اغتنم أجمل أيام الدنيا ♥️ 🕋

من مغرب هذه الليلة يبدأ التكبير المُطلق بأمر الله سبحانه و ينتهى مغرب يوم 13 ذو الحجة.. فأحيوا سنة التكبير وعمِرٌوا بيوتكم بذكر الله..♥️

الله أكبر الله أكبر الله أكبر لا إله إلا الله،،
الله أكبر الله أكبر ولله الحمد.

#وليال_عشر ✨

جدول لختم القرآن في العشر من ذي الحجة ✨ ♥️
#وذكّر 🌸

من الان ستتغير قوانين حسابات الأعمال الصالحة ، ستتغير الدنيا ..
من الان الحسنة ليست بعشر أمثالها فحسب بل ستكون جزاء يعلمه الله وحده

والكريم تكفل بهذا فلك أن تتخيل

#عشر_ذي_الحجه ✨
كل عام وانتم بخير ❤

إقرأ للآخر ويلا نبتدي سوا 💪🏻😍
أصل من بين كل ايام السنة .. في أيام كده بنسميها " نفحات ربّانية " .. ربنا بيختصّها بأجور عظيمة .. بيبعتهالنا كل فترة عشان تريّحنا من الهموم الي فينا ..
من أهم الأيام دي هي عشر ذي الحجة اللي هتبتدي من مغرب اليوم بإذن الله ❤️
إحنا داخلين على "موسم" خير ياجماعة .. موسم بجد بيسمحلنا نجمّع حسنات كتير بـ عمل يسير ..
إنتهزوه وماتضيعوش الوقت فيه .. وخد بالك إن الفضل في الأيام دي عام وشامل لأي عمل صالح .. مش مُحدد بـ حاجة معينة , ربنا عايزك تقربله بأي طريقة تختارها المهم تقرّب
عشر ذي الحجة في نظري هي رحمة إلاهية بتنزل على قلوب الناس الي ماكنش ليهم نصيب في الحج , ربنا عارف إننا نفسنا نـ حج بيته الكريم .. نفسنا أوي نزوره ونأدي الفريضة المُحببة للنفوس دي
عشان كدا بيعوّضنا وكأنه بيقولنا ماتزعلوش إن في حجاج في بيتي وإنتوا لأ .. ما تدايقوش إنهم بيكسبوا حسنات وإنتوا لأ ..
انتوا كمان من جوا بيوتكم تقدروا تنافسوهم في الأجر والثواب ..إعملوا يلا أي عمل صالح .. أي عمل صالح .. وهيجازيكم بيه بأكتر من أجر أي يوم عادي
قرّبوا إنتوا كمان زي ما هُمّا مقربين .. وربنا وحده عالم بالمُتقين المُخلصين .. وهو وحده القادر يجازي كل واحد على قد نيته ويباركله في عمله ويقرّبه بيه لـ جنته
_
تعالوا نتفق إتفاق .. يلا نجدد النوايا ونبتدي نخطط للأيام دي ..
- أي حد كان عنده ذنب نفسه يتوب منه بس مش قادر .. إغتنم موسم الخير ويلا قوم دلوقتي توب وإستغفر وإنوي إنك مش هترجع للذنب ده تاني .. وإدعي كتييير إن ربنا يقويك على نفسك وعلى شيطانك ويبعدك عن ذنوبك ويقرّبك منه ويرّدك إليه رداً جميلاً
- أي حد مقصّر في الصلاة ومش منتظم .. دي فرصة تعاهد نفسك على الإلتزام .. ماتفوّتش ولا صلاة طول العشر أيام دول .. وفي كل صلاة إدعي في كل سجدة إن ربنا يقويك على الإلتزام بالصلاة ويحببها لقلبك ويجعلها راحة ماتستغناش عنها أبداً .. لو عملت كدا ٩ أيام بحالهم صدقني هتلاقي فرق كبير بعدهم إن شاء الله
- الي بيصلوا بس بيأخروا الصلاة عن مواعيدها .. إلتزم بمواعيد الصلاة وسيب أي حاجة أول ما الأذان يأذن .. والأحلى والأجمل إنك تتوضى قبل ما الأذان يأذن وتحتسب أجر السعي للصلاة من قبل الأذان .. خلّي في نيتك إن ده يحميك من الغفلة وإن شاء الله ربنا هيستجيب وهيبعد عنك الغفلة ^_^
- لازم الإستغفار .. ردده دايما , إعمل " منبه " على الموبايل كل ساعة واكتب عليه [ إستغفر ] , عشان كل ماتنسى وتبطّل المنبه يرّن فـ تفتكر وتكمّل .. مجرد إستمرارك ٩ أيام على الإستغفار هيخلّي قلبك يتعوّد عليه ولسانك يألفه , وبالتالي هيبقى رفيقك الدائم بعد ما العشر يخلصوا ;)
- يلا صيااام .. نشجّع بعض ونصوم كلنا .. وماننساش تعدد النوايا عشان نكسب اكتر :D .. صوم الـ9 أيام وكل ماتقابل إتنين وخميس خلالهم إنوي إن اليوم صيام لـ عشر ذي الحجة , وصيام للـ سُنة الإتنين والخميس كمان ..
- تصدّق ولو بـ جنيه واحد كل يوم .. ماتسيبش أجر الصدقة يروح عليك في موسم زي دا ;) , الصدقة ولو حتى بـ حنيه كل يوم هتفرق في حياتك جدا .. وهتفرق في آخرتك أكتر وأكتر
- صيام يوم عرفة ده موسم لوحده كده :D .. دول سنتين بيتغفروا ليك في يوم واحد! .. ماتضيعوش , وماتنسهوش , وإضبط الموبايل من دلوقتي إنه يرّن اليوم ده ويقولك بكرة عرفة يلا صيام :D
_
الأفكار كتير , إبتدي وإسعى في الخير , أعمل كل الي إتقال فوق وضيف عليه على قد ماتقدر .. وإستغل الفرصة في إن أي عمل خير [ من إستغفار أو توبة أو صلاة في مواعيدها أو غيره ] بمجرد ماتعمله العشر أيام دول هتكسب ساعتها من ناحيتين :
1/ هتاخد أجر كبير على إنك عملت الخير ده
2/ هيبقى سهل عليك تكمّل على كده بعد العشر أيام كمان! .. وبكده تقدر تعتبرهم فترة تقوّية وتحقيق لأمنية أجلناها كتير , هي القرب من ربنا بـ المواظبة على الصلاة ومداومة الإستغفار وصيام إتنين وخميس وغيــرها حاجات كتير
_
#عشر_ذي_الحجة ❤️
#موسم_الحسنات .. #موسم_للخيرات😍

