حنيتلچ   مدري  شكثر
من اذن  بوكت   الفجر
مشتاگلچ    مر   الصبر   يمه

--------------------------------------------

مو  سالفة     أم   وأبن
مو  سالفة  عين وجفن
انتي  الوجود  المندفن  والله

خليتي  عين   بلا ضوى 
تعبان   محتاجچ  دوى
مخنوگلچ وانتي  الهوى   والله

ما ينحمل ،،  يمه  الفراگ ادخيلچ
ما ينحمل  ،،  بيني الگبر  ما بينچ
وين اتجه  ،،  ضيعت شوف عيوني
وين اتجه  ،،  وين  الدرب    دلوني

دمعاتي  بغيابچ    جمر
من اذن  بوكت   الفجر
مشتاگلچ    مر   الصبر   يمه


----------------------------------------

تنام البشر  بس  آنه أظل
هذا  الوداع   الماله  حل
تايه   وآنه   بدار    الاهل   بلوه

تگومني   چلمة    يا علي 
واتوچه  ما ظل حيل ألي
ميته وأحس  ماتو    هلي  بلوه

يمه الالم   ،،  بالگلب    ياكل     بيه
يمه الالم   ،، خشبه ابوصط  جمريه
ما ظل حچي ،،  هذا   الدهر    سواهه
ما ظل حچي ،،  ضم ضحكتچ ضماهه

راح الدفو   وراح العمر
من اذن   بوكت   الفجر
مشتاگلچ    مر   الصبر   يمه

------------------------------------

ما نمت  ساعه   ولا هِدت
أذن     بچيت       وكبرت
بدموعي وين أمي صحت  حيره

حاچيني   مو  حيلي  إنهب 
تعبانه  ؟   لا  شنهي   التعب  ؟
نوم  الفجر    يمه   شعجب   حيره
 

حان الفرض ،،  السبحه وتربتچ هايه
حان الفرض ،،  واضلوعي  المصلايه
تحت الرمل  ،،   ما ينسمع تسبيحچ
تحت الرمل  ،،   گليلي  يمه  دخيلچ

آه   يا   دليلي   المنكسر
من اذن    بوكت   الفجر
مشتاگلچ      مر   الصبر   يمه

----------------------------------------

ما   ينحمل  يمه   البعد
توجعني  چلمة  ما  ترد
يم گعدتچ أوصل   وأرد  وينچ

واحظن  عباتچ  وانتچي
ويخلص بعيني    البچي
واحچيلچ وكل  الحچي  وينچ


ماتت تره  ،،  صوت الوداع أذاني
ماتت تره  ،،   جثه بنعش  خلاني
امك مشت ،،   شيرجع    المدفونه
امك مشت  ،،  آه  يا  اللهي  العونه

مو  شده  ايام      وتمر
من اذن    بوكت   الفجر
مشتاگلچ    مر    الصبر   يمه

----------------------------------------


راحت بقت بس اسئله
ليش  اليفارگ  أم   أله
يبچي  بسماع البسمله   صعبه

لن بيهه   يومه    اليبتدي
لو  صاحت الغالي  إولدي
يلطيبه  أگعدي     ورددي  صعبه

وين الحظن ؟ ،، وين الهلا  البعيونچ ؟
وين الحظن ؟  ،، مو مالت ايدفنونچ
عمري انتهى ،،   يا يمه    بس     رديلي
عمري انتهى ،،   خلصتي شوفي وحيلي


ظل     الونين    المستمر
من اذن    بوكت   الفجر
مشتاگلچ      مر   الصبر   يمه


كلمات الخادم  /    رعد الفريجي
10/  جمادي الاولى /   1446 
ثوابها الى روح والدتي

من لوعوها بيا ذنب من لوعوها !
...

