لاستشهاد فاطمة الزهراء عليها السلام (وزن الشيعتي)

الزهره نفرض ماشكت أول خليفه
لوفرضّنه  تنازلت  لأهل السقيفه
وإجت تطلب معذره
ماجره عليها الجره
لوفرضّنه تنازلت لاهل السقيفه
★★★★★
لوفرضنه صدگتهم  والخليفه صح كلامه
ورث ماإلها الزچيه.    عنه مرفوعه الملامه
وإقبلت حكمه وقراره  وحمدت الله على السلامه
ابنعيم الزهره ترجع  مومهم  حال اليتامه

چان ماشافت رفض حد المنيه
وظيم لحظه  مايمر حال الزچيه
لوتكول امقصّره   
ماجره عليها الجره
لوفرضّنه تنازلت لاهل السقيفه
★★★★★
لوفرضنه  الزهره گالت  عن فدك ماتستحقها
وغيّرت خطبتها لمّن   بالرفض ظالم  سبقها
اوافقت راي الخليفه   بكل عبارة شر نطقها
ومالها اي حق تطالب    ماكو واحد اخذ حقها

چان ماشافت من الظالم مصيبه
ولادفع باب وكسر ظلع النجيبه
الظلّع لوما كسرّه
ماجره عليها الجره
لوفرضّنه تنازلت لاهل السقيفه
★★★★★
لوفرضنه  الجمع ناسه   والشعل بالدار ناره
حصّل من الزهره موقف   وكسب تاييد بقراره
لاحرگ  دار الزجيه    وماكو بالموقف خسارة
وقنّعت حيدر يبايع      والحكم أصبح تجاره

لاضربها ولاوگع منها طفلها
ولاتوّن ابليل لايقرب اجلها
لويبايع حيدره  
ماجره عليها الجره
لوفرضّنه تنازلت لاهل السقيفه
★★★★★
لوفرضنه  الزهره سكتت   وحيدريعوف الخلافه
ولامهم دين الله يبقه    باي شكل تصبح اوصافه
مايمر واحد دربهم         وطيب يلگون  الصلافه
وعاشوا ابدنيا امينه      ولابشر عنهم   تجافه

الهظم يرحل  مايمر الهظم بيها
من تغير كل مواقفها وحچيها
وبالحكم مستبشره
ماجره عليها الجره
لوفرضّنه تنازلت لاهل السقيفه
★★★★★
اه  يا بضعة محمد       ليش هيج ايصير بيها
ليش هاي الدنيا تالي   تبيع بيها وتشتريها
اشسوت الزهره اشذنبها    ظلم مر اشگد عليها
ابعمر ورده وذبلوها      زمره تضحك من بچيها
ثمنطعش ماكملت ليش ابعمرها
ماتت بشوغات من لوعة كسرها
لو ولا   مستنكره
ماجره عليها الجره
لوفرضّنه تنازلت لاهل السقيفه

الشاعر حسن لعيبي الحريشاوي

على طور (هذا الغريب منين لباسم الكربلائي) في احوال  الصديقة فاطمة الزهراء عليها السلام

ام الحسن وحسين     حاربها ليش البين
والمندعين اصحاب     كسروا ضلع بالباب
               حاربها ليش البين
★★★★★
همّشوا دور الامامه        وضيعوا حق الشريعه
ورفظوا المقبول منها      قبلوا افعال   الخديعه
بالامر  مقصود حيدر       من بدوا هظم الوديعه
حتى لاميراث يبقه           عنده  لاواحد يطيعه
مايعله قدر الدين         ولاينطي للمسكين
صاروا حلف واحزاب       كسروا ضلع بالباب
             حاربها ليش البين
★★★★★
من نهج  امها الزچيه   منهج الدعوه الحنيفه
اتحملت لاجل الرساله   هجمت الشر العنيفه
اخر ايام ابعمرها     من اول  اعمال السقيفه
وبحديث البيه ظلمها    اليدعي نفسه الخليفه
ماله الحديث اسناد        لكن   ظلم وعناد
من حشّم الاذناب      كسروا ضلع بالباب
               حاربها ليش البين
★★★★★
لادليل وحجه عدهم            تقتنع بيها الزچيه
ابكتاب الباري تحتج      حسمت بخطبه القضيه
الله مايستثني واحد          بالورث كلها  سويه
ردت ابكيده على نحره    وكشفت اسرار الخفيه
هذا الفعل مقصود        للحل درب مسدود
وأجتمعت الاسباب      كسروا ضلع بالباب
               حاربها ليش البين
★★★★★
استكثر الظالم عليها        راحة البال  وشملها
من تعبها الراحه يلگه       المايريد الراحه الها
مبيّته بگلبه النوايا       يحرم الزهره من اهلها
حاصروا بيت النبوه        ساعة ماشافت مثلها
بيت اشتعل بالنار     ودمّه الضلع بسمار
شافت  رعب وارهاب     كسروا ضلع بالباب
                حاربها ليش البين
★★★★★
بضعة الهادي محمد    مهجته وسلوة حياته
هم دره محد حفظها     من دنت ساعة وفاته
شنهو تفسيره عملهم   لوردت تبحث جهاته
من يجي التاريخ يكتب   بالمدح قصة طغاته
زمرة جهل واحقاد     وياهم نصح مافاد
غثهم ستر وحجاب      كسروا ظلع بالباب
                  حاربها ليش البين

