بصوت. مسلم المطيري

        شظل بالدّار بعـــــد وشلّي بالدّار   / نعي 
        ونعش أُمّي  أشـــوفه  للگبر  سار    
        اعله عُمر أُمي يريته العُمر يندار
         شمعة بيتنه و  مضـــويه الأكتار
                       *
        اخذني للگــــبر ودفنّي يمــــــها
        وظمني ياعلي بلحد اليظمــــــها
        هذاك الطّابع اعله الباب دمــــها
         يعين الله المثلي فاگدها أمـــــــها 
                       *
        بهيده ويه الضّعن يالبيه ماشين
        تراها مكسّره ضلوع أُم الحسين
        أخافن ينلّچم جــــرح و تشوغين
        المن آلامــــــــهن چنتي تلوجين
                       *
        بين الباب و الحــــــايط عصرلچ
        الشّب النّار بيده وضلـــع طگلچ
        و علــه عينچ بچف ايده سطرلچ 
        و رفس بابچ بحيله وطاح حَملچ
                       *
        ياجرح اليهون وياهو الأنســـيه
        وبابچ كل وكت بعيوني أصد ليه
        أشم ثوبچ وأشم ريحة حرگ بيه
        خنگه البيت يُمّــــه و انتي مابيه 
                                *
    الشّاعر // أبو سجّاد الجعفري

#قصائد_شهادة_فاطمة_الزهراء_ع


🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

دارج خليــــه ومظلمه يم المحنه      عفتينه ليش ومن وكت يابعد اهلنه
زينب تراني    والهم لفاني
دارج خليه
***

يم الدار عفتــي الدار   ناويته الســـفر لاوين
بعدني بعازتج تدرين   يم الحســن يم حسين
جنتي خيميتــي ظلي    يابعد النظــر والعين
معقوله يعمر اورود     ماصدك انه اتموتين
افتر ييمه الوحدي ماينطب البيت     مشتاكَه الج يم الحسن يحبيبه حنيت
فكَدج جواني   والهم لفاني
دارج خليه
***

يمنوره بضــواج الدار    وحشه وظلمه اصد ليهه
ياحضن الدفو البالبيت    هســـــه الحزن غاطيهه
يبجي كل كتر بيـــــهه    جن شـــــــــالت اهاليهه
يلــي امفاركــه الوليان     تنعــــه اعليـــج تدريهه
تبجي عليج وتنتحب حتى الحياطين     ازغيره وبعدني بعازتج يافتشة العين
جرحج رماني   والهم لفاني
دارج خليه
***
بعدني بعازتـــــــــج تدرين    لو مــــر الهظم بيه
لو جار الدهــــــــــر والبين  تجايــــه وســـند ليه
تعينيني اعله ضيمي الجاي  لوصار السبي اعليه
لوشح اليطفــــــــــــي النار عن اخــــــيام علويه
لوصارت ارماد الخيم واحنه سبايه     ماعندي زلمه ولا اخو وابلا حمايه
يابس لساني   والهم لفاني
دارج خليه
***
اطلبج لوشفت بالكَــــــاع    قرآن الســــمه امطشر
اندبج لوشفت مـــــــذبوح   عزيزج عالـثره اموذر
اصيحج لوشفت عطشان    حزو من كفـــه المنحر
افزعج لوشـــفت عريان     طحنو صدره واتكسر
لوسحكت الظل عالرمل خيل اعوجيه    اندب واصيحن فاطمه يمه الزجيه
مات الحماني   والهم لفاني
دارج خليه
***
اريدج كون يمــي اهناك  باجر لو صعدت النوك
فاتحتـــي على الخـــوان   انصبهه بكلب محروك
امباوك بالبجـي وبهداي  سكته والصـدر مخنوك
تعالي يم حســـن ناديت   بيديه الحــــبل مشبوك
ابنيتج سبيه اعله الهزل يسعر جمرهه    ذاك الوكت يم الحسن حضري يسرهه
غايب اماني    والهم لفاني
دارج خليه
***



ابو علي الركابي

بصوت. مسلم المطيري

دارچ خليه ومظلمه يم المحنه


كلمات الشاعر
ابو علي الركابي

دكو الصدر  بالجفوف اللاطمه
ضجه بحزن  هالليالي الفاطمه
***

ضجه ودمـــــع والمجالس عامره
نوح وبجــــــي للنفوس الحاضره
نشتم حرك باب بيـــــت الطاهره
ضلع وصدر ويلي جنهه امكسره
حركه وجرح والنفوس املجمه       ضجه بحزن هالليالي الفاطمه
***

