🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 256 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

بعد مرور اسبوع
ملاذ صحت من النوم وهي تحس اليوم نفسيتها عن غير كل الأيام تحس في شي بداخلها مبسوط رغم انه ما صار أي شي يخليها مبسوطه لكن هذي راحة النفس والبال قامت اخذت لها شاور سريع و طلعت ونشفت شعرها وهي تشوف طوله واصل رقبتها ابتسمت وبدت تحس جمالها يرجع لبست فستان ناعم مفتوح اليدين وحطت كريم و روج و تعطرت ب اكثر عطر تحبه
ابتسمت وقت سمعت صوت الرعد جرت و وقفت عند الشباك تبي تشوف المطر بس ما كان في مطر كان الجو جميل ومافيه شمس قويه
طلعت من جناحها ونزلت المطبخ وسوت قهوتها بنفسها و طلعت للحوش اخذت نفس عميق حطت كوب قهوتها فوق الطاوله وجلست ،
اول ما سرحت تذكرت ذياب ناظرت الجوال وهمست بهدؤ : شهر يا ذياب ولا حنيت ؟

عند ذياب ؛
بعد تفكير طويل وحس الفتره الماضيه اتعبته نفسياً و جسدياً قرر انه يرجع البيت ويقعد مع ملاذ ويقررو مع بعض يا يكملو يا ينفصلو !
رغم انه خايف جداً من قرارها الا انه بهالوضع ماهو بخير ولا هو بأفضل من حال الفراق ، وقف قدام البيت وفتح الباب و دخل بخطوات ثقيله اول ما شافها جالسه حس الدنيا ضحكت له
ملاذ لفت بسرعه لمن سمعت صوت الباب بلعت ريقها وحست انه قلبها ضحك لشوفته وقفت وهي تتأمل كل تفاصيله قربت له وهو قرب لها والتقو بنص الطريق عيونهم هاللحظة كانت سرحانه ببعض و تتامل تفاصيل بعض
ملاذ حست ريحة عطره لهبت الجرح يلي بصدرها همست : مرتاح انت وبعيد عني ؟ مو كأنك طولت الغيبه !
ذياب اخذ نفس ومسح ع وجهه : انا مالقيت راحتي الا يوم عرفتك ، الا انتِ ما تبين قُربي ؟
ملاذ رفعت كتفها ونرلت دمعتها : كل يوم احبك بشعور جديد وكأنه قلبي توه مبتدأ يحبك
ذياب ابتسم وحس كلامها مثل المطر على قلبه الذابل
ملاذ قربت الخطوه يلي تفصلهم عن بعض وشابكت يدها بيده وكملت كلامها : ترا حلمي اصير أم لكن اذا انت مو أبو ولدي انا اتخلى عن حلمي
ناظرها بدهشه من قوة كلامها : يعني !
ملاذ : يعني دامك زرعت الحب بقلبي انا ما ابي احد غيرك يسقيه
ذياب هالحظة ابتسم ابتسامة شقت وجهه ولأول مره بحياته ينبسط هالكثر ويكون فرحان ومرتاح نفسياً، فتح يدينه لها : تعالي ضُميني لاني والله مشتاااق والشوق هالمره ذابحني
ملاذ حطت راسها ع صدره ولفت يدينها حول ظهره وشدت عليه بقوه
ذياب ابعدها عنه شوي وباس جبينها وحط خشمه ع خشمها وهمس بحب : انتِ تدرين انا احبك ، لكن ما تدرين انك اكبر انتصار ونجاح في حياتي يا ملاذي
ملاذ باسته برقه : والله انىِ لو ألف الأرض كلها لف لف ما عرفت افرح مثل ما افرح وانا بقُربك.

الشوق في عيني وقلبي يناديك
والروح ياروحي ملكته لحالك .

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 257 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