الشاعر حسن لعيبي الحريشاوي

لطمية للزهراء عليها السلام ( من ودعتهه )


من ودعتهه     من ودعتهه
بالله شگلت يحسين     من ودعتهه
امك شفتهه     امك شفتهه
وامدده بتابوت      امك شفتهه


امك شفتهه اليوم     بيد اليدفنون
كلش عزيزه اعليك     واغله امن العيون
بالله شگلت يحسين      وبحالك شلون
نوحك وصل جبريل     لو زلزل الكون
مافارگتهه     مافارگتهه
امعلم عليهه اتگول     مافارگتهه


مافارگتهه اتصيح     هاي امي ياناس
اگبال النعش ضليت     تلطم عله الراس
حزنك حزن يعگوب     جوه الگلب جاس
هم ترجه ليك اتعود     لو تگطع الياس
لو ضيعتهه     لو ضيعتهه
المن ترد للبيت     لو ضيعتهه


المن ترد للبيت     والمن تطبه
وجه الحنينه يغيب     والغيبه صعبه
چنك غريب اتصير     والدنيه غربه
والدهر شد اوياك     من هسه حربه
من عاتبتهه     من عاتبتهه
عرش الله ون اعليك     من عاتبتهه


عرش الله ون اعليك     وارض وسماوات
ماترضه تمشي تريد     يم امك تبات
ايس بعد يحسين     مايرجع المات
اجروح اليتم والبين     كلش غميجات
روحك گضتهه     روحك گضتهه
والونه والٱهات     روحك گضتهه


الونه والعبرات     روحك گضنهه
امك اثر للسوط     ضل بمتنهه
خلوني يمهه تگول     ماامشي عنهه
الزينب رجع يحسين     فارغ ضعنهه
جيت وعفتهه     جيت وعفتهه
زينب تنادي شلون     جيت وعفتهه


وين امي وامك وين     شو وحدك جاي
گلبي انخمش يحسين     من ونتك هاي
ردناها تحضر ليك     وتشربك الماي
تبعد هذيج الخيل     عن نعشك اوياي
مانشفتهه     مانشفتهه
بعينك وعيني ادموع     مانشفتهه



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

نعي للوالده


اشلون افرح واكيف من يجي العيد
والاگي العيد مثل الناس فرحان

اشلون اگطع ونيني واگطع النوح
واذب الثوب الاسود والبس الوان

وانه امفارگ امي وامي يعني الروح
واعز مخلوگ عندي واجمل انسان

يگولون العدل ينسه اليموت ابساع
يايمه اليگول انساچ غلطان

وي گلبي اسولف بيچ كل يوم
وگبل وياچ اسولف كان ماكان

احط راسي بحضنچ وانسه الاهموم
بهموم الوكت عفتيني غرگان

بس انتي الحنينه ومثلچ الگه امنين
مثلچ لاخوات اتصير لاخوان

شذكر من صفاتچ والحنان البيچ
يالكلچ محنه وللصبر عنوان

يالصوتچ عذب تارس عليه البيت
وطعم خاص بخبزتچ تشبع الجوعان

يالملگاچ جنه وفرگتچ نار
شريد احچي وشگول اعليچ حيران

ياعز وتچيه وبيت معمور
وچفچ لليطيح ايصير عوان

يانسمت عذيبي بشهر تموز
والعباس گلبي اعليچ لهفان

اروحن للنجف من احن واشتاگ
اونن حيل واكسر خاطر الدفان

واصيحن ياگبر طلع امي اشبيك
صخر مبني الگبر والصخر مالان



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

شالوا نعش  أمي اقبالي
وأصرخ ولا ايرحمون حالي
واركض واناديها تعالي
أيامنا بعدك ليالي
أبداً ولا مر على بالي
منك يظل البيت خالي

