ሀሪ ኬን የቀድሞ ክለቡን አይገጥምም !

እንግሊዛዊው የባየር ሙኒክ የፊት መስመር ተጨዋች ሀሪ ኬን ለቅድመ ውድድር ዝግጅት ከቡድኑ ጋር ወደ ደቡብ ኮርያ እንደማያመራ አሰልጣኝ ቪንሴንት ኮምፓኒ አረጋግጠዋል።

ይህንንም ተከትሎ ሀሪ ኬን ባየር ሙኒክ በደቡብ ኮሪያ ቆይታው ከቀድሞ ክለቡ ቶተንሀም ጋር በሚያደርገው የወዳጅነት ጨዋታ የማይሳተፍ ይሆናል።

ባየር ሙኒክ በደቡብ ኮርያ ቆይታው ከቶተንሀም ጋር ሁለት የወዳጅነት ጨዋታዎች ያደርጋል።

@tikvahethsport     @kidusyoftahe

ትሪቮህ ቻሎባህ ከቼልሲ ጋር ሊለያይ ነው !

እንግሊዛዊው የመሐል ተከላካይ ትሪቮህ ቻሎባህ ከቼልሲ ጋር ለቅድመ ውድድር ዝግጅት ወደ አሜሪካ እንደማያመራ ተገልጿል።

ሰማያዊዎቹ ተጨዋቹን ለቅድመ ውድድር ዝግጅት ወደ አሜሪካ እንደማያመራ እና በቤቱ እንዲቆይ እንደነገሩት ተነግሯል።

የ 24ዓመቱ ተከላካይ ትሪቮህ ቻሎባህ በዚህ ክረምት የተጨዋቾች የዝውውር መስኮት ቼልሲን ይለቃል ተብሎ እንደሚጠበቅ ተዘግቧል።

ቼልሲዎች ትሪቮህ ቻሎባህ በሚጫወትበት ቦታ ባሏቸው ተጨዋቾች ደስተኛ መሆናቸው ተገልጿል።

@tikvahethsport     @kidusyoftahe

ኤሚል ሆይበርግ ማርሴይን ተቀላቀለ !

የፈረንሳዩ ክለብ ማርሴይ ዴንማርካዊውን የመሐል ሜዳ ተጨዋች ፔር ኤሚል ሆይቤርግን ከቶተንሀም ማስፈረማቸውን ይፋ አድርገዋል።

በዝውውር መስኮቱ ንቁ ተሳትፎ በማድረግ ላይ የሚገኘው ማርሴይ ፔር ኤሚል ሆይቤርግን 13.5 ሚልዮን ዩሮ የዝውውር ሒሳብ በማውጣት ማስፈረማቸው ተገልጿል።

በአሰልጣኝ ሮቤርቶ ዲ ዘርቢ የሚመሩት ማርሴይ ከቀናት በፊት እንግሊዛዊውን ተጨዋች ሜሰን ግሪንውድ ከማንችስተር ዩናይትድ ማስፈረማቸው ይታወቃል።

@tikvahethsport     @kidusyoftahe

መልካም ዕድል!
ከፍ የተደረጉ ኦዶችን አይተዋል ? እንግዲያውስ ተወራረዱባቸው!
FCSB - Maccabi tel Aviv
ለተሻለ ውርርድ ቤቲካን ይጠቀሙ! አሁኑኑ Betika.et ላይ /በቴሌግራም ቦታችን - @BetikaETBot ይወራረዱ!

🔸MacBook Air, M1
256GB/ 8GB
137 CYcle Count
79,000 birr

🔹MacBook Pro, M1
512GB/ 8GB
407 CYcle Count
69,000 birr

Contact Us
0953964175 @heymobile
0925927457

@heyonlinemarket

" ለቀጣዩ አመት ሀይላችንን አሰባሰብናል " ጋርዲዮላ

የማንችስተር ሲቲው ዋና አሰልጣኝ ፔፕ ጋርዲዮላ በሚቀጥለው የውድድር ዘመን በድጋሜ ጠንካራ ተፎካካሪ ሆነው ለመቅረብ መዘጋጀታቸውን ገልጸዋል።

" እዚህ በመሆኔ እጅግ ደስተኛ ነኝ ለቀጣዩ አመት በጣም ጓጉቻለሁ " የሚሉት አሰልጣኝ ፔፕ ጋርዲዮላ አሁን ሀይላችንን አሰባስበናል ለውድድሩ ዝግጁ ነን ብለዋል።

አሰልጣኝ ፔፕ ጋርዲዮላ አያይዘውም ወሳኙ የመሐል ሜዳ ተጨዋቻቸው ኬቨን ዴብሮይን በዚህ ክረምት ማንችስተር ሲቲን #እንደማይለቅ አስታውቀዋል።

@tikvahethsport     @kidusyoftahe

ቼልሲ ግብ ጠባቂ ማስፈረም ይፈልጋል !

