*من ديوان📚 مسير الفواطم لارض المظالم الجزء الاول*
*قصيدة للمسير الى كربلاء(آه يالاولاد)*
❥━──➸➽❥❂❥━──➸➽❥❂
لسان حال مولاتنا ام البنين عندما ودعوها اولادها وسارو الى ارض كربلاء تگول:

ودعوني وسافروا ... وللمنيه حملوا
آه يالاولاد                 آه يالاولاد
❥━──➸➽❥❂❥━──➸➽❥❂
ودعوني وسافروا للغاضريه
وبگت دمعاتي عله خدي جريه
رحتو كلكم واضن متردون اليه
توادعت وياكم اوداع المنيه
هذا اضن آخر وداع ... صرت احسن بالضياع
آه يالاولاد                   آه يالاولاد
❥━──➸➽❥❂❥━──➸➽❥❂
روحي صارت ضايعه من ودعتكم
ريت بوداع المنيه ما شفتكم
وريت لارض الغاضريه رافگتكم
من الزغر يولادي انه ما فارگتكم
ريت رافگت الضعن ... گلبي بآلاه امتحن
آه يالاولاد                   آه يالاولاد
❥━──➸➽❥❂❥━──➸➽❥❂
گلبي محزون النوايب تعبنه
البيت ضلمه وخالي من اهل المحنه
انه والطفله العليله نجر ونه
عله العتبه ننتظر تلفون النه
بعتبة الباب انتظر ... الگلب يتلاهب جمر
آه يالاولاد                    آه يالاولاد
❥━──➸➽❥❂❥━──➸➽❥❂
الگلب يتلاهب جمر ويريد الاحباب
راحو وخلو عيوني تربي عالباب
مر ابد ما ينحمل يفراگ الاطياب
آه يا عظم الرزيه وعظم المصاب
آه يا عظم البله ... منين اجتني كربله
آه يالاولاد                آه يالاولاد
❥━──➸➽❥❂❥━──➸➽❥❂
منين اجتني كربله واخذتلي الاحنان
وخذت مني حسين ويه گمر عدنان
نعصر گلبي وخايفه انه على النسوان
من مشه وحمل ضعنهم حيلي ركدان
راح حيلي والگلب ... عليه فرگاهم صعب
آه يالاولاد                 آه يالاولاد
❥━──➸➽❥❂❥━──➸➽❥❂
*بقلم ✍ شاعرة اهل البيت ع*
*العلوية مريم النور نسألكم الدعاء الفاتحه الى روح اختي ولأمواتكم غير مبري الذمه من يحذف الاسم او يأخذ الكلمات:🍃*

*قصيدة للمسير الى كربلاء*
*القصيدة من ديوان عبرات وأنين جزء ٢*
❥━──➸➽❥❂❥━──➸➽❥❂
*يا حادي گلي وين ماشي بهاي الضعون*
*زينب حزينه ونشدتك وتهل العيون*
❥━──➸➽❥❂❥━──➸➽❥❂
يا حادي گلي وين ماخذنه ولينه
تنادي يبو السجاد خويه ماشي بينه
ماشين خويه لكربله وبيها سبينه
تبچي وتون ام الخدر وياها يبچون
❥━──➸➽❥❂❥━──➸➽❥❂
صاحت الحره بصوتها وتجذب العبره
گلبي نخمش من هالدرب والدمع يجره
ياخوي گلبي من الهظم شنهو اليصبره
زينب تون ونشدته وتهل العيون
❥━──➸➽❥❂❥━──➸➽❥❂
ماخذنه اخوي اليوم لأرض الغاضريه
وتدري يخويه هناك أظل وحدي سبيه
بعدك يبو السجاد من ينغر عليه
تبگه اعيالك بالفله خويه ويضيعون
❥━──➸➽❥❂❥━──➸➽❥❂
يا خويه گلي وين ماشين بحرمكم
فدوة تروح الكم يخال ابني اختكم
ولو بيدي  وسط الروح يخواني اضمكم
خافن تتيهوني وعلى الغبره تنامون
❥━──➸➽❥❂❥━──➸➽❥❂
لأجلك أرخص الروح فدوة يا ابن امي
عگبك يبو السجاد يثگل علي همي
اندب واصيح بصوت وين الوالده امي
وين اهلي اهل المرجله خلهم يحظرون
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

