عتاب مولاتي زينب .ع .لمولاي العباس.ع

.الناااااااااااااااااااااااار.النااااااااااااااااااااار.

النار النار. ٢
النار ياخويه تره تلهب عباتي.
انه زينب٢
انه زينب يابعد ستري وصلاتي.
يابو فاضل وينك
ردلي فدوه العينك
النااااااااااااار النااااار النار النار.
::::::::::::::::::::::::::;::::::::

خويه وينك فدوه لايسبوني
دم جرت بغيابك انه عيوني
يابو فاضل ورموها متوني
وسطرة امي انه احس بعيوني
وينه كفالج تره يسمعوني
وبرقيه ضلو يٲذوني
خــــــــــويه حامي  الدينـــــنك
ردليــــــــــﻰ فدوه العيـــــــــنك
الناااااااااااااااار الناااااااااااااااااا"""2

:::::::::::::::::::::::::::::::::

خويه حاجيني عليك ام البنين.
وبغيابك بعد ماتهدالي عيــــــن.
ٲرد احلفك ٲبرقيه  وبالحسيـــن.
وينه وعدك يابوفاضل خويه وين
هذا جتالك صطرني اعله الجبين.
الماي ما ريده اريدك يالحنيــــــن
انهض وشوف حسيــــــنك
ردلي فدوه العــــــــــينـــك
الناااااااااااااااااااار النااااااااااااااار""2

::::::::::::::::::::::::::::::::::

من رحت ضلمت الدنيه بعيني.
ومن حياتي ٱيست وسنينــي.
يمه ع الضيم الجره  عينيني.
افگدت عباس انه وحسيني.
راح اصيحن يمه بس حاجيني.
بكلشي اضحي لجل ستري وديني

خــــــويه منـــــــهو يشيــــــلك
ردلــــــــــــي فدوه العيـــــــــنك
الناااااااااااااااااااار النااااااااااااااااار"""2
::::::::::::::::::::::::::::::::::

ارد اعاتب كربلــــه ع الي جره.
مني اخذتي اخيي سبع الگنطره.
وضل ابو السجاد جثته موذره.
وعلي الاكبر جثته ضلت اعله الثره
هناك يم الله الحساب اعله الجره.
روحــي ما ابريـﭻ دنيا وٲخره.

يابو فــــــاضل وينــــــك ويــــــنك
ردلــــــــــــي فدوه العيـــــــــنك
الناااااااااااااااااااار النااااااااااااااااار"""2
::::::::::::::::::::::::::::::::;:::::


يمه يازهره انه اريد اشكيلـﭻ
ع المصايب والجره ارد احجيلـﭻ
هذا زين العابــــدين عليـــلـﭻ.
سكينه وارقي ادري اهدن حيلــج
او  بـﭼـت دم السمه اعله حسينج
والرضيع من العطش ناغيــــــلـج

يابو فــــــاضل وينــــــك ويــــــنك
ردلــــــــــــي فدوه العيـــــــــنك
الناااااااااااااااااااار النااااااااااااااااار"""2

كلمــــــ✍ـــات
خادم ٲم ابيها ((علي المياحي))

بصوت. مسلم المطيري

النار النار

كلمات الشاعر
علي المياحي

طال غيــــــابك طال غيـــــابك
يالمنتظـر طـــــــال غيـــــابك
-----------------------------------
طال غـــــــيابك يمته الرجعه
كل جمعه انگول اهي الجمعه
والحسره تسيل اويه الدمعه
تشكي ابحرگه اهي اعله غيابك

