ኩባንያችን “ቀጣዩ አድማስ፡ ዲጂታልና ከዚያም ባሻገር 2028 ስትራቴጂ” የተሰኘ ሰው-ተኮር የሶስት ዓመት የእድገት ስትራቴጂ ይፋ አደረገ!

ኩባንያችን መሪ የሶስት ዓመት የእድገት ስትራቴጂ በመቅረጽና በመተግበር ከኮኔክቲቪቲ አገልግሎት ባሻገር አካታች የዲጂታል እና የፋይናንስ አገልግሎቶችን በማቅረብ እንዲሁም በርካታ የሪፎርም ስራዎችን በማከናወን አመርቂ ውጤቶችን ማስመዝገቡ ይታወሳል፡፡

ኩባንያችን በዛሬ ዕለትም ባስመዘገባቸው ስኬቶች ላይ በመመስረት አዘጋጅቶ ይፋ ባደረገው “ቀጣዩ አድማስ” የሶስት ዓመት የእድገት ስትራቴጂ የኢትዮጵያን ዲጂታል ዕጣ ፈንታ በመቅረጽ እና በአፍሪካ ዘላቂና አካታች ዕድገትን በማስፋፋት ያለውን ሚና አዲስ መልክ እንዲይዝ የሚያደርግ እንዲሁም ሀገራዊ የልማት አጀንዳዎችን በማፋጠን በቀጠናውና በዓለም አቀፍ የዲጂታል ኢኮኖሚ አዳዲስ ዕድሎችን ለመክፈት የሚያስችል ነው፡፡

ስትራቴጂው ሰው-ተኮር እና ችግር-ፈቺ በሆኑ፣ ሰፊ የስራ እድል በሚፈጥሩ እንዲሁም ዘላቂ ማህበራዊና ኢኮኖሚያዊ እሴቶች ላይ የሚያተኩር ሲሆን በስትራቴጂው ማጠናቀቂያ ላይ አጠቃላይ የቴሌኮም አገልግሎት ተጠቃሚዎች ቁጥር 100 ሚሊዮን ለማድረስ፣ የቴሌብር ተጠቃሚዎች ቁጥር 75 ሚሊዮን ለማድረስ እንዲሁም አጠቃላይ የኩባንያችን ገቢን 842.3 ቢሊዮን ብር ለማድረስ ያስችላል፡፡

በተጨማሪም የ4ጂ ኤልቲኢ አድቫንስድ ሽፋንን ወደ 85 በመቶ በማሳደግ፣ ዲጂታል አገልግሎቶችን በስፋት በማቅረብ፣ ፋይበር-ቱ-ታወር እና የኮፐር ኔትወርክን ሙሉ በሙሉ በፋይበር በመተካት፣ የሰው ሰራሽ አስተውሎት የሚጠቀሙ የአሰራር ስርዓቶችን በመዘርጋት እና ዘላቂነት ባላቸው አጋርነቶችና በአካባቢያዊ እና ማህበራዊ ኃላፊነት ላይ ትኩረት ያደረጉ ስራዎች የሚከናወኑ ይሆናል፡፡

ለተጨማሪ መረጃ፡ https://bit.ly/4mZZsrS