بعد مرور أسبوع ؛
هالاسبوع كان جداً هادي و رايق على ابطالنا والكل عاش بهدوء و سلام داخلى ،
الحدث المهم يلي صار انه مرام قدرت تستدرج دانه بالكلام و عرفت مكان سحر لينا و طلال و بلغت عبدالناصر وتم فك السحر عن طريق الشيخ ،
دانه تم تشخيصها بمرض نفسي و رح تجلس بالمصحه النفسيه لين تتحسن صحتها ..
ملاذ و ذياب مازال حبهم يكبر كل يوم وكل للحظه يعيشو حياتهم بحب وسعاده وكانهم عرسان ..
آلاء كل الوقت مشغوله بطفلها هي و نواف وبكل لحظه تشوف ولدها تشكر ربي على هالنعمه ..
سحاب ما زالت تتعالج و تروح الجلسات وتحس انها في كل مره تتحسن لكن من وقت شافت ذياب الصغير وحالها انقلب ومع ذلك للحين ما تبي ولدها!
لينا بدت تتحسن شوي شوي و تحس انها صغرت عشر سنين وتحس الحمل الثقيل يلي بصدرها خف ..
طلال كل وقته وهو سرحان و طفشان وتمنى لو يرجع له الزمن لوراء ما كان وظف دانه سكرتيره كل تفكيره الحين كيف يرضي لينا و كيف يخليها ترجع له!
سلطان مشغول بحياته بوظيفته و نفسه يشتاق و يحن لسحاب كثير لكن ما عنده القوه والجرأه انه يرجع لها!
اما عرسانا ليان و زياد عايشين بعالم اخر وكانهم انخلقو من اول و جديد كل ثانيه وكل يوم يمر عليهم يعيشوه بحب و سعادة و رفاهيه ..
.
نيويورك ؛
ليان كانت واقفه قدام مرايه المدخل وتعدل شيلتها نادت بصوت عالي : زيادي ترا تاخرنا مره
وقف وراها : جاهز يا لياني
ليان غمضت عيونها وهي تستنشق ريحة عطره : اخ بس عطرك ذه بيموتني
ضحك بصوت وضمها من وراء : بس عطري ! طيب و انا يلي ميت فيك !
ليان فتحت عيونها وناظرته بالمرايه : هالعطر بالذات احسه يدغدغ قلبي
زياد : اوميجاد ، الوضع بخطر اجل بشتري المصنع بكله
ليان ضحكت : أخاف انام بالمصنع
زياد ناظرها بطرف عينه : اذا حضني ما تنامي فيه ساعه بتنامين بالمصنع !
ليان ضحكت بصوت ولفت عليه وحضنته بقوه : اخخ بس والله اموت عليك يا قلبي
زياد ابعد عنها شوي : شرايك نكنسل الطلعه ؟
ليان : لا والله ميته من الجوع ومشتهيه برجر
زياد : بفهم بس الاكل هذا وين يروح وانتِ عظم ؟
ليان فتحت الباب وسبقته : يروح لقلبي ويزيد حبك ..
.
سحاب ؛
دخلت العياده و جلست بهدوء وناظرت الدكتور ومنتظره يسالها عن حالها
د.سيف : اهلا يا سحاب ، طمنيني عنك كيف حالك ؟ هالاسبوع ما جيتي الجلسه الماضيه ؟ انتِ بخير ؟
سحاب هزت راسها بالنفي : مو بخير ! احس انه رجعت للبدايه وكل مره أقول بتخطى ما اقدر و ارجع لنقطة البدايه!
سيف رجع بالكرسي للخلف و وقف وجلس بالكنبه الثانيه مقابل لها : الجراح وقت العمليه لمن يفتح الجرح لازم ينظفه كله ويعقمه وبعدين يسكره ، لانه لو ترك جزء بسيط ما نظفه ولا عقمه بيرجع ثاني مره يفتح العمليه ويرجع لنقطه البدايه وكذا هو ما استفاد من العمليه الأولى ابداً ،
انتِ تدرين يا سحاب انا عن وشو أتكلم !
سحاب تنهدت و نزلت دمعتها : زوجة اخوي ولدت وجابت ذياب ، الكل فرحان فيه حتى انا بس للحين ما قدرت المسه ولا حتى اتحمل اسمع صوت بكائه ماني قادره واحس تذكرت يوم ولادتي ويوم طلاقي بعد ، أوقات أقول لو ما تخليت عن سعد كان اهلي الحين يحبوه مثل ذياب !
د.سيف : مو مهم الناس ولا مهم أي شي ثاني المهم انتِ يا سحاب متى بترجعين لولدك ؟
سحاب : لازم ارجع له ؟ و اذا ما رجعت له وش بيصير ؟
د.سيف : تبين رائي والا الرأي العام ؟
سحاب ناظرته بهدوء وهي تمسح دمعتها : وش بيفرق رأيك عن الرأي العام ؟
د.سيف : رأي ترجعين له بالوقت المناسب يعني بالوقت يلي انتِ جاهزه بالوقت يلي بتتشافى فيه كل جروحك حتى لو الامر يستغرق سنه او سنتين! لكن الرأي العام انتِ أم وملزومة ترجعين له مهما كانت الأسباب ولو هالشي بيضرك نفسياً !لانك امه ومسؤله عنه
سحاب غمضت عيونها وهي تحاول ترتب كلامها وتعبر عن مشاعرها بس عجزت
د.سيف : سحاب تحسين بالضياع ؟
سحاب فتحت عيونها : وجعي يغلب على ضياعي ، كل مره أقول انا قويه بس ابسط شي يصير يخليني ضعيفه !
د.سيف : شي طبيعي ، كلنا ضعفاء قدام الأشياء يلي نحبها وضعفك هذا وراه انسانه قويه مهما ضعفت ، لمن تحسين بالضعف لا تضغطين على نفسك انه لازم تصيري قويه بالعكس عيشي هالضعف بس لا تخلينه يأثر على مستقبلك
سحاب : أوقات تقول أشياء ما افهمها لكن احس فيها
د. سيف ابتسم : وهذا المهم.

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 258 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