طال غيــــــابك طال غيـــــابك
يالمنتظـر طـــــــال غيـــــابك
عالعين اكتبنه احنه الندبه
وانقشناها ولا مو عجبه
فوگ البؤبؤ تلگه الغربه
وبالشريان اكتبنه انصارك
طال غيــــــابك طال غيـــــابك
يالمنتظـر طـــــــال غيـــــابك
نشكيلك عالصاير بينه
تذب الدنيه الظيم اعلينه
صحنه الشيعه اشسوت بينه
ما تقبل عجل نقرالك
طال غيــــــابك طال غيـــــابك
يالمنتظـر طـــــــال غيـــــابك
اسمع قصتنه انت ونصحه
گلب الشيعي ولا متجرحه
مثل الحنطه الكسرت رحه
فكت القيود او صحنالك
طال غيــــــابك طال غيـــــابك
يالمنتظـر طـــــــال غيـــــابك
لو دارت كل دنيه اعليهه
كلمة عجل ما نلغيهه
واندنگ راس وانحجيهه
عجل عجل صحنه انصارك
طال غيــــــابك طال غيـــــابك
يالمنتظـر طـــــــال غيـــــابك
يم الغرغد يلغي الخطبه
ياخذ ثار الظلع الضربه
يحكم بيهه ويبني الگبه
والمسموم اهو الياخذ ثارك
طال غيــــــابك طال غيـــــابك
يالمنتظـر طـــــــال غيـــــابك
صوب الكوفه يوجه نظره
وطبره الهامه ايردهه ابطبره
ويوقع قرطاسه وحبره
ويعلي رايات اسلامك
طال غيــــــابك طال غيـــــابك
يالمنتظـر طـــــــال غيـــــابك

خادم الدمعه الزينبيه
أيهاب التميمي

بصوت. مسلم المطيري

طال اغيابك طال اغيابك

كلمات الشاعر
أيهاب التميمي

مسلم المطيري

شتعتقد عمرك يطول
لا تعيف ال الرسول

كلمات الشاعر/ حيدر حسين الكرعاوي

شايل ذنوبي اجيت ابابك
ادري ما يغفرها الا مصابك
رايد تربيني بمجلسك يحسيني
ادري ما يغفرها الا مصابك
——————————————————
سامح الخالفها كل وعوده
بذنبي اجيتك فكني من قيوده
سيدي عليك الكطعها زنوده
تغير افكاري و حياتي السوده

بطيشها الدنيا خذتني هوايه
جنت امشي وره گلبي و رايه
گلبي باقي اليومي اسود من اهدومي
و خوفي لا تجفيني بمجلسك يحسيني
————————————————-
تعلم الروح التواضع رايد
هواي ماخذني الغرور الزايد
يا ما گلبي وي الخطأ متواعد
و عالجره ليل المعاصي الشاهد

استصغرت كل الذنوب الصارت
الدربك عيون الگلب ما دارت

گلبي مدري شماله ما يهم بأفعاله
رايدك تحييني بمجلسك يحسيني
—————————————————-
ما يلين الگلب جنه احجاره
للذنب يركض يوزع ابشاره
ماكو يوم او مو ذنب خطاره
اشكد جفاك و ما اجاك ازياره

عمري خلص ما اجيتك ساعه
و للذنب سمعا ً كلتله و طاعه

و ماطبكت جفوني عالحرام عيوني
جبت كل سنيني بمجلسك يحسيني
—————————————————-
جنحه مكسور بشجرتك طيرك
ضايع و من يحتويني غيرك
يا ما كتله الگلب هو يجيرك
المثلي نظره ما اله مو خيرك

بالذنب دوم الهج عالشفافي
ما شكرت النعم زاد اجحافي

و هسه انا بحالي ذره ما اسوالي
و خادم تخليني ! بمجلسك يحسيني
—————————————————-
ندم هاي دموعي كلها الطاعت
جيت الم سنين عمري الضاعت
للوهم يا وسفه روحي انباعت
اشكد حرام بالليل همها و راحت

اسهر اعالمعصيه بكل ليلي
و يخلص بوكت الصلاة كل حيلي

تريد هاي اوهامي بدونك ابني احلامي
رايد ادليني بمجلسك يحسيني
—————————————————-
شما عشت مارد بعد للذنوبي
فشله من ادخل الك محبوبي
و انا راجع للغلط و عيوبي
البيه اسود سيدي بس ثوبي

عطفك عليه اريد اتفيضه
جيتك وبادي بصفحتي البيضه

و للي تاخذ بيده كل غلط ميعيده
انت نور بعيني بمجلسك يحسيني
——————————————————
خادم الامام الحسين ( عليه السلام )
مـحمد عبد الامير الابراهيمي

بصوت. مسلم المطيري

شايل اذنوبي اجيت ابابك

كلمات الشاعر
محمد عبدالامير الابراهيمي

بصوت. مسلم المطيري

الشاعر حيدر بشار الدراجي:
فاطمة العليلة

هلـــي بغيــابكم للگــلب چاوين
ولو ينظر العلتي الصخر چاوين
انــاشد عاليرد الشمــــل چاوين
شكثر مشتـــاگه لسکینه ورقيه
༺༺༻༻
حيدر بشار الدراجي

مقدمة ليلة مسلم
.
.
.