مو مال هيچي تنعصر هاي ام ابيها.. ياحسرة بيها
هاي الله من سابع سمة صلى عليها .. ياحسرة بيها
هاي الذي جناح المَلك مخفوض ليها .. ياحسرة بيها

لاذت ورى الباب برعب
بكل قسوة چانت تنضرب
كسروا ظلعها والگلب
ياحسرة بيها فاطمة ياحسرة بيها
..

المسمار من طگ الضلع هشم صدرها .. يلچم كسرها
شهگت او ونت حايره ونه شكبرها .. يلچم كسرها
تنرجن بالباب وحنه الحايط ظهرها .. يلچم كسرها

ورم بدنها من الدفع
تشهگ وترجع تندفع
حد ما هدل عظم الضلع
يلچم كسرها وتختنگ يلچم كسرها
...

تتنفس وعظم الضلع يلچم الرية .. وياذي الزچية
شگد صعبه من حتى الهوى يسبب اذية .. وياذي الزچية
وطاحت مثل طيحت شمس بالمغربية .. وياذي الزچية

چان الألم كلش قوي
تلزم ضلعها وتلتوي
بالنفس چانت تنچوي
ياذي الزچية هالنفس ياذي الزچية
...

ونادت يفضة اتعذبت بلكت تجيني .. وتتلاحگيني
تداوين الي جرح السطر لمأذي عيني .. وتتلاحگيني
ماريد وانا بهالوضع تحظر بنيني .. وتتلاحگيني

وضع الضلع شو مختلف
من اتلمسه اشعر منخسف
يافضة بطليلي النزف
وتتلاحگيني من الألم وتتلاحگيني
....
ويعذب ابتوت الگلب چالموت الاحمر .. الضلع التكسر
وهنا نوه حامي الحمه هالساع يحضر .. الضلع التكسر
ويتلمس ابدهشه والم وادموع حيدر .. الضلع التكسر

شاف الكسر ما ينجبر
وام بيته گاعد تحتضر
شيجيب ساعتها الصبر
الضلع تكسر دمره الضلع التكسر

حسن ميثاق الربيعي

يله  يا  شيعه  نشيع  فاطمه
 

*

  خل تسيل دموعنه  وي  حيدره
  اليوم تبچي ويانه حتى المكبره
  ماتت   الام   العفيفه   الطاهره
  هاي زينب بقت  هسه  محيره


  تصيح زينب يا علي
  اه  يبويه   يل  ولي
  اليوم ماتو كل هلي
 
 
  خل نصب ادموعنه اعليهه دمه
  يله   يا   شيعه   نشيع   فاطمه
 
*

   يله شيلو  النعش هاي ام الحسن
   عيون كل الكون بس  يمهه  بچن
  جنه  بل  تابوت   مشيول  الوطن
  صيحو يا زهراء بل بدموع وحزن


  الجرح ميطيب الجرح
  نور   ما  ضل   وصبح
  الفرح شو مات  الفرح
 
 
  صارت  الدنيه  حزينه  ومظلمه
  يله   يا  شيعه   نشيع   فاطمه

*

  اليوم زينب يا خلگ تبچي وتنوح
  تجري الدموع وبدت هسه الجروح
  من  بعد   ام  الحسن  ألمن  تروح
  يا  عطرهه   الجان   بدنيه  يفوح


  جروح زينب هل بدت
   عله   اليمه   تحسرت
  تصيح يا زهره  ونعت
 
  جنه  طف اليوم  واكبر  ملحمه
   يله  يا   شيعه   نشيع   فاطمه
 
****

  بهيده يل  تحمل  نعشهه  بهيده
  اضلوع متكسره ووجعهه تزيده
  اليوم   الزجيه   صارت   ابعيده
  الله  يساعدچ  يا  زينب  وحيده


   نعزي   امام   المنتظر
  افراگج  اليعمي  النظر
  گلب    زينب    ينكسر
 
ماتت    الام   الحنينه   العالمه
  يله   يا  شيعه   نشيع   فاطمه
 
*

  تحضر الزهراء مكسورت ضلع
  تخيل   وانظر   عليه  واستمع
  هسه ونت  بل كبر  من  الوجع
  وحيدر    الكرار    دلاله   نشلع


