በዋና ሥራ አስፈጻሚያችን ፍሬሕይወት ታምሩ የተመራ የኩባንያችን የሥራ አመራር ልዑክ ከኮምቦልቻ ከተማ አስተዳደር ከንቲባ መሀመድ አሚን የሱፍ ጋር በመሆን የስማርት ሲቲ ፕሮጀክት ትግበራን ጎብኝተዋል።

ኩባንያችን ከኮምቦልቻ ከተማ አስተዳደር ጋር የሚያከናውነው የስማርት ሲቲ ፕሮጀክት የመጀመሪያ ምዕራፍ በጥሩ ሁኔታ እየተከናወነ መሆኑ የተገመገመ ሲሆን፤ ቀሪ ስራዎችም በአፋጣኝ ተጠናቀው ወደ ስራ እንዲገባ አቅጣጫ ተቀምጧል።

ፕሮጀክቱ ኮምቦልቻን ለኢንዱስትሪና ለተለያዩ ኢንቨስትመንቶች ይበልጥ ተመራጭ በማድረግ ተወዳዳሪነቷን የሚያሳድግ ሲሆን ለነዋሪዎቿ ምቹ እና ደህንነቷ የተጠበቀ ከተማ እንደሚያደርጋት አጽንዖት ተሰጥቷል።

በተጨማሪም የስማርት ሲቲ ፕሮጀክቱ የመስተዳድሩን አገልግሎቶች፣ የግብር አሰባሰብ፣ የትራንስፖርት እና ሌሎች ክፍያዎችን በቴሌብር በማቀላጠፍ የዜጎችን ጊዜና ገንዘብ ከመቆጠብ ባሻገር የአሰራር ቅልጥፍናንና ተደራሽነትን ይጨምራል።

በመጨረሻም ልዑኩ በከተማዋ ከሚገኙ ውብ እና አርአያነት ያላቸው የአረንጓዴ ልማት ፓርኮች መካከል አንዱን ጎብኝቷል።

#ዲጂታል_ኢትዮጵያን_ዕውን_በማድረግ_ላይ!

#RealizingDigitalEthiopia #SmartCity #Kombolcha #DigitalEthiopia

ኢትዮ ቴሌኮም ለድርጅት ደንበኞች እና ተቋማት በክላውድ ላይ የተመሰረቱ የተለያዩ የዲጂታል ሶሉሽኖች በይፋ አስጀመረ!

ኩባንያችን የተቋማት አቅም የሚገነቡ፣ አሰራሮችን የሚያዘምኑ እንዲሁም ድርጅቶች ለደንበኞቻቸው የላቀ አገልግሎት በማቅረብ ቀጣይነት ያለው እድገት ለማስመዝገብ የሚያስችላቸው ሰባት የኢንተርፕራይዝ ሶሉሽኖችን ተግባራዊ ማድረጉን ስናበስር ታላቅ ደስታ ይሰማናል፡፡

ይፋ ያደረግናቸው ሶሉሽኖችን የዲጂታል ላይቭስቶክ ትራኪንግ፣ ቴሌ ፑሽ-ቱ-ቶክ/ቪዲዮ፣ ኮር ባንኪንግ ሶሉሽን፣ የትምህርት አመራር ስርዓት ሶሉሽን እንዲሁም የአንድ ቢሮ ትብብር እና ምርታማነት ሶሉሽን፣ ቴሌ የጥሪ ማዕከል እና ኢ.አር.ፒ ሶሉሽኖችን ናቸው፡፡

እነዚህ የዲጂታል ሶሉሽኖች ድርጅቶች መሰረተ ልማት መገንባትም ሆነ የመረጃ ማዕከል መገንባት ሳያስፈልጋቸው እንዲጠቀሙና የኦፕሬሽን ስራቸውን በማስተዳደር ላይ ብቻ በማተኮር ተወዳዳሪነታቸው እና ምርታማነታቸው እንዲጨምር አስተዋጽኦ ያበረክታሉ፡፡

ኩባንያችን እስካሁን ከ456 በላይ የድርጅት ደንበኞችንና አጋሮችን በቴሌ ክላውድና በዳታ ማዕከል አገልግሎቶቻችን ተጠቃሚ ያደረገ ሲሆን ለባንኮችና አነስተኛ የፋይናንስ ተቋማት በሰውሰራሽ አስተውሎት (AI) የተደገፈ የማርኬት ፕሌስ ሶሉሽን አቅርቧል።

ኩባንያችን የተቋማትን አሰራር የሚያዘምኑ እና ምርታማነትን የሚያሳድጉ አስቻይ ሶሉሽኖችን በማቅረብ የሀገራችን ዘላቂ ልማት እና ኢኮኖሚያዊ እድገት የሚያፋጥኑ ተግባራትን አጠናክሮ የሚቀጥል ይሆናል፡፡

ለበለጠ መረጃ፡- https://bit.ly/43c67bG

ኢትዮ ቴሌኮም የእንስሳት አያያዝን የሚያዘምን እና የሚገኙበት ቦታ በቀላሉ ለማወቅ የሚያስችል ዲጂታል ላይቭስቶክ ትራኪንግ ሶሉሽን ተግባራዊ አደረገ!

ኩባንያችን በዛሬው ዕለት በላቀ አይ.ኦቲ (IoT) የተደገፈ እና የሀገራችን የእንሰሳት አስተዳደርን ለማዘመን የሚያስችል ክላውድን መሰረት ያደረገ ዲጂታል የእንሰሳት መከታተያ ሶሉሽን (Digital Cattle Tracking Solution) ተግባራዊ ማድረጉን በታላቅ ደስታ ይገልጻል።

ይህ ዘመናዊ ሶሉሽን አርሶ አደሮች እና እንሰሳት አርቢዎች በቀላሉ እንስሳቶቻቸውን መከታተል፣ ያሉበትን ቦታ መለየት እና የጤና ሁኔታቸውን መገምገም እንዲችሉ፣ ምርታማነትን ለማሳደግ በተለይም የእንስሳት ባለቤቶች የፋይናንስ አገልግሎት እንዲያገኙ በማድረግ የፋይናንስ ተደራሽነት ክፍተት ለማጥበብ ከፍተኛ ሚና ይኖረዋል፡፡

በተጨማሪም የዲጂታል ቴክኖሎጂን በመጠቀም ገበሬዎችን እና ሌሎች እንስሳት አርቢዎችን ለማበረታታ፣ የእንስሳት እርባታ አያያዝን እና የግብርና ዘርፉን ለማዘመን በተለይም የእንስሳትን ዋጋ እና ጤንነትን መገምገም የፋይናንስ ተቋማትም የእንስሳትን ሀብት እንደ መያዣ በመቀበል አርብቶ አደሮችና አርሶ አደሮች የብድርና የኢንሹራንስ አገልግሎት እንዲያገኙ ለማስቻል ትልቅ ፋይዳ ይኖረዋል፡፡

ይህም ኢትዮጵያ ወደ ዘመናዊ እና ይበልጥ የቴክኖሎጂ ትስስር ወዳለው ግብርና በመግባት የዲጂታል ኢትዮጵያ ራዕይን እውን ለማድረግ የምታደርገውን ሁሉገብ ግስጋሴ የሚያጠናክር ይሆናል፡፡

ለበለጠ መረጃ፡- https://bit.ly/43c67bG

#RealizingDigitalEthiopia #DigitalAfrica