مسلم مثل عمه مايهاب الموت
صاح انه فده لحسين بعله الصوت
***
مسلم مثل عمه صال عالفرسان
دمدم عالرگاب بساحة الميدان
خلاها اتناثر عالثرى الجيمان
ومثل الموت بالمعركه من يفوت
مسلم مثل عمه مايهاب الموت
***
مثل الموت من يفوت عالحومه
واليدنه الغضنفر يگص زردومه
خله اذناب اميه عالارض نومه
والشافه وشرد بالمعركه مبخوت
مسلم مثل عمه مايهاب الموت
***
الهج بالمعركه مبخوت من عدهم
مسلم من حمل عالگاع جندلهم
والكوفه تحولت حمره من دمهم
ولزم بيده زلمهم بقى بيها يلوت
مسلم مثل عمه مايهاب الموت
***
لزم بيده الزلم مسلم ولواها
وجموع الاجته بسرعه رداها
ونجوم الظهر للعداه راواها
ومن الخوف واحدهم تشوفه ينوت
مسلم مثل عمه مايهاب الموت
***
ربته الغيارى طيب الانساب
عالكلفه يفوت وابد لا ميهاب
سيفه من يهد مثل الجمر لهاب
على جموع الظلاله الطاعوا الطاغوت
مسلم مثل عمه مايهاب الموت
***
اسمع مسلم لجمع الكفر شيكول
ابن عمي الحسين ومنه انه مرسول
ومثل عباس عالالاف ظل يصول
عليهم من هجم خله الجمع مبهوت
مسلم مثل عمه مايهاب الموت
***
خادم اهل البيت / ابومحمد العاشور (07810010732)

#شوط كربلائي



منهاج العداله جاي......
..........طلبتو اگصد الكوفه
لبن عمي كتبتو اهواي....
..........رسايل كلها ملهوفه
***
اقبل  عندك  الالاف ......تريد اتبايعك انصار
صارو عالرهن مقبوض....نواياهم تريد افكار
كلمن  طينته ابخده......ضمايرهم بدت تندار

حبرهم عالصحيفه اشكال
ظاهرهم    تشوف  اخيال
آصرو  ... تعرف   الاجيال
يوصلهم سفير احسين .....
............غايتهم تره اتشوفه
***
خبرهم واضح ومكشوف.....وجوه الامه مختلفه
باطنهم   قبيح  انشوف.........آثار   الحقد  صلفه
قبل  لايوصل اكتابي......اشوف الكوفه  منحرفه

بديت انطيهم  اعتابي
عقيده وحيدر اجوابي
عليهم   ناشر   اكتابي

وصلتني  القبائل هاي.........
..............تريد البيعه مشغوفه
***
بعدني بسورة الإخلاص....اشوفنهه الزلم عشره
بعد ذاك العدد  چاوين ......تميل الكفه والكثره
بقيت انه ونفر وياي...........ميادين الزمن غدره

يكلي مسلم انت وحيد
ارجع   والطريج  ابعيد
عساكر  جهزت  تجنيد

بقيت الوحدي ابدنياي
.................صارت كلها مكشوفه
***
خانت بالعهد يحسين.......هاي الكوفه تدريها
نقضو  بيعتك  مولاي........عليه  اتمد اياديها
اساليب الغدر  خذلان.........هاي  الدنيا تاليها

خانت  بالعجل يحسين
ما اندل طريجي امنين
اشوف  ابغربتي لاوين

يبو اليمه  غدرهم صار..
..................بيها الكوفه معروفه
***
شفت الما خطر عالبال....... ناس بلا وعي تنكاد
خانت والضمير يموت.......تاليهه  الوشاكه اعناد
صارو  للخيانه  اشكال....بين  الطاغي والاصفاد

باعوها  الذمم  دينار
صارت للحقد  اشرار
بغضهم  حيدر الكرار 

اسلاف الظلم مفروض
.............وسافه الباطل انشوفه
**
عالمنزل اشوف الجيش .....كلها انكلبت الاشرار
بس طوعه وفيه بهاي......بالكوفه عظيمه اسرار
طعنوا  بالظهر  يا حيف.......خانت  امة  المختار