Heba A. Ahmed

#status_ll_banat

عشر ذي الحجّة

١٠ أيّام زلزال على الذنوب
١٠ أيّام زلزال على الشيطان
١٠ أيّام زلزال على ذنوب الخلوات
١٠ أيّام زلزال على نفسك الكسولة المُتعطشة لكل ذنب
١٠ أيّام زلزال على الهموم وفقدان الثقة
١٠ أيّام زلزال علي مجري حياتك كلها

- من فجر يوم ( الخميس القادم ) إن شاء الله هنكون دخلنا في أفضل وأجلّ وأعظم وأكرم ١٠ أيام عند الله في السنة كلها

- ربنا لما يُقسم بحاجة لازم تعرف إنّ الحاجة ده من أعظم وأكرم مخلوقات الله ... لإنّ العظيم لا يُقسم إلا بعظيم ( والفجر وليالٍ عشر ) ...لازم شغفك بال ١٠ أيام دول يكون بقدر تعظيم الله ليهم

- العشر الأوائل من ذي الحجّة أفضل أيّام الله علي الإطلاق في السنة وفي الدنيا بأسرها .. ولذلك الطاعه في عشر ذي الحجّة أجرها مُضاعف .. وكذلك الذنوب عقوبتها مُضاعفة

- قال حُذّاق أهل العلم أن فضل العشر الاوائل من ذي الحجّة... أفضل وأكبر وأعظم أجراً من العشر الأواخر من رمضان بما فيهم ليلة القدر تخيل ؟

- نهار العشر الأوائل من ذي الحجّة أفضل من لياليهم ( يعني من الفجر لحد المغرب ) .. بعكس العشر الاواخر من رمضان لياليهم أفضلُ من نهارهم .... ( ما تقضّيش نهار عشر ذي الحجّة في النوم والشغل وملاهي الدنيا )

- في أحاديث مشهورة عن فضل صيّام عشر ذي الحجة وكلّها ضعيفه ومنكرة ( زي حديث من صام عشر ذي الحجه كمن تعبد ٨٠ سنه )

- وزيّ الحديث المشهور والمنتشر ( لماذا نصوم العشر ... لإن اليوم الأول ربنا غفر فيه لسيدنا آدم ...واليوم الثاني ربنا استجاب فيه دعاء سيدنا يونس ... واليوم الثالث ربنا استجاب لسيدنا زكريا ....الخ الحديث )

كلّها أحاديث باطلة ... ماتشيّرش أي حديث إلا بعد التأكد من صحته

- في الحديث ( ما من أيام العمل الصالح فيها أحب إلى الله من هذه الأيام ).....قالوا يا رسول الله ولا الجهاد في سبيل الله؟ ....قال ولا الجهاد في سبيل الله إلا رجل خرج بنفسه وماله ثم لم يرجع من ذلك بشيء .... فأين المُشمّرون ؟