الــيتم كلش چــبير .. وگلــب بنتك زغير
وگــلب بنـتك زغـير
حميده

---------------------

گلبي لزغيــرون بويه بـعـده مايحــــمل اذيه
وبحمـيده انته تــدري بالبچــي تــــشبه رقيه
متانيه يجيبولي راسك ارد اشبگه وهاي هيه
بلكي اغفه اعليه واحلــم حته تلفيـني المنيه

شلي بعمري الگصير .. وگلب بـــنتك زغير
گلب بنتك زغير
حميده

---------------------

انه ذيچ اللحضه شفته اليتم گام عليه يــفتر
ناعي موتك من اجــاني وگال لي كلــــشي تغير
الچــنتي تغفين اعـله صدره والدچ صدره تكسر
ايسي منه ما يردلچ جــــسمه بالــكوفه توذر

وحچالي الما يصير .. وگلب بنــــتك زغير
گلب بنتك زغير
حميده

---------------------

انتــه يامــن دللتــني اوزعــت روحــك عليه
چــنت كل ماگــول اه اتشــيــلني وتــحــتار بيه
شلون باچر بويه مسلم حافيه امن امشي سبيه
السوط يلعــب عــله مـتني والـحبل ياكل بديه

الشمر سوطه خطير .. وگلب بنتك زغير
گلب بنتك زغير
حميده

---------------------

المثلي تسال عله ابوهه اشعجب همه ايصبروهه
والبــنات الــي بعــمري ليـش كل وحده اويبوهه
النــاس من تــسألني عــنك نــار بـيه يوجروهه
ومـن يگــلولي يتيــمه دمـوعي عيني اينزلوهه

شحاچيهم احير .. وگلب بنتك زغير
گلب بنتك زغير
حميده

---------------------

انه يوم الطـبگ عشته بكل وكت يذبح حنيني
وگـبل نار الخـيمه شفت النار ترست بويه عيني
والخيول خلافك انته وين ما ارگض تجـيني
بكثر ما ونيت بويه تونست هيه بونـــــــيني

صعب لمن تـــــغير .. وگلب بنتك زغير
گلب بنتك زغير
حميده

---------------------

مره بس سديت عيني من عگب سهر الليالي
وبالحلم چنك تگلي يلله يبنــــــــيتي تعالي
اشبگني گلتك عله صدرك الك مشتاگه يغالي
انت من يوم العفتني كلــشي بويه ما بقالي

وبقت عـــيني تدير .. وگلب بنتك زغير
وگلب بنتك زغير
حميده
&&&&&&&&&&&&&&&&&
لخادمكم حيدر تركي الكربلائي

بصوت. مسلم المطيري

اليتم كلش، چبير،


كلمات الشاعر
حيدر تركي الكربلائي

الدار الخاليه من امي تذبحني من اطب ليها
شلون اهجع واطبلها واگعد واستچن بیها

شلون بحالی ویه الدار وام البیت ماهیه
وطاحت خیمتی وذخري والبيت انكشف فيه
ياخذني الدرب لوعات وللحسرات رد بيه
اموتن من يمر عالبال طاري امي ومحاچیها

وشال ویه النعش گلبی وصارت سلوتی الونه
وشنهی من گلب عندی وجسمچ بیدی ادفننه
أيست وبعد هيهات طولچ بعد اشوفنه
وماشفنه الیموت یعود أيسي يالدفنتيها

ويريت الگبر طمانی ولا شفتچ یدفنونچ
وعساها بالعمی عیونی گبل لا تغمض عیونچ
واذا بالبيت ما الگاچ انامن شابگه اهدومچ
شلون بفرگتی ویاچ سفرتچ طولیتیها

ودعنه المحنه ویاچ بس بالیتم ردینه
وگفت اتعاتب ویه الدار بطرگ الصدی یحاچینه
عگب ملگاچ یم الخیر بس الهم طلع لینه
دخلت محاضن الحسرات وعيني الدمع غاطيها

يمر الليل بالحسرات وبالآهات اسهرنه
واصبح عالبجي والنوح والدمعات والونه
نفذ صبري بعد مكدر مجانج خالي اشوفنه
ذكرت ايام كعدتنه الويانه كعدتيها