صارت  دمعتي بسكوت
لبو اليمه رفعت الصوت
من قصر الاماره الموت

ابلغنك سلامي حسين ......
             وفيت ابنحري ماعوفه
***
تمت بعون الله تعالى
خادمكم........ يوسف الفتلاوي

مسلم ابن عقيل عليه السلام



دك بابي بحذر وبلوعه يمكن شي ورا
ماخذني العطش يا طوعه ومبين ضما
طب لا تبقه متاني
هلا بحسين الثاني

يا هلا ولا تبقه مستحي
مو كبل خادمكم الوحي
لو ردت من يمك انمحي
دارك وانت اوله بدارك
طب يمشيم خطارك
مو فشل من عمك الفحل
لو زعل من عندي لو زعل
لا تهم والعنده هيج أهل
سلطان وتاجه براسه
نار ويا فكره الجاسه

مسلم مو صدك والضاهر اسمك حيدره
مشيت الزلم يالقاهر مثل المسطره
يعجز بيك الساني
هلا بحسين الثاني


"""""""""""""""""""""""""""""""""""""""""""""""""

ما شفت كل عمري هجي صل
لا يفر من عركه لا يمل
لو زئر بالكوفه ما يقل
عن ذاك ابن البدويه
نفس الروح الحربيه
ما رجف من عسكر وحرس
لا قلق من فارس وفرس
لا قره على الخوه لا درس
هذا المن كاعه يوافي
راضع من مرضع صافي
من قبل الخلق متحضر ومحضر دما
هذا بكل وكت متصدر والوادم ورا
من كماطه يتاني
هلا بحسين الثاني


"""""""""""""""""""""""""""""""""""""""""""""""""


صده عزمك رج اميه رج
على مهلك والتخزره هج
نبي سيفك وبمرامه حج
كبر يم داري وصلا
يا شيطان اليوصلا
كضه خلكه وغيم ورعد
قره ايه توضه واستعد
اجه يومه وسرفن وصعد
فوك الشكره المعروفه
شاهين بنص الكوفه

صرر عاد اجت لو طير ونازل لبرهه
يامر والزلم تتراجف فارس ابهه
كلهم ياهوه اني
هلا بحسين الثاني

"""""""""""""""""""""""""""""""""""""""""""""""""


يغضب طب هزه مجسله
افه واليوصلك يخسه
يفحل طَب ديرة النسه
أسبعهم خوف محشه
من يشوفك يتغشه
مالكو بالكوفه ند الك
لا نسوا كل سطره من هلك
علي كبلك هم لعب فلك
خيبر ردت بالكوفه
رد القالع وجفوفه
عز الله القروا تاريخك كالو معجزه
مسلم ينذبح بس فنه اليذبح منجزه
اصرارك رباني
هلا بحسين الثاني

"""""""""""""""""""""""""""""""""""""""""""""""""

يخشن ومدرب وجسر
يترف وبمشيتك وقر
يبحر مو سهله تنحزر
يمفصل من يا طينه
والما ينهان تهينه
يقفل باب الله يا سخي
يشهم للعشره تنتخي
ما ثبت كدامك الرخي
والما يعرف تدبيره
حضه يطيح وتقديره
كالوا وحدك تتحاصر والكثره التعم
وانت الفارس اليتمشه على شوارب زلم
فوت بضهرك هاني
هلا بحسين الثاني


"""""""""""""""""""""""""""""""""""""""""""""""""
يوفي بنص شحة الوفه
ينجم بالضلمه ما خفه
يجرح بالكوفه ما شفه
موش ازلام الكتبولك
خيرهم فدوه لطولك
يعنب ما لاحك القزم
مو غبي القارعته وانهزم
ما طحت يا كلمة النعم
موت وضل رافع راسك
اكبر شارب ومداسك

قيمتهم صفر كدامك وانت بكد علي
كلهم يا اهل يالخنث تتقاس بهلي
معصومين اخواني
هلا بحسين الثاني