- رُوي عن بعض أزواج النبي صلى الله عليه وسلم .... " كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَصُومُ تِسْعَ ذِي الْحِجَّةِ وَيَوْمَ عَاشُورَاءَ وَثَلَاثَةَ أَيَّامٍ مِنْ كُلِّ شَهْرٍ " ... قال الشيخ الألباني رحمه الله إسناده صحيح


- من نوى الأضحية لا يأخذ من شعره ولا من أظافره من مغرب يوم الأربعاء إن شاء الله ... المُضحّي فقط أما أهله فلا

- ( الصلاة في وقتها ...والسنن الرواتب... وختمة كاملة بواقع ٣ أجزاء يومياً أو على الأقل جزء واحد... وصلاة الضحى... وقيام الليل وأذكار الصباح والمساء... وصيام العشر والصدقة... وصلة الرحم بالزيارات أو الإتصالات ....وقعدة الشروق إن استطعت لذلك سبيلاً من بعد الفجر حتى شروق الشمس وتكتب لك أجر حجة كاملة كما ف الحديث )

١٠ أيام فرصة لتجديد العهد وإثبات نظافة معدنك

كل عام وانتم بخير غداً اول ايام ذي الحجه. ويوم السبت الموافق 15/6 يوم عرفة 🤲🏻♥️

بدأت اول ليله في العشر هنعمل ايه فيهم علشان نخرج منهم مجبورين وفايزين 👌🏻♥️

محتاجاك تركز معايا كويس اوي وتديني #دقيقتين بس من وقتك ممكن يغيروا حياتك كلها ! 😃💪

اه والله ، انت ممكن تغير مسار حياتك في الكام يوم اللي جايين دول ! 😉

تغيره من الشرق للغرب ! من الهم للإنفراج ! من الحزن للفرح ! من الضيق لرحمة من ربنا ماتخطرش علي بالك ! من يأس في استجابة دعوتك ليقين تام وحدوث الاستجابة بالفعل !! ❤💪

* طب بمناسبة ايه ده كله !!

مفيش وقت في السنه كلها ربنا بيحب يري منك العمل الصالح فيها أكتر من الأيام دي !! تصور !!

ثوابك فيها لو اجتهدت هيفوق ثواب #المجاهد_في_سبيل_الله ! 😮

قال صلى الله عليه وسلم ( ما من أيام العمل الصالح فيها أحب إلى الله من هذه الأيام – يعني أيام العشر - قالوا : يا رسول الله ولا الجهاد في سبيل الله ؟ قال ولا الجهاد في سبيل الله إلا رجل خرج بنفسه وماله ثم لم يرجع من ذلك بشيء )

طب هيبدأوا امتي الأيام العشر ونعمل فيهم ايه !!!

هقولك الأول انت المفروض تعمل ايه فيهم وبعدين هقولك هيبدأوا امتي ان شاء الله ..

اولا : #صيام هذه الأيام أو ما تيسر منها #وبالأخص_يوم_عرفة ! 💪😉

ومش معني الكلام انك تكسل وتصوم يوم عرفة بسسس !! لكن في حالة حصلت ظروف حالت بينك وبين الصيام او تعبت او ماصومتش لأي سبب في الأيام دي .. اوعي اوعي #اووووووعى تفوت صيام يوم عرفة !! ✋

اليوم ده #أكبــر_كنــــــــز دوناً عن باقي الأيام !!😍

عارف ليه !!
اسمع الحديث ده كده ..
روى مسلم رحمه الله عن أبي قتادة عن النبي صلى الله عليه وسلم قال : ( صيام يوم عرفة أحتسب على الله أن يكفر السنة التي #قبله والتي #بعده ) !

يعني صيام يوم عرفه ده يا سيدي يكفر ذنوب سنتين !! سنه فاتت وسنه جاية !
يعني صيام 12 ساعه بس = يكفر ذنوب 24 شهر !!
يعني صيام الساعه = يكفر ذنوب شهرين 60 يوم !!!
يعني صيام 60 دقيقه = يكفر ذنوب 60 يوم !!!!
يعني الدقيقه الواحدة بتغسلك من ذنوب يووووووم بحاله !! يوم فات بكل عكه وقباحة ذنبه واصرارك علي الذنب وغفلتك ! 😢 كل ده هيتمحي بأستيكه من صحيفة اعمالك بكل دقيقة صيام في يوم عرفة !! :')❤

واسمع الحديث ده كمان !
قال رسول الله صلى الله عليه وسلم : ( ما من عبد يصوم يوماً في سبيل الله ، إلا باعد الله بذلك اليوم وجهه عن النار سبعين خريفاً )
كده خلصنا جزئية #الصيـــــام .. 😃❤

نيجي علي باقي الأعمال ..