لينا كانت بغرفتها تتجهز لانها بتطلع مع صحباتها كانت مبسوطه لانها من زمان ما شافتهم ولا قابلتهم ، ناظرت نفسها بالمرايه وهي تشوف بقايا الحبوب والجلد يلي كانه محروق بدا يتعافى ابتسمت وهي تمرر اصابعها على وجهها : برجع احلى من قبل ان شاء الله..
اخذت شيلتها و طلعت من غرفتها مرت على غرفة أمها وكلمتها انه بتطلع نزلت الدرج وطلعت من البيت رفعت ريموت السياره عشان تفتحها لكن انصدمت وهي تشوف طلال يلي نزل من سيارته اول ماشافها
طلال قرب لها بسرعه : لينا ، كيف حالك ؟
لينا : طلال ! وش تسوي هنا ؟
طلال مسح ع جبينه : لينا ابي أتكلم معاك شوي
لينا : ما عندي وقت ، غير كذا مافي شي بيني وبينك نتكلم فيه !
طلال ابتسم : بيني وبينك حب ، وحب كبير حب مايشبه أي حب يا لينا
لينا ابتسمت بسخريه : أي حب و أي خرابيط ! يلي يحب ما يحب مره ثانيه ولا يجرح حبيبته يا طلال يلي يحب يصون حبه
طلال مد يده عشان يمسك يدها لكن لينا أبعدت بسرعه : لا تتعدا حدودك يا طلال !
طلال: لينا انا وياكي كنا مسحورين ، اعطينا فرصه ثانيه
لينا : ما تدري هالسحر يكون خير لنا ونبدا حياه ثانيه ، ترا انا تخطيتك من زمان لكن المرض هو يلي اتعبني وخلاني ضعيفه في وقت من الأوقات
طلال ميل راسه : لا تقسين علىِ و انتِ تملكين احن قلب بالدنيا ، لا تقسين على اكثر شخص يحبك حتى و انا مسحور كنت اشوفك غيرهم كلهم كنتي مثل ضوئي السري يلي محد يدري عنه
لينا حست قلبها اوجعها اكثر لكن تذكرت انه بيوم من الأيام حط راسه على نفس مخده دانه و ابتسمت بسخريه : عادي بتقدر تتخطاني مثل ما انا تخطيتك
طلال : تكفين لينا اعطي حبنا فرصه ، ارحميني يا لينا قسماً بالله انه قلبي ما حب احد غيرك
لينا قاطعته بحده : لا تحلف ، سمعتك ب اذني تقولها حبيبتي ، نفترض انه رجعت لك انا كيف بنسى الماضي .. رفعت يدها ع صدرها وكملت : للحين الغيره شابه بصدري للحين الألم يلي عشته و انت رايح تملّك عليها ما نسيته للحين الصرخه يلي صرختها خدشها ما زال بقلبي وحبالي الصوتيه ، تدري من يومها و انا صوتي لو رفعته احس حبالي الصوتيه تعورني ، انا يلي عشته ما هو قليل يا طلال ، اتركني اتعافى ولا ترجعني للماضي تكفى !
مشت من جنبه و ركبت سيارتها ومشت بسرعه لدرجة صوت الكفرات احتكت بكل مكان اول ما طلعت من الحاره وقفت بسرعه ع جنب و اخذت نفس عميق وسندت راسها على الدركسون وبدت تبكي .
.
ذياب ؛
كان قاعد بالصاله متمدد وسرحان بالسقف وكل تفكيره بملاذ يحس مهما سوى لها انه مقصر و دايماً يفكر فيها ما يبي يظلمها ولا يبي يقصر معاها بشي ، صحى من سرحانه وقت ملاذ تناديه لف لها بلهفه : يا عيون ذياب
ملاذ ابتسمت وجلست جنبه : جهزت القهوه وسويت لك حلا من يدي
ذياب : ما يحتاح حلا و انتِ جنبي
ملاذ ضحكت : ايه ادري انىِ حلا بس حلا خاص ب ذياب فقط
ذياب : اووووه كذا تجيبين راسي
ملاذ توسعت ابتسامتها : تبي تتقهوى الحين والا بعدين؟
ذياب : ابي اتقهوى من فنجانك ومن موضع فمّك
ابتسمت بخجل : ذيااااب ترا استحي والله
ذياب قرب لها وحاوط خصرها وباس كتفها : تدرين لمن تقولي ذياب احب اسمي اكثر وما ودي احد غيرك يناديني ذياب
توسعت ابتسامتها بحب وباست طرف خده : انت شي خاص فيني انا فقط حتى اسمك خاص فيني
ذياب : اذا على كذا انا بسحب ع القهوه و اتقهوى عليك
ملاذ أبعدت عنه وصبت له قهوه : تفضل ي روحي
ذياب اخذ الفنجان : احس انه في كلام داخلك والا انا غلطان ؟
ملاذ ضحكت : هو في موضوع حلو احس بيعجبك وبتحب الفكره وببدا انا وياك بالتخطيط
ذياب : من قبل لا اسمع وش تبين ابشري فيه
ملاذ رفعت حاجبها : طيب اسمع ترا في ملايين بتدفعها
ذياب حط فنجانه : اذا شي انتِ تبينه بس اشري عليه وانا اجيبه حتى لو تحت الأرض
ملاذ ضحكت : ما ابي شي من تحت الأرض كل يلي ابيه قطعة ارض كبيره جدا جدا و ابدا انا وياك بعمل خيري انا احلم فيه من زمان لكن للامانه ثروتي ما تكفي هالمشروع
ذياب : وش هو جاني فضول اعرفه بسرعه !

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 259 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

ملاذ تربعت وهي متحمسه : ابي اسوي انا وياك دار ايتام ويكون كبير جدا وفيه كل شي نبي نسعد الأطفال اليتامئ ، يعني نشتري قطعه ارض ونبدا نعمرها ل اكثر من مبنى ابي اسوي مدرسه و سكن ومكان ترفيه للأطفال ومركز صحي يعني ما يحسو انهم بميتم ويعيشو حياتهم طبيعي بدون أي نقص و انا وياك نكون كافلين كل هاليتامى ، صح رح نخسر ملايين بس صدقني ماهو خساره قدام ضحكة اليتامى ولا تنسى انه كافل اليتيم اجره مجاورة الرسول ، ها وش قلت ي ذياب موافق ؟
ذياب ابتسم و اشر على عينه : من عيوني ، الأرض موجوده وبكرا نبدا نحفر الأساس
ملاذ ابتسمت بفرحه وحضنته بقوه : يا عمررررري انا ، تتكلم جد والا تمزح معاي ؟
ذياب ضحك وضمها بقوه : لا والله ما امزح في احد ما يبي مجاورة الرسول
ملاذ أبعدت عنه : واااي ذياب عاد احس مررا تحمست متى بس بيكون الافتتاح ونبدا نستقبل الأطفال
ذياب بهتت ابتسامته وهو يشوف فرحتها وحبها للأطفال
ملاذ حست هو وش يفكر مسكت يده وشدت عليه : ذياب انا ادري انت وش تفكر ، لكن انا انسانه متفائله صدقني انا ما وصلت لهاليوم الا بفضل الله و بيقيني بالله عزوجل ، يمكن انا وياك ما نصير اب و أمّ بيلوجيين لكن بنصير اب و ام لِ ألآف الأطفال ما تدري يمكن في يوم من الأيام احمل بس ربي يأخر حملي لشي انا وياك نجهله لا تخلي هالموضوع ياثر على حياتنا وعلى مستقبلنا ، وترا للامانه بعد سالفه سلطان وسحاب تاكدت انه الأطفال مو كل شي بالحياه يمكن سعادتنا بدونهم ماتدري وين الخير في كل شي قاعد يصير لنا
ذياب ابتسم : انا فهمت كل شي بالحياه الا عجزت افهم انتِ من ايش مخلوقه لانه مو طبيعي نظرات عيونك كيف تأثر فيني
ملاذ : تأثر فيك لانها تلمس مشاعرك وحبك بعد
ذياب مسك يدها وباسها: ما قلتي لي كم حتدفعي مليون بالمشروع ؟
ملاذ بحماس : اممم مليونين
ذياب رفع حاجبه : ماشاءالله زوجتي غنيه و انا ما ادري
ملاذ كشرت : لا تحط عينك عليها
ذياب ضحك : ما راح اخذ منك ولا ريال
ملاذ : انا ادري انه قليل بس ابي اتشارك انا وياك بالاجر
ذياب هز راسه : طيب بس بعوضك إياها بشي ثاني ، خليني بس اراسل طلال يجينا بعد المغرب بما انه مهندس بخليه يبدا يصمم ونشوف كيف نبدا وعلى ايش نركز بما انه ميتم
ملاذ تنفست براحه : احس انه مبسوطه مرررا من زمان حلمي هالشي يا ذياب ابي انام و اصحى والمشروع جاهز مو قادره اتحمل
ذياب كآن يتامل ضحكتها ويشوفها وهي تسولف وتحرك يداتها بسعاده ابتسم وهو يتأملها وقرب لها وحط راسه بحضنها وهمس لها : والله انه صوتك وضحكتك تزرع الأمان بقلبي
.
آلاء طلعت من الحمام وهي تمشي شوي شوي دخلت الغرفه وناظرت نواف : صحي ؟
نواف كان واقف وبحضنه ولده : ايه ، بس يمكن تعبان او بطنه تعوره لانه بدا ينام
آلاء جلست شوي ع الكنبه وكشرت من وجع عمليتها
نواف حط ولده بسريره و اخذ ملابس الاء يلي جهزتها قبل تدخل تتروش و جلس قدامها وبدا يلبسها
آلاء: وش هالدلع بس ، على كذا كل سنه بحمل
نواف : لا لا مين قال انه بخليك تحملي
الاء ابتسمت : خايف علىِ ؟
نواف : وريتيني نجوم الليل بعز الظهر
آلاء كشرت : نواف ترا لمن تزعلني حليبي بينقطع
ناظرها بصدمه : قولي والله
الاء ما قدرت تكتم ضحكتها وضحكت بصوت ومسكت اسفل بطنها من شدة الوجع : نواف أي بطني أي يعور والله يعور
نواف : اهداي يا بنت الناس ، الحين تفتحين بطنك
آلاء وهي تحاول تتنفس بشويش : اخ نواف موتني ضحك
نواف : خلصنا من هرموناتك بنجي لحليبك ! انا بهج من البيت
آلاء تنفست : أي يا بطني ، اكتشفت انه محد يضحكني كثرك ، حسيت العمليه بتنفتح والله
نواف وقف وشال لها روب الحمام ولبسها قميصها ناظر العمليه و ابتسم وقرب
آلاء ابتسمت : تدري انه جرحها ما يختفي ويبقى له اثر
نواف : أحلى اثر ، كل مره بتناظري نفسك بالمرايه بتتاكدي انك انسانه قويه وانه هالجرح طلع منه معجزه
آلاء دمعت عيونها : ايه والله معجزه ، كل مره اشيله و ارضعه أتذكر اليوم يلي قالت لي الدكتوره ولدك مُعاق ولازم تجهضينه ، احس انه ربي اختبر صبري وكل ثانيه اشكره على هالنعمه