የምዕራብ ለንደኑ ክለብ ቼልሲ በቀጣይ ተጨማሪ ግብ ጠባቂ ለማስፈረም በመመልከት ላይ እንደሚገኙ ተገልጿል።

በአሰልጣኝ ኢንዞ ማሬስካ የሚመሩት ሰማያዊዎቹ በአሁን ሰዓት የ 22ዓመቱን የቪያሪያል ግብ ጠባቂ ፊሊፕ ሆርጌንሰንን ለማስፈረም ከፍተኛ ፍላጎት ማሳየታቸው ተነግሯል።

ቼልሲ የግብ ጠባቂውን ዝውውር የሚያጠናቅቁ ከሆነ ያለፈውን አመት በውሰት በሪያል ማድሪድ ቤት ካሳለፍ ኬፓ አሪዛባላጋ ጋር ስድስተኛ ግብ ጠባቂያቸው ይሆናል።

@tikvahethsport     @kidusyoftahe

" በርካታ ተጨዋቾች ሲቲን መቀላቀል ይፈልጋሉ " ጋርዲዮላ

የማንችስተር ሲቲው ዋና አሰልጣኝ ፔፕ ጋርዲዮላ በርካታ ተጨዋቾች ወደ ቡድናቸው መምጣት ቢፈልጉም ከክለቦቻቸው ጋር ለመስማማት እንደተቸገሩ ገልፀዋል።

" ብዙ ተጨዋቾች ወደ ማንችስተር ሲቲ መምጣት ይፈልጋሉ ነገርግን እኛ እነሱን ለማስፈረም ከክለቦቻቸው ጋር ልንስማማ አልቻልንም።"ሲሉ ፔፕ ጋርዲዮላ ተናግረዋል።

ክለቦች ማንችስተር ሲቲን ከፍተኛ የዝውውር ሒሳብ እየጠየቁ መሆኑ ተጨዋች ለማስፈረም አስቸጋሪ እንዳደረገባቸው አሰልጣኝ ፔፕ ጋርዲዮላ ገልጸዋል።

ማንችስተር ሲቲ ለማስፈረም ከጠየቃቸው ተጨዋቾች መካከል ከፈረሙት ተጨዋቾች ያልፈረሙት ተጨዋቾች በእጅጉ እንደሚበልጡ ፔፕ ጋርዲዮላ አሳውቀዋል።

ፔፕ ጋርዲዮላ አክለውም በማንችስተር ሲቲ በመቆየታቸው ደስተኛ እንደሆኑ እና በመጪው የውድድር አመት ተጨማሪ ዋንጫዎችን ማሸነፍ እንደሚፈልጉ ተናግረዋል።

@tikvahethsport     @kidusyoftahe

ዴቪድ ዴህያ የዝውውር ጥያቄዎች ቀርበውለታል !

ባለፈው አመት ከማንችስተር ዩናይትድ ጋር ከተለያየ በኋላ ያለ ክለብ የሚገኘው ስፔናዊው ግብ ጠባቂ ዴቪድ ዴህያ አሁን ላይ የዝውውር ጥያቄዎች እንደቀረቡለት ተገልጿል።

ከአስራ ሁለት አመታት በኋላ ከቀያይ ሴጣኖቹ ጋር የተለያየው ዴቪድ ዴህያ ከሳውዲ አረቢያ እና አሜሪካ በርካታ ጥያቄዎች እንደቀረቡለት ተነግሯል።

