بصوت. مسلم المطيري
*نــعی لسان حال زینب علی اهلها واخوتها*

*گالت*

خاف اشتکی وخافن یزعلون
لیش ابأخــتهــم مایــمرون

تــربـیلهم کلیوم الـعــیـون


☑️☑️☑️☑️☑️☑️☑️
جـینه و وصلنه للـمـدیــنه

ودیـوان اخـوی امسددینه

وخالی  مـچان امی الحنینه
☑️☑️☑️☑️☑️☑️☑️
تــردین ملـگاهم یــروحی
لـلغربـو کـلیـوم نــوحــی
والکربله زینــب د روحی
☑️☑️☑️☑️☑️☑️☑️☑️
چــا یـمته ملگاکم یـاهلنه

گلبی علیکم زاد ونـــه

دموع المفارگ یلچمنه

☑️☑️☑️☑️☑️☑️☑️☑️
چـا لـیش رحتو ابغیر جیه

ابـعید الدرب و ٱومی بدیـَّه

چـن لـلـبـُعـِد  تردون حــیـه
☑️☑️☑️☑️☑️☑️☑️☑️

شحچی و سالفتی طویله

راح  الـحنین الاشــتکیلـه

لـلموت ابن امی ابـچیله
☑️☑️☑️☑️☑️☑️☑️☑️
اتمنه اشـوفک صدفه بالبیت

یحسین اگلک خویــه ردیـت

یبن امـی چـنک علیه حنیت
☑️☑️☑️☑️☑️☑️☑️☑️

الفرگه تکتل ثاری یاناس

اهـنا یخویه اهـنا یعباس

خنجر افراگک بالگلب جاس

وین اهل المحنه

*ام محمدالکعبی*

؛ الوداع يا فاطمة

زهراءُ، قد طال النوى
والصبرُ هدَّ عزيمتي
ويلاهُ من نار الجوى
دمعي يخضبُ شيبتي

نامي أنيسةَ خاطري تحت الترابْ
أتراهُ من فَعَلَ الجريمةَ؟ غدرُ بابْ؟
البئرُ قال:  رمى بها حقدُ الذئابْ

///////////////
يا من يلوم تفجّعي
لو كنت تعلمُ ما جرى
ما الحزن قل لي ما البكا؟
جمرٌ بقلبي قد سرى

كانت أميرةَ خافقي. روح الودادْ
والعاشق الهيمان يقتله البعادْ
عودي لبيتي زهرتي... فالكل عادْ

//////////////

عاث الخريف بزهرتي
واصفرَّ عود شبابها
مسمارُ بابٍ، خائفٌ
من ظلمهم أودى بها

خطبٌ عسيرٌ فالعدى، حرقوا المكانْ
سرقت عبير مودتي كفُ الدخانْ
الموتُ حقٌ، كيف يُحتملُ الهوان

/////////////////

شتان بين البارحه
واليوم يازهرَ الفؤاد
أتُرى اعيشُ وفاطمه
في الترب قيدها الرقاد

رباه عفواً فالردى،  سلب الوصالْ
قتلوا الأمومةَ والمحبةَ والدلالْ
تحت الثرى ويلاه قد نام الجمالْ

////////////////
سرق الجرادُ بيادري
والكفر هلّلَ واعتلى
والكل يعرف من أنا
فأنا الوصي على الملا

سيان موتي والبقا،  بعد الفراق
من بعد فاطمتي حياتي لا تطاق
وانا المُتيّمُ كيف لي بالاشتياق
علي طعمه البطاط
الفاطميه/١٤٤٢

