Play More and Spend less!

•PS4 Slim, 34,999 Birr
•PS4 PRO, 41,999 Birr
•Original Controller 6,499 Birr

Contact Us
0953964175 @heymobile

@heyonlinemarket

የኪሊያን ምባፔ ጉዳት መጠን ምን ይመስላል ?

ፈረንሳይ ትላንት ምሽት ኦስትሪያን ገጥማ ባሸነፈችበት የአውሮፓ ዋንጫ የምድብ ጨዋታ ኪሊያን ምባፔ በነበረው ግጭት ምክንያት በአፍንጫው ላይ ጉዳት አጋጥሞታል።

የሎስ ብላንኮዎቹ የፊት መስመር ተጨዋች ኪሊያን ምባፔ ከጉዳቱ በኋላ የ " X-rays " ምርመራ እንደተደረገለት እና በቀጣይ ህክምናውን እንደሚከታተል ተገልጿል።

ኪሊያን ምባፔ በጉዳቱ ምክንያት የቀዶ ጥገና ህክምና #እንደማይደረግለት ሲገለፅ ከህክምናው በኋላ ወደ ውድድር መመለስ እንዲችል የሚረዳው ጭምብል ( Masks ) እንደሚለብስ ተነግሯል።

@tikvahethsport     @kidusyoftahe

" ፈረንሳይ ያስመዘገበችው ድል ይገባታል " ራኚክ

የኦስትርያ ብሔራዊ ቡድን ዋና አሰልጣኝ ራልፍ ራኚክ በምሽቱ የአውሮፓ ዋንጫ ጨዋታ የፈረንሳይ ብሔራዊ ቡድን ድሉ እንደሚገባው ገልጸዋል።

" ጥሩ የግብ እድሎችን ፈጥረናል ፈረንሳይም እንደዛው ግብ ጠባቂያችን ጥሩ ስራ ሰርቷል በቡድኑ ላይ አስተያየት የለኝም ተጋጣሚያችን ማን እንደሆነ መርሳት የለብንም " ሲሉ ራልፍ ራንግኒክ ተናግረዋል።

" ጨዋታውን ተሸንፈናል እውነት ለመናገር ፈረንሳይ ከእኛ የተሻለ የግብ እድል ፈጥራለች የሚገባቸው ድል ነው ፣ ነገርግን እስከመጨረሻው ተፋልመናል አሁን ስለቀጣዩ ጨዋታ ማሰብ አለብን።" ራልፍ ራኚክ

@tikvahethsport     @kidusyoftahe

" ሮናልዶን እንዴት ማቆም እንደሚቻል አላውቅም "

የቼክ ሪፐብሊክ ተከላካይ ቶማስ ቪልቼክ ፖርቹጋላዊውን ተጨዋች ክርስቲያኖ ሮናልዶ እንዴት ማቆም እንዳቀደ ሲጠየቅ " ይህንን ሚስጥር ባውቅ እሸጠው ነበር " ሲል ምላሽ ሰጥቷል።

" ሮናልዶን እንዴት ማቆም እንደሚችል ባውቅ በውድ ዋጋ እስካሁን እሸጠው ነበር " ሲል የተደመጠው ተጨዋቹ " እንደሱ አይነት ተጨዋቾች ውሳኔያቸውን በሰከንድ ውስጥ ይቀይራሉ መጠንቀቅ እና ትንሽ እድለኛ መሆን አለብን " ብሏል።

የፖርቹጋል ብሔራዊ ቡድን ዛሬ ምሽት 4:00 ሰዓት ከቼክ ሪፐብሊክ ብሔራዊ ቡድን ጋር የአውሮፓ ዋንጫ የምድብ የመጀመሪያ ጨዋታውን ያደርጋል።

@tikvahethsport     @kidusyoftahe

የፕርሚየር ሊግ መርሐግብሮች ይፋ ሆኑ !