ردها يبويه البيت ردها
خلنا نشم طيب وردها
وخل تنظر اشحالة ولدها
ما ينفطر لجله كبدها


يابويه مترحمون يتمي
رجعوا اليه نعش امي
خلوها ساعة اتبات يمي

يمه سمعتيني انادي
أصرخ وانا امألم افادي
رجعوا الي بضعة الهادي


(ذكريات مع الام)

امي الليلة ما اراها
والبيت خالي من ضياها
والبين من عني  خذاها
شالوا النعش وانا وراها
واصرخ يبضعة جدي طه
بندفن هالليله معاها

جاني يا يمه وقت الغروب
ومنهو الى افادي المكروب
وانظر الى فراشك على صوب
واشلون قلبي الليله ما يذوب

الليل جاني  وزاد همي
وكل ساع اقول تعود لي امي
افراشك يا يمه افرشته يمي
بلكت يطفي نار يتمي





عبد المحسن الكنگوني

قصيدة : وحــــشة الدار


لــِفاني الــموت وآنـه بأول ســنـيني
كَلب مَلجوم والدمعة بوسط عيـني


مـــاكو أعـذار  ٠٠٠ وحـشة الدار

لـــِفانــي الــمــوت ٠٠٠٠

ــــــــــــــــــــــــــــــــــــــــــــــــــــ      ١

أحسَّه البيت يِـخنكني مايـِرضه هَـوه يـفوته
غيــر الآه والـوّنــه مـانِــسمــع أبَــد صــوتــه
هيجِ العتبة داسوها؟ وهي مـن الله مبخوته
عمري ماخِلص لِسَّه.وِجَت عـيني اعله تابوته


خــِلق كِل شيعي الله مِن فضل طيني
وتجـي الأرجاس تـِذبح كل رِياحــيني!


يـــِبدي الـــثـار ٠٠٠ وحشة الدار

لـــِفانــي الــمــوت ٠٠٠٠

ــــــــــــــــــــــــــــــــــــــــــــــــــــ    ٢

زِينب تِـسأل جروحي يَــيمـه شـلون لو رِحتي؟
عٌكَب عينج أموت آنه شِفته الموت مِن صِحتي
عاش الـكون بأنـفاسـج وناح وياج بـَس نـِحتي
مِحسن طاح مانِجزع لجَن نِـجـزع إذا طِحــتي

عفتها عيون مَشبوحة اعـله حيـطـاني
وحـسن وحـسين واحد يـِسأل الثانـي

شِنهو الصار ٠٠٠ وحشه الدار

لـــِفانــي الــمــوت٠٠٠٠

ــــــــــــــــــــــــــــــــــــــــــــــــــــ     ٣

عيني أتصِد لأبو الحــسنين لايــِب فـايـِر بـدمَه
أنه الزَهرة نِـفَس دِنـياه أٌخـته وزٌوجِـتَـه وأٌمَــه
يَكَلي أصبر عـلى كِلشي بــَس حِزنـج فلاضٌــمَه
يموت البيت وأهل البيت إذا عـِـطـرج مَنِشتَمـه

ودعتـه وجـرح نـص كَـلبـي مارفِـته
كلشي انشوف بس الشِفته ماشِـفته!