بصوت. مسلم المطيري

الوداع يافاطمة

كلمات الشاعر
علي طعمه البطاط

رقيه

بويه بويه      وينه صدرك وين اديك
بويه بويه       انه اجيت انشد عليك
   انه الك مشتاكه      ياوكت نتلاكه    
$$$
انه من عنك رحت     هوايه ضليت التفت
بويه كلي شلون اعوفنك وسافر
ماتضمني على الصدر    طفله مااحمل هجر
لوصدر ماظلك بدوس الحوافر
لوتعاين غربتي    جابجيت لحالتي
انه مااكدر اوصفهه المشاعر
مره عاين عمتي      ومره اصدن لخوتي
هذا حالي اليوم واصعب منه باجر
وينه وينه    بويه اسأل هل السؤال
وينه وينه   راح وياك الدلال
ابجي فوك الناكه    ياوكت نتلاكه
*
تدري بفراكك صعب    امشي والمدمع يصب
انه يابويه اعز ناسك رقيه
هاي جم ليله الجزت     وانه عيني ماغفت
يلي جنت تكلي نامي فوك اديه
عيني مانشفت ابد     بروحي جن هزت مهد
وينه عبدالله انشدك جيبه اليه
انه اريدن شوفته    موتتني فركته
جنت اشبكنه ويرد يشبك عليه
مهده مهده     خالي وامه عليه تدور
مهده مهده     تلولي يمه بلاشعور  
جمرته حراكه   ياوكت نتلاكه
*
وي مشيهه القافله    الدمعه ضلت سايله
حتى مااكد انشفهه المدامع
ايدي مجتوفه واون    شلون امسحنه الجفن
وكلبي يابويه انجوه بكثر المواجع
مدري لاوين الكصد    الحادي ياريته يرد
هيجي ويكلي لبوج حسين راجع
لكن انه ايست     وعنك بعيده صرت
  تنسه موتك بويه كون بحالي سامع
كلبي كلبي    ماكطع منك رجاه
كلبي كلبي    صفت كل دكاته اه
لوتشوف اشواكه   ياوكت نتلاكه
 
  انشد وكلي الم    وينه شيال العلم
وينه ابوالحملات خواض المنايه
من يروح ويخبره   يكله زينب حايره
رايتك جانت سترالهه وعبايه
ادري طاحت يمنتك    بس ترفرف رايتك
انته عمرك يبتدي من النهايه
اسمك اشكد انذكر     ماوصل ليك الخبر
اشعدهه غير اسمك بعد هاي السبايه
عمي عمي    بكل مواقفنه نصيح
عمي عمي    لوطفل منه يطيح
  دمعتي سباكه      ياوكت نتلاكه
**
من يمروكت العصر      تنعصر روحي عصر
ذكرياتك تنجمع كلهه على بالي
والله ذابحني البعد     بويه انشدك  هم ترد        
حتى طير البلسمه يبجي على حالي
انه بعدك من وكت      طفله لكن شيبت
من غيابك لا تناشد عاالجرالي
انته يابو العاطفه      شكلي ماضن تعرفه
مادريت اشسوت بحالي اليالي
روحي روحي   شيبت بعد الرحيل
روحي روحي   لون ماتت هم قليل
عذباني فراكه   ياوكت نتلاكه




سعد العبودي

بصوت. مسلم المطيري

ماابري نفسي الذمه

كلمات الشاعر
حسين عبدالزهره الدراجي

نزله
.
.
.


مــدمــع العيــن .. يالحسين .. وقف خليته
وفرض الاحزان .. يعطشان .. الـك صــليته

--------------------------------------------------

اذّنــت دمــعاتي ونــزلــت امـــن النـاظر
وگمت احس كل دمعه چنها دوسة حافر
مايغيب امصابك بذهنـــي اشــعر حاضر
سيــدي وكل لحظه آنـــي اعيـش العاشر

بگــلبي عاشور .. يمغدور .. جمر حسّيته
وفرض الاحزان .. يعطشان .. الك صليته

--------------------------------------------------

مشتـــعل دلالــــي وانــته تعــلــم بـــيه
وچـــنه يوم العاشر وصــــارت الظهريه
ركضة اطــويريجك بيــها احس يوميه
الخيمه البنص روحي چن تطـيح اعليه

