اخباركم مع رواية ياغيث قلبي ونوره كيف ؟

مية مية .. 💯

حماس 🔥

مملة 💔

📣 أريد تفاعل كبير . 👇🏻

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 106 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

بندر:والله الحين عندي مواعيد ما يمدي قول لِي ع الجوال
عبدالله بتوتر:أنا طالِب القُرب منكُم والهقوى م تردني
بندر وقف بصدمه وضحك بإستغراب:إن كان في الأمر خير إن شاء الله بس مِين اللي قصدتها بهقواك!
عبدالله ابتسم بروقان:أختك الكبيره
بندر تغيرت ملامحه وهو عارف ولاء ومُستحيل يصير هالشي وبينصدم فيها:إن شاء الله بكلم الأهل وأرد لك خبر
عبدالله:كويس يلا بروح اخلص شغلي مع السلامه
بندر:مع السلامه وقفل الخط وهو ينزل الجوال ومبتسم عبدالله ونعم فيه لكن ولاء مُستحيل تسوي هالشي غير تصرفاتها اللي مُستحيل عبدالله يتحملها أخذ نفس عميق وهو يروح ليشوف ياسمين إذا صحت ولاء
.
.
فوز كانت بتدخل غرفة نِيهال لكن سمعت صوت جرس الباب وتوجهت له وهي تفتحه وابتسمت من شافت عهد دخلت سلمت عليها وهم يدخلون بسرعه لداخِل
عهد وهي تطالع بفوز:نِيهال بغرفتها؟
فوز:ايوا
عهد ابتسمت:يلا تعالي نسوي أكشن عندها
فوز ضحكت وهي تبي تغير مُودها :يلا مشينا
عهد فتحت الباب بخفيف وكانت جالسه والباب خلفها اقتربت منها بخفيف وحطت يدها ع عيونها
نِيهال فزت بخوف وحطت يدها ع يد عهد وهي تتحسسها
عهد وهي تضخم صوتها بإستهبال:سلم نفسك انتا محاصر
ابتسمت نِيهال بسرعه وعيونها لمعت بفرحه من عرفتها وقامت بسرعه وهي تروح لها وتحضنها بقوووه
عهد ضحكت:يا حبيبي اللي وحشتني موت
نِيهال:وحشتيني أكثر وين كنتي؟ليش اختفيتي؟
عهد بضحكه:ابعدي عني ونجلس وأقولك
فوز ابتسمت وهي تروح تجهز القهوه بالصاله
وعهد ونِيهال طلعوا يجلسون بالصاله وما كان بالبيت أحد أبو رائد وأم رائد طالعين مع بعض
عهد ابتسمت:كيفك؟وكيف القطوه الصغيره؟
نِيهال ابتسمت:تمام الحمدلله
عهد أخذت نفس عميق:تدرين شصار قالت لك فوز؟
نِيهال:تو قابلتها لما دخلت معِك لأن أمس نمت بدري ليش؟
فوز تقدمت وهي تمد لهُم القهوه وتجلس
عهد وهي تطالعهُم:بعد بُكرا ملكتي وزواجي
نِيهال شهقت بصدمه:تمزحين؟
عهد ميلت فمها وهي على وشك تبكي:لا للأسف
نِيهال وبسرعه نزلت دموعها
فوز : نِيهال ياختي لا تبكين وبعدين بتتزوج ما بيصير فيها شي
وقامت وهي تجلس بجنبها وتحاول تهديها عهد قامت بجنبها للجهه الثانيه وهي ماسكه نفسها:صح م بتركك ماعليك
نِيهال وهي تحاول تمسك نفسها وتمسح دموعها
عهد:نِيهال أخواني عرفوا تخيلي جلسوا شهرين وأكثر م كلموني ومستحقريني وطحت من عُيونهُم لدرجة عطوني للي خطبني لكن الحين تعدلت علاقتنا شوي بس مابي أتزوج بشخص بهالسرعه
نِيهال سكتت بصدمه من كُل هالأحداث:مين ذّا اللي خطبك!
عهد:مدري هو تشابُه والا آيش بس إسمه إياد محمد**
نِيهال وهي تعرف إسمه كويس:تمزحين!!!!
عهد رفعت كتوفها بمعنى مدري
عهد وهي تحاول تغير جوها:اوهووو يا درامتي خلاص خلاص الوضِع إيزي يلا نطلع للمول بخلص أشيائي م فيه وقت
نِيهال وهي عارفه تهربها:يلا
فوز بمزح:يوه فديت اللي بتصير عروس ياناس
عهد ضحكت بخجل:خلاص لا تحرجيني يكفي منصور كُل م شافني سوا حركات
فوز ضحكت هي ونِيهال
نِيهال:تمام انتوا اسبقوني بستنى رائد أنا يقول مجهز مُفاجأه مدري شُو هي بس بستنى الله يستر
عهد ضحكت وهي تغمز لها:الله الله يا المُفاجات
فوز وهي تكمل طقطقه:قلتي رائد ومُفاجأه!
نِيهال ضحكت:جليلات أدب وربي وقامت بتهرُب:يلا يلا روحوا بسرعه لا تضيعون الوقت ...
فوز ضحكت:ايوا ماعليك بنفضي لك الجو وقامت تجيب عبايتها وتتصل ع السواق
نِيهال:تتوقعين هو نفسه إياد
عهد بهمس مسموع:ياليت
نِيهال وهي سامعه شقالت ضحكت:اوفف شصاير من وراي؟
عهد بإحراج:م صار شي الله الله!
نِيهال ضحكت وهي قافطتها:ايوا ايوا
فوز جت:يلا عهد السواق برا
عهد قامت وهي تاخذ شنطتها:يلا
نيهال ابتسمت:باي انتظروني عادد مو تتقهون قبلي
فوز:ماعليك قهوتين قبلك وبعدك وع حِساب العروس
عهد ضحكت:م تستحتين تعزمين نفسك
فوز:اقول احمدي ربك بروح معِك
عهد ضحكت وهي تطلع معها
أما نِيهال دخلت وهي ناويه تتجهز وتكشخ من زمان ما كشخت
.
.
عند ولاء...
كانت جالسه بجناحها وم طلعت ورجلها تهتز بتوتر وكلامه لسّى ببالها معقوله! معقوله صارت واضحه له بهالقد سكرت عيونها بقهر وضغطت ع يدها بقوووه وهي تحاول تطفي غصبها ..

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 107 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

عند بندر دخل الغرفه وهو ينزل التقرير اللي بيده و يقترب من ياسمين النائمه ويبوس رأسها ويجلس بجانبها وهو ماسك يدها:ياسمين يلا يا يُبه اصحي تخيلي ان عمليتك نجحت
ولمعت عيونه بفرحه ويحس هالدنيا كُلها ما هي قادره تشيله من الفرحه:وفيت بوعدي ياخوك وفيت فيه و بخليك تمشين ع رجولك وبتكملين دراسه يا بهجة الدنيا
ياسمين وهي سامعه كُل اللي حولها بس تحس بتعب مُو قادره تفتح عيونها وريقها نشاف جِداً نزلت دمعتها اللي عبرت عن اللي فيها
بندر وهو يبوس يدها من جديد ورفع رأسه لوجهها وانتبه لدمعتها اللي نزلت بفرحه:صحيتي؟اي والله صحيتي ياسمين تكفين عطيني اشاره حركي اصبع رجلك
ياسمين وهي لسّى مقفله عيونها ودمُوعها تنزل بتعب وفرحه من الكلام اللي سمعته
بندر وهو يرفع الغطاء عن رجولها وياخذ قلمه والتقرير ويراقبها بحماس ويده ترجف ومو قادر يكتب شي
ياسمين وهي تحاول تحرك اصبع رجلها وبعد ثواني من محاولتها رفعت شوي لكن سرعان ما سقطت
بندر ابتسم بفرحه ومسح دمعته اللي ع طرف رمشه بفرحه واقترب منها بحماس:نجحت ١٠٠٪؜ وربي نجحتتت سكت بتوتر وهو م يدري شيسوي والفرحه حاكمته
ياسمين فتحت عيونها وهي تطالع حولها وتحس نفسها بحِلم وهي تحاول تنطق لكن م قدرت رفعت يدها وهي تأشر ع حلقها وسرعان م فهم وهو يجيب لها مويا ويساعدها تشرب
ياسمين بعد م انتهت وبلّت ريقها:حِلم؟
بندر ضحك:لا وربِك حقيقه حقيقه بترجعين تمشين
ياسمين ضحكت بفرحه وبكت من فرحتها
بندر:لا لا بس دراما خلاص تعبتني الدموع ذِي لا عاد أشوفها
ياسمين وهي تمسح دموعها ضحكت:إن شاء الله وين أبوي وأمي؟ وابتسمت:وتغريد؟
بندر:قبل شوي اتصلوا علي وقالوا بالطريق تغريد مدري
ياسمين ابتسمت
ولفت ع ولاء اللي دخلت وبيدها ورد من اللي تحبه ياسمين وبكيس أشياء جابتها لها
ولاء ابتسمت رُغم اللي بداخلها من شافت ياسمين صحت نزلت اللي بيدها وهي تجي لعند راسها بتوتر وم تدري شتسوي: الحمدلله ع السلامه ...
ياسمين مسكت يدها وهي تشدها لها
ولاء اقتربت بتوتر وحضنتها وهي تسلم عليها
ياسمين بهمس مُتعب وبشهقه:بمشي يا ولاء بمشي
ولاء سكرت عيونها وهي مستصعبه نبرتها:إن شاء الله يعي..وأصّرت ع نفسها:ياعيوني
ولاء ابتعدت عنها وهي تمسح دموعها:خلاص بسّك بكي أمورك الحمدلله تمام احمدي الله
ياسمين ابتسمت ع تغيرها معها ولاحظته:إن شاء الله
أم ولاء وأبو بندر دخلوا بسرعه وحماس من أرسل لهُم بندر إنها صحت
أم ولاء جت لعندها وهي تضمها بقوه وتبكي: الحمدلله ع سلامتك يا نظر عيني طهور إن شاء الله طهور
ولاء طالعت فيهُم وطلعت مسحبه من بينهُم وبين مشاعرهُم العائليه اللي تخنقها .
.
.
عند تغريد كانت تنتظر عند باب الجناح لما يطلع بندر بتدخل ومنحرجه تدخل وهو فيه
.

