بصوت. مسلم المطيري

اليوم المدينه مظلمه

كلمات
الشاعرة ام حسين الحلفي
الشاعرة. ام سجاد الشهيد
الشاعرة ام زين العابدين المحمداويه
الشاعرة ام زينب الاسدي
الشاعرة ام رحمه
الشاعرة. زهراء غالب الثامري
الشاعرة. أم محمد علي الشيباني

قصائد رسول الله الاعظم (ص واله)


الله ويــــــاك.   يبويه.   الله ويـاك
الله ويــــــاك.   يبويه.   الله ويـاك

الدنيه ماتسوه يغـالي     وشخــصك ايضمه الثره
والـــف هنياله اليـعيش     ويــــاك دنيه اواخره
زاكــــيه انفاسك ي طه.      بعـــطر ربها امعطره
ومن جمالك حلوه صارت.   حتى گــاع المكبره

وكلنه ننعاك     يغالي .  كلنه ننعاك
خذنه وياك.  حبيبي. خذنه وياك  

لبس بيت الله سواده     توشح بثوب الحـزن
وانبيــــاء الله نـزلت.     وي لطم صدري تون
الفقره كلها صيح بويه.    ضاع من عدنه الوطن
والحسين يسيل دمعه.      ويندب اگباله الحسن

من فكدناك.    ولونه.  من فگدناك
محله ملگاك.   نذكره   محله ملگاك

ليث هاشم شاب راسه     وشتعل من روحه نار
والك رايه تنوح يمه.      ويندبك سيف الفقار
واني كل عمري وحياتي       ماشفت مثل الصار
علي حيدر شگ قميص      ويلطم گبال الزغار

يصرخ الواك.  اعله كبرك    يصرخ الواك
ولوحي هناك   تحــــير     ولوحي هناك

صعد صوته اعله المـناره.     واذن بنوح وقـهر
وموش بس كلب اليحبك   حتى عرش الله انفطر
يـــــــامحمد  صاح حيدر.      اسـكن وياك الـگبر
الدنيه ماتسوه بغــيابك.       شلي بعدك بالعمر

كلنه نفدك    ينادي   كلنه  نفداك
ارحل وياك.  اخذني.  ارحل وياك

بويه وانه اخلاف عينك    كسر ضلوعي الرجس
وكمت اتحسر يبويه.   الگعده من كعدات امس
چان ماينشاف طولي.   ومالمح ضلي انس
وهسه كلها تحيط بيه.    ومتني مل من الرفس

الجانوا اوياك.    ولوني     الچانو اوياك
كلهم اعداك.     تبين         كلهم. اعداك


خادم الزهراء ع ابو احمد الطائي

بصوت. مسلم المطيري

الله وياك يبويه الله وياك

كلمات الشاعر
ابو احمد الطائي

لطميه. ثكيله للحسين ع

حرم ويتام.  جفن مينام
كلها اصيح يحسيني

💧💧💧💧💧

حرم ضلت   بلا والي
ها يحسيني  يالغالي
خويه مدوهنه حوالي
وانه اتغطيت بحزاني
حرم ويتام.     جفن مينام
💦💦💦💦💦💦
انه الضليت اهل دمعي
عله خواني و عله ابني
ضلت صورته بذهني
ينور العين يحسيني
حرم ويتام.    جفن مينام
💦💦💦💦💦💦
مشت مسبيه هالنسوان
مهمومه وكلب حيران
وتضل مستعره  هالنيران
يخويه ما تحاجيني
حرم ويتام.   جفن مينام
💦💦💦💦💦💦

مشينه دروب يابو دروب
وعيني مشبحه عله البوب
صبرت انه صبر ايوب
وكلام الناس يجرحني
حرم ويتام.      جفن مينام
💦💦💦💦💦💦
ضحايه مسلبه الهدوم
وروس امعلكه هليوم
وعليكم حيلنه مهدوم
بحيره شلون خلوني
حرم ويتام.    جفن مينام
💦💦💦💦💦💦

✏ بقلم خادمة الحسين 💦
      *هيلين*الساعدي💦

خادمة اهل البيت هيلين الساعدي
كتابه القصائد الحسينيه.