عصرة ونار ٠٠٠ وحشة الدار

لـــِفانــي الــمــوت ٠٠٠٠

ــــــــــــــــــــــــــــــــــــــــــــــــــــ         ٤

شال اجـنازتي ومـكـسور ودعنــي أنهدم حــيله
يِـسولف صار بالحَسبات ضاعـت كِـل تـِـفاصيله
غَــسَّلني بـدموع الـعين وجـفَّــني بــحـزن لـيله
يِنـعى شلون آنه ارتاح  وهــمِّـج بيدي ماشيله؟

هاي الحَسبة جــانت أكــبر أوجاعـه
بفكد  أم الحَسن رادو لَـوّي ذراعــه

ظـل مـَحتـار ٠٠٠ وَحـشـة الـدار

لـــِفانــي الــمــوت ٠٠٠٠

ــــــــــــــــــــــــــــــــــــــــــــــــــــ       ٥

أحسها اهمومه بالـنَبرة مـليـان بـألــم وأحــزان
وآنـه بــكَبـري أصـَـبـرَنَّه وهــو يِــهيلها الـتربـان
رَش الــمـاي عـَل الـجـَنة اللسانه يِـرتل الـقـران 
هذا المَوعِد الأصعب وِداع البِضعة كَـرَّب حـان

خـلَّـه تراب لِحدي عل الوِجـه يٌمطٌر
يــِصرخ فاطِـمة بـَعدِج فــلا أصْــبٌر

 صِرت تـِذكار ٠٠٠ وحــشـة الـدار

ـــــــــــــــــــــــــــــــــــــــــــــــــــ

تـــَـمـت بــِبركة فاطــمة ع
لٌـــبـابَــة آلــ ياســين
١١ نوفمبر ٢٠٢٤


#لبابة_ال_ياسين
#الليالي_الفاطمية

لعنــــــــــــــةُ اللهِ على الأذى البتول  
***
لعنـــــــة اللهِ عل أتعــــــــده وجسر
وكال عــــــــــن المصطفى طه هجر 
كبره كـــــــــــــــون بنار وجهنم مقر 
حتى ترضــــه فاطمة ألبضعه البتول 
****
عــــــن رســــــول الله بلسان مبين 
رضه فاطـــــــم رضه رب العالمين 
والبغض للبضعه باغـــــــض للامين 
وكـــــــل كلام النبي وحي شما يكول 
**** 
لعنــــــة اللهِ عل أتعنـــــــــه وحضر 
وعالذي أصــــــدر بفتــــــــواه وأمر 
شلون زمره تعـــــادي بت سيد البشر 
باجـــــــر بيوم الحشر مدري شتكول 
*
لعنـــــــة اللهِ علـــــــــــى الجاوب وإن 
وحــــــــــاط بيت المرتضى بنار الفتن 
وروعه ألكـــلـــب البتـــــول أم الحسن 
وســــال دمـــــع عيونها بنت الرسول 
*** 
لعنــــــة اللهِ علـــــــى ألجاب الحطب 
وعالذي نحلة فـــــــــــدك منها غصب   
وعلى كل واحـــــــد دنه الدار وكرب 
  شما تمـــــر دنــيــاتــنــه وشما تطول 
**** 
لعنــــــة اللهِ علـــــــــــــى السن النهج 
وعلى ألعـــــــــــاده آل هادينه الحجج 
وعله كــــــل أتباعهم ذولـــــــه الهمج 
لعنه لا يطفه صداهـــــــــــا ولا يزول






الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

نعي للزهراء
كأني بمولاتي زينب ع بعد استشهاد الزهراء ع

الزمان الجانت امي وياي      بسمار
حلو ما ظگت بعده وظگت     بسمار
النسميهم صحابه انبتـــو       بسمار
بصدر امي وكسر ظلع الزجيه

عگب عينج عليّ دنـــــياي      ياريت
وعلى الحره العقيله اسيوف   ياريت
ميته ويـــــاج يمّ الحــسن    يا ريت
ولا ظلن واشوفن هالرزيه

يريت الصار بيه ايصير       بعداج
اون وما انام اللـــــــيل        بعداج
مــا ينحمل يم الحسن        بُعـداج
هدم حيلي وترك لجمات بيه


گلبي اعليج ظل مكسور     ونهار
وأظل ابجي ونوحن ليل     ونهار
واصب ابحور منّ الدمع      ونهار
لحد ما اندفن حدر الوطيه

علي كاظم المنصوري

#في_الخدمة_المقدسة (للخطباء)
#شهادة_السيدة_الزهراء ع
#الرواية_الثانية

لسان حال السيدة الزهراء ع تخاطب والدها النبي الأكرم (ص)

(طور الجفيري)