يومك اجــروح .. يمذبـــوح .. فــلا مليته
وفرض الاحزان .. يعـطشان .. الك صليته

-------------------------------------------------

الشايله ابنص عيني ما بچيـته الواحد
ماكو داعي احلفلك انـته والله الشاهد
حـــزنــك ابــدلالي اتــگرّم وضل گاعد
اوداعة اعويناتي بگلبي جـرحك خالد

جرحك بروحي .. ياروحـي .. ماشـديــته
وفرض الاحزان .. يعطشان .. الك صليته

--------------------------------------------------

بگــلبي يابــو اليـمه جمــرتك خــليها
ارد اعيش امصــابك فـدوه لاتطفيها
اندعي بكل لحظه چـبدتي اتچــويها
حته احس ابزينب الواجـّات ايــديها

ابچبدي نــيران .. يضميان .. لَمن وجّيته
وفرض الاحزان .. يعطشان .. الك صليته

--------------------------------------------------

جرحـك ابنص عيـني سـيدي مادامه
گمت احس ابراحه چي احس بآلامه
حرگه چن بالهــامه وماتطـفي الهامه
ســيدي وعيونك غــير بــس الــقامه

راســـي منــذور .. يمنحور .. فدائك ريته
وفرض الاحزان .. يعطشان .. الك صليته

--------------------------------------------------

المقتل ايرن بذني وبـيه لوعه وحسره
ولسه احـس براسي يـقره عـبد الزهره
ولو وصل يم صدرك والخـيول العشره
اني احس دلالي يــبو اليـمه ايطــشره

حزنك ادموم .. يمظـلوم .. لمـــن هليته
فرض الاحزان .. يعطشان .. الك صليته

--------------------------------------------------

ادعي دوم وابچـي انته چيف اتهمني
منــك ومـن حزنـــك الله لايحــرمـني
عالبچــي قويـــني وللـ لطــم حـزّمني
اجـزع اعله امصـابك ســـيـدي علمني

جرح الطفوف .. و السيوف .. الي اتمنيته
وفرض الاحزان .. يعطـشان .. الك صليته
--------------------------------------------------
خادم الحسين ع
حيدر تركي الكربلائي

بصوت. مسلم المطيري

مدمع العين. يالحسين

كلمات الشاعر
حيدر تركي الكربلائي

قصيدة ليلة العباس س
.
.
.

مو غريبات .. اچفوف من عالگاع ذني .. موغريبات
موغريبات .. چـنهـن اچـفوف الكـفلني .. موغريبات
صحت يابالفضل
اذا بـعــدك عـدل
حاچيـني يعباس
____

الشــمس مــنـي امــراد اخــذت حالــها حـال البقيه
ســـَلمـت بـس ســـلمـتـني جـــثه بــــيد المـــغــربيه
اويه الظلام الشوگ اخذني وچان يسحب حيـل بيه
صحــت وينــك يبــو فاضــل ساكــت ومـــارد عـليه

زينب ايصيح..ردت بس احچايه منه.. زينب ايصيح
زينب ايصيح..ويـسمــع الــون الأونه.. زينب ايصيح
شفت گتله الحبل
اذا بـعـــدك عـدل
حاچيني يعـباس

____

اچفوف وانه امشي شفـتهن گلت ذني للضحايه
امــن اعبـرتهـن هايـزينب لنــهن ايـصيحن ورايه
اليمــنه لا مامــيزتـها يابسـه اعـــليــها الـــدمايه
دقــقت باليــسره زيــن وشفــت بيهـا اثـار رايه

دمعتي اتگول..يللـه زينـب قبليهن.. دمعتي اتگول
دمعتي اتگول..ريحة العباس بيهن.. دمعتي اتگول
شگول امن انسئل
اذا بـعـــدك عــدل
حاچــيني يعـباس

____

گاعده اويه اچفوفه اسولف بلكي يرجعلي اتاني
اشــكثر مانــاديـت بســمه لارجعلــي اولا اجـاني
بلــكي يـگـعد خلـي اگـلـه الشـمر ياخـويه سباني
ماحــچه كلشـي يوسـفــه كافــلي بــس لانـساني