የእንግሊዝ ፕርሚየር ሊግ የሚቀጥለው የ2024/25 የውድድር ዘመን የጨዋታ መርሐግብሮች ይፋ ተደርገዋል።

በዚህም መሰረት በውድድሩ የመጀመሪያ ሳምንት መርሐ ግብሮች :-

- ቼልሲ ከ ማንችስተር ሲቲ

- አርሰናል ከ ዎልቭስ

- ማንችስተር ዩናይትድ ከ ፉልሀም ( የሊጉ የመክፈቻ ጨዋታ )

- ኢፕስዊች ታውን ከ ሊቨርፑል

- ሌስተር ሲቲ ከ ቶተንሀም

- ዌስትሀም ዩናይትድ ከ አስቶን ቪላ

- ኤቨርተን ከ ብራይተን

የእንግሊዝ ፕርሚየር ሊግ የ2024/25 የውድድር አመት ነሐሴ 11/2016 ዓ.ም ጀምሮ ግንቦት 17/2017 ዓ.ም እንደተለመደው በተመሳሳይ ሰዓት በሚደረጉ ጨዋታዎች የሚጠናቀቅ ይሆናል።

* የመጀመሪያ ሳምንት ሙሉ መርሐግብር ከላይ በምስሉ ላይ ተያይዟል።

@tikvahethsport     @kidusyoftahe

#PremiereLeague

የእንግሊዝ ፕርሚየር ሊግ የ2024/25 የውድድር ዘመን መርሐግብሮች ይፋ ሲደረጉ በመጀመሪያ ሳምንት መርሐግብር ቼልሲን ከማንችስተር ሲቲ አገናኝቷል።

ተጠባቂው የማንችስተር ዩናይትድ እና ሊቨርፑል ጨዋታ በሊጉ ሶስተኛ ሳምንት መርሐግብር ኦልድትራፎርድ ስታዲየም ላይ ይደረጋል።

ተጠባቂው የሰሜን ለንደን ደርቢ በአርሰናል እና ቶተንሀም መካከል በአራተኛው ሳምንት መርሐግብር ሲደረግ መድፈኞቹ በአምስተኛ ሳምንት ማንችስተር ሲቲን ይገጥማሉ።

የመጀመርያው የማንችስተር ደርቢ ጨዋታ ታህሳስ ወር ውስጥ ኢትሀድ ስታዲየም ላይ ይደረጋል።

@tikvahethsport     @kidusyoftahe

የጀርመን አዲስ ማልያ ከፍተኛ ፈላጊ አግኝቷል !

የጀርመን ብሔራዊ ቡድን ለ2024 አውሮፓ ዋንጫ ውድድር ያስተዋወቀው አዲስ የሜዳ ውጪ የሮዝ ቀለም ማልያ ከፍተኛ ፈላጊ ማግኘቱ ተገልጿል።

ማልያው ከወራት በፊት ለህዝብ ይፋ ሲደረግ የሀገሪቱን ሰንደቅ ዓላማ አላካተተም እንዲሁም ጀርመንን ለሚያክል ትልቅ ቡድን የማይመጥን ነው በሚል ከፍተኛ ተቃውሞ ቀርቦበት ነበር።

አሁን ላይ ማልያው ከተዋወቀበት ቀን እስከ አውሮፓ ዋንጫው መጀመሪያ ቀን ድረስ በብሔራዊ ቡድን የሜዳ ውጪ ማልያ ታሪክ ፈጣን ሽያጭ ማስመዝገብ መቻሉ ተገልጿል።

@tikvahethsport     @kidusyoftahe

ምባፔ ለኔዘርላንድ ጨዋታ ላይደርስ ይችላል !

ትላንት ምሽት በአፍንጫው ላይ ከባድ ጉዳት ያጋጠመው ፈረንሳዊው የፊት መስመር ተጨዋች ኪሊያን ምባፔ ለአርቡ የኔዘርላንድ ጨዋታ ላይደርስ እንደሚችል ተገልጿል።

ፈረንሳይ ከፖላንድ ጋር በምታደርገው የአውሮፓ ዋንጫ የምድብ የመጨረሻ ጨዋታ ኪሊያን ምባፔ የመድረስ እድል እንደሚኖረው ተዘግቧል።

ኪሊያን ምባፔ በጉዳቱ ምክንያት በቀሪ የአውሮፓ ዋንጫ ውድድር ጨዋታዎች ለመካፈል የፊት ጭምብል ( Masks ) እንደሚለብስ ተነግሯል።

@tikvahethsport     @kidusyoftahe

አርጀንቲናዊው ዳኛ የአውሮፓ ዋንጫ ጨዋታ ይመራል !