عند عهد وفوز دخلت محل مجوهرات وابتسمت من شافت عقد حُلوو وناعِم تقدمت وهي تأشر عليه:شرايك فيه؟
فوز بإعجاب:يموت ويصلح بيوم الزواج حتى مرا يجنن وفخم وناعِم ومدري كيف خذِيه بسرعه وبدون تفكير
عهد ضحكت:وصل وصل التعبير
فوز ضحكت ع تعبيرها ..

تسريع الأحداث...
بعد ثلاث ساعات خلصوا نص الأشياء وجلسوا بتعب
عهد:اوفف وين نِيهال تأخرت
فوز:مدري والله
عهد:بتصل عليها بشوف
فود:يلا
.
.
عند نِيهال كانت جالسه بغرفتها وتنتظره بحماس وتفكر ايش مُمكن تكون هالمُفاجآه
سكتت من سمعت صوت الباب اللي انفتح قامت وقلبها ينبض تحس فيه شي غير .....
تقدمت وهي تفتح باب غرفتها وتجمدت من سمعت صوت البيبي اللي يبكي وقفت لدقيقه وهي تحاول تستوعب شي لكن عقلها عاجِز عن التفكير بهاللحظه فتحت الباب بسرعه وطلعت وهي تشوفه واقف وبين يدينه بيبي وإبتسامته على شفايفه
نِيهال برجفه وضحت ع أطراف جسمها وعيونها لمعت وبتأتأه طغت من كثر الفرحه:بنتي!؟
رائد ضحك ع فرحتها
نِيهال وهي بمكانها وتحس بتموت:جاوبني
رائد:حياة يا نِيهال حياة
نِيهال حطت يدها ع فمها وبكت بقوه وصوتها يرجف:رائد تكفى مُو مقلب صح!
رائد وهو ماسك نفسه بفرحه وتقدم منها وهو ينزل لها وبيده بنته ”حياة“:نِيهال يا بابا خلاص شوفي بنتك قدامِك ومثل الحُلووه بكامل صحتها
ومسك يد بنته الصغير وقربها من وجه نِيهال المنهاره تماماً
نِيهال رفعت عيونها المحمره بتشوف هي حقيقه ! هو صدق
طالعت بوجهها ويدها وخذتها وهي تضمها لصدرها بقوه
رائد ضحك بتلطيف للجو:وأخيراً وأخيراً شفت هالإبتسامه الحُلوه مطولة الغيبات ..

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 108 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

نِيهال ضحكت وسط بكاؤها وتكلمت برجفه:تدري إنك عطيتني الدنيا كُلها اليوم وبتبقى هالمفاجآه أحلا شي بحياتي بعد صُدفتك
رائد ضحك:كنت أنتظرك تقولينها قبلي علشان أعرف أتصرف معِك
نِيهال ضحكت وهي تطالع فيها:وه ثوووف ثوف يدها صغيره
رائد ضحك:قلبتي بزر من الحين خير سوينا والله
نِيهال خزته بضحكه وهي تطالع ببنتها وتنطق إسمها بإعجاب:حياة! حييياة!....
رائد وهو يتكلم بإبتسامه:سميتُها حياة لأنها فِعلاً أصبحت حياة وعاشت بعد موتٍ أسميتُها حياة ومقصدِي فيه حياةً كريمه بعد عودتها للحياه..
نِيهال ابتسمت ودموعها نزلت من اختلاط المشاعِر رائد مُش زوج فقط رائد حياتها وروحها اللي لو ابتعدت عنها صارت بلا ثَمن أبد
اقتربت منه وهي تاخذ يده بيدها اليسرى واليمنى ماسكه بنتها وباستها بقوه:عسى ضِحكتك دايمه لِي لآخر العُمر وعسى فرحتي فيك م تنفقد وعسانِي م أنحرم من هالعايله الحُلوه
رائد ابتسم بفرحه:آمين ولا يحرمني منك
.
.
عند عهد..
عهد بخوف ونزلت جوالها:ما ترد يا الله !!
فوز وبدأت تقلق:اصبري بدق ع رائد
عهد:يلا بلييز .
.
.
عند رائد..
كانوا جالسين بالصاله وينتظرون أبو رائد وأم رائد..
نِيهال وهي تبوسها كثير:هفف ياخِي كيف الواحِد يشبع من هالوجه الحُلو
رائد ضحك وهو متأملهُم وبداخله يردد:اللهُم لك الحمد اللهُم لك الحمد
قاطع تأمله صوت جواله ورد ع فوز بروقان:فاتك عُمرك صدقيني اذا بتلحقين تعالي الحين
فوز بخوف:نِيهال فيها شي؟
رائد ضحك:لا بس تعالي بسرعه
فوز:الحين أنا مع عهد ننتظرها من أول
رائد:تعالي انتي وياها بسرعه بسرعه ولا بيفوتكُم
وقفل الخط وهو يضحك
نِيهال بضحكه:مساكين سحبت عليهُم
رائد:أنا بدخل أرتاح شوي علشان تاخذون راحتكُم لا أوصيك خبي هالقطوه قبل يجون أبوي وأمي خل نسوي مفاجآه وحركات واقترب منها وهو يقرص خدوها ويبوس بنته”حياة“
نِيهال ابتسمت:من عُيوني
رائد إبتسم ودخل ....

.
عند ياسمين....
كانت جالسه مع أمها وتغريد وتسولف وتضحك
أم ياسمين قامت:بروح أكلم أبوك برا وبجيكُم
ياسمين ابتسمت:تمام
وطلعت
تغريد ابتسمت بفرح وهي تتنهد براحه:يا الله تدرين شكثر خوفتينا وربي كثير كنت أنتظرك وقلبي كأنه مقابل غ
وسكتت بسرعه وبترقيع:خوفتينا مرا وربي بس الحمدلله طلعتي
ياسمين ضحكتت:كأنه مقابل مِين؟
تغريد بتهرُب:م قلت كِذا اذنك سمعت غلط حبيبتي
ياسمين ضحكت:علي؟ دوري غيري م تمشي أعرفك مهما بعدّنا عن بعض أعرفك صدقيني وراك شي بس اصبري تروح امي للبيت وإخذ كُل شي منك
تغريد ضحكت:الله الله م عندي شي أنا
ياسمين ضحكت وهي عارفتها:ايوا صدقتك
تغريد وهي تشوف جوالها يدق قامت بتوتر
ياسمين ضحكت:م عندك شي قلتيلي
تغريد بتوتر:ياسمين ابلعي لسانك م عندي شي هفف
ياسمين ضحكت
تغريد:برد بسرعه وبجيك
ياسمين:تمام وتجين تقولين لِي
تغريد بسرعه وهي تطلع:إن شاء الله .
.
ردّت ع الجوال :نعم؟
غيث:كلمتك أمك بالموضُوع؟
تغريد:أي موضوع؟
غيث ابتسم:خطبتك وبتصيرين حرم غيث عاجِلاً أم آجلاً
تغريد ونبضات قلبها تسارعت:ايوا خليك واثِق هيك وبعدها تطيح ع وجهك قلت لك م أتزوج واحِد تردد في إختياري ولا أبني سعادتي ع تعاسة نُورا
غيث:نُورا اليوم طلبت الطلاق ووصلتها ورقتها أما عن تردُدي أنا م أتردد بالشي اللي أحبه
تغريد ويدها رجفت وقلبها زاد بنبضاته قالي شي أحبه يعني يحبها!! تغريد بتفكير م قاله مُباشر لا تعلقين أحلامِك:مع السلامه يا ليت م تدق مره ثانيه مُش من محارمِك أنا ولا أجوز لك وم أرضاها ع نفسي....
غيث ابتسم ع كلامها وكبرت بعيونه وزاد إعجابه فيها
وسكر الخط وطلع من مكتبه وهو يدخل عند هيا وشافها تشغتل اقترب منها وهو ينزل القلم والأوراق من يدها ويمسك يدها:مُمكن يا حضرة الأميره تعطيني من وقتك شوي وأسرقك ونطلع نتغدى مع بعض؟
هيا ضحكت:مُمكن مُمكن
غيث ضحكك:يلا
هيا خذت شنطتها وهي تمسك يده وتطلع معه
.
.
عند فوز دخلت البيت هي وعهد..
وانتبهوا لنِيهال اللي جالسه وبيدها جسم صغير
فوز وبسرعه فهمت صرخت بقوووه:يماااااامي
نِيهال فزت بخوف:الله لا ياخذك ليش تصرخين
فوز وهي بسرعه تجي واخذت حياة وتبوسها بقووه:يُممه كيوت م توقعتها كِذا ولفت ع عهد الي تطالع بصدمه وعقلها قفل:مِين ذِي بِسم الله؟
نِيهال ضحكت:بنتي حياة
عهد اقتربت وهي تطالع فيها:ياويلي تجنن ماشاءالله طالعه علي
فوز وهي تخزها:طالعه ع عمتها مُو عليك
عهد وهي تحاول تاخذها منها:اصص طالعه ع خالتها
نِيهال ضحكت:بنتي بتروح بينكُم
عهد بحماس:هذي المفاجأه؟
نِيهال بفرحه وابتسامه:ايوا أحلا مفاجأه وربي
فوز وهي تجلس وتطالع فيها ومسكت يدها:ياربي صغيره ذِي قطوه
نِيهال ضحكت:بيبي طبيعي
عهد وهي تاخذها من فوز:بعدي بعدي
وطالعت فيها وباستها ع خدها:وه ينااس تدنن
.
🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 109 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

تسريع الأحداث***
بعد مرور يومين...
مرّت هاليومين تحت تحسُن ياسمين وتفكير تغريد المُفرط بعد م قالوا لها بأن غيث خطبها وتحت فرحة عايلة رائد بحياة اللي شايلينها ع كفوف الغيم وسعادة صالح ومارِيا بحياة الصغيره وانه صار خال مسعده بزياده وتحت توتر عهد وتجهيزات فوز ونِيهال معها
وولاء اللي مُش قادره تختار ...
وعبدالله المروق ومريح أعصابه اللي براسه بيصير
وسند اللي يحاول يخلص أوراقه ليرجع لحياته ويقُر عينه
وبندر اللي حاس نفسه مُنجز لشي كبير وهي سعادة أخته .
.
.
عند عهد كانت صاحيه وتنتظر نِيهال وفوز يجون وحدّها متوتره
دخل عليها سعد:صباح الخير يا عروسه
عهد ابتسمت:صباح النُور
سعد:بتروحين للمشغل أوصلك والا بتجيك؟
عهد:لا بتجي بالشاليه اللي حجزناه بعد شوي البنات بيمروني وبروح معهُم
سعد:كويس
وجلس بإبتسامه:تدرين إنا مهما صار بيننا خِلافات ومشاكِل بتبقين أختي اللي أخاف عليها وما أسمح لأحد يتعدى عليها واللي يضايقك يضايقني واللي يسعدك يسعدني تأكدي لو ضاقت فيك الدنيا بتلاقين بوجه من يضايقك وبتلاقين منصُور كمان معِي الله يوفقك ويسعدك وأنا أخوك
عهد وهي ماسكه دموعها:آمين ياقلبي
.