فاطمة العليلة /ع تقول:

تره افراك الأهل شده وصدك كلفه
انفتح جرح الهجر ما اظن بعد يشفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
انه الطفلة العليله التكسر الخاطر
واكول اليوم اظن يلفوني لو باجر
لجن بس الدمع بعيوني ظل حاضر
ولا ادري ابدليلي لحدمن ايكابر

اريد اشتم عطركم ياهلي اتمنه
واريد اكطع بواجي عيوني والونه
ضكت مر الهجر مر وآنه ما اعرفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
اغص ابنايباتي واشهك ابحزني
واشوف الفركه شوج والبكلب بزني
هلي وكل ساعة طرواكم واجه وهزني
الفرح من دفتره يهالرحم جزني

اعيش ابمحنتي ومتكسر اجناحي
صحتكم والصده الجاوب عله اصياحي
صدك لاظل حلم يجمعنة لاصدفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
اسولف ويه روحي وروحي تعبانه
مثل ثكلة اعله ابنها اهواي حزنانه
تناشدني اعله اهلهه وهيه لهفانه
اشعجب كل الأهل ماهيه ويانه

هلج بالطف يروحي وهاذي مو سهلة
واجه الموت وبعد ماينطي اي مهلة
ردت كبل الأهل روحي تجي ابجفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
انه ابطرك النفس واضلوعي محنيه
واشوف اشموعي ذيج الحلوه مطفيه
وسف عشرتنة صارت صفحة مطويه
ولا واحد اجاني وينشد اعليه

عرفت الباسفر يرجع بعد مده
وانه امن اهلي عليه محد اتعده
المرض والفركه جفه وشامتي ابجفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
حده الموت ابظعنكم كلشي هل واضح
بواجي امن الخيم كمت اسمع وصايح
يبويه وجني اشوفك عالرمل طايح
هظيمة ابدم  وريدك فايض او سابح

يبويه وهالعمر بعدك فلا اريده
واشوفن كربله الماخذتك بعيده
صفكت اجفوف اديه وكلت الف وسفه
عله الباب انتظر جيتكم ابلهفه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

خادم أهل البيت/ع/ميثم الخزاعي

وصية ام البنين///ع

ابدرب السلامة٠٠٠٠٠٠٠٠٠٠٠٠٠ولدي النشامة

بالطف اريدنكم يولدي ماتكصرون
خلولي خدر ام الخدر مابين العيون

ولدي النشامة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
باجر اذا حان السفر٠٠وهودج عقيلتكم حضر
حجبوها بسيوف
للناكة لا يبكه اثر٠٠اولا زينب اتشوف الخطر
بس مرجله اتشوف
واوصيك يوليدي الكمر٠٠عينك لبت فارس مضر
واعله الظعن طوف
من دربك اتوخه الحذر٠٠صنديد ياراعي الفخر
بالغيره معروف

عين لعضيدك٠٠٠٠٠٠٠٠٠٠٠٠٠٠٠٠٠٠٠٠والرايه بيدك

لبنت الزجيه وبت علي واجب توفون
خلولي خدر ام الخدر مابين العيون

ولدي النشامة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
يايمه زينب بالكلب٠٠واضلوعنه اعليهه الحجب
سلينه الأشفار
غيرتنه سجيل وشهب٠٠نحرك اليدنه ويطب
هاي اخت الأطهار
دربنه حيدر عالحرب٠٠فن الطعن فن الضرب
بسيوفنة النار
بيدنه ملزوم الدرب٠٠والحومه نكلبهه كلب
الواجهنه يحتار

انصون الامانه٠٠٠٠٠٠٠٠٠٠٠٠٠٠٠٠٠٠والطف دعانه

يمي اطمأني وهالشرف للموت مصيون
خلولي خدر ام الخدر مابين العيون

ولدي النشامة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
آنه ادري كل واحد اسد٠٠لكن اوصيكم بعد
بوليدي الحسين
خليكم بظهره سند٠٠وبالحومه صيروله مدد
ياكرة العين
توفون ياولدي العهد٠٠يسباع يرجال الشدد
منكم يصح وين
رفعولي راسي وعالوعد٠٠تبقون وياه للأبد
وحده امن الأثنين