دكو الصدر والرثـــــاء انرتله
شدو العزم  وانتو اهل المرجله
ضجه وحزن والعزاء انزلزله
نوح ودمـــع جن ليالـــي كربله
كون السنه  كلهه تبقى امحزمه     ضجه بحزن هالليالي الفاطمه
***

كون العزه اكثر يصـــير السنه
شدت حزم هالشـــباب امسرفنه
هاي الخدم والحشود المؤمـــنه
رب العرش هالعــــــزاء ايأبنه
اكثر بعد  والمجالس قائــــــمه       ضجه بحزن هالليالي الفاطمه
***

كون بحزن ازيد ايصــــير اللطم
زينب تره بهالليالـــــي تنهــــظم
من الزغـر راحت اتضوك اليتم
وام الخدر عالزجـــــــــيه تنلجم
ونه ولطم هالمآتم دايـــــــــــــمه       ضجه بحزن هالليالي الفاطمه
***
شال ورحل عن الحسـين وحسن
مات الدفو  هسه غربه ابلا وطن
حضن الورد ليش بالرمله سكن
دم وجمر اعيون ابو اليمه بجن
اليوم الخدم كلــــهه جنهه اميتمه        ضجه بحزن هالليالي الفاطمه
***



ابو علي الركابي

بصوت. مسلم المطيري

دگوا الصدر بالچفوف اللاطمه

كلمات الشاعر
ابو علي الركابي

بصوت. مسلم المطيري

من طبگوا عليهه الباب
طلعت روح محسنهه


كلمات الشاعر
شاكر الصيمري

خدمتج خدمتج  ناخذ البشاره
خدمتج خدمتج اعظم تجاره
***

فاطمه الزهره   بحبج البشـــــرى  يوم القيــــامه
خدمتج جـــــنه  وليها نتعــــــــنه  هيــبه وكرامه
عشنه هالنعمه   وشفنه هالرحمه  خــير وسلامه
بيها شـــــرفنه  الله وفــــــــــقنه  الهاي الخدامه
باللطم باللطم  نكتب عباره       خدمتج خدمتج اعظم تجاره
***

اسمج احروفه    معجزه انشوفه   حاضر شددنه
لوتضايكَـــــنه    ولو تمرضــنه   بس انتي عدنه
انتي ملجـــأنه     وانتي مفزعنه  وحبــــج مددنه
نهتف بعــــبره    بعالـــي النبره   فاطــــم سندنه
تلتجي  تلتجي بيج الحياره    خدمتج خدمتج  اعظم تجاره
***

فاطمه انتي امنه    جن نحس يمنه     متفاركَــــينه
قربج انحســـــه     وعطفج أنلمسه    يمنـه الحنينه
ياغصن شــجره    فيج اشــــــكبره    كاسـر علينه
نركع ونســــجد     نشكر ونحـــمد    مدينــه ادينه
للعلي  للعلي  بليله ونهاره     خدمتج   خدمتج اعظم تجاره
***

صرنه خدامج    نحيــــي ايامج     هــــاي الليالي
نعرف ونعـلم     بيها نتوســــم      تاج المعـــالي
لامنتملـــــمل     بكل جهد نعمل    لأجل الغوالي
نلطم وننحب     اشما بعد نتعب    لامـــــا نبالي
كل محب  كل محب ماخذ قراره     خدمتج   خدمتج اعظم تجاره
***

بمجلسج راحه   وتلتم اجراحه     الحاضر عزيه
بدمعته ايساهم   يشــعر الخادم     حامــل قضيه
كل زمن يقره    بالكلب جمره     آيالزجـــــــيه
كل محب دمعه  يشبه الشمعه     لأجــل الرزيه
فاطمه فاطمه دمعه ايتجاره      خدمتج   خدمتج اعظم تجاره
***