عند غيث...
كان جالس ع مكتبه..
شاف الإتصال وكان بإسم ”أبو تغريد“
رد بحماس:هلا والله
أبو تغريد:سلام عليكُم
غيث:وعليكُم السلام كيف حالك يا عّم؟
أبو تغريد ابتسم وهو بجانب أم تغريد وتغريد مُقابله له وملامحها جامده:تمام الحمدلله وانتي كيفك؟وكيف شغلك ؟
غيث: الحمدلله غاطسين بقضايانا عسى الله يعين
أبو تغريد:آمين آمين اتصلت عليك علشان أعطيك ردنا
وطالع بتغريد وابتسم وهُو راضِي عن اللي بيسويه وما بيلقى أحسن من هالشخص اللي دَافع عنها وبقلبه يقين بأنها بريئه وهُو ما يعرفها:موافقين عسّى التوفيق فالكُم
تغريد رفعت عيونها لأبوها بسرعه وقلبها من داخله يتراقص من الفرحه صحيح م كان ذَا ردّها لكن م تدري ليش فرحت وقلبها ينبض بهالشكل لكن ملامحها موضحه القهر
عند غيث قام وهو ضاغط ع يده وماسك نفسه لا يصرخ من الفرحه وتكلم بصوت مليئ حماس وفرحه:آمين يارب
أبو تغريد:الملكه الجُمعه إن شاء الله إذا يناسبكُم طبعاً
غيث بحماس وابتسامه:يناسبنا يناسبنا ع خير إن شاء الله يلا فمان الله
أبو تغريد ضحك بخفيف:فمان الكريم
غيث قفل الخط وهو ينزل جواله ويصفق بحماس وصرخ:يا الله
وبسرعه راح لأمه وهو يدخل بروقان والفرحه سابقته وغنى بروقان:قولوا لو قولوا لو ،قولوا لو الحقيقه قولوا لو بحبو بحبو من أول دقيقه
هيا نزلت نظارتها وهي تطالع فيه وتضحك:عسى هالضِحكه م تغيب شاركنا سببها يا حضرة الغيث
غيث ضحك وهو يجي ويجلس ع الطاوله مقابل لها:تو اتصل علي أبو تغريد وقال موافق و إن شاء الله الجُمعه الملكه طبعاً إذا يناسبك
هيا ابتسمت لفرحته:ياعيوني انت مبروك جعلها زواجة الدهر وما قالوا
غيث ضحك وبمزح:لا باقي الثالثه لا تدعي
هيا ضربته ع رجوله بخفيف:يا اللي م تستحي هذا وللحين م تمت الملكه تقول كِذا شكلي بكلم تغريد تكنسل ما تستاهلها أنت ووجهك
غيث ضحك بقوه:يا الله فديت المعصبه اللي صدقت أمزح معِك خلاص تغريد تكفيني
هيا ضحكت:نشُوف
غيث:يلا بروح أنا لمكتبي وبخلص شغلي بسرعه وبعدها نطلع مشوار يحبه آلبك يا سُت الكُل
هيا ضحكت:يلا يلا بس انت خلص انتبه لعقلك
وغمزت له:لا يروح تفكيره يمين يسار
غيث وهو يأشر ع عُيونه بضحكه ويمشي ع وراء:لك مُو من عُيوني من آلبي كمان
هيا ضحكت :انتبه انتبه للباب لا تشيله بسبب هالقلب اللي مَال بزياده
غيث ضحك وهو يعطيها بوسه بإستهبال ويطلع والسعاده والبهجه ملأت قلبه وكأنه ولأول مره يخطب و بيتملك .
.
.
عند عهد...
كانوا بالشاليه هي وفوز ونِيهال..
كانت عهد جالسه والهير ستايل تسوي شعرها هي وفوز وبعدهُم نِيهال
فوز بضحكه:الله الله يا قلبي يا روحي ع اللي كِبرت وصارت عروسه
عهد ضحكت وداخلها خايف و يرجف من مُستقبل مجهول وحياه مجهوله وزوج برضُوا مجهول يا تُرى هُو اللي ببالها ! ويا تُرى بيكون حنون عليها يا تُرى بيعوضها ولا بتصير حياتها جحيم!
بلعت ريقها بسرحان صحت منه ع صوت بُكاء حياة
قامت بعد ما خلصت الهير ستايل لشعرها ونِيهال جلست مكانها وسمعت صوت حياة وكانت بتقوم لكن وقفها صوت عهد:أنا أنا بشوفها خليك ..

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 110 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

وراحت لها وهي تشوفها ابتسمت على حجمها الصغير جِداً مسكت يدها الصغيره وشالتها وضمتها لصدرها
وهزتها وهي تحاول تهدي بُكاؤها وبعد ثواني بدأت تهدأ
نزلت دمعتها وهي تهمس بإذنها:الله يحفظك ولا يحدّك ع الحرام وع طريق لا حول لك ولا قوه فيه
تنهدت بضِيقه م تدري شسببها المفروض تكون سعيده اليوم يوم حِلم كُل بنت لكن خايفه خايفه جِداً تحس بفقد وفراااغ مكان الأُم اللي محد حَل مكانه
أخذت نفس عميق وهي تنزلها بعد ما نامت ومصاصتها بفمها غطتها كويس ومسحت دموعها وراح للآرتست لتقولها تعدل الميك آب شوي
نِيهال رفعت نظرها من سمعتها تكلمها وتقول عدلي
طالعت فيها:شفيك؟
فوز انتبهت لوجهها اللي واضح فيه إنها باكيه قامت لها بسرعه:شفيك تبكين عهد؟
عهد نزلت رأسها وهي تحاول تمسك دموعها:م فيني شي بس خايفه
نِيهال وهي تكلم الهير ستايل:معليش وقفي شوي وقامت لها وهي تمسك يدها:احنا معِك وبمقام خواتِك وصحباتك وأمك كمان لا تخافين وبرضُوا أخوانك موجودين
عهد سكتت وهي تبلع ريقها:إن شاء الله
ورفعت نظرها
فوز :اووففف يلا يا عروسه اضحكي بسرعه باقي ساعه ونُص ع بال م تلبسين وتجي المصوره والمعازيم يلا خلصي
عهد ابتسمت:إن شاء الله ولفت للآرتست:يلا
ونِيهال كذلك أما فوز خلصت وراحت تلبس ....

.
عند تغريد كانت جالسه بغرفتها وهي م تكلمت معهُم من كلم غيث راحت لغُرفتها بدون عِتاب لأبوها ولا شي
كانت تطالع بشُباكها اللي مفتوح والهواء متسلل للغرفه ويطير خصلات شعرها بلعت ريقها وهي تفكر يحبها والا بس أعجاب ويزول مع الوقت! يحبها قد حُبها له !
معقُوله هي سبب خراب بيت نُورا !!
إذا كِذا لا والله هذا اللي م ترضاه تبني سعادتها ع تعاسة غيرها أخذت جوالها بهدوء واتصلت وهي تحط الجوال ع اذنها وسُرعان ما جاءها ردّها:هلا؟
تغريد بدُون مُقدمات:سلام،أكيد م عرفتيني أنا تغريد اتصلت عليك وأبي أقولك إذا تبين ترجعين لغيث م بوقف بطريقك غيث كان زوجك من البِدايه قلبي ربي يداويه لكن مانِي راضيه إني أفرح ع حِسابك مهما صار أنا مُستحيل أكون كِذا
نُورا بثِقه تامه من قرارها:لا الله يوفقك معه وصدقيني غيث يستاهلك مُمكن علشانِي كنت أغار منك طلعت كلام بعقلي لكن إنتي أقوى مني بكثير وتستحقين السعاده غيث م يحبني وأنا مُو مع اللي أحبه أنا مع اللي يحبني وكرامتي فوق كُل شي الله يكتب لكُم السعاده ويعوضني خير
تغريد وحسّت براحه استوطنت قلبها:آمين مع السلامه
وقفلت الخط وهي تقوم للشُباك وتاخذ نفس عميق والإبتسامه مرتسمه ع شفايفها بشكل مُريح أخيراً هالرّاحه ابتسمت وهي تتذكر أول لِقاء لهُم بالسجن يا الله مرّت شهور طويله بهالسُرعه وصلت لهالنُقطه بفضل الله ثُم بفضله
.
.
تسريع الأحداث~...
عند عهد لبست فُستانها الأبيض وشرعتها ومسكت مسكتها وهي تمشي بمُساعدة نِيهال وفوز اللي وقفوا بنص الدرج الي م يطل ع الضُيوف ابتسمت وهي تاخذ نفس عميق ومسكت يدها:الله يوفقك ياروح نِيهال وأختها ابتسمي اليوم يومِك مهما صار بتلاقيني بجنبك دائماً
فوز قربت منها وهي تحضنها وماسكه دُموعها لا تبكي:اوففف بتتزوجين وتتركيني بس يلا الله يسعدك يابعد جبدي
عهد ضحكت وعيونها لمعت مُعلنه لنزول دُموعها
نِيهال :لا لا تكفين لا تخربين الميك آب
فوز ابتعدت عنها:خلاص إذا كِذا م بضمك بس لا تبكين
عهد ضحكت وهي ترفع عيونها بتهرُب من دُموعها
سمعوا صوت المُيوزك الخفيف اللي اشتغل بقاعة الشاليه والدرج اللي يتوسط القاعه و كُل الضُيوف توجهت أنظارهُم له منتظرين طلة العروسه
نِيهال وهي تطالع بعهد:يلا امشي بهدوء ولا تتوترين بننزل احنا من الدرج الثاني وطالعت بالمُوظفات
اللي مسؤولين عن فُستانها وكيف يرفعونه
وهي تأكد لهُم ينتبهون عهد لفت وهي تنزل رجلها وتنزل أول درجه وبيدها مسكتها اللي من الورد الطبيعي وألوانه م بين البِنك والأبيض وفُستانها اللي بسيط لكن قماشه فخم جِداً
نزلت لآخر درجه وهي مبتسمه وتطالع بالكاميرا اللي قدامها وتحاول م تطالع بهالناس الي م تعرف منهُم إلا
الجيران ويدها وجسمها اللي يرجفون بشكل قوي قوي ما هي قادره تسيطر ع نفسها
للحظه حسّت نفسها بتدوخ من زود الحياء والخوف هذا وهِي لسّى قدام الحريم
ابتسمت زياده وهي تخفي ربكتها
كانوا يطالعون فيها بإعجاب مشت بخطوات هاديه للكوشه وهي تجلس وكانوا الكُل متغطين ومستنين العريس اللي بيدخل...

