محرم الحرام ١٤٤٥ هجري
الليلة الاولى
مقدمة عزاء

اه واويلاه يهلال الدمع
اه واويلاه يهلال الدمع

###############################
اه يهلال المصايب والحزن
جايب الحسرات ودموع الجفن
هلبت بهل ليل وإعليه تحن
وماتهل يهلال بمصاب الإهل
$$$$$$$$$$$$$$$$$$$$$$$$$$$$$$$$$$
اه يهلال الحزن عندي عتب
انباكت احلامي مثل بوك الذهب
ماخذ اعزاز الكلب وبلا سبب
مصيبة ماصارت مثله بكل ازل
###############################
لا تهل يهلال لتعيده الجره
أدموعي لسه اعل الزجية موجرة
شلون اشوف اخوان منظر ياترى
بس جثث متكطعه عقلي انذهل
###############################
اه يهلال إكسرت مني الظهر
شيبت كلبي وخذت من النظر
شلون يهلال ومشه عني الكمر
وفتت روحي ودمع عيني نزل
###############################
شحجي احجي ياجرح بيه الاشد
عن ابو السجاد بالخيل انمرد
لو مصيبة ليله من راح الولد
عن نحر مكطوع ياوسفه بنبل
#############@@@@@@@@@@@@
اه يهلال الحزن كلبي إنثلم
الدهر دولاب صوبنه بسهم
ومارحم نسوان ماعنده شيم
ولا رحم اطفال لا يرحم كهل
###############################
اه يهلال الجره كلش صعب
خِدَرْ الكرار يمشن بالغرب
والزنيم الناصبي بسوطه يظرب
ريت ساعته كرب مني الإجل




حسين مجيد العميدي

محرم الحرام #1445هـ . للعليله ( شحالها )

………………………………………………………

شحالها الظلت وحيده شحالها
كالخيال المرض كلش سالها
اتعاين وماهو الابو • لا اخيّه و لا اخو
شحالها ••• شحالها

…………………………………………………………


شحال التصب دمعتها
تتفكر العيلتها . لمّوا ضعنهم
واداور ابعيناها
ولا واحد الصاحها . و لا چنها منهم

لامّه اهديماتها ابعصابه خضره
والگلب نبضاته صارت جمره جمره
بحذر تصّنت لبوها و بيها عبره
هلبت ايصيح بأسمها وهل تنطره

اتشوف ابوها وبس يعاين بيها
عيونه تدمع من يصد اعليها
فهمت الموقف شنو • و لا اخيّه واخو
شحالها ••• شحالها

…………………………………………………………


نوگ السفر جابوها
ولجل الرچب نوخوها . اهوايه ابعددها
نصبو هوادج كثره
خاطر بنات الزهره . محد يصدها

يلا تصعد للسفر كل هاشميه
يلا يا خوله وسكينه و يارقيه
وغاب اسمها وظلت ابنص الثنيه
ميته و تعالج ابسكرات المنيه

ارقيه ظلت تلتفت مقهوره
تعوف اخيتها البقت مكسوره
منو الها ايظل منو • لا اخيّه و لا اخو
شحالها ••• شحالها

………………………………………………………


اذاها كلش منظر
خلاها بس تتحسر . ابداخلها جمره
ابدمعة حزن حرّاكه
شافت مهد عالناگه . وغشاوه خضره

عرفت ابعبد الله رايح وي اهلها
هو زاد و هوه و ماي اعتبر الها
للحسين ادنت وتعثر رجلها
عوفوا عبدالله الي واخذوها كلها

شوفه بويه ايصدلي ظل بعيونه
خاف يعطش وانتو ما تسگونه
خافن ايذبحه العدو • لا اخيّه ولا اخو
شحالها ••• شحالها

………………………………………………………


شحال التشوف الوالد
مكسور يمها وگاعد . وعيونه بالكاع
واحد يودع الثاني
ياهو اكثر الّي يعاني . يا صعب الوداع

بويه عود او من صدگ ناوي اعل فرگه
بويه جا ياهو الذي كل ساعه اشبگه
بويه يا عطر الامان البيك اشهكه
بويه وبلايه الغصن ما تبقه ورگه

بويه عن المرض لا تحچيلي
انت مو هو اللي ماخذ حيلي
انت الي كلشي حلو • لا اخيّه ولا اخو
شحالها ••• شحالها