بصوت. مسلم المطيري

حرم وايتام


كلمات الشاعرة
هيلين الساعدي

قصيدة أستشهاد سيد الكون سيدي ومولاي أبا الزهراء محمد صلى الله عليه وعلى آله


دفنوني وياه شلون أحمل الآه
خلوني يمه وخل أشمه وأبچي سكته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

أنـه صغـيـره والـهـجـر مـابـيـه حيله
والـدللانـي اليـوم رايـد يـگضـي ليله
وين آنه أشوفه ومن زماني أشتكيله

يضل گلبي يشتاگ ياذيني الفراگ
متعوده أشبگه وجفني أطبگه لو شبگته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

گولولـه فاطمة الزچيه أحچايـه عدها
ذيـج الليالي الحلـوه گـلولـه أشيـردها
يرضه بمكان البوسه دمعات أعلخدها

كل عمري أوياه مو سهله وأنساه
كل ذكرى منه بصدري ونه من خسرته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

راح أدفن الفرحه ودلالي أبيت الأحزان
ومن أرجع بآه ودليلي يرد خسران
ثوب أسود مطرز خساره ويبقى نيشان

مو سهله عالروح من والدي يروح
وأصبح يتيمه والهضيمه يموت شفته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

مـو غالي عمري چان أبويه هوه غالي
عود آنه أودعه ماخطر يـوم أعله بالي
أبچي أعله حاله لو بعد أبچي اعله حالي

يابويه مسموم ومتغيره الرسوم
ويـوصي بيـه والمـنيـه بسرعه أجـتـه
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

ويلي أعله گلبي لو طفح شوگي وحنيني
وسنيني من تخلص عذاب ومايجيني
لو حرگوا الباب وأجت صطره أعله عيني

من يخلص اليوم من باچر الگوم
ينكشف سرها وكل غدرها إلي علمته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

للشاعر الحسيني علي القريشي

بصوت. مسلم المطيري

دفنوني وياه

كلمات الشاعر
علي القريشي

قصائد رسول الله صل الله عليه وآله وسلم
طور اهوازي  حال الزهراء ع وابيها  (ص واله)


گعدت يم ابوهه تنوح وتجري ادموعهه الزهره
وتگله بعدك انه انظام  وحيدر ينكسر ظهره

يبويه اسمع حجي بالناس تتحالف على هضمي
وما اخفي عليك الخوف يبس مهجتي او دمي
اشوف الناس موجن ناس وحوش وتنهش بالحمي
وخايف كلبي مني تروح وعدوك يجهر ابشره

يبويه اتخيل البسمار باجر يكسر اضلوعي
ومن حزني الك فريت وجيتك طافحه دموعي
دفك عينك يبويه وگوم وهدي بشوفتك روعي
انه ام الحسن انخاك ودري الينتخي تحضره

گوم اگعد وشوف الناس خلولك حطب عالباب
وانه اولدي صرنه أيتام وغربه ومالناش اصحاب
وين الجــــــــــــانت اتودنه خيـــرهم طلع جذاب
ويثرب عــــــــاودت للجور وفز الشرك من كبره

جن تابوت مهد ابني يبويه اتخيليته اليوم
ومحسن حضرتله ثياب بس كلبي عليه ملجوم
يابويه الحسن يمك شفته  مكدر ومهموم
وذابحني ونين احسين يبجي ودمعته حمره

زينب لايذه بكتري وچن باجر يلوعوهه
وطلعت روحه من الخوف خافت لايسلبوهه
بوداعك يبو الزهره جن اخوتهه عافوهه
وهذا اول وكت عالراس زينب تشبچ العشره

يبويه وحيدر بدونك وحيد وماأله عوان
مثل احسين بارض الطف من ايضل بلايه اخوان
وصيتك باجر اجتفه وعليه تتكالب العدوان
وباجر تحترك داره مثل خيمتنه المجمره

