Jahongir Po’latov aytdi, ingliz tilini eng yaxshi sharoitlarda Cambridge’da o’rganishingiz mumkin


Jiddiyroq aytsam, rostdan tavsiya qilaman!

Ramazon hayiti muborak bo’lsin!

Kompaniyada faqatgina bitta rahbar bor, u ham bo’lsa mijoz

Orzularni amalga oshirdik

Yaqin 10 kunlarda Najot Ta’limning 2022- sarhisobi, natijalari, statistikalari, o’quvchilar uchun tayyorlab qo’yilgan yangiliklari e’lon qilinadi. Bu haqda bejizga gapirmayapman, sababi bu ishlarni Najot Ta’limning jamoasi birgalikda amalga oshirmoqda. Ya’ni, bir kishi emas, balki, 300 dan ortiq inson 2500 nafardan ortiq insonga bir vaqtning o’zida ta’lim berish jarayonlari bilan shug’ullanmoqda. Ochig’i ta’lim juda mashaqqatli jarayon, har kuni stressli nimadir bor… )

Endi mana shu jonkuyar jamoaga “Qanday qilib ajoyib tashakkur bildirsak bo’ladi”, deb ko’p o’ylardim. Ochig’i shaxsan o’zim uchun ota-onamga men haqimda tashakkur aytishlari meni o’zimga aytilgan tashakkurdan 100 marta ko’p xusand qiladi. O’zimga yoqqanini barcha uchun qo’lladik. )

Najot Ta’limda 1 yil va undan ko’p ishlagan/ishlayotgan insonlarning ota-onalariga Najot Ta’limning erishgan yutuqlari, aynan shu jamoa sababli qancha yoshlarning ishli bo’lib o’z o’rnini topgani haqida maktub va kichik sovg’a yubordik. O’ylaymanki, jamoadoshlarimning ota-onalari bundan xursand bo’lgan va yana takrorlab aytamanki, maktubda yozilgan gaplar haqiqat, aynan shu jamoa sababli bugun biz doimiy o’smoqdamiz!

Fursatdan kelib chiqib, Najot Ta’limning rivojiga hissa qo’shgan jamoadoshlarga va ularning ota-onalariga o’z minnatdorchiligimni bildiraman! Xayriyaviy ta’lim grantlarida, yoshlarning zamonaviy kasblarda o’z o’rnini topishida, oilasiga ko’makchi bo’lib kasbli bo’lishida barchaning hissasi bor.

Ramazon hayiti yana bir bor muborak bo’lsin!

#Хайрия

Эндигина беш ёшга тўлган Атҳамжон икки йилдан буён бош мия ўсимтаси касаллиги билан курашиб келмоқда. Шифокорлар тавсияси билан уни дарҳол Ҳиндистонда операция қилиш зарур!

Беморнинг онаси 3 нафар фарзанднинг ёлғиз боқувчиси бўлганлиги ва моддий қийинчиликлар сабаб саховатпеша инсонлар ёрдамига муҳтож.

Даволаш учун кетадиган харажатлар:
Ҳозирда Деҳли марказий шифохонасидан виза ва инвойс келган
Жарроҳлик амалиёти нархи: 19.000 $
Жами йиғилган маблағ: 11.750 $
Йиғилиши керак қолдиқ: 7.250 $

Пластик карта:
Uzcard: 8600530452196572
Бахтиёрова Рано
Visa: 4738720006022218
Бахтиёрова Рано (онаси)
Тел: +998990334625 (онаси)

Улуғ айём кунларида шу гўдакка ёрдам қилишингларни илтимос қиламиз. Эҳсоннинг мукофоти фақат эҳсондир!

Ochilish marosimiga tayyormisiz?

🔥 «Najot Ta'lim» markazining Farg'ona filiali ochilish marosimi soat 10:00 da bo'lib o'tganidan so'ng, soat 14:00 da sizlar uchun maxsus master-klass tayyorlab qo'ydik.