…………………………………………………………

شحال التصيح ابحسره
و الضعن جد المسره . للغاضريه
ابنيتكم اتعوفوني
وي الحرم خلوني . يهل الحميه

وخاف اصيرن يا هلي ثگل الحملكم
ابد ما ريد الرچب ممشه ابأثركم
وابد لا تعبانه لا عطشانه اگلكم
ولله حيلي ايزيد لو اشتم عطركم

عمي يابو الزود فدوه الزدوك
وياك اخذني ابمتني اشيلن جودك
عمي من اسمك كفو • ولا اخيّه ولا اخو
شحالها ••• شحالها

………………………………………………………

راحت لعد عمتها
تستورح اعبايتها . وتجذب الونه
واتكلها عمه امورتج
وشلون افارك صوتج . يم المحنه

عمه لا ترحين احلفج بالزجيه
جنج اتركضين برض الغاضريه
شكل ثاني ارسومج ولا چنها هي
عمه يتراولي مچتوفه و سبيه

اصمله يا ام الوفه اعل عيونج
عمه ظلمه الدار تصبح دونج
ياحنان انتي ودفو • لا اخيّه ولا اخوي
شحالها ••• شحالها

………………………………………………………
✍️ ( سيد خضر الزاملي )

آه يــــا ليل القهر طفلة وگليبــي أنكسر
شهل المصيبة
مدلي جفك يا نهر وشل أدموعي السهر
شهل المصيبة
ـــــــــــــــــــــــــــــ
عشت ليل الغربة وحدي وگلبـي خايف
طال ليلي وخلص دمعي وجفني ناشف
الجلمة وداع ومحنة جرحـــــــي نازف
الدمع جـــان ارحم اعلية من السوالف
ســوالــــف أوداع الاهل بيهه شميــــــت الأجـل
شهل المصيبة
أوداع ابــــن خير العمل موت بروحــــــي الأمل
شهل المصيبة
ـــــــــــــــــــــــــــــ
اسهر بروحــــــي العليلة بلاية والي
اشلون انام وعيني تغفة الراح غالي
لـــو غفيت بليلي لحظه وبيتي خالي
فزت اهـــل الكهـف أفـزن هـذا حالي
اشلون انــــــام بيا جرح واهلـــي راحوا للذبح
شهل المصيبة
راس ابويه اعله الرمح عسى لا صار الصبح
شهل المصيبة






بله يــــــــــــا ليل اعلـه كيفك هود وياي
عيني مــــــــا ظل دمع بيه ايبرد احشاي
المصايـــــــب كلت وجهــي وكلت مكفاي
عكب عين الجان روحي وشمسي وفياي
اه يـــــــــــــا ليل البعد يمرد بروحـــــــــي مرد
شهل المصيبة
المن اشكي وين أصـد راح ابوي ومــــــــا يرد
شهل المصيبة
ـــــــــــــــــــــــ
أغسل عيونــــــــــــي بدمعه وابقى أكابر
ونسهر انه ويــــــــاك عدنه أشكد مناظر
راس ابــــوي وراس عمــــي والله ساتر
دمعــــــي فوك خدودي يرسم بس مكابر
بعينــــــي تفتر الصور راس ابويـــــه والگمر
شهل المصيبة
واهلي مـــا منهم خبر ولا حصل منهـــــم أثر
شهل المصيبة
ـــــــــــــــــــــــ
مــــــــــن صورهم تبقى تنزف ذكرياتي
بعد شلـــــــــــي بغبشــــــه الله وامنياتي
شلـــــــــــي بعمري يا الهي وكل حياتي
مـــــا عشت لحظة بغياب اهلي وخواتي
صوتي مـا ظن ينسمع وروحي ذأبت جن شمع
شهل المصيبة
يجـــــرح بعيني الدمع بيش أصبـــــرة ويقتنع
شهل المصيبة



للخادم .... ابو محمد الموالي
ــــــــــــــــــــــــــ

#محر الحرام
#الليله الثالثه
#لمولاتي العليله
..................