خادم الزهراء ع ابو احمد الطائي

بصوت. مسلم المطيري

گعدت يم ابوهه اتنوح
وتجري ادموعهه الزهره

كلمات الشاعر
ابو احمد الطائي

_*انه العزيزه*_ 💔😭


_*انه العزيزه فاطمه ... انه الحبيبه*_
_*غمضت عينك ونفتح ... جرح المصيبه*_
_*شحجيلك وضاع الهوه*_
_*وماينفع اوياه الدوه*_
_*جرح المصيبه ... جرح المصيبه*_

📌📌___

يالأغله عندي من النفس .. يابويه احس عودي يبس .. جيث انته مايه

وانتهى عمري بروحتك ... ياريت أغيب بغيبتك ... قبل الرزايه

شرايد يراويني الزمن ... وفراقك ابهاي المحن ... هو البدايه

باب المصايب ينفتح ... والجرح من بعده جرح ... واحنه الضحايه

هاي انه روحك فاطمه وهذا انته روحي
وكل يوم بويه غيبتك تكبر جروحي

هيهات مانلتم سوه ... وما ينفع وياه الدوه ... جرح المصيبه

📌📌___

فبرك اترابه مانشف... وفلان اجه ابابك واكف ... والنيه سوده

بالنار يحرك منزلي ... ويصيح طلعيلي علي ... حشم جنوده

يمي وصل ذاك الجمر ... ياوالدي وذاك الخدر ... داسوا حدوده

ضليت الوب وحايره ... وهذا وصيك حيدره ... الخانوا عهوده

بالباب يابويه لذت خاطر حجابي وبقوته الظالم اجه يدفع ابابي

نيرانهم وجهي انجوه ... وماينفع وياه الدوه ... جرح المصيبه

📌📌___

يابويه بلوه بلوتي ... الدخان تارس ريتي ... وظالم يجيني

والباب كل ماينطبق ... يسمع ضلع مني يطق ... يسمع ونيني

بويه طحت وابلا نفس ... الملعون مد رجله ورفس ... اسقط جنيني

ماأدري اسولف ياألم ... عالخد لطمني ابلا رحم ... دم تجري عيني

شمااقوم اطيح من الألم ويسيل دمي
والمحسن ابلايه نفس مطروح يمي

عودي مثل عود التوه ... وما ينفع اوياه الدوه ... جرح المصيبه

📌📌___

اخذو علي وانه قمت ... لكن من اضلوعي طحت ... ماعندي قدره

اتوجه عالحايط صرت ... كوه على طولي اوقفت ... وابقلبي حسره

ناديت وادموعي اتهلي ... ياقوم خلوا علي ... واجروحي كثره

قنفذ رجعلي بالدرب ... تولاني يابويه ضرب ... سطره اعله سطره

من كثر ضرباته طحت فوق الوطيه
ومن ذاك سوطه شاقفت بثنين أديه

بكسرت ضلع جسمي هوع ... ماينفع اوياه الدوه ... جرح المصيبه

📌📌___

ياوالدي هوايه الحجي ... منعوني حته من البجي ... وانه الحزينه

قالوا ولجمولي القلب ... خلي تنوح وتنتحب ... بره المدينه

الشجره الجنت بيها استظل ... قطعوها غايتهم يمل ... قلبي ونينه

بويه اسكنت بيت الحزن ... وعليك كل ساعه تون .... روحي الحنينه

بتراب قبرك سلوتي يوميه اشمه
بكل نفس ياوالدي لجروحي لجمه

بتراب مدفون الضوه ... وما ينفع اوياه الدوه ... جرح المصيبه

📌📌___

احسب احساب وانتظر ... موتي ويخلص هالعمر ... بويه واجيلك

واتشوف خدي المنصفع ... وامن الكسر هذا الضلع ... ارد اشتكيلك

أيامي من بعدك غفه ... ألم اقعد ألم ... يذبح رحيلك

وحشه اليالي ومظلمه ... وتصيح بنتك فاطمه ... ضمني بدليلك

بس النفس ظليت انه محسوبه ميته
والموت صاير طلبتي ومنتظره جيته

وياك كل عمري انطوه ... وماينفع اوياه الدوه ... جرح المصيبه

📌📌___