Master-klass spikerlari:

• «Cambridge» va «Modme» loyihalari asoschisi va rahbari Jahongir Po'latov;
• «Yuksalish» loyihasi asoschisi va rahbari Muhammadali Eshonqulov;
• «Dizipro» loyihasi asoschisi va rahbari Abdusattor Abdurahimov;
• «Najot Ta'lim» markazi asoschisi va rahbari Temurbek Adhamov.

Erkin va savol-javob tarzida bo'lib o'tadigan suhbatda barchangizni kutib qolamiz. 😉

📅 Qachon: 25-aprel, seshanba, soat 14:00
🆓 Qatnashish: bepul
🙌 Kim uchun: barcha vodiylik qiziquvchilar uchun
📍 Qayerda: «Najot Ta'lim», Farg'ona filialida

👉 Ro'yxatdan o'tish

Eslatma: Ochilish marosimi shu kuni soat 10:00 da boshlanadi. 🎉

📞 78-888-9-888

🤔 O’quv markazingiz yoz mavsumiga tayyormi?

🤯 O’quvchilar soni kamayib ketishidan xavotirdamisiz?

🤩 Unda aynan “YOZGA TAYYORGARLIK” mavzusi bo’yicha 27-aprel soat 20:00da bo’lib o’tadigan bepul yopiq vebinarga sizni taklif etamiz!

🎙️ Vebinarda ta’lim sohasida tajribali spikerlar Jahongir Po’latov, Temurbek Adhamov va Davron Turdiyev ushbu mavzu bo’yicha foydali maslahatlar va ma’lumotlar berib o’tadi.

😉 Vebinar so’ngida esa barcha ishtirokchilarni foydali bonuslar va takliflar kutmoqda.

❗️Shoshiling, ushbu link orqali ro’yxatdan o’ting va yopiq guruhga qo’shiling: clck.uz/mmBmX

Ta'lim olish mavzusida Najot Ta'limda Hasanxon Yahyo Abulmajid qori akamiz bilan suhbat qilgan edik.

Ilm suhbatida 500 nafardan ziyod ishtirokchilar qatnashishgan edi.

Ushbu master-klass bugun soat 20:00 da Najot Ta'limning YouTube sahifasida premyera qilinadi.

Havola: https://youtu.be/Nc7Oe_oDC58

Ilm olish davrida bo'lgan yigit-qizlar uchun manfaatli bilimlarga boy suhbat bo'ladi, degan umiddaman )

“Najot Ta’lim”ning audit bo’limida amaliyot o’tash imkoniyati

🎯 Siz «Najot Ta'lim»ni yanada rivojlantirish ustida ishlaydigan Audit bo’limida amaliyot o’tashingiz mumkin. Ish jarayonlarni ichkaridan kuzatishni istagan, ta'lim tizimi rivoji uchun o'z hissasini qo'shmoqchi bo'lgan yoshlarni ushbu lavozimga taklif qilamiz.

Buning uchun siz:
- to’liq hajmda ishlay oladigan;
- o'sishga intiluvchan;
- tahliliy va tanqidiy fikrlay oladigan;
- kompyuterdan yaxshi foydalana oluvchi;
- ingliz tilida erkin muloqot qila oladigan; (kamida intermediate)
- 20-28 yosh orasida bo'lishingiz kerak.

Funksional vazifalar:
- Kamera kuzatuvi, Cilick UP, CRM tizimlari. ishlarni avtamotlashtiruvchi dasturlarni nazorat qilish;
- Ma'lumotlarni tahlil qilish;

Sinov muddati bir oyni tashkil etadi.

✅ Amaliyot uchun quyidagi manzilga rezyumengizni yuboring.

👉 @Recruiting_NT

Amaliyotchilarning kelgusida menga assistent bo’lish imkoniyatlari bo’ladi.

9 yil grantda o'qib, Yaponiyaning eng ilg'or universitetidan PhD daraja olgan olim bilan suhbat

«Osmondagi bolalar» loyihasining bu galgi mehmoni ko‘plab xalqaro ta'lim grantlari g‘olibi, Tokyo universitetidan Ommaviy siyosat bo'yicha fan doktori, Jorj Vashington va Vestminister universitetlarida mustaqil tadqiqotchi hamda Yaponiya raqamli universiteti (JDU) prorektori Dr. Bekzod Zakirov bo‘ldilar.