  علي  يا ناس  انجوه
  راحت  الجانت دوه
  مات   وياهه   الهوه

  نزلت اليوم بحزنهه اهل السمه
  يله   يا   شيعه  نشيع   فاطمه


*

  واسو زينب عل جرح واسوهه
  العمر   خمسه   تيتمت  خلوهه
  تبچي  مكسوره  صدگ  عافوهه
  حرگ    دارك    يا  علي    اذوهه

  زينب  تنوح  وتون
  فاركتهه ام الحسن
  بدت   ايام   المحن
 
  زينب  بحسره   نعشهه  تكلمه
  يله  يا  شيعه   نشيع   فاطمه


  كلمات الخادم /   حيدر ناجي الدراجي

#مولاتي_فاطمة
دمع الحزن يوگع جمر لو مرنه ذكرچ
بالروح ابد ميظل عسر لمن نندبچ
بيچ اقتده حته الشرف ظل حامل اسمچ
حته العلم ساجد الچ غير اصله منچ

✍️
حسين الباوي

في حق الزهراء. ع

صلاه الوحشه الج يالزهره صليت
بمحرابج شمع من رحتي ظويت
وجودي من وجودج
عشت عمري علمودج.    يزهراء

--------------
الدنيه بعيني بعدج مظلمه وسوده
الرحل محبوبه عنه دمعه بخدوده
المحب  ويه حبيبه يوفي. بوعوده
راح  الغالي  عني  وبعد. شيعوده

جفني من غيابج ذابح النوم
اظل بحسرتي يالزهره مالوم
الزمن ذبل ورودج
عشت عمري علمودج.    يزهراء

---------------
عله التربان وسفه وسدت خدج
وبيدي انه يزهره احفرت لحدج
من رحتي ومشيتي ظل اثر بعدج
ماي  انتي. وتبده  بعد. شيردج

دفنت وياج كل احلامي وسنيني
وجني بسجن عايش يوم عفتيني
زماني. هم. يعودج
عشت عمري علمودج.   يزهراء

---------------
بالحيطان اشوفن رسمج اكبالي
ويموت منل قهر كلمن فكد غالي
اخذ روحي يموت ورحم بحالي
راح المحب عني وجرح دلالي

برموشي يزهره خظر الشيب
وجرحج بلدليل وبعد ميطيب
اثر صطره عله خدودج
عشت عمرب علمودج.    يزهراء

---------------
تفرهدت من عندي راحت احله بسمه
وهظمتي يزهره بعدج والله هظمه
والجرح يومن مشيتي نزف دمه
تيهت. دربي. بعد. ماشوف. اعمه

يعيش بلا محب بدنيه يحتار
تظل تسري بدليله تستعر نار
ابد ما اخلف وعودج
عشت عمري علمودج.   يزهراء

اسرح بحسراتي وصفن لو اجه اليل
ويظل دمعي عله الزهره يهمل يسيل
حدبت  من. الهجر  وتفرهد. الحيل
ياوسافه  هل  زمن  غدار. ويميل

بنص دليلي  يالزجيه  جرح. الفراك
بروحي ظلت يالحبيبه حسره وشواك
بدليلي احفر لحودج
عشت عمري علمودج.    يزهراء

-----------------
الخادم
رحيم الصالحي

في حق الزهراء

هليله. علي يدفن. حبيبه
ويصب عله الكبر دمع المصيبه
الله يعينه ويصبره
فاكد فاطمه الزهره.   ياعلي

--------------
شلون. كلبك طاوعاك وسدت. خده الترب
تحفرت بيدك لحده ياعلي. وبيا. كلب
ونعرف افراك الزجيه مو سهل كلش صعب
دمعت اعيونك عليه تسيل من جفنك تصب

