🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 119 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

رائد قام بسرعه وهي من شافته قام ركضت بسرعه لبرا الغرفه وهو وراها يلحقها
نِيهال بضحك خوف كانت تركض وم تدري وين تروح
ومن شافت أبو رائد جت خلفه:ساعدني تكفه تكفه من ولدك
أبو رائد كان ميت ضحك هو وأم رائد عليهم وواضح م حسوا بأنفسهُم الاثنين
رائد ووصل عندها وهو ينحني شوي ويحط يده ع ركبه ويلهث:تعبتيني بالركض بس والله أطلعها من عيونك
نِيهال وهي وراء أبو رائد:أحسن تستاهل ليش تزعج حياة وتصحيها مسكينه تو نامت م تركتها
رائد وهو يقترب ليسحبها لكن أبو رائد حط يده
وهو يهتز من الضحك:لا لا م فيه دخلت بحمايتي هي
نِيهال طالعت بوجه رائد المنقهر وضحكت وهي تبي تقهره وتطقطق عليه:ياحياتي انت تعبت ع الفاضي
رائد وجت بباله فكره وبخبث ضحك:بروح الحين أصحيها مره ثانيه وراح للغرفه
ونيهال بسرعه ركضت وراه وهي م تبيه يصحيها وتتعبها تو نامت وم تبي يخرب نظام نومها
ودخلت الغرفه وهي تدوره عند حياة بس م لقته شهقت بخوف من فهمت خطته لكن حط يده ع عيونها
وهو يغطيها:قلتي لي قدّها ١٠ مرات صح؟..
نيهال بضحكة:اي والله قدّها
رائد وهو يقترب من اذنها ويهمس:متأكده؟
نِيهال بضحكة الخايفه:الصدق ماني قدّها
رائد ضحك وهو ينزل يدينه من ع عيونها ويمسك يدها ويلفها له:بسامحك هالمره رحمتك بس المره الجايه بعاقبك
نيهال ضحكت بانتصار وهي تلف وتمشي:يصير خير
رائد:شكلك بتغيرين رأيي
نيهال ضحكت:لا،بروح أبدل ملابسي وأجيك
رائد وهو يلعب بيد حياة:تمام .
.
.
في بيت أبو تغريد..
بعد م طلعت تغريد لهيا وجلست شوي صعدت فوق هي وياسمين وم هي دقايق الا جت أم تغريد
أم تغريد:تغريد ي ماما أبوك تحت يستناك وغيث كمان يبي يشوفك بعد التوقيع
تغريد بخوف وتعرف غيث :لا لا تكفين مابي اشوفه
ياسمين وهي تضربها بخفيف:كاشخه انتي ليش م تشوفينه!
أم تغريد:م اعتقد ابوك بيقول له لا والرجال يبي يشوفك
تغريد وهي تطالع امها بنظرات:تكفين قولي له ما تبي تشوفه هي
أم تغريد ضحكت وهي تقترب منها:ياقلبي انتي الموضوع بسيط انزلي له م بيضرك بشي
علياء دخلت:خليها علي يمه انتوا انزلوا
أم تغريد طالعت بعلياء بإستغراب:تمام
ونزلت هي وياسمين تحت
علياء طالعت بتغريد بإبتسامه وعيونها مليانه دموع:أدري مستغربه لأني م بعمري كنت لك اخت تتمنينها كنت دائماً أناشبك وأخرب عليك بس استوعبت الحين وقريب إن م فيه شي يساوي العايله والأخت بالذات ضاقت فيني وم لقيت أحد جنبي حسيت ذَا كله عقاب من الله ع الي سويته فيك
ومسكت يدها برجفه:تغريد سامحيني غلطت بحقك كثير كثييير غلطت لدرجة اني كنت سبب فيها بضيقتك
سامحيني
تغريد طالعت فيها وعيونها دموع وتحاول تطالع فوق علشان م تنزل:عادي الماضي ماضي أنا سامحت الكُل
علياء وهي تمسح دموعها:بس مابي سماحك كلام سامحيني وخلينا نبدأ من جديد أوعدك أكون الأخت اللي تتمنينها
تغريد اقتربت منها بدون مقدمات ضمتها بقوه وهي تحاول م تبكي لكن خانتها دمعتها
علياء ضمتها أكثر وهي مبسوطه ونوعاً ما ارتاحت
علياء ابتعدت عنها:خلاص خلاص امسحي دموعك لا يشوف وجهك العريس ويهرب
تغريد ضحكت أما علياء جابت الميك آب وهي تعدله لها:انزلي ووقعي وقابليه بما انه طلب
تغريد بخوف:لا مابي
علياء ضحكت وهي تنزل الفرشه اللي بيدها:م يحتاج تخافين ابوي بيكون بالمجلس م راح ياكلك هو
تغريد سكتت بتوتر:تمام
علياء وهي تبتعد عنها وتجيب العطر وتعطرها:يلا خلاص طالعه قمر الله يحفظك تعالي ننزل
تغريد ابتسمت وهي تمسك يدها:يلا
ونزلوا وهن يروحون للغرفه اللي بين مجلس الرجال والقسم الي يدخل ع البيت
وقفت وعلياء معها
وشافت ابوها جاي ومعه السجل زادت رجفتها ولفت لعلياء:قلبي بيوقف ساعديني
علياء ضحكت:اهدي اهدي م بتموتين كلها توقيع
تغريد طالعت بأبوها اللي مبتسم ومد لها السجل والقلم وأخذته ويدها ترجف:لازم؟
أبو تغريد ضحك:شرايك؟
تغريد وفيها الصيحه من الخوف وقعت بسرعه وهي م قرت اسمه حتى ومدت السجل لأبوها واخذه ونزله ع الطاوله واقترب منها وهي وقفت وطالعت فيه
أبو تغريد ابتسم وهو يقترب منها ويبوس رأسها:الله يوفقك ياعيون ابوك ويجعل السعاده في طريقك
مبروك ..

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 120 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

تغريد ابتسمت وهي شوي وتبكي واقتربت منه وهي تضمه بقوه:الله يبارك فيك
وبعد دقايق ابتعد عنها:يلا دقايق وأنادي غيث بيدخل
تغريد رجف قلبها من اسمه
وطلع
أما علياء اقتربت منها وهي تضمها:مبروك مبروك الله يوفقك ويهنيك يارب
تغريد ضحكت:الله يبارك فيك امين وياك
وابتعدوا عن بعض
علياء:بطلع قبل يجون خليك واثقه من نفسك ولا تخافين كلها دقايق وتشوفين وجيهنا
تغريد:تمام
وبخوف:شرايك تنادين امي
علياء بضحكه:امي مشغوله مع امه يلا يلا باي وطلعت وهي تضحك ع شكل تغريد اللي واضح الخوف عليها
وبعد مرور ٥ دقايق كانت جالسه وتهز رجلها بتوتر وتفكر شتسوي
وفزت ع صوت الباب اللي دخل منه أبوها وخلفه غيث
اللي مبتسم ومحد قدّه ابتسم وهو يقترب منها لما صار مقابل لها
تغريد كانت تحس بحر مو طبيعي وقلبها تحسه بيوقف من كثر م نبض بسرعه وجسمها يرجف م هي قادره توقف أكثر
رفعت نظرها بصعوبه وطالعت بيده وهي لسّى م رفعت عيونها لعيونه ومدت يدها اللي ترجف وصافحها
أبو تغريد انسحب من بينهم بهدوء
غيث حط يده الثانيه ع يدها وهو يحضنها ليخفف رجفتها الي وضحت
تغريد توترت زياده وابتعدت عنه وهي بتطلع من الإحراج والخوف اللي تسلل لقلبها لكن مسك معصمها وهو يتنحح:أنا أخاف الحياه !
لا أعلم لماذا ؟
ولكنني أخاف ان احب مرةً أخرى
وأخاف أن أموت بسبب الحب مرةً أخرى
أخاف أن أخرج من هذا السجن
وأرى أناسٌ جديدون !
لرُبما سيئون !
لا أعلم !
إني أخاف العيش مرةً أخرى.. تذكرين هالكلام؟
بعد هالساعه وهالدقيقه وهالثانيه
الخوف ماله مكان بطريقك دامني معك