وبعد مااشوف الي جاره لو ما الي رديتي
لاحمل واترك دياري يم كبرج لاحط بيتي
طك كلبي ييمه عليج علينه هواي جافيتي
وحتى بالحلم وياي طيوفج كطعيتيها

يم كبرج كضيت العيد يشوف عيوني يارجواي
وما اكدر على فكدج يفرحة عمري بدنياي
كومي نرد لهالينه يله امشينه كومي وياي
خلافج زينب بلا عيد من يوم الجفيتيها

يم كلب الحنين الجان كبل لانفز يفز بينه
طحنه اعله الكبر نصرخ ولا جنج تسمعينه
حسين من البواجي اعليج يايمه انعمت عينه
ويمه بيا وكت زينب تصيح وماتسمعيها

شلون بحالت اخواني وكلها تصيح مفجوعه
وياهو اللي اصدله كبلي يذرف ادموعه
ماداست الخيل حسين فراكج كسر ضلوعه
وما صابه السهم عباس عينه انتي عميتيها

بصوت. مسلم المطيري

دار الخاليه من امي
تذبحني من اطب ليها

#قصيدة السيدة زينب يمه يمه تخاطب أمها الزهراء،،ع،،بعد رحيلها
°°°°°°°°°°°°°°°°°°°°°°°°°°°°°°°°°°°°°°°°°°°°
      يمه وحشة بيتنه شلون المگابر
      اليل  متلثم  أبجرحچ  مايسافر
خيمه جرحچ والألم\\\\\نارمشتعله بسهم
يمه يمه //////يمه يمه
°°°°°°°°°°°°°°°°°°°°°°°°°°°°°°°°°°°°°°°°°°°°°
يمه  أدور  ولگه    بصماتچ   جديده
چنتي  يمي  البارحه  وهسه   بعيده
صرت أحس عيوني تبچيلچ قصيده
بيهه  صوت  أفراگ  بعيون الصميده
يمه عشت الوحشه الاولى
والحزن      نوخ       ذلوله
وحيلي بجفاچ أنهدم\\\\\نارمشتعله بسهم
يمه يمه  \\\\\\\يمه يمه

°°°°°°°°°°°°°°°°°°°°°°°°°°°°°°°°°°°°°°°°°°°°
الوحشه ترست بيتنه وعشنه المصيبه
جروح  صبرچ  بيش  ألمهن  يالحبيبه
طولچ البي رحمة  الله   أمنين  أجيبه
الفرض  يم   سجادتچ    أسمع  نحيبه
حتى عيني أصفر دمعهه
أمنالقهر   ذايب  شمعهه
ودخنت روح الذمم\\\\\نارمشتعله بسهم
يمه يمه\\\\\\\\يمه يمه
°°°°°°°°°°°°°°°°°°°°°°°°°°°°°°°°°°°°°°°°°°°°
وگمت  ألم  أبصورتچ   لعيون  الأحلام
حتى أشوفچ وأنتي يمه بثوب الاحرام
يمه  طيفچ  صار  حسره  أبعيني مينام
أنه  ادري   أيذوب   گلبچ   يم   الأيتام
شحال لوزينب يتيمه
الحزن تتنفس نسيمه
والجرح كاتب نعم \\\\\نار مشتعله بسهم
يمه يمه\\\\\\\يمه يمه
°°°°°°°°°°°°°°°°°°°°°°°°°°°°°°°°°°°°°°°°°°°°
يم مكان البي گعدتي ايطوف الاحساس
ولگه  عطرچ  من  أشمه  ايعطر  الأنفاس
عطر  خله  ادموعي  كلهه  أتهبط  الراس
وظل  حجابچ  من أشوفه بدمعي ينباس
وگمت ألم أبروحي ودعي
أزغيره ليش أيسيل دمعي
طفله والمدمع رسم \\\\\نار مشتعله بسهم
يمه يمه\\\\\\\يمه يمه
°°°°°°°°°°°°°°°°°°°°°°°°°°°°°°°°°°°°°°°°°°°°
من شفت حيدر أجاني أمشيب أهموم
چان  يم  گبرچ  ييمه  وحيله   مهدوم
بطرف عينه ادموعه لنهه گامت أتحوم
ومن شبكني الدنيه صاحت آه يمظلوم
وگمت أنشدنه اعلى گبرچ
وصاح   يازينب   شخبرچ
والگبر هم أنظلم\\\\نار مشتعله بسهم
يمه يمه\\\\\\\يمه يمه
°°°°°°°°°°°°°°°°°°°°°°°°°°°°°°°°°°°°°°°°°°°°
خادم أهل البيت،،ع،،
أبوحسين السرگودي...