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 111 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

عند فوز ونِيهال..
فوز:بروح فوق بجيب عبايتي وبجيك
نِيهال:تمام بسرعه
فوز:تمام
وراحت فوق ودخلت الغرفه وهي تدور عبايتها فتحت الدولاب وهي تاخذها لبستها و اخذت شنطتها التفتت و تجمدت مكانها من انتبهت للرجُل اللي واقف قدامها بصدمه مِين ذِي وكيف دخلت
فوز بعصبيه وهي تغطي وجهها بالطرحة وتتخبى بالدولاب:قلة أدب باقي شوي وتاكلني بنظراتك م تستحي وكيف تدخل شاليه مُو شاليهك وشاليه حريم ي اللي ما تستحي دقايق أتصل ع الشرطه يجون يشيلونك
ي الوقح ي المريض
سعد بضِحكه:أنا سعد أخو عهد
فوز عضت يدها بفشله وبتذكُر لما فتح لها الباب قبل:واذا اطلع برا بسرعه بطلع
سعد ضحك بصوت مُو مسموع وطلع وبباله شكلها م ينساه..
فوز طلعت وهي معرقه ومتفشله ونزلت تحت بسرعه قبل م يلاحظون غيابها
.
.
.
عند عهد بعد ١٠ دقايق من نزول فوز~... ارتجف قلبها من سمعت الخطوات اللي
صوتها ع الدرج نازله ضغطت ع مسكتها وهي حدّها متوتره رجف قلبها بخوف ودقاتها تسارعت
رفعت نظرها من سمعت صوتهُم
سعد وهو ماسك مايك:آهه آهههه الفرحه اللي أنا حاسسس بيها لا أنا قادر أقولها ولا أحكيها
منصُور:أختي حبيبتي وضي عيوني لعريسها بإيدي حوديها
سعد ومنصُور:من يوم م وعينا ع الدنيا م فارقناش بعضنا لو ثانيه
عهد قامت ودُموعها ع خدّها وقلبها بيطير آيش أحلا من هالمُفاجآه ويدها ترجف بس الحين م ترجف خوف ترجف فرحه فرحه وشُعور عجزت توصفه
كانوا ينزلون وهُم مكملين ونظرهُم ع عهد أختهُم القريبه والعزيزه ع قلوبهُم
سعد:آه واوعي تنسي إني أنا حُضنك سِرك أخوكِ
منصُور:سندك ظهرك واوعي تخافِي من أي حاققه وحقيبلك حقِك لو دايئك
سعد:واوعي تنسي إني أنا حُضنك سِرك أخوكِ سندِك ظهرك واوعي تخافي من أي حاقه
نِيهال وفوز وولاء طالعوا بعهد اللي فرحتها ملأت المكان ووضحت عليها ابتسمت:وه يعُمري هي الله يديم ضحكتها
ولاء:م تدري إني جايه صح؟
نِيهال:ايوا بتنصدم البنت صدقوني سُبرايزات وراء بعض قلبها م يتحمل
فوز ضحكت:بفقدها والله
نِيهال تنهدت وهي تحاول تتناسى هالشي
ولاء ابتسمت وهي عارفه إن إياد هُو العريس وقال لها من قبل يخطب حتى
سعد ومنصُور نزلوا وهُم يتقدمون لها
سعد اقترب منها وباس رأسها وهو يحضنها بقوه:عسى السعاده في حياتِك تباريك والحظ يضحك لك ع طُول دنياك يا بعد قلبي
عهد كانت عاجزه عن الكلام بس لمعة عُيونها تعبر ورجفة يدينها الي حاضنته بقوه برضُوا تعبر
منصُور بضحكه:بعد بعد بضمها قبل يجي زوجها النشبه
سعد ابتعد وهو يضحك
منصُور وهو فاتح يده ويقترب منه ويضمها:الله الله يا عهده كنا أمس نتهاوش ع الأكل واليوم أزفك
نزلت دمعته ع حُبه لأخته اللانِهائي مسحها من وراء ومحد منتبه لها والناس م تسمع أصواتهُم من صوت الميُوزك
سعد قفل الخط:يلا العريس بيدخل...

.
نِيهال دخلت من قالت لها فوز بأن رائد برا بالحديقه ينتظرها جت لعنده بإبتسامه تجذبه لها أكثر وكان شكلها يجنن ويجذب بشكل عجيب!
نِيهال ضحكت بخجل
رائد بحماس وبخقه وذوبان وضح بصوته:لك تؤبرني هالضحكه الحُلوه اللي يحبها قلبي من فين أبدأ تعالي تعالي نجلس بتأملك
نِيهال زاد خجلها:هف رائد خلاص بموت استحيت بدخل بسرعه قبل يدخل العريس
رائد:لسّى شوي وبعدها روحي أساساً إياد توني طالع من عنده جالس مع الرجال
نِيهال بضحكه؛بالبيت تتأملني يلا باي
وجت بتروح لكن مسك يدها وهو يقترب منها شوي:اقري أذكارك وبرضُوا البسي عبايتك الحين علشان مُمكن تصادفين اخوانها وإياد داخلين
نِيهال ابتسمت:من عُيوني،يلا سِيو ومشت وهي تعطيه بوسه بالهواء ودخلت بسرعه وهي تلبس عبايتها
.
.
عند ياسمين كانت بالمُستشفى وتغريد عندها
ياسمين بِضحكه:ياخِي اعترفي إنك تحبينه وعاجبك إن عمِي قال له إنك موافقه وانتي كنت رافضه
تغريد ضحكت:شدخلل!
ياسمين:من ضِحكتك واضِح م له دخل
تغريد بتهرُب:اص بس خلاص
ياسمين بِضحكه:حماس برقص بزواجِك إن شاء الله بس عاد حلوه بعد شهر ولا حضرة الغيث مستعجل وغمزت لها
تغريد قرصتها وهي منحرجه:هففف ياسمين خلاص وبعدين اسمه غيث مُو الغيث...
ياسمين ضحكت بقوه:يا الله تضحكين قولي إنك ما تبين أحد يقوله الغيث غيرك
تغريد خزتها:الله الله شدخل ما قلت كِذا بس يعني شسمه م..مابي هذا..
ياسمين :وصلت وصلت ماعليك المُهم متى ناويه تتجهزين للملكه
تغريد بإدعاء اللااهتمام:م نويت
ياسمين وهي تضربها بخفيف:بلا هبل ومكابر خلاص عرفنا تحبينه وغصب كمان ..

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 112 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

تغريد ضحكت:عندي ملابس كثيرة شريتها لما طلعت طفرت بأب.. وسكتت وابتسامتها اختفت:بيوسف
ياسمين انتبهت لضيقة خِلقها وانقلاب مزاجها السريع مسكت يدها وهي تحضنها بين يدينها:تغريد اللي صار صار سامحيهُم
تغريد بغصّه:مقدر كُل ما بكلمهُم يجيني ضِيقه وأتذكر ذِيك الأيّام أحس بغصّه بتوقف قلبي وأتراجه ياسمين تخليهُم عني أهلكني م تدرين إنتي! م تدرين إن دخلت بإكتئاب بسببهُم والحين؟والحين صرت حتى م أحب أطلع لناس معرفهُم أحس حتكون النِهايه جرح لِي وبس
ياسمين بضِيقه عليها:ياقلبي انتي حاولي ترا أمك وأبوك اليوم موجُودين وبُكرا لا ! وبعدين انتي قلتي إنهُم ندمانين ويبون رِضاك بأي طريقه خلاص حاولي فكري فيها أمك وأبوك ذولي مُو أي أحد تخيلي بس الحياه بدُونهُم مهما سوو خليهُم بقلبك أحسن ما يكُون وانتي عارفه أمي وأفعالها بولاء بس ساكته ولسّى أحبها و أدعي لها ربي يهديها
تغريد مسحت دموعها:إن شاء الله
وبتهرُب من الموضُوع:يلا نامِي ارتاحي وأنا بجلس هنا لبُكرا يعني م بهرب ماعليك
ياسمين وهي تشدها لتحضنها وحضنتها بقوه:هُو أنا أتركك؟م أتركك إن شاء الله للممات
تغريد ضربتها ع ظهرها:ولا كلمه اي ممات استغفرالله بِسم الله عليك يومي قبلك إن شاء الله
ياسمين ضحكت واستوعبت:اقول انتي اللي ولا كلمه بِسم الله عليك إن شاء الله أنا قبلك
تغريد:مالك دخل وابتعدت عنها
وطالعوا بعض بخز وضحكوا بقوه
تغريد:يا الله تضحكيني حتى وأنا يعني معصبه
ياسمين بثِقه وضِحكه:فديتني الله يحفظني لك...
تغريد:يليل ثِقتك م تفصل
ياسمين ضحكتت:ايوا
.
.
بعد م راحوا المعازيم..
اقتربت ولاء وهي عبايتها عليها علشان لو دخلوا الرجال عند عهد اقتربت من عهد وسلمت عليها
ولاء بإبتسامه:الله يوفقك
عهد وهي مبسوطه انها جت:حبيبتي وياك يارب
وطالعت في شكلها بإبتسامه
.
.
تسريع الأحداث~..
طلعوا المعاريس من القاعه
عند عهد وإياد كانت طُول وقت الزفه منزله نظرها ولا نظرها بالكام فقط
رجفة يدها م زالت مستمره أما نِيهال وفوز وولاء كانوا ساكتين لما طلعت وم قالوا لها إنه إياد م غيره ينتظرون صدمتها بالمُكالمه
بالفُندق عند المعاريس...
نزلت عبايتها وطرحتها”شيلتها“ ونقابها وهي تطالع بالمرايه أخذت نفس عميق وهي تحاول تبتسم:هفف ي عهد اضحكي الحياه حُلوه شفي...
قاطعها دخول إياد اللي كان واقِف من بداية كلامها ضحكك بقوه :شفيك انتي انجنيتي
عهد قفلت عيونها بإحراج ولفت بسرعه من عرفت نبرة صوته وطالعت بوجهه وشهقت بقووه:ياويلي
إياد بخوف من شهقتها تقدم عندها بسرعه:شفيك؟ فيك شي؟
عهد حسّت على نفسها وضحكت بقوه وم قدرت تسيطر ع نفسها
إياد كان يطالعها بإستغراب وبعد ثواني ضحك من ضحكها
عهد وهي تحاول تمسك نفسها:خلاص اوڤرررت ورجعت تضحك بقووه وبعد ثواني سكتت وطالعت فيه
وهو يضحك:شفيك تضحك انت بعد؟
إياد بضحكه:والله تضحكين انتي وشكلك خلاص من اليوم اسمك العروسه المجنونه
عهد نزلت عيونها بخجل وهي تكلم بنفسها بهمس:الله يفشلني توني أستحي
إياد ضحك على هبالها وأخذ نفس عميق:يلا بدلي ياحُبي وتعالي نتعشى
عهد سكتت بإحراج وخدودها تلونت باللون الأحمر من قال ياحُبي
إياد طالع فيها بتأمُل لدقايق وهالشي وترها أكثر
ابتسم ع جمالها وطلع من حس ع نفسه
جلس بالصاله ع الكنبه وابتسم بسعاده:حُلو حُلو مجنونه هالبنت م غلطت والله
وجلس ينتظر خروجها....