١) ذبلتْ بابويه زهرتك
مشتاگه والله لعزوتك
هضموني حقي أمّتك
والدّنيا بعدك مظلمه

٢) هجْموا على داري العدا
والنّارِ بّابي صاعده
وحيدر چفوفه مقيده
وسفه على أمّة مسلمه

٣) ماراعوا بنيتكَ يا النّبي
يلطمني بيده الأجنبي
يكسر ضلوعي النّاصبي
والعصره کانت مؤلمه

٤) أخذوا غصب عنّي علي
خلفه صحت ردوا الولي
والظالم سوطه مد الي
ومتوني بضربه مورمه

٥)عين الله ترعى كسرتي
وحيدر يطبب علّتي
وعيالي تمسح دمعتي
يودعون بنيتك فاطمه

#منال_بجيجي


يهدى ثوابها إلى أرواح الشهداء وروح شهيدنا الأقدس

مجموعة ابوذيات للدفنه 🖤🖤🖤🖤🖤🖤🖤🖤🖤🖤

وهومیت

نحرت البر علی اخوانی وهومیت
شت فکری لبو الیمه وهومیت
مشیت امیسره وعفته واهومیت
بلاتغسیل عاري اعله الوطيه

ام حسين العسكري ناصريه

🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤

تراهم
الحزن متوالف اويانه تراهم
بكلب اختك يبو فاضل تراهم
اكولن هم بعد عيني تراهم

ولاكعداتهم ترجع علييه
🖤🖤🖤🖤🖤🖤🖤🖤🖤🖤

بقلمي الشاعره الحاجه ام حسين العسكري ناصريه

🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤

بسهام
كضيت العمر بالونات بس هام
على اهلي الفكر ياهل خلك بس هام
شلون الطاح فوك الثرى بسهام
واشدهن سهم المثلث علييه

ام حسين العسكري ناصريه

🖤🖤🖤🖤🖤🖤🖤🖤🖤🖤


وجرها
الونه تلوك لحسيني واجرها
الدمعه دوم انه اهملها وجرها
ماجوره البجت والله واجرها
على زينب وعلزهره الزچیه

بقلمي الشاعره الحاجه ام حسين العسكري ناصريه



🖤🖤🖤🖤🖤🖤🖤🖤🖤🖤
هدماه
مصاب حسين كل الحيل هدماه
اسيل انهار لجلك دمع هدماه
على السلبو خواته وبعد هدماه
وبقه عاري وتسحكه خيل اميه

ام حسين العسكري ناصريه

🖤🖤🖤🖤🖤🖤🖤🖤🖤🖤

مصاباه
ابد مابطلت دمعي مصاباه
كلبي غير سهم الهم مصاباه
يهد الحيل ابو اليمه مصاباه
ثلث تيام ضل اعل الوطيه

ام حسين  العسكري ناصريه

▪️قصيدة لطم فاطمية

هذا مدمعي يجري
حتى مطلعِ الفجْرِ
كالقرآنِ محزوناً
أنعى (سورَةَ القدْرِ)

١/مِنْ غَيْرَةِ الَموْلَى عَلَى زَهْرائِهِ
قَدْ لفَّ تابوتَ الأسَى بِرِدائِـهِ
سارُوا وسَارَ البيتُ خَلْفَ ضِيائِهِ
حتَّى (الرَّحَى) تَمْشِي بِجَنْبِ كِسَائِهِ

ليلاً شُيِّعَتْ فاطِمْ
كيْ لا يعلَمَ الظالِمْ

سرٌّ باتَ في سرِّ
أنعى (سورَةَ القدْرِ)

٢/قَدْ قَلَّ عِنْدَكِ يا بتُولُ تَحمُّلِي
أَنْتِ اسْترَحْتِ وظلَّتِ البَلْْواءُ لِي
مَنْ فِي الشَّدَائدِ بَعْدَ فقْدِكِ مَوْئِلي؟
فأنَا عليٌّ قمتُ أَبْحَثُ عَنْ عَلي!!!

صارتْ عيشَتي مُرَّهْ
زورينــي وَلَــوْ مــرَّهْ!