"""""""""""""""""""""""""""""""""""""""""""""""""
محمد رسول الحميري

لطمية / مسلم ١٤٤٦
💧💧💧💧💧💧💧💧

مسلمٌ إبنُ عقيلْ ثورةٌ في كلِّ جيلْ
     ضد طاغوتِ الزمانْ

١/ حيدريٌّ في الهوية لا يبالي بالمنيّة
إسألوا عنهُ الحميّة  والإبا والعنفوان ْ

٢/ثائرٌ حرٌّ معلِّم  ضد طاغوتٍ ومجرمْ
أعلن الثورةَ مسلم ْ دمُهُ خَطَّ البيانْ

٣/مسلمٌ بات غريب ْهاتِفاً ما من مجيبْ
ذاكَ واللهِ عجيب ْ آهِ من غدرِ الزمانْ

٤/لا تقُل ْ كوفانُ تابَتْ حين شَبَّت ما استجابت ْ
وعلى الخذلانِ شابت ْ رسَبَت في الامتحان ْ !


٥/لهف نفسي للسفير ْ وحدَهُ الآنَ يسير ْ
تائهاً أين المسير ْ حاصروهُ بالسِنان ْ

٦/يا أميراً غدروهُ. وأسيراً قيدوهُ
ومن القصرِ رموهُ ليس للعهدِ ضمانْ

٧/ليس للكوفة ذِمّة  إسألوا عنها الأئمة
إن للرزءِ  تتمة...    مسلمٌ دون أمانْ

٨/أخبروا المولى الحسينا مسلمٌ يبكيهِ عينا
صاحَ لا تأتِ إلينا لا وفاءَ للجبان ْ!

٩/مسلمٌ حيدرُ ثانِ من أذى الغدرِ يعاني
جُرَّ في السوقِ وهاني وأميرَ الأمسِ كان ْ !!!!

١٠/ مسلمٌ ألفُ مقاتل معنا اليومَ يقاتل
دكَّ بالنارِ المعاقل فعلا منها الدخان ْ!

١١/في طريقِ القدسِ جاءَ ينزفُ اليومَ الدماءَ
سيفُُهُ نوراً أضاءَ منهُ نصرُ اللهِ بان ْ!!

١٢/ إسمعوا قولَ الحسينِ  في الجنوبِ الآنَ  منّي
أنتمُ اليومَ بعيني والجنوبُ لا يُهان ْ !


محمد طالب العاملي

حميده  وحيده  وبوهه انحز وريده
تنـادي  يغـالي  يرد سالــــــم تريـده
          *
تــــــون ويهل دمعهه
وبو الأكبـــــر سمعهه
انكسر كَلبه الوضعهه
ومسـح دمعتهه بيده
               
ابـــوي اتنـاي وينـــــه
مشــــه ومـــارد علينه
اشـوكت سالــم يجينه
رحل رحلـه بعيـــــــده
                 
بنـــات حسـين اجنهه
على الهــــــم صبرنهه
لعــد زينب خــــذنهه
وبجت بنت الصمـيده
              
طفت شمعت عمرهه
بعد غيبت بـــــدرهه
القدر بالطف نطـرهه
ومصايبهه عديــــده
              *
يمن جنت ألهه خيمـه
بقــت بعـــــدك يتيمه
ليالــــــي الطف أليمه
عليهه الهم تزيده
               *
تصيح ارجــع يغايب
شفت بعـدك عجايب
جوت كَلبــي النوايب
مصيبتنــــه شديـــده
              ***    