🎯 Ushbu sonda Yaponiya va O'zbekistonda ta’lim tizimi, iqtisodiyot, talaba yoshlarga tavsiyalar, professor o‘qituvchilarimizda uchrayotgan muammolar hamda universitetlar haqida kerakli ma’lumotlarni olasiz, degan umiddamiz.

🛎 Premyerani hoziroq tomosha qiling!

👉 https://youtu.be/yJUZv_3uJLw

Yaxshilar doim bor bo’lsin!

Ramazon oyida Najot Ta’lim va Cambridge o’quv markazlari kam ta’minlangan, boquvchisini yo’qotgan 100 nafar yigit va qizlar uchun grant e’lon qilgan edi. Shunga ko’ra 89 nafar yoshlar saralab olindi, nasib qilsa ular bilan bugun uchrashamiz.

Bir haftacha avval bir qadrdon akamiz yozib qolishdi, xayriya sifatida bir nafar o’quvchiga Macbook sovg’a qilmoqchi ekanliklarini aytishdi. Bu grantdan xabarlari bormi yo’qmi bilmayman, lekin juda vaqtida bo’ldi shu ish.

Bugun endi shu Macbookni loyiq bo’lgan bir singlimizga sovg’a sifatida topshiramiz. Sovg’ani bergan inson sir qolishini istadi. (aslida yaxshigina mashhur inson) Ochig’i juda xursand bo’ldim. Alloh taolo bu xayrli ishni ziyodasi bilan qaytarsin, barcha yaxshi niyatlariga yetkazsin. Shu xabarni o’qiganlar sohibi ehsonning haqqiga duo qilib qo’yishlarini so’rab qolaman )

#Saxovat

Bugun do'stim Temurbek Adhamovning sahifasida bir inson grant asosida yaxshi o'qigan o'quvchilarga sovg'a qilsin uchun Macbook sovg'a qilganini ko'rib, juda xursand bo'lgandim. Chin ko'ngildan havas qilib sevindim.

Bir soatlar o'tar-o'tmas direktorimiz Xurshid aka qo'ng'iroq qilib qoldilar:
-Ustoz, bir tadbirkor akamiz maktabimizga Elektron doska hadya qilib olib kelibdilar, – deb.
Havasimiz xolis ekan.😊

Power Dream korxonasi rahbari Ravshan akamizdan maktabimiz uchun juda ham kerakli sovgʻa boʻldi.
Taʼlim uchun homiylik qiladigan saxiy tadbirkor doʻstlarimiz bor boʻlsin.

P.S. Bir nechta moliyaviy imkoniyati cheklangan, lekin iqtidorli oʻquvchilarimiz saxovatli insonlarning yordami va homiyligi bilan oʻqishayotganini ham eʼtirof qilib, ularga alohida minnatdorchilik izhor qilmoqchiman.

ALLOHim dunyoi oxiratda barchangizni aziz qilsin.

@Muhammadali_Eshonqulov

«Najot Ta'lim»dan tez kunda ajoyib yangilik!

🔥 5 kun qoldi!

@aloqa_ntbot

#Хайрия
Бемор Игамбердиев Анвар Маҳмудович.

1986 йилда туғилган, 3 фарзанди бор, оила боқувчиси.

Буйрак етишмовчилиги
(иккала буйрак ҳам ишдан чиққан)
хасталигига чалинган, операция учун моддий ёрдам керак. Сахий инсонлар, сизлар сабабли бир оила хонадонида яна хурсандчилик чироғи ёнади, инша Аллоҳ.

«Эҳсоннинг мукофоти, фақат эҳсондир», (Роҳман - 60).

Манзил: Қўқон шаҳри, Амир Темур кучаси, 5-уй, 26-квартира.

Алоқа учун: +998905862520

🇺🇿 Uzcard карта рақами:
8600490458848447
Анвар Игамбердиев

Visa:
4278320020531652
Анвар Игамбердиев.

Kelajak uchun ovoz berib keldim!