خليل بحسرته يدفن خليله
وتراب الحد بيدك تهيله
حيدر جرحك شكبره
فاكد فاطمه الزهره.     ياعلي

-------------
ياعلي ليلك طويل وجفن عينك. ماغفه
حتۑ نجم الجان ظاوي كبال اعونك طفه
من بعد. عين الزجيه.والله عل دنيه العفه
شكثر بيك جروح انته وبعده كلبك ماشفه

ظلمه وموخشه ياعلي الدار
طفه نور الزجيه ونته محتار
وياهه  دفن عمره
فاكد فاطمه الزهره.     ياعلي

------------
الهادي امنه امانه. ياعلي. يومن رحل
امل جان. النبي عنده ونكطع هذا لامل
كسرو اظلوع الزجيه والورد من راحت ذبل
الزهره ثلث الدين هيه وبيه دين الله كتمل

حركو بابهه وكسرو ظلعه
وطفه يابو الحسن غفله شمعه
بخدهه شاهد الصطره
فاكد فاطمه الزهره.      ياعلي

-------------
بين حسراتك يحيدر جرح بيك المايطيب
فاركت محبوب كلبك وجرحك الماله طبيب
الدنيه غداره يوالي وزمن امره. عجيب
من بعد عين الزجيه عشت بالدنيه غريب

بعينك شاهدت صطره علخده
وبيدك ياعلي. تحفر. لحده
كلبك مو سهل كسره
فاكد فاطمه الزهره.     ياعلي

---------------
تسولف اهمومك يحيدر وتشم اتراب الكبر
الزهره راحت غفله عنك بعد شيفيد الصبر
حتۑ رمشك شاب والله وشفت انجوم الظهر
من. بعد عين الزجيه كلشي ما يسوه العمر

راحت عنك وعافتلك اهموم
وماتت عله بيه الظلع مهشوم
بدليلك تلتهب جمره
فاكد فاطمه الزهره.     ياعلي

--------------
الخادم
رحيم الصالحي

الرحمة تودَع الرحمة     ويقره المحسن الختمة
ثالث فرع للعصمة
على الباب....على الباب
.........................................................
من جرح الجرح واول جرح ابـــدي
المحسن قبل عمره وينحسب جنــــدي
ابتدى سوح الحرب وانه جنت وحدي
ابابــــــــي النار وكفت وَكفت امجدي
وحك السبعه والسبعه     نهر واتصدق بنبعه
لحد ما ينكسر ضلعه
على الباب....على الباب
.......................................................
جريمه يا علي والفاعل اتعرفــه
نفسه الوالدي بوصيًته ايوصفــه
عصرني وآنه حرمه ياعلي كلفه
حرت الزم حجابي الخاطر العفه
السقيفه واللي وقعها     أمر عالباب يدفعها
يحيدر تلكه مطلعها 
على الباب....على الباب
......................................................
سمع زينب تكلـــــــــــــي خايفه يمه
رفسني وسطر خدي وكلشي ما همه
ماهمني الذبحني مـــــــــن حجه كلمه
المحسن وكــــــــــــع مني سابح بدمه
عمره ما بده عمره     واسمعه الفاتحه يقره
أثر جويه بقت ذكره
على الباب....على الباب
.......................................................
صحت فضه تجي وتسندني مابيه
جمر الباب ضـــــل طابع برجليه
بعباتي النار وانه النار بيديــــــــه
وينك يا علي والزهره موليــــــــه
وصيتي لو وصل صوتي    يحيدر واقترب موتي
وحدك شيل تابوتي
على الباب....على الباب
.......................................................
يحيدر كبري من اتحفره الي وسعه
اخاف يضيك صدري ويلجم ضلعـه
وبعد وسط الكبر اشعل الي شمعـــه
المحسن لو بجه يلكي اللذي يسمعه
وضيع كبري باوصافه      غيرك ما بشر شافه
المحسن ثار الي عافه
على الباب....على الباب
.......................................................
خادم خدمة الحسين
الشاعر
محمد الموالي