         الخادم
     كامل السعيدي

الشاعر كامل السعيدي بصوت حسين عدنان الكوبعي

فرت اكبار الكوم طب ليها مسلم
.
.
صاح ابو الغيره وهجم 
ابخدر زينب قسم
كفو تربات الزلم
بيها ضل يردم ردم
كل جيوش ال زياد  لازم  تسلم
فرت اكبار الكوم طب ليها مسلم
.
.
الله يستر من نزل  
لمع  بعيونه الزعل
وسطت الجيش ارتجل
الكوفه وكفت تك رجل
اليوم وينه مزوان جا وينه ملجم
فرت اكبار الكوم طب ليها مسلم
.
.
الكوفه توكف بالسره 
الشبل  قالع  حيبره
جيش تطلب معذره
طوعه جانت  تنضره
تصيح حي الله الزود بجفوفك ارجم
فرت اكبار الكوم طب ليها مسلم
.
.
وينهم اهل الكتب
صاح ابو الغيره وغضب
النار ذب ليها الحطب
شافو اليوم العجب
شنهي صاير يا ناس بس الله يعلم
فرت اكبار الكوم طب ليها مسلم
.
.
صاح وين اهل الغدر
اليوم  ما  منها  مفر
راح  يحجيها  الدهر
و  رفع رايات  النصر
لوحه كضها فنان ضل بيها يرسم
فرت اكبار الكوم طب ليها مسلم
.
.
مثله ما صار ويصح
بلسم ايداوي الجرح
نصر  من الله  فتح
سيف ميهاب و رمح
سكتت  بذاك اليوم محد  تكلم
فرت اكبار الكوم طب ليها مسلم
.
.
حسن صالح العيساوي

ياموت جرد صارمك وألگط بلرجال 
حيلك عليهم يشوسي يمطول البال
ولو تسلم العين .. سلم على حسين 
@@@
يالفازع ابهيبة علي ليث الحريبه 
كردس كتيبه المجبله فوگ الكتيبه
يامسلم انته الاوحد ابهذي المصيبه 
خل ينتشر بين الصكك جمرك لهيبه
…
ع اللي ازحفتلك مجبله برماح لطوال 
حيلك عليهم يشوسي يمطول البال
ولو تسلم العين .. سلم على حسين 
@@@
من السطح طوعه انا ابهاليوم شاشوف
اهناك العساكر زاحفه بفرسان وسيوف
وانته التصول ابصارمك مابين لزحوف
ومن غيمت مطرت دمه بركاب واچفوف
…
والطاح بالحومه صعب من ربعه ينشال 
حيلك عليهم يشوسي يمطول البال
ولو تسلم العين .. سلم على حسين 
@@@
معروفه افعالك ترى لمن تجيهم
من زود ماطاحوا چتل عضوا اديهم  
يا واحد ابألف انحسب دمدم عليهم 
خل ينحب ابموتة هله تالي وليهم
…
بن زياد گلبه مابره اشما يضرب ابفال
حيلك عليهم يشوسي يمطول البال
ولو تسلم العين .. سلم على حسين 
@@@ 
ياذيب بس يطرد هوت بالخوف كل شات
چن عمك ابنص الوغا نكسها رايات
ازأر وخلي الما شرد يدرك بلموات
واصرخ يابن خي الوصي للذله هيات
…
مهيوب گدها بس تكر تكشف للهوال 
 حيلك عليهم يشوسي يمطول البال
ولو تسلم العين .. سلم على حسين 
@@@
ناداها مسلم في وسط ذيچ القيامه 
گلها يطوعه هالمسه ماكو سلامه 
صاروا علي من كل جهه ليل ابظلامه 
وبالكثره عالفارس ابد مافي ملامه 
…
شما امحي اترتال ابحشد تطلعلي ارتال
حيلك عليهم يشوسي يمطول البال
ولو تسلم العين .. سلم على حسين 
@@@
ياطوعه يابنت الاصل عندي وصيه
ايام وتسمعي سبي للكوفه جيه 
روس ابرماح العاليه وبنت الزچيه 
للكوفه موكب جيته امن الغاضريه 
…
نسوان هاشم تنحدي وي روس لرجال 
 حيلك عليهم يشوسي يمطول البال
ولو تسلم العين .. سلم على حسين 
@@@
بس توصل اهزول السبي دوري حميده 
وسأليها عن راس الولي الحزوا وريده 
گليله لو شفتي الرمح بيت القصيده 
مسلم تراهو يعتذر يابن الصميده 
…
مسلم وحيد امن السطح للگاع من مال 
حيلك عليهم يشوسي يمطول البال
ولو تسلم العين .. سلم على حسين 
@@@
علي أحمد الحمود 
١١-٥-٢٠٢٤
مصرع مسلم ع 