ولفها له وهو يطالع فيها بإبتسامة وفي عيونه لمعه يعجز ٢٨ حرف عن وصفها
تغريد ابتسمت وخوفها كله راح من تذكرت هالكلام اللي كتبته طالعت فيه وبتذكر عصبت وعقدت حواجبها:مين سمحلك تفتح مُذكراتي
غيث وهو يضحك ولسّى ماسك يدها:أنا سمحت لنفسي وبعدين خلاص الحين م يحتاج اذن ع كيفي أشوف اللي أبيه
تغريد طالعت فيه ورفعت حاجبها:من الحين صرت كريه !
غيث ضحك وهو يطالع فيها وفي تفاصيلها المُبهره بالنسبه له
تغريد رفعت نظرها بتوتر من نظراته والتقت عينها في عيونه كانت بتنزل عيونها لكن بقت تطالع فيه هالشخص كان غيث ونُور ع قلبها فِعلاً وبعد تأمله لعيونها رفع عيونه لعقدة حاجبها واقترب من إذنها وهو يهمس بهمسات أشبه بالموسيقى ع اذنها:عِقدة حاجبك أنا أرخيها
تغريد رجف قلبها من كلامه وسُرعان م تحولت ملامحها للون الأحمر وحواجبها نزلت وراحت العصبيه كُلها وابتسمت بخجل طاغي ع الموقف كُله
غيث ضحك بدون صوت من حس برجفتها وعرف بأنها استحت وابتسم وهو يهمس بحُب يبي يوصفه لها
بس مو قادر:انتي بـ أمـّان الله ثم بوجهِي و بشنبي
تغريد وقلبها ينبض بقوه حطت يدها ع صدرها وهي تحس لازم ترد على كلامه وبخجل وضح بنبرة صوتها...

#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://www.tg-me.com/joinchat-AAAAAD1p6TqBBTyITQumpA

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 121 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌻🍃

غيث ضحك بدون صوت من حس برجفتها وعرف بأنها استحت وابتسم وهو يهمس بحُب يبي يوصفه لها
بس مو قادر:انتي بـ أمـّان الله ثم بوجهِي و بشنبي
تغريد وقلبها ينبض بقوه حطت يدها ع صدرها وهي تحس لازم ترد ع كلامه وبخجل وضح بنبرة صوتها
وبرجفة جسمها:‏رمشٍ ذبحَني والهّدب دوم خادِر ذابح فكريّ بكل نظـرَه
وطلعت بسرعه وهي ما عطته أي فُرصه ليحرجها أكثر ضحك غيث وكلامها ونبرتها وشكلها وتفاصيلها و ريحة عطرها بباله وبعيونه وبمسامعه وأنفه تنهد تنهيدة هيماان ابتسم وهو يطلع للمجلس
.
.
عند تغريد دخلت غرفتها وهي تسكر الباب وتمسك قلبها وتضحك بشكل غريب
ياسمين ضحكت:لك يبعتلوا حمى هالحُب شُو عمل فيكي
تغريد فزت ع صوتها بخوف وحست ع نفسها:الله الله شدخل
ياسمين وهي تدف كرسيها لعندها وتمسك يدها وتسحبها معها :قولي قولي شسوا فيك بغيتي تموتين ووجهك احمر؟ هاها قولي وغمزت لها
تغريد ضربت كتفها: م سوا شي بس سلمت عليه وجيت
ياسمين بغمز:سلمتي بس؟ايوا وكيف سلمتوا
تغريد:أبد والله باسني وأخذني بالأحضان
وبجديّه وهي تضربها:يعني ايش كيف سلمنا بس صافحنا بعض وابتسمت وهي تتذكر
ياسمين بضحك وهي تصفر بحماس:وبعدين؟
تغريد وحست ع نفسها:جيتك
ياسمين:قولي
تغريد ضحكت:لا عيب م يصلح للبزران
ياسمين وهي تقرص يدها:انتي البزر
تغريد ضحكت بقوه ع عصبيتها:تمام بقولك .
.
.
الساعه ١١:٣٣
رجعوا للبيت هيا وغيث وهيا حاسه ع فرحة غيث وع سرحانه الواضح وعاجبها انه مرتاح
في غرفة غيث..
كان منسدح وبيده مذكرتها وجالس يقطع منها أوراق قاهرته من زمان وجاء الوقت اللي يقطعها فيها
ابتسم وهو يتذكر كلامها:‏رمشٍ ذبحَني والهّدب دوم خادِر ذابح فكريّ بكل نظـرَه
ضحك وهو يهز رأسه وحس ع نفسه:شعندك يا غيث انهبلت وين الثقل هي بجمله هزت ثباتك لو شي ثاني تموت!
وضحك وريحة عطرها يحسها بيده وأنفه للحين
.
.
كذلك تغريد مرت الليله عليها وبالها معه وتتذكر كلامه اللي بمثابة جبر للخاطر والقلب وأكثر كمان
تنهدت وبهمس مُحبه:يا غيث قلبي ونُوره والله
وانسدحت وهي تحاول تشغل بالها عنه وتنام
.
.
مساء يوم جديد الساعه ٥:٢٠...
بغرفة فوز كانت جالسه وتوها خلصت كشخه وكانت متفقه مع صحباتها ع طلعه م حست الا برائد اللي دخل عليها وهو يمثل:فوزز فوزز قومي قومي
فوز فزت بخوف وهي تطالعه:اشفيك؟
رائد بتمثيل للخوف والتوتر:البسي عبايتك بنروح المستشفى كلهم هناك
فوز قامت بسرعه وعقلها م سمح لها تفكر
الخوف واخذت عبايتها وهي تلبسها بسرعه وتكلمه:مين؟ شفيييه تكلمم؟
رائد وهو يطلع ويتركها ويصرخ:الحقيني بالسياره
فوز طلعت بسرعه ومن الخوف نست شنطتها حتى وركبت معه وهو متوجه للطريق اللي رسموه بخطتهُم ..
.
.
عند بندر..
كان بمكتبه جالس سمع صوت طرق الباب تكلم:تفضل
دخل سند وهو يضحك:الله يا البندروه صرت دكتور أخيراً
بندر وقف بسرعه وبصدمه:جيت اخيراً
واقترب منه وهو يحضنه ويضرب ع اكتافه:تو م نورت البلاد والله
سند وهو يبتعد عنه ويجلسون
بندر:متى وصلت؟
سند:من يومين والله بس قلت مشغول مابي اشغلك زياده وع بال م احل اموري وكذا وجيتك
بندر:افا م بيننا شغل وم شغل
سند وهو يطالع في المكتب:ها كيف ارتحت ولا؟
بندر:اي والله الحمدلله ارتحت
سند:يلا من بُكرا بتلاقيني بوجهك إن شاء الله شغلي هنا بيبدأ
بندر وهو عارف من قبل وهو اللي مقدم له:كفو والله اشتقت لأيام الفله مع بعض من زمان عنك كيفك وكيف وضعك؟
سند:ابد والله طفشت من الغربه والله حتى بشهر العسل بزواجي م بسافر برا
بندر ضحك:محد بيزوجك اذا كذا
سند ضحك:انت تزوجني إن شاء الله
بندر ضحك:لا ابد م اعطيك
سند:افا ي البندوره!
بندر ضحك وبجديّه:م قلتلك المسؤول كلمني علشان العمليه نجحت واول عمليه لي بيعطوني قسم كامل لِي إن شاء الله أحس اني سعيد
سند بفرحه له:تستاهل والله محد سوا اللي سويته
وبطريقه غير مُباشره:م قلتلي كيف الحين تمشي؟
بندر ابتسم:لا لسّى بعد أسبوع بتبدأ علاج طبيعي ولا أقل كمان
سند ابتسم بفرحه وهو ماسك قسم العلاج الطبيعي كبدايه له بالمُستشفى:ماشاءالله كويس
وكملوا سوالف وضحك لساعه وراح سند ..

