وَلَيَالٍ عَشْرٍ "

لو قولت إن أنا بستنىٰ العشر ليالِ دول كُل سنة هبقىٰ مش ببالغ واللهِ.

طب ليه !؟
لإن دول التعويض في الفاينل بالنسبالي

لو قولنا إن رمضان هو الميدتيرم فـ العشر ليالِِ هم الفاينل .
يعني ايه!

- بص يا باشا إنت عندك حاجة إسمها أفضل الليالِ ؛ وأفضل الأيام
العلماء لما عملوا مقارنة بين العشر ليالِ دول وبين رمضان قالوا إن كلاهما أعظم عند الله
لإن العشر الأواخر من رمضان فيهم ليلة القدر وهي من أعظم الليالي، بس العشر ذي الحجة أعظم من ناحية الأيام لإن فيها يوم النحر ويوم عرفة ويوم التروية
فـ كلاهما أعظم عند الله.
يعني بنهاية العشر ليالِ إنت كده خلصت فاينل . هتعوض فين !!

قال تعالىٰ " وَرَبُّكَ يَخْلُقُ مَا يَشَاءُ وَيَخْتَارُ "

فـ اختار من أيام السنة " العشر ليالٍ " وأقسم بهم ، وأختصّهم بمزيد الفضل ؛ وزيادة الأجر ؛ وإجابة الدُعاء
فـ الدعاء فيهم مُستجاب وهي عبادة تؤجر عليها بجبالٍ من الحسنات ، والصلاة والصدقة في هذه الأيام أجرها أعظم

- التعويض في الفاينل -

يعني لو فاتك رمضان فـ قدامك فرصة تعوض كُل عبادة فيه تاني
القُرآن اللي إنت هجرته في رمضان قدامك فرصة تعوضه تاني بـ أجر عظيم
صلاة التراويح اللي انت كُنت بتكسل عنها قدامك فرصة دلوقت تعوضها بقيام ليال في العشر ليالِ
كُل ما تكاسلت عنه سابقًا عاد إليك مرة أخرىٰ في أحب الأيام إلى الله فلا تتكاسل

لو ضيعت أفضل الليالي ( ليلة القدر ) فلا تُضيع أفضل الأيام

طب أفضل العبادة في الأيام دي ايه بعد المفروضة ؟!

- لِّيَشْهَدُوا مَنَافِعَ لَهُمْ ( وَيَذْكُرُوا اسْمَ اللَّهِ)
فِي أَيَّامٍ مَّعْلُومَاتٍ

قال رسول الله ﷺ
( ما من أيام أعظم عند الله ولا أحب إليه العمل فيهن ، من هذه الأيام العشر ، فأكثروا فيهم من التهليل والتكبير والتحميد )

- التهليل ، التكبير ، التحميد

الله أكبر ، لا اله إلا الله ، الحمدلله

التكبير دا بقى سُنة مهجورة عن النبي ﷺ في العشر ليالِ فـ فكرة إنك بتحي السُنة ؛ وبتمتثل لأوامر النبي ؛ وبتذكر الله
يعني إنت كده جمعت ثلاث نوايا بـ ثلاث أجور بإذن الله

كُل عبادة إجمع ليها نوايا كتير عشان تعظم أجرك

كُل اللي إنت عملته في رمضان أو كان نفسك تعمله ومعملتهوش ؛ ربنا قدملك فرصة تانية فـ حاول مرة تانية وإياك تضيعها من إيدك

لو ضيعت أفضل الليالِ بلاش تضيع أفضل الأيام💙"))

أستعدوا 🌹
غداً اول يوم في العشر من ذي الحجة و من مغرب اليوم هتبدأ اول ليله 🥰

إسراء عاطف

اهم عشر معلومات لازم تكون عارفهم عن عشر ذي الحجة👇👇

١_بصوا يا جماعة مع اذان مغرب النهاردة ولمدة ١٠ أيام هنكون عايشين في أهم وأفضل وأعظم ايام في السنة كلها،يقول النبي صلى الله عليه وسلم "أفضل أيام الدنيا ايام العشر"

٢_أيام من شدة عظمتها وفضلها ربنا اقسم بها في كتابه في سورة كلنا حافظينها سورة الفجر "والفجر وليالٍ عشر" وطبعاً ربنا العظيم لا يقسم إلا بعظيم وربنا ذكرها في كثير من آي القرأن امثال قوله "ويذكروا الله في أيام معلومات"

٣_أيام العمل الصالح فيها عند ربنا أحب إليه واعظم من الجهاد في سبيله.
يقول النبي صلى الله عليه وسلم"مامن ايام العمل الصالح فيها احب إلي الله ولا أعظم من هذه الأيام العشر" قالوا ولا الجهاد في سبيل الله....."

٤عشر ذي الحجه سيدناابن عباس قال إن العمل فيها بيضاعف الي ٧٠٠ ضعف "لك ان تتخيل"😲
ابن رجب الحنبلي وهو من كبار العلماء قال إن الله يضاعف الأعمال في هذه الأيام العشر أكثر مايضاعف في رمضان متخيل كنا مستعدين لرمضان ازاي وبنجتهد في الطاعة والعبادة فيه ازاي اهو الأيام دي بئا يقينا اعظم من أيام رمضان

٥_سيدنا عبد الله بن عمر كان بيقول عمرة في هذه الأيام أحب الي من عمرة في رمضان اللي بتساوي حجة كاملة ودا ليه لما لهذه الأيام من خصيصة مضاعفة الأعمال

٦_عشر ذي الحجة كمان فيها يوم عرفة اللي هو أكتر يوم ربنا بيعتق فيه عباد من النار فضلا عن عظم وفضل اليوم ده ودي رسالة لكل واحد فاته فرصة العتق في رمضان جالك فرصتك مع أعظم يوم فيه عتق من النار في السنة كلها "ما من يوم اكثر من ان يعتق الله فيه عبدا من النار من يوم عرفة وانه ليدنوا ثم يقول ماذا أراد هؤلاء كمان صيام اليوم دا بيكفر سنة فائته