بصوت. مسلم المطيري

يمه وحشة بيتنه

كلمات الشاعر
ابو حسين السرگودي

بضلع امك فاطم سجل اسمي خادم
كلشي لجلك نذرته... كلشي لجلك
----------------------------------
ما اريدا ً اي اجر اخدمك طول العمر يالغالي
منك انعرف القيم من ذهب تاج الخدم يالوالي
حسين يا اعظم ولي بنايباتي انته الي تبرالي
عشت بالخدمه امير وخادمك انا الفقير بحالي
ناذر انا سنيني لخدمتك يحسيني
كلشي لجلك نذرته... كلشي لجلك
----------------------------------
انته يانور الدرب لخدمتك دمعي يصب كل ليله
سيدي كلبي هواك لحضرتك جدمي اجاك ابحيله
انته منبع للحنين ياهو غيرك ياحسين اشكيله
كلبي بسمك ظل يدك قصتي بهذا العشك اطويله
غالي عندي دمك فدوه اروح الاسمك
كلشي لجلك نذرته.. كلشي لجلك
---------------------------------
بداعت الذل النهر عالي مابين البشر خليني
انته لجروحي طبيب والله عايش يالحبيب بعيني
غالي وكلشي الك واليضدك شو هلك يحسيني
اي وحك ذاك النحر خادمك طول الدهر تدريني
شلون احبن غيرك عليه فايض خيرك
كلشي لجلك نذرته..كلشي لجلك
-----------------------------------
تعب ماكو بخدمتك من اشيلن رايتك اتباها
بصقتي العالم دره الجمعه وي كبرك تره شمحلاها
بشوكي للحضره اطب محبتك وسط الكلب تلكاها
روح الطيور الشجر بنوره الدنيا الكمر ضواها
لهسه انا ذاكر طيحتك بالعاشر
كلشي لجلك نذرته.. كلشي لجلك
----------------------------------
خدمتك سوتلي صيت وانا يم بابك اجيت ابعبره
قدمت لله النفس منك انعرف الدرس والعبره
روحي يالغالي بديك خادمك يبجي عليك ابحسره
لسه نذكر كربلاء ويانه تحضر بالعزاء الزهره
كل عزانا دائم الحد ضهور القائم
كلشي لجلك نذرته.. كلشي لجلك
----------------------------------
لخادم اهل البيت ع
الشاعر محمد عبد الامير الابراهيمي

بصوت. مسلم المطيري

بضلع امك فاطم

كلمات الشاعر
محمد عبدالامير الابراهيمي

كاع صحره ودنيه ليل وآنه امشي بلا كفيل
دايره عيوني وتهل خاف انسالي طفل
..........................................................
يم رماد الخيمه طاحت دمعه بيها اجم سؤال
وصرختي اتهز البوادي وزلزلت حته الجبال
بحركت التفكد خدرها تصيح يا خويه تعال
شوف جم سوط اعله متني وآنه ترباة الدلال
الليل ما يرحم غريب..... يازماني اشكد عجيب
بالعجل ردتك تصل خاف انسالي طفل
................................................
فرت اطفال المخيم من سياط الظالمين
وللثياب النار وصلت كلها تصرخ يا حسين
حشمت وين اليتامى كلي دمعي ديري عين
طفله راحت يم ابوها وطفله ضاعت مدري وين
وطفله راحت للرضيع ........ تبجي يم نحره الكطيع
وآنه مدهوشه اضل خاف انسالي طفل
..........................................
جم يتيمه تريد ابوها مني لوحان الرحيل
والرباب تريد ابنها ويرتفع صوت العويل
وليلى عالاكبر تنادي (يُمه ) والمدمع يسيل
وآنه يم حسين ابجي ومره يم جف الكفيل
والله حيرني الزمان..... ها يا دنيه بلا امان
افكد ولا ساعه امل .....خاف انسالي طفل
..................................................
بالحبل شدوها اديه امشي وي طرت الصباح
واسمع الشمر ايتشمت بالمتن من سوطه لاح
مجتفه وشفت الشريعه والدمع من عيني طاح
وين اخوي اللي كفلني امعلك بعالي الرماح
ردت اكلك وين اديك..... تشمتت عدواني بيك
من ركبت اعله الهزل خاف انسالي طفل
..................................................
امكطعه الروس الحدتني من الصبح حد المغيب
روس اخوتي اعله الاسنه منرفع واحد غريب
نامت وطبكت جفنها انده وما من مجيب
وآنه عالناكه الهزيله يا زماني اشكد عجيب
واسمع السوط الاليم .............عاليتيمه وعاليتيم
اعكد بدمعي واحل خاف انسالي طفل
..............................................
خلني يم راسك انوحن نوحة مفارك عضيد
واشلع اسهام الرمنك واحجي يم دم الوريد
ترضه اختك يا كفيلي تمشي مكيوده بحديد
وتدخل الديوان اميه وتوكف مكابل يزيد
تدري لو حان الظلام ..........بالخرابه شلون انام
لا طبك جفني ويجل خاف انسالي طفل
نسالكم الدعـــــــــــــــــــاء
علي صادق المجراوي