.
عند نُورا كانت تجهز ملابس دوامها ”مُمرضه“ وهي كانت ماخذه إجازه ٦ شهور راح منها ٥ شهور وقطعتها
وهي تبي تكسر الروتين وتملأ حياتها وتشغل نفسها لتنساه ابتسمت وهي تطالع نفسها بالمرايه برِضا عنها
أخذت جوالها وهي تقوم لسريرها لتنام وراها شغل ودوام من الصباح
.
.
عند علياء اللي من زمن ما شفنا مُستجدات حياتها
لكن بالحقيقه م فيه مُستجدات غير شي واحِد علياء م هِي علياء الأولى الندم محرق قلبها بدايةً ندمها ع أختها اللي خسرتها ونِهايةً ندمها ع زوجها اللي خسرته
سكرت المُصحف وهي تردد دُعاء واحِد من شهر:ربِي أصلح لِي أمري كُله ربِي ارضني وارضى عني
قامت وهي تلف سجادتها ولفت ع دخُول صالح اللي لاحظ هدوئها بالبيت وقلبه م طاوعه أكثر لها فقده
ولها وحشه لها حُب بقلبه م يتغير مهما سوت
طالع فيها بنظرات عِتاب وكأنه يقول:هل يجوز الصفح عمّن يُذنب؟
علياء نزلت نظرها والدمعه برمشها وتحس كلمه أكثر بتنهار
صالح تقدم بخطوات هاديه لما وصل عندها وصار مُقابل لها :ارفعي راسك وجاوبيني حطي عينك بعيني وجاوبيني احترت وخالقِك أسامحك ع كُل ذَا !
علياء ضغطت ع يدها وهي تكتم شهقاتها ودموعها خذت مسراها

صالح:طالعيني أقولك!
علياء بقت ع حالها
صالح مسك فكّها بقوه ورفع وجهها له وصارت عيونه بعيونها طالع بصدمه وهو لأول مره يشوف علياء ضعيفه دائماً كانت قدامه ذاك الجبل اللي مهما حلّت عليه عواصف ثابت
علياء سكرت عيونها وخانتها شهقتها اللي حاولت وحاولت تكتمها لكن للأسف صالح م تحمل وشدّها لصدره بقوه....

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 113 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

صالح ما تحمل وشدّها لصدره بقوه
علياء نزلت دموعها بشكل سريع سريع دُموع م توقعتها بيوم تنزل بهالقد وبهالصِدق وبهالألم كانت بين بُكائها وشهقاتها المُتعبه
صالح تضايق من ضِيقتها م يقدر يتحمل يشوف دُموعها
علياء تشجعت تتكلم:تبي الصِدق م سويت شي يخليني أستاهلك وبشهقه:لكن أصدق شي سويته بحياتِي حُبك انت و ابوي عُمرك م سويت شي يضايقني بس أنا الغلط صدقني وم أستحق تسامحني لأني م أستاهل كُل هالحنيّه
صالح بلع ريقه من كلامها:آهخ لو تدرين بمكانتك اللي سويتيه تعبني وصدمني فيك للأسف
وابتعد عنها:هزيتي صُورتك بعيوني وكثير
وطلع وتركها
علياء جلست وهي تغطي وجهها بيدها وتبكي من قلب وشهقاتها صوتها تعدى باب الغُرفه رفعت عيونها
لفوق وهي تناجيه بصِدق:ربي أنت أعلم بحالِي فأصلحه ربِي ارضى عني وأرضني ”كرروا هالدُعاء بعد كُل صلاه له أثر جِداً جميل“
.
.
صباح يوم جديد..
وقفت بسيارتها عند باب البيت وكان بندر متصل عليها ونشب لها لما وافقت تجي تفطر معهُم وقال يبيها بموضُوع
دخلت البيت بعد ما فتحت لها الخدامه دخلت الصاله وعليها عبايتها وحجابها:سلام وجلست ع الطاوله
أم ولاء:مُو كنتي م بتدخلين هالبيت شجابك الحين!
ولاء:إسألي ولدك شجابني ولو علي ما دخلته أبد بس علشان أخواني ورفعت نظرها وهي تطالع فيها
بنظرات حادّه أجبرتها تنزل عيونها
بندر:خلاص تكفون مشاكلكُم ذِي حلوها بينكُم
وطالع بولاء بدُون مُقدمات:السالفه إن صاحبي عبدالله خطبك وأدري ما راح توافقين بس قلت أقولك و اليوم برد له بالرفض
ولاء طالعت فيه لثواني:موافقه قول له وبرضُوا لا تكلمني عن أي شي زواج مابِي حفله مابِي ملكه والسلام
وقامت وهي تاخذ شنطتها وطالعت بأمها:افرحي بتفتكين مني قريباً
بندر كان يطالع فيها لما غابت عن عينه ولف لأمه:بسم الله شفيها شصاير! لاحظتي !...
أم ولاء ميلت فمها:م يهمني أعرف خلها تتزوج تفكنا من أذاها ومصايبها وليته يعقلها ويفكنا
بندر طالع بأمه بقهر:تراها بنتك شفيك يُمه! كأنها عدوتك
أم ولاء بقسوه:م عندي بنت غير ياسمين ذِي م هِي بنتي
بندر نزل الملعقه بقوه وعصبيه وطلع وهُو مُو متحمل هالقسوه وهالدُعاء من أمه يموت ويعرف ايش سبب هالكُره كُله!
طلع لدوامه وضايق خِلقه حرفياً بس اللي يشفع لهاليوم إن ياسمين اليوم بتطلع من المُستشفى .
.
.
عند غيث بالمطعم...
هيا:نفطر وبعدها نشتري الشبكه وبعدها على الشركه لشغلك
غيث ميل فمه :يا هيون المفروض تعطين ولدك إجازه وتدلعينه ماش ماش
هيا ضحكت:أقول م عندي موظفين أدلعهُم شغلك تسويه يعني تسويه إن شاء الله بكرفك قبل تجي تغريد وتتدلع
غيث ضحك: بهرب صدقيني والسبب هالقضايا
هيا برفعة حاجب وتصغيرة عين:تهرب أجل عندي قضيتين بحطهُم لك إن شاء الله
غيث طالع فيها بصدمه:لا لا ي حضرة المُحاميه م اتفقنا كِذا ترانِي أمزح دُعابه دُعابه
هيا ضحكت:مالي دخل وبعدين إنت ولد هيا قد هالقضايا إن شاء الله
غيث:إن شاء الله قدّها افا عليك بس
هيا:كفُووو المُهم يلا يلا باكل لا تكلمني لما أملأ بطني
غيث ضحك:يقولون قلب الرجُل بطنه والله قلب المرأه بطنها احنا م ناكل كثير
هيا:والله تاكلون باقي شوي وتاكلونا بعد
غيث ضحك:الله الله !
هيا كلت ونزلت الملعقه وطالعت فيه بجديّه
غيث طالع فيها بضِحكه توتر وحس إنها بتكلمه بموضُوع جدي:شفيك بسم الله
هيا ابتسمت:بكلمك بسالفه
غيث بإنتظار:اللي هي؟
هيا:يا يُمه ما أشوفك تطلع مع أصحابك إلا مع هالعبدالله وقليل بعد اطلع وشوف حياتِك وإذا كنت خايف إني أحس بالوحده أنا بس إني أعرف إنك موجُود بهالدنيا معِي أحس عندي عايله كبيره وسند وظهر ثابِت
غيث وهو يطالع فيها:يا هيون ردينا ع نفس الموضُوع أنا م أحب تجمُعات الشباب واختلاطاتهُم وبالأصح شخصياتهُم م تعجبني غير عبدالله وتشوفيني أنشغل مقدر أقابله...
هيا طالعت بعيونه:لا تكذب علي يا غيث قول الصِدق م عرفتك تكذب علي
غيث تنهد وهو يطالع فيها:يُمه مابِي يكون لِي جليس غيرك مابِي أتعلم شي من غيرك وبالأصح من ذاك اليوم من ذاك الصديق مالِي صديق غيرك وانتهى وبلع رِيقه بضِيقه ونزل نظره للأكل ويتهرُب:يلا يلا ورانا تسوق
هيا سكتت بضِيقه ع غيث اللي تغير من هالناحيه وصار ماله أصحاب من ذَاك اليوم سكتت وهي م تدري كيف
بتبدأ تطلعه من هالشي..
.
🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 114 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