٧_عشر ذي الحجة فيها يوم هو أعظم يوم في السنة حرفيا بلا منازع ولا منافس أعظم من اي يوم في رمضان،أعظم من اي يوم في العشر الأواخر،أعظم من ليلة القدر وهو #يوم_النحر او يوم #عيد_الأضحي اللي للأسف معظمنا بيضيعه وبيقصيه في معصية ربنا ،قال رسول الله صلى الله عليه وسلم"إنَّ أعظمَ الأيَّامِ عندَ اللَّهِ تبارَكَ وتعالَى يومُ النَّحرِ"

٨_بعض العلماء قالوا ان صيام كل يوم من أيام العشر يعدل عند الله صيام سنة كاملة
وسيدنا انس كان بيقول ان كل يوم من ايام العشر بيساوي الف يوم ويوم عرفة بيساوي عشر الاف يوم والنبي ورد عنه إنه كان بيصوم الأيام دي 💪💪

٩_من افضل الأعمال الصالحة اللي ممكن نعملها في الأيام دي إن لساننا لا يتوقف عن ذكر الله"تكبير تحميد تسبيح تهليل ......" وبصراحة فرصة عبادة سهله ومش بتحتاج اي مجهود بدني ولا مادي فلو ناوي إن لسانك يتوقف ولو لحظة واحدة عن ذكر الله في الأيام دي يبقي إنت بإختصار مش دماغك بئا 😲😲
يقول النبي "ما مِن أيَّامٍ أعظَمُ عِندَ اللهِ ولا أحَبُّ إليه مِن العَمَلِ فيهنَّ مِن هذه الأيَّامِ العَشرِ، فأكثِروا فيهنَّ مِن التَّهليلِ والتَّكبيرِ والتَّحميدِ).
وربنا بيقول "ويذكروا الله في أيام معلومات" العلماء قالوا الأيام المعلومات=عشر ذي الحجة‌❤️⁩

١٠_النهاردة مع اذان المغرب هيبدأ التكبير المطلق اللي صيغته "الله أكبر الله أكبر الله أكبر لا إله إلا الله......الله أكبر الله أكبر ولله الحمد" فيلا بئا كبر بلسانك وشغل فونك دايما جنبك علي التكبيرات وكذالك في السيارات والمحلات والشوراع ......طبقوا سنة نبيكم وإعتزوا بيها يا جماعة وأفرحوا بفضل الله وبرحمته‌❤️⁩‌❤️⁩

سيدنا عبدالله بن عمر وابو هريرة كانوا طوال الأيام دي بيخرجوا للأسواق يكبروا والناس تكبر وراهم

منقول.
#فرسان_العشر💪💪

《 و ليالٍ عشر 》..

إنَّ لربِكُم في بقيةِ أيام دهرِكم ؛ نفحات فتعرضوا لها .. لعل دعوة أن توافق رحمة ؛ فيسعد بها صاحبها سعادةً لا يخسر بعدٓها أبدا !

نفحاتٌ .. هي ذخيرتُك الرُّوحية التي تَنتظِر مِنك أنْ تَستنطِقها .. كي تحكي لك كيف يصنع المرء في زَمنٍ قَصيرٍ ؛ ضِفاف شَواطِئَ مِن الأجرِ الأزليِّ الخَالد !

رُبّما تبدو لك أياما معدودات ..
لكنها أشبهُ بحروفِ { ألَمْ } و { حَمْ } ؛ حيثُ تَشكَّل القُرآن كلّه مِن تلك الحُروف المُبهَمة !

هي أيامٌ مَعدودات قَليلةٌ .. و في ظِلّها سَيتشكّل لكَ نَسيج العَام كلّه ..
فاخْتر على أيِّ هَيئةٍ سَيكون نَسيجك !

هاهيَ تُحشِد لكَ تِلك الَّليالي المُباركة .. و تَصنع لكَ زمَناً أُسطُورياً ثَرياً بِوَعدٍ عَجيب ؛ أنْ تبلُغ فيها ما لا يَبلغه المُجاهِد في سَبيل الله !

قالَ ﷺ :
( ما مِن عملٍ أزْكى عِند الله ولا أعظم أجراً من خيرٍ يَعمَله في عَشْر الأَضحى ..
قيل .. ولا الجهادُ في سبيل الله ؟ قال .. ولا الجهادُ في سبيل الله ؛ إلا رجلٌ خرج بِنفسه وماله فلَمْ يرجعْ من ذلك بشيء ) !

أيُّ كَرَمٍ هذا !
أيّ حُبٍّ هذا !
إذْ يتَوَدَّد لك الله ؛ فَيمنحك مَقاماً كأنَّه موَاقع النُّجوم !

هذا زمنٌ سَيكون في آخرِ أيامه ؛ تنَزُّلٍ إلهيٍّ في عَرفة ..
تَنزُّلٌ لأَجلك أنتَ .. فتَهيَّئْ لِذلك !

انتَظرونا ..
في رسَائل خاصّة بالعَشر مِن ذي الحِجّة ..
عسَى اللهُ أنْ يَجعل لنا فيها مَع الفَضلّ مَوعِداً !

🔹د.كِفَاح أَبو هَنّوْد 🔹
-------------------------------

هنعمل اية النهارد ؟

قبل المغرب - هنحمد الله اننا في العشر الأوائل اللي ربنا اقسم بهم في سورة الفجر و نفهم أطفالنا فضل الايام دي و نبدأ معاهم التكبير المطلق اللي في كل وقت و حين .

بالنسبه للى هيضحى ان شاء الله إنتبه
قبل مغرب النهارده اخر موعد لحلق الشعر وتقليم الأظافر لمن ينوى ذبح الأضحية إن لم تضحى فذكر بها ولك الأجر.