#شهادة_السيدة_فاطمة_الزهراء ع
#لحن_إسمع_عتابي
#حالة السيدة زينب ع بعد رحيل الزهراء ع:




طفله ابألمها
وتنده ل أمها
تعوف المنيّه
وترجع تِضمّها

#ماذا تنادي تلك الطفله عمرها خمس سنوات ، ساعد الله قلبك يا زينب :

مصْعَب غِيابك
عيني اعلى بابك
بلكت تِردي
وابدي بعتابك

#يا عتاب يا زينب !!؟؟

كِيفك تِروحي
وابقى بجروحي
طفلة ويتيمة
وانفاسي نُوحي


رِحتي وبِعَدتي
عني ورِحلتي
ووحدي اعاني
من عني شِلتي


ابعاشر محرّم
وحرق المخيّم
ومن يضربوني
ومتني تورّم



🖊خادمة ابي الفضل

⬛️◼️القصيدة-8-◼️⬛️

قد حانَ وَعدُكَ فاظهَر واطلبِ الثارا
         جَرّد  مِن  الغَمدِ  يا مأمولُ  فَقّارا
هلاّ نظرتَ إلى دار  ٍ لفاطمة ٍ
            جآءوا  لها  وبها  قد أضرَمُوا النارا
وهٰذهِ أمـُكَ الزهرآءُ نادبةٌ
           تَبكي و تَذرِفُ  دمعَ  العينِ  مِدرارا
مَغصوبةَ الحقِ تشكو قومَ والِدِها
            من جَورِهم  كَتّفُوا بالحَبلِ  كَرارا
مُنهدَّةَ الرُكنِ حَسرىٰ القَلبِ في كَمدٍ
            وحيدرٌ  لم يَجد  للحَقِ   أنصارا
مكسورةَ الضلعِ والأوجاعُ  تَقتلُها
         وعصرةٌ تَركَت في الصَدرِ مِِسمارا
مَفطورةَ القلبِ تنعى َفقدَ مُحسِنِها
           والسَوطُ خَلّف َفي الأعضادِ آثارا
مُحمَّرةَ العَينِ من لَطمِ الزَنيم ِ لها
         ويلآهُ  أطفأَ   كفُّ   الرِّجسِ  أنوارا
ياليتَني مِتُ تدعُو حينَ عِلَّتِها
          وهٰكذا   عَتبُها   للدهر ِ ِ إذ   جارا
أما عليٌ فعندَ القبرِ ودّعَها
         يحكي لوالِدِها  بعضَ  الذي صارا
هٰذي الوديعةُ رُدَت بعدَما اختُلِسَت
            عادَت   لِتحمِلَ   آلآماً   وأسرارا
         
#سمير_الصالحي
#النجف_الأشرف
🏴 هذه المقطوعة من النعي تنسجم مع عدة من القصائد التي نظمتها عن لسان أمير المؤمنين ع وهو يشكو فراق الزهرآء ع ..
🏴 وهذا حال عليٍ  ع ناعياً رحيلها ..

يزهره ومثل رمشة عين ترحين
          وعن بيتچ يبنت الهادي تمشين
الحسن وحسين زينب ويه چلثوم
             ما  حَسَبت  عشرتهم  تعوفين
شگولن والمن اشچي هموم دنياي
                وانه  تمنيت  ويانه   تظلين
داحي الباب انه وبالكون معروف
          جبل من الصبر  وسط الميادين
لچن مكسور گلبي عليچ ويلآه
             وليلي يخلص بدمعات وونين
بعمر اثمنطعش ويگصدچ الموت
              ويفرگ ياوسف  بيناتنه البين
جرحچ مايطيب مخزن آلام
                وما أنساچ واعرف  ماتردين
شلون انساچ يم البيت هيهات
            يمن چنتي سلوتي وگرة العين
-----------------------
🏴 وعلى منوالها وبنفس اللسان ..
         نظمتُ هذه الأبوذية