بصوت. مسلم المطيري

گاع صحره ودنيه ليل

كلمات الشاعر
علي صادق المجراوي

بصوت. مسلم المطيري

يامهدي


عـفــه عـقـلـي وبـقـى مولاي ..  مـاجـن
اتــانـي اخـــبـــارك ولـلـيـوم  .. مـاجـن
يمهدي ادموعي وسط العين ..  مـاجـن

مـثـل يـعـقـوب هـذا الـصـار بــيــه

*------------------------*---------------------*
خادم الأمام المنتظر عج
✍الشاعر رعد الجريخي

گلبي ذايب من ونينه
فاركت امي الحنينه

جوه التراب .. اغله الاحباب
......................

يازمن تحرمني منها هل حبيبه
وكلشي بيهه .. يحن عليه
وين الكه بطيبت امي لو كلبهه
البي تضمني .. امن الاذيه
زينب آنه وهذا دمعي ما امله
ولايملني .. عالزجيه
الهه تبقه بعيني صوه وحضن دافي
بوسطه اغفه .. بكل مسيه

راح اضل بهذا دمعي
ضلع امي يعني ضلعي

انعصر بالباب .. اغله الاحباب
......................

من يجيني اليل اشاهد غربه ليلي
من بعدهه .. امي شمعه
جانت تنور حياتي من ضواهه
وهسه ضلمه .. النور اودعه
بدار ابوي شما اعاين الكه ذكره
بصفهه اخلي .. بحركه دمعه
صوت امي ايغب عني من تنادي
يمه زينب .. ما اسمعه

من ثغرهه اسمع اسمي
يمه زينب كعدي يمي

شلون تنصاب .. اغله الاحباب
.....................

امي ماعون العطايه من اديهه
تنطي جانت .. لليتامه
تنهظم وتسيل دمعه اليوم اذا مر
ابلايه سائل .. لاعلامه
وره الباب تضل تناطر لليدكهه
الدكه ترسم .. لبتسامه
اعيال الله من يجوهه هواي تفرح
امي رحمه .. والسلامه

فاطمه امي العضيمه
آنه زينبهه اليتيمه

ودمعي سجاب .. اغله الاحباب
....................

ماتضل بعيوني دمعه منالمصيبه
ياعضمهه .. ماتت امي
احله شي عند الزغير حضن امه
وراحت امي .. ماكو يمي
ليل اليفاركله غالي ماينامه
هذا حالي .. وهذا همي
احجي وي روحي واكلهه ذكره ضلت
هاي شيله .. وبيهه شمي

عطر امي من اشمه
وي عطرهه احجي كلمه

صار الغياب .. اغله الاحباب
........................

يازمن ليش الاحبهه عني ترحل
شنهو ذنبي .. وفاركتنه
جنت وي امي بسعاده وماكو دمعه
بهل سعاده .. ماعفتنه
كلشي بيه انهدم والله بهل ليالي
الزهره لمن .. ودعتنه
ضل ابوي بلايه حيله وي اخوتي
ونجري دمعه .. وشاهدتنه

علي حيله وراح منه
لئن دافن بيده جنه

نوحه لمصاب .. اغله الاحباب



#محمد هادي العقابي