كل عام وانتم بخير ❤
#العشر_من_ذي_الحجة ✨

#أذكار_المساء💙

بسـم الله الـذي لا يضر مع اسمه شيء في الأرض ولا في السماء وهو السميع العليم. (3 مرات)

أعوذ بكلمات الله التامات من شر ما خلق. (3 مرات)

اللهم اغفر لي ذنبي واخسئ شيطاني وفك رهاني 🌸🌸

رضيت بالله ربا وبالإسلام دينا وبمحمد صلى الله عليه وسلم نبياً. (3 مرات

سبحان الله و بحمده عدد خلقه و رضا نفسه و زنه عرشه و مداد كلماته 3 مرات

حسبي الله لا إله إلا هو عليه توكلت وهو رب العرش العظيم. (من قالها 7 مرات كفاه الله ما أهمه)

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين. 3 مرات

قراءة المعوذتين (( قل أعوذ برب الفلق )) ، (( قل أعوذ برب الناس)) .

و(قل هو الله احد) 3 مرات

يارب لك الحمد كما ينبغي لجلال وجهك وعظيم سلطانك 🙂

لا اله الا انت سبحانك.اني كنت من الظالمين 3 مرات

اللهم ما امسي بي من نعمه او ب احد من خلقك ف منك وحدك لا شريك لك ف لك الحمد ولك الشكر 3 مرات

اللهم اني امسيت منك في نعمه وعافيه وستر ف اتمم نعمتك.علي وسترك في الدنيا والاخرة 🙂 3 مرات

قراءة آية الكرسي:

((اللَّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَهُ مَا فِي السَّمَاوَاتِ وَمَا فِي الأَرْضِ مَنْ ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِنْ عِلْمِهِ إِلاَّ بِمَا شَاءَ وَسِعَ كُرْسِيُّهُ السَّمَاوَاتِ وَالأَرْضَ وَلاَ يَئُودُهُ حِفْظُهُمَا وَهُوَ الْعَلِيُّ الْعَظِيم))ُ

قراءة الآيتين الأخيرتين من سورة البقرة

((آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ *لا يُكَلِّفُ اللَّهُ نَفْسًا إِلا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانْصُرْنَا عَلَى الْقَوْمِ الْكَافِرِين.َ ))

اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء بذنبي فاغفر لي فإنه لا يغفر الذنوب إلا أنت.

(من قالها حينما يمسي مؤمنا بها موقنا بها فمات من ليلته دخل الجنة)

اللهم فاطر السماوات والأرض عالم الغيب والشهادة رب كل شي ومليكه أشهد أن لا إله إلا أنت أعوذ بك من شر نفسي ومن شر الشيطان وشركه وان اقترف على نفسي سوءا أو أجره لمسلم.

اللهم أنت ربي لا إله إلا أنت ماشاء الله كان وما لم يشأ لم يكن ولا حول ولا قوة إلا بالله العلي العظيم، أعلم أن الله على كل شئ قدير، وأن الله قد أحاط بكل شيء علماً، اللهم اني اعوذ بك من شر نفسي ومن شر كل دابة أنت آخذ بناصيتها إن ربي على صراط مستقيم

أمسينا وأمسى الملك لله والحمد لله ، لا اله إلا الله وحده لا شريك له ، له الملك وله الحمد ، وهو على كل شيء قدير ، ربي أسألك خير ما في هذا الليلة وخير ما بعدها ، أعوذ بك من شر ما في هذا الليلة وشر ما بعدها ، ربي أعوذ بك من الكسل وسوء الكبر ، ربي أعوذ بك من عذاب في النار وعذاب في القبر.

اللهم بك أمسينا وبك أصبحنا ، وبك نحيا وبك نموت وإليك المصير.

اللهم انى اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبه الدين وقهر الرجال

اللهم عافني في بدني اللهم عافني في سمعي اللهم عافني في بصري لا اله الا انت

اللهم إني أعوذ بك من الكفر والفقر وأعوذ بك من عذاب القبر لا اله الا انت. 3مرات

اللهم إني أمسيت أشهدُك، وأشهد حملة عرشك وملائكتك وجميع خلقك بأنك انت الله لاإله إلا أنت وحدك لاشريك لك وأن محمدا عبدك ورسولك  4مرات☺

أمسينا على فطرة الإسلام وعلى كلمة الإخلاص وعلى دين نبينا محمد صلى الله عليه وسلم وعلى ملة أبينا إبراهيم حنيفاً مسلماً وما كان من المشركين.

اللهم إني أسألك العافية في الدنيا والآخرة ، اللهم إني أسألك العفو والعافية في ديني ودنياي وأهلي ومالي ، اللهم أستر عوراتي ، وآمن روعاتي اللهم احفظني من بين يدي ، ومن خلفي وعن يميني ، وعن شمالي ، ومن فوقي ، وأعوذ بعظمتك أن اغتال من تحتي.

اللهم صل وسلم وبارك علي نبينا محمد وعلي آله وصحبه وسلم 🙂 10 مرات

لا إله إلا الله وحده لا شريك له ، له الملك ، وله الحمد ، وهو على كل شيء قدير. (10 مرات)

"سبحان الله وبحمده" من قالها ( 100 ) مرة حطت خطاياه وإن كانت مثل زبد البحر

عرفوا الدنيا كلها إن مغرب اليوم هتبدأ أعظم أيام الدنيا 🍂🧡

د/حازم شومان🌸

فاكرين العشر الأواخر من رمضان ؟؟

فاكرين الروحانيات والإيمانيات والهمّة والنشاط في الطاعة وقيام الليل والدعاء و و و و ؟

فاكرين الأجواء دي ؟

أهو احنا داخلين على أفضل وأعظم ١٠ أيام في الدنيا بما فيهم العشر الأواخر من رمضان

- غدا ان شاء الله اول أيام العشر من ذي الحجة ومن مغرب اليوم إن شاء الله تبتدي اول ليلة في أفضل وأجلّ وأعظم وأكرم ١٠ أيام عند الله في السنة كلها

-قبل أي شئ مهم جداً التخطيط لعشر ذي الحجّة قبل قدومها ...فمن فشل في التخطيط ...فقد خطَّط للفشل...ومن لم يبذل الجهد في الإعداد لهذه الأيام...فلن يبذل الجهد حين يدركها ( قاعدة )