በተጨማሪም ዴቪድ ዴህያ ከጣልያን ሴርያ ክለቦች የዝውውር ጥያቄ እንደደረሰው ተዘግቧል።

@tikvahethsport     @kidusyoftahe

" የትኛውንም ተጨዋች ማጣት አንፈልግም " ኤዲ ሀው

የኒውካስል ዩናይትዱ ዋና አሰልጣኝ ኤዲ ሀው በክረምቱ የዝውውር መስኮት ወሳኝ ተጫዋቾቻቸውን መልቀቅ እንደማይፈልጉ ገልጸዋል።

" እኛ የትኛውንም ተጨዋች ማጣት አንፈልግም " የሚሉት ኤዲ ሀው ስሙ ከሊቨርፑል ጋር በስፋት ሲያያዝ የነበረውን የፊት መስመር ተጨዋቻቸው አንቶኒ ጎርደን ማቆየት እንደሚፈልጉ አሳውዋል።

" አንቶኒ ጎርደን ለእኛ ቁልፍ ተጨዋች ነው ፣ ትክክለኛውን ውሳኔ ለመወሰን አስቸጋሪ ሁኔታ ውስጥ ገብተን ነበር ሆኖም ጎርደን በክለቡ ይቆያል" ሲሉ ኤዲ ሀው ተናግረዋል።

ኒውካስትል ዩናይትድ ከፋይናንሻል ፌር ፕሌይ ህግ ጋር በተያያዘ እንደ አንቶኒ ጎርደን ፣ ብሩኖ ጉማሬሽ እና አሌክሳንደር አይሳክ ያሉ ቁልፍ ተጨዋቾችን ሊሸጡ እንደሚችሉ ሲገለፅ እንደነበር አይዘነጋም።

@tikvahethsport     @kidusyoftahe

“ ፕርሚየር ሊጉን ለማሳካት ተቃርበናል “ አርቴታ

የሰሜን ለንደኑ ክለብ አርሰናል ዋና አሰልጣኝ ሚኬል አርቴታ ቡድናቸው የእንግሊዝ ፕርሚየር ሊግ ዋንጫን ለማሸነፍ በእጅጉ ተቃርቧል የሚል እምነት እንዳላቸው ገልጸዋል።

ለቅድመ ውድድር ዝግጅት ቡድናቸውን ይዘው ወደ አሜሪካ ያቀኑት አሰልጣኝ ሚኬል አርቴታ በቀጣይ የመጀመሪያ ግባቸው ዋንጫዎችን ማሸነፍ እንደሆነ ተናግረዋል።

" ቡድኑን በሁሉም ቦታዎች ለማጠናከር ጠንክረን እየሰራን ነው " ያሉት አሰልጣኝ ሚኬል አርቴታ " የአርሰናል ስኬት ተፎካካሪ መሆን ብቻ ሳይሆን ዋንጫዎችን ማሸነፍ መሆን አለበት " ብለዋል።

ሚኬል አርቴታ ቀጥለውም "  እኛ በጥሩ መንገድ ላይ ነን " ሲሉ " ባለፉት ሁለት አመታት ያሳየነው ጥሩ ነገር ዋንጫ ለማሸነፍ በቂ አልነበረም ይህንን በመቀየር ዋንጫዎችን ማሸነፍ እንፈልጋለን " ብለዋል።

አርሰናል ባለፉት ሁለት የውድድር አመታት የሊጉን ዋንጫ ለማሸነፍ በእጅጉ ተቃርቦ በአሰልጣኝ ፔፕ ጋርዲዮላ በሚመሩት ማንችስተር ሲቲዎች በመጨረሻው ሰዓት ማጣቱ አይዘነጋም።

@tikvahethsport     @kidusyoftahe

የአሌክሳንደር አርኖልድ የሊቨርፑል ቆይታ ?

የመርሲሳይዱ ክለብ ሊቨርፑል አዲሱ ስፖርቲንግ ዳይሬክተር ሪቻርድ ሂውዝ በቀጣይ ቅድሚያ ሰጥተው የሚሰሩት የአሌክሳንደር አርኖልድን ውል ማራዘም እንደሚሆን ተገልጿል።

አሌክሳንደር አርኖልድ በአሁን ሰዓት በእረፍት ላይ መሆኑ ሲገለፅ በቀጣይ በአዲሱ አሰልጣኝ አርኔ ሴሎት ስር ለመስራት ከፍተኛ ፍላጎት እንዳለው ተነግሯል።

የስፔኑ ክለብ ሪያል ማድሪድ የአሌክሳንደር አርኖልድን ኮንትራት ሁኔታ በመከታተል ላይ እንደሚገኙ ሲዘገብ ነበር።

እንግሊዛዊው የመስመር ተጨዋች አሌክሳንደር አርኖልድ በሊቨርፑል ቤት ያለው ኮንትራት በ2025 እንደሚጠናቀቅ ይታወቃል።

@tikvahethsport     @kidusyoftahe

የማንችስተር ዩናይትድ የዝውውር ሁኔታ ?