الشاعر .. وسام الشويلي

بصوت. مسلم المطيري

انا العزيزه فاطمه انا الحبيبه

كلمات الشاعر
وسام الشويلي

بصوت. مسلم المطيري

وداعا يامحمد والدي


كلمات الشاعر
مرتضى مگطوف الموالي

مايطيب العلي خاطر  -- وأنته منه تروح باجر
                            يارسول الله تـــره حكي بجيت
                            أخو ماعندي عله الأخ نتجيت
            -------------------------------------------------------------
1= يــبو القاسم  الله قـــاسم  أنه وأنـــته نــفـترك
      الفركه مره وأنته يمي شلون لو صارت صدك
      لـــو بجفي الحرك سهله كلـــبي  باجر  يحترك
      وأنه من هــسه أحسه نفـــسي ما ضل  ينشهك

      *** يافــراك أخـــر عــشكنا  --  روج عالي وبيه غـركنا
                        حيلي يمشي وياك باجر لو مشيت
                        أخو ماعـــــندي عله الأخ  نتجيت
  






2= يبو  الزهره  الزهره  تذبل  من  تضل  بلا  أبو
      وأنته عايف  فاطمتــنه  وحيدرك  ماعنده   أخو
      جا  شـكــل  الحسنينك  عله  جدهـــم  لــو   بجو
      بلا حرب هجرك كسرني  غــــيبتك  أصعب  عدو
 
      ****  أنته أغلى أنسان عدهم  --  خــــــيمه  لمتهم  وجدهم
                          مثل حال السعف باوعلي نحنيت
                          أخو  ماعـــندي عله لأخ  نتجيت
      ------------------------------------------------------------
3=  طــير  كلبي  ونزل  خويه مـــن زمان  بساحلك
      شاف روحه  مـــــن اليــتامه  وكتـله  طه   يدلك
      شلون باجر مــــــن أدفـــــنك  راح  أدخل  منزلك
      ريت  أموت  أنه  بمــــكانك  وبحياتــــي  أستبدلك
     
      ***  من تهاجر شني ضلتي  --  بالضلع  تلهب  جمرتي
                       ضايع  وماعندي أهل بعدك بقيت
                       أخو  ماعندي عله الأخ  نتجيت


  4=  شنهي وضعي  وأنته  باجر  ماتجــيلي  المنزلي
        أتـيـتم  أولادي  بـــرحيلك  طه   وتـــــيتم   علي
        بديـــنك أول  مــــؤمن  أنه  وأنته  أول  أب  ألي
        أعترف  حربي  أخسرتها  وصبح  هجرك  قاتـلي
        ****
              واضح بوجهي نكساري  --  صرختي يسمعها جاري
                           أنته ماي  ولسه منك مارويت
                           أخو ماعندي عله الأخ نتجيت
        --------------------------------------------------------------
  5= بعـــد  منهو  بوجه  أبــــني  طه  غـيرك  يبتسم
       أيكعــــده  يمه ويلزم  أيــده ساعه  وبنحره  يشم
       من تـغــمض فـــــوك راسي  أدري  بيتي   ينهدم
       الما  يهـــزمه  السيف حكه كـــبال  موتك   ينهزم
       ***
            روحي بوداعك  غريبه   --  بعدك وهاي  المصيبه
                       روح من حيدر تره بهجرك خذيت
                       أخو  ماعــندي  عله الأخ  نتجيت  
      الخادم عبد الجليل المالكي ******