-مفيش أي عمل صالح أو أي عبادة أو أي طاعة هتعملها أرجى للقبول في أي وقت من العشر الأوائل من ذي الحجة دول

- ربنا لما يُقسم بحاجة لازم تعرف إنّ الحاجة ده من أعظم وأكرم مخلوقات الله ... لإنّ العظيم لا يُقسم إلا بعظيم ( والفجر وليالٍ عشر ) ...لازم شغفك بال ١٠ أيام دول يكون بقدر تعظيم الله ليهم

- العشر الأوائل من ذي الحجّة أفضل أيّام الله على الإطلاق في السنة وفي الدنيا كلها .. ولذلك الطاعة في عشر ذي الحجّة أجرها مُضاعف .. وكذلك الذنوب عقوبتها مُضاعفة

- أجمع أكابر أهل العلم أن فضل العشر الاوائل من ذي الحجّة... أفضل وأكبر وأعظم أجراً من العشر الأواخر من رمضان بما فيهم ليلة القدر

تخيل ؟

- نهار العشر الأوائل من ذي الحجّة أفضل من لياليهم ( يعني من الفجر لحد المغرب ) .... بعكس العشر الاواخر من رمضان لياليهم أفضلُ من نهارهم .... ( ما تقضّيش نهار عشر ذي الحجّة في النوم والشغل وملاهي الدنيا ) ....فرّغ نفسك تماما من مشاغل الدنيا واستغل واستثمر كل لحظة من أذان الفجر حتى أذان المغرب في محاولة التقرب والتودد إلى مولاك بالعمل الصالح والدعاء وقراءة القرآن

- في الحديث ( ما من أيام العمل الصالح فيها أحب إلى الله من هذه الأيام ).....قالوا يا رسول الله ولا الجهاد في سبيل الله؟ ....قال ولا الجهاد في سبيل الله إلا رجل خرج بنفسه وماله ثم لم يرجع من ذلك بشيء

فأين المُشمّرون عندما يسمعون هذا الحديث ؟

-رُوي عن بعض أزواج النبي صلى الله عليه وسلم .... " كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَصُومُ تِسْعَ ذِي الْحِجَّةِ وَيَوْمَ عَاشُورَاءَ وَثَلَاثَةَ أَيَّامٍ مِنْ كُلِّ شَهْرٍ " ... قال الشيخ الألباني رحمه الله إسناده صحيح

-التكبير ... التكبير المطلق بيبدأ من فجر أول يوم في العشر الاوائل ... املئوا الدنيا تكبير ... كبّر في كل وقت ... كبّر في كل مكان ...وانت في البيت وانت نازل على السلم وانت في السوق… كان ابن عمر وغيره من الصحابة إذا دخل العشر كبّروا في الأسواق وكبّر الناس بتكبيرهم ... أحييوا سنّة التكبير وما تتكسفوش من دينكم ومن شعائركم ( خصوصاً هذه الأيام )

- من نوى الأضحية لا يأخذ من شعره ولا من أظافره من مغرب يوم الاربعاء إن شاء الله ... المُضحّي فقط أما أهله فلا

-شعارك ف العشر الأوائل من ذي الحجة ( لا تهاون مع الذنوب والمعاصي ...لا تهاون مع النفس الأمّارة بالسوء ...الصلاة في وقتها ...السنن الرواتب... كل يوم أنت صائم ...ختمة كاملة بواقع ٣ أجزاء يومياً... ١٠٠٠٠ تسبيحة في اليوم ...صلاة الضحى... قيام الليل... أذكار الصباح والمساء... الصدقة ولو ١٠ جنية يوميا... وصلة الرحم بالاتصالات والزيارات إن أمكن ....الدعاء في أوقات الإجابة كثلث الليل الأخير وقبل الفطور وأنت صائم... قضاء حاجة لمحتاج ... زيارة مريض ... جبر خاطر مكسور ... إصلاح ذات البيّن)

ماتسبش باب من أبواب الخير إلا وانت سايب فيه علامة

⭕️ - في أحاديث مشهورة عن فضل صيام عشر ذي الحجة وكلّها ضعيفة ومنكرة ( زي حديث من صام عشر ذي الحجه كمن تعبد ٨٠ سنة )

- وزيّ الحديث المشهور والمنتشر ( لماذا نصوم العشر ... لإن اليوم الأول ربنا غفر فيه لسيدنا آدم ...واليوم الثاني ربنا استجاب فيه دعاء سيدنا يونس ... واليوم الثالث ربنا استجاب لسيدنا زكريا ....الخ الحديث )

كلّها أحاديث باطلة ... ماتشيّرش أي حديث إلا بعد التأكد من صحته

⭕️ بالنسبة للأخوات :

أسئلة تدور في الذهن

- هو ينفع أصوم عشر ذي الحجّة وأنا لسة ماصمتش القضاء الل عليا من رمضان ؟؟

= ينفع

- طب ينفع أصوم أيام القضاء الل عليا في أيّام العشر من ذي الحجّة ( بنيّة قضاء رمضان فقط ) ؟؟

= ينفع بل مُستحبّ أصلا ...ويُرجى لكي أجر القضاء وصيام العشر

قال عمر (ما من أيام أحب إليّ أن أقضي فيها رمضان من هذه العشر)

- طب ينفع أصوم عشر ذي الحجّة وأيام القضاء الل عليا بنيّة واحدة ( القضاء وعشر ذي الحجّه مع بعض ) ؟؟

= ما ينفعش …. لإن كل عبادة من دول مخصوصة ومقصودة لذاتها .. بالإضافة إلى إن القضاء فرض وصيام عشر ذي الحجّة سنّة .. ولا يصحّ الجمع بين نيّتين فرض وسنّة ( عند أكثر أهل العلم ) ...غير أنّ فريقاً من العلماء رخّص في الجمع بين النيّتين...ولكن اشترطوا إفراد يوم عرفة بنيّة مستقلة ...