ابو علي الركابي

بصوت. مسلم المطيري

خدمتچ. خدمتچ. ناخذ البشاره


كلمات الشاعر
ابو علي الركابي

بصوت. مسلم المطيري

(نعي )
-----------------------------------
انه لسفرتك ما حا سب حساب
ومتانيك اضل واكف على الباب
هم ترجع بعد من هذا الغياب
تره جرحك غميج وبينه ما طاب  
---------------------------------
جنت شمعه ويضوي نورك البيت
ونتلم كلنه يمك بويه لو جيت
المغرب جل عليه وليك حنيت
ويم الباب بويه شكثر تا نيت  
--------------------------------
بعدنه بعازتك لا تمشي عنه
نحس ازغار بعدك يا هو النه
منك بعد لاما شبعنه
وبيك الدهر بويه فجعنه
--------------------------------
(الشاعر /عباس الصالحي )

(يازهراء)


.    .   يــمــــه     مـاتـت احـــلام الــعـمـر
         يــمــــه     وآنـــه بالـبـيت انـتـظــر
         يــمــــه     بـغيبـتـچ اصـعب كـســر

   شـفـتـه بـحـيـاتـي          شـفـتـه بـحـيـاتـي

                                 *---------------*---------------*

چـنـتي رحـمـه    چـنـتـي نـعـمـه    وأحـلـه سـلـوى
وحـشــه لـيلـي    وخاوي حـيلـي    ردي فــــــــدوه
الحجره ظلـمـه    الـدنـيـه ظلـمـه    اشبيهه يـسـوه
آنــــــه زيــنــب    گـلـبــي شـيّـب    يـــمـــه تـــووه

         وحـدي     ودمعت عيونــي تصـب
         وحـدي     آنــــه مـكـسـورت گـلـب
         وحـدي     يـمـه ومـصـابـچ صـعـب

                                 *---------------*---------------*

أغـفـه واگـعــد    عــنــچ أنــشــد    يـــمــه يـــمـــه
گـمـت أحــسّـن    مــن أفـــــــزّن    كـلشـي ظـلـمـه
اشكـد مصايب    عـمـري ذايـــب    هـايــه هـظـمـه
الـدنـيـه ضــده    الـيـبقـه وحـده    مــــن يـرحـمـه

         بــيّــــه     حسره ودمـوعـي تـكـت
         بــيّــــه     تـلـهـب الـنـار وحـــــرت
         بــيّــــه     تــــارك اجــروح الـوكـت

                                 *---------------*---------------*

صـرتـي ذكـرى    وگـلبـي جـمره    صـعـبـه يـطفه
دمعـي يـجـري    وهــذا كـسـري    شـلـون اوصفه
الشيلـه اشـمهه    وابـچي يمـهـه    وعـيـنـي تغفـه
خــيّــم الــهــم    ربــــي يــعـلـم    وارجو عـطـفـه

         صـعـبه     يـاخـذچ مـنـي الاجــــل
         صـعـبه     بـروحـي مـذبوح الامــل
         صـعبـه     الما اضـن صـار وحـصـل

                                 *---------------*---------------*

راح اضــــــلـن    وحـدي احـنـن    واجـري عـبـره
بـسـمـچ اهـتف    گـلـبـي يـنـزف    بـيش اصـبـره
أبـعـيـده عـنـچ    حـلمـي اشـمچ    والله كــســـره
أبـــــلا نـهـايــه    الـغـيـبـه هـايه    وادري مــــــره

         كـلـهــه     صــــارت اسنيني شـمـع
         كــلـهـه     اهـدومي نگـعهه الـدمـع
         كـلــهـه     عــرفـــت بـهـذا الـوضـع

                                 *---------------*---------------*

التـمشـي عـنـه    الچـنـهـه جـنـة    يحچـي دمـعـه
بـگـلـبـة حـرگة    ايـتـانـي ملگـه    ومـن يـسـمـعـه
حــلـمـه يـذبـل    حـيـلـة يـنحـل    هـــــذا وضـعـه
صعـبـه فـگـدچ    حـگـي بــعـدچ    ابــقـــه انــعــه

         ويـنــچ     يــمـــه رديـلــي بـحـلــم
         ويــنـچ     بـحالـتـي عـنـدچ عــلــم
         ويـنــچ     بـغـيـبـتـچ كـسـر ولـچـم

                                 *---------------*---------------*

والـلـه فـجـعـه    مـاكـــو رجـعـة    بــهـالــــرزيــــة
عـنـي رحــتـي    وبـس دمـعـتي    بـكـل مـسـيـــة
بـغـربـة اشـعـر    الـطولـچ انـطـر    بـلـكـي جـيـــة
هيچـي هجرچ    هيچـي كـسـرچ    ســـــــوه بـيـه

