حسين ويحاجي اخيته
ياللـه زينب نبجي سكته
رايحه اليوم الحنينه
رايحه اليوم الحنينه
0000000000000000000
يختي زينب يليتيمه 
امنه جانت النه خيمه
وبحضنهه من تضمنه

زغار عالدنيه بعدنه
شوف منهه ماشبعنه
فراكهه اشكد هضمنه

يمه شكد جلمه سهله
لچن تحوي الكون كله 
واحنه من عدهه نحرمنه

الموت عافانه وخذاهه
العافيه بشوفت ضواهه
العمر كله انه خسرته 
  ياللـه زينب نبچي سكته
   000000000000000000000000
بيوم شالت رحمت الله
الحزن علينه صلـــــه
وخيم علينه العذاب

من لبدايه الدنيه مره
شفنه نار وشفنه زهره
بلاذنب يحصره باب

ناس ماراعو قدرهه
وهيه عند الله شكبـــرهه
ستــر وعفه وحجاب

جاسرو كلهم عليهه 
وراح محسن من اديهه
ياهضم من زغري شفته
   ياللـه زينب نبجي  سكته
0000000000000000000000000
راحت بحسره وقهرهه
واحنه مانندل كبرهه
  مدري صار بيامجان

يمكن السابع سمـــــه
هناك راحت   فاطمه
  تشتكي غدر الزمان
  
ابونه يمشي محني ضهره
بياصبر نكدر نصبره
من دفن بيده الامان

علي حلال الشدايد
من المصيبه حيله بايد
تاكل بكلبه حسرته    
ياللـه زينب نبجي سكته 
000000000000000000
يعينه الله الفاكد امه
بعينه هاي الدنيه ضلمه
  وامه لا مو فاطمه

مانضر سطره عله خدهه
ولاضلع مكسورعدهه 
ومنه ما سال الدمه

ماتت بغصت هضمهـــه
والدهر اشكد ضلمهه  
وامنه والله مألمه

ياجرح  نكدر نضمده
الباب والمسمار شده
ضلوع كسرهه  بعصرته
ياللـه زينب نبجي سكته
  0000000000000000000000000
شكثر امنه حنينه
  انام وتلولي علينه 
وتقره انه البسمله

تقبل بصدري وتشمه
ونوبه للخنصر تلزمه
حيرتني المساله

كل دللول الحجتهه
دموع يازينب جرتهه
ذكرتني بكربله

حته لومكطوع نحرك 
باليلت الوحشه احضرك
والحزن لجلك نصبته
ياللــه زينب نبجي سكته 

خادم اهل البيت ع
فلاح طالب الماجدي
▪︎▪︎▪︎

بصوت. مسلم المطيري

حسين ويحاچي اخيته


كلمات الشاعر
فلاح طالب الماجدي

بصوت. مسلم المطيري
نعي الى مولاتي ام البنين عليها السلام
**
اجت ام البنين ودكت الباب
وزينب واجفه والدمع سجاب
صاحت كومن الها اهنا يالاحباب
وخل تتعاون ويانه اعله المصاب

عن عباس صاحت سولفيلي
وفه لو ما وفه وياكم احجيلي
امنين النوم يايمه يجيلي
وضلت تسعر النار بدليلي

اذا عباس قصر بالطف انساه
وضل طول العمر زعلانه وياه
هذا ابني الجبير الحلو ملكاه
ربيته وتعبت اهواي برباه

لنها تصيح يايمه شتكولين
تره العباس ضحه بروحه لحسين
عفته اعله النهر والراس نصين
اجفوفه امكطعه والسهم بالعين


اخوتي امعدلين وخوش خوان
اهل فزعه ييمه وكلهم احنان
عفتهم نومه كلهم عله التربان
لو يمي الضهر ما ينكسر جان

صاحت فدوه اله يمه اربعتهم
وانه اعله الموقف علمتهم
اذا ينسون ما جان ارضعتهم
بس انه الولد للطف ردتهم