ማንችስተር ዩናይትድ የዝውውር መስኮቱ ከመጠናቀቁ በፊት ተጨማሪ የፊት መስመር አጥቂ ለማስፈረም ሊንቀሳቀስ እንደሚችል ሲገለፅ በክለቡ ዝርዝር ውስጥ ኢቫን ቶኒ እና ካልቨርት ሌዊን እንደሚገኙ ተገልጿል።

ለረጅም ጊዜ አድሪያን ራብዮን የማስፈረም ፍላጎት የነበራቸው ቀያዮቹ ሴጣኖች አሁን ላይ ተጨዋቹ ያለ ክለብ ቢገኝም ለማስፈረም እንቅስቃሴ እንዳላደረጉ ተዘግቧል።

ዩናይትድ የመሐል ሜዳ ክፍሉን ለማጠናከር ሶፍያን አምራባትን እና የሪያል ሶሴዳዱን ማርቲን ዙቢሜንዲ በአማራጭነት መያዛቸው ተነግሯል።

ማንችስተር ዩናይትድ በቀጣይ ለቪክቶር ሊንድሎፍ የዝውውር ጥያቄ ከቀረበ ለመመልከት ዝግጁ መሆናቸው ተጠቁሟል።

ስኮትላንዳዊው አማካይ ስኮት ማክቶሚናይ በበኩሉ በክለቡ እንደሚፈለግ የተገለፀ ሲሆን ጥሩ ሒሳብ ከቀረበ ለመመልከት ሊያስቡ እንደሚችሉ ተዘግቧል።

@tikvahethsport     @kidusyoftahe

እስማኤል ሳር ወደ ፓላስ ለማምራት ተስማማ !

የፕርሚየር ሊጉ ክለብ ክሪስታል ፓላስ ሴኔጋላዊውን የፊት መስመር ተጨዋች እስማኤል ሳር ከማርሴይ ለማስፈረም በግል ከተጨዋቹ ጋር መስማማታቸው ተገልጿል።

ማርሴይ ክሪስታል ፓላስ ያቀረበውን የመጀመሪያ ሒሳብ ውድቅ ማድረጋቸው ሲገለፅ በሁለቱ ክለቦች መካከል ንግግሮች መቀጠላቸው ተዘግቧል።

ማርሴይ እስማኤል ሳርን ባለፈው አመት ከሻምፒዮን ሽፑ ክለብ ዋትፎርድ በ 25 ሚልዮን ዩሮ ማስፈረማቸው አይዘነጋም።

@tikvahethsport     @kidusyoftahe

ሄታፌ ከግሪንውድ ሽያጭ ተጠቃሚ ይሆናሉ !

የስፔኑ ክለብ ሄታፌ የፊት መስመር ተጨዋች ሜሰን ግሪንውድ ከማንችስተር ዩናይትድ በውሰት ውል ሲያስፈርሙት ባካተቱ የወደፊት ሽያጭ ውል ተጠቃሚ እንደሚሆኑ ተገልጿል።

ሄታፌ በዚህ ውል መሰረት የ 22ዓመቱ ተጨዋች ግሪንውድ ወደ ማርሴይ ካደረገው ዝውውር 20% ገቢውን እንደሚያኙ ተነግሯል።

ማንችስተር ዩናይትድ ከማርሴይ ለዝውውሩ 26.7 ሚሊየን ፓውንድ የተቀበሉ ሲሆን ለሄታፌ 5.34 ሚሊየን ፓውንድ መክፈላቸው ተጠቁሟል።

በተጨማሪም ማንችስተር ዩናይትድ ሜሰን ግሪንውድን ለማርሴይ ሲሸጠው ከተካተተው 50% የወደፊት ሽያጭ ገቢ ላይ ሄታፌ 20% ተካፋይ እንደሚሆን ተዘግቧል።

@tikvahethsport     @kidusyoftahe