عند تغريد وياسمين...
صحوا مع بعض وأفطروا وجلسوا يشوفون فيلم مع بعض
ياسمين:هفف الفيلم كُله سماجه م عجبني غيريه
تغريد:من جد الله لا يفشلهُم فيه أحد ينزل فيلم كِذا خايس
ياسمين بضِحكه:ما شافوا أفلامنا اللي نسويها قبل تجنن
تغريد ضحكت من تذكرت:استاذه الحقي ياسمين تعباانه ودايخه
ياسمين ضحكت وبتقليد:شُو عم بتؤلي يا بنتي لك وينا؟
تغريد ضحكت:بالحمام دايخه تعبانه م تقدر تختبر اليوم استاذه مسكينه حتى راسها صدم بباب الحمام ”أكرم القارئ“
ياسمين وهي ميته ضِحك:يبعتلي حمى عليها لك امشي لنشوفها
تغريد وهي ماسكه بطنها:خلاص خلاص مقدر تكفين تمثيلك كان بطل كأنه صِدق ولا لما جت
شتقولين:آهخخ كيف بختبر الحين وتسوين نفسِك خايفه ع الإختبار م كأنك تمثلين ذَا كُله علشانك م ذاكرتي
الجُزئيه الصح
ياسمين ضحكت:بس يازينها والله صدقت وقالت الأسبوع الجاي أختبرك
تغريد بِضحكه:فديتني خليتها تصدقك والا انتي م عندك م عند جدي
ياسمين:ياشيخه؟ مِين اللي نزل دُموع كذبيه وخلاها ترحمني! انتي بس مثلتي تنادينها
تغريد:لا والله تمثيلك م عجبني أعطيك ٤ من ١٠
ياسمين خزتها:أحسن لا يعجبك
تغريد ضحكت:يُمه منها اللي تخز
ياسمين:ق..
قاطعهُم طق الباب ودخُول المُمرضه بتبدل المُغذي
ياسمين:دكتور بندر جاء؟...
المُمرضه: لا لسّى
ياسمين لفت لتغريد:مدري شفيه تأخر مرسل لِي حيجي ٧ الحين ٨
تغريد:مُمكن راحت عليه نومه انتظري
ياسمين سكتت وهي تطالع المُمرضه اللي تعقم يدها
.
.
عند عهد صحت من النوم قبل إياد وتحس نفسها مبسوطه جِداً وراضيه أتم الرِضا عن إياد وتحمد ربها طلع هو طلعت من الغرفه بعد م لبست لبس ناعِم وجففت شعرها وتركته ع نعومته الطبيعيه
أخذت جوالها واتصلت ع نِيهال بحماااس:صباح الخير
نِيهال ابتسمت من التمست بنبرتها الفرحه:وه دوم ياعيوني صباح النُور كيفك ي عروسه؟
عهد:تمام الحمدلله
وضحكت بإحراج:وربي تفشلت أمس تخيلي جلست أضحك كأني مجنونه وهُو مسكين مصدوم ويسلك لِي و يضحك معِي رحمته ولا شهقتي لما شفت وجهه انصدم وشك بنفسه
نِيهال ضحكت بقوه:مسكين بتخلينه يهرب بجنونك
عهد بضِحكه:شسوي انصدمت بغيت أموت
نِيهال ضحكت:بِسم الله عليك
عهد بإبتسامه:ايوا كيفك وكيف حياة فديتها وكيف فوز؟
نِيهال:امداك تشتاقين أمس شايفتنا
عهد ضحكت:شسوي عاد اشتقت والله
نِيهال:صدقتك
عهد وهي تسمع صوت:هي نِيهال بكلمك بعدين صحى إياد
نِيهال ضحكت:تمام انتبهي لنفسِك
عهد:إن شاء الله باي أحبكُم
نِيهال وهي مبسوطه لها:أكثررر
وقفلوا الخط...
.

عند عبدالله..
كان جالس ع مكتبه وماسك القلم بيده ويهزه بإنتظار
أخذ جواله بسرعه من سمع صوت رنينه ورد:هلا؟
سند ضحك:شكلك كنت منتظر شخص ثانِي
عبدالله والحماس كُله راح:كنت منتظر مُكالمه المُهم تذكر اللي قلتلك اعرف لِي وين عنوانه؟
سند:ايوا شفيه؟
عبدالله:أرسل لِي عنوانه الحين من جديد
سند:تمام اسمعني أبي منك خِدمه صاحبي طلال رجع قبلي وتعرف م عنده معارف هنا فـ خذه لفندق لما أوصل بعد ثلاث أيّام إن شاء الله
عبدالله:تم متى طيارته؟
سند: الحين كلمني يقول وصل
عبدالله أخذ مفاتيحه وطلع:يلا ١٠ دقايق واوصل إن شاء الله
سند:كفُو يلا سلام
وقفل الخط
.
.
عند هيا وغيث بمحل المُجوهرات...
أشر ع عقد باللون الأبيض والواضِح إنه ألماس له بريق مختلف عن كُل العقود الثانيه ابتسم وهُو يأشر عليه:شرايك فيه؟
هيا طالعت للجهه اللي يأشر عليه وبإعجاب:حُلوو حُلوو مرا خل ناخذه
غيث:يلا ونادى الموظف ليغلفه لهُم مع الدبله اللي اختاروها..
.
.
عند عبدالله دخل المطار وهو يدور عليه بعيونه ويعرف شكل طلال لف من حس بيد ع كتفه
وطالع بقووه وعيونه شوي وانقز من الصدمه وبسرعه حضنه:أخيييييييراً أخيررراً رجعت
سند وهو يضحك ع شكله:كيف المُفاجآه؟
عبدالله والفرحه واضحه عليه:ياخِي أحلا مُفاجآه قسم بالله
سند:شفيك م عرفتك لهدرجه تنتظر هالإتصال لدرجة رديت عليه بدُون م تشوف الخط بعد وم حسيت أعرفك تلقط الشي بسرعه شعندك وغمز له لا يكون تحب من وراي!
عبدالله ضحك وهو يمشي معه:ياشيخ بس كنت أنتظر اتصال بندر بخصُوص الخِطبه الي قلتلك عنها
سند وهو يطالع فيه بضحكه:اوووه شكلك حابها لدرجة منتظر الإجابه ع أحر من الجمر
عبدالله بضحكة تهرُب:شدخل امش امش الله يهديك
سند ضحك:مصيري بعرف ومشى معه ..

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 115 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

عند ولاء نزلت وهي تدخل المركز وتدخل مكتبه سكتت من شافته مُو موجُود تأففت بقهر ونرفز من حركاته
وايش اللي قاصده بهالشي جلست ع الكرسي وهي تنتظره ومتجاهله كلام العسكري اللي خلفها واتصل ع عبدالله ليبلغه
تسريع الأحداث بعد مرور ١٥ دقيقه~..
دخل وطالع فيها وابتسم:ماشاءالله منوره المكتب حضرتك أمري شبغيتي!
ولاء طالعت فيه بقرف:شقصدك بالي قلته لبندر
عبدالله ببراءه:شدعوه يُبه أبيك ع سنة الله ورسوله فيها شي !
ولاء وقفت وطالعت فيه برفعة حاجب وضربة الطاوله بيدها بقوه:لا تكذب علي وتلف وتدور اللي عندك قوله
عبدالله وهو يوقف وينحني ع الطاوله شوي وبنفس رفعة الحاجِب:م كذّبت اذا مُو مصدقه مشكلتك و صدقيني إذا م وافقتي بتخسرين هالشي المُهم اللي تعرفينه
ولاء أخذت نفس:ب...
قاطع حديثهُم الباب اللي انفتح عبدالله رفع عينه بصدمه وخوف من إنه يكون شخص بباله وزفر براحه من شافه العسكري
العسكري كان يطالع فيهُم بصدمه وصد بسرعه من نظرة عبدالله الي خوفته ودق التحيه:بنات الإستراحات اللي أمس انمسكوا حضرتك
عبدالله طالع بولاء الي رجعت جلست ببرود وخزّها ورجع نظره للعسكري:تمام ١٠ دقايق وبجيكُم
العسكري دق التحيه وهو يطلع
عبدالله صغر عيونه وهو يطالع فيها بتدقيق:ودي أعرف شي واحد بس شتستفيدين من ذَا كُله فلوس يا بوي طز بالفلوس بما انها بتخرب حياة ناس وحياتك انتي بذات لهدرجه أنا أنا أعطيك فلوس بس اتركي عنك تخريب عيال الناس حراام والله حرام خافي الله ياشيخه ويكون بعلمك ورفع إصبعه السبابه:اذا وقعتي ع العقد صدقيني بتكونين موقعه ع ورقة تغيير حياتِك ولا مُمكن أسمحلك تكملين بهالشي
وسكت وهو ينتظر ردة فعل بسيطه بس تقول له ايش مشاعرها لكن انخذل لما شافها قامت وأخذت شنطتها
ولفت عليه وبهدوء عكس الي داخلها من فيضانات من كلامه اللي مثل السم وترخيصه لها:فيه أشياء عقلك ما يستوعبها وضحكت بسخريه:مثل ما يقولون قضاء وقدر
وطلعت وهي تمشي باتجاه الباب ورفعت يدها
بدون م تلف:أتمنى بلِقائنا الثاني تعرف الأدب علشان م نتخاصم،سلام يا حضرة المُفتش وطلعت وهي تمشي
بخطوات شبه سريعه ويتكرر ببالها جُملته:حررررام والله حرررام خافي الله يشيخه
.
.
ياسمين رجعت لبيتهُم وتغريد كذلك ...
عند ياسمين كانت منسدحه بغرفتها ولازم ترتاح يومين كِذا وبعدها تبدأ علاج طبيعي..
دخل بندر عندها وابتسم من شافها:شعندك م نمتي
ياسمين ابتسمت:أحد قالك دجاجه أنام الساعه ٩
بندر ضحك:نام بكِير واصحى بكِير شوف الصحه كيف بتصير
ياسمين بضِحكه:بدأنا بكلام الأطباء
بندر ضحك:لا أنا الدكتور الوحيد اللي يسهر م فيه فايده فيني
ياسمين ضحكت: الحمدلله عارف نفسك
بندر وهو يضربها ع راسها بخفيف:م تستحين تسبيني أنا أسبني عادِي انتي لا حبيبي
ياسمين ضحكت:إن شاء الله بس لا تضرب
بندر بجديّه:م قلتلك
ياسمين طالعت فيه:شفيه؟
بندر:ولاء انخطبت
ياسمين بتنهيده:رفضت صح؟
بندر:لا
ياسمين طالعت فيه ورفعت حاجبها بصدمه:منجدك؟؟
بندر:والله حتى أنا مصدوم م توقعت أبد
ياسمين:حتى أنا،مين سعيد الحظ؟
بندر بضِحكه:لو قلتلك م تصدقين
ياسمين بحماس وفرحه لولاء:قوووول؟؟
بندر ضحك:عبدالله صاحبي
ياسمين صفرت بحماس:اوف ماشاءالله كفُو علشان يسوي يعننه شرطي وواسطات يابوي عليها
بندر ضحك:م ظنتي والله ولاء م تخاف أحد وعبدالله م عُمري شفته معصب
ياسمين ضحكت:فديتها اختي قويه حيلها فيه يستاهل
بندر ضحك:هاها أشوف بدت الغِيره منه
ياسمين وهي تخزه:حاصل لصاحبك اختي
بندر ضحك:يلا الله يوفقهُم إن شاء الله بُكرا برد له المواققه
ياسمين وهي تلعب بأصابعها بتوتر:ليش م كلمت أبوها؟
بندر بقهر:تعرفينه وتعرفين ولاء لو شافته والا لو عرفت إننا قايلين له ايش مُمكن تسوي
ياسمين تنهدت:صح اللي سووه مُو بسيط بس خلاص كِفايه تشتُت كِفايه
بندر تنهد بضِيقه:م سمعتي كلام أمك الصباح كلام مثل السِم سمعته ولاء
ياسمين:ولاء جت هنا؟؟...
بندر:ايوا قلت لها علشان كنت بكلمها عن الموضُوع م كانت بتجي أساساً بس أجبرتها وجت وم توقعتها تكلمها بهالطريقه
ياسمين تأففت:ياربي مدري متى تصلح علاقتهُم من وأنا صغيره وهُم وضعهُم كِذا استغفرالله بس
بندر ابتسم:ربك كريم يلا يلا نامي
وضحك بتلطيف للجو وهو يقوم:نام بكير واصحى بكير شوف الصحه كِيف بتصير
ياسمين ضحكت بخفيف:يلا تصبح ع خير
بندر:وانتي بخير وطلع وتركها
.
🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 116 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