...
الشاعر
تحسين الخفاجي

بصوت. مسلم المطيري

يافارس الاحزاب

كلمات الشاعر
عبدالامام العبادي

بصوت. مسلم المطيري

شلون العاش وياچ


كلمات الشاعر
ابو اسحاق الفحام

بصوت. مسلم المطيري

من المرض شافيني


كلمات الشاعر
حيدر موسى الرميثي

بصوت. مسلم المطيري

گوم ياحيدر يحامي ادخيلها

كلمات الشاعر
المرحوم عبدالامير الفتلاوي

    یمه یالمحسن وداعآ
من رحت احلامی راحن
یمه روح مودع الله
مودع الله
***
یاحلم عاش بخیالی واحضن ولیدی واشیله
نگعد بلمه حبایب حلوه لمتنه وجمیله احلم بزینب تناغی ولیدی لو فز وتشیله
وانتبه والگانی احلم وابچی والمدمع اسیله
  بسکته احس دموعی طاحن
من رحت احلامی راحن
یمه روح مودع الله
مودع الله
****
انظر الاختک یمحسن یمه چنهه تضل غریبه
ردتک اتطیب جرحها وانته والکافل طبیبه
اختک زغیره ودمعها یشعل بگلبی لهیبه
چن اشوف الغاضریه یمه یالمحسن مصیبه
  اسمع بنیاتی صاحن
من رحت احلامی راحن
یمه روح مودع الله
مودع الله
**
چنت اریدن یمهه تحظر یمه بأرض الغاضریه
وتسند اختک یاحبیبی وتمسح بدمعه رقیه
ثاری حلمی عله الترابه وطایح وراح من ایدیه
یمه مکتوبه عله زینب تمشی وتروح وسبیه
  عالترب لازم ینامن
من رحت احلامی راحن
یمه روح مودع الله
مودع الله
*
انظر المهدک یمحسن خالی واتذکر عذابی
اختک تعاین علیه ومره تنظر صوبه بابی
گطره گطره تهل دمعها وتعرف مگرب غیابی
یمه زینب لو اصیحن من دمعها ترد جوابی  
من دمعها سنینی ذابن
من رحت احلامی راحن
یمه روح مودع الله
مودع الله
***
چنه صوتک هم یجینی واسرح بعالم خیالی
صعبه عالتفگد ابنهه ویا خلگ شیصبره حالی
حسبت یکبر اشوفه وکربله تمر عله بالی
وعرفت لازم تموت هناکه لو یمی یغالی  
اشهگ ودمعاتی حارن
من رحت احلامی راحن
یمه روح مودع الله
مودع الله
      *
الموفق الشاعر علاء المیاحی

بصوت. مسلم المطيري

يمه يالمحسن وداعا

كلمات الشاعر
علاء، المياحي

باجر الگبر الزجيه .. نطلع ابموكب عزاء
ويه ابو فاضل واخيه .. ننطلق من كربلاء
ننظر المهدي يرد . او يطلع اويانه الحشد
ننطلق من كربلاء .. ننطلق من كربلاء

باجر ابطف كربله كلنه انتجمع
موكب اويه اهل الحشد لزهره نطلع
بالبقيع اجمل ورد ياشيعه نزرع
اندور احنه اعله الگبر وابدن منرجع

انگل لبو فاضل دخيلك .. وين گبر ام الحُسين
شيعتك ضلت تجيلك .. الفاطمه متشوقين
والله كالتنه البعد . او يطلع اويانه الحشد
ننطلق من كربلاء .. ننطلق من كربلاء

ـــــــــــــــــــــــــــــــ

إحسين يتلگه اليجي من كل بلدنه
وابو صالح هو يتلگه ابحشدنه
والگمر يمنه يجي ايحيي ابولدنه
يحضر ايرتب العزه او ايحسب عددنه

والگمر ينطينه رايه .. ايگول هايه من حبيب
بيها ريحه إمن العبايه .. الجان يلبسها الغريب
احله من ريح الورد . او يطلع اويانه الحشد
ننطلق من كربلاء . ننطلق من كربلاء

ــــــــــــــــــــــــــــــــــ

كل فرد ينطيه ابو السجاد شمعه
كون ماتطفه ابدربنه تبقى تسعه
ننطلق بعد الصلاة ابيوم جمعه
حتى ابو صالح يجي ومرتدي درعه

خلفه انصلي جماعه .. المهدي بين الحرمين
يبقى يخطب بينه ساعه .. واحنه نرفعها الأدين
انصيحله كل لحظه اعد . ويطلع اويانه الحشد
ننطلق من كربلاء .. ننطلق من كربلاء

ـــــــــــــــــــــــــــــــــ

انمر على درب النجف ناخذ علينه
ونعتني وي حيدره الگبر الحزينه
ولو وصلنه وي علي لرض المدينه
هو ياخذنه الگبرها بت نبينه

يم گبرها انسوي مأتم .. والي تقره ام البنين
نشعر احنه ابجو محرم .. او جو طريق الأربعين
وما يهمنه حر برد . ويطلع اويانه الحشد
ننطلق من كربلاء .. ننطلق من كربلاء

ــــــــــــــــــــــــــــــــــ

لو سنه ايطول مشينه مايهمنه
المهم نوصل نزور اهناكى امنه
الحشد والمنتظر وإحسين يمنه
ما نخاف ابدن لأن محد يهمنه

مايخاف الي ابجواره .. يمشي عباس الكفيل
عنده من حيدر فقاره .. وماكو عنده مستحيل
ابخزرته سيفه يحد . ويطلع اويانه الحشد
ننطلق من كربلاء .. ننطلق من كربلاء

ــــــــــــــــــــــــــــــــ

إمن الگبر بيدينه نرفع كل حجاره
او نبني لزهره الف گبه او مناره
اهنا گبر ام الحسن نكتب عباره
واليجيها اتگله مقبوله الزياره