هايعباس .. ارد اگله وخاف يشهگ .. هايعباس
هايعباس .. متني من السوط ازرگ .. هايعباس
اعله حالي تنذهل
اذا بـعـــدك عــدل
حاچيـني يعـباس

____

واگفـه بالحـومه وحـدي حايره ومشغول فكري
اچفوف ابو فاضل كفيلي حاطتهن على صدري
شيبــتني الوگــفه هــاي وصار يمكن ميه عمري
عــدل لوميــت دگلــي يامــن اتكفــلت خـــدري

يسكت اشلون .. كلـشي سولف اله انته .. يسكت اشلون
يسكت اشلون .. خويه والمسلوبه اخته .. يسكت اشلون
تره اثگيل الحمل
اذا بـعــدك عـدل
حاچيني يعـباس

____

مـن رحت للمــاي گـتله الجيش يــم خيمـتي عـسكر
شـــويه والدخــان اشــوف يابــو فاضــل يمــي گــَبر
اعليه كلشي ستقوه خويه امن الشمر ضل يمي يفتر
گــال لــي العــباس اخــوچ اعـله النهــر هـسه تگنطر

گلي موجود..حتى اگلهم عندي كافل.. گلي موجود
گلي موجود..خويه فدوه  يبـوفاضل.. كلي موجود
الشماته اشتنحمل
اذا بــعــــدك عـدل
حاچيـني يعــباس

____

انــه يابو الغـيره اگله انچانك بالحچي تقبل
تــره هــسه شــاهــدتهم للسبي حـظرو هزل
يرضه گلبك ياكفيلي باچر اويه الشمر ارحل
گــوم يامـن دللتنـي تــره عگــبك راح انــذل

مايصيحون .. عگب عينك هاشميه .. مايصيحون
مايصيحون .. غيـر بـس هايالسبيه .. مايصيحون
يخـويه مـوسهل
اذا بـعــدك عـدل
حاچيـني يعباس
____
تمت والحمد لله
حيدر تركي الكربلائي

بصوت. مسلم المطيري

مو غريبات

كلمات الشاعر
حيدر تركي الكربلائي

،،،،،،،،،،،،،،،،،،،،،
          لو سافرت أخذ النظر
           أخذ الملامح والصور
          لو رحت عني بهالسفر
           چاشلي بعيوني بعد
             ـــــــــــــــــــــــــ             
    بويه العمر كله الك وطيني ساعة
    ملگه
   ماتسوه دنيه بلا ابو وتكتل يبويه
    الفرگه
   يخنگني كل لحظه الجفه واتمنه
   لحظة شهگه
   گلبي يبويه بسفرتك نار الوداع
    تحرگه
          غَمُضَتْ عيني ورسمتك
          حاولت اشبگ صورتك
          ما شفت بسمة شفتك
          چا شلي بعيوني بعد
            ــــــــــــــــــــــــــــ
  من صار الموادع گلت لعيوني سدي
  جفونچ
  باچر ضواچ يودعچ ويَّ الذي
   يودعونچ
  ليلچ يجيچ بلا أهل كل اهلچ
  يخلونچ
ما علموچ عله الجفه تعمين من
  يجفونچ
          محتاره اديرچ عالاهل
            لا ظنه عندچ لا أمل
             لو والدي عنچ رحل
           چا شلي بعيوني بعد
             ــــــــــــــــــــــــــــ
   بعيوني اصد لوالدي وبعينه گمت
   اتامل
    للاكبر يگله بعجل ركب اختك
   بهالمحمل
   هو سكت وانه سكتت وبالسكته
   كلش طول
   خايف عليَّ من السفر يدريني ما
    اتحمل
          بعيوني أگل لوالدي
          صعبه اظل لوحدي
       وسمع صده الحادي يحدي
           چا شلي بعيوني بعد
            ــــــــــــــــــــــــــــ
   من طوح الحادي وحده وعيوني
   تربي عليهم
  صارو بعيدين وشفت ذاري الترب
   غاطيهم 
    ياگلبي منهم ايست جيه بعد ما
    بيهم.                                
   ترسمهم عيوني صور برموشهه
   تخليهم
           لعبدالله صوره مصوره
           ذبلة شفافه ومنحره
             لوراح عبدالله تره
           چا شلي بعيوني بعد
                ،،،،،،،،،،،،،،،،،،،
كل ذكرياتي ويً الأهل صارن بين
عيوني
والعايشه وياهم عمر شو لنهم
يودعوني
تمنيت اگل لوالدي وياكم يبويه
اخذوني
خلوني اموتن بالسفر بالغربه
  لتخلوني
          بويه من اظل بغربتي
          شلي بعيوني وظلتي
         خلوني اموت بسفرتي
          چا شلي بعيوني بعد
            ،،،،،،،،،،،،،،،،،،،،،،
   خادم الحسين ابو اسحاق الفحام