نصر وسيادة٠٠٠٠٠٠٠٠٠٠٠٠٠٠٠٠٠٠لو دم شهادة

لو بالنصر نتلاكه لو كبله تطيحون
خلولي خدر ام الخدر مابين العيون

ولدي النشامة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
وآحدنه عالحك هل مضه٠٠والهمه جن نار الغضه
متقده للموت
صيحتنه تدوي بهالفضة٠٠مانترك ابن المرتضى
صحنه ابفرد صوت
مبخوت كل واحد حظه٠٠بهذا الشرف ناله وكظه
ومافاتنه الفوت
بالسيف نكتب موعظة٠٠رغم الرضا والمارضه
وانكطع ابتوت

عالحك نقاتل٠٠٠٠٠٠٠٠٠٠٠٠٠٠٠ولدج بواسل

نفذنه يمه اوصيتج رغم اليكرهون
خلولي خدر ام الخدر مابين العيون

ولدي النشامة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
يايمه يوم الملحمة٠٠صبغوا البواتر بالدمه
من دم الارجاس
ما اريد تزعل فاطمة٠٠وانتم ولد حامي الحمه
وتعرفكم الناس
راوهم انجوم السمه٠٠وكت الظهر بالموزمه
والضربه عالراس
يوليدي راعي الغانمة٠٠للعيله لا يوصل ضمه
يايمه عباس

هاي الوصيه٠٠٠٠٠٠٠٠٠٠٠٠٠٠٠٠٠٠واجب عليه

كلشي لجل زينب تره ياظنوتي ايهون
خلولي خدر ام الخدر مابين العيون

ولدي النشامة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

خادم أهل البيت /ع/ميثم الخزاعي

وصية ام البنين ع

يا يمه يا عبــاس .. بحســــين اوصيك
بالشده شدله احزام .. خل يفتخر بيك
صير صير سور اعله الخيم صير
°°°°°°°°°°°°°°°°°°° 

يا عبـــــــــاس برباي ارد احلفنك
گمر وتهل اگبال حســين اريدنك
تحشمك غيرتك مو انه احشمنك
شهم متعوف اخيك يبني عرفنك

رايدتك اتضل دوم ــ للخوه وفاي
يايمه گبل حسين ــ لاتشرب الماي
صير صير سور اعله الخيم صير
°°°°°°°°°°°°°°°°°°°°°°°°°

وصيتي ابزينب المحـد مشاهدها
صـيرلها ذره وعنها الشمس صدها
يالدگيت صـــــدرك غيرك شعدها
اوفي ابكل وعـــد لمن تواعــــدها

لخيمته روح ازحوف ـ لمـن تنــاديك
بالطف يبو الكلفات ـ خل تفتخر بيك
صير صير سور اعله الخيم صير
°°°°°°°°°°°°°°°°°°°°°°°

لو صـــاحت كفيلي الجــــابني وينه
حافي اركض ييمه الخيمت اسكينه
گلهـــا ادللـي شـــــــنهو التريــــدينه
عمــچ مايردلچ طلـــب تدريــــــــنه

لمن تطلـــبك ماي ـ جيب النهر گود
لاتبطي عنها بهاي ـ لوطــاحن زنود
صير صير سور اعله الخيم صير
°°°°°°°°°°°°°°°°°°°°°°°°

بالطف اربعتـــكم يبني تفـــــــدونه
ومــــــن اربع جهات انتم تحطيونه
اجــه يوم الوفـــــه ولازم توفـــونه
ابنص اگلوبكم واجــب اتخـــــلونه

افرشله روحك دوم ـ من يمشي عالگاع
ما ريدن يگـــــولون ــ بيـك التعب ضاع
صير صير سور اعله الخيم صير
°°°°°°°°°°°°°°°°°°°°°

دون حســين روحك لطعن خلهه
بدمك هالمــواقف يبني ســجلهه
عل راســك اوروس اعداك نزلهه
خل الزلم كون اتخاف من ضلهه

زلزل صفوف اعداك ـ وتحزم احزام
وتبختر اعله الجيش ـ ضل ارفع الهام
صير صير سور اعله الخيم صير
°°°°°°°°°°°°°°°°°°°°°°

✍الخادم
كامل السعيدي

قصيدة يوم رابع لفاطمة العليلة بعنوان(لم الظعينة)