عذاب الله  يريته  يكون   بعداچ
وتشب  بوسط  گلبي  نار  بُعداچ
خايف  لون  طال  العمر  بعداچ
ولا   عيشن     خلافچ     يالزچيه

#سمير_الصالحي
#النجف_الأشرف

حتى صـوت السمه بي نبرة ونين...والله حيرة
ياعلي نحي الحسن ويه الحـسين...والله حيرة
        أيعينك الله ياعلي أيعينك الله
...
كل سنــه تنعـاد ويـعيش الجـــره
علـي أبكل ذكره ترى أنحل مأزره
الهسه جرحــه أملـثم وينزف ترى
ويلتـــــم الجــرح والنوح..وصدر أم الحسن مجروح
ويتبده الحــزن بالصـوت..الأول نـعـــش بـالـتـابـوت
                 ويهـتـز الـعـرش عالصار
والدمع يركض ركض متكضه عين..والله حيرة
ياعلي نحي الحــسن ويه الحسين..والله حيرة
        أيعينك الله ياعلي أيعينك الله
...
شنهي چـان الحال وتوالـه العذاب
وحـترگ گلب السمه الهذا المصاب
ألموت شايل قيمه لملاگه الأحباب
شعضمهه سـاعـــة الــمــلگه..چبيرة السمــه ومــختنگه
وهتف صوت الحزن جبريل..وعلي من يوگف أبلاحيل
                   أحـــا ياعـمـلت البسمـار
والمنيه أخذت ترى أم فيّ الضخين..والله حيرة
ياعلي نحي الحـسن ويه الحــسين..والله حيرة
            أيعينك الله ياعلي أيعينك الله
...
والبچي ينسمع ضـل آمـن السمه
لـمـن حــاچــوهـه وتئن أمــألمــه
وفتحـت أديهه ألهم أتون فاطمه
وأهـنانـه الـجـــرح يـنعه..وعلـيهـــم لـطمــة الـسبعــه
وأسماء بدمعهه أچفوف..تدعي أبعلي وترجف خوف
                 علي لمـن گعــد مــنهار
علي ولا..چـــنه علي ليث العـريـن..والله حيرة
ياعلي نحي الحسن ويه الحـسين..والله حيرة
       أيعينك الله ياعلي أيعينك الله
...
قلــع خـيبر علـي مــادارلهــــــه بال
الموت الأحمر بالحرب بچه الرجال
علي أباسمــه ننتصر وقـــت القـتال
وعمرهه أثمنطعش ورده..علـي أيـدنگلــهه يتبدهـه
الــوداع الـمـاتلمــه عيون..يخلص عمره عاليمشون
              علي من كل كتر محتار
أبهل المصيبه شيبْ وبچه السنين..والله حيرة
ياعلي نحي الحسن ويه الـحسين..والله حيرة
      أيعينك الله ياعلي أيعينك الله
...
وعلــي ويه الــبير كمـل قـصته
حــتى زينب مـاتشاهـد دمـعته
اليل من يضلم ترى من حسرته
ويعيش وتكبر أهمومه..علي وجــروحـــه ملچومــه
علي وأبابه يلگه الريح..أبمكان العصره كلهه أتطيح
             ودمعهه أيحني وجهّ الدار
وكل صــبر يم فاطمة يوگع يلين..والله حيرة
ياعلي نحي الحسن ويع الحسين..والله حيرة
       أيعينك الله ياعلي أيعينك الله
...
خادم أهل البيت،،ع،،
أبوحسين السرگودي...🕊️🕊️🕊️