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 122 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌻🍃

عند ولاء..
ولاء بقهر:طيب يعني راح من يدكُم مره ثانيه؟
الرُجل:والله سوينا اللي نقدر عليه بس ذا داهيه م ينمسك بسرعه وانتي شايفه من سنوات واحنا وراه وم قدرنا عليه
ولاء بحدّه:بتقدرون عليه يعني بتقدرون لازم تلاقونه لازم
الرجل:إن شاء الله يلا مع السلامه بكمل شغل
ولاء قفلت الخط ومشت للغرفه بقهر ونرفزه وطلعت للبلكون وهي تجلس وتاخذ الآيباد حقها وتشوف شغلها فيه لتنسى شوي...
.
.
عند عبدالله
كان جالس بمكتبه..
ورد من سمع الإتصال وشاف الاسم ابتسم:هلا والله؟
بندر:هلا فيك شخبارك؟شمسوي؟
عبدالله:الحمدلله فالشغل اركض
بندر ابتسم:اتصلت عليك علشان أقولك بردنا احنا موافقين وم بنلقى رجال كفو مثلك
عبدالله ابتسم وهو يوقف:كفوك اجل الملكه بعد بُكرا اذا يناسبكُم؟
بندر بصدمه:بعد بُكرا؟ م يمدي وتعرف انها م تبي زواج يعني بالملكه بتاخذها وم يمدي تخلص بيوم
عبدالله:تمام بعد أسبوع إن شاء الله يناسبكُم؟
بندر وهو مو راضي تماماً بس يعرف ولاء عادي لو بُكرا بس م حب يعطيها بهالسرعه:تم
عبدالله بإبتسامه:يلا سلام
.
.
عند المعاريس الحُلوين~..
صحوا من نومهم وراحوا للمطعم ليفطروا
إياد بروقان:ايش تبين أطلب؟
عهد:أي شي بس باكل جوعانه
إياد ضحك وبطقطقه:من عرفتك وانتي جوعانه
عهد خزته وبإحراج:هف شسوي أنا أجوع
إياد ضحك:واللي يشوف شكلك م يقول ذي اللي جوعانه طول الوقت وتاكل كأنك في مجاعه استغفرالله
عهد خزته:شقصدك؟
إياد بضحكه:أمزح معك يلا نطلب
عهد ابتسمت:يلا
.
.
بالفُندق كانت جالسه بالمطعم تحت وتنتظره..
جاءها وهو شبه يركض وضرب الطاوله وهو يحط الورقه عليها وبعصبيه:طلعت هذي حقيقتك بس ليش أستبعد عنك القذاره وانتي بنفسك بهالمُستنقع!
طالعت فيه وملامح الصدمه إحتلت وجهها من شتمه و عصبيته وكلامه اللي استفزها لكن لا وألف لا م يطلع منها كلام ولا عِتاب ولا ملام وطالعت فيه وأخذت نفس وهي تطالع حولها ورجعت تطالع فيه ورفعت حاجبها
الأيسر:طيـب! إذا انت تقول عني كِذا ترا محد جبرك تتزوجني انت اللي طلبت ولو علي لو تحرق روحك م أتزوجك لأني ببساطه م أتزوج بصُغراء العقول يكفيني اللي صار
وقفت وهي تاخذ الورقه تحت أنظاره المصدومه لكن قلبه م ارتاح للحين وطالعت فيها وضحكت بسُخريه :توقعت إنك غير عنهم بالتفكير بس طلعتوا كلكم طينه وحده ربي كما خلقتني
وشقت الورقه لجُزأين وطالعت فيه بهدوء ورمت ع وجهه:يمدي تكنسل وتريحني بس بيبقى الوضع نفسه
ومشت من جنبه بهدوء
أما عبدالله ضرب الطاوله بقهرر وجلس وهو يمسك رأسه يحس فيه شي يحرق قلبه بشكل جِداً يتعب
.
.
أما ولاء ركبت سيارتها وهي تحاول تحط الدنيا وراء ظهرها وتوجهت لمكانها المعتاد وم هي ١٠ دقايق الا وصلت ونزلت وهي تجلس مقابله للبحر وشنطتها بجنبها وقهوتها طالعت في البحر وأمواجه والهدوء اللي يعم المكان بعكس العاده..

.
عند بندر..
كان جالس ع مكتبه وبين شغله نزل القلم وهو يضرب رأسه بقهر من تذكر:افف م قلت لعبدالله
وجلس لدقايق يفكر وفتح جواله وهو يتصل عليه وبعد ثواني جاءه صوته اللي واضح فيه التعب:هلا بندر؟
بندر سكت من التمس نبرة التعب بصوته:شفيك!
عبدالله:أبد والله تعب الدوام
بندر:متأكد
عبدالله تنهد وبهمس مو مسموع:لا والله تعب يهلك الواحد تعب القـلـب
بندر وهو مو سامع غير همسات مو مسموعه لدرجة الوضوح:شقلت؟
عبدالله:لا لا ولا شي
بندر:عندك خبر إن ولاء ت..
عبدالله بمقاطعه:عندي خبر
بندر:كويس ارتحت حسبالي ما تدري
عبدالله ابتسم:لا ماعليك ايوا متى بنفرح فيك؟
بندر:توني متوظف اصبر أدور بنت الحلال ونحب وننحب وضحك
عبدالله بضحكه:ماشاءالله مين حاط ببالك؟
بندر بتفكير وتذكر:

فلاش باك****
قبل يومين بأول يوم دوام لنورا
بعد دخولها للمستشفى عرفت إن قسمها تغير وصارت مساعده للدكتور بندر
مشت ناحية غرفته وهي تطرق الباب
بندر:تفضل
نورا دخلت وعيونها بالأرض:أنا الممرضه المساعده لك اسمي نورا
بندر وهو يطالع في حركاتها اللي واضح فيها الحياء من انها تكلم رجل:ايوا ايوا عرفتك تجهزي بعد شوي بندخل عمليه
نورا رفعت عيونها:أنا وأنت !
بندر بضحكه طقطقه:داخلين العمليات مو مكان ثاني
نورا نزلت نظرها بإحراج:معليش بس أول مره أشتغل مع دكتور بالعاده مع دكتوره سلوى بس ماخذه إجازه لفتره...

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 123 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌻🍃

بندر ابتسم :الحياء شعبه من الإيمان وطالع فيها وابتسم ورجع يطالع ورقه:تقدرين ترتاحين ربع ساعه
وندخل العمليه تلاقين اسم المريض وكل شي عند الممرضه ندى هي بتقولك كل شي
نورا:إن شاء الله وطلعت وهي تقفل الباب وزفرت بتوتر شديد:يارب ساعدني و تخلص هالأربع شهور بسرعه
ومشت بإتجاه الريسبشن.

