@tikvahethsport     @kidusyoftahe

ሉካኩ ወደ ሳውዲ መሄድ እንደሚፈልግ ገለጸ !

ቤልጂየማዊው የፊት መስመር አጥቂ ሮሜሎ ሉካኩ የሳውዲ አረቢያ እግርኳስ በከፍተኛ ደረጃ እያደገ መሆኑን በሰጠው አሰሰተያየት ገልጿል።

" አንድ ቀን ሳውዲ አረቢያ መጫወት እፈልጋለሁ " የሚለው ሮሜሎ ሉካኩ እዛ እግርኳስ ከፍተኛ ደረጃ ላይ እንደሚደርስ አውቃለሁ ብዙ ተጨዋቾች ወደዛ መሄድ ይፈልጋሉ።"በማለት ተናግሯል።

" የሳውዲ አረቢያ እግርኳስ በፍጥነት እያደገ ነው የሚገኘው አሁን ካለበት ደረጃም ከፍ ይላል ፣ ሁሉም የአውሮፓ ክለቦች ሳውዲ ጠንካራ ሆና እንደምትመጣ ያውቃሉ።"ሉካኩ

@tikvahethsport     @kidusyoftahe

ቼልሲ ተጨዋቾቹን ወደ ኦሎምፒክ አይልክም !

የምዕራብ ለንደኑ ክለብ ቼልሲ ተጨዋቾቹን ወደ ቀጣዩ የፈረንሳይ ፓሪስ የ2024 ኦሎምፒክ ውድድር ለብሔራዊ ቡድኖቻቸው እንደማይልክ ተገልጿል።

ሰማያዊዎቹ አርጀንቲናዊው ኢንዞ ፈርናንዴዝ እና ዩክሬናዊው ማይካሎ ሙድሪክ ወደ ኦሎምፒክ ውድድር እንዳይሄዱ ማድረጋቸው ተነግሯል።

ክለቡ ተጨዋቾቹ በኦሎምፒክ ውድድር እንዳይሳተፉ ያደረገው ከአውሮፓ እና ኮፓ አሜሪካ ውድድር ሲመለሱ ከአዲሱ አሰልጣኝ ጋር በቂ ጊዜ እንዲኖራቸው መሆኑ ተጠቁሟል።

@tikvahethsport     @kidusyoftahe

🔊 #አንድ ቀን ብቻ ቀረው❕

🔥 #እንዳያመልጥዎ፣ አሁኑኑ ይዘዙን!

📌 ለበለጠ መረጃና ትዕዛዝ 📲 0901138283፣ 0910851535 እና 0913586742 ላይ ይደውሉ።

👉🏾 እንዲሁም በቴሌግራም @Wanawsales ላይ የሽያጭ ሰራተኞቻችንን በቀጥታ በማናገር ወይም በቴሌግራም ቦት @WANAWSbot በኩል ይዘዙን።

Instagram | Facebook | TikTok

🏅 ዋናው ወደፊት...

@wanawsportwear

Celtics VS Mavericks ( ሐሙስ ሌሊት 9:30)

በአሜሪካ ቅርጫት ኳስ ውድድር የኢስተርን ኮንፈረንስ ደረጃ ሰንጠረዥ መሪው " Boston Celtics " ከዌስተርን ኮንፈረንሱ " Dallas Mavericks " ጋር ተጠባቂ የፍፃሜ የመጀመሪያ ጨዋታቸውን ያደርጋሉ።

የኢስተርን ኮንፈረንሱ መሪ " Boston Celtics " እንዲሁም በዌስተርን ኮንፈረንስ ደረጃ ሰንጠረዥ አምስተኛ ላይ የሚገኘው " Dallas Mavericks "
ካለፉት አስር ጨዋታዎች በተመሳሳይ ሰባቱን በአሸናፊነት ተወጥተዋል።

ጨዋታው ሐሙስ ሌሊት 9:30 ይደረጋል።

ከርትስ ጆንስ ወደ አውሮፓ ዋንጫ አያመራም !

የመርሲሳይዱ ክለብ ሊቨርፑል የመሐል ሜዳ ተጨዋች ከርትስ ጆንስ ከእንግሊዝ ብሔራዊ ቡድን የአውሮፓ ዋንጫ ስብስብ መቀነሱ ተገልጿል።

ተጨዋቹ የብሔራዊ ቡድኑ አሰልጣኝ ጋሪዝ ሳውዝጌት በመጀመሪያ ባሳወቁት የሰላሳ ሶስት ተጨዋቾች ስብስብ ውስጥ መካተት ችሎ ነበር።

እንግሊዝ ከጄምስ ማዲሰን እና ከርትስ ጆንስ በተጨማሪ አምስት ተጨዋቾችን በመቀነስ በነገው ዕለት የመጨረሻ ሀያ ስድስት ተጨዋቾችን ለውድድሩ ታስመዘግባለች።

@tikvahethsport     @kidusyoftahe

ሀሪ ማጓየር ለአውሮፓ ዋንጫ ይደርሳል ?

እንግሊዛዊው የማንችስተር ዩናይትድ የተከላካይ ስፍራ ተጨዋች ሀሪ ማጓየር በጉዳት ምክንያት በቀጣዩ የአውሮፓ ዋንጫ ውድድር ብሔራዊ ቡድኑን መወከሉ አጠራጣሪ መሆኑ ተገልጿል።

ሀሪ ማጓየር የእንግሊዝ ብሔራዊ ቡድን ነገ ምሽት ከአይስላንድ ጋር ላለበት የወዳጅነት ጨዋታ ያደረገው ልምምድ እንዳመለጠው ተነግሯል።

የብሔራዊ ቡድኑ አሰልጣኝ ጋሪዝ ሳውዝጌት በአውሮፓ ዋንጫ የሚጠቀሟቸውን ሀያ ስድስት ተጨዋቾች እስከ ነገ እኩለ ሌሊት ለዩኤፋ ማሳወቅ ይኖርባቸዋል።

@tikvahethsport     @kidusyoftahe

የባሎን ዶር ሽልማት ስነስርዓት መቼ ይካሄዳል ?

በፍራንስ ፉትቦል አዘጋጅነት የሚካሄደው እና በጉጉት የሚጠበቀው የባሎን ዶር ሽልማት የሚካሄድበት እና እጩዎች የሚገለፁበት ቀን ይፋ ተደርጓል።

በዚህም መሰረት የባሎን ዶር ሽልማት ስነ-ስርዓቱ ሰኞ ጥቅምት 18/2017 ዓ.ም እንደሚካሄድ የሽልማቱ አዘጋጆች ይፋ አድርገዋል።

የ2023/24 የውድድር አመትን የሚያካትተው የባሎን ዶር የሽልማት የእጩዎች ዝርዝር ዕሮብ ነሀሴ 29/2016 ዓ.ም ይፋ እንደሚደረግ ተገልጿል ።

@tikvahethsport     @kidusyoftahe