#befarqemasman

​​Menga turli yo’llar orqali shu kabi savollar juda ko’p keladi. Tajribam va Najot Ta’limdagi keyslardan kelib chiqib shu savolga umumiy javob bermoqchiman.

Savol: IT sohasiga juda qiziqaman, lekin kompyuterni umuman tushunmayman, nima qilay?

Javob: Bugun ko’pchilik ITga qiziqadi, dasturlashga qiziqishi tufayli kamida frontend sohasida o’zini sinab ko’radi. Tajriba shuni ko’rsatadiki, bu ishtiyoq dars boshlangandan keyin bir oyda so’nadi. Soha menga emas ekan, kabi firklar yangray boshlaydi. Yechim sifatida avvalo kompyuter bilan ishlashni bepul darslar orqali ishtiyoq bilan o’rganishni so’ng dasturlash, shu kabi ITga oid va yondosh sohalarni oz bo’lsada, eng kamida Youtube orqali o’rganib ko’rishni maslahat beraman. Agar siz boshlang’ich tarzda o’rganib ko’rib (kamida bir oy) ishtiyoqingiz so’nmasa, endi keyingi qadamni ya’ni yo’nalish tanlashni boshlasangiz bo’ladi.

Savol: Onlayn kurslari orqali mutaxassis bo’la olamanmi?

Javob: Onlaynda ham oflaynda ham zo’r mutaxassis bo’lish ko’p hollarda o’zingizga bog’liq jarayon. Ikkisining ham o’ziga yarasha kuchli va zaif tomonlari bor. Agar sizda vaqt yoki joylashuv tomonlama muammo bo’lsa, doimiy intizomni o’zingizda shakllantira olsangiz, Google bilan ishlash ko’nikmasi a’lo dararajada bo’lsa, shu bilan birga savol berish madaniyatini shakllantira olsangiz onlayn kurs aynan siz uchun. Shu holatda natijaga erishingiz foizi ancha oshadi.

Savol: Yoshi katta bo’lib IT sohasida muvaffaqiyatga erishganlar bormi?

Javob: Tajribamda 35-42 yoshdagi akalarning ham o’qishni tamomlab o’z ish joyiga ega bo’lganini ko’rdim. Lekin bu yoshda o’qish yoshlarga nisbatan biroz qiyin bo’ladi. Sababi, avvalo vaqt muammoasi, shu bilan birgalikda yosh o’tgan sari oila tashvishlari ham ortib boradi. Deylik, o’rganib bo’lib ishga yoki amaliyotga joylashgan taqdirda ham hech kim katta oylik bilan kutib olmaydi. Boshlang’ich 6 oy muddatgacha oylik olmasligingiz yoki juda kam oylikka ishlashingizga to’g’ri kelishi ham mumkin.

Savol: Qaysi yo’nalishni maslahat bergan bo’lardingiz?

Javob: Eng avvalo ingliz tilini o’rganishni maslahat bergan bo’lar edim. Sababi ingliz tilisiz ish topish borgan sari qiyinlashib boryapti, har qanday IT sohasini o’rgansangiz ham ingliz tili bo’lmasa ishga kirish foizingiz tushib boraveradi. Yo’nalish bo’yicha kelsak yoshingizdan kelib chiqib QA (sifat nazorati yoki testlovchi) PM (loyiha boshqaruvchisi) sohalarini o’rganishni yoki bo’lmasa dasturlashdan aniq sohani tanlash uchun foundation bosqichini tamomlashingizni maslahat beraman.

Savol: Qaysi platformalarni tavsiya qilasiz?

Javob: Bugun O’zbekiston bozorida PDP, Eduon, Mohirdev va Najot Ta’lim o’zlarining onlayn kurslarini taqdim etib kelyapti. Siz ular taqdim qilgan takliflarni ko’rib chiqib o’zingizga ma’qulini tanlashingizni maslahat beraman.

- - -

Ta’lim va IT sohasida tajribasi bor insonlarda ham qo’shimcha fikr va mulohazalar bo’lsa, baham ko’rilsa ko’pchilikka manfaatli bo’lar edi.