صباح يوم جديد...
صحت من نومها بنشاط وهي تنزل من الدرج بسرعه وبيدها جوالها وتنقز والإبتسامه ملازمتها
دخلت غرفة الطعام واخذت نفس عميق وهي مبتسمه واقتربت منهُم وهي نوعاً ما تحس بغرابه لكن خلاص ما بقى كِثر م راح اقتربت منه وهي تبوس خدّه وراسه:صباح الخير
واقتربت من أمها وهي مبتسمه:صباح النُور والنُوير
أبو تغريد وأم تغريد كانوا يطالعون ببعض وشوي وقلبهُم يوقف من الصدمه طالعوا ببعض بإستغراب وضحكوا بخفه وطالعوا بتغريد اللي جلست وهي متوتره من اللي سوته ومدّت يدها وهي تاخذ توست ونظرها عليه فقط م تبي ترفعه لهُم:يلا افطروا تراني بمووووت جوووووع
أبو تغريد ابتسم وعيونه امتلأت دُموع:هذي حقيقه!!
ولف لأم تغريد وعقد حواجبه بخوف:يا خوفي أكون بحِلم
تغريد ثبتت مكانها وهي تسمع كلامه وأخذت نفس وهي تقوم وتطالع فيه ومسكت يده: تدري إني كنت أحبك أكثر من كُل شي وتدري إني كنت مهما تسوي فيني أرجع الصباح وأنا أضحك لك كنت أجيب الدرجات العاليه علشان خاطرك بس وابتسمت وهي ماسكه دُموعها بالغصب:كنت حتى لما أتعب ما أقولك بروح المُستشفى علشان م تعصب وأكرهك من هالشي كنت حتى م أطلب نفس علياء علشان م تردني وتعصب وأكرهك وحتى لما أجيك بشهادات الشُكر والتقدير وتضربني وتعصب علي أقول الشغل أتعبه بس علشان م أكرهك لما جاء ذَاك اليوم اللي تخليتوا عني فيه وضحكت بسُخريه بين دُموعها ورفعت كتوفها:طلعت الحقيقه إن ما فيه ولا سبب يخليني م أكرهك ولا سبب يا بابا ولا سبب تدري لما كنت بالسجن أكتب إنجازاتك بالشركه كان المفروض أكتب ذكرياتنا مع بعض بس م لقيت ولا ذِكرى حُلوه تنكتب فقلت خليني أحب نجاحك في الحقيقه كنت أدور أي سببب
وصرخت بغبنه:أي سبب يا أبو راكان بس علشان م أكرهك تدري ايش اكتشفت؟ إن م بكرهك أبد مهما سويت شوفني سنه ونُص انغبنت منك تمنيت أشوفك تمنيت يكون الغيث مُحاميك وانت مرسله بس الحقيقه مُره دائماً انت بوقتها م تحبني هذا الشي الوحيد اللي قدرت أفهمه
حطت يدها ع خدها وهي تمسح دموعها ولفت لأمها:وانتي كمان م كنتي تهتمين لأمري كِثر م كنتي تهتمين لعلياء كرهتيني من كُرهه للأسف اللي انتظرته لما صارت هالحادثه حُبكُم لا أكثر كنت أحاول وأحاول وأحاول أكون راكان وطالعت فيه:الولد اللي تمنيته
ومسحت دموعها بسرعه وهي تضحك:قلت لكُم لا تفتحون هالحفره بذات خوفكُم تنجرفون فيها خلوني كِذا أدور ع سبب يخليني أسامحكُم بشكل كامل وهذا اللي جالسه أسويه
ورجعت جلست وهي تتظاهر باللا مُبالاه لكن داخلها حرقة قلب م يعلم فيها غير الله أخذت التوست وهي تحاول تغصب نفسها عليه بعد م انسدت
أبو تغريد ضغط ع يدها وهو يطالع بصحنه ودموعه تنزل اوفف يا عُظم ندمه
تمنى الولد وجته البنيّه وآثاريها عن مية رجال
أخذ نفس عميق وهو واعد نفسه هو وزوجته يعوضونها عن ذَا كُله
أم تغريد مسحت دموعها اللي غرفت وجهها وصلت لها حليب وهي تمده لها وتحاول تعدل نبرة صوتها:بالعافيه
تغريد بابتسامة مُزيفه:يعافيك
وتكلمت:يلا افطروا باخذكُم معي لمكان حُلو بيعجبكُم
أبو تغريد بتلطيف للجو:انتي اشبعي من هالأكل اللي قدامك وخلصي بعدين نطلع م ظنتي تقومين قبل م تخلصين الطاوله كُلها
تغريد ضحكت:الله الله ما تبيني آكل ونزلت التوست م باكل خلاص
أبو تغريد وهو ياخذها ويدخلها بفمها وضحك:اكلي اكلي امزح معِك
تغريد وهي تاكل لأول مره من يده ولأول مره يضحك معها ويمزح ابتسمت وعيونها باقي شوي وتدمع
لكن خلاص الدُموع فات وقتها وراح العُمر عليها م فيه فايده منه هي من اليوم بتعيش حياتها بالشكل
اللي هي تبيه مُو اللي حولها يبونه
أم تغريد ابتسمت ع أشكالهُم وهي تحمد ربها ذاقت هالفرحه بس ناقصهُم علياء اللي لها فترة مختفيه بإتصالاتها عن أهلها.
.
.
عند علياء..
كانت بغرفة مارِيا وتمشط شعرها
مارِيا ببراءة الأطفال المعروفه:مامي
علياء ابتسمت:هلا حبيبتي؟
مارِيا:بابا زعلان؟
علياء أخذت نفس:لا ي ماما بس تعبان شوي
مارِيا لفت لها بعد م خلصت شعرها:تعبان! ياخد”ياخذ“ دواء!!...

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 117 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