بصوت. مسلم المطيري

لو سافرت اخذ النظر

كلمات الشاعر
ابو اسحاق الفحام

حبيبي   بدمي تمشي محبتّك
حبيبي   كل حياتي ابخدمتك
ــــــــــــــــــــــــــــــــــــــــــــــــــ
والله يحسين ابخدمتك ناذر انه اسنيني
يا حياتي وسر وجودي فضلك مغطيني
واجبه اعليه محبتك بيها يكمل ديني
باجر ابيوم القيامه خدمتك تنجيني

يمحبوب    لايذ انه ابصايتك
حبيبي      كل حياتي ابخدمتك
ــــــــــــــــــــــــــــــــــــــــــــــــــ
وآلدي علمني اخدِمك من صغر وصاني
عالمجالس والماتم والطم رباني
وامي حبك رضعتني وتمميت ايماني
ورتفع يحسين شاني ومنبرك علاني

خدمتك      بيها اشمن ريحتك
حبيبي     كل حياتي ابخدمتك
ــــــــــــــــــــــــــــــــــــــــــــــــــ
افتخر لبن الزجيه خادم يسموني
كلمه  هايه جگد عظميه وبيها جن اجنوني
ما امل من الخدامه خلهم يلوموني
شما حجو يحسين عني والله ميهموني

احبك      غصبن اعله الـعادتك
حبيبي     كل حياتي ابخدمتك
ــــــــــــــــــــــــــــــــــــــــــــــــــ
خدمتك يحسين نعمه ادعي ربي ايدومها
روحي من اطب عزائك تنسى كل همومها
ثورتك منها انتعلم ناخذ امن اعلومها
اعظم ادروس ومواقف خلّدت بدمومها

مواعض    نتّخذ من ثـــــورتك
حبيبي      كل حياتي ابخدمتك ــــــــــــــــــــــــــــــــــــــــــــــــــ
الخدمة عند الله اشكبرها يا عظم معناها
والله هنياله ليخلّص كل حياته وياها
فايز ابيوم القيامه كل شخص نالاها
حگنه يحسين بخدمتك نفخر ونتباها

تلمنه          بالقـــيامه ابرايتك
حبيبي      كل حياتي ابخدمتك
ــــــــــــــــــــــــــــــــــــــــــــــــــ
لو متت يحضرني باجر ودري ما ينساني
يخفف اذنوب العليه وينطق اعله الساني
خادم الزهره الزجيه ينعرف عنواني
بعالم الثاني امن اشوفه انسى كل احزاني

اشوفك        واملي عيني بنظرتك
حبيبي     كل حياتي ابخدمتك
ــــــــــــــــــــــــــــــــــــــــــــــــــ
علي كاظم المنصوري

بصوت. مسلم المطيري

حبيبي
بدمي تمشي محبتك

كلمات الشاعر
علي كاظم المنصوري

*في شان النبي صلى الله عليه واله*

         🚩🚩🚩🚩🚩

*فاطمه تنوح  يغالي  فاطمه تنوح*
*گلب مجروح يوالي گلب مجروح*
*الفرگه ياطه صعب*
             *لجلك المدمع يصب*
      *٢  فاطمه تنوح*