عُمْري لَمْ يعُدْ عمْرِي!
أنعى (سورَةَ القدْرِ)

٣/ثاراتُــهُمْ وقَفَتْ ببَـابكِ ناقِــمَهْ
ولِكسرِ ظَهْرِيَ قَـدْ تعَدَّتْ هاجِمَهْ
عَرَفَتْكِ ليْ سنَدَ الليالي القاتِمَهْ
ولكيْ أقومَ فدعوتي "يَا فَاطِمهْ"

فِعْلاً كسَّروا جُنْحي
قُومي وانظري جُرحي

بانَ الكَسْرُ في ظَهْري
أنعى (سورَةَ القدْرِ)

٤/في العَرْشِ فاطِمُ إسمُها "المنصورةُ"
عادتْ وفوقَ جبينِها "المقْهورةُ"
وعلى ثَراها حَسرْةٌ مَكتوبةُ:
(نفسي على زفَراتِـها محبوسةُ)

مَنْ يُحْيا بِهِ الموْتـى
أمسى يطْلبُ الموتَ!!!

يبكيها على القَبْرِ
أنعى (سورَةَ القدْرِ)

٥/أَنَا كُنتُ موصىً عِندما الضِّلْعُ انكسرْ
واليومَ جاءَ لِنبْشِ قبْرِكِ في الأثَرْ
قسَماً إذا كفّاهُ حَرّكَتَا حجرْ!!!
فبِهِ سأجلدُ كُلَّ بابٍ في سقَرْ!!

قَلْبي لَمْ يَعُدْ يَقْدِرْ
يَا زهراءُ أَنْ يصْبِرْ

صَبري ملَّ مِنْ صَبري
أنعى (سورَةَ القدْرِ)

الشاعر علي عسيلي العاملي
#الليالي_الفاطمية
#اللهم_عجل_لوليك_الفرج

يا فاطمه شوفي الگلب .
             ضامي و ذبل من دونِچ 

دونِچ سمه عمري غروب
                هذا العمر مرهونِچ 

ذبلانه روحي بلا هواچ  
              يا روحي لا تعوفيني

تدرين انفاسي تموت
                   لو غمضيتي عيونِچ 

فتحي عيونِچ فاطمه
دونِك اموت من الضمه
مو بس فؤادي دم نزف , تنزف دمه حتى السمه

شوفي الحسن ذايب ونين
يتوسّلِچ شوفي الحسين
زينب گلبها منكسر  ،  فتحي عيونِچ فاطمه

                             ꧁꧁꧁ﷲ꧂꧂꧂

يا فاطمه آني علي
           ذاك الحبيب الغالي

ليش العيون امغمّضه
              ممدوده ليش اگبالي

ردّي عليّه فاطمه
             و ابنظرتچ احييني

تدرين من نار الهجر
           يذبل نبض، دلّالي

عن عيني اخفيتي الزجر
اخفيتي ضلعچ منكسر
و اخفيتي معصور الجسم و اخفيتي خدچ منسطر 

محسن جنينچ عالارض
لا ونّه لا دگّت نبض
چان الگلب ينزف دمه  ،  عن عيني اخفيتي الزجر


كلمات الأقل
ناصر البوعبيد

لاستشهاد الصديقة الزهراء
عليها السلام (وزن الحدي )

لوتقره تاريخ   الظلم 
ليش ام حسن ماتت هظم

اقره شكثر عنها  انكتب
لودورت تلگه  السبب
ليش ام حسن ماتت هظم
★★★★★
تريد الدليل المختصر  
من الحوادث والسَّيَر
اقره وتمعن بالخبر   
ليش الوصي عن البشر
اخفه الگبر عن كل نظر 
لامن علامه  ولااثر

ياصاحبي ماكو عجب
لودورت تلگه السبب
ليش ام حسن ماتت هظم
★★★★★
چم كاتب الخط وكتب 
منها ولاحگ  انسلب
محد دفع باب وضرب  
ولاواحد الْجَمَّع حطب
كلهم اهل غيره وحسب 
كلهم صناديد العرب

للزهره مارفظوا طلب  
لودورت تلكه السبب
ليش ام حسن ماتت هظم
★★★★★
تگول الكتب يمها اجوا  
هلوَّا مدامعهم بچوا
شعدهم ذنب لمن لفوا     
لمن لفوا  واتعذروا
لازم ذنب ضدها جنوا 
وحقوق من عدها خذوا

