رحتي وعذاباتي اجن… رحتي
يافاطمه يم الحسن.. رحتي

يافاطمه انخاج
اخذيني وياج
… رحتي

////////////

شلي بعمر كله هظم والوالده مو يمه..

كون اليفارك والده وياها عمره يطمه

وجا شله يمه بالنظر الماصبح بوجه امه

ولو ماكو عطرج بالنفس حته النفس ميشمه…

ميته انه وياج اصبحت… ميته
زينب انه ويمي صحت… ميته

من بعد عيناج
اخذيني وياج
… رحتي
///////////

يايمه جنتيلي حظن والعنده ام يعرفه

يايمه لو جار الوكت بحظنج فرشنه ونغفه..

مدلله وغطاني العطف وبشوفتج يمه ادفه

رحتي وجرح فوك الجرح وصعبه عليه وكلفه

صعبه الجروح وألجم.. صعبه
بالفركه حيلي ينهدم… صعبه

ميته بلياج
اخذيني وياج
رحتي

//////////////

جنت اكعد او احجي الج اليوم احجي وي ملحودج

يل تارسه روحي دفو يم الحسن بوجودج

وَملك الدنيه بظمتج بين الصدر وزنودج

صدرج اخافن يلجم ومسطوره حته خدودج..

روحي تون اعله الجفن… روحي
تبقه العمر كله تون… روحي

بالسطره اذاج
اخذيني وياج
.. رحتي

//////////////



بيت وخله من فاطمة مظلم وتطفي انواره

الجان ابد مايخله ابد ويمرحب بخطاره

كسر الضلع خله علي مكسوره كل اكتاره..

من شاف عالباب الحطب وجت بحيدر ناره


دمعه يهلها من جمر… دمعه
بعدج يضل طول العمر… دمعه


كل عمره ينعاج
اخذيني وياج

..رحتي

////////////

يايمه نار اهل الغدر وهذا الحطب بعتابج

من عنده محروكه الخيم والعبي مثل حجابج

وحسين اعوفه اعله الثره وصوابه مثل صوابج

مكسور ضلعه ومنذبح ويبدي السبي من بابج

جرحي ابد ماينوصف ..جرحي
يايمه بالغربه كلف.. جرحي

نفسه الي جواج
اخذيني وياج
… رحتي

////////////

نسالكم الدعاء
احمد الطيب الحلي

الاربعاء
30… 12… ..2020
14 جمادي الاخر 1442 ه

بصوت. مسلم المطيري

رحتي، وعذاباتي اجن. رحتي

كلمات الشاعر
احمد الطيب الحلي

بين الزهراء وريحانتها الحسين
(عليهم السلام)

احسين يمه اگعد تعال اگبالي
اليوم خل غالي يودّع غالي
ــــــــــــــــــــــــــــــــــــــ
يمه اسولفلك اريد اعله الزمان
اسوالف الام عافيه وتگطر حنان
آنه اول ميته ماعندي مكان
ولا گبر مثل البشر يبرالي
ــــــــــــــــــــــــــــــــــــــ
آنه أظل إبلا گبر وابلا صحن
كبري يظهر وي ظهور ابن الحسن
وانته عاري اتظل ييمه بلا چفن
وهوّه چتالك نفس چتالي
ــــــــــــــــــــــــــــــــــــــ
آنه بالبسمار اتلوّع وأگول
ليش ياهالناس خالفتو الرسول
وانته يامظلوم تنداس بخيول
وزينب التنعاك هم تنعالي
ــــــــــــــــــــــــــــــــــــــ
ضلعي من ينعاب اصبح كالخيال
وانته تتطشر وذر فوگ الرمال
تعطش وماتشرب الماي الزلال
وآنه أظل بمجلسك للتالي
ــــــــــــــــــــــــــــــــــــــ
زينب اعله التل تنادي ياحسين
لو عدل انهض يبوالگلب الحنين
السوط يضربني واصدن باليمين
وباليسار احمي وجوه اطفالي
ــــــــــــــــــــــــــــــــــــــ
يمه والمحسن الماشاف الضوه
من سقط طولي مثل سعفه انلوه
لچن عبدالله المثل شم الهوه
هوه أكثر طفل شاغل بالي
ــــــــــــــــــــــــــــــــــــــ
احسين واليبچي بعزائك لو ينوح
لو يعلگ رايتك فوگ السطوح
كل تعب محسوب عندي ومايروح
تاج البسه وقصر ياخذ عالي