أم البنين اليوم عـدهه أقرايه
عالزچيه والدمــــــع شد رايه
•••
أمــوزره والباب گابلهــــــــــــه أويدگ
وهيه مــثل الباب صــــــــارت تحترگ
أيگلهه من طاحت شفت طاح الصدگ
وهيه صـــــارت لستر تچايه°°
•••
شلون مـجلس والسمـــه أتصبر السمه
وأم أبو الغيرة تون أمـــــــــــــــــــألمه
عمت عيني أعليچ صـــــــاحت فاطمه
ياعمت عيني عليــــچ أبهايه°°
•••
شلـــون طحتي وأنتي قراءن وحجاب
وانتي نعمه الله مــو يعصــــــرهه باب
ريت كون أنه ابدالـــــــــــــــچ عالتراب
ودمي لا دمچ يصير أجرايه°°
•••
وحيل شدت كل لطمهـــه وتبچي حيل
وحتى حــــــيدر بالنجف دمعه ويسيل
شكبره قانون الصـــــبر مــالــــــه مثيل
من سمع بالزهره ضـيع رايه°°
•••
وقرة تسهيل أمـــر وتحنه العــــــــــــزاء
والمراد امــــــــراد بي مـــــــــــن كربلاء
أهنانه حتى الباب أمـــــــــــــــن بالدعاء
بصوت فاطم شكرت الوفايه°°
•••
✍️خادم اهل البيت،،ع،،
أذوحسين السرگودي...🕊️🕊️🕊️

نعي
حوار بين الأمام علي ع وفضه بعد تغسيل الزهراء ع


حـيـدر غـسـلاهـه ابـلـيـل
وشاف الضـلـع والـكـسـره
نـاشـد فـضــه بــدمـوعــه
وبــنــص الـگـلـب حـسـره
يـفـضـه احـچيلي گالـلـهه
أشتـخفي فـاطمة الـزهـره

يـداحــي الـبـاب گـالـتـلــه
وتـشــاهــد نــفــذ صـبــره
تـصـبّـر گــامـت بــحــيـدر
وأتـعـظـم عــلــيــه أجـــره
وتـكـلـه فــاطـمـة مــاتــت
وبـخـدهـه أثــــر ســطــره

يفـضـه شـلـون حـمـلـتـهـه
هــايــه الـفـاجـعـة الــمــره
هَضمة مـحـسـن وخـدهــه
مـاكـشـفـت إلــي الــزهــره
الـكـاسـر اظــهــور الـگــوم
هــالـيـوم انـكـسـر ظــهــره

تـعـلـمـنــه الـصـبـر گــالــت
وانـتـه الـيـجــزع اتـصـبـره
أشـــوفـك حـدّبـت ظـهـرك
واشــوفـن بـالـگـلـب عـَبـره
شـلـون ايـخـلـص ويــنـهـار
وادري بــصـبـرك اشــكـبـره