لم الظعينة...وسار
وشبت ابروحي...النار
راحو اهلنه....راحو اهلنه
ما وصلت ...الاخبار
موحشة  هاي الدار
راحو اهلنه.... راحو اهلنه
•———•———•———•
راحوا هلي وظليت وحدي عليله
ونوحي على ابوي حسين فطر دليله
والالم گام يزود ليله على ليله
يا فرگة الوليان كلش ثگيله
وانه هلي يا ناس كلهم محنه
راحوا  اهلنه .... راحوا اهلنه
•———•———•———•
سافر ابوي حسين لديار غربه
ادري من اروح وياه بهالسفرة اعذبه
وادري انه لو  ونيت يسمعني گلبه
كلش حنين وخاف من ابچي اتعبه
و راح انتظر ملفاه ....ونه  على ونه 
راحوا اهلنه.... راحوا اهلنه
•———•———•———•
يطر الدليل احاآ هجر الحبايب
وگليبي ما مرتاح وبهمه ذايب
لأرض الغدر ماشين لارض الحرايب
خافن عليهم غاد تسدي المصايب
ويفگدن الوليان تالي حرمنه
راحوا اهلنه .....راحوا اهلنه
•———•———•———•
ها يا حبيب الروح يابعد عيني
ما اعرضلكم راح اتودعك سنيني
وادريك من تروح ما ظن تجيني
تخليني اعيش بـ آه والهم سجيني
من العزيز يصير خالي نزلنه
راحو اهلنه ..... راحو اهلنه
•———•———•———•
راحوا اخوتي وياه والنزل اظلم
وانسدن البيان والحزن خيم
زاد المرض ويلاه بس الله يعلم
محد يشوف الشوگ بالروح يهدم
ياجده بالأهآت يخلص عمرنه
راحوا اهلنه.... راحوا اهلنه
•———•———•———•
لخادمات العليلة وأبيها
ضُحى سالم و زينب الفياض.
#العليلة
#حصرياً
#زينب_الفياض

: قصيده عن السان العليه تخاطب الحسين عليهم السلام
➖➖➖➖➖
لاتشيلون   يبويه.  لاتشيلون