⭕️ ويبقى الأولى والأظهر وما عليه كثير من أهل العلم عدم الجمع بين النيّتين ... فاخرجي من الخلاف واحتاطي لنفسك

١٠ أيّام زلزال على الذنوب
١٠ أيّام زلزال على الشيطان
١٠ أيّام زلزال على ذنوب الخلوات
١٠ أيّام زلزال على الانحدار الل أصابك بعد رمضان
١٠ أيّام زلزال على الهموم وفقدان الثقة والتوهان
١٠ أيّام زلزال علي مجري حياتك كلها

١٠ أيّام لتجديد العهد وتعبئة الرصيد وإثبات نظافة المعدن

وأخيراً احفظ هذا القانون جيداً :

( إن الله سبحانه إذا أحب عبدا استعمله في الأوقات الفاضلة بفواضل الأعمال...وإذا مقته استعمله في الأوقات الفاضلة بسيء الأعمال...ليكون ذلك أوجع في عقابه وأشد لمقته ...لحرمانه بركة الوقت وانتهاكه حرمة الوقت )

بعد ما تحفظه اكتبه في ورقة وعلقه على مكتبك أو في غرفتك واستعد من الآن

📌 ودي شوية روابط مهمة ابدأ اتسلى فيهم من دلوقتي 👇:

🌹 صُنِعَ في العشر | الشيخ محمد خيري
‏https://soundcloud.app.goo.gl/HC2rT

🌹 أفضل أيام الدنيا | د. خالد أبو شادي
‏https://youtube.com/playlist?list=PLp2DOQKDLuAuo_AdOOPqTMxlNfaRnsMQC

🌹 العشر الأوائل من ذي الحجة -قائمة- || د.أحمد عبدالمنعم
‏https://youtube.com/playlist?list=PLnpYU8_AiEPdIqNOKiWQ11wh-WB9HxqMh

🌹 يوم عرفة ||دكتور حازم شومان
‏https://youtu.be/5PNRm3TQFQM

🌹 عرفات والدعاء || دكتور حازم شومان
‏https://youtu.be/CyFwkVomuX8

🌹 العشر الأوائل من ذي الحجة-قائمة- || الشيخ سمير مصطفى
‏https://youtube.com/playlist?list=PLSUcSqxe9RhykX7AVPCYmNgkFl0oiYUMp

السلام عليكم ورحمة الله وبركاته.

بسم الله والحمدلله والصلاة والسلام على رسول الله، أما بعد..

فإن من رحمة الله بنا وكرمه علينا أن جعل لنا مواسم خير؛ لتعلو فيها همتنا، ونستفق من غفلتنا، ونعود إليه -تبارك وتعالى-..

مع مغرب اليوم تبدأ عشرٍ أقسم بهم الله تعالى، وأخبرنا رسولنا الحبيب -عليه الصلاة والسلام- أنها أفضل أيام الدنيا، وأن العمل الصالح فيها أفضل حتى من الجهاد في سبيل الله!

عشرٌ وليست شهر، موسمها قصير تعبُر سريعًا لا تحتمل فتور
الشياطين فيها ليست مصفدة
أكثر الناس فيها غافلون؛
لذا رفع الله ذكرها، وأقسم بلياليها، وضاعف ثوابها..
صوم يوم واحد فيها فيها يكفر ذنوب سنتين!

فاجتهدي ولاتجعلي هذه الأيام كبقية الأيام، فإن مجرد تعظيم هذه الأيام قُربة إلى الله -تعالى-.

استغلي هذه الأيام في التغيير، وإيقاظ قلبك من جديد.. انوِي أن تكون العشر هي نقطة انطلاقك..

استقبلي هذه الأيام بالتوبة وكثرة الاستغفار، واستحضار النية في كل عمل.

الصيام: وليس صيام المعدة فقط، لكن صيام لسانك عن الكذب والغيبة والقول الفاحش، وعينيك عن النظر إلى الحرام، وأذنيك عن سماع كل ما حرم الله.

القيام: اجعلي لكِ قيامًا خفيًا لا يدري به أحد (فعبادة السر تفضل عبادة العلانية بسبعين درجة) ولو ركعتين بعد العشاء.

القرءان: احرصي على ولو ختمة واحدة خلال العشر أي بمعدل ثلاثة أجزاء في اليوم (قراءة الجزء حوال 20 دقيقة= 120 ألف حسنة في اليوم العادي، فكم يساوي هذا العدد في مواسم مضاعفة الأجور؟!)

الذكر: أكثري من التهليل والتحميد والتكبير، اجعلي لسانك لايفتر عن الذكر أبدًا، وليكن الذكر أنيسك أثناء انشغالك في أعمال المنزل، أو رعاية أولادك، أو عملك..

الصدقة: اجعلي لكِ صدقة يومية ولو بالقليل، لاتستصغري شيئًا، فالسيدة عائشة تصدقت بعِنبة، و قالت كم فيها من مثقال ذرة أم يقل الله -تعالي- "فمن يعمل مثقال ذرة خيرًا يره"
فلا تحقري من المعروف شيئًا.

الدعاء: اغتنمي مواطن الإجابة وأكثري من الدعاء فيها (بين الآذان والإقامة، وفي السجود، ودبر كل صلاة، وعند الإفطار)
وادعي لأهلك، وصديقاتك، وعلماؤنا ومشايخنا ومعلماتنا وكل من له عليك فضل، ومن علمتِ أن به ضيق أو له حاجة، فيقول الملك ولكِ بالمثل.

احرصي علي تطبيق سنة مهجورة كل يوم، وأعلمي الناس بها ولو بمنشور علي صفحتك.

اللهم وفقنا للعمل في هذه الأيام، واجعل لنا فيها نصيبًا من الرحمة والمغفرة واستجابة الدعوات!

