ስፔን ግማሽ ፍፃሜውን ተቀላቀሉ !

የስፔን ብሔራዊ ቡድን ከጀርመን ብሔራዊ ቡድን ጋር ያደረገውን የአውሮፓ ዋንጫ ሩብ ፍፃሜ ጨዋታ 2ለ1 በሆነ ውጤት በማሸነፍ ግማሽ ፍፃሜውን ተቀላቅለዋል።

የስፔን ብሔራዊ ቡድን የማሸነፊያ ግቦችን ዳኒ ኦልሞ እና ሚኬል ሜሪኖ ከመረብ ማሳረፍ ሲችሉ ለጀርመን ፍሎሪያን ቨርትዝ አስቆጥሯል።

የአውሮፓ ዋንጫው አዘጋጅ ሀገር ጀርመን ከውድድሩ ውጪ ሆነዋል።

ጨዋታው ለጀርመን ብሔራዊ ቡድን አማካይ ቶኒ ክሩስ የእግርኳስ ህይወቱ የመጨረሻ ጨዋታው ሆኗል።

በጨዋታው እንግሊዛዊው የመሐል ዳኛ አንቶኒ ቴለር አስራ ስድስት የማስጠንቀቂያ ካርዶችን እና አንድ ቀይ ካርድ መዘዋል።

ስፔን በግማሽ ፍፃሜው የፖርቹጋል እና ፈረንሳይን አሸናፊ የሚገጥሙ ይሆናል።

@tikvahethsport     @kidusyoftahe

" የኢትዮጵያ ህዝብ እንዲፈርደኝ እፈልጋለሁ " ፍሬወይኒ ሀይሉ

ኢትዮጵያዊቷ አትሌት ፍሬወይኒ ሀይሉ ያለአግባብ በፓሪስ ኦሎምፒክ ውድድር ተሳታፊ አትሌቶች ዝርዝር ውስጥ ሳልካተት ቀርቻለሁ ስትል ቅሬታዋን ህዝብ ይወቅልኝ በማለት ገልፃለች።

በ1500 እና 5000 ሜትር ተወዳዳሪ መሆኗን ያስታወሰችው አትሌት ፍሬወይኒ ሀይሉ በአመቱ ውስጥ በሁለቱም ርቀቶች ከሌሎች አትሌቶች የተሻለ ውጤት አስመዝግቤ ነበር ትላለች።

አትሌቷ በ2024 የቤት ውስጥ ሻምፒዮና በ1500ሜ ወርቅ እና የተሻለ ሰዓት እንዲሁም በ5000ሜ የ2024 የአለም ምርጥ 3ኛ ሰዓት ባስመዘግብም ከሁለቱም ርቀቶች ከኦሎምፒክ ውጪ ሆኛለሁ ብላለች።

አትሌት ፍሬወይኒ ሀይሉ ቀጥላም " እኔ በዚህ አመት የተሻለ ሰዓት ባስመዘግብም ከአመት በፊት ጥሩ ውጤት ያላቸው አትሌቶች ተመርጠው እኔ ቀርቻለሁ የኢትዮጵያ ህዝብ ይወቅልኝ።

በ2024 ምንም ውድድር ሳይወዳደሩ የ2023 አላቸው ተብሎ መምረጥ አግባብ አይደለም ለምን በሀቀኝነት አይመረጥም ምንም ሳይሮጡ እየተመረጡ ነው እኛ ግን ደክመንም እየቀረን ነው።

የኢትዮጵያ ኦሎምፒክ ኮሚቴ እና አትሌቲክስ ፌዴሬሽን ለምንድን ነው የእኛን ማየት የማይችለው በዚህ ላይ ማብራሪያም እፈልጋለሁ።"ስትል ተናግራለች።

የኢትዮጵያ አትሌቲክስ ፌዴሬሽን በትላንትናው ዕለት ኢትዮጵያን በኦሎምፒክ የሚወክሉ አትሌቶችን ይፋ ሲያደርግ አትሌት ፍሬወይኒ ሀይሉ የ5000ሜ ተጠባባቂ ሆና ተመርጣለች።

ምንጭ - ሀገሬ ቴሌቪዥን

@tikvahethsport     @kidusyoftahe

አዲዳስ የጫማ ምርቱን ስያሜ በክሩስ ስም ሰየመ !

እውቁ የትጥቅ አምራች ተቋም አዲዳስ ቶኒ ክሩስ በብቸኝነት እስካሁን እየተጠቀመው የሚገኘውን " adidas 11pro " ጫም ስያሜ በክሩስ ስም መቀየሩን ይፋ አድርጓል።

በዚህም መሰረት የእግርኳስ መጫወቻ ጫማ ምርቱ ስያሜ ከዚህ በኋላ " Toni Kroos Pro boots " ተብሎ እንደሚጠራ ተገልጿል።

ጀርመናዊው ታሪካዊ ተጨዋች ቶኒ ክሩስ ባለፉት አስራ ሶስት አመታት ተመሳሳይ የአዲዳስ " adidas 11pro " ምርት የሆነ ጫማን ሲጠቀም እንደነበር ይታወቃል።

ቶኒ ክሩስ በቀድሞው የአዲዳስ " adidas 11pro " ምርት የሆነ ጫማ እየተጫወተ የሚያሻማቸው ኳሶች ትክክለኛነታቸው ከ90% በላይ እንደነበር ተገልጿል።

ስኬታማ የእግርኳስ ህይወት ማሳለፍ የቻለው ቶኒ ክሩስ ከእግርኳስ አለም ራሱን ማግለሉ አይዘነጋም።

@tikvahethsport     @kidusyoftahe