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 260 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

لينا كانت بالمطبخ و تجهز القهوه سندت ظهرها ع الثلاجه وسرحت بالشباك غمضت عيونها وتذكرت طلال تنهدت بضيق ، وحاولت تشتت تفكيرها ما تبي تفكر فيه ابداً
صبّت القهوه للترمس وجهزت الفناجين و اخذت الصينيه و دخلت الصاله بوجهه بشوش : و احلى فقره باليوم اتقهوى مع امي و ابوي
حصه ابتسمت : تسلم هاليدين ، ليان اتصلت من شوي وتسلم عليك
لينا ابتسمت من طاري ليان : ي روحي انا والله اشتقت لها ، ما قالت متى بترجع ؟
حصه : تقول مطولين و زياد ما عطاها خبر متى بيرجعون
لينا : خليها تتمشي وتغير جو
فايز ناظر لينا و ابتسم : لينا كيف حالك ؟
لينا ابتسمت من ابتسامته : بخير يا يبه
فايز : ابيك بموضوع بس فكري فيه و انا راضي باي قرار تتخذينه
لينا بفضول : خير يبه وش في ؟
فايز : في احد تقدم لك ؟
لينا نقزها قلبها : انا ؟
فايز وهو يهز راسه : ايه يا بنتي ، الرجال كويس وما عليه أي كلام ولا سبق له بالزواج قبل و انا بصراحه قلت له الراي و الشور ل بنتي لينا ، ها وش قلتي ؟
لينا حست قلبها يرجف وهاللحظه ما فكرت باي شي غير طلال
حصه : خذي راحتك و استخيري وشوفي وش بتقرري عُقبها
لينا تذكرت يوم طلال تزوج بلعت غصتها وهزت راسها بالموافقه : موافقه
حصه ناظرتها بصدمه : بهالسرعه موافقه ؟ حتى ما سالتي عن اسمه ؟
لينا وهي تفرك اصابعها من التوتر : مبدئياً موافقه ، و دام ابوي قال رجال ما عليه كلام انا امشي معاه و انا مغمضه هذا هو زوج ليان و زياد شالها شيل
فايز : طيب الله يكتب يلي فيه الخير ، اجل انا بعطيه خبر و انا براي تشوفون بعض نظره شرعيه و اذا ارتحتي نقوله بخبر الموافقه .
.
مرام كانت واقفه عند الشباك وتبكي بصمت حست انه تحملت فوق طاقتها وهي بهالعمر الصغير ،
لفت وناظرت اختها يلي نايمه بسبب الادويه وعايشه بعالم اخر مره تكون واعيه ومره مو بوعيها وتعيش تخيلات ما هي موجوده ولا صارت وكل وقتها تهلوس ب طلال و تفكر فيه !
اندق الباب و دخل الدكتور مرام مسحت دموعها و لفت عليه : هلا دكتور
الدكتور تقدم لها : ما صحت للحين؟
مرام هزت راسها بالنفي : لا ، كانها طولت وهي نايمه ؟
الدكتور : لا تخافين انا عطيتها مسكن قوي
مرام : دانه لمتي بتظل على هالحاله
الدكتور : مالها وقت محدد ، يمكن تتحسن بفتره بسيطه ويمكن تحتاج اشهر و سنين
مرام بلعت غصتها ولفت ع الشباك و نزلت دموعها بدون لا تحس وهاللحظه دعت من كل قلبها انه ربي يشفي دانه عشان تتوب لله وتطلب السماح من طلال و لينا .
__
عند سحاب ؛
طلعت من غرفتها كانت بتنزل الدرج لكن وقفت وهي تسمع صوت الاء وهي تضحك رجعت خطوه للوراء وشافت جناحها مفتوح دخلت وبدا الصوت يوضح وهي تسمع الاء تضحك ولدها وتسولف معاه وكانه يفهمها رجف قلبها وهي تسمعها تقول " يا حبيب ماما متى بس تكبر و اشوفك متخرج ومتزوج و ابيك تحكي لعيالك انه عندك احلى ام بالدنيا وتقولهم قصتنا الصغيره الحلوه انه كل الأطباء قالو اجهضك بس انا قلت لا و وثقت بربي و جاني اجمل ولد بالدنيا ، عاد ها ابيك تفتخر فيني بكل مكان وتقولهم هذي حبيبه قلبي مو بس امي "
دمعت عيونها وهي تتخيل ولدها لمن يكبر وش بيحكي لعياله بيقولهم امي تركتني !
عشان وشو ؟ عشان كرهت ابوي وكرهتني معاه! حست وجع بصدرها و طلعت من جناح الاء بسرعه وجرت لجناحها و رمت نفسها فوق السرير وبدت تشاهق بصوت ، لمجرد انها تخيّلت المستقبل و تخيلت انه ولدها ما رح يذكرها بالخير ولا رح يفتخر فيها ويمكن يخجل لكونها امه !

