بصوت. مسلم المطيري

بضعن مكسور ردت ام الاحزان

كلمات الشاعر
ابو حميدة الشويلي

بصوت. مسلم المطيري

تعوفيني يمه بيا حزن وبيا آه

كلمات الشاعر
ابو حميدة الشويلي

بصوت. مسلم المطيري

چانت اتضوي الليالي

كلمات الشاعر
فاضل الغريباوي

بصوت. مسلم المطيري

*( ابوذیه )*🌸

إبحلم مانی إبعلم یا ترف شفتاک
و عونه إللی إرتوا من مای شفتاک
گلت أخلص و أفک إلروح شفتاک
إبهواک إشتربکت هل حاط بیّه

*✍️الشاعر ملا جهاد الصوفی*

ابوذيات  للام
......
تواني الدهر يايمه تواني
ويتيم اصبحت هاليله تواني
يحفار الكبر هونك تواني
اريد وياهه تدفني سويه
......
احس بكليبي هليله ولع بي
وتذكرت الجهل يمج ولع بي
هدومج ظلن كبالي ولعبي
واعاين لاكن النيران بيه
....
بعد يانار شبي والعبايه
عله الجانت سلوتي والعبايه
خذت ثوبج ييمه والعبايه
افصلهن جفن يوم المنيه
......
انه الجف المصايب علي يوماي 
وخذاج الدهر مني غفل يوماي
يريته كبل يومج كون يوماي 
ولاشيلج نعش بثنيبن اديه
..................
امي ماعرفت شجان سرهه 
شدت بس حزن وهموم سرهه
يشيال الجنازه ابساع سرهه 
امانه وياك يم حامي الحميه 
..............
اصيحن اخ يمه احاه يماه
رحت لفراشج انه وطحت يماه
مشتاكه عليج الروح يماه
تعاي الخاطري مري عليه 

......
بعد شيصبر كليبي ويمنه
عله البيناتنه عاشت ويمنه
نريد اليوم دفنتنه ويمنه
تعودنا عله النومه سويه
....
علي الحاج الصبيحاوي

بصوت. مسلم المطيري

الشاعر
علي الحاج الصبيحاوي

بصوت. مسلم المطيري

كلشي راح

كلمات الشاعر
رعد الچريخي

الخاطر الله بهل عشك خلوني
حسين جنني شحلاته جنوني
ربي خالقني اله
ونفس ريتي كربله
يم حبيبي لو متت دفنوني
ــــــــــــــــــــ
لاتلوموني عل حبه ... ماشفت مثله حبيب
وماشفت جرح بزماني .... يدوّر اعليه الطبيب
مو غريب حسين اسمه .... لاجن ابحبه غريب
اكَرب من الروح اليه ....كلّي هسه شكد جريب
الخاطر الله بدونه تعمه عيوني
وحتى لو اعمّه يكحل جفوني
طعمه عندي البسمله
ونفس ريتي كربله
يم حبيبي لو متت دفنوني
ــــــــــــــــــــ
كمت اتنفّس محبته ... وبي همت من الزغر
وكل حياتي الثوب الاسود ....واللطم فوك الصدر
وجنتي مجلس عزائه ... الذ شي بهل عمر
شمحله لو اكتب حبيبي ... بوجهي بصماخ الجدر
بلايه حيل ومنه اخذ حيلي
قامتي تشهدلي وي زنجيلي
راسي بمحبته عله
ونفس ريتي كربله
يم حبيبي لو متت دفنوني
ــــــــــــــــــــ
شمحله حبك ياحبيبي ....يا حبيب شكد حنين
الناس لامتني اعله حبك ... وارخصت كل السنين
شلون اعيفك وانه انظر ....هيّمت ام البنين
العافت الدنيه او ولدهه ....اذن عدهه شكد يقين
اذا جبريل وصبح يتباهه
بخدمتك جا حكَ اعيش وياهه
كلشي آنه املك اله
ونفس ريتي كربله
يم حبيبي لو متت دفنوني
ــــــــــــــــــــ

يا الذ جلمه بدليلي ...اسمك الجرحي دوه
حتى اليموت اعله حبك ....بيك يتنفس هوه
الكبر وحشه وليله ظلمه ...وحبك ايشع بي ضوه
آنه وي هاي المجالس .... بالكبر نسكن سوه
شكد احبه بكبري اقره مصيبه
وشعري بس بسمك حلو ترتيبه
والمدامع هامله
ونفس ريتي كربله
يم حبيبي لو متت دفنوني
ــــــــــــــــــــ
ربي اوّل ماخلقني ...بيده كوّني وصرت
سبب خلقي حسين جان ... ومن وجوده اتنوّرت
ومن نحت يوم الولاده .... والله لمصابه نحت
ياحبيبي حسين صحته ....اتبسّم بحين الصحت
اجه وخله ايده علجفن عيوني
هاي لحضه البيهه صار جنوني
هذا عشكي أبأكمله
ونفس ريتي كربله
يم حبيبي لو متت دفنوني
ــــــــــــــــــــ
الشاعر محمد حسن ضيغم
~~