         يـمـتــه     يـنـتـهـي هـــــذا الـحـزن
         يـمــتـه     اتـمـنـه ويــــــاچ انـدفـن
         يــمـتـه     بـمـوتـچ الـعـالــم سـجـن

                                 *---------------*---------------*

✍خـادم الـزهـراء ع
الشاعر رعد الچريخي

بصوت. مسلم المطيري

يمه. ماتت احلام العمر


كلمات الشاعر
رعد الچريخي

بصوت. مسلم المطيري

لسان حال الامام علی (ع)


صوتی الّنوح یم الحسن بحّاه
وسرضلعـچ مسیل الّدمع بحّاه
امــزج صـرت للحسـرات بحّاه
وأصد للباب وکت المغـربیــــه


سیدطالب السیدعبودالموسوی

بصوت. مسلم المطيري

أحزاني    من   چثیر  الألم   هایت

علی   اطفال   الشهید  بیوم هایت

اطلعت زینب تصیح حسین هایت

الخیل   و حرگوا   اخیامي     عليّه

...................

الشّاعر المرحوم
عبدالحميدالعرادي

بصوت. مسلم المطيري

ابوذية

حار الرمل وابن امي ضل عليه
ولا عن الشمس خلو ضل عليه
الحوافر متركت سالم ضلع ليه
اطحنت صدره بطفوف الغاضرية

لأحد خدام الحسين صلوات الله عليه

قصيدة گعده

نار الحرگت الباب نرويلك خبرها
 من صدر أُم الحسين   كسروا بيها ضلعين
****
   يارســــول الله الچانوا   علـــه الظّاهر تابعينك
            گلوبهُم كلــــها ضغينه   وبيعه سوده مبايعينك
   بانوا و بيّن حقـــــدهُم   من غفت للموت عينك
          نصبوا سقيفة  ساعده   أهل  الگلوب  الحاقده
     وگالوا خلافه راشده   وحرّفوا يالهادي دينك
         عزلوا حارس الدّين والأكثر بأثرها
        شــــبّوا بيها نارين   كسروا بيها ضلعين
                          ****
  نار للفتنه أوقــــــدوها   ونار حرگـــوا بيها بابك
  الچنت دوم توصّي بيهُم   يبو الزّهـــراء بخطاب
  
    گالوا  احنه   مـن  الأوائل    واليعـــــدّونه أصحابك
       لكن حقيقتهُم بدت   وكل نواياهُم بيّنت
   عزلت وصيك ونصّبُت   المُرتد السّرّه مُصابك
          نكروا كل الآيات وشنصّت سورها
     بحيدر أبو السّبطين   كسروا  بيها ضلعين
                       ****
  بلا شرف وبلا مروءه   بالحطب دارك اجــــوها
  والحرب ضد أهل بيتك   يبو  القاسم  أعلنوهـــــا  
  گالـــــوا الزّهراء  بيها   وإن گلهُم احرگــــــوها
  ثاني العصابه المجرمه   بعصـــرة الباب المؤلمه
 ضلعين صاب الفاطــمه   البيها وصّــــاهُم أبوها              
          ومن عدها الحَمل طاح ميّت من عصرها
      باب و حايط و بين   كسروا بيها ضلعين
                                
   أُمّتك للصّنم رجـــعت   و الهُبل واللات تركـــع
   گامت  بأمـــر الخليفه   والكُفر جاز الها شـرّع
   نست مجهودك  وتعبك   وي جهود الفتى الأنزع
    لاظل كتاب ولا شـرع   تحكمها ناس بلا ورع
 والسّامري بعجله رجع   الكُفره و الإلحاده تسمع                
           گامت تعبد أوثان وتتباها بكُفرها
     لا ذمـــــــه ولا دين   كسروا بيها ضلعين
                           ****
 الهالوكت  يانبي الرّحـمه     جُرم  وأرهـــــاب الخليفه
 عله ارگاب النّاس حاكم   يقتل ويذبح بكـــــــــيفه      
 والعروبه اكذوبه طلعت   كلـــــــهُم أولاد السّقيفه
               بحظن اليهود ترعرعوا
   ولليضد دينك بايعـــوا   ميته الضّماير ماوعوا
                 والتّكشف أوراقه جيفه
           وي حُكم ابن صهيون متحالفه بشرها
       كل هاي السّلاطين   كسروا بيها ضلعين
                         ****
 من أرض  لبنان الجريحه    الغزّه ماتنعـــــد مجازر  
 قتل وارهــــاب ومجاعه   ودورهُم صارت مقابر
 والعجيبه الهاي نســـمع   هواي البدمـــنه تتاجر
       من اليسمّوهم عرب    أهل الملاهي والطّرب
       إن شالله الموعد قرب   ويظهر الهالنّاس ثائر
        بعدله يحكُم الكون ويمحي بسيفه شرها
      ويِصلب بعد جبتين   كسروا بيها ضلعين
                          ****
   الشّاعر // أبو سجّاد الجعفري // 7 ربيع الثّاني 1446هـ            
             