رجعو  الاظعون اليه  رجعو الاظعون

لواروح وياكم
مكدر   ابلياكم

لاتشيلون.  يبويه.   لا. تشيلون

➖➖➖➖➖

لا.  تشيلون.يابويه ويبعد. عليه درب

واني تدريني مريضه وهل مرض كلش صعب

عاين لحالي. يغاتي وعاين الدمعي اليصب

بويه  ردوا بالضعن
گلبي  بالهم  امتحن

لا. تشيلون.  يا. بويه   لاتشيلون

✍العلويـــه ام علي

➖➖➖➖➖
لاتسافر بويه عني  ابقه بالديران
وحدي

طفله وامراضي جثيره انه هذا مكصدي

دمعه بعيوني غزيره بس اون ياوالدي

اشلون ابقى بعلتي

ابعيني تبقى دمعتي

تبجي لعيون  لاجلكم  تبجي لعيون
لاتشيلون. يابويه    لاتشيلون

✍🏻الشاعره عاشقة كربلاء الطفوف ام محمد ال درويش
➖➖➖➖➖

بويه لتخلي العليله حاير ومكدره

علتي تصعب عليه والجروح اموجره

ليش، ماخذ كل خواتي وانه اضل امحيره

بويه لتخليني اون
واشرب ابكاس الحزن

حالتلي اشلون بيويه حالتي شلون
لاتشيلون يبويه   لاتشيلون

خادمة اهل البيت ام ابراهيم الحلفي

➖➖➖➖➖
رجعوا  اليه ياهلي   ايموتني لفراگ

ورد اروح ويه المشى  وشايل للعراگ

گلبي يبقى عله الجفوني دومه مشتاگ

ويحن لملگاكم
لا تظن ينساكم

َاخذ اَم عون بضعنكم ماخذ ام عون

لا تشيلون يبويه لا تشيلون

ام علی باپیروند ✍️

➖➖➖➖➖
لاتشيلون بضعنكم  ريضوا يحبابي

باجر المحد يجيني  من هلي يدك بابي

لو مشيتوا يزيد امرضي ومايطيب صوابي

بويه نار افراكم

محمل بالياكم

هم تعودون يبويه هم تعودون

لاتشيلون يبويه لاتشيلون

خادمه الزهراء ✍️ام علي الزيدي

➖➖➖➖➖
جنكم  محملين يهلي وين ناوين السفر

وانه اضل بالدار وحدي للهضايم  والقهر

بويه لو  حتوا مشيتي تصبح همومي اشكثر

تكثر انه همومي

حيل يصعب يومي

حيلي مرهون يبويه حيلي مرهون


لا تشيلون يبويه لا تشيلون

ام علي البيضانيه
➖➖➖➖➖
بويه حملني بضعنكم خل اروح وياكم

بالدرب لوحط ضعنكم افرش مصلاكم

راح الم هدومي بويه ومشي الممشاكم

وامشي ويه ظعن الولف

حته كون ازحف زحف

ماهوبالهون سفركم ماهو بالهون

لا تشيلون    يبويه   لا تشيلون

ام منتظر لأسدي

➖➖➖➖➖

كون اروح ويه الضعون ولا اضلن وحدي

لا تخليني بنزلكم والضعن بيك يحدي

وكلبي لو شلتوا يهلنه ماأضن يوم يهدي

حملت سكنه ورقيه

راحن وشالن سويه

لا تطولون يهلنه لا تطولون

لا تشيلون يبويه لا تشيلون

ام كرار مناذ ره

===========

تمت بحمد الله باقلام خادمات رابطة ام الحسن عليها السلام لانجيز حذف الاسم ولا تغيير الكلمات ونسالكم الدعاء

قصيده منبريه   لفاطمة العليله ع السلام
خادمكم عبدالهادي كريم العريفاوي

ويياي اجن يتواعدن    راحن خواتي ويه الظعن
وانه العليله   ومابيدي حيله     راحن خواتي ويه الظعن
---------------------------
حكي من اسأل يبويه   وانتم اصحاب الحميه
لو حده الحادي بظعنكم    والصبح دارك خليه
من يوسدني بغيابك    لو لفت  ليه المنيه
بجدي حيدر ارد احلفك   وبضلع أمنه الزجيه

يابويه حلها المسأله   وياكم اروح لكربله
السفره طويله   ومابيدي حيله   راحن خواتي ويه الظعن
-------------------------------
بويه لو باجر مشيتوا   يمته ترجع بالسلامه
كلبي يسألني بسؤاله   وتدري مايحمل ملامه
شفت ابوي دموعه سالت   والدمع اصبح كلامه
ودمعة الوالد جوابه   للحزن صارت علامه

بالسفره جدامك خطر   ياويلي من هذا السفر
شنهي الوسيله   ومابيدي حيله   راحن خواتي ويه الظعن
----------------------------------
حلوه لمتكم يبويه    لو اجيتوا كبالي كلكم
تشفا الالامي من شوفن   عمي بو فاظل كمركم
تصعب الفركه عليه    لو رحل عني ظعنكم
ومنهو يرجعلي ويجيني   يوصل ويشرح خبركم

منهو الذي يرجع الي   اقسم عليك بحق علي
ياهو اشتكيله   ومابيدي حيله   راحن خواتي ويه الظعن
----------------------------------
من يسليني يبويه   والنظر المن اديره
بويه ياذيني سفركم   وحشه من عكب العشيره
ويامن اكعد واشكي حالي   وياهو منكم استشيره
التمت اعليه النوايب   عالكلب صارت جبيره

ياحيرتي بهذا الجره     والمادره بحالي دره  
ماكو مثيله   ومابيدي حيله  راحن خواتي ويه الظعن
------------------------------
لو حده الحادي بظعنكم   ضاكت الوسعه عليه
لا اخوتي ولاعمامي   ولاسكينه ولارقيه
الفركه شلعت باب كلبي  بالهظم ناري سريه

الموت اريده بغيبتك    لا تطوول سفرتك
خل وخليله   مابيدي حيله   راحن خواتي ويه الظعن
-----------------------------------
رؤيه صعبه البيه مررت   ضاكت بعيني الوسيعه
وين ابو فاظل أدور    كالوا بصوب الشريعه
بعالم الرؤيا  واصيحن   واركض بركضه سريعه عالنهر عمي اشوفه   لاجن جفوفه كطيعه

والجود اشوفه اعله النهر    زينب يبو الغيره بخطر
من كل قبيله   وماعندي حيله   راحن خواتي ويه الظعن