ዛሬ ምሽት በቱርክ እና ጆርጂያ መካከል የሚደረገውን የአውሮፓ ዋንጫ የምድብ የመጀመሪያ ጨዋታ አርጀንቲናዊው ዳኛ ፋኩንዶ ቴሎ በመሐል ዳኝነት የሚመራው ይሆናል።

አርጀንቲናዊው ዳኛ ፋኩንዶ ቴሎ ከአውሮፓ እግርኳስ ማህበር አባል ሀገራት ውጪ ሆኖ የአውሮፓ ዋንጫ ጨዋታን የመራ የመጀመሪያው አርጀንቲናዊ ዳኛ በመሆን አዲስ ታሪክ ይፅፋል።

ዋና ዳኛው በአውሮፓ ዋንጫው የዳኞች ቡድንን የተቀላቀለው ዩኤፋ እና የደቡብ አሜሪካ አቻው ያደረጉትን ዳኞች የመጋራት እና በጋራ የመስራት ስምምነት አካል መሆኑ ተገልጿል።

በጨዋታ መሐል የሚኖሩ አላስፈላጊ ባህሪዎችን በዝምታ እንደማያልፍ የተገለጸው የ 42ዓመቱ ዳኛ ከሁለት አመት በፊት በአንድ ጨዋታ ለአስር ተጨዋቾች ቀይ ካርዶችን መዞም ያውቃል።

@tikvahethsport     @kidusyoftahe

ኬቪን ዳንሶ ኪሊያን ምባፔን ይቅርታ ጠይቋል !

የኦስትሪያ ብሔራዊ ቡድን ተከላካይ ኬቪን ዳንሶ ትላንት ምሽት ከኪሊያን ምባፔ ጋር በነበራቸው ግጭት ምክንያት አፍንጫው ላይ ጉዳት በማስተናገዱ ይቅርታ ጠይቋል።

የሌንሱ ተጨዋች ኬቪን ዳንሶ በይቅርታ መልዕክቱም " የፈረንሳይ ህዝብ እና ኪሊያን ምባፔን ይቅርታ እጠይቃለሁ ፣ እሱን ለመጉዳት ፈልጌ አልነበረም በትሎ እንዲሻለው እና ወደ ሜዳ እንዲመለስ እመኛለሁ።"ሲል ተናግሯል።

@tikvahethsport     @kidusyoftahe

" ቴንሀግ በመቆየቱ ደስተኛ ነኝ " ማይኖ

እንግሊዛዊው የመሐል ሜዳ ተጨዋች ኮቢ ማይኖ የማንችስተር ዩናይትድ አሰልጣኝ ኤሪክ ቴንሀግ በመቆየታቸው መደሰቱን ገልጿል።

" ኤሪክ ቴንሀግ ሁለት ዋንጫዎች አሸንፈዋል በቀጣይ ብዙ እንደሚሆን ተስፋ አለኝ " ሲል የተደመጠው ኮቢ ማይኖ ቀጣይ አሰልጣኛችንን ማወቃችን ተረጋግተን እንድንጫወት ያደርገናል እሱን አመስግኜ አልጨረስኩም ብሏል።

" የጋና የዘር ሀረግ ስላለኝ ሁልጊዜም እኮራለሁ ነገርግን ለእንግሊዝ ብሔራዊ ቡድን መጫወት የሁልጊዜ ህልሜ ነበር።" ማይኖ

ኮቢ ማይኖ ቀጥሎም እንግሊዛዊው የመሐል ሜዳ ተጨዋች ጁድ ቤሊንግሀም የባሎን ዶር ሽልማት እንደሚገባው ተናግሯል።

@tikvahethsport     @kidusyoftahe