رجع لواقعه ع صوت عبدالله..
عبدالله:وين راح بالك ها اعترف؟
بندر ضحك:ولا شي يلا يلا روح خلص شغلك وأنا بعد
عبدالله ضحك:وراك شي بس اصبر أقابلك أطلعه من عيونك افا عليك بس وضحك يلا سلام
بندر ضحك:يصير خير وقفلوا الخط
.
.
عند فوز..
رائد وقف عند الشاليه وهو قايل لها تقفل عيونها من لما قربوا ع أساس م تشوف الحادث المُريع
وفوز كانت حرفياً م بين القلق والموت خايفه جداً ودموعها متعلقه بمحاجرها وتحس كلمه وحده ممكن تخليها تنفجر
وقف السياره وهو كاتم ضحكته ويمسك يدها ويدخلها والباب كان مفتوح
نيهال أول م شافتها صرخت بقوه:خريجة قلبي...
فوز فزت بخوف وتحس خلاص دموعها نزلت فتحت عيونها وكل جسمها يرجف طالعت بصدمه و ببلاهه وخوف:شسالفه؟
أبو رائد وهو يضحك اقترب منها وهو يحضنها لصدره:والله وكبرتي وتخرجتي يا فوزوه
فوز ضحكت وهي بدأت تستوعب وقلبها ينبض بخوف وفرح مختلط الشعور
واقتربت من أمها اللي تبكي من فُرط مشاعرها ببنتها وحضنتها بقوه:اوه يامامه ليش الدراما وضحكت بطقطقه:تراني تخرجت ما تزوجت
أم رائد ضربتها ع ظهرها وهي تضحك وسط دموعها:يا حبيبتي انتي يبعتلي حمى نسيت تخرجك من كل هالأحداث اللي صارت
رائد ضحك:تكلمت سوري يعني من قلبها
نيهال وأبو رائد وفوز ضحكوا
فوز طالعت حولها بإعجاب:الله ذا كله لي وعلشاني!؟
رائد:اذا مو علشانك علشان مين تعالي تعالي يا نشبة العايله وفتح يده
فوز اقتربت منه وهي تضحك وتضمه بقوه:والله م غيرك نشبه
نيهال:لا لا كذا أزعل احضنيني نفسه
فوز طالعت برائد وضحكت بغمز:شكلها تحسبني أنت
نيهال خزتها بقهر وهي مستحيه:اص بس
وضحكوا كلهم
فوز اقتربت منها وهي تحضنها:افا عليك بس اذا م حضنتك من أحضن !!
وبعد دقايق راحوا يجلسون وهم مشغلين أغنيه تخرج
فوز ضحكت وهي تمسك السكين حقت تقصيص الكيك وطالعت فيهم وهي تغطي وجهها لا تطالعوني
علشان م أستحي
رائد بضحكه:اخس يا اللي تستحين هاتي هاتي أقصها
نِيهال:لا لا تعطينه هي الخريجه مو أنت
رائد:لنا الله تخرجت من الثانوي وم شفت شي ليومك ذا الله وكيلك....
أبو رائد طير عيونه:ايا الكذاب مين عطاك فلوس هديه
رائد ضحك:م أذكر عطيتني متى ذكرني!؟
أم رائد ضحكت:جحدك والله
فوز ضحكت وهي تمسك يد أبوها اللي ع يمينها وتحطها ع يدها الي ماسكه السكين وخذت يد أمها الي كانت ع يساره وحطتها فوق يد أبوها:يلا ١،٢،٣
وقصوها وصفقوا بقوه وهي تبوسهم بحماس وسعاده
نيهال دخلت بدون م يحسون وجت لهم ومن الخلف
وهي تتكلم وماسكه حياة اللي لابسة فُستان بِنك صغيره وقصير وحاطة لها ربطة ورد ع شعرها باللون الأبيض
وتكلمت وهي ماسكتها وظهر حياة ملاصق لصدر نيهال ووجهها مقابل للعايله ضحكت وهي تحرك يد حياة:مبروك يا عمتو الحلوه يارب عقبال الدكتوراه
فوز ضحكت بفرحه وابتسامه مش قادره تعبر عنها بأي طريقه اقتربت منها وهي تاخذها وتضمها وتبوسها
بقوه:وه وه يا حبيبة قلبي
رائد:هي شوي شوي بتخنفينها بسم الله عليها من حبك
فوز ضحكت:كيفي
أبو رائد دخل يده بجيبه وهو يطلع علبة صغيره ويفتحها وكان فيها عقد بسلسله خفيفه وبالوسط نجمه مفرغة وبوسطها كرستال باللون الأخضر إبتسمت بإعجاب:الله حبيييييييت
واقتربت من أبوها وهي تبوس راسه:بعد قلبي ياخي
أبو رائد وهو ياخذ العقد:تعالي بلبسك
فوز اقتربت منه وهو يلبسها وبدؤا يعطونها الهدايا ويحتفلون وفوز مبسوطه جداً.
.
.
عند غيث دخل مكتبه ووقف بصدمه من شاف ظرف ومختوم عليه بدم
طالع فيه بإستغراب وتدقيق وجلس ع الكرسي وهو ياخذه ويفتحه ويطلع الورقه ويقرأها:
أنصحك تبعد عن قضية وليد والتحقيق فيها علشان م يصير لك ما صار له وإذا كنت ما تخاف ع نفسك خاف ع أحبابك اللي م يتعوضون إبعد عنها أحسن لك ولا تحاول تعاند مثل قضية تغريد سُليمان لأن قضية وليد أبد مُو نفسها فيها أرواح تروح وقلوب تحترق.
ضغط ع الورقه بقوه وهو يرميها:يهددني نشوف مين أنت ..

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 124 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌻🍃

وقام وهو يطلع من مكتبه ويروح لطاولة مُساعدته طالع فيها:في أحد دخل مكتبي قبل أجي؟
المُساعده بإستغراب:لا!
غيث:متأكده!!!
المُساعده:ايوا متأكده
غيث:جيبي لِي تسجيلات الكاميرا من أمس بهالوقت لحد هالساعه
المُساعده:إن شاء الله شوي وبتوصلك
غيث:تمام ودخل مكتبه وهو بكامل غيضه وقهره
.
.
عند عبدالله..
صحى من نومه وفطر مع أهله هو وسند وخرجوا لدواماتهم
بعد وصوله لمركز الشرطه دخل مكتبه وهو يحاول يخلص شغله ليخرج يغير مُوده شوي وبعد إنتهائه خرج
وهو يروح لنفس المكان اللي تروح له بالعاده وقف مكانه وهو يتأمل البحر وأمواجه أخذ نفس عميق وهو متنرفز منها و جداً م يدري آيش يصدق يحس إنها إنسانه مجهوله جداً ما هو قادر يوصل لها ولا بطريقه من الطُرق
تصرفاتها وقوتها وشجاعتها اللي تصدمه دائماً يستغرب منها يحس إنها بريئه وقت يشوفها بس أفعالها اللي يشوفها عكس ذلك تماماً
تنهد بضِيقه وهو ودّه لو تتغير الظروف وتتغير الأحكام بس هالمره علشانه...
.
.
عند ياسمين كانت تفطر هي وبندر وأمها وأبوها
بندر:ترا مِلكة ولاء وزواجها بنفس اليوم بعد أسبوع إن شاء الله
ياسمين بحماس إبتسمت:ياعُمري اللي بتصير عروسه الله يوفقها
أبو بندر وبندر:آمين
أم بندر:افطروا وانتوا ساكتين
أبو بندر طالع فيها وهو يهز رأسه بأسف
أما بندر طالع فيها:ليش يُمه تسكتينا !! علشاننا تكلمنا عنها ودعينا لها لا يكون علشانك تكرهين بنتك اللي من دمك تبينا نكره أختنا !
ووقف وهو ينزل الشوكه بعصبيه ورفع صوته:هي أختنا مهما سوت وللأسف كُل هالسنوات م لقيت لك عِذر يقنعني إن اللي تسوينه فيها تستاهل
أم بندر صرخت بقهر:ترفع صوتك علي علشانها !!!
بندر وهو مو حاس بنفسه:هذي أختي أختي إذا م وقفت معها مين بيوقف معها إذا م صوت لها سند مين بيصير لها سند!
وطالع فيها بأسف:أنا أقول وجبيها لو قدام اللي بيصير زوجها بس لا تخلينه ياخذ موقف إن حتى أمها مُو متحملتها عطيها فرصه بس إنتي م تعرفينها نفس م أنا وياسمين نعرفها أساساً كيف بتعرفينها وإنتي طول عُمرك مبعدتها عنك
ياسمين:كِفايه ياخي إنتوا خربتوا حياتها سرقتوا سعادتها باللي سويتوه ولسّى تكررون غلطكم طفشتيها بدعائك ونقدك وصراخك وهواشك المُستمر لها خليتيها تترك البيت واللي فيه لا تخلينها تترك كرامتها قدام زوجها بعد!
ومسحت دموعها اللي خانتها وقلبها يحرقها ع أختها ودها تطلع لهم ولاء الحقيقيه ولاء اللي تشوفها ياسمين بس مُو قادره وراحت فوق لغرفتها بعد م قال لها بندر إنه بينتظرها برا ع بال م تتجهز
أما بندر طلع وهو بكامل قهره وعصبيته من أمه وينتظر ياسمين عند الباب لأنها اليوم بتبدأ أول مرحلة من العلاج الفيزيائي”الطبيعي“
وأبو بندر كالعاده ما يتدخل بهواشهم بهالموضُوع وحتى لما يكلمها تسمع للي برأسها فقط...
.
.
عند ولاء..
كانت بنفس المكان اللي فيه عبدالله لكن مو بجهته تماماً بس تقدر تشوفه ويشوفها طالعت في البحر بهدوء طاغي عليها وبين يدينها آيبادها وجالسه تنجز شغلها المتراكم عليها رفعت عيونها وهي تطالع في البحر واللي حولها وطاحت عينها عليه وعرفته من هيأته الخلفيه قامت بقهر حتى المكان ذا صار يعرفه م بترتاح منه
ومشت ناحية سيارتها وقبل ما تركب وقفها صوته اللي واضح فيه التعب:تجهزي أسبوع وتصيرين مقابلتني ليل نهار
ولاء ضحكت بسُخريه:خليك واثق كذا يلا سلام
وركبت بسرعه وهي ما تبي تسمع منه ولا شي عبدالله مشى لسيارته وهو يركبها بقهرر
.
.
عند سند كان بقسم العلاج الطبيعي
جالس وينتظر المرضى المُراجعين عنده ومواعيده تبدأ من ١٠ كِذا قام بسرعه وبربكه من شاف بندر وياسمين اللي عرفها من أول لمحه لها ونظرة عيونها اللي مُستحيل ينساها
بندر بإبتسامه عاديه:صباح الخير
سند:صباح النور
بندر:اليوم ياسمين تبدأ علاجها الطبيعي موعدها بعد ١٠ دقايق كذا عندك خبر صح؟
سند:ايوا بس م راجعت الأسماء
وطالع بياسمين بإبتسامه وقلبه ينبض بشكل مُو معقول:الحمدلله ع السلامه م تشوفين شر إن شاء الله
ياسمين سكتت بتوتر وخجل
أما بندر طالع فيه وفي نظراته وخزه:يلا ندخل
سند وعى ع نفسه:تمام يلا اسبقني أنت ...
وراحوا بندر وياسمين للصاله المُخصصه للعلاج الطبيعي أما سند آخذ ملفها من قسم المُراجعين وراح لهم .