علياء أخذت نفس:لا ي ماما بس تعبان شوي
مارِيا لفت لها بعد م خلصت شعرها:تعبان! ياخد”ياخذ“ دواء!!
علياء ابتسمت وهي تبوسها:إن شاء الله يلا قومي نفطر حبيبتي
ومسكت يدها وهي تقوم معها وتطلع لطاولة الطعام ووقفت من شافت صالح اللي جالس ينتظرهُم ابتسم من شافهُم وهو يقوم ويشيل مارِيا بإبتسامه:يا حبيبي الحُلوه والله وباس خدها
واقترب من علياء اللي مصنمه مكانها وهو يبوسها ع خدّها بتقصير للمسافات وحل للوضع:صباح الخير ياحُبي
علياء رجفت من اقترابه ومن باس خدّها وابتسمت بالتدريج:صبا.ح الن..ور
وجلست ع يمينه وبدؤا يفطرون بهدوء وصالح راضي عني اللي سواه.
.
.
عند عهد ودعت أخوانها ونِيهال وفوز وحياة
وركبوا طيارتهُم
وبعد ساعات~~
هبطت طيارتهُم على أراضي دُبي..
وأعلنت عن نزول الرُكاب
وطلعوا من المطار وهُم ماسكين يد بعض ويركبون السياره اللي منتظرتهُم
إياد:تبين نروح مطعم والا الفندق؟
عهد وهي حاطه يدها ع بطنها:لا مطعم بطني يوصوص من الجوع
إياد ضحك ع عفويتها:يلا من عُيوني كم عندي عهده
عهد ابتسمت بخجل:يديمهُم لِي ”كانوا ماخذين راحتهُم بالحكِي لأن السواق م يعرف عربي يتكلم إنجليزي “
عهد ابتسمت من تذكرت إن منصُور يناديها عهده تنهدت بشوق لهُم
إياد التفت لها:افا شفيك؟
عهد وهي تو تنتبه :ولا شي بس اشتقت لأخواني وللبنات
إياد ابتسم وهو يحضن يدها:كُلها أسبوعين والا أسبوع وراجعين لهُم إن شاء الله
عهد بإبتسامه:إن شاء الله ”مُلاحظه عهد مُنقبه وما كشفت“
.
.
في بيت عائلة أبو رائد..
كانوا مجتمعين بعد م أفطروا وأبو رائد ماسك حياة ويلعب معها وكُل البيت متجننين ع حياة ومحد قدّهُم
نِيهال ابتسمت وهي تطالع فوز:والله وطاح كرتك يا فوز
فوز بهدوء عكس عادتها:تستاهل بنت اخوي ونزلت نظرها وهي تشغل نفسها بالجوال
نِيهال طالعت برائد بمعنى شفيها
رائد رفع كتوفه بإستغراب وطالع بأمه وأبوه
نِيهال سكتت وبعد ثواني:كيف اختباراتك؟
فوز رفعت نظرها وضحكت بسُخريه وطالعت فيهُم:منجدكُم؟
وقامت:كويس للحين م تدرون،بروح أنام أنا ومشت لغرفتها وهي منغبنه منهُم ولا واحد فيهُم تذكر حتى أمها وأبوها
رائد شهق من استوعب:اختباراتها خلصت من لما نِيهال كانت بالمُستشفى وهي تتخرج هالترم شلون نسينا !
نِيهال عضت شفايفها من تذكرت:ياعُمري هي نسيناها
أبو رائد وتضايق من ضِيقة بنته حتى مبروك ولا الله يوفقك م سمعتها منهُم لأنهُم انشغلوا بنِيهال
أم رائد:ي حبيبة آلبي هي شُو بنعمل؟
رائد:نرقع الموضُوع ونسوي لها حفله ومُفاجآه
أبو رائد:تم أنا بروح أدور شاليه حُلو وبحجزه وعليكُم التجهيز معرف بذا الأمور
نِيهال:من عيوننا
أبو رائد ابتسم لها:يخليك لنا يابنيتي
نِيهال ابتسمت ورائد عاجبه تعامُل نِيهال مع أهله وكأنهُم أهلها ومُحترمتهُم جِداً وحنونه عليهُم ابتسم لها وهو يقوم ياخذ حياة من يد أبوه علشان تعب وهو ماسكها
.
.
عند نُورا..
رجعت البيت وهي تعبانه لكن مبسوطه انها انشغلت بشي وملأ وقتها دخلت وهي تتسبح سريع وتنام بتعب..
.
عند سعد كان منسدح بصالة بيتهُم ويده تحت راسه
وابتسم بتذُكر دقيق لكامل تفاصيله حس ع نفسه وهو يتعوذ من ابليس وبهمس:شفيك ي سعد تهوجس ببنت الناس وم ترضى بأحد يفكر بأختك مسح ع وجهها وهو يستغفر ربه يتعوذ من ابليس
قاطع تفكيره دخول منصُور اللي تأفف:ليتنا م زوجناها والله البيت صار فاضي
سعد ابتسم بحزن:اي والله كانت ضِحكتها ماليه هالبيت
منصُور ضحك بتذكُر:تذكر لما طاحت وسوت دراما
سعد بتذكُر ضحك بقوه:اي والله صراخها وصل للجيران وكُل ذَا علشان تقهرك وتعاقبك
منصُور بضحكه:شسوي كنت ألعب وهي جت ورميتها ع رجلها بقوه بالغلط وهي تبي تاخذ حقها صِدق إذا قالوا كيدهُن عظيم
سعد ضحك:اي والله وتنهد:خل ننام لا تتحول هالليله لحِزن
منصُور ضحك:يلا تصبح ع خير وقاموا اثنيهُم مع بعض.
.
🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷

🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 118 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🪷🍃

بعد مُرور يومين...
المغرب الساعه ٧:٣٣ مساءًا
كان البخور ريحته ملأت البيت والزينه ملأت البيت
اليوم الجامع ع الوِد قلبين،قلبين مُحبين
هيا ابتسمت ووقفت عند الباب وهي تدق الجرس..
وم هي دقايق الا فتحت لها الخدامه وهي تدخل لداخل البيت الوسيع جِداً واللي يوضح إنهُم ناس مُقتدرين ابتسمت من حسّت بالريحه الحُلوه اللي موضحه البهجه والفرحه
نزلت عبايتها وهي ترتب شكلها وتدخل للصاله وابتسامتها ع وجهها وتسلم عليهُم ”علياء،ياسمين،أم تغريد،ولاء“
ولاء”جت بعد طلب من تغريد وإصرار “
ياسمين وهي جالسه ع الكرسي همست لولاء:يلا نروح لتغريد وديني لها
ولاء:يلا وطالعت بـ هيا اللي تطالع فيها بتدقيق وعارفه من تكون وقامت وهي تدف كرسي ياسمين .
.
.
ولاء وقفت عند الباب من سمعت اتصال جوالها وابتعدت عن ياسمين اللي دفت كرسيها ودخلت ع تغريد
وبقت هي نزلت تحت وهي تطلع للحديقه من شافت الرقم وردت:هلا
الرُجل تنحنح:سبحان الله هالدنيا صغيره أمس دخلتيني السجن واليوم أنا بدخلك
ولاء بسُخريه:قلتلك نهايتك ع يدي قلتلك لا تتطاول علي وتطاولت حذرتك مني وما حذرت تحمل اللي يجيك يا...
ولاء جمدت بصدمه وطاح الجوال من يدها من شافته طلع قدامها فجأه وطالع فيها بحدّه وطاح الجوال من يدها ع تفاجؤها من طلوعه وبهالمكان
وانحنت بتجيب جوالها لكن سرعان م سبقها واخذه وهو يرد بعصبيه:أنا أقول لا تتصل ع هالرقم من جديد علشان م تخيس بالسجن أكثر وقفل بوجهه
وطالع فيها:انتي شعندك تكلمين رجال مو محرم لك!
ولاء ميلت فمها بسخريه وعليها لسى عبايتها وحجابها لبستهم قبل تطلع ولفت وهي بتروح:م لك دخل
عبدالله مسك معصم يدها بقوها وهو يشدها ناحيته:شكلك مو مصدقه اني بصير زوجك ولي الحق غصب عنك!
ولاء ضحكت بقوه وهي تبي تستفزه:وشكلك مو مصدق اني مو معتبرتك شي وطالعت بيده اللي ماسكه يدها
بنظرات تحرق من حدّتها
ونزل يده وهو يلهث بقهر منها:ماعليه الأيام تثبتلك انا ايش بالضبط
ولاء مشت بدون كلام ونفسها تقتله م هي من محارمه لسّى علشان يمسك يدها ويطلع لها بكل مكان
كأنه الملاك الحارس
أما عبدالله آخذ نفس وهو يتذكر ايش يبي لكن باله معها ويحس انه ندمان لما مسك يدها وهي لسّى
م صارت محرم له تعوذ من ابليس وهو يتنهد ويطلع للسياره يريح أعصابه شوي وياخذ اللي يبيه ويدخل للمجلس عند غيث...

.
عند ياسمين..
طالعت بتغريد بإعجاب:ياخي ماشاءالله بس حليتي الفستان وربي شكلك يجنن الله يعين غيث ع حلاوتك خقيت أنا
تغريد ضحكت بخجل:اوف لا تقولين كذا بعدين استحي ومعرف أرد
ياسمين ضحكت:وه فديت المستحيه
تغريد ضحكت بحياء
ياسمين:افف ولاء تأخ..
وقاطع كلامها دخول ولاء اللي ملامحها جامده تماماً
طالعت بتغريد وابتسمت:ماشاءالله شكلك حلو
تغريد ابتسمت لها:ياقلبي شكرًا
ياسمين:يلا ننزل؟
تغريد وهي تأخذ نفس وتشبك أصابعها ببعض وبتوتر:م يمدي أكنسل؟
ياسمين ضحكت:ياشيخه انتي بتموتين ع م تتزوجينه وتبين تكنسلين
تغريد ضربتها ع كتفها:قلة ادب اقطعيها وبرا الغرفه
ولاء ضحكت:ماعليك منها يلا انزلي امه شكلها نفسيه
تغريد ابتسمت:لا حرام عليك عسل
ولاء:مدري تطالعني مدري كيف ما عجبتني
ياسمين بضحكه:بنصدم لو عجبتك أساساً
ولاء طالعت فيها:شكلك تبين ضربه ثانيه؟
ياسمين ضحكت:خلاص خلاص يلا ننزل مابي انشر
تغريد ضحكت:تستاهلين
ولاء:يلا
تغريد أخذت نفس عميق وهي تتعطر بسرعه والتوتر مستحوذ عليها ونزلوا ولاء وياسمين قبلها .
.
.
عند نيهال..
كانت بغرفتها وتحجز لحفلة فوز اللي بتكون بُكرا تماماً
قفلت الخط بعد م اتفقت مع المحل ع الكيكه والضيافه
دخل عليها رائد..
ابتسم من شافها جالسه وحياة بجنبها وماسكه يدها ويد ماسكه جوالها
جاء وهو يجلس بجنبهم ويقترب من حياة الي نايمه واصبع يدها اليمين بفمها ضحك وهو يطلع ويبوسها ليصحيها
نيهال بقهر:حرام عليك تخرب نومها
رائد ضحك:شسوي مشتاقلها ورجع يكمل وهو يبوسها بيدها ووجهها وعيونها وبطنها ليصحيها
وم هي دقايق الا انشدت ملامح وجهها بانزعاج وبدأت تفتح عيونها بالتدريج
نيهال تأففت وقرصت رجوله بقهر
رائد ابتعد شوي وهو يحط يده ع رجوله مكان قرصتها:مو أصابع والله مخالب
نِيهال ضحكت برضا:تستاهل تزعجها ليش
رائد بضحكة خبث:قدّها؟
نِيهال وهي تخزه:قدّها ١٠مرات ..

🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