بصوت. مسلم المطيري

الخاطر الله بهل العشگ خلوني

كلمات الشاعر
محمد حسن ضيغم

𝒎𝒓. 𝒂𝒍𝒊 𝒂𝒍-𝒋𝒂𝒃𝒓𝒊:
استشهاد الرسول (ص)


رايح.. يا فرحت روحي. وبلسم لجروحي.
وكل احلامي
رايح.. ياشمعة عيني.. بغربه تخليني.
هواي الامي
عني من تغيب
جرحك مايطيب
.....................

الزهره اني . والله بويه. موسهل هذا البُعد
بگلبي يجرح. واني ادري. بعد ليه ماترد

عفت بنتك فاطمه بدنية اذيه
بويه گلبي ينعصر كل مغربيه
منهو يستأذن يدك بابي عليه
الناس ماترحمني ياسيد البريه

بويه.. غمضت عيونك.. كبالي ايشيعونك
يابو الزهره
بويه.. حاجيني مروتك.. خل اسمع صوتك
گلبي تكسره
بنص روحي اللهيب
جرحك مايطيب
........................

نور وجهك.. غاب عني.. ونفتح باب الحزن
شلون اودعك.. بيمن ابدي.. وروحي لعيونك تحن

انته شاهد بويه لجروحي وعذابي
نار گلبي تصير باجر نار بابي
كلهه شمات ويفرحون بمصابي
مايراعون النبي وحرمة حجابي

داري.. منهه يحرموني.. ابجي يمنعوني
وذايب جبدي
داري..بنار ايحركونه.. وضلعي يكسرونه
وسطره بخدي
تعيشني بنحيب
جرحك مايطيب
...........................

شوف حيدر.. بويه حاله.. تغير وحيله انهدم
عله فراكك.. كوه يمشي.. وجدم يعثر بالجدم

الليله بفراكك علي الله اليعينه
قالع احصون الكفر ترجف يمينه
ماكطع نوحه ولا بطل ونينه
حزام ضهرك ضل غريب وتجري عينه

ذابل.. بغيابك ذابل.. يابويه وناحل
قالع خيبر
ذابل.. ومتغير لونه.. وكوه يكومونه
لامايكدر
ينده يالحبيب
جرحك مايطيب
.......................

حسين هذا.. ايسيل دمعه.. وشابج العشره بقهر
منهو غيرك.. بعد بويه.. ايشمه ويبوس النحر

يالحنين وبعد شيعوضه حنانك
بكل گلب يابويه ضل خالي مكانك
بكل مكان وكل وكت سيد زمانك
اذن اذان الحزن من راح امانك

روحي.. منك محرومه.. وضلت ملجومه..
غيابك حيره
روحي.. اذاهه مصابك.. ودعت احبابك
ضلمه الديره
يالنورك عجيب
جرحك مايطيب
..................

بكسر گلبه.. ينوح يمك.. والعيون شكد بجن
اينادي جدي.. رد عليه.. جبدي ذاب انه الحسن

اهل بيتك هاي حالتنه برحيلك
يامحمد هدلت امتون التشيلك
جنازتك مهيوبه يالماصح مثيلك
تلتقي هليله يالغالي بخليلك

ليلة.. موتك موسهله.. ياگلب يحمله.
اوداع الغالي
ليلة.. حزني ودمعاتي.. ووني وحسراتي
وهضمة حالي
بدلالي يصيب
جرحك مايطيب


محمد هادي العقابي

بصوت. مسلم المطيري

رايح. يافرحت روحي

كلمات الشاعر
محمد هادي العقابي

بصوت. مسلم المطيري

ولا مـــــال   :   عليك أنعــى العمــــر كلـــــــه     ولا مال
                   ودربكـــــــم جدمي ماعافـــــه     ولا مال
                   بحبكــــم ما ردت سلطـــــــه     ولا مال
                   بس ردتك شـــــــفيع أتصيــــــــــر أليه

بســـــــــم   :    منـــو مثلك لعنــــــد الموت    بســــــم   
                  صبر والجبـــد وسفه أنمـــــرد   بســـــــم
                  نعى الناعي مصــــــابك فوك   بســــــم
                   يأبن المصطفــــى وخير البريــــــــــــة