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 125 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌻🍃

عند تغريد..
كانت جالسه مع أمها وأبوها طالعت فيهم:شرايكم نطلع مكان ونغير جو
أبو تغريد طالع فيها:من عيوني وين تبين؟
تغريد ابتسمت:مدري مكان حلو علشان نغير جو إنتوا وين تبون أنا معكم
أم تغريد: اي والله خل نطلع نغير جو
أبو تغريد:نروح للمزرعه؟
تغريد ابتسمت بحماس:ايوا ايوا من زمان م رحت ومن زمان عن هالأجواء
أبو تغريد ابتسم:تم
وقام:تجهزوا بعد الظهر بجي آخذكم وقولوا لعلياء وزوجها خل يجون
تغريد طالعت بأبوها:عادي يجون ياسمين وولاء معنا؟
أبو تغريد ابتسم:عادي اعزمي اللي تبين وتعرفي ع الناس واطلعي يا زين الجمعات وأنا أبوك
تغريد قامت بحماس وهي تبوسه:آي أحبك يلا بروح أقولها وأتجهز وراحت لأمها وباستها
وصعدت فوق لغرفتها
أم تغريد وأبو تغريد ضحكوا ع حماسها
أبو تغريد:يلا تبين شي قبل أطلع؟
أم تغريد وهي تقوم معه:لا سلامتك
أبو تغريد ابتسم لها وهو يودعها ويطلع
.
.
عند غيث دخل الفلاش باللاب وهو يشوف التسجيلات وقف الفيديو ع شخص لابس أسود بأسود ومو واضح منه ولا شي دخل المكتب قبل يجون الموظفين وطلع بسرعه
قفل اللاب توب بعصبيه شلون الحارس م انتبه له وشلون يدخل ويطلع مثل السلام عليكم
سكت من سمع رنين جواله ابتسم بمُجرد شاف إسمها
ورد بسرعه ومزاجه قلب بشكل سريع فقط من شاف إسمها:م توقعت تفكرين تدقين علي
تغريد بسرعه وتوتر:الله الله م دقيت ..
واستوعبت:دقيت بس علشان أقولك إنا بنطلع المزرعه إذا أبوي اتصل وقال تعال لا تجي
غيث بإستغراب:ليش؟
تغريد:م يصير تجي بعد شهر تشوفني بالزواج حتى م بتسمع صوتي بعد هالمكالمه
غيث بخوف من كلامها:بسم الله عليك شذا الكلام
تغريد ابتسمت من التمست نبرة الخوف بصوته:يلا بقفل
غيث بعناد:بجي ترا
تغريد:ياخي لاااا
غيث وهو يبي يروح علشان يوترها:بجي تشوفيني هناك إن شاء الله
تغريد قفلت الخط ونزلت الجوال:لو إني م دقيت عليه م عاند وبعدين عادي إذا جاء شفيها م بطالع فيه
ومسكت خدودها بإحراج مُجرد م تخيلت نظراته اللي بتكون موجهه لها:افففف يا الله .
.
.
عند ياسمين..
سند وهو واقف بالوسط بين حديدتين تستند عليهم طالع فيها بهدوء:تقدرين توقفين؟
ياسمين بحماس:ايووا
بندر ابتسم ع حماسها:يلا ورينا
ياسمين وهي تحاول ترفع نفسها من الكرسي بصعوبه جلست للمره الخامسه بتعب من محاولاتها
سند:بنطلع احنا إذا تبين تمشين اوقفي من ع هالكرسي لوحدك وأشر لبندر اللي مستغرب بمعنى يلا
وطلعوا اثنينهم
بندر:شفيك تركتها لوحدها!....
سند:بتحاول واحنا مُو موجودين لما تعرف كيف توقف بدون م تعتمد ع أحد
بندر هز رأسه بمعنى تمام ورفع يده وهو يطالع بساعته:عندي موعد لمريضه إذا خلصت بجيك
سند:تمام
وراح بندر أما سند رجع لياسمين ووقف عند الباب وهو خلفها وهي مو منتبهه لوجوده
كانت تحاول ترفع نفسها بإصرار وقوه وكأنها مُصره ع الوقوف من جديد ضد الحياه مسكت الحديده وهي تستند عليه ورفعت نفسها وقبل م توقف طاحت ع الأرض صرخت بتألم حست فيها بفخذها
سند دخل بسرعه وهو يركض عندها بخوف:شفيك؟
ياسمين سكتت بإحراج من شافته:طحت بس
سند:تقدرين تقومين؟
ياسمين بضعف ودموعها نزلت وهي منزله رأسها
سند م تحمل دموعها وتكلم:ماعليك بسيط الموضوع وبعدين بالبدايه صعب بس النهايه بتقدرين تمشين مثل أول وأحسن بعد
وآخذ جواله وهو يتصل ع الممرضات اللي يساعدونه
وم هي دقيقه إلا وصلوا وهو يقولهم يساعدونها علشان تقوم ع الكرسي وبالفعل ساعدوها
سند:نأجل باقي شغلنا لبُكرا
ياسمين برفض:لا بحاول لما أوقف اليوم
سند ابتسم ع إصرارها:تمام إذا تعبتي قولي لي
ياسمين مسكت الحديدتين اللي هي بينهم ورفعت نفسها بصعوبه كبيره إلى أن وقفت لكن مو ذيك الوقفه المستقيمه
سند وهو قدامها ابتسم وهو يصفق لها بتشجيع:يلا كملي تقدرين
ياسمين وهي بتخطي خطوتها الأولى انحنت بتعب قوي في ظهرها ورجولها
سند وعرف إنها تعبت أشر للمُمرضات من جديد وهم يجلسوها ع الكرسي....

.
عهد وهي تصرخ بضحكه:ايوا ماعليك عرفت له بسيط
وتركها وم مرت ٥ ثواني الا هي وراءه وكانت بتطيح لكنها مسكت بطنه بسرعه وصرخت بخوف
إياد وهو منهار من الضحك:فشلتينا فشلتينا
عهد وقلبها ينبض بسرعه:ياويلي كنت بطيح ع وجهي وتتكسر عظامي ويخرب جمالي الطبيعي
إيا وهو يجلس معها وميت ضحك:لا لا إنتي صدق مجنونه
عهد وهي تضحك:أقول يلا نطلع م بلعب ولا بتزلج مو وجهي أساساً
إياد وهو يضحك وقف وهو يمد يده:يلا
عهد مسكت يده وهي تقوم معه ويطلعون يتمشون بباقي المكان .
.
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 126 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌻🍃

عند سعد ومنصُور...
كانوا جالسين وسعد جالس ع جواله لكن باله مُو معه مع اللي خذت قلبه وعقله من أول ما شافها شي خلاه يميل لها بشكل مُو قادر يسيطر ع نفسه وم يفكر الا فيها إبتسم وهى يتخيلها وكأنها قدامه وعى ع صوت منصُور:شفيك أنت هالأيّام بالك مُو معك؟
سعد قام وهو يجلس وابتسم ببلاهه:م فيني شي
منصُور طالع فيه وهو يهز راسه بتسليك:أبد م فيك شي واضح
وصرخ بحماس:أقول قول شفيك بمين تفكر وغمز له
سعد ضحك:يا حُبك لهالسوالف بس اللي فيه دراستك م تحبه
منصُور:أقول لا تضيع السالفه قول مين ماخذ عقلك وأشك قلبك بعد؟
سعد إبتسم بتذكر وتنهد:شكلي طحت ع وجهي وأنا أخوك
منصُور بضحكه:ماشاءالله متى ووين ومن بنته؟
سعد وعى ع نفسه ولف له وخزه:شدخلك
منصُور وهو يضحك:سُبحان الله وأنا أقول عاقل طلعت مافي عقل
سعد وهو ياخذ الخداديه ويضربه فيها:قوم قوم لا أكسرك الحين
منصُور وهو يغني ويضحك:جمالك جمال جمالك جمال مِش عادي وكلامك كلام مِش عادي
سعد رمى الخداديه بقوهه أما منصُور هرب فوق وهو يضحك
سعد هز رأسه وهو يضحك وأخذ نفس عميق وهو يقوم لغرفته علشان يتسبح....
.
.
بعد الظُهر..
تغريد قالت لياسمين وولاء وكذلك أبو تغريد قال لصالح وغيث
وأم تغريد قالت لهيا علشان يتجمعوا ويغيروا جو وعلشان يدخلوا تغريد بأجواء الزحمه وهي من زمان م اجتمعت مع ناس وطلعت
بعد وصول عائلة أبو تغريد وصالح نزلوا وهم يرتبون شغلهم وجلسوا برا وكان الجو حُلو
تغريد ابتسمت وهي تاخذ نفس:الجو يجنن كويس جينا ”صالح لسّى كان بقسم الرجال يرتب أشياء الشوي“
أم تغريد:اي والله
علياء وهي تشوف ماريا تلعب بالطين:ماريا غلط تلعبين بالطين تعالي هنا
مارِيا كانت تلعب وتسوي نفسها م تسمع
أبو تغريد وهو يضحك:خليها تلعب م صدقت تلقى مكان مفتوح
تغريد:منجد فديتها خليها تلعب ع كيفها
وقامت من شافت السياره اللي دخلت المزرعه وعرفت إنه بندر جايب ياسمين
وقفت وهي تتنظر بحماس
ونزلها وكان بيركب ليروح لكن وقفه صوت أبو تغريد اللي جاء لعنده:وين وين م تروح قبل م تجلس تتغدى معنا وتتعشى بعد
بندر ابتسم:كثر خيرك يا عمي بس برجع
أبو تغريد:لا والله م ترجع حلفت خلاص م يصير تكسر حلفي
بندر سكت بإستسلام ودخل معه للقسم الثاني الخاص بالرجال عند صالح .
.
.
عند نيهال..
كانوا جالسين يتغدون مع بعض كلهم
رائد طالع بفوز بضحكه:الله يا الدنيا ذا الورعه كبرت وصارت جامعيه
فوز رفعت نظرها وخزته:الله يا الدنيا ذا الورع كبر وصار أبو
نيهال وأبو رائد وأم رائد ضحكوا
رائد رفع نظره:تراني أكبر منك احترميني ...
فوز:وأنا أصغر منك اعطف علي
رائد بضحكه:أقول شرايك أزوجك صاحبي علشان نفتك منك
فوز خزته وبقهر:رائد تراني بقتلك
أبو رائد ضحك:خلاص أنت وهي اسكتوا أزعجتوني
نِيهال:كأنهم توم وجيري وضحكت
رائد طالع فيها وخزها:زوجك أنا تشبهيني بفار وقطو
نِيهال ببراءه:أحبهم أنا
رائد طالع فيها بضِحكه وابتسم
فوز ضحكت:كفُو قهرتيه كأنك خذيتي حقي
نِيهال طالعت فيها وضحكت
.
.
عند عهد..
طلعوا لمطعم وهو جوعانيين ويبون ياكلون
بعد م لعبوا وحللوا اليوم كله ضحك وسوالف
إياد طالع في عيونها بتأمل وابتسم:والله صُدفتك لقلبي خير ومسك يدها وهو يحضنها بين يدينه:حرفياً شُكرًا من قلبي دخلتي حياتي وأسعدتيني بشكل م تتخيلين مليتي الفراغ اللي كنت أحس فيه والشوق بحُب وإهتمام كبير وكُل يوم جالسه تثبتين لِي إن قرار إني أتزوجك أحلا خطوه أخطيتها بحياتي
عهد ابتسمت بخجل:م بيننا والله يخليك لِي إن شاء الله وأسعدك أكثر وأكثر
وضحكت بتهرُب:ياليل متى يجي الأكل جوعانه باقي شوي وأكلم يعني لهدرجه
إياد ضحك:ياخي انتي ياخي من أول يوم جنونك صادمني
عهد ضحكت بتذكر:الله يفشلني ذيك الليله كنت أفشل فضحت نفسي بنفسي
إياد ضحك:بس بوقتها خليتيني أضحك وخذيتي أجري...
عهد:خليتك أضحك بس إني كنت متفشله
إياد:بس منجدك ليش كنتي تضحكين؟
عهد ضحكت بتذكُر:كنت أحسبك واحد ثاني بس طلعت إياد اللي أعرفه
إياد ضحك وبقفطه:اوهه علشان كِذا كنتي محزنه إنك بتتزوجين غيري
عهد:هه من قال كنت محزنه علشاني بفارق أخواني
إياد ضحك:صدقتك صدقتك ايوا وضحكتي لما شفتيني بتشوفين حقيقه ولا
عهد ضحكت:والله انصدمت مرا كمان كان بيجيني شلل فكري من كثر م فكرت حقيقه ولا وخفت أوقف ضحك وتطلع خيال ..

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 127 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌻🍃

إياد ضحك بقوه:قسم بالله إنك صدق عروسه مجنونه
عهد وهي تطالع فيه:اعترف بس إني مجنونه حُلوه وتجنن وم بتلقى نفسي زوجه وحبييه وصديقه تضحك
إياد:اوووه يا الثقه بس أعترف إنتي كِذا ياحُبي
عهد نزلت عيونها واستحت بسرعه وخدودها تلونت ومسكت المنيو بتهرُب
إياد ضحك:ليش تسوين حركات منتي قدّها
عهد خزته:قدّها
إياد ضحك وم هي دقيقه إلا وصل أكلهم وبدؤوا يأكلون بجوع
.
.
فالمزرعه..
ياسمين بحماس وفرحه:بعدين دخلت وجلست ساعتين كِذا أحاول وأخيراً وقفت بس م كملت دقيقتين إلا تعبت
تغريد وهي تحضنها وتضحك:كفو فديتك ومسكت خدودها وهي تقرصها وتسحبها
ياسمين وهي تضرب تغريد ع يدها لما بعدت وضحكت:الحين انتي شايفتني لعبه تتمطط؟
تغريد ضحكت:شسوي أحبك
علياء:الله يديمكُم لبعض
تغريد وياسمين:آمين ويديمك
تغريد:وين أمي؟
علياء:دخلت داخل تجيب مدري آيش
تغريد:أجل بروح أنا أنزل عبايتي وأرتب شكلي فوق وأجيكم
ياسمين وعلياء:تمام
وقامت تغريد داخل
ودخلت داخل وراحت للدور الثاني ونزلت عبايتها وخلصت وكانت بتطلع لكن جذبها المنظر اللي ع تطل عليه البلكونة طلعت وهي تبي تشم هواء
ووقفت وهي تسكر عيونها وتاخذ نفس عميق والهواء يطير خصلات شعرها
فزت من حست بشخص خلفها تماماً ومن حط يده ع كتفها صرخت بسرعه وبخوف شديد لكن حط يده ع فمها وظهرها ملاصق لصدره تماماً ضحك:الصراخ ذا كله يطلع منك بتفضحيني بين العربان
تغريد عضت يده بقوه
أما غيث تآوه بألم:شفيك انتي؟
تغريد:أحسن م قلتلك لا تجي ليش تعاند الله الله !
غيث إبتسم وهو ماسك يدها:زوجتي وكيفي متى م أبي أضرب الباب وأدخل
تغريد طالعت فيه وصغرت عيونها:آه والله؟
غيث هز رأسه وهو يتأملها بنظراته من فوق لتحت ابتسم: الحمدلله جيت والا كان فاتني وطالع فيها وهو يغمز لها
تغريد احمرّت خدودها بخجل واستوعبت إنها منزله عبايتها وبقهرر وهي ماسكه نفسها لا تصرخ:لا تطالع
غيث بعناد وهو مُو قادر يشيل عيونه عنها
بسيطه بسيطه بشكل ياخذ قلبه
بقى لدقايق يتأملها ووترها زياده
تغريد بتوتر وربكه:اطلع والا والله أصرخ ويجون يشوفونك
غيث وهو يقترب منها بإبتسامه:صرخي زوجتي وكيفي
تغريد وتوترت زياده:الله الله لا تقرب وربي أسويها وأصرخ
غيث طالع فيها بضِحكه:ما أهون عليك
تغريد:يا ثِقتك اللي بتنكسر بعد ما أصرخ
غيث وصار مقابلها تماماً وم يفصل بينهم شعره:يلا اصرخي
تغريد وجسمها يرجف وقلبها ينبض بشكل سريع :اءا..
غيث وهو يحط إصبعه ع فمها:بروح اليوم بس كلها شهر م لك مفر مني
تغريد بتوتر ووجهها أحمر:شهرين مو شهر
غيث ضحك:شهر قلت وغمز لها وهو يقترب منها ويبوسها ع خدها ويطلع
تغريد بقت مكانها ورجولها مو شايلتها من كثر الرجفه اللي احتلتها
حطت يدها ع خدها ببلاه وخدودها حمراء من زود الخجل وتحس بحر مُو طبيعي:اففف غيث افف وقامت وهي تروح للمرايا وتطالع بوجهها وخدودها الحمراء :ياليل ذا كيف دخل والحين لو نزلت بيشوفون وجهي مسحت وجهها وهي تبتسم وتحاول تكون طبيعيه بس كُل ما تتذكره ترجع تحمّر خدودها من جديد
.
.
عند نِيهال ورائد...
طلعوا للمُستشفى علشان موعد حياة ليتأكدوا من صحتها
الدكتور طالع فيهم:الحمدلله صحتها مثل الفُل ماشاءالله بس لازم فحوصات كُل ٦ شهور لما تكبر شوي
وتقدر تعبر عن اللي تحس فيه
نِيهال طالعت برائد بخوف
رائد:ليش فيه شي دكتور؟
الدكتور ابتسم :لا أبداً بس لنتأكد من صحتها وإن الأكسجين م ينقص عن وضعه الطبيعي...
رائد ابتسم براحه وطالع فيها بمعنى ارتاحي:تمام يعطيك العافيه وقام وهو يصافحه وطلعوا هو ونيهال
.
.
بالمزرعه تحديدًا بقسم الرجال..
غيث كان جالس بينهم ومبتسم لكن البال مو معهُم أبداً باله مع لذيذة التباسيم شكلها للحين وكأنها قدامه نظراتها المُتناقضه ما بين العصبيه والرِضا تفاصيلها البسيطه والمُبهره جداً خذت قلبه وروحه وعقله
رجعت ذاكرته لأول يوم يوم دخوله ما كانت كأي قضيه عاديه شعوره اللي تجاهله وجاء اليوم اللي رجع هالشعور ورجعه بشكل قوي الحين هي زوجته
تغريد سُليمان اللي كانت بيوم بدائرة الإتهام بجرائم اليوم هي مُتهمه بجريمه واحدة فقط سرقت قلب ولد هيون
أخذ نفس عميق وبداخله حُب كبير رُغم قلة الحديث الجانبي وقلة اللقاء
بندر طالع فيه بضحكه وبصوت خفيف:الحين أنت م تزوجت وكذا عقلك طاير
غيث ضحك وأخذ نفس:م عرفت شعوري اللي أحس فيه والا م قلت هالكلام وابتسم وهو يلف لأبو تغريد الي يناديه
غيث:سم ي عمي؟
أبو تغريد ابتسم:سمّ الله عدوك،حددت الزواج؟

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 128 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌻🍃

غيث ابتسم وهو يتذكر كلامها (شهرين):بعد شهر ي عمي يوم ٦ من الشهر يعني بعد ٢٩ يوم تقريباً
أبو تغريد هز رأسه:الله يتمم لكم ع خير ويوفقكم
غيث وبندر:آمين يارب
أبو تغريد ابتسم وهو يطالع ببندر:وعقبالك
بندر إبتسم وما يدري ليش هي أول من خطرت بباله:إن شاء الله ...
غيث ضحك:ذا لو عليه مطول لسّى يبي يعيش حب وعشق ع قولته
أبو تغربد:لا لا أول م تلقى اللي تناسبك بس قول لي وأنا بنفسي آخذ أبوك ونروح ونخطبها لك أنت نفس ولدي
بندر ابتسم:تسلم ي عمي م تقصر
.
.
عند نيهال...
كانت جالسه مقابل له بالمطعم..
رائد:افف لو متغدين بالبيت عند حياة أحسن
نيهال بضحكه:ع أساس حياة تفهم تغديت عندها والا لا
رائد:عادي ماعليه أهم شي أقابل وجهها الصغير يروقني
نِيهال طالعت فيه وهي تأشر ع وجهها:ووجهي وين راح؟
(كانوا بغرفة خاصه ومسكره فـ منزله نقابها )
رائد طالع فيها وعقد حواجبه ومد شفايفه بتبويز:ماش بس يروقني كثير وجهها
نِيهال بزعل خزته:أحسن لا عمرك روقت وم تستاهل مين يقابلك يا متدني الذوق
رائد انفجر ضحك ع زعلها وتعابير وجهها وخاصه ع عبارة ”متدني الذوق“:يا متدني الذوق أجل
وضحك زيادة
نِيهال خزته:م قلت إضحك أنا
رائد:يعني أستأذن منك علشان أضحك؟
نِيهال نزلت عيونها وهي تاخذ جوالها بزعل منه
رائد وهو يقوم لها ويجيها من وراء ويحضن رقبتها ودقنه ع كتفها:زعلت حبيبتي؟
نِيهال وهي تدعي عدم الإهتمام وتطقطق ع جوالها
رائد:افا افا بسس
وتكلم:ما عاش والله اللي ما يروق ع وجهك أنا مو أروق أنا أموت علشان أقابلك
ورفع صوته بجنون وهبال وضحكه:أنا أموت فيك يا بنت العرب ...
نِيهال ضحكت وهي مستحيه وتسكته:اصصص فضحتنااا
رائد وهو يضحك:صدقتي والا أكمل
نِيهال بضحكة:صدقت يا أهبل صدقت
رائد:إذا أهبل علشاني أحبك فأنا أهبل
نِيهال ضحكت
وم هي دقايق إلا دخلوا المضيفات الفلبينيات وبيدهم كب كيك صغير وبوسطه شمعه ويغنون مع بعض
ونِيهال معهم
هابي بيرثدي تو يو هابي بيرثدي هابي بيرثدي تو رائد
رائد طالع بنِيهال بإبتسامه وعيونه تلمع بشكل
يلفت النظر وما هي إلا لمعة المُحب لمُحبته ابتسم وهو يده على يدها ويمسكها بحب
ونزلوا الكب كيك ع الطاوله وطلعوا
رائد طالع فيها وهو ماسك يدها الثنتين وبوسطهم الصحن:يعني لو م أحبك مين أحب قولي لي تسعديني بإبتسامه فما بالك بالي تسوينه لي
نيهال:حبيبي كل سنه وإنت معي يارب وعقبال م تصير عجوز إن شاء الله
رائد ضحك بقوه
نِيهال طالعت فيه:ياليل شفيه كنت أعبر
رائد:عجوز ها؟
نيهال ضحكت:قلت عجوز صح؟
رائد ضحك:الله يعين ماش م تعرفين تعبرين
نيهال:م لك دخل أهم شي تفهم انت
رائد بضحكه ضغط ع يدها:علشان كذا أحبك وأحب عفويتك
نِيهال نزلت عيونها بخجل وأرمشت بسرعه وبإستهبال:الله يسلمك
رائد وهو يضحك:يلا يلا نتغدى بطني جاع من كثر م ضحكتيني الله يسامحك
نِيهال:يلا انفخ الشمعه
رائد:يلا إنتي معي
.
.
بعد مرور ٣ أيّام وقبل زواج عبدالله&ولاء بيوم
عند عهد وإياد بالمطار...
عهد بحماس:متحمسه اشتقت لأخواني واشتقت لبلدي كلها وربي
إياد:تصدقين حتى أنا أحس مهمها سافرت لازم أحن
عهد بإبتسامة حماس:تتوقع نايمين أخواني بوقت وصولنا ولا؟
إياد ضحك:ليش ناويه تروحين شكلك أول م تهبط الطيارة
عهد إبتسمت:أكيد
إياد ضحك وبمزح:لا لا م فيه نروح البيت نرتاح وبعدها إذا صحينا نروح لهم
عهد بوزت:لا ياخي أبي أروح لهم مابي أرتاح إنت إرتاح أنا بروح
إياد طالع فيها وشكلها لسّى بباله ابتسم بحزن وتذكر