🔶 #محرم_1446هـ
🔸 #لسان_حال_العليلة_ع

ظلمة داري... لاسراج اليضوي بيهـا
ظلمة داري... والحـزن طاغي عليها
ظلمة داري... لا سكينــة ولا ابيهـــا

┈┉┅━❀◕ـ◕❀◕ـ◕❀━┅┉┈

ماهو بيها... والدي راح  امن  ادينه
ماهو بيها... شال كل اهلي بضعينة
ماهو بيها... حتى  زينبنـا  الحنينـة

┈┉┅━❀◕ـ◕❀◕ـ◕❀━┅┉┈

📝 #الشاعرة_زينب_الخفاجي
🌿 #اللهم_صل_على_محمد_وآله

#العباس
#ام_البنين

يَبْنِي يَا بَا الْفَضِلْ...إِسْمَعِ وْصِيِّتِي
مَا أَرِيدَكْ عَدِلْ......تِرْجَعِ لْشُوفِتِي
-----------------------
أَرْدَ   اوَصِّيكِ    بْوَصَايَه    وِاستِمِعْ    زِينْ
يُمَّه   رَبِّيتَكْ     ذُخُرْ      لِابْنِ     الْمَيَامِينْ
وْيَه السِّبِطْ مِنْ تِحْچِي گِلَّه سَيِّدِي حْسِينْ
وْمِنْ    تِرُوحِ    لْكَرْبَلَه     قَدِّمْلَه     چَفِّينْ
فَگْدَه مَا يِنْحِمِلْ...يَا أَمَلْ دِنْيِتِي
مَا أَرِيدَكْ عَدِلْ....تِرْجَعِ لْشُوفِتِي
-----------------------
لِلظَّعَنْ يَا ضَنْوِتِي  تِصْبَحْ  كَفِيلَه
يُمَّه بَالَكْ عَالْخِدِرْ  خِدْرِ  الْعَقِيلَه
وِاطْفِي عِينَكْ لَا تِشُوفَنْهَه ذَلِيلَه
وْلَا يِرَكِّبْهَه الشِّمِرْ  فُوگِ  الْهِزِيلَه
لَا يِشِدْهَه بْحَبِلْ...هَالسِّتِرْ غَايِتِي
مَا أَرِيدَكْ عَدِلْ.....تِرْجَعِ لْشُوفِتِي
-----------------------
يُمَّه لُو عِطْشَتْ رُقَيَّه حِنْ  عَلِيهَه
وِامْسَحِ بْچَفَّكْ يَبُو فَاضِلْ بَچِيهَه
إِنْتَه سَگِّايِ الْعَطَاشَه وْتِدْرِي بِيهَه
تِرْضَه مِنْ حَرِّ الظِّمَه تِفْگُدْ وَعِيهَه
بِالْخِيَمْ چَمْ طِفِلْ...يِنْتِظِرْ سَلْوِتِي
مَا أَرِيدَكْ عَدِلْ......تِرْجَعِ لْشُوفِتِي
-----------------------