يا هلا بالگاصديني .. نسمع إمن الحضره صوت
ما ارد الينتخيني .. لمن ابگبري يفوت
الشيعي گلبه ينسعد . ويطلع اويانه الحشد
ننطلق من كربلاء .. ننطلق من كربلاء

حيدر الحلفي

___

بصوت. مسلم المطيري

باچر الگبر الزچيه نطلع بموكب عزاء

كلمات الشاعر
حيدر الحلفي

بصوت. مسلم المطيري

لسان حال الحسن والحسين ع



الـدهـر يـاحـيـف سـلّـب  ..   راحـت أمـنـه
وبــعـد هـيـهـاة نـشـتـم  ..   راحـت أمـنـه
بـقـت بــس الــمــدامــع  ..   راحـت أمـنـه

ومـضـلـمـه الـدار هـاللـيـلـه وخــلـيــه
*---------------------*-----------------*
✍️خـادم الزهـراء ع
الشاعر رعد الجريخي

لمولاتي فاطمة الزهراء عليها السلام

تنزف جروحي. عذبوا روحي. يموعود
والله أذّوني بچّوا عيوني. يموعود
٠٠٠٠٠٠٠٠٠٠٠٠٠٠
فاطمه امك يمهدي تدري بالصار
هجموا علية يغالي وحركوا الدار
دفعو الباب عله صدري انصاب بسمار
يمته تظهر يا حبيبي وتاخذ الثار

اظهر لثاري. ما طفت ناري. يموعود
يبني ظلموني. بچّوا عيوني. يموعود
٠٠٠٠٠٠٠٠٠٠٠٠٠٠
لذت خلف الباب يبني وضلعي مجروح
ومن عصرني الطاغي بيده شاغت الروح
طاح يالمهدي جنيني ودمي مسفوح
وأثر سطرة أيده هذه يبني متروح

سطرته بعيني. نار تجويني. يموعود
ضربو امتوني. بچّوا عيوني. يموعود
٠٠٠٠٠٠٠٠٠٠٠٠٠٠
ما صحت وينك يحيدر ظلعي مكسور
مچتف بأمر الوصية. ادري معذور
صحت يابويه مّحمّد ضربو النور
اكشف ترابك وعاين وجهي مسطور

ادري تكليفه. ما يسل سيفه. يموعود
لهالسبب جوني. بچّوا عيوني. يموعود
٠٠٠٠٠٠٠٠٠٠٠٠٠٠
لا تظن ضلعي يطيب واشفه ورتاح
لحدما تظهر يمهدي دمعه ونياح
ادري عندك يبقه ثاري ثاري ما راح
ثار ضلع امك يمهدي ومحسن الطاح

انتظر تظهر. يا شبل حيدر. يموعود
ثكله خلوني. بچّوا عيوني. يموعود
٠٠٠٠٠٠٠٠٠٠٠٠٠٠
فاطمه امك يمهدي حقي مغصوب
يمته يبقه يابوصالح گبري محجوب
عَجّلَ اللهُ ظهورك گلبي مكروب
اظهر وزيح الضُلامه وشفي لگلوب

بيدك الرايه. سيفك الغايه. يموعود
تدري هضموني. بچّوا عيوني. يموعود

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

بصوت. مسلم المطيري

تنزف جروحي. عذبوا روحي

كلمات الشاعر
سيد زيد الفحام

هيه زينب زينب
*
الدنيه كلها تنورت بعيادها
عمة الساده هله بميلادها
كلشي يصفن لو نعد امجادها
تموت خل اهل الحقد بعنادها

نعلك شموع الفرح والكلب همه نشرح
زينبي العالم صبح وبالارض كلشي وضح
**
هاي زينب والحجي عنها يطول
اليوم بالميلاد فرحان الرسول
كمطتها الحور بكماط البتول
بالعقيله احتارت اصحاب العقول

بالضبط تشبه علي هيه روحي وكل هلي
بيها كل همي ينجلي صوت حبنه يعتلي
****









بزود اخوها تزامط المهيوبه
الله ميزها شكثر محبوبه
من عشكها ما اكول التوبه
والتبعها الباري يمحي اذنوبه

هيه باء البسمله والاميره بكربله
والمسير اتكمله هله بزينب يا هله
**
من العفاف ايغار ضل حته الكمر
ماكو شاعر شفنه وصفها كدر
وياها تتمنه الشمس تاخذ صور
بليله الميلاد خل يحله السهر

واخت سبع الكنطره هيه ستر الله تره
بيها تحلف كل مره هله بغيرة حيدره
**
علي بيده امن المهد شالاها
والحسين بضحكته ناغاها
والحسن بعيونه يحجي وياها
الله زينب بالسمه سماها

والكواكب هلهلت والنجوم اتزينت
والطيور اتباركت اباب زينب عيدت
*
تمت
تحسين الخفاجي

بصوت. مسلم المطيري

هي زينب زينب


كلمات الشاعر
تحسين الخفاجي