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 261 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

في احد شوارع باريس الجميله الجو كان بارد و رشات المطر بللت ارصفة الشوارع و أوراق الشجر، كان يمشي وهو حاضن كف يدها الصغير بيده الدافيه
وكل ثانيه يلف لها ويروي عيونها بملامح وجهها الجميله
ابتسمت له بحب : زيادي
توسعت ابتسامته : لبيه ي روحي
توسعت ابتسامتها اكثر وهي تاشر على شخص قاعد ع الكرسي و يعزف جيتار ويغني بالفرنسي : خلينا نروح هناك نشوف
هز راسه و عكس طريقهم و مشو با اتجاه الشخص يلي قاعد يغني
زياد لف لها : فاهمه شي ؟
ليان كشرت : أكيد لا ، بس تدري احس الاغنيه رومنسيه وفيها حب من العزف
زياد ضحك : وليه حزينه ؟
ليان : مو حزينه بس يعني تمنيت لو افهمه و أعيش جو الكلمات والحب
زياد قرص خدها : انا وعدتك انه بحقق لك كل شي تتمنيه
ليان ضحكت : يعني بتروح تقوله يغني عربي ؟
زياد رفع حاجبه : انا اغني لك
ناظرته بمسخره : ومن متى تغني وصوتك حلو ؟
زياد غمز لها : الحين تشوفي .. تركها و راح لعند الرجال بعد ما خلص الاغنيه وتكلم معاه بالفرنسي وطلب منه انه يغني بالعربي لحبيبته و الرجال وافق و عطاه المايك وقام من ع الكرسي و زياد جلس مكانه
ليان ناظرته بصدمه وهمست بقلبها : مجنون وش بيغني هذا
بدا العزف و بدا زياد يغني بكل إحساس وحب و عيونه ما فارقت ليان ابداً : قرب خليني ضمك
وتركني دوب
بعيونك الحلوين
مش قادر خبي
جنون الإحساس بقلبي
ولا قادر شوفك لحظة عني عني بعيد
لو كل العمر بحبك
ورح إبقى حبك
أكتر بعد بكتير
غيرك ما بدي
خليك وضلك حدي
مع غيرك لا ما فيي كون ..
معقول تضحكلي الإيام
ونعيش بأحلى غرام
ونكفي العمر الجاي
سوا أنا وياك ..

ليان الابتسامه شقت وجهها و حست نفسها انها طايره فوق بالسماء دمعت عيونها من حبها لزياد و ما حست ع نفسها الا وقت الناس كلها تناظرها و زياد واقف و ياشر عليها وتكلم بصوت عالي بالانجليزي :
This is the most beautiful woman and my lover
قرب لها بعيون تلمع حب و حضنها و دار فيها والناس كلها تصفق و فرحانه لهم
زياد كان يضحك ومبسوط فيها تكلم بصوت عالي وهو يدور فيها : احبك ليااااني.
.
بعد مرور أسبوع ؛
اليوم استقبال بيبي ذياب ، الكل كان مشغول و يجهز للاستقبال عشان يتم ب ابهى صوره ، شركة التنسيق كانت بالحوش بما انه الجو بدايه الشتاء قررت الاء تسويه بحديقة القصر ،
الساعه الخامسه مساءً ؛
الاء طلعت الحوش و ابتسمت من جمال المكان وكيف قلبو المكان وحولوه لحديقة وكآنها بالاحلام من جمال الغيوم وكانها حقيقه فكرة المكان انهم يكونو فوق السحاب ، مشت بين الطاولات و ابتسمت واخذت احد التوزيعات ليدها وهي تقرأ " بيبي ذياب مُعجزة من الله "هزت راسها من بين دموعها وهي تردد : ايه والله انك معجزه
لفت وقت ملاذ تناديها و ابتسمت من جمال ملاذ : وش هالحلاوه ؟
ملاذ ابتسمت و دارت : حلوه ؟
آلاء: لا مو حلوه يلي بعد حلوه والله
ملاذ عطتها بوسه بالجو : صدقيني مو احلى منك والله انك طالعه اميره
الاء توسعت ابتسامتها : رغم انه صحيت تعبانه الا انه اخذت مسكن قوي قلت ابي انبسط بهاليوم وبكل تفاصيله ، الا قولي رايك شرايك ؟
ملاذ : قسما بالله شي خورافي كاني قاعده بالسماء وسط غيمه ، اهنيك على هالافكار
آلاء: ترا فكرتي كانت عاديه بس ماشاءالله هم مبدعين ونسقو احلى من خيالي
ملاذ رفعت جوالها وكان ذياب يتصل : هذا ذياب الظاهر صحي ويبي يطلع قبل يوصلو الحريم
آلاء: ايه براحته لسه الوقت بدري حتى نواف نام قيلوله لانه صاحي من الفجر عشان الذبايح بروح اشوفه الحين صحي او لا
ملاذ : اجل طلعنا نشوف ازواجنا .. طلعو وكل وحده توجهت جناحها
ملاذ دخلت و ابتسمت وهي تشوف ذياب واقف ويتعطر : وش هالحلاوه كلها
ذياب لف لها و توسعت ابتسامته وناظرها من اسفل قدمها ل اعلى راسها وسرح فيها وبفستانها السماوي يلي كان ماسك ع جسمها و واصل طوله لنص ساقها وبشعرها يلي وصل طوله لحد رقبتها وعطاها جمال مُلفت ومكياجها يلي ملامحها الجميله برزت هالمكياج
حطت يدها ع خصرها بدلع : شرايك بيبي
قرب لها وحاوط خصرها الميال وسحبها لصدره بقوه : يعني شايفتني ميت عليك وتمسكين خصرك
ضحكت بصوت : طيب شوي على خصري عورتني
حط راسه : وش سويتي فيني ؟ ليه احبك كذا ؟ ليه اشوفك اجمل ما خلق ربي ؟ ليه كل حريم الدنيا بعيوني عدم !!
ابتسمت بدلع : لانك لي و لاني لك ، انخلقنا أولا للعباده وثانياً لبعض ونقطه
ضمها بقوه وبكل حب واخذ نفس عميق وكان الحياه ردت له بحضنها ابعد عنها شوي ابتسم بحب وحط جبينه ع جبينها : والله العظيم انه عيوني وقت تقابل عيونك ما يبقى بقلبي امنيات ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 262 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