گعدية بصوت. مسلم المطيري

نار الحرگت الباب نرويلك خبرها


كلمات الشاعر
ابو سجاد الجعفري

بصوت. مسلم المطيري

ابوذية
&&&
وحك اللي عليه العرش..لوله
يمن شخصج  ذهب  مابيه..لوله
اظل انطر بكايه العمر..لوله
ردت شوفت ضريج يالزجيه
&&&
اظل ابجي وانوح العمر..يمنه
برحليج مابقه للكلب..يمنه
منهو اللي بقه بالدار..يمنه
يتامه اصبحنه بعدج الزجيه
&&&
لبست انه حزن يعكوب..يلباب
واظل اعتب وانوح بصوت..يلباب
ليش اعملت هذا وياي..يلباب
صرت وي العده ضد الزجيه
&&&
ماتكفي الدموع تهمل..يالعين
وبعد مااريد من الزمن..يالعين
اما انته اتعرف بالصار..يالعين
وشنو فعلك صبح ذيج المسيه
&&&
خادم اهل البيت
ابو علي  السعيدي

(جاوب يسلمان)


بيدي أدفنت روحي  **  اشلون احمل اجروحي

جـاوب يـسـلـمـان   **   جـاوب يـسـلـمـان

*---------------------------*-------------------*

قصت جراحاتي ابتدت للموت اعيش اوياهه
الترست اعيوني صوور تصعب عليّه انساهه
دافـنـهـه مكسورت ضلـع بـاچـر شـگـل ألطـٰه
استعجل اتراب الـگـبـر بـعـمـر الورد غطاهه

المايدري خل يدري  **  ألهه انكسر ظهري

*------------------------*------------------*

هاي الوديعـه فاطمة خـدهـه بـتـرب خليته
جاوب يسلمان بعَجل اشحال الدفن عافيته
ايحقله تـنـزل دمعته الماتت عليله ام بيته
الفاگـد ايجرحه الـهـوه لـمـن يـطـب الريته

خليني أبّث حزني  **  شال النعش متني

*-----------------------*---------------------*

اثمنطعش عـمـر الـورد وتراب اخلي اعليهه
عافتني بثياب الحزن وألهه الدموع اجريهه
دنيا التغيّب فاطمة اشباقيلي واطمع بيهه
اتمنه وياهه الاجل كلمه بصراحهه احچيهه

الكسرت ظهر حيدر  **  صعبه الدفِنهه أكدر

*-------------------------*--------------------*

ياهو اليلومه الحسرته اليدفن عزيزت روحه
بگد ذكرياته ومدمعه ايحس تصير اجروحه
والمثلي فاگدله غصن واجب يضل ابنوحه
ماعوفن الدمعه أبـد وبـكـل وكت مسموحه

زهره وعَلّي تبعد  **  خليني يمهه أگعد

*--------------------------*--------------------*

اشلون اعيش ابدنيتي والزهره عني ابعيده
أتـنـطـر الموتي صـرت هـذا الـعـمـر ماريده
اليبقى وحيد بـغـربـتـه حتى الصبر ميفيده
ايسولف بطاري المشه وأسم الحبيب ايعيده

تدري انهدم حيلي  **  ويخلص سهر ليلي

*---------------------------*----------------------*

✍خادم الزهراء ع
الشاعر رعد الجريخي

بصوت. مسلم المطيري


بيدي ادفنت روحي


كلمات الشاعر
رعد الچريخي