#مسلم
(لحن لعلي أنتمي)
____

مسلمٌ قُدوتي  في عصرِ الغيبةِ
إذ كانَت بَيعتي  لابنِ الزهراء

في الدنيا غُربتي  دُنيايَ كُوفتي
أعْدَدْتُ جبهتي  ضدّ الأهواء

وعيٌ من كربلا  من عاشوراء
لو أبقى مُفردا  بين الأعداء

صبرًا صبرا  تلقى النصرا
لا للظُّلمِ  قُلْها جهرا

لبيك يا حسين لبيك يا حسين لبيك يا حسين يا ثار الله

درسُهُ الأوّلُ    في القلبِ يُحمَلُ
للموتِ أكملُ  تكليفَ الدينْ

مُقيمًا للصلا  قَويًّا في الوَلا
أُحْيي بين المَلا أمرَ الحُسين

قد قالَ الصادقُ قولًا معناه
رحِمَ اللهُ امرَءًا  أحيا ذكراه

عَزِّ الحورا     واسِ الزهرا      
والطُمْ صدرا وارثِ النحرا

لبيك يا حسين لبيك يا حسين لبيك يا حسين يا ثار الله

أدركتُ أنّها   تفنى وَ ناسَها
قد فاز من بِها   لا يَعصي الله

من يَتْبعُ الإمامْ  في الفعلِ والكلامْ
ويتركُ الحُطامْ  يُرضي مولاه

يكفيني أنّني من حزبِ اللهْ
سيّدي قائدي ذا نصرُ الله

أتلو عهدي     أُفني جُهدي
جُندي المهدي  جُندي المهدي

لبيك يا حسين لبيك يا حسين لبيك يا حسين يا ثار الله


✍️ حوراء خليفة

شهادة مسلم بن عقيل

ببابِ الدّار بالعتمِ .. غريبًا دونما قومي
وعن نسبي أقول اسمي .. أنا بن عقيل يا أمّي
عليّ المرتضى عمّي
أنا ثقة الحسين -- أنا ثقة الحسين

١/ قد شربتَ الماءَ هيّا قم وغادرْ
قلتُ مهلاً أمهليني صرتُ حائر
فأنا وحدي غريبٌ ومسافرْ
دونَ أهلٍ أو ديارٍ دونَ ناصرْ
-----------
أويتُ لدارها ليلا .. سمعتُ ببابها الخيلا

٢/ جاءتِ الخيلُ إلى الدار ونادتْ
أخرجوهُ بالسيوفِ الحربُ سادتْ
فشهرتُ السّيف والنّفس جادتْ
هل تراها خيبرٌ في القومِ عادتْ
------------
أنا بن عقيل والمللِ ..  وسيفٌ من سيوف علي
                      أنا ثقة الحسين

٣/ شدّت الأعداء حولي في الظهيره
كنت وحدي دون أهلٍ أو عشيره
حاصرتني الخيلُ دارت مستديره
ورموني بسهامٍ في حفيره

------------
مشيتُ لقصرهم غصبا ... بجرحٍ يملىء القلبَ

٤/ قيّدوني بحبالٍ بدمائي
فعلا صوتي نحيبًا بالبكاءِ
قلتُ أبكي قادمًا أرض البلاءِ
أرضُ كربٍ وبلاءٍ وبلاءِ وبلاءِ

----------
هوى رأسي من السطحِ ... غدًا يعلو على الرمح
                     هنا رأس الحسين

٥/ يعلمُ اللهُ يقيني كلّ حالِ
من على السّطحِ سلامٌ للعيالِ
لو هويتُ اليومَ تُرمى بالنبالِ
ويُساقُ الآل أسرى بالحبالِ

هويتُ على الثرى جسدا .. وأنت تظلّ منفردا
ولن يُبقوا بكم أحدا ... سلامٌ واللقاء غدا


كوثر حجازي

الشاعر الحسيني ظاهر حبيب الهليجي (لمسلم ع)