موســـى    :  جرحني الزمـــن بيك وغرس    موســــى
               بدليلي وطور حزن الجـــرح     موســــى
               نعشك عالرؤس أنشــــــــال    موســـــى
               يا أبن جعفر أمـــــــام الرافضيــــــــــــــة    

**
شاعر أهل البيت
الشيخ عبد الحسين المنصوري

استشهاد الامام العسكري ع

……………………………………………………………


اليوم يندب كل موالي وجعفري
السلام اعله الامام العسكري
      وا اماماه •• وا اماماه

……………………………………………………………


السلام اعله الامام المنغدر
حتى للثلاثين ماجازي العمر
ورده ماتت وانجرح بيها العطر
عاشت ابليل وفلا شافت فجر

الحسن موسى وهمه گوم السامري
السلام اعله الامام العسكري
        وا اماماه ••وا اماماه

……………………………………………………………


يا امام و مقتلك اكبر جرح
صار سمهم سيف وانت المنذبح
ليل همه وانته مشراگة صبح
ماصخه الدنيه و رحل عنها الملح

كربلاء ابموتك اتعازي الغري
السلام اعله الامام العسكري
     وا اماماه •• وا اماماه

……………………………………………………………


الج يا سامره مشتاگ الگلب
بالبواجي البيت ابو محمد اطب
يا امامي الخلص عمرك بالغرب
انت عيسى ابوسط دارك منصلب

فدوه الك روحي ودليلي وناظري
السلام اعله الامام العسكري
     واماماه •• وا اماماه

……………………………………………………………


تسقط الملويه وي المعتمد
وعاشت الگبه الشريفه وللابد
اشجاب عنوان النعامه اعله الاسد
ابو محمد سيف ماشاف الغمد

اسمه اية موت لمن ينقري
السلام اعله الامام العسكري
    وا امامام •• وا اماماه

……………………………………………………………


السلام اعله الامام و دمعته
من ذكر جده السليب و ذبحته
طافحه الخيل بحوافر داسته
وثلث تيام الشموس الصهرته

ذكر عماته بهزايل تنسري
السلام اعله الامام العسكري
     وا اماماه •• وا اماماه

……………………… .…………………………………


السلام اعله الامام و عل الابن
المهدي لفراگ الابو يبجي و يون
زغير ما شابع دلال و لا حضن
توم وي المهدي مولود الحزن

والهموم تبيع بيه و تشتري
السلام اعله الامام العسكري
وا اماماه ••وا ماماه

……………………………………………………………


السلام اعليك و اعله السيده
نرجس الحره الجليله الخالده
مثل مريم هي اميره ومسعده
لان للموعود  هي الوالده

شما تريد الباري ويگلها ابشري
السلام اعله الامام العسكري
      وا اماماه •• وا اماماه

……………………………………………………………
✍️ ( سيد خضر الزاملي )

بصوت. مسلم المطيري

اليوم يندب كل موالي وجعفري

كلمات الشاعر
سيد خضر الزاملي

🏴  شهادة الإمام أبي محمد الحسن بن علي الزكي  العسكري(ع) 8 ربيع 1 سنة 260هـ مسموماً في السجن على يد المعتمد اللعين، وله من العمر 28 سنة، ‏وقد دُفن في بيته بمدينة سامراء بجوار أبيه الإمام علي الهادي(ع)
أعظم الله أجورنا وأجوركم .
⬛️◼️القصيدة-1-◼️⬛️