#كوني_عائشة
#ءاية_سعيد

تخيل لو حد بتحبه جداً جيه قال لك إنه بيحب حاجة معينة جداً أو إن دي أكتر حاجة يحب يشوفها منك، أكيد هتركز إنك تعملها عشان تثبت له وتبين له قد إيه أنت فعلاً بتحبه..
ولله المثل الأعلى، ربنا عز وجل بيقولك إن في كام يوم في السنة هم أحب وأعظم الأيام عنده! فكر كدة هتعمل إيه لله في أحب الأيام إليه؟

قال رسول الله صلى الله عليه وسلم: (ما من أيام العمل الصالح فيها أحب إلى الله من هذه الأيام ـ يعني أيام العشر ـ قالوا: يا رسول الله، ولا الجهاد في سبيل الله؟ قال: ولا الجهاد في سبيل الله، إلا رجل خرج بنفسه وماله ثم لم يرجع من ذلك بشيء) [رواه البخاري].

الأيام دي هتبدأ من مغرب النهارده إن شاء الله
فرصة العمر هتبدأ.. فرصة إنك تاخد ثواب مش هتعرف تاخده في أي وقت تاني، فرصة إنك تاخد خطوات في دينك ربنا يحبها في أحب الأيام إليه، فرصة إنك تاخد قرارات متأجلة في علاقتك بربنا سبحانه وتعالى.. فرصة إنك تظبط فروضك وتسيب المعاصي اللي عاملة حواجز بينك وبين ربنا سبحانه وتعالى..

فرصة لتحسين الفروض، فرصة للذكر والصيام والقرآن وبر والدين وغيره من العبادات اللي محتاجين نفتكر ثوابها وقدرها خصوصاً في أحب وأعظم الأيام إلى الله!
فرصة جايلك لحد عندك ماتضيعهاش.. هم 10 أيام عظمهم في قلبك واستغلهم.. (ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ)

خلي شعارك في الأيام دي "وعجلت إليك رب لترضى"
فر لربنا سبحانه وتعالى من نفسك وذنوبك وتقصيرك.. روح لربنا وريله إنك فعلا عايز ترضيه وإن هو سبحانه أعظم شئ في قلبك..

Ahmed Amer

اللي ظلم حد سواء معنوياً أو ماديا
ففي الأيام دي المفروض يعض علي صوابعه والله من صعوبة دعوة المظلوم ، دعوة المظلم في الأساس مجابة وليس بينها وبين الله حجاب فبالك بقي بأيام أقسم ربنا بيها في كتابه ، صفّوا حسابتكوا ياجماعة عشان مهما هربتوا من اللي عملتوه وظنيتوا إنه عادي وبيس وماله فدعوة المظلوم علي اللي ظلمه أو أذاه أو جه عليه ملاقيها في الدنيا والآخرة : ))🌸

ل Sama Medhat

- من ليلة 1 ذي الحجة بإذن الله لغروب شمس 13 ذي الحجة يبدأ التكبير المطلق، هو غير مقيد بمواقيت معينة. يعني تكبّر الصبح وبليل وقبل الصلاة وبعد الصلاة وفي كل وقت براحتك خالص
والصيغ عندك فيها سعة، ممكن تقول "الله أكبر الله أكبر الله أكبر، لا إله إلا الله. الله أكبر الله أكبر، ولله الحمد"
*ليلة 1 ذي الحجة هي من غروب شمس اليوم*

- "خير الدعاء دعاء يوم عرفة"
أفضل وقت تدعي فيه هو يوم عرفة، وإذا كانت ليلة القدر مجهولة. فـيوم عرفة معلوم
"وخير ما قلت أنا والنبيون من قبلي
( لا إله إلا الله وحده لا شريك له، له الملك وله الحمد وهو على كل شيء قدير)
ده كده بقية الحديث، يبقى أفضل الدعاء دعاء يوم عرفة، وأفضل ذكر هو
( لا إله إلا الله وحده لا شريك له، له الملك وله الحمد وهو على كل شيء قدير)

- صيام العشر من ذي الحجة مستحب، لو قادر تصوم متكسلش، لو الصيام هيأثر عليك سلبًا مع الحر والشغل فخلاص. بس حاول تصوم عرفة، صيام يوم عرفة يُكفّر الله به ذنوب سنة قبله وسنة بعده

- قيل إن الصالحين كانوا بيستنوا يوم عرفة "للدعاء" ومكنش ييجي يوم عرفة الجديد بعد سنة إلا ودعواتهم قد أُجيبت

Sama medhat

الـ عايز يقضى عشر ذي الحجه بجدول منظم - بس الجدول ده في نيه معينه - إنك تنوي
تكمل عليه و يبقى بداية رجوعك لله تاني من أول و جديد :))

طبعا الايام دي فضل الاعمال الصالحه فيها مش قليل , فـ مثلا لو
أنك تمشي يومك كده :-

- تبدأ بجلسة الشروق بعد الفجر ( بأجر حج أو عمره ) ال أنت
كان نفسك تطلع تعملها , تقرأ فيها قرآن و تسبح و تصلي ع النبي
و تختمها بركعتين بعد معاد الشروق ب 20 دقيقه و كده أجر حجه
او عمره تامه باذن الله .

- تصلي السنن بتاعة كل فرض ( 12 ركعه كقصر في الجنه ) .

- تنوي على ختمة قرآن ( كل يوم 3 اجزاء يعني 30 جزء يخلصوا
في ال 10 ايام بإذن الله ) ,

- صدقه يومياً , على قد ما تقدر طلع , و لو 5 جنيه حتى كل يوم ,
أعمل زياره لمستشفى - زور دار أيتام - روح دار مسنين حاول
تعمل اي حاجه من الحاجات دي , حاول تدخل السرور على فقراء
المسلمين , أو حتى أشتري لطفل فقير طقم عيد و لو بسيط و فرحه بيه ,
لو حت تشترك مع أصحابك في ده , او لو عندك طقم جديد ملبستوش
قبل كده و بورقته , طلعه لله ايه المشكله ( لن تنالوا لبر حتى تنفقوا
مما تحبون ) , و هكذا .

- كل يوم حاول تساعد أهلك في إفطار الصايم , إنك تحضر
مع والدتك أكل , تساعدها , تدي لأهل بيتك ع الفطار تمر
وزعه انت , أدي لصاحبك علبة تمر يفطر عليها هو و أهله ,
البواب - الفراش - عامل نظافه - حد قريبك - صاحبك
أي حد حاول تفطر صايمين ع قد ما تقدر هتاخد أجر
فطاره يعني هيتكتب لك اجر صايم مرتين .