ياسفير المرجله             ياعظيم المنزله
مسلم وعمه علي              ليث الحرايب
*
هذا نهج الهاشمي وهاذه عطائه
تعجز اگباله الكتب توصف وفائه
وهل نموذج مسلم ومعنه بقائه
الله من سابع سمه انطاه جزائه
بمنحره وفه العهد             يبقه قمه للابد
مسلم وعمه علي              ليث الحرايب
*
راح للكوفه ودخلها بهل مضامين
مسلم الناذر دمائه لجل الحسين
ومن اجل نهج الرساله ومنهج الدين
مايهم عنده عقيده أشظامله البين
أحتيه بعد الممات            رايته ترف بثبات
مسلم وعمه علي                 ليث الحرايب
*

عاشگ الموت أمنجل ابن الزجيه
ما تهمه شما تزيد اعـداد اميه
ضيغمي وشايل شجاعه الهاشميه
وسيفه من يضرب ظربته حيدريه
ماضعف رغم الجره           وكلها بيه محيره
مسلم وعمه علي                   ليث الحرايب
*
قاتل بكل عنفوانه وجيش ضده
ذل كتايبها وزلمها وهوه وحده
لا ألف هيهات الهم جان رده
وراد لحسين بدمائه يوفي عهده
بأسمى آيات الوفاء          وثقه بهذه الولاء
مسلم وعمه علي                ليث الحرايب
*
ماأهم للموت صاح الموت اريده
يا حلاة الموت من اجل العقيده
مو عجيبه للذي عمه الصميده
بل حرب ماينثني والحومه عيده
أسد بالحومه وكف            وگف والوگفه بشرف
مسلم وعمه علي                        ليث الحرايب

الشاعر الحسيني ظاهر حبيب الهليجي (لمسلم ع)

راعي الوفه والمعرفه              ليش بغدر نجمه طفه
مسلم سفير امن حسين              بلكوفه كطعوا نحره
*
مسلم سفير حسين لهل  الكوفه
شايل رساله وكنيته معروفه
ذاكه علي عمه السخيه اجفوفه
نسل الهمم         فوگ القمم        هاشم شرف كل الأمم
بكل هذا تعرف كوفان                 لاكن غدر متحضره
*
الگالوله اقبل أنكروا مرساله
بس طوعه والباقي آله جتاله
وبيض الصوارم صارت استقباله
اهل الغدر        واهل المكر          نيتهم المسلم نحر
وحده وكتايبه وصفوف              كلها بحقد متوزره
*

حيد الزلم بان الزعل بعيونه
ما يخضعلهم مسلم يدرونه
وحده لجنهم بلوغه يهابونه
ظيغم حرب         لمن يطب         ينهي حياته اليقترب
من هل اسد بل ميدان                  خله الجثث مطشره
*
ليث البوادي بل ذعر خلاها
الموت الحمر من صولته راواها
العمه علي حگه لون يتباها
وتلوگ آله         هل مرجله          وارثه من أصله وهله
نسل الهواشم معروف                    كلهم ليوث الصحره
*
ألي نذبح نحره انتصر عل الذباح
وقصر الأماره من نزف دمه طاح
الكوفه زكاهه دمه نحره الساح
مسلم ربح           بدمه السفح        وجنة عدن گبره صبح
مضرب مثل للأجيال                       والگـبه دوم منوره

الشاعر الحسيني ظاهر حبيب الهليجي (لمسلم ع)

ذاب الگلب ذاب              من يوسفي غاب
انصب آله مصاب             يوميه الإغروب
*
بعبره اسولف قصتي انه حميده
راح ابويه الديره والديره بعيده
من أجل عمي مشه يوفي بوعيده
نذر عنده وهل النذر يفدي وريده
ودعته بل نوح               وگليبي مجروح
دم دمعي مسفوح              يوميه الغروب
*
جن يتيمه بدمعتي من ودعيته
راح مني وگلبي خايف هل نعيته
گتله يمته اتعود اليه اوحلفيته
من سؤالي والدي جن أليميته
ينظرلي بدموع           ون گلبه مسموع
وگلبي آله يلوع             يوميه الغروب
*