محمد الجماسي

#اللهم_عجل_لوليك_الفرج

بصوت. مسلم المطيري

حسين يمه اگعد تعال گبالي

كلمات الشاعر
محمد الجماسي

بصوت. مسلم المطيري

لسان حال مولاتي زينب
عليها السلام
🏴🏴🏴🏴🏴🏴🏴🏴🏴🏴🏴🏴🏴🏴

من جور اليسر يحسين بتنه
انكطع وتنوح بالحسرات بتنه
لون تدري بخرابت شوم بتنه
بهظم والناس مابيهم حميه
......
الجاتل شامتي وللظعن يبره
شتظن بعد الكسر يحسين يبره
يضل مطلوب لا هيهات يبره
الحرمنه الماي والبجه رقيه

ابوكاظم الحمداني

🌷
عالناكه خويه اخذوني
بسوگ الغرب مشوني
خويه عباس خويه عباس
فوك الرمح سمعيتك
اعليه من ناديتك
بعيني تصد الكيتك
خويه عباس خويه عباس
#
بس راسك الفوك الرمح يبرالي
وراس الحسين يصد اليه كبالي
لمن رحت ويه الغرب يا حالي
عميانه عيني ولا اشوف الوالي
وين الوكت وداني
بغربه ويسر خلاني
ليش الكمر ماجاني
خويه عباس خويه عباس
#
عكب الكمر وحدي اروح بحيره
وين الوعد عباسي يابو الغيره
فوك الهزل ياخويه امشي ايسيره
ويه الغرب من ديره ادور الديره
بدار الغرب ميسوره
عباس شوف الصوره
راسك عليه دوره
خويه عباس خويه عباس
#
وماحسبت يابن علي اتخلوني
فوك الجمر عكب الولي مشوني
وانه سلالت فاطمه يدروني
بسمك يخويه ضلو ينادوني
ناديت اسمع ردي
محد كرب يم حدي
بيمن يكافل ابدي
خويه عباس خويه عباس
#
للشام تاليها الوكت وداني
لاخيمه اليه ولا اهل يخواني
افزعلي خويه يا كمر شمتاني
حرمه ووحيده هل دهرخلاني
بدار الغرب خلوني
من صحت ماسمعوني
فوك الجمر مشوني
خويه عباس خويه عباس
#
المسبيه سموني الخلك عباسي
وانه العقيله الما يدنك راسي
يل ماتغيب ومايخيب احساسي
تدري شكلت خويه لونك ناسي
كتلي يخويه عونج
وشحدهم اليسبونج
والله وحك عيونج
خويه عباس خويه عباس
#
حسن صالح العيساوي

بصوت. مسلم المطيري

عالناگة خويه اخذوني

كلمات الشاعر
حسن صالح العيساوي

ما ناسيج // وبطاريج
ابجي اعليج _ يافاطمه
///////////////////////
صافن ونزلت عله اخدودي دمعتي
ابالي اسئل فاطمه شلون اندفعتي
عله وجهج لو عله اظلوعج وكعتي
وليش شمسويه وعله الخد انصفعتي

لجلج كون _ اعمي اعيون
نفسي تهون _ يافاطمه
//////////////////////
انه ناذر روحي واطفالي بثوابج
كل مصيبه تهون اشوفن يم مصابج
بينت وجه وكفه النار اعله بابج
الجمر جاوي وجهج وحارك حجابج

باب ونار _ فوكج صار
عقلي احتار _ يافاطمه
//////////////////////
ما ينام ابراحته المجروح اصبعه
يعينه الله اعله النفس لمكسور ظلعه
لو ظلع واحد يزهره يهون وظعه
لجن بيج امكسرات اظلوع سبعه

من تدعين _ شكد تبجين
ادري امنين _ يافاطمه
//////////////////////
متفق وي كلبي وجروحي بقظيتج
والصراحه احن من امي لكيتج
والله حارك كلبي حيل الحرك بيتج
حيل متااذيه بكعدتج وبمشيتج

تلجمين _ وتونين
من تكومين _ يافاطمه
//////////////////////
امنيتي وحده فاطمه بهاي الليالي
كون ازورن كبرج ويرتاح بالي
الليله ارد أقسم عليج بشكو غالي
يالزجيه لهذا مجلسنه تعالي