                                          *---------------*---------------*

✍ خادم الزهراء ع
الشاعر رعد الجريخي

اركض اجيت ابلا وعي… .وام الحسن تنعه نعي

بعروگي جف دمي… ..واتعثر ابهدمي… طول الـدرب

★★★★★★★★

اركض اجيت ابلا عگل والدار منهوبه الدار

ابچي مثل بچي الطفل والبي يسكتون ازغار

محترگه عتبة فاطمة وبگلبي شيطفي النار

لمن وصلت المنزلي اهنانه صحت ياستار


ياربي طاحت فاطمه… .. چا المن امخلي السمه


جبريل اجه يمي……واتعثر ابهدمي… طول الدرب

★★★★★★★★


حافي اجيت اركض ركض والگاع مزروعه ارماح
بالمسجد اوجاني الخبر جبريل ناداني وصاح

شمتاني گاعد ياعلي والمحسن ابابك طاح

مرتاحه فاطم لا تضن والعدوا ابيته اومرتاح



جبريل اجه وجايب چفن… . كاتب عليه لم الحسن

اهنا  تيهت اسمي…… واتعثر ابهدمي… طول الدرب

★★★★★★★★

غاب البدر من السمه ومن بيتي المحسن غاب


وتفرهد احجاب العرش من فاطمة طاح احجاب

هذا التراب ابني صبح وانه اليسموا ابو اتراب

وتفاجــئــت  لمن شفت دم فاطمة ترس  الباب


كون الله لا ينطي الرجس… ..بالحايط اموت الشمس

وبفاطمه همي… ..واتعثر ابهدمي… طول الدرب

★★★★★★★★


ظهري انكسر وانه الگبل بچفوفي مكسوره اضهور

يم بابي واگف منحني يشبهني سيفي المقهور

دم فاطمه ترس الارض ضلع السمه چن مكسور

وحسين وي زينب بچه واتخيلت حل عاشور


گتلهم اشصار وجرة… .گالولي امــنـــه امكسرة

ابيتي انذبح حلمي …… واتعثر ابهدمي… طول الدرب

★★★★★★★★


لا گتني فضه امفرفحه وگلاتلي ياوسفه وحيف
طبوا البيتك ياعلي وجبريل چان ايطب ظيف

ماتن اطرافي وسلهمت چن عايش ابعالم طيف

گالتلي عصروا فاطمه وگتلهم انطوني السيف


لچن ذكرت ابهالامر…… وصاني ابو الزهرة اشكثر

شصبر يبن عمي… ..واتعثر ابهدمي… طول الدرب

★★★★★★★★

لمن وصلت ام الحسن يمها انحنيت ابلا راي

وگتلها يافاطم وسف يم النهر يعطش ماي

وي كسرة اضلوعچ تره ايبين الكسر من مگفاي

اسعد بشر فوگ الارض عشت العمر وانتي اوياي


بس هسه روحي امحيرة… ..وحافي اطب للمگبرة

دمعي وصل جدمي… ..واتعثر ابهدمي… طول الدرب

★★★★★★★★




ــــــــــــــــــــــــــــــــــــــــــــــــــــــ

ماجد حبيب الخيگاني
ونسألكم الدعاء

قصيده لتشيع الزهراء عليه سلام
المستهل يشيل الحنينه بهيده

❥✿•┈┈┈• • • •┈┈┈•✿❥

*ياشيال الحنيــنه بهيده ويـــــاهـا*

*ثچيل الباب و البسمـــــار صابـاها*

❥✿•┈┈┈• • • •┈┈┈•✿❥

ياشيال الحنــينه  بهــيده بالممشــه

طفيته النــظر هلشيبت رمـــــــشـه

عمري عـالنعش ويــــه الدمع طشه

خذيت الحيل عينــي زاد مبچاهـــا

❥✿•┈┈┈• • • •┈┈┈•✿❥

روحي عله الزجيه اليوم مهدومــه

وجهه بالگبر اندفنن ارسومــــــــــه

عليه انحب وروحي حيل مالومــه

اليوم امي الحنينه ضيعيناهــــــــا

❥✿•┈┈┈• • • •┈┈┈•✿❥

ضيعت الحنينه ودمعـــتي بعينـي

وبعدچ دنيتي ضلمه ويه سنيـــني

بهموم وحــــزن دارج تبجينــــــــي

يمه  افراك وجهج روحي  اذاهــــا

❥✿•┈┈┈• • • •┈┈┈•✿❥

اذاهـــــا افراگچ  تهمل الدمـــــــــعه

لمصابج يصيح الوالد وينعــــــــــــه

محسن طاح ويلي وعصرو البضعه

الف وسفـه اللعين الزهره صاباهـــا

❥✿•┈┈┈• • • •┈┈┈•✿❥

عله نعش الزاجيه بلهم انــــــــــادي

ونعزي ابحزنه النبي الهـــــــــــــادي

تون ارض وسمه علـــصار والســادي

نواسي المــــهدي ويلي اليوم ينعاها

❥✿•┈┈┈• • • •┈┈┈•✿❥

تــــمت بقــــ✍️لم خادمات أهل البيت عليهم السلام

*✍الشاعره زهراء ام حسين الزيداويه*
*✍الشاعره مـــريم الحجيمي*
*✍️تدقيق هــــــــديل المياحيه*

لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))