حسن خنافر العاملي

#محرم_١٤٤٦
#أم_البنين

لهفي على أمِّ البنينِ الأربعهْ
لمّا أتى بشرٌ وناحَ وأفجعَ

تسعى إليهِ وحالُها يُبدي الأسى
تجري على عجلٍ لتَسمَعَ ما نعى

نَوحُ المدينةِ هالَها ونداؤها
أين الحسينُ أرى فؤادي صُدِّعَ

تدعو أيا ربي ليربطَ قلبَها
إنْ قالَ أنّ عزيزَها لن يرجعَ

يا بشرُ أينَ أميرُنا وحبيبُنا
تُصغي وأعينُها تَفيضُ الأدمُعَ

فأجابَ يا أمَّ البنين تصبّري
طوبى لعبداللهِ نالَ الأرفعَ

طوبى لجعفرَ بعدَهُ عثمانُ وال
عبّاسُ يا أمَّ البنينِ تقطّعَ

يا بشرُ قد قطّعتَ قلبي فالحسينُ
مُراديا ورجائيا أنْ تُسرعَ

فأجابها قُتلَ الحسينُ بكربلا
فوق الترابِ مُخضّباً ومُقطّعا

طعنوهُ ألفاً والحشا قد مُزّقتْ
لهفي عليهِ فجسمُهُ كم بُضِّعَ

وعلا الشقيُّ على الضلوعِ وحزَّهُ
والآخرُ الملعونُ حزَّ  الإصبعَ

أمسى سليباً بالعراءِ مُجرّداً
والخيلُ داستْ بطنَهُ والأضلُعَ

فهوت على وجهِ الثرى مغشيّةً
لهفي على أمِّ البنينِ الأربعهْ

الدكتور محمد الدغلي

السيده فاطمة العليله عليها السلام في الحنين الى اهلها

*-------*-------*-------*------*

بعدكــم روحــي بـس ونــي   لهوألها

ودمــوعــي كالجمــر عالخد    لهلــها

مشــــو والعيــن مشبــوحـه    لهلــها

عليله وبلكــي يلتفتـــون أليـــــه

*-------*-------*-------*------*

الشاعر
موسى البديري

نعي وعزاء/ العليلة ١٤٤٦
💧💧💧💧💧💧
راحَ أهلي بتُّ وحدي وأنا البنتُ البريئة
يا لحالي والليالي بعدهم تمضي بطيئة

حِبرُ قلبي  خَطَّ حبي تحملُ الريح كتابي
ودّعوني  عاهدوني أن يعودوا لاصطحابي

والفؤادُ  صاحَ عادوا  جاء ركبُ القافلة
حين أقبل  قام يسأل أين فخرُ العائلة !

فسَنَاهُ  لا أراهُ أين معشوقيَ أين؟
إرحميني أخبريني زينبٌ أين الحسين !

كم جليلة  ياعليلة  محنةُ المولى أبيكِ
إن رويتُ ما رأيتُ وقْعُهُ صعبٌ عليكِ

في الطفوفِ بالسيوفِ فاطمٌ قد قطّعوهُ
في عراءِ كربلاءِ عارياً قد تركوهُ

آهِ أنَّت ثم حَنَّت  ثم خَرَّت طائحة
ما أفاقت  قيل ماتت  أقرِئوها الفاتحة!!!!

محمد طالب العاملي

نعي للخروج من المدينه الئ كربلاء


ماشين  زينب  الديار  الغرب
نشفي دمع  اعيونج  لايصب
تعرفين اخوج وكافلج المرهب


خويه ياام طهرتدرين بيه وفاي
مادام عدل اخوج   انتي  بحماي
انطي عيني والعمر وافديهن ابهاي


طالعه ابزودي وفنه اليحاجيج
انه عباس  الكمر بيدي  الباريج
ياام عون بعيوني هذني الخليج


عيالج  الحد الموت اوياي تدرين
رايحه  الارض كربله  ياضوه العين
افدي عمري الج  والخوي  احسين


انصب خيمتج  يابت علي بيدي
والحرب وارض  الطفوف  عيدي
وامي بيج وصتني عينك يوليدي


شخده  اليوصل   لحدود   الخيم
شوفي ابعينج  امسطره هاي الزلم
الحداخر انفاس اوياج  اهل الشيم


نشفي  الدمع  البعينج  ياالحره
ماريد  اشوفج  وبصدرج  العبره
تشيلن من عندج وكلبج الحسره


انه وصاني الحيد ابوي ياعيوني
  انه  الكافل  والكل   يعرفوني
الكطع  باالحرب لجلج   امتوني


اولخلي   كربله للجيال تذكار
الراوي  اعداي اشكال  المرار
الجل احسين اخوي ابوالحرار


وانتي تبقه  هيبتج  ياابت  علي
مادام اخوج  وياج  عباس ادللي
خويه انه افديلج عمري يبعدالولي



الشاعره خادمة  السيده  الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيكي يازهراء

قصيده للخروج من المدينه الئ كربلاء


خويه زينب صعدي خويه ناكتج
خويه زينب انه اخوج ابخدمتج

انت ياابت الهواشم
طلع ياظعن الفواطم

خويه زينب  كافي نشفي دمعتج
خويه زينب  انه خوج ابخدمتج

زينب انتي ادللي

بيدي  شايل  رايتي  ثبتت  عنوانه
سارت اظعون اهل بيتج الكربله وديرانه
طلع بينه من المدينه  وسددت  بيبانه