الساعه العاشره مساءً ؛
الكل كان مشغول وكل شخص قاعد مع يلي جنبه والكل كان مبسوط و فرحان ،
حتى ليان كانت موجوده صح انها وصلت من ساعه بسبب طيارتهم يلي تاخرت لكن زياد ما خلاها بخاطرها وحجز اقرب رحله ل جِده ؛
ليان مشت لسحاب : سحابي
سحاب لفت لها و ابتسمت : ي روحي مو مصدقه انك جيتي
ليان ضحكت : ولا انا والله ، تخيلي زياد يصحيني من النوم يقولي يلا قومي ما تبين تروحين استقبال ذياب حسيت قلبي بيوقف
سحاب : والله وطلع رومنسي هالزياد
ليان حطت يدها ع قلبها : اخخخ بس بموت ، اسمعي اشحني جوالي طافي من وقت كنت بالطياره و اكيد زياد بيطمن علىِ ويتصل
سحاب رفعت حاجبها : ما تعرفين تعيشين بدونه ؟
ليان : نو ، صرت سمكه وهو مويه
سحاب ضحكت واخذت الجوال من يدها : والله انك سخيفه وغزلك بايخ .. تركتها و دخلت وطلعت الغرفه و حطت الجوال ع الشاحن ،
طلعت وسمعت صوت طفل يبكي بصوت مسموع ناظرت كل الاجنحه ومشت ناحيه الصوت وكان جناح ملاذ حطت يدها ع مقبض الباب و دخلت وهي رجل تدخلها و رجل ترجعها وقفت مكانها وهي تتامل الطفل يلي نايم بوسط السرير ويبكي بصوت مسموع قربت لين صارت قدامه و رجف اقصى عرق بقلبها و تجمدت أطرافها وهمست : سَعد
نزلت دمعه من عينها و أحرقت قلبها من شدة لهيبها مدت يدها وهي ترجف وشالته لحضنها لأول مره وسكت سَعد اول ما شالته ،امطرت عيونها بالدموع وهي تتامل ملامح وجهه ناظرت عيونه وكان يناظرها ولأول مره تحس بالخوف بهالكثر لكن بنفس الوقت حست بمشاعر كثيره مشاعر ما تقدر توصفها همست بصوت راجف : انت ابني و انا امك !
رفعت راسها بخوف وهي تسمع ملاذ : وهو محتاج لك يا سحاب ، ترا باقي وقت ما راح الكثير تقدرين تصلحين الماضي وتربينه وتعوضينه عن حليبك يلي ما ذاقه
سحاب حست ماهي قادره تشيله اكثر ومدته ل ملاذ : خذيه خذيه
ملاذ تقدمت واخذته لحضنها و ابتسمت وهي تبوس يده الصغيره رفعت راسها لسحاب وكملت : ترا انتِ بنعمه عظيمه لا تستهيني فيها ، انا وذياب نتمنى نعيش هالحلم ويكون عندنا طفل فكري انه هالطفل اليوم محتاج لك امسّ الحاجه لكن بكرا رح يكبر وانتِ يلي راح تحتاجينه اكثر ماهو محتاجك الحين !
سحاب حست الكلام الأخير كان مثل السهم بوسط ظهرها وحست بشي يكتم أنفاسها ما قدرت تتحمل اكثر وطاحت للأرض مُغمي عليها !
.
بعد مرور أسبوع ؛
كانت واقفه قدام المرايه وتناظر نفسها وهي لابسه فستان ناعم جدا باللون الأبيض اكمام طويله وطوله واصل لكوع رجلها ..
اخذت نفس وهي ما تدري هالنفس راحه لها والا عذاب ولا هي تدري هالخطوه صح والا غلط !
فزت وقت دخلت ليان و ابتسمت من جمالها يلي من زمان ما شافته : لينوشه طالعه قمر قمر ، صراحه فواز بينهبل وقت يشوفك
لينا رجف قلبها واغمضت عيونها تداري نبضه
ليان مسكت يدها : انتِ متأكده من قرارك؟
لينا رفعت كتوفها : ما ادري قلت بس اشوفه بقرر يمكن ارتاح ع الأقل
ليان : نسيتي طلال ؟ والا تبين تنتقمين من طلال ؟
لينا عضت شفتها : ابي انتقم منه و ابيه يعيش الشعور يلي عيشني إياه ، ما ادري وش نتايج هالزواج لكن متوكله على ربي !
——
عند الاء؛
كانت نازله بالدرج وشافت طلال بيطلع من باب الصاله نادت بصوت عالي : طلال طلال
طلال لف عليها : خير وش فيك ؟
آلاء نزلت اخر درجتين وكشرت من وجع بطنها : الحمدلله يلي شفتك
طلال : في شي ! ترا والله مشغول مررا ما عندي وقت احك راسي
آلاء: عادي حكه قبل تنام، اسمعني بقولك شي بس امانه لا تعصب ولا تجيب العيد تمام
طلال : لينا فيها شي !
آلاء: شوف طلال انا مالي دخل بس قلت هذا ولد عمي ولازم افزع له حتى لو يوم من الأيام غلط علىِ بس ما عليه سامحتك
طلال ابتسم : الحمدلله يلي سامحتيني عشان اقدر أعيش
آلاء كشرت : لا تتمسخر بسألك سوال وتجاوب بصراحه ، انت للحين تحب لينا ؟
طلال حس في شي من سوالها المفاجئ : ايه احبها و اموت فيها أساسا ما حبيت احد غيرها ، لكن ليش تسالين الحين ؟
آلاء: لينا اليوم خطبتها ونظرتها الشرعه اذا فعلا تحبها وقادر تنسيها الماضي روح لها يا طلال
طلال حس النار شبّت من اسفل رجوله ومجرد ما تخيل انه لينا تروح لغيره لوهله حس بيفقد عقله طلع من البيت مثل المجنون وساق السياره بطريقه جنونيه وكل وقته يفكر ب لينا لو راحت لغيره !
صرخ بصوت وهو يخبط ع الدركسون : والله ل اذبحكم انتو الاثنين !