ما اجوني  ..  انتضرهم ليله ليله

مااجوني... راحو وعافو عليله

مااجوني.. ماكو واحد اشتكيله  ما اجوني
***

انا العليله وكمت احسب بليالي

  طفله وامضيعه  ابو والابو غالي

وانا بفراكه اذكرت عزي ودلالي
 
انتضرهم للفجر ومحد اجالي

يمته اشوفه الضعن يرجع للمدينه

يمته اشوفه ابوي وشايل سكينه

يمته اشوفه عبدالله بيدي اشيله

*

بويه بس وياكم امشي وهاي هيه

وظعكنم  خاف بينقص له سبيه

انا ادعي بلصلاة ومرفوعه ايديه

  ربي يالرديت يوسف رد   اليه

بس ضعنكم سافر ومامنه جيه

بس ضعنكم راح ينقص له سبيه

بس ضعنكم رحلته صارت طويله
**

  اهلي علموني البجي بس ابصلاتي

من راحو وعافوني  واتمنه مماتي

كل ضني اروح ولمت حته عباتي

والله مشتاكه اشم ريحت خواتي

ياهضيمه راحو وعافوني وحدي

ياهضيمه اصفن وايدي  علخدي

ياهضيمه والدمع ليليه اسيله

***

انا بليل من انام اشبك غطاهم

اهلي حملو بلضعن مدري شجاهم

الجفن ما بطل دمع بساعة جفاهم

ايرجعوني للبيت وارد اطلع وراهم

هذا حالي من اطب ضلمه غرفتي

هذا حالي والدمع مافارك وجنتي

هذا حالي وبيتكم ضلت عليله

*

بويه للبيت من اطب اذكر حجيكم

جنت انا من انام اتغطوني بديكم

هسه ما يغمض جفن يبجي عليكم

كون اندل الدرب يا اهلي واجيكم

كل مغربيه  كاعده بلباب اناطر

كل مغربيه هلبت ايرجعون باجر

كل مغربيه ابوي اغطيني بشليله

**

اهلي كلشي حملو و انا نسوني

انا اباوع والدمع تارس عيوني

شني يصير اذا وياهم خذوني

احسبلكم يوم يوم  وما تجوني

اهلي راحو وانا شلي بهل عمر

اهلي راحو يوميه اتاني وانتضر

اهلي راحو ومحد ضلي اشتكيله

................................

الخادم الزهراء ابو فاطمه المالكي

مجالس الليلة الرابعة من شهرمحرم

مجلس الوصول إلى كربلاء

مجلس الوصول إلى كربلاء

مجلس الوصول إلى كربلاء

مجلس الوصول إلى كربلاء
.

مجلس الوصول إلى كربلاء

مجلس الوصول إلى كربلاء

قصائد مقدمة المجلس
#رقم_10_

#الليلة_الرابعة من محرم الحرام
وفاء #السيدة_أم_البنين عليها السلام
البيت 2 و 3 و 5 للشيخ حسن القفطان (ت ١٢٧٩ هـ)
وبقية أبيات القصيدة للشيخ محمد سعيد المنصوري (١٤٢٨ هـ)

1_ يا مَن يلومُ على البُكاءِ عُيوني   
دعْها تُخفّفُ لوعتي وشُجوني

2_ مَن مُبلغٌ أُمَّ البنينَ رسالةً   
من والهٍ بشُجونهِ مرهونِ

3_ لا تسألِ الركبانَ عن أبنائِها 
في لوعةٍ لفراقِهم وحنينِ

4_ أوَ ما درتْ بفِعالِهم يومَ الوغى 
في كربلاءَ وهم أعزُ بنينِ

5_فلتأتِ أرضَ الطفِّ تنظرُ ولْدَها   
ثاوينَ بين مقطَّعٍ وطعينِ

6_وموسَّدينَ على الصعيدِ فديتُهم 
صَرعى بلا غُسلٍ ولا تكفينِ

7_ وَقَضَوا ضمايا كالحسينِ زعيمِهم 
ما بلّلوا أحشاءَهم بمَعينِ

****

بالله استعدي للبواجي يم البنين   
ردو يتامى وانذبح عباس واحسين

يم البنين اتذبحو كلهم على الگاع   
وحسين ظل امجرد ومكسور الأضلاع
ومخدرة حيدر علي ضلت بلا اگناع 
ويه الحرم والنار تسعر بالصواوين