تمشي اطفال وحرم
وياج شيال  العلم

خويه زينب  متغيره خويه بحالتج
خويه زينب   انه اخوج ابخدمتج

زينب انتي ادللي

منين ماتمشين عباس الكفيل  ادللي
طالعه ابزودابن حيدر انه وياج الولي
ماشيه اليله الظعون انتي خويه ابمحملي

مسحي دمع عيونج
ياهو يخطف الونج

خويه زينب  احنه خمسه اخوتج
خويه زينب انه اخوج ابخدمتج

زينب انتي ادللي

انه افديلج حياتي  وعمري كله
بيدي انصب خيمتج  وهاي سهله
ابعينج تشوفين وظعي وماابدله

الكربله  والحد  مماتي
انطي اروحي وكل حياتي

خويه رينب  بطلي بطلي ونتج
خويه زينب انه خوج ابخدمتج

زينب انتي ادللي

سايره اويانه المنايه  الكربله ماشيله
افدي عيني والزند   للعايله  اظحيله
اكتب اشكال القصص الحومه هم ونيله

انطي  جفين وعمر
الختي زينب والخدر

خويه زينب تبقه  انتي ابهيبتج
خويه ينب انه اخوج ابخدمتج

زينب انتي  ادللي

شامخه ياابت علي مادام عباس الكفيل
شحده   يختي   اليوصلج  فنه   ويعيل
ابركبتي هاي العيال نشفي دمع الي يسيل

عباس هزبيده العلم
افدي عمري للحرم

خويه زينب  ادري باجر  غربتج
خويه زينب انه خويه ابخدمتج

زينب انتي ادللي


الشاعره خادمة  السيده  الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيكي يازهراء

(خروج ضعن الحسين الى كربلاء
بدمه  يحفظ مكه رايح  للطفوف
يصير باجر كعبة واتطوفه السيوف
حزينة/ المدينة
يصير باجر كعبة واتطوفه السيوف
ــــــــــــــــــــــــــــــ
أمر الله نازل بيه وحي ما بيه خلاف وتغيير
صادر قرار امن النبي وحسين عنده التفسير
لازم يروح الكربله هذا الامر  مو تخيير
ينذبح ضامي بلا غسل بعد الدفن كعبة ايصير

واجب التنفيذ وي كل  الظروف
يصير باجر كعبة واتطوفه السيوف
بداية/ الرزايه
يصير باجر كعبة واتطوفه السيوف
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مجلس عقد للموعظة من يحجي خرسه الاصوات
ذكرهم باخر عهد يلقي الحجج بالايات
جانو يسمعون الحجي واگلوبهم متفرقات
احياء جانو بالشكل بس بالصدگ همه اموات

هواي عدها اعيون لكن ما تشوف
يصير باجر كعبة واتطوفه السيوف
بخطابه         جوابه
يصير باجر كعبة واتطوفه السيوف
ـــــــــــــــــــ
ودع الكعبة ابن النبي وصارت مدينة اشباح
راح وبقت مكة ومنى مهجوره ما بيها ارواح
والمشعر وزمزم يضل عطشان ابو الاكبر راح
اليقره الدعاء بعرفه يقره الكهف فوك ارماح

حسين واكف  وحده واكباله الالوف
يصير باجر كعبة واتطوفه السيوف
وجوده      بخلوده
يصير باجر كعبة واتطوفه السيوف
ـــــــــــــــــــــــ
مر عالبقيع بدمعته واخر محطاته اگبور
واليدفن اهله ابمگبره لو يبجي دم هم معذور
بين الحسن وام الحسن فيض الدمع كام يزور
یا یمه ونچ ما خلص شو بعده ضلعچ مكسور

صار بين اگبورهم يبچي ويطوف
يصير باچر كعبة واتطوفه السيوف
بنحيبه       ابمصيبه
يصير باچر كعبة واتطوفه السيوف
ـــــــــــــــــــــــ
نازل محمد للبشر رحمه وعلي هادي الناس
وحسين نسخة امن النبي وحيدر رجع بالعباس
باجر يموت امن العطش ينذبح ضامي وينداس
ما سكت صوت الموعظه قرأن يقره امن الراس

هاي كون ادموع تكتبها الحروف
يصير باچر كعبة واتطوفه السيوف
بجهادة        مراده
يصير باچر كعبة واتطوفه السيوف
ـــــــــــــــــــــــ
نعيم ابو باقر الساعدي