فلاش باك***
تالين:أبيه ياخي
إياد وهو يبتسم:لا الدكتور يقول المشروبات الغير صحيه ممنوعه وبعدين إنتي لسّى صغيره ليش تشربي مشروب غازي
تالين ببراءه تأففت وهي تتكتف وتبوز
إياد بضحكه:يا الله عليك يا بابا وقام لها وهو يشيلها ويطالع فيها:تالين يا بابا ما يصير تشربينه يضرك ذا حتى أنا م بشربه نفسك تعالي نرميه مع بعض
تالين وهي باقي مبوزه
إياد طالع بملامحها وضحك وهو يبوسها بقوه لما ضحكت.....
إياد:يلا تعالي
تالين:يلا
صحى وحس نفسه من صوتها:إياااد
إياد:نعم؟
عهد:وين رحت
وبضحكه:نرجع لموضوعنا إذا وصلنا إن شاء الله نروح لأخواني
إياد بعصبيه:قلتلك لا ما تفهمين ليش !
عهد اختفت إبتسامتها وطالعت فيه والدموع متحجره بعيونها قامت وهي تسمع نداء الطيارة وسحبت شنطتها ومشت قبله خطوه لكن وقفها صوته الحاد واللي وضح بنبرته العصبيه:وقفي لما أمشي معك!
عهد بلعت ريقها بإستغراب منه ووقفت
أما إياد أخذ شنطته بضيقه ومو حاس بتصرفاته وسحبها وهو يمشي معها بصمت
.
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 129 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌻🍃

يوم جديد العصر الساعه ٥:٣٣مساءاً

عند ولاء كانت تمشي بالمول لأن ياسمين محلفتها تروح وتشتري لها ملابس وفُستان اليوم وم تقدر تطلع معها بسبب جلسة علاجها بهالوقت لمدة ٤ ساعات..
دخلت محل له قسمين رجالي ونسائي
مسكت الفستان وهي تطالع فيه كان أسود وقصير بدون أكمام ودانتيل من عند الصدر ميلت فمها
وعاجبها ومو عاجبها نزلته وهي تمشي تحت نظراته الحارقه لها وهو يتبعها مثل الظل....

.
عند سند...
بالمستشفى كان واقف ويطالع فيها:ركزي معي وخلي هدفك واحد إنك توقفين وتوصلين للي تبينه
ياسمين بحماس:تمام
سند طالع فيها بتأمل لثواني وحس ع نفسه:يلا قومي ووقفي بدون م تستندي ع الكرسي
طالعت فيه:بدونه؟
سند:مو تقدرين تمشين؟ يلا وريني
ياسمين:ايوا إن شاء الله أقدر ورفعت نفسها وهي حاطه يدها ع الكرسي ومعتمده عليه برفع جسمها
سند طالع فيها بإبتسامه:بدون الكرسي
ياسمين تأففت:يلا بحاول
وبدأت تحاول لكن بدون جدوى واستندت ع الكرسي وقدرت توقف
سند نزل الملف اللي بيده وهو يروح لها:اجلسي اجلسي
ياسمين طالعت فيه بقهر:إن لله
سند كتم ضحكته ع حلطمتها:قلت لك بدون كرسي يعني لا تحطين يدك عليه يعني كتفيها
ياسمين:بالمدرسه احنا
سند:باللي تبين
ياسمين خزته:افف لا تدقق
سند ضحك:ياشيخه قومي يلا خلصي والا بروح وأتركك
ياسمين بهمس وتقليد:ياشيخه قومي اننن .
.
.
بمحل الساعات اللي بجنبهم كان عبدالله ياخذ ساعه
وحاسب وطلع استغرب من المحل اللي تقفلت إضاءته فجأه والأبواب تقفلت
مشى لكن سُرعان م استوعب وحس إن الوضع مُريب
وكانت البوابه باقي تنزل وم تقفلت للأخير
ركض بسرعه وهو يرمي نفسه ع تحت لقدام ودخل بسرعه .
.
.
عند ولاء..
رفعت نظرها للإضاءة اللي تقفلت بإستغراب
وصوت البوابه اللي جالسه تتقفل والمحل م كان فيه أحد لفت بسرعه وهي تحس بحركة أحد خلفها لكن م لقت أحد
حست بأحد يهمس:قلتلك حرام تكونين لغيري
ولاء وبسرعه عرفت نبرة صوته وبحدّه وعروق رقبتها برزت وأنفاسها تسارعت وهي مو قادره تحرك جسمها تحس يبست أطرافها:ي حقير كل هالسنوات أدور عليك وين تخبيت !
الرجُل بهمس:ق...
قاطع حديثه عبدالله اللي سحبه بقوه وغيره شديدة ولكمه ع خشمه بأقوى م معه ورفسه ببطنه لكن م قدر يشوف ملامحه ولا يعرف مين هو لأن الظلام كان طاغي ع المحل كله وهرب بسرعه من الباب الخلفي وبعد خروجه انفتحت الإضاءة
عبدالله لف ع ولاء اللي كانت مستنده ع الكرسي ومنزله رأسها بشبه صدمه وتذكر رفعت رأسها واللي حولها كله مو حاسه فيه وتركت أكياسها ومشت لكن وقفها عبدالله اللي مسك يدها بقوه وسحبها له وطالع فيها بحدّه وعصبيه:ذا مين؟
ولاء كانت تطالع فيه بجمود وبرود تام
وهدوئها هو اللي زاد عصبيته:تكلمي قولي لي مين ذا اللي تدورين عليه من سنوات
ولاء نفضت يدها من يده بقوه ومشت بخطوات أشبه بالهدوء
عبدالله ضغط ع يده بعصبيه
وهو يدخل غرفة القياس ويدور الموظفين ليعرف السالفه
صرخ بعصبيه:مين مسؤول عن ذا المحل؟
طلع الموظف ومعه موظفه من غرفة القياس بخوف
عبدالله رفع حاجبه بقهر:كنتوا عارفين؟ وشريكين مع الحقير اللي طلع؟
الموظفه هزت رأسها بمعنى لا بخوف
الموظف:والله جتنا التعليمات من فوق ع أساس ناخذ راحه بهالوقت بغرفة القياس ونقفل الإضاءة ونسكر المحل بوقت دخول هالزبونه والله م كنا نعرف
عبدالله طالع بالكاميرات:فيه تصوير لدخوله!؟
الموظفه:لما قفلنا الإضاءة قفلنا تصوير الكاميرات
عبدالله ضرب الطاوله بقوه وعصبيه:اكتب لي اسم المدير ورقمه بسرعه...
الموظف جاب ورقه وهو يكتب فيها بسرعه وجسمه كله يرجف من الموقف ومن عصبية عبدالله الي واضحه من ملامحه الحمراء
أخذ الورقه وكان بيطلع لكن انتبه لأكياسها وشنطتها اللي بجنبهم راح وهو ينحني ويشيلهم معه ويطلع
بعصبيه وتفكير عميق وبهمس:مين هالشخص وليش تدور عليه حضرتها
عبدالله فتح باب سيارته اللي نسى يقفلها وتأفف وهو يشغلها ويمشي
.
.
عند تغريد كانت بغرفتها
جالسه في البلكونة وتقرأ كتاب وبيدها كوب قهوة قاطع إندماجها وإبتسامتها وهي تقرأ جوالها اهتز بإعلان إتصال شخص
رفعت الجوال وهي تشوف رقمه ولسّى م سجلته ابتسمت وهي ترد وبنبره عكس ملامحها:نعم؟
غيث ضحك:هاها يعني معصبه وإنتي باقي شوي وإبتسامتك تشق وجهك
تغريد وخدوها بسرعه إحمرّت:شدخل م ابتسمت بالعكس كشرت من شفت رقمك وكنت مروقه مرررا مرااا بس خربت روقاني وبعدين أنا مزاعلتك لا تدق ولا ترسل ولا شي ..

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