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 263 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

سحاب وصلت العياده قبل موعدها بساعه هالمره حست فعلاً انها محتاجه الجلسه ومحتاجه تسال الدكتور أشياء كثيره ما صدقت انه نادو ب اسمها دخلت بسرعه و ابتسمت اول ما شافت الدكتور : اهلين
د.سيف رحب فيها كالعاده ومثل أي مريض يدخل العياده
سحاب جلست ع الكرسي و اخذت نفس وماهي عارفه من وين تبدا
د. سيف : اشوفك اليوم مختلفه ! قولي لي وش الشي يلي غير سحاب ؟
سحاب ناظرته بهدوء : ما ادري بس احس بمشاعر جديده ومختلفه مشاعر كانها فارغه من المشاعر ما ادري كيف اوصلك احساسي بس حسيت انه انا قادره اخذ ولدي سَعد
د. سيف شقت الابتسامه وجهه : علميني وش صار ؟
سحاب اخذت نفس و ابتسمت : شفته قبل أسبوع وحملته بين ايديني وناظرت عيونه وكان يناظرني حسيت انه يسألني اسئله كثيره وانا ما عندي جواب وسالت نفسي بكرا وش بيكون جوابي له !
د. سيف : انتِ تبينه عشان خايفه من المستقبل والا عشان تربيه وتعيشي معاه إحساس الامومه ؟
سحاب سرحت بسؤاله : وش يفرق ؟
د.سيف تكتف : يفرق كثير والله اذا بتاخذينه عشان السبب الأول انا أقول لا تاخذينه لانه ما رح تقدمين له شي لكن اذا بتاخذينه عشان السبب الثاني لا تتاخري دقيقه وحده الحين روحي و خذيه لانك ما رح تتخلي عنه ابدا مهما هاجمتك عواصف ، ها وش قلتي ؟
سحاب دمعت عيونها : خايفه !
د. سيف وقف وجلس مقابلها بالكرسي : اذا تحسين انه محتاجه كمان وقت عادي خذي وقتك ، اهم شي يا سحاب لا تاخذينه لحضنك الا و انتِ قدها وما يفرقكم الا الموت
سحاب : لو شفت سلطان وش بقوله ؟
د. سيف : سلطان أبو ولدك و رح تقابلينه كثير بالايام الجايه
سحاب هزت راسها : عادي احس ما عاد يفرق معاي يمكن لو شفته ما اتألم لانه لمن اسمع اسمه ما عاد يفز له قلبي
د. سيف : طيب بسالك وش صار بجامعتك قدمتي ؟
سحاب : امي رفضت أسافر الأردن حاولت بس محد سمعني يمكن خايفين ارجع لهم متزوجة وحامل وصراحه ما الومهم بس سجلت جامعه ودخلت طب اسنان
د. سيف : كويس
سحاب : خلص خلصت الجلسه ؟
د. سيف ضحك : لا باقي نص ساعه سولفي في أي موضوع تبينه
سحاب : متى بتكون الجلسه الاخيره ؟
د.سيف : لمن تحسين انك مو محتاجه لي ابداً هنا تقررين انه ما ترجعين العياده
سحاب : عادي اسألك سوال انا هالمره؟
د.سيف : اسالي
سحاب فركت يدينها بتوتر : ليه كنت بالبدايه مُصّر ع العلاج وانه ابدا جلسات ؟
د.سيف : أي دكتور مكاني بيسوي نفس هالشي ، لكن للامانه قصتك لمن سمعتها من اخوكِ ذياب شدتني جداً عشان كذا قررت انه تبداين علاج سواءً معاي ولا مع أي اخصائي ثاني .
.
عند لينا ؛
ناداها ابوها وحست قلبها طبول اخذت نفس وليان شدت ع يدها وهي تطمنها مشت بخطوات هاديه و دخلت المجلس وعينها ع الأرض : السلام عليكم
فواز اول ما شافها توسعت ابتسامته : وعليكم السلام
فايز : ادخلي يا يبه
لينا جلست بالكنبه المقابله ورفعت عيونها اول ماشافت فواز ارتبكت وناظرت الأرض ..
هاللحظة اندق الجرس بشكل متواصل بدون انقطاع
فايز وقف : بسم والله وش صاير ؟
العامله طلعت وفتحت الباب ل طلال و دخل مثل المجنون وهو يركض دخل البيت ونادي بصوت عالي : لينا لينا
لينا فز قلبها و وقفت لانها عرفته من صوته
طلال وقف عند الباب وناظر لينا ولف يمين وناظر فواز وحس الأرض تغلي من تحته
فايز بحده : انت ما تستحي
طلال ما قدر يتحمل وهو يشوف فواز يناظر لينا تقدم بسرعه وسحب لينا لوراه وغطاها ناظر فواز بعصبيه : انت ما تستحي يوم تجي تخطبها و انت تدري انه هي تحبني و انا احبها وسبب طلاقنا كان سحر و انفك السحر وخلص يلا توكل مافي بنات بهالبيت للزواج
فواز ناظر فايز : هالمجنون وش يقول ؟
فايز ناظر لينا وشاف دموعها ويد طلال يلي مادها للخلف وماسكها تقدم وسحبها من يد طلال : ادخلي يا لينا .. ناظر طلال وكمل : انت وش تبي مو طلقتها ؟ ما تبيها تشوف حياتها داخل علينا مثل المجنون؟
طلال : انا ابي لينا و انت تدري يا عمي علاقتي ب لينا ويلي صار لنا كان سحر والحمدلله انفك و رجع لي عقلي و انا ما راح اتخلى عن حبيبتي و ام عيالي و انا متاكد انه لينا تحبني لكن تبي تنتقم مني
فواز قرب له ومسكه من ياقة ثوبه : انت ما تستحي !
طلال دفه بقوه : انت يلي ما تستحي و انا اقولك يلا توكل مالك نصيب بهالبيت
فواز : القرار ل لينا ، أسألها يا عمي
فايز تكلم بحده : انتو الاثنين اطلعو من البيت
فواز انقهر و اخذ جواله و طلع من البيت
فايز ناظر طلال : وش عندك انت ؟ اطلع !