بصوت. مسلم المطيري

مايطيب العلي خاطر

كلمات الشاعر
عبدالجليل المالكي

طفه ضيهه المدينه .. عله مصابك حزينه
صعب فگدك علينه .. يوالدنه او نبينه
☆☆☆☆☆
عساهه تنفني الدنيا ولنشوف
جسمك بالچفن يالهادي ملفوف
ومن شيّعو نعشك فوگ الچتوف
صفگنه بغيبتك راحات الچفوف
رِسَم يالهادي فگدك .. ضياع الامّه بعدك
بحزن نحنه وبچينه .. يوالدنه ونبينه
☆☆☆☆☆
مثل مجرى النهر تتماوج العين
عگبك يامحمد نلتجأ وين
غصّو فاطمه وحيدر بالاونين
وزينب والحسن يبچون وحسين
بألم صاحو دخيلك .. تيتَمنه برحيلك
وسف نصفج بدينه .. يوالدنه ونبينه
☆☆☆☆☆☆
ملائكة العرش نصبت عزائات
الكره الارضيّه حزنت والسماوات
من سمعن محمد ياوسف مات
انرسمن عالنعش يالهادي مآسات
بغيابك چم مصيبه .. على العتره النجيبه
تظل للهم رهينه .. يوالدنه ونبينه
☆☆☆☆☆☆
الزچيه بضعتك دمعتها طوفان
وحيدر شيّدلها بيت الأحزان
لمصابك تون ياسيد الأكوان
محنيّه اعله فگدك حنو الاغصان
گلبها بجمره ذايب .. الك تشكي المصايب
وظلم اهل الضغينه .. يوالدنه ونبينه
☆☆☆☆☆☆
عله گبرك تهل فاطم دمعها
تشكيلك الم كسرة ضلعها
ويا ظالم عله خدها صفعها
يضربوها وطبع ورده طبعها
الدار وحرگت الباب .. وهَجْمَت ذيچ الاصحاب
اللعين شسوه بينه .. يوالدنه او نبينه
☆☆☆☆☆☆
كسر ضلع الزچيه الهدّم الحيل
صار أصل الحزن والآه والويل
باچر بالطفوف اتعاود الخيل
يطحنن صدر ابنها طحنة الهيل
وعلى ذاري الترايب .. يذبحون الحبايب
ابو اليمه وبنينه .. يوالدنه ونبينه
☆☆☆☆☆☆
حيدر بشار الدراجي

بصوت. مسلم المطيري

طفه ضيهه المدينه

كلمات الشاعر
حيدر بشار الدراجي

بصوت. مسلم المطيري

#أبوذيات

على فراكك ندور العون - عيناي
الكلب من الضلوع يجيك - عناي
وعد مني لوشل ماي - عيني
لحد ما موت لو تلحك عليه

على الباب الدهر لوحات - لــون
المصايب  حيل  للإضلاع - لـــون
بيوم الراح  ابوي وصحت - لاوين
عگبك يحترگ بيتي عليه
__
🖊#_الشيخ_حيدر_الحميداوي

#اللهم_عجل_لوليك_الفرج

فاطمة الزهراء تناشد و ترثي أباها رسول الله صلى الله عليه واله وسلم



لانرحل يا ابي لاترحل
لاترحل يا ابي لاترحل



ياشمس دنياي يمضوي حياتي
لو مشيت استعجلت بعدك مماتي
ادري بويه احلامي انت وامنياتي
اعلنت في روحتك ساعة وفاتي

لاتذبل وردتي لاتذبل
لانرحل يا ابي لاترحل
*--------------*------------*---------------*
كتبت الدنيا علينا الفركه كتبت
المصابب وحده وحده اعلينا حسبت
يامحمد فاطمه بفيك نربت
باجر انياب الخيانه بجفها تنبت

تتبدل حالتي تتبدل
لاترحل يا ابي لاترحل
*-------------*------------*---------------*
لانخليني وراك ويبدي الغياب
الدنيا ماتسوى يبويه بدون الأحباب
أنا ادري الدنيا وحشه وبيها طلاب
بس تغيب وراح يطلع يلزم الباب

يتمرجل عالنسا  يتمرجل
لاترحل يا ابي لاترحل
*-------------*--------------*----------------*

انت تدري لو رحت يتغير الحال
تدري بنتك فاطمه يظلموها الانذال
لا وصيه ولا ارث نكروها الرجال
بالقرابه وصيتك لا اجر لامال

مايندل سنتك مايندل
لاترحل يا ابي لاترحل
*---------------*-------------*-------------*
تاملت ماترحل وابقى بدلالك
وابقى اعيشن بالمحنه وبجمالك
تالمت من الصحابي بناره جالك
فاطمه يروعها ويروع عيالك

اتامل غربتي اتامل
لاترحل يا ابي لاترحل
*---------------*---------------*--------------*


محمد دعبل النوري

بصوت. مسلم المطيري

لاترحل يا أبي لا ترحل

كلمات الشاعر
محمد دعبل النوري