- متبطلش ذكر و تهليل و تحميد , يسيبك من اللغو ,
و الكلام المتعاد , و الكلام ال ملوش لازمه , و أعملك
ورد ذكر يومي , بس مش لازم يكونوا ألاااف , أهم حاجه
تحسهم و تقولهم بقلبك و لسانك , علشان تشوف أثرهم
ع نفسك ( ألا بذكر الله تطمئن القلوب ) , و متنساش
تصلي ع حبيبك كتير ممكن بعد كل فرض 100 مره
صلاه ع النبي .

- برضه من ضمن أجر العمره أنك تسبح بعد صلاتك
التسبيح المعروف .

- قيام الليل : خليه ساعه مثلا أو أكتر بس مثلا لو هنقول
ساعه هتكون عباره عن :
ربع ساعه صلاه / ربع ساعه قرآن / ربع ساعه دعاء
ربع ساعة إستغفار .

- الدعاء : متبطليش تدعي بكل تفاصيل الدعاء و كل ال
نفسك فيه ما دق و جل , متقولش دي حاجه بسيطه
ولا تقول دي صعبه , أنت أدعي و خليك واثق ان
دعوات الفطار هتيجي لك بفرج ولا ع البال , خلي
يقينك بالله عالي .

- معرفتش تقعد قعدة الشروق : صلى 2 / 4 /8 ضحى
لما تصحي من النوم بس يكون قبل معاد الضهر
ب 20 دقيقه و كده أجر 360 صدقه باذن الله .

- مجالس العلم و الذكر و حلقات القرآن , متنسهاش .

- و اذكاو الصباح و المساء و تسبيح
قبل الشروق و الغروب .

ده مش جدول لل عشر ايام دي بس مش بحب فكرة تخصيص
اايام معينه و بقيت الايام نبعد :)) أعتبر الجدول ده بداية ليك
في سكة القرب من أول و جديد , مع العلم و سماع فيديوهات ,
و قراءة الكتب ال تقربك من ربنا , و سماع أسماء الله الحسنى ,
كل ده هيقربك عن ( علم ) فـ هتحبه و تحاول تقرب ع طول
مش ايام و ايام , لكن لما تقرب ( بجهل ) هتقرب شويه
و تبعد كتير , أعبد الله بالعلم و الاجتهاد , و اعرف ان
ال عايز قرب ربه , مستحيل ربه يبعده :)

#العشر_ذي_الحجه ✨

Mona Mohsen

*خطة للعشر الأوائل من ذي الحجة*
بوست خفيف اقرأه كويس ولو في تفصيلة واحدة فادتك منه عرفها لصحابك 💪💙

1- الصيام
انوي إنك هتصوم كل الأيام بعون الله على قد ما تقدر مش يوم عرفة بس، أهو حتى لو في يوم ولا اتنين ولا تلاتة وقعوا منك تاخد ثواب النية وكإنك قمت بالفعل، ربنا بيقول "كُلُّ عَمَلِ ابْنِ آدَمَ لَهُ إِلَّا الصِّيَامَ فَإِنَّهُ لِي وَأَنَا أَجْزِي بِهِ" معنى الحديث إن كل طاعة بتعملها ليك انت ولنجاتك وأجرها وثوابها معروف لكن الصيام ربنا بياخده منك ويتقبله منك ويجازيك بيه جزاء مش هتعرفه غير يوم القيامة.

2- الإستغفار
استغفر كتير جدًا في الفترة دي 💖
اللي نفسه في حاجة يستغفر عشان دعوة يوم عرفة مجابة بعون الله ودعوة المستغفر تُصيب، استغفر عشان ربنا يفتح عليك في الدعاء.
كلنا عندنا ذنوب ياما، استغفر عشان يوم عرفة يُكفّر سنة عدت من حياتك وسنة جاية.
"الإستغفار مفتاح لكل باب معصلج وكل حلم كبير وكل أمر عظيم، الإستغفار توبة من أي ذنب أذنبته في حق الله مهما بلغ"

3- الدعاء
لو دعائك متحققش في ليلة القدر، لعل الله جاعلك من اللي هيفرحوا في يوم عرفة 💖:'))
ادعي كتير باللي نفسك فيه طول الفترة دي، ادعي وانت واثق إن مهما كانت دعوتك كبيرة فهي كبيرة عليك لكن مش على الله، قريب مجيب لأي دعوة ومن أي عبد.
وخليك فاكر إن دعوة الصائم حتى يفطر لا تُرَد:))

4- الصدقة
لو عايز رزق أيًا كان نوعه، طلع صدقات، اعمل حسابك في مبلغ طول الفترة دي تطلعوا في جهات مختلفة وعلى قد ما تقدر، مش محتاج مبلغ كبير يعني.
لما تطلع صدقة حط إنها بنية كذا بينك وبين ربنا، متطلبش من اللي هتطلعله صدقتك إنه يدعيلك حاجة معينة،
هو دعا يبقى زي الفل ولو مدعاش متقلقش ربك عالم بنيتك وبإحتياجك وهيكرمك آخر كرم، بلاش تحسسه إنك بتكسر عينه.
الصدقة تطلع لأي حد محتاج ولا يقدر، إما إنه لا يقدر تمامًا يعني لا يملك أو إنه يملك لكنه لا يكفي زي عمال النظافة مثلًا، وتطلع برضو لأي عمل خيري زي الرسايل اللي ب5 جنيه للمؤسسات الخيرية أو إنك تجيب مثلًا حاجة حلوة لأولاد تقريبًا ميعرفوش طعمها أصلًا:)) !

5- القرآن
لو انت تقدر تختم القرآن في الفترة دي يبقى كويس جدًا، ولو انت ماشي في ختمة فكملها في الفترة دي، ولو مش مُلزم بختمة فممكن جدًا كل يوم تقرأ سورة أو سورتين من اللي بيريحوك أو مقربين ليك زي مثلًا البقرة يس يوسُف مريم القصص وهكذاا، حتى لا تكون من الهاجرين 💚

6- الذِكر
لو انت مش ملتزم بأذكار الصباح والمساء ف دي فرصتك أهو عشان تبدأ تلتزم بيها، بالمناسبة هحكيلكوا حاجة كده، من فترة كنت بكسل أقول الأذكار جدًا فقولت انزل الأبليكشن عشان اتشجع وكنت لو قرأتها مرة انسى مرتين تلاتة، لغاية ما عرفت عظمتها والحمدلله ربنا أكرمني وحفظتها فبقيت أقولها غيابيًا، من عظمتها دي بقى إنها بتحفظك من حاجات لو عرفت إنها كانت هتحصل كنت تتخض وربي ! وأي حاجة انت خايف منها هي بتبعدها وربنا بيحميك بيها ويصرف عنك شر ما قضى ويلطف بيك بفضلها، زائد إنك بتكون من الذاكرين ودي مرتبة رهيبة هتعرف قيمتها دنيا وآخرة.
"ابن القيم يقول: مدمن الذكر يدخل الجنة وهو يضحك"

نوّع بين الأذكار..
عندك أذكار الصباح والمساء كده معاك يوميًا مبتاخدش منك ربع ساعة، نوّع بقى بين التسبيح -سبحان الله- والتحميد -الحمدلله- والتهليل -لا إله إلا الله- والتكبير -الله أكبر- ودي سنة عن سيدنا النبي في الفترة دي 💙
الصلاة على سيدنا النبي زيها زي الإستغفار وشيوخنا علمونا إن جايز دعائك ناقصه الصلاة على سيدنا النبي عشان تشوفه قدام عينك زائد إنها أعظم وسيلة لراحة البال وتفريج الهموم.
لا إله إلا أنت سبحانك إني كنت من الظالمين، سيدنا النبي قال عنها "ما دعا بها رجل مسلم قط إلا استجاب الله له".
لا حول ولا قوة إلا بالله.. بتحقق معجزات 👌

7- الصلاة
المفروض النقطة دي تكون رقم 1 أصلاً :'))
لو انت مش ملتزم بالصلاة فمبدئيًا في برنامج من كذا سنة كان اسمه أحبك ربي، في حلقتين عن الصلاة لازم تشوفهم 💖
مفيش تهاون في الفروض ومفيش حاجة تعلى لمرتبة الفروض.. فالفرض لازم يكون فرض، مفيش حاجة اسمها اصلي سنن بدل الفروض اللي فاتتني.

بجانب الفروض حاول تبدأ تصل قيام الليل وهم ركعتين خفاف جدًا وأجرهم لا يحصى.
كان في أيام الصحابة قاطع طريق.. يقطع الطرق الصبح ويسرق من الناس، وييجي بليل يصلي قيام ليل.. الصحابة راحت لسيدنا النبي تشتكيله منه، قالهم "صلاته ستنهاه" ثم أصبح الراجل ده من أهم رجال الصحابة بعد كده "الفضيل بن عياض" 💚
اعرف قصص كتير جدًا عن دعوات اتحققت بسبب قيام الليل، منهم دعوات ليا أنا شخصيًا.

👈 صلاة قيام الليل ركعتين -وده أدنى عدد- ثم تختم بركعة وتر وتقرأ في الركعة الوتر سورة الإخلاص.. وقتها من بعد صلاة العشاء لغاية قبل الفجر، وأفضل وقت ليها بعد الساعة 12 بليل -الثلث الأخير من الليل- عشان ربنا بيتنزل لينا ويقول هل من سائل فأعطيه؟ هل من مستغفر فأغفر له؟
ولو انت خلاص مش قادر تصلي أي ركعات قيام فيا سيدي لو أوترت -صليت ركعة وتر- بعد العشاء لغاية قبل الفجر فدي برضو تعتبر قيام ليل وسيدنا النبي قال عنها "إن الله وتر يحب الوتر" أي الله واحد يحب الركعة الفردية الواحدة 💙

صلاة الضحى ركعتين وقتها بيبدأ في النتيجة تحت مسمى "الشروق" أول ما شعاع الشمس يظهر وبتفضل لغاية قبل الضهر بحوالي تلت ساعة، حاول تلتزم بيها 🌸

8- السؤال
اسأل عن قرايبك، اسأل عن صحابك، عيّد عالناس لآجل ما ربنا يفرح قلبك 💚
سيدنا النبي يقول "من أحب الأعمال إلى الله سرور تدخله على مسلم".

دول بإذن الله أهم النقاط يعني وكل سنة وانتم طيبين:))🌼
Sama medhat

هنعمل اية ؟
قبل المغرب هنستحمى إحنا و الأطفال و نلبس حلو و نعطر الشقة و اول ما المغرب يأذن نحمد الله اننا في العشر الأوائل اللي ربنا اقسم بهم في سورة الفجر و نفهم أطفالنا فضل الايام دي و نبدأ معاهم التكبير المطلق اللي في كل وقت و حين 💜 و نفهمهم الفرق بين التكبير المطلق و المقيد 💚

و كل سنه و انتم طيبات و من ربنا قريبات ❤

تعديل الفرق بين التكبير المطلق و التكبير المقيد
💞التكبير المطلق والمقيد💞
1️⃣ المطلق:
.. سنة في اي وقت في اليوم. .. وبأي صيغة تكبير. يكفي ( الله اكبر) .
.. وبدايته ونهايته :
من بداية ذي الحجة حتى اخر أيام التشريق يعني حتى غروب شمس رابع يوم العيد.
2️⃣المقيد :
.. مقيد في وقته يقال بعد كل صلاة فريضة فقط.
.. ومقيد في صيغته ( الله اكبر الله اكبر الله اكبر لا اله الا الله. الله اكبر الله اكبر ولله الحمد.)
.. وبدايته ونهايته؛
من فجر يوم عرفة ( بعد صلاة الفجر يومها) الى اخر أيام التشريق ( يعني صلاة عصر رابع يوم العيد)