يعني اكوا حق انسلب 
لو دورت تلگه السبب
ليش ام حسن ماتت هظم
★★★★★
رايد دليل على الحقد
وعلى الخوافي من القصد
مكسورة الخاطر ترد  
والعمر شتله  وينحصد
من ماتت بعمر الورد    
غير الجريمه شتعتقد

نور السمه يوم انحجب 
لودورت تلگه السبب
ليش ام حسن ماتت هظم
★★★★★
كل الادله الحاسمه  
تشهد عليهم والسمه
مظلومه ماتت فاطمه 
منها الظلوع مهشمه
عند الله باچر محكمه 
يحاسب الزمره المجرمه

لاسلطة تنفع لاحسب 
لودورت تلكه السبب
ليش ام حسن ماتت هظم

الشاعر حسن لعيبي الحريشاوي

< °بسمة تعالى °>

القصيدة :- دفان اهلنه
أداء :- سيد فاقد الموسوي
كلمات :- محمد نعمة

°~°~°~°~°~°~°~°~°~°~°~°~°~°~°~°~°

تانيني يادفان اهلنه
هاي امي ام المحنه
نزلهه ماينحمل فركاهه
وافتح جفنهه وشيلني وياهه

هاي امي بچتافك صدك لو انا حلمان
ماخذهه وين لياكبر اوكف يدفان
تدري بوداع الأم صعب للكلبه تعبان

باوع علينه وشوف حزن العدنه
الليل ما لابس سواد بكدنه
لمن اجه التابوت شايل امنه

الدمعه صارت هاكبرهه بخدنه
مو لحضه تكتل من خذاهه
جيب اليشيل أيدي بوراهه

صحنه عليهه مو وكت روحه
وحسين طلعت من وكت روحه

تانيني يادفان اهلنه     تانيني يادفان اهلنه

~°~°~°~°~°~°~°~°~°~°~°~°~°~°~°~°~

ياهوه عنده هيجي ام كلش حنينه
الليل هذا تخلصه بس تفتر علينه
ترجف اديهه من البرد وتغطي بينه

جان الأمان ابيتنه مغطي الكاع
من ماتت امي اتغير وكلشي ضاع
الموت مدري منين اجه بساع

وانه واخواني صغار مو مال وداع
يمر على البيت الهوى الهاب
نذكر ضلعهه الكاسره الباب

التموت امه يموت كل حيله
يطلع حركته بشمت الشيله

تانيني يادفان اهلنه.      تانيني يادفان اهلنه

~°~°~°~°~°~°~°~°~°~°~°~°~°~°~°~°~

بيا دمعه اسولف واشتكي سمعوني يحباب
كدامي باب اهلي احترك وامي وره الباب
انعصرت وطاح الطفل وما طاح الحجاب

اهنا عرفنه الموت مابيه غايه
من شفت فضه تلف بالمصلايه
اصعب ليالي جانت بعمري هايه
راوتني سبحه عليهه دم اهوووايه

يكضي الصبح ويصير الغروب
ويبدي الوجع من فوك الكلوب

ابجي على امي لو على اخواني
من هسه واحد شابك الثاني

حسبالي نامت فاطمه ماادري بيه
من غمضت بالمغتسل وماتت اديه
لبسن حمامات السمه اسود عليهه

اتصور امك جايه بنص تابوت
تباوعلك وترجع تغمض وتموت
دكله اكعدي وهيه ما تسمع صوت
ويشيلهه وياخذهه كوه الزاتوت

حدك وياهه لعتبت الباب
ويصير ردن هدومك انكاب

ويلچمك اليسأل على أحوالك
وسوالف امك تفتر ابالك

الماله ام ماله وطن مثل اليسافر
ويصير بيت اهله مثل بيت المكابر
يضل يحسب الموته ويعد هاهسه باجر

اليفكد امه وهو عمره صغيرون
من البواجي ماتضل عنده عيون
تكبر جروحه على امه من يسئلون

لكبال عينه جنازة امه
كل امنياته تصير ضلمه
تخلص حياته بحسره وبلوعه
ومن يذكر امه يلزم ضلوعه