الحزن نفسه بده يبجي أعله حالي
من مشه عني الأبو الما مثله غالي
دمعي ودموعه سوه  علخد تلالي
من بعدها والاسه حته بخيالي
من حسرة الليل             ماظل ابد حيل
اشتاگ اله حيل            يوميه الغروب
*
كل مسية غروب انه مگابله الباب
الباب ياخذ حيلي لوله حركه الهاب
صفنه تاخذني وتردني ودمعي  سجاب
ها يجي لاما يجي من بعد الاغياب
أبيضت العين             انطي الوجه وين
من گد الاونين             يوميه الاغروب
*
هاي جلماتي الاخيره من النهايه
انتهت قصة حياتي امنل البدايــه
من نروح الكربله وذيج المنايه
نعوف اهالينه بدمه ونمشي سبايه
اگضيها عبرات             حسرات واهات
وختمها دمعات               يوميه الغروب

قصيدو لمسلم بن عقيل(الك تاريخ)
القصيدة من ديوان📚 مسير الفواطم لأرض المظالم ج٦
❥━──➸➽❥❂❥━──➸➽❥❂
الك تاريخ تشهدله الميادين
ماخذ شمرة العباس وحسين
❥━──➸➽❥❂❥━──➸➽❥❂
الك تاريخ سجل يبن الحيود
من عمك يمسلم ماخذ الزود
يومك بالحرب ياحيد مشهود
بس يا حيف خوانك بعيدين
❥━──➸➽❥❂❥━──➸➽❥❂
شجاع وبيك تتباهه العقيلة
چنك حيدره حامي دخيلة
والجيش النزل هدمت حيلة
چن صارت معارك بدر وحنين
❥━──➸➽❥❂❥━──➸➽❥❂
چن حيدر علي من  نزل بيهم
بسيفة اليوم گاصد يلاويهم
حمل حملة علي بزوده عليهم
سيفة بيمتنه وما عنده معين
❥━──➸➽❥❂❥━──➸➽❥❂
وحده يحارب وفنه التدناه
فنه اليوصل الحده وتعناه
گال اليوم افنيهم وانه هناه
واخليهم عله الغبره مطاعين
❥━──➸➽❥❂❥━──➸➽❥❂
اخليها العده هاليوم طشار
ينشد العزم لو اصيح يكرار
وبالي بالحسين اليوم محتار
خافن تغدره گوم الملاعين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

الخضره شدها عمامته   هاشمي اترف رايته
مسلم مرجف الزلم          كفو منك ياشهم
...

هلا بخيال الأصيله هذا مسلم من زعل
سيفه سجيل المنايه وريح صرصر لو نزل
روس خيل بخيل تردم حان عالكوفه الأجل
هوه يازلمه اليچهبه راسه من جثته نفصل

رايه بالحومه اعتلت  الكوفه كلها تحذرت
بحيدر يشد العزم   كفو منك ياشهم

...

الزلم ريشه وسيفه ريح گباله ماواحد ثبت
هلهت طوعه وسمعها الغيره بيه اتشرعبت
خله جيش الكوفه يرجف خيلها بدم ارتوت
مسلم وشد العمامه الكوفة كلها تحيرت

دخن الحومه برعب  ينذبح كلمن يطب
نزل مسلم مبتسم   كفو منك ياشهم

...

خله راس براس يردم نفجر زلزال الأجل
سيفه يذبح بالزلم جنه ابن خير العمل
ابو فاضل هذا نازل مثل شمرات الفحل
لو زعل مسلم عليهم اشجم ألف بيهم قتل

حتارت گباله الألوف  بالدمه نصبغت سيوف
كلها منه تنهزم    كفو منك ياشهم
...

هلهلت طوعه وسمعها گلها ابشري بفزعتي
مااشوفن زلمه بيهم والملاعب لعبتي
مثل حيدر من افوتن خل ترفرف رايتي
رعب بالميدان نازل وحده بيهم ضربتي

ماثني بالضرب  بيهم مبين الرعب
واقع اني وموحلم كفو منك ياشهم
...

القصر انذار داخل والجيوش تحذرت
فزعت الكرار أفزع رايت الحق اعتلت
منين ماافوتن اذلهم حيره بيه تحيرت
عيوني مثل النار تجدح والحميه اتشرعبت

بل القصر ادخل رعب  وناري بيه تلتهب
عداي بيه تنصدم كفو منك ياشهم
...
علي محسن الفرطوسي