&&&
اية الله في البريه رحل واسود الفضى
والملايك بالمصيبه تصيح ياركن الهدى
تزلزل العالم ابفگدك استمع هذا الندى
عرشـه الجـبار ينعـه اه يـابـدر الـدجى
*راح عز المؤمنين*
           *بغدر گوم الظالمين*
    *٢  فاطمه تنوح*

&&&
فاطمه بنوح وكأبة تگول غابت الشمس
العمر بعدك ماريده  غصني لفگدك يبس
موحشه دارك عليه حين ماطبها الرجس
منبرك خالي يابويه ياهو يعطيهم درس
*أهضموني بموتتك*
           *عمت عيني مصيبتك*
   *٢  فاطمه تنوح*

&&&
اه لـو بيدي يـابويـه ماعوفك بـالگبـر
طولي بطولك امده ونسى ايام العمر
بعد عينـك ياولينه مابگى عندي صبر
ليلي اظلم بنجومه يبچي الحالي الگمر
*والسمه ويايه بحنين*
         *اه ياخير المرسلين*
    *٢  فاطمه تنوح*

&&&
بعد عينك اهظموني الضلع مني انكسر
الحطب جابوه البابي ونار تسعر كالجمر
مخضب المحسن ابدمه وانه گلبي منفطر
اصرخ الغوث ادركوني وين طه والذخر
*بـويه خـانو للـعهد*
          *من صرت جو اللحد*
   *٢ فاطمه تنوح*

&&&
عيوني ذبلانه بحزنها ونحنت مني الضلوع
يوم خانو للوصيه اعلينه هجمت الجموع
علي ابگيده ملبب رادو من عنده الخنوع
وانه ابدمي رحتله والگلب كله صدوع
*مارعو حگ الولي*
           *وهظمو عترة علي*
*٢   فاطمه تنوح*



*عاشقة الولاية*

بصوت. مسلم المطيري

كلمات الشاعرة
عاشقة الولاية

اهزن بلمهد حسبالي   موجود
ودور بلكي كطره  باقيه بجود
ابلل بيها شفتك  = احس يبني فكدتك
يبني                        يبني
====================/=====
حسرت المشتاك لوعه = وصاحبه يصير السهر
امبين العطشانه شفته = روحه متعلكه بنهر
الغيمه عطشانه   التمرني = ميته مازخت
مطر
كلت احولك دمعتي = حتى لويعمه   النظر
ادورلك    فياي   لشمس تاذيك
خليني احنرك برموشي اغطيك
      ردت كطره  الصفنتك
##########$$$$$$##$$$$$$
افرش بحظني ولولي =  وعلكت عمري بمهد
تارس عيوني بنظرته = ادخيل الله مولد
ولسهم بابس  ركبته  =  ذابل بعيني  الورد
لودريت الماي موته =  جان ماعفته ابد
اهزن  ولمهد يبجي    اعلحالك
والله دنيه الغيره بلطف جمالك
      بكلشي اشوفن صورتك
############-#'#########
منحرك شايل  ترافه  =وقصتك تكسر خواطر
كلش ازغيرون يمه  = شجابك الكطع المناحر
لوبديه وروح عمرك = اتمنى  كبلك لواهاجر
ظاع ياتعب التعبئه  = عمري خلصته اناطر
موسهم ذباح كاطعله النحر
روحي ماتحمل مرار ولا قهر
      مهدك اصبح   تربتك
#######################هيجت جرحي بعذابك = يانجم عمري طفه
ذبلت رمشي البواجي=وجرحه بلمنحر غفه
وحشه الفاكد عزيزه = يدور وماكو  شفه
يابعد حلم   اليالي   = بلترب ابني صفه
   حيرني الدهر طعناته برأس
   ياخذ كل عزيز وروح  عباس
     عميه  عين الئذتك
    ###################
تكتل  الوحشه  التمرني= ولعمر صاير خراب
اربع شهور شحلاته = وغافي بحظان الترب
هاي مودنيه اعرفتها = كلشي مابيه سراب
اعشك الموت شتهيته = موعمر يخلص
عذاب
افرش بحظني ولولي اعللهوى
انا ولميت احس روحي سوى
       يبني غابت ظحكتك
خادم اهل البيت
حسين هويان