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 264 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

طلال مسح ع وجهه وحاول انه يهدا قرب ل فايز وباس راسه : تكفى يا عمي ادخل و اسال لينا قولها طلال يبيك والله العظيم محد بالدنيا هذي يحبها كثري لا تنسى بينا عيال يا عمي تكفى ساعدني
فايز اخذ نفس و دخل الصاله بهدوء عكس العصبيه يلي كان فيها
حصه وقفت : خير وش هالصياح ؟
فايز ناظر لينا : لينا طلال داخل ويبيك زوجة على سنة الله و رسوله اذا للحين تحبينه وافقي عليه ولا تنسين انه يلي صار ما كان ب ارداته كان سحر ، فقولي الحين اذا تبينه او لا
لينا مسحت دموعها وناظرت ابوها
فايز ابستم وهو يطمنها : ها وش قلتي والله انه شاريك ويحبك
لينا ابتسمت من بين دموعها : موافقه .
.
بعد مرور يومين
في بيت أبو لينا ؛
الكل كان موجود عشان ملكة طلال و لينا ، طلال اخذ كل اهله و راحو طلبوها وكانها اول مره بتتزوج طلال دخل عليها بالهدايا والذهب والورد وعبى كل الصاله هدايا و ورد ل لينا ،
كان بالمجلس ويوقع على ورقة العقد والابتسامه شاقة وجهه
عبدالناصر ابتسم بفرحه : الله يتمم لكم على خير
ذياب خبط ظهره بخفه : مبروك يا عريسنا
طلال ضحك: الله يبارك فيك
نواف : مبروك وعاد هالمره لا اوصيك عليها
طلال : انت توصي مين على مين هذي لينا ، لف ع فايز : عمي اقدر اخذها الحين ؟
فايز ابتسم : ايه تقدر
طلال وقف : اجل انا بالسياره انتظرها ..
بعد مرور نص ساعه ؛
طلال كان قاعد بالسياره ومتوتر جداً ما يدري وش بيسوي اول ما يشوف لينا اخذ عطره و رش منه ونزل ينتظرها اول ما شافها رجف قلبه وكانه يتراقص من شدة الفرح طلعت لينا و ابتسم وسرح فيها زمان كان يتمنى لو يلمحها لمحه وتطيب خاطره الحين هي قدامه ومتجهه له
لينا رغم الفرحه يلي تعيشها انه اجتمعت ب طلال الا انه بداخلها خوف كبير ما تدري ليش طردت الأفكار السلبيه و ابتسمت له بحب
فتح لها باب السياره و الابتسامه شاقه وجهه: نورتي قلبي وحياتي
توسعت ابتسامتها وطلعت السياره اول ما شمّت ريحة عطرة حست انه لعب بحواسها الخمس ، طلال طلع جنبها وشغل السياره ومشي شابك أصابعه ب اصابعها و رفع كفها وباسها بشغف ما يدري هاللحظة وش يقول ضلّ ساكت لين وصل الفندق و نزل و لينا نزلت معاه وطلع المصعد وشافها ب انعكاس المرايه وابتسم لها ابتسامه خلّت قلبها يرجف انفتح المصعد و طلعو طلال فتح الجناح و لينا دخلت سكر الباب و شال شماغه و حطه فوق الكنبه لف عليها وكانت تنزل عبايتها ولابسه فستان ابيض ماسك ع جسمها وبارز جمالها لفت عليه وحست انها اول مره تشوفه من قوة المشاعر يلي هاجمتها
ابت عيون طلال انها تناظر شي غير عيونها حس صدره ضاق لمن شاف دمعتها ع خدها قرب عليها ومسح دمعتها وضمّها بكل مشاعر الحب لينا رفعت يدها وتعلقت فيه بقوه ،
ابعد عنها بعد فتره من الوقت وعمّ الصمّت بينهم بس عيونهم تناظر بعض وكانّها تتذكر الماضي بحلوه و مُره قطع صمتهم صوت شهقتها
طلال : لا تبكين والله ادفع عمري كله بس لا تبكين يا جعلني ما ابكيك الا فرح ، يا فرحة قلبي انتِ
لينا ابتسمت من بين دموعها وحطت راسها ع صدره ولفت يدينها حول ظهره وهمست بصوت مهزوز : كأن الزمن توقف فينا من لحظة حلوه والحين رجعنا لبعض وكأنه ما صار شي
طلال باس راسها وشد عليها : قسماً بالله انىِ احبك لدرجة نسيت اشلون تصير الحياه بعيده عن حضنك.
.
سحاب نزلت من السياره وهي تتأمل كل تفاصيل البيت حست بمشاعر غريبه وذكريات كثيره ابتسمت من الذكريات و رفعت يدها و دقت الجرس دقيقه و فتحت لها الباب هدى اول ما شافت سحاب انصدمت و ارتبكت : سحاب !
سحاب ابتسمت وسلمت عليها : ايه سحاب ، كيف حالك يا هدى ؟
هدى بصدمه : اهلين تفضلي تفضلي
سحاب بلعت ريقها وهي تقوي من نفسها دخلت الصاله و القت السلام اول ما شافت سلطان توترت لكن هدت بنفس اللحظه وسرحت وهي تشوفه وسالت نفسها هاللحظة سوال " كيف حبيتيه يا سحاب !"
منيرة لفت و وقفت : وعليكم السلام
اروى وقفت وسلمت عليها
ملاذ ابتسمت اول ما شافتها و قربت لها وسلمت عليها و رحبت فيها
منيرة : معليش صراحه استغربت من زيارتك المفاجئه
سحاب ابتسمت : ادري وجيت بلا موعد بس في شي هنا انا احتاجه و هو يحتاجني ، انا جيت عشان اشيل ولدي سَعد
سلطان اخذ سَعد من فوق الكنبه : بس انا ما راح اعطيك ولدي وهذا اتفاق بينا ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