إن ضِقتَ ذرعاً والبلاءُ دَهاكا
            والدهرُ في نصلِ الهمومِ رَماكا
أُقصُد لسامِرا وعَجّل نحوَها
               كيما  يزولَ الكربُ مِن  بَلواكا
فالقبةُ البيضاءُ عانَقَت السَّما
              كالشمسِ يُحيي نورُها الأفلاكا
ولَئِن أصِبتَ بعلةٍ بادِر لها
              فهُناكَ  عندَ  الهادِييّنِ  شِفاكا 
فيها الزكيُ العسكريُ ووالدُ
            المهديِِّ  فاطلُب  آنذاكَ  قِراكا
وهوَ الوصيُ خليفةُ الهادي بهِ
              وبفضلهِ الباري الجليلُ  هَداكا
ومعاجزٌ ظهرَت لهُ قد أذهلَت
                 كلَّ  العقُولِ  وفاقَتِ الإدراكا
لكنَّ  حِقدَّ  الظالمينَ  أضَرَهُ
             لعنَ    الإلٰٓهُ    الباغيَ    الأفاكا
كم مرةٍ ذاقَ السجونَ وشايةً
              لِدماهُ  رامُوا  حينَذاكَ   سِفاكا
ويلٌ لِمعتَمدِ الخيانةِ غالَهُ
                  وسَقاهُ  سِراً  سُمَّهُ  الفَتاكا
إذ فَتَّ أحشاءَ الإمامِ وهكذا
                 يَقضي  غَريباً نائِياً مِن ذاكا
وعليهِ بالأحزانِ ناحَ ملائِكٌ
              وكذا السمآ قد أظهرَت إرباكا
والحجةُ المهديُ نادى يا أبي
             نفسي وكلُ  العالمينَ  فِداكا
ياوالدي أفجعتَني وبِوَحدَتي
           سأظَّلُ طولَ العُمرِ في ذِكراكا
وأنا اليتيمُ بِغُربةٍ بينَ العِدا
        أشكوُ الفراقَ وكيفَ لي أنساكا !     
حتى المعادِ لأُحيّيَنَ مآتِما ً
           تَبكي الحسينَ و حينَها  أنعاكا

#سمير_الصالحي
#النجف_الأشرف

بصوت. مسلم المطيري

أن ذقت ذرعا والبلاء دهاكا

كلمات الشاعر
سمير الصالحي

((أين الطالب بثأر العسكري))


طـال الـصـبـر طـال الـزمـن
يـمته الـفـرج يبـن الـحسـن

مـسمـوم أبـوك الـليـلـه
أرض وسمـه تـبـچـيـلـه

*---------------------*--------------------*

الليله مسمـوم الـحســن حُـجت زمـانـه
أجـاسـرو أهـل الـحـقـد وأهـل الخـيانـه
فـرحـت اگـلـوب العـده واحنه بـعـزانـه
يــمـتـه تــظـهـر سـيـدي وتـرفـع لـوانـه

بـسـم وقـتـل خـلـصـو هـلـك
غـيـر الــدمـوع أشـضــل ألـك
صــعــبــه الـعـزيـز أتــشــيـلـه

*---------------------*----------------*

ودعـت بـيـهـه الأبــو هـاي الــمـسـيـه
ومـحـد ويـاك الـبـچـه بـدمـعـه جـريـه
صاحب الثـار وتـضل صـاحب قـضيـه
بـسـيـفـك أتـذل الـعـده يـبـن الـزچـيـه

انـشـم عـطـرك بعطر الورد
ثــار الأبــو بـــيــدك يـــرد
الـلـيلـه الـحسـن تـغسيـلـه

*---------------------*------------------*

والـدك چـبـده انـمـرد وانـتـه تــنـظـره
گـلبـك أشـكبره يمهدي وبـاقي صـبـره
صـعـبـه وسـنـين أنتـظارك كـلهـه مـره
يـجرح الماضي جـفـونـك مـن تـذكـره

كـســرك فـلا مـثـلـه كـسـر
بكل ذكـره مسمـوم ويسـر
المثلـك تـره أشـنـحـچـيلـه

*-------------------*------------------*

اعـرف اجـروحك دمـه تـنـزف بـعدهـه
سيـدي صـعبـه المصايب مـن أعـدهـه
أشـكم مصيبه أشـكم رزيـه شاهـدتـهـه
فـرحه مـاكـو بـس دمـوعـك عاشرتـهـه

بكـل ذكـره مـجـلس ينـصـب
جـبـت العـمـر جـفـنك يـصـب
بــيـده الــدفــن خــلـيـلــه

*----------------------*-------------------*

بـغـيـبـتك بـس الـدمـع عنـدك وســيلـه
نـدري شخصـك بـالحـزن ذايب دلـيـلـه
الـلـيلـه نـعـش الـعسكري أنـتـه تـشيلـه
يـاهـو ويـاك ارتـفـع صـوتــه وعـويـلـه

بـچبـده أنـگطـع عنـدك علم
الـيـدفـن ابـو يـدفـن حـلم
الـسـمّـه بـحـقــد يــويـلـه

*----------------------*------------------*

تـاخـذ بـثـاره يـمـهـدي گـلـي يـمتـه
تـدري مسموم الحسـن لمـن دفنـتـه
يمته تگطـع چـف الـمّگـطـع چـبدتـه
ننـتـظر ساعت ظهورك تـعلـن انـتـه

ادري  الـدفـن بـيده محـب
يگضي العمـر نـوح ونحب
يــبـقـه الــدمـع وسـيـلـه

*-----------------------*------------------*

✍خادم الامام العسكري ع
الـشـاعـر رعـد الـجـريـخـي