يم البنين الأربعه انذبحو ظمايا 
وظلو ثلث تيّام عالغبرة عرايه
ليتچ نظرتي اعله النهرصاحب الرايه
مفضوخ راسه امگطعه اشماله واليمين

يمّ البنين الأربعة محّد دفنهم 
الدّم غسلهم والتّرب صاير چفنهم
ومن الصبح زينب مشت للشام عنهم 
اعله الهزل مرت وشافتهم مطاعين

عله الاولاد زيدي النوح يمهم
فرد ساعه الدهر بتراب يمهم
اريد اكصد واكون اجوار يمهم
واجاورهم لمه اتجيني المنيه

مراثي الأطهار عليهم السلام

يا مَن يلومُ على البُكاءِ عُيوني    

بصوت الخطيب ‏الشيخ فرحان الأسدي

يا مَن يلومُ على البُكاءِ عُيوني    

بصوت الخطيب ‏الشيخ فؤاد الحلفي

يا مَن يلومُ على البُكاءِ عُيوني    

بصوت الخطيب ‏الشيخ ميثم الديري

يا مَن يلومُ على البُكاءِ عُيوني    

بصوت الخطيب ‏الشيخ هيثم المويل

يا مَن يلومُ على البُكاءِ عُيوني    

بصوت الخطيب ‏الشيخ حامد الحساني

قصائد مقدمة المجلس
#رقم_11

#الليلة_الرابعة من محرم الحرام
الشيخ محمّد علي الأعسم (ت ١٢٣٣ هـ)

1_ ذِكْرُ الطُفُوفِ وَيَومُ عَاشورَاءِ             
مَنَعَا جُفُونِي لَذَّةَ الإغْفَاءِ

2_ وَتَذَكُّرِي رُزْءَ الحُسينِ بِكَربَلا          
أغْرَى دُمُوعَ العَينِ بالإجْرَاءِ

3_ لَمْ أَنْسَهُ لَمَّا سَرَى مِن يَثرِبٍ             
بِجماعةٍ مِن رَهْطِهِ النُجَبَاءِ

4_ حتَّى أتَوا أرضَ الطُفُوفِ فَدَتْهُمُ       
أرضُ الطُفُوفِ وأرضُ كُلِّ بَلاءِ

5_ وَيْلاهُ إذْ وَقَفَ الجَوادُ وَلمْ يَسِرْ       
فَغَدَا يَقولُ لِصَحبِهِ الخُلَصَاءِ

6_ يا قومُ ما اسمُ الأرضِ قالوا نِيْنَوى     
قالَ اوضِحُوا عَنها بِغيرِ خَفَاءِ

7_قالوا تُسَمَى كَربَلا فَتَنَفَّسَ الـ
صُعَــدَاءِ وَقالَ هُنَا مَحَلُ فَنَائِي

8_ حُطُوا الرِّحالَ فَذَا مَحَطُ خِيَامِنا      
وَهُنا تَكونُ مَصَارِعُ الشُهَدَاءِ

9_ وَبِهَذهِ يَغدُو جَوادي صَاهِلاً            
مُرخَى العِنَانِ يَجُولُ في البَيْدَاءِ

10_ وَبِهذهِ أغْدُوا لِطِفْلِيَ حَامِلاً            
في الكَفِّ أطلُبُ جُرعةً مِن مَاءِ

***

سبط الرسول بكربله اتحيّر نجيبه
إو نادى شسم هالگاع يليوث الحريبه

گالوا يبو السجاد اسمها الغاضريات
ولها اسم عند الخلايگ شط الفرات
مع نينوى والعگر يا سيد السادات
گلهم وگلبه امن الألم يسعر لهيبه

بلله شسمها غير هذه يا صناديد
گالوا طفوف او كربلا يا بن الأماجيد
گلهم انزلوا غير هذه الارض ما ريد
او گولوا لزينب تستعد ال هالمصيبة

انجان هذي كربلا بشروا بلايه             
نزلوا تره لاحت علامات المنايه
لازم بجانب هالنهر نقضي ظمايا     
واجسادنا تبگى على الغبره سليبه

مراثي الأطهار عليهم السلام

ذِكْرُ الطُفُوفِ وَيَومُ عَاشورَاءِ 

بصوت الخطيب ‏الشيخ فرحان الأسدي 👆