نتمناج _ نتلكاج
نبجي وياج _ يافاطمه
//////////////////////
انتي سالفتي وخدمتي وامنياتي
بلا رضاتج فاطمه تبطل صلاتي
يوم كسر الظلع يلجم ذكرياتي
وبالمجالس ارد اخلصهه حياتي

تحب النوح _ انطيني اجروح
واخذي الروح _ يافاطمه
//////////////////////
تمت ____ علاء الزيدي

جروح عاشوراء
یوسف الزهراء 💔

بصوت. مسلم المطيري

ماناسيچ. وبطاريچ


كلمات الشاعر
علاء الزيدي

بصوت. مسلم المطيري

ابوذية
مولاتي العقيلة وامها فاطمة
روحي فداهما


الـفرح دمعاتي من عمري  ..  محنه
ومـثـل حنّـي ابــد  واحـد   .. محنه
أشـوفـچ  ويـن  يالـگلـچ    .. محنه
أشـيعـودچ ياضوه الناظـر عـليـه

✍ خادم الزهراء ع
الشاعر رعد الجريخي

اللهم_عجل_لوليك_الفرج
یوسف الزهراء 💔

بصوت. مسلم المطيري

عبدالله فت گلبه العطش


كلمات الشاعر
ابو احمد الطائي

بصوت. مسلم المطيري

نعي عن لسان السيده زينب ع بعد استشهاد الزهراء ع

ييمه اليل لو چلچل ضلامه
اخلصنه بواچــي وما انامه
رف گلبي الـچ رف الحمامه
ييمه انعيش من بعدج يتامه

ييمه اخلاف عينج ماغفينه
تگابلنه سـوه ابدراچ بچينه
انفجـعنه ابموتــچ وتعذبينه
عالمكتــوب يا يمه اشبدينه

امنصد للباب اتذكــر وگعــتچ
وذكــر لوعتــچ يمه وصطرتچ
ييمه جاوبيــني ورحمي بنتچ
بعدني ازغيره وبگبرچ دفنتچ

احن اعليـــچ وكـت المغــربيه
وصيح ابصوت وينچ يالزچيه
ييـــمه اتعـودت نگعـد ســويه
اشمن بيـــچ وتشمــين بيــــه

////////////////
✍كامل السعيدي

▪︎▪︎▪︎

بصوت. مسلم المطيري

نعي

طفله شلون من تشوف هل منظر
امها اضلوعها من العصرة تتكسر
راحت صوب ابوها والجدم يعثر
تگله ضربو امي بويه ياحيدر
ضربوها اعله خدها وشفته صار احمر
وانت اشلون صابر يا أسد خيبر

اللهم عجل لوليك الفرج

بصوت. مسلم المطيري

عيني اعله بابي


كلمات الشاعر
ابو نوح الكناني

#انت_المعزى_مولاي_يا_امير_المؤمنين
#محرم_فاطمة

......................................

رجع محني الظهر ...  جرح ينزف قهر

فجع كَلب السمه
علي ابلا فاطمه..

جرح  ينزف  قهر

.............................................

رجع مثل الغصن ذبلان تنزف فاجعه اجروحه.
رجع بس الجسد حيدر  وي فاطم دفن روحه.
حجب وجه السمه بأهات. ترس بطن الارض نوحه.
بيت . وفاطمه مابي.. .مابي ذرة املوحه.

ترس خده الدمع.. بجه الكسر الضلع.

مشاعر  مؤلمه
علي ابلا فاطمه.

...............................................

فكَد كلشي بفكَد فاطم حبيب وفارك احبابه.
عجب ماتثبت  أجدامه الثبت يم خيبر وبابه.
ترك كل ذكرياته اهناك . سواد ونوح جلبابه.
على ابدون الزجيه يموت لان حجم السمه امصابه.

دفن بيده الضوه. . . المثل شم الهوى.

مدينه ومظلمه
علي ابلا فاطمه.

...........................................

بمصابه  ايساعده الباري  ترك حدر الترب ورده.
عمرهه اثمنطعش راحت مثل جف ماي وتبده
بعد ماترجع الزهره. (علي) باب الامل سده.
احسك من بعدهه تكَول بالريه الهوى شعنده.

جفن فايض نهر .. .شمس دافن كَمر.

مزج دمعه ابدمه .
علي ابلا فاطمه .

..............................................

