በዋና ሥራ አስፈጻሚያችን ፍሬሕይወት ታምሩ የተመራ የኩባንያችን የሥራ አመራር ከአሰላ ከተማ አስተዳደር ከንቲባ እና ኃላፊዎች ጋር ውይይት በማካሄድ በከተማዋ እየተከናወኑ የሚገኙ የልማት ሥራዎችን ጎበኙ።

ዋና ሥራ አስፈጻሚያችን በውይይቱ ወቅት በከተማዋ ተግባራዊ የተደረገው 5ጂ ሞባይል ኔትወርክ ስማርት ሲቲ እና ሌሎች የልማት ፕሮጀክቶችን ለማከናወን አስቻይ እንደሆነና አሰላ ከተማን ለኢንቨስትመንት፣ ቱሪዝም እና ለነዋሪዎቿ ምቹ በማድረግ ተወዳዳሪነትን ለመጨመር እንደሚያስችል ገልጸዋል፡፡

በተጨማሪም ኩባንያችን የከተማዋን ዕድገትና የደንበኞቹን ፍላጎት በመረዳት በቅርበት ለማገልገል በዲስትሪክት ደረጃ ጽ/ቤት መክፈቱን፤ የከተማ አስተዳደሩን አገልግሎቶች ዲጂታላይዝ ለማድረግ ከዚህ ቀደም በቴሌብር እንደ ውኃ አገልግሎት የመሳሰሉ ክፍያዎች አፈጻጸም አበረታች እንደነበረና ሌሎች ክፍያዎችን ማቀላጠፍ በሚቻልበት ሁኔታ ላይ በጋራ መሥራት እንደሚገባ እንዲሁም በከተማዋ እየተካሄደ በሚገኘው የኮሪደር ልማት የመሠረተ ልማት ኮሪደር ግንባታ በተሻለ ቅንጅት መከናወን እንዳለበት አጽንኦት ሰጥተዋል።

የአሰላ ከተማ አስተዳደር ከንቲባ አቶ ስሜ ፀጋዬ በበኩላቸው፤ አሰላ በፍጥነት እያደጉ ከሚገኙ ከተሞች መካከል አንዷ መሆኗን ገልጸው ኢትዮ ቴሌኮም ይህንን በመረዳት በከተማዋ የ5ጂ ኔትወርክን በማስጀመር፣ በዲስትሪክት ደረጃ ጽ/ቤቱን በመክፈቱ ልባዊ ምስጋናቸውን ገልጸዋል፡፡

ወደፊትም የተፈጠረውን አስቻይ ሁኔታ በመጠቀም የአገልግሎት አሰጣጥን ዲጂታላይዝ በማድረግ ከተማዋን ለነዋሪዎቿ ምቹ እና ተመራጭ ለማድረግ በቅንጅት መሥራታቸውን እንደሚቀጥሉ አረጋግጠዋል፡፡ አስተዳደሩ ከተማዋን ለኢንቨስትመንት፣ ለቱሪዝምና ለነዋሪዎቿ ምቹ ለማድረግ በጀመራቸው የልማት ሥራዎች ኢትዮ ቴሌኮም የበኩሉን አስተዋጽኦ እንዲያበረክት ጠይቀዋል።

በ #Robofest_Ethiopia ላይ በአጋርነት በመሳተፋችን ደስታ ይሰማናል!!

በሀገረ አሜሪካ ሎወረንስ ቴክኖሎጂካል ዩኒቨርሲቲ በግንቦት ወር በሚደረገው ሮቦፌስት ቴክኖሎጂካል ውድድር ላይ አገራችንን ወክለው ለመሳተፍ የሚችሉ ታዳጊዎች የሚለየው ይህንን መርሐ ግብር በመደገፍ ለዲጂታል ኢትዮዽያ ዕውን መሆን ተጨማሪ አስተዋጽኦ እያደረግን ነው።


#ዲጂታል_ኢትዮጵያን_ዕውን_በማድረግ_ላይ


#RobofestEthiopia2025
#Ethiotelecom #DigitalAfrica #DigitalEthiopia #RealizingDigitalEthiopia