تانيني يادفان اهلنه      تانيني يادفان اهلنه

____
نهدي ثواب هذا العمل الى المرحوم ( سجاد يحيى)

ثلاث دكات

اضلوع الزجيه اشلون.  كسروها بالباب
وانته القلعت الباب. بيدك يبو اتراب
****
بكل حيله اجه وعالباب   خصمك عصرها
وياحيدر البسمار.  صوب صدرها
وبقوته اعله العين.  رد وسطرها

ودار النبي المختار. حركوها الاصحاب
**
عندك علم بالصار.  هجمو عليها
ماتت عصر والنار.  تسعر بديها
وام الحسن كل حيل.  ما تلكه بيها

طاح الضنه وما طاح. من عدها الاحجاب
***--
وكت الحروب نشوف.  جانو يرجعون
ومن الرسول ايصيح.  كلهم يلبدون
بس انته للميدان.  تبرز يعرفون

حيدر الك صفين.  تشهد والأحزاب
*
ميت علي يكولون  عكب الشهيده
وبالكوه طاست ماي.  يلزمها بيده
تتسند اعله الكاع  وانته الصميده

بعده الجرح لليوم. عالزهره ما طاب
**
وينك يحامي الجار.  يالتحمي جارك
ما تنحط اعله البال.  محروكه دارك
وانته انعرف جبريل.  حد ذو الفقارك

دخن يراعي الزود.  سيفك بالكراب
*
انته علي ولولاك. ما قام السلام
بعد الوصيه اعداك  شو صارو ازلام
لو زلم جان وين  ذنيج الأيام
هجمو لان يدرون.  معروفه الأسباب
***
تمت
تحسين الخفاجي

مجروح كلش علي  وبجرحه اذاني
يابير كلي تون   من تسمع احزاني
عالزهره من هظمته   يحجيلي عن حالته   ما تنحمل كسرته  وبجرحه اذاني
***
حيدر بير وانه البير   ومحد يعرف اشجواي
حيدر بيه مدري اشاف   وطاحت دمعته فوكاي

اول مره اشوفه ايذب النكاب
وابو تراب اعله راسه ايهيل التراب
القالع باب كسرو ضهره بالباب

يا بير تدري بعلي   بكسره كلب جايك
شيصير بيك اعترف  لو فاركت مايك
هز راسه شفته ورجع   ومن صدره كلبه طلع  وكبالي نوحه ارتفع وعالزهره بجاني
****
خذت حيله مصايبها   وفلا ينعدن جروحه
حيدر يمشي بس اخيال   ودافن بالكبر روحه

وامبين علي امن الدنيه متعوب
والمحبوب فارك اغله محبوب
تره حيدر دمعته امبلله الثوب

من فاطمه الفاطمه   خضر علي شيبه
راحت بعد زهرته   والراح شيجيبه
وياها عشرة عمر   وراحتها صار الكبر  ضل يبجي باب الصبر  والنور عافاني
**
بين الباب والحايط   هظيمه الزهره عصروها
الخادم بيتها جبريل   اعله خدها اشلون سطروها

دفعها الظالم وضيع هواها
وره الباب انتهت والدم خذاها
اعله محسن طاحت وزينب وراها

البسمار صاب الضلع   والعصره اذتها
عكب النبي فاطمه   الاصحاب ظلمتها
عالباب لمو حطب   وحته الله منهم غضب  موت الزجيه كرب  وتشمت الجاني
**
انه البير بير اسرار   اليسولفلي اضم سره
بس حيدر يكلي احجيه   سري ولازم اتنشره

يصيح امن الالم حاجيني يابير
علي بلا فاطمه جا كلبه شيصير
وكف عالمغتسل وبناظره ايدير

خلاني صاحب اله  ومن دنيته ايعاتب
وطبع اليصاحب صدك   ما ينطي بالصاحب
سولفلي سره وبجه  وحيدر عليه انتجه  البير انترس من حجه وزيدها نيراني
*





علي كتله ولا تهتم   يبعد البير وعيونه
هاي الناس ما ترحم    اليخاويهم يذمونه

الملح شتحطله ووياهم يغزر
بس تكضي شغلها الناس تنكدر
حكك يا علي من تجرع المر

الناكر جميلك علي   معروف شيطانه
لو مو وصيت النبي   ما وصلو اهنانه
ناسك شفت باعتك   والدنيه ما نصفتك  بيرك سمع ونتك  يا مالك احساني
**
تمت
تحسين الخفاجي