وصل داره وبقى يعاين على الحايط اثر دمها
الكَبرهه. رجعت اجدامه علي  وبالونه كلمها.
سمع شهكت بجي زينب.رحيل امها يألمها.
فرش روحه وحضن روحه.تسأله وعاطفه يشمها

يجاوبها الورد . غفه بذاك اللحد.

هظمها  ايألمه.
علي ابلا فاطمه .


..............................................

دخل بيته وحزن غيم.عبير الزهره بنفاسه.
نظر حجرتها فاض اهموم.الكلب شيب قبل راسه.
ذكر كل عشرته اوياهه.رسمهه بدمعة احساسه.
علي ابلا فاطمه انشوفه صرح ونهدم من ساسه.

صدكَ صارت صدكَ ..حبايب تفتركَ

نوارس . هايمه.
علي ابلا .فاطمه..

............................................

ابو منتظر الحجامي  2024

بصوت. مسلم المطيري

رجع محني الظهر


كلمات الشاعر
ابو منتظر الحجامي

: #يسلهم_كل_جفن



يسلهم كـل جفـن وانه السَهـر صيتي
انا مخاوي الحزن من راحت أم بيتي
بعـد بيـها اشتـضل يا راحـه عـافيـتي

ـ**"-

أنّا ابـمـوج الـــدمع يا ســائلاً عـني
ضحك سن الشماته بغربتي و ؤني
علي الضيغم جنت والحاذروا مني
أنّا ابفـگد الخليل اليوم شو محني

اگلـب ذكـرياتي وعشـرتي اوياهه
أيا وسفه الترب من عندي طفاهه
يا روحــي يريـت الـدنيه مـا جيتي

ـ**"-

اسـولف وي بابي وخنگتي ابصدري
ابـدال الزهره لو عصرك اخذ عمري
أنا ابصلب الجبل بس افگدت صبري
شفت غاليتي من عدها الدمه يجري

اگـوم و اوگـع امن الصدمه والحسره
كسرت انته الضلع من فاطمه الزهره
وتـؤن وتـنـتـخي واسـمعـهه غـالـيـتي

ـ**"-

المصيبه التدمي گلبي وهدمت حالي
انا بجـفي ادفـنـت محـبـوبـة العـالـي
انـــازع بالـحــزن والـدمـعـه تــبـرالـي
شيّصبـره الـدفـن بجفـوفه كـل غـالي

انـازع مـا الـي واحـد يـسـاعـدنـي
انا بـفگـد الـزجـيه مـنـهـدم متـني
يمصيبة علي عمري انتي طفيتي

ـ**"-

يحل وكت الصلاه وبظهري جم ميله
وعلى امصلاية الـزهره فـقط شيـله
اصيحـن طــولــي ياهــوه اليتــچـيله
انا واحـــد فـگـد عمره وفـگـد حيله

انا الامشي وجفـوفه تلـزم ابظهره
لقد حَـل الأسى من ضيعت گمـره
امــوتـن هـاي انا جـانـت تره نيتي

ـ**"-

اشـوف اولادي من ثكل الحزن ذبلت
حـرت والحيره من هالنايبه اشتدت
احس روحي صلاة المحتضر صلت
مـا رد الــفـرح والــزهــره مــــا ردت

بعد شـلي بحـيـاتي وشـلـي بالدنيه
من ثكـل الحــزن ما تمشـي رجـليه
يا هـل نــايـبه ظـهـري تـره احنيّتي

ـ**"-

الدهر قاسي الدهر ما يـرحم وكـاسر
بـاجـر جــم ضلــوع ايــطـشر الحــافر
مصـيــبة فـــاطـمه بــوابــة الـعــــاشر
ما يـرحم زمــاني وهـل الحـزن كـافر

علي انه ومـصـايـب شـايـل اهـوايه
وشماتي اشكد تـره وبظهري سلايه
يا لچــمت كسر كـل حيلي هـديـتي

ـ**"-

أشـدْ ضـيم وقـهـر ضـمّ الـدهـر لـيه
واضلـوعي تـره اعله الـريـح مـرچـيه
بخيالي اشجم صور واشجم حزن بيه
شـفـت زينـب يـويـلي تمشي مسبيه

تماشيهه الاجــانب خـويه صيحتها
عله جمر الخـيم يا ويـلـي طيحتها
زينـب جــم گـلـب يا بـويـه أذيـتـي


ـ**"-

- خيري الصفراني

بصوت. مسلم المطيري

يسلهم كل جفن وانا السهر صيتي


كلمات الشاعر
خيري الصفراني