بصوت. مسلم المطيري

اهزن بالمهد حسبالي موجود

كلمات الشاعر
حسين هويان

زينب بقت رايـة      بت حَيـدرة هاية
**
أعظم مَــرة بالـــكرة الأرضيـة
تنطي عِــــبُر ودروس يومـية
وبرغــم ما عالنـــوكَ مســـبية
بت حيـــدرة ذلـت بنــي امــية
بطف كربلة آية       بت حيدرة هاية
**
رادوها تركـع بس بقــت قمـة  
كلش طبيعي؟أخــت أبو اليمة
قائد؟ أخت عبـــاس مو حُرمة
بمجلس يزيد الطــاغي وتذمة
بداخلها فد غاية       بت حيدرة هاية
**
شايف مرة برغم المِحن قدوة
بحركَ الخيـــام تحَولت لَبـُـــوة
احســـين أخوهــــا منذبــــح توة
وچنهه أميــرة بمُنتهى القـــــوة  
للضعن حَمــــاية     بت حيدرة هاية
**
ليـــل اهدعـــش الله يحيـــرتها
فــوكَ المصيبة وذَبحَة أخوتها
أعلِنَت ذاك اليــــوم ثورتــــها
فــوكً الصحن لليـــوم رايتــها
چي لنهه وفايـة      بت حيدرة هاية
**
يتبـــاهه مو حكَه الزمــن بيهه
حاسدنه كــل العــــالم اعليــهه
بت فاطمـــة محـــد يوافيـــــهه
المفروض بينــه أرواح ننطيهه
ونكَصدهه مشــاية       بت حيدرة هاية
**
الجيش كله يخــاف من عدهه
چي لنهه تشــبه علي وآلدهه
كل الكــواكب هـــاي تحسدهه
دُرة بصحن زينب تظــل ودهه
سِبحَه ومصلاية       بت حيدرة هاية
**
نجدد عهــدنه ويـــاچ يالحــُرة
كل شيعي زينب ضاملچ عمرة
بيمن نوافــي المنكَـــطع نحـرة
والخيــل يمــچ تسحكَ بصــدرة
كل هله مدماية       بت حيدرة هاية
**
لـو غيــر زينب يمكن؟يجــامل
بس هيــه صارت قــائد يقـاتل
طاح الكفــيل وصــارت الكــافل
شكَد تشــبه العباس أبو فاضــل
من علي موصاية       بت حيدرة هاية
**
زينب أَبَـت؟أن تخضــع لظــالم
صارت عليهم من حچت؟حـاكم  
هيبتـــهه كل هيـــبة بني هاشم
يأخـذ بكل ثـــآراتـــها القـــــائم
ويزورها ويــاية        بت حيدرة هاية
**
حيدر حسين الكًرعاوي

بصوت. مسلم المطيري

زينب بقت رايه. بت حيدره هايه

كلمات الشاعر
حيدر حسين الگرعاوي

بصوت. مسلم المطيري

نعي عن لسان ام البنين سلام الله عليها

يلتنادوني  بسم  ام البنين
تذكروني بلوعتي وجمر الونين

اربع ابدور المشوا عني وصرت
بيتي خالي ومابعد عندي بنين

توذورا بسيوف مابيهن رحم
على الغبره احباب كلبي اموذرين

يوم كالوا بالعمد راس انهشم
وطاحن جفوف الكمر يسره ويمين

واشد كل هاي المصايب علكلب
سهم المثلث فطر كلب الحُسين

الشاعر حسن لعيبي الحريشاوي