١- #ذكر الله في كل نفس ! طول مانت صاحي تذكر الله ، وركز علي التهليل والتكبير والتسبيح بالذات لان النبي وصّي بيهم !

٢- #ختمة_المصحف_في_العشر !
لو كل يوم قرأت ٣ أجزاء بس .. هتختم المصحف كله بإذن الله في خلال العشر ايام دول !! اوعي تكسل ! 💪💪

٣- العلاقات الاجتماعية بقي يعني بر الوالدين وصلة الأرحام .. اغاثة ملهوف .. نصرة مظلوم .. كظمك للغيظ .. ابتسامتك في وجه اخيك .. هيا اعمال ممكن انت تستصغرها لكن ثوابها ضخم وخسارة يضيع في الأيام دي صدقني !! 😊

٤- #الصدقـــــة !! ✋
تصدق كل يوم .. ولو بمبلغ صغير .. اللي تقدر عليه ! المهم اسمك يتكتب كل يوم في العشر من المتصدقين .. ولو برسالة لمستشفي خيري او جمعية خيرية !

٥- يا حبذا لو شاركت في #افطار صائم .. هتاخد أجره وثوابه معاك ..

٦- #الصلاة هتكون علي الوقت بالمللي .. مش متأخرة دقيقة !

٧- #الأذكار اللي كنت بتكسل تقرأها حاول تجاهد نفسك وتقرأها .. انت اللي هنكسب !

٨- #جلسة_الضحي .. للي ما يعرفش جلسة الضحي وجمالها (( دي عبارة عن انك بتصلي الفجر وتنتظر حتي شروق الشمس بس بشرط تكون في الوقت ده بتذكر الله .. لحد شروق الشمس وتقوم مصلي ركعتين او اكتر ضحي )) وكده تبقي ضمنت حجة وعمرة مع الرسول .. يعني كإنك روحت الحرم وانت في بيتك !

٩- #قيام_الليل مش ركعتين بس 😆 !!
ماتبخلش علي نفسك !
صلِّ واستزِد من فضل الله وخليك طماع دول عشر ايام وهيمشوا ،، بلاش نندم بعدهم !! 😊

١٠ - هتوصل الكلام ده لكل اللي تعرفهم .. وكن علي يقين ان اي عمل خير ولو بسيط حد عمله بسببك .. هيتكتبلك اجره في نفس اللحظة اللي بيتعمل فيها ! شلااال حسنات مابيوقفش !

طب بالنسبة لأهم جزئية واللي الكل منتظرها #الدعـــاااااء !! 😃✋

قال صلي الله عليه وسلم : ( خَيْرُ الدُّعَاءِ دُعَاءُ يَوْمِ عَرَفَةَ، وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي: لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ المُلْكُ وَلَهُ الحَمْدُ وَهُوَ عَلَى كُلِّ شَيْءٍ قَدِيرٌ )

العلماء استدلوا بالحديث ده علي ان دعاء يوم عرفة #مُجاااااب علي الأغلب .. ده النبي قال عليه #خير_الدعاء ! 😉❤
ده غير ان دعوة الصائم #مستجـابـــــة بالفعل !! 😍

طب هل الفضل ده لأي مسلم ولا للحجاج فقط !!

الإجابة : #لكــل مسلم بإذن الله اجتهد ودعي الله في تلك الأيام !! 💓

واغلب الصالحين العارفين بيقولوا

ان والله لم يمر حول اي عام علي دعوة يوم عرفة الا وقد اجابها الله ! ☺

وانا بقول اهو علي موقف شخصي ليا .. دعوات يوم عرفة استجيبت اسرع من دعوات رمضان والله العظيم !!! 💚

••• اخر شئ هنقوله هو الأيام دي هتبدأ امتي !
بدأت اول ليلة خلاص مع أذان مغرب النهاردة 💙

اوعي تكسل في الايام دي !! ده معسكر عبادة زي معسكر رمضان بالظبط !!
تخيل لما ربنا يخبرك انه يحب عبادتك في الايام دي وانها افضل من الجهاد في سبيله ! ايه اللي ممكن يخليك تكسل غير #ذنوبك و #شيطانك اللي انت راضي انه يغلبك ! 😊

علوا الهمم 💪
#وليالٍ_عشرٍ 💪

منقول عن #فاطِمة_علي

بصوا ع الصور ملخصة المفيد 🌸🍃
علوا الهمم 💪
#وليالٍ_عشرٍ 💪

البوست مجمع كل حاجة حرفيًا فـ #منشن_وشير_في_كل_مكان
ودعوة بظهر الغيب للي هيوصلك الكلام ده